ខេមរ: សិរីមន្ត ថា ផលិតផលគ្រាប់ស្វាយចន្ទីរបស់ខ្លួន ផលិតឡើងដាក់លក់ទាំងទីផ្សារក្នុង និងក្រៅស្រុក

ដើម្បីចូលរួមចំណែកក្នុងចក្ខុវិស័យលើកស្ទួយសេដ្ឋកិច្ចជាតិ តាមរយៈការពង្រីក និងគាំទ្រផលិតផលខ្មែរ ឧកញ៉ា ខេមរៈ សិរីមន្ត បានបង្កើតម៉ាកផលិតផល ស្វាយចន្ទី ខេមរៈ សិរីមន្ត ដោយមិនត្រឹមតែមានបំណងដាក់លក់លើទីផ្សារក្នុងស្រុកប៉ុណ្ណោះទេ ក៏ពង្រីកការលក់លើទីផ្សារក្រៅប្រទេសផងដែរ។

ក្នុងគោលបំណងនេះដែរលោក ខេមរ: សិរីមន្ត ក៏បានធ្វើការអំពាវនាវដល់មហាជននិងអ្នកគាំទ្រពិសេសប្រ ជាពលរដ្ឋខ្មែរទាំងត្រូវរួមគ្នាថែរក្សានិងគាំទ្រផលិតផលក្នុងស្រុកដែលជាអត្តសញ្ញាណជាតិខ្មែរបង្កើតឡើងដោយស្នាដៃកូនខ្មែរ។ នេះជាការបង្ហាញនូវឆន្ទ:ក្នុងការលើកកម្ពស់ផលិតផលខ្មែរនិងក៏ជាចូលរួមការលើកទឹកចិត្តចំពោះប្រជាពលរដ្ឋខ្មែរដែលជាអ្នកផលិតនិងកសិករផងដែរ។

តារាចម្រៀង ខេមរ: សិរីមន្ត បានបញ្ជាក់ឲ្យដឹងថា “លេងអុកហូបតែក្លែមគ្រាប់ស្វាយចន្ទី»ដើម្បី គាំទ្រកសិផលខ្មែរនិងផលិតផលខ្មែរខ្ញុំបានសម្រេចបង្កើតប្រេនស្វាយចន្ទីខេមរៈសិរីមន្ត ដើម្បីដាក់លក់លើទីផ្សារក្នុងប្រទេសផងនិងក្រៅប្រទេសផងដើម្បីរួមចំណែកកុំឲ្យចោរសៀមមើលងាយជនជាតិខ្មែរយើងបានតទៅទៀត”។

កំពូលតារាចម្រៀងរូបនេះកន្លងទៅក៏បាននិយាយដែរថា កសិកម្មផលិតផលខ្មែរ ដើម្បីសេចក្តីសុខសុវត្ថិភា ពប្រជាជន។តាមរយ:ស្មារតីនេះដែរគឺត្រូវអ្នកគាំទ្រជា ច្រើនយល់ថាជារឿងដ៏ល្អខ្លាំងណាស់សម្រាប់មហាជនទូទៅដែរ គួរតែនាំគ្នាគាំទ្រស្នាដៃរបស់ខ្មែរដើម្បីលើកទឹកចិត្តដល់អ្នកផលិតនឹងប្រជាកសិករ។

គួរបញ្ជាក់ថាក្នុងរយ:ពេលប៉ុន្មានឆ្នាំចុងក្រោយនេះអា ជីវកម្មដែលមានស្លាកយីហោជាសមិទ្ធិផលសាង​ដោ យ​ស្នាដៃ​កូនខ្មែរ​ផ្ទាល់​មានការ​កើន​ឡើង​ជាលំដាប់ ​និង​ទទួល​បានការ​គាំទ្រ​ពី​ប្រជាជន​ខ្មែរ​មិនចាញ់​ផលិតផល​បរទេស​។ ​ប្រាកដណាស់ការគាំទ្រផលិតផលក្នុងស្រុកគឺបានជួយដល់ការលើកស្ទួយអត្តសញ្ញាណជាតិលើកមុខមាត់ស្នាដៃរបស់ខ្មែរលើកតម្កើងតម្លៃផលិតផលក្នុងស្រុក និងជួយបង្កើនឱកាសការងារដល់ប្រជាជនក្នុងទៀតផង៕ ចាន់រ៉ា