តាមការផ្សាយរបស់ BBC នៅថ្ងៃអង្គារ ទី២៨ ខែមេសា ឆ្នាំ២០២៦ ខ្មាន់កាំភ្លើង ត្រូវចោទប្រកាន់ពីបទ៖ ប៉ុនប៉ងធ្វើឃាតប្រធានាធិបតីសហរដ្ឋអាមេរិក, ដឹកជញ្ជូនអាវុធឆ្លងរដ្ឋ ក្នុងគោលបំណងប្រព្រឹត្តបទឧក្រិដ្ឋ និងការបាញ់បោះ អំឡុងពេលប្រព្រឹត្តអំពើហិង្សា។

យ៉ាងណា Allen មិនទាន់សារភាពទោសកំហុសទេ ខណៈចៅក្រម បញ្ជាឲ្យបន្តឃុំខ្លួនរូបគេ រង់ចាំសវនាការស្ដីពីការឃុំខ្លួន ដែលគ្រោងធ្វើឡើងនៅថ្ងៃព្រហស្បតិ៍នេះ។

ឯកសារតុលាការ និងមន្ត្រីមកពីក្រសួងយុត្តិធម៌ បានឲ្យដឹងថា នៅម៉ោងប្រហែល ៨:៤០នាទី យប់ថ្ងៃសៅរ៍ (ម៉ោងនៅអាមេរិក), Allen បានសម្រុកឆ្លងកាត់ម៉ាស៊ីនស្កេនសន្តិសុខ នៅចំណុចត្រួតពិនិត្យសុវត្ថិភាព លើជាន់មួយនៃសណ្ឋាគារ Washington Hilton ដែលស្ថិតនៅមួយជាន់ ពីលើសាលពិធីជប់លៀងធំ។

តាមសេចក្តីរាយការណ៍ Allen មានប្រដាប់ដោយកាំភ្លើង Shotgun, កាំភ្លើងខ្លីពាក់កណ្តាលស្វ័យប្រវត្តិ និងកាំបិតចំនួន ៣ដើម។ ភ្នាក់ងារម្នាក់ ត្រូវបានគ្រាប់កាំភ្លើងបាញ់ត្រូវចំទ្រូង ប៉ុន្តែបានអាវក្រោះសង្គ្រោះជីវិតរបស់គាត់។

កងកម្លាំងអនុវត្តច្បាប់បានបាញ់តបតវិញប្រហែល៥គ្រាប់ ហើយទោះ Allen មិនត្រូវគ្រាប់ ប៉ុន្តែរូបគេ ត្រូវបានកងកម្លាំង ស្ទាក់ចាប់រុញផ្ទប់ឲ្យដួល រួចចាប់ខ្លួនបាននៅនឹងកន្លែង។

ក្រុមអ្នកស៊ើបអង្កេត បានបើកមើលអ៊ីមែលមួយដែល Allen ផ្ញើទៅកាន់គ្រួសារនិងនិយោជករបស់ខ្លួន ត្រឹមតែ ១០នាទីប៉ុណ្ណោះ មុនការវាយប្រហារ។ ក្នុងសារនោះ Allen ហៅខ្លួនឯងថាជា «ឃាតកសហព័ន្ធដ៏រួសរាយ»  ហើយប្រកាសថា វាគឺជា «កាតព្វកិច្ច» របស់លោក ដែលត្រូវកំណត់គោលដៅលើប្រធានាធិបតី ដូណាល់ ត្រាំ និងមន្ត្រីរដ្ឋបាលជាន់ខ្ពស់ដទៃទៀត៕

អត្ថបទ៖ សុខ សុវណ្ណ

The post ខ្មាន់កាំភ្លើង ប៉ងធ្វើឃាតលោកត្រាំ ត្រូវបានចោទប្រកាន់ ចំនួន ៣ករណី appeared first on Kampuchea Thmey Daily.

ការចាប់ខ្លួននេះដែរបានធ្វើឡើងកាលពីវេលាម៉ោង ១រំលងអាធ្រាតឈានចូលថ្ងៃទី ១១ ខែកុម្ភៈ ឆ្នាំ២០២៦ នៅចំណុចសណ្ឋាគារDV ផ្លូវ២ធ្នូ ភូមិ៤ សង្កាត់លេខ៣ ក្រុងព្រះសីហនុ ខេត្តព្រះសីហនុ។

លោកវរសេនីយ៍ឯក ម៉ម សាវ៉ន ប្រធានការិយាល័យនគរបាលព្រហ្មទណ្ឌកម្រិតស្រាល បានអោយដឹងថា ដោយទទួលបានព័ត៍មានរាយការណ៍មានករណីបាញ់ស្រ្តីម្នាក់ នៅក្នុងមូលដ្ឋានខណ្ឌចំការមន ភ្លាមៗ លោកបានចុះដឹកនាំដោយផ្ទាល់ ស្រាវជ្រាវជុំវិញទីតាំងកើតហេតុ រហូតដល់រកឃើញថា មុខសញ្ញាបានរត់គេចខ្លួន ទៅកាន់ក្រុងព្រះសីហនុបន្ទាប់ពីសកម្មភាពរួច។

លោកបានបន្តថា រហូតមកដល់វេលាម៉ោង១ រំលងអាធ្រាតថ្ងៃទី ១១ ខែកុម្ភៈ ឆ្នាំ២០២៦ នគរបាលព្រហ្មទណ្ឌកម្រិតស្រាល បានសហការ ជាមួយកម្លាំងជំនាញនៃស្នងការដ្ឋាននគរបាលខេត្តព្រះសីហនុ បានឃាត់ជនសង្ស័យចំនួន  ០១នាក់ នៅចំណុចសណ្ឋាគារDV ផ្លូវ២ធ្នូ ភូមិ៤ សង្កាត់លេខ៣ ក្រុងព្រះសីហនុ ខេត្តព្រះសីហនុ ។

ជនសង្ស័យឈ្មោះ ZHOU HAO RAN ភេទប្រុស អាយុ25ឆ្នាំ ជនជាតិចិន មុខរបរមិនពិតប្រាកដ  និង គ្មានលិខិតឆ្លងដែនហើយធ្វើតេស្តមានសារធាតុញៀន។

សមត្ថកិច្ចបានអោយដឹងថា វត្ថុតាងចាប់យកអាវុធខ្លី ម៉ាកK59 ចំនួន០១ដើម , ទូរស័ព្ទម៉ាក់ IPHONE ចំនួន 03 គ្រឿង និងកាតបន្ទប់ស្នាក់នៅចំនួន 01 សន្លឹក។ ចំពោះអាវុធខ្លីម៉ាកK59 ជនសង្ស័យបានយកទៅភ្លុងចោលនៅក្នុងកន្ត្រកដាក់សំរាម នៅក្នុងហាងបាយចិនមួយកន្លែងក្បែរកន្លែងកើតហេតុ  បន្ទាប់មក សមត្ថកិច្ចបានទៅរកឃើញ និងបានធ្វើកំណត់ហេតុចាប់យកដើម្បីចាត់ការតាមនីតិវិធី។

គួររំលឹកផងដែរថា កាលពី​វេលា​ម៉ោង​៨យប់​ ថ្ងៃទី​១០​ ខែ​កុម្ភៈ​ ឆ្នាំ​២០២៦ ​​ជនជាតិ​បរទេស​បានរត់​ចូលក្នុង​រថយន្ដ​តាក់ស៊ី​ជាមួយ​គូរ​ស្នេហ៍​មួយ​គូរ ​រួច​ដក​កាំភ្លើង​បាញ់​មួ​យគ្រាប់​បណ្ដាល​ឲ្យ​ត្រូវ​នារី​ស្រស់​ស្អាត​ម្នាក់​រងរបួស​ធ្ងន់​នៅមុខ​អគារ​ The Peak ស្ថិតក្នុងសង្កាត់​ទន្លេ​បាសាក់​ ខណ្ឌ​ចំការមន​ រាជធានី​ភ្នំពេញ​។

បច្ចុប្បន្នជនសង្ស័យខាងលើរួមនិងវត្ថុតាងបញ្ជូនមកការិយាល័យជំនាញព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនីតិវិធី៕ អត្ថបទ ៖ រដ្ឋា

The post សមត្ថកិច្ចប្រើពេល៥ម៉ោង ចាប់ខ្មាន់កាំភ្លើង បាញ់ស្រ្តីម្នាក់ នៅក្បែរអគារ The Peak appeared first on Kampuchea Thmey Daily.

តាមសេចក្តីរាយការណ៍របស់ RT នៅថ្ងៃទី១ខែមករាឆ្នាំ២០២៥, ខ្មាន់កាំភ្លើងឈ្មោះ អាឡិចសាន់ឌើ ម៉ាទីណូវិច (Aleksandar Martinović) បានទាស់សម្តីជាមួយភ្ញៀវផ្សេងទៀតនៅក្នុងបារ៍មួយ ឈានដល់ការផ្ទុះអាវុធ បាញ់រះសម្លាប់មនុស្សយ៉ាងរង្គាលតែម្តង រួចក៏ធ្វើអត្តឃាតតាមក្រោយ។

រដ្ឋមន្ត្រីក្រសួងមហាផ្ទៃម៉ុងតេណេហ្គ្រោ លោក Danilo Saranovic បញ្ជាក់ថា ក្នុងចំណោមអ្នកស្លាប់ ក៏មានសមាជិកគ្រួសាររបស់គាត់, ម្ចាស់ហាងនិងកូនៗ ហើយក្រៅពីអ្នកស្លាប់ នៅមានមនុស្ស៤នាក់ទៀត រងរបួសធ្ងន់។

តាមកំណត់ត្រារបស់ប៉ូលិស, ខ្មាន់កាំភ្លើងវ័យ៤៥ឆ្នាំ ក៏ធ្លាប់ត្រូវចាប់ខ្លួនដែរពាក់ព័ន្ធការកាន់កាប់អាវុធ ហើយសារព័ត៌មានក្នុងស្រុកបានចុះផ្សាយព្រោងព្រាតថា បុរសម្នាក់ម្នាក់នេះអាកប្បកិរិយាខុសប្រក្រតី។

ទោះបីជាយ៉ាងណាក៏ដោយ ប៉ូលិសកំពុងបើកការស៊ើបអង្កេតជាបន្តលើករណីនេះ ខណៈរដ្ឋាភិបាល បានប្រកាសកាន់ទុក្ខថ្នាក់ជាតិរយៈពេល៣ថ្ងៃ គិតចាប់ពីថ្ងៃព្រហស្បតិ៍ទៅ។

ជាមួយប្រជាជនជាង ៦៣ម៉ឺននាក់, ម៉ុងតេណេហ្គ្រោ ជាប្រទេសដែលសម្បូរទៅដោយកាំភ្លើង ក៏ព្រោះតែលំហូរអាវុធក្នុងអំឡុងពេលមានសង្គ្រាមកាលពីអតីត។

សូមបញ្ជាក់ថា នេះ​ជា​ការ​បាញ់​ប្រហារសម្លាប់រង្គាល​លើក​ទី​ពីរ​នៅទីក្រុង Cetinje ក្នុង​រយៈ​ពេល​បី​ឆ្នាំ ដោយកាលពីខែសីហាឆ្នាំ២០២២ ខ្មាន់កាំភ្លើងក៏សម្លាប់មនុស្ស១០នាក់ផងដែរ៕

អត្ថបទ៖ សុខ សុវណ្ណ

ចុចអាន៖ ទីបំផុត ជនសង្ស័យជាខ្មាន់កាំភ្លើង បាញ់សម្លាប់រង្គាលនៅអាមេរិក ត្រូវបានរកឃើញ ស្លាប់

The post ខ្មាន់កាំភ្លើងបាញ់សម្លាប់មនុស្សយ៉ាងរង្គាលនៅថ្ងៃចូលឆ្នាំថ្មី ក្នុងប្រទេស ម៉ុងតេណេហ្គ្រោ appeared first on Kampuchea Thmey Daily.

តាមការចុះផ្សាយរបស់ AFP លោក Wray បាន​និយាយថា ពីរម៉ោងមុនពេលលោក ត្រាំ ថ្លែងទៅកាន់អ្នកគាំទ្រ ខ្មាន់កាំភ្លើងឈ្មោះ Thomas Matthew Crooks វ័យ២០ឆ្នាំ បានបង្ហោះយន្តហោះ​គ្មាន​មនុស្ស​បើក​(ដ្រូន) ប្រហែល​១១​នាទី ចន្លោះម៉ោង៣:៥០នាទីដល់ម៉ោងជាង៤រសៀលដើម្បីមើលទីតាំង។

ដ្រូនមួយគ្រឿងនិងឧបករណ៍បញ្ជា ត្រូវបានរកឃើញក្នុងរថយន្តរបស់ Crooks ហើយឧបករណ៍បំផ្ទុះចំនួន២គ្រឿងដែលមានសមត្ថភាពបញ្ជាពីចម្ងាយ ក៏ត្រូវបានរកឃើញក្នុងរថយន្ត​នៅផ្ទះរបស់​ខ្មាន់កាំភ្លើង​។ ​ភ្នាក់ងារ​​ FBI បាន​ដាក់ការសង្ស័យថា ខ្មាន់​កាំភ្លើង​ Crooks បានឡើងទៅលើអគារដើម្បីធ្វើសកម្មភាពបាញ់ប្រហារ ហើយព្យាយាមបំផ្ទុះឧបករណ៍ទាំងនោះពីលើដំបូលអគារ​ ប៉ុន្តែ​ឧបករណ៍​ទាំង​នោះ​មិនដំណើរការ។

លើស​ពី​នេះ​ លោក Crooks ក៏បានស្រាវជ្រាវឯកសារពាក់ព័ន្ធការធ្វើឃាតអតីតប្រធានាធិបតីអាមេរិកលោក John F Kennedy ដើម្បីសិក្សាឲ្យបានហ្មត់ចត់ ​មុនពេលលបធ្វើឃាតលោក ដូណាល់​ ត្រាំ។ តាម​ការពិនិត្យរបស់ FBI លើកុំព្យូទ័ររបស់​ខ្មាន់​កាំភ្លើង​ លោក Crooks ចាប់ផ្តើមស្រាវជ្រាវការធ្វើឃាតលោក Kennedy នៅថ្ងៃទី៦ខែកក្កដា ជាថ្ងៃដែលគាត់បានចុះឈ្មោះចូលរួមការជួបជុំរបស់លោក ត្រាំ។

លោក Wray បាន​គូសបញ្ជាក់ថា Crooks បានឆែក​Google ដើម្បីដឹង​ច្បាស់​ថាតើ ខ្មាន់កាំភ្លើងឈ្មោះ Lee Harvey Oswaldដែល​ជា​ឃាតករ​​នៅ​ទសវត្សរ៍​ឆ្នាំ​៦០​នោះ ស្ថិត​​​នៅចម្ងាយ​ប៉ុន្មាន​ពី ប្រធានាធិបតី​ Kennedy ពេលគាត់ធ្វើឃាតនៅឆ្នាំ១៩៦៣ ហើយរាល់​ព័ត៌មាន​នោះ​បានជួយច្រើន​ដល់ Crooks ក្នុងការធ្វើសកម្មភាព។

ទោះបីជាយ៉ាងណាក៏ដោយ មកទល់ពេលនេះ​ FBI មិនទាន់បញ្ជាក់​នូវ​មូលហេតុនៅពីក្រោយ​នៃ​ការលបធ្វើឃាតលោក ត្រាំ នៅឡើយទេ។

សូមបញ្ជាក់ជាថ្មី ហេតុការណ៍លបប្រហារលោក ត្រាំ កាលពីថ្ងៃទី១៤ខែកក្កដា បានបណ្តាលឲ្យមនុស្ស២នាក់ស្លាប់ ក្នុងនោះមានម្នាក់ជាខ្មាន់កាំភ្លើង និងម្នាក់ជាអ្នកចូលរួមពិធីជួបជុំ ខណៈ២នាក់ទៀត រងរបួសធ្ងន់។ យ៉ាងណាក្តី លោក ត្រាំ មិនគ្រោះថ្នាក់ដល់អាយុជីវិតទេ គ្រាន់តែរបួសត្រង់ត្រចៀកប៉ុណ្ណោះ៕

អត្ថបទ៖ សុខ សុវណ្ណ

ចុចអាន៖ លម្អិតហេតុការណ៍បាញ់ប្រហារលោក ត្រាំ រញ្ជួយពិភពលោក

The post ​នាយក FBI លាតត្រដាងផែនការ​របស់ខ្មាន់កាំភ្លើង​ដែលប៉ងផ្តាច់ជីវិតលោក ដូណាល់ ត្រាំ appeared first on Kampuchea Thmey Daily.

ក្រោយពីបើកការបាញ់ប្រហារខ្មាន់កាំភ្លើងបានគេចខ្លួនបាត់​ ខណៈសមត្ថកិច្ចបាននិងកំពុងចុះដល់ទីតាំងកើតហេតុដើម្បីអន្តរាគមន៍។ ព័ត៌មានលម្អិតនឹងផ្សាយជូនពេលក្រោយ៕

អត្ថបទ៖ សុខា

The post ព័ត៌មានបឋម៖ ខ្មាន់កាំភ្លើងចូលបាញ់ប្រហារសម្លាប់មនុស្ស២នាក់ និងរបួសម្នាក់ក្នុងបុរីប៉េងហួតបឹងស្នោរ appeared first on Kampuchea Thmey Daily.

សពលោក Robert R. Card អាយុ៤០ឆ្នាំ ត្រូវបានរកឃើញនៅក្នុងព្រៃក្បែរក្រុង Lisbon Falls ពោលគឺនៅជិតកន្លែងដែលប៉ូលិសរកឃើញរថយន្តទុកចោលមួយគ្រឿង បន្ទាប់ពីការបាញ់ប្រហារកាលពីយប់ថ្ងៃពុធទី២៥ខែតុលា។

លោកស្រី Janet Mills អភិបាលរដ្ឋ Maine បានប្រាប់សន្និសីទសារព័ត៌មានមួយថា “ជនសង្ស័យបានស្លាប់ហើយ! សូមអរគុណដល់មន្ត្រីរាប់រយនាក់មកពីភ្នាក់ងារផ្សេងៗដែលចូលរួមក្នុងការស្វែងរកនេះ”។

ស្របពេលជាមួយគ្នានោះ លោក Mike Sauschuck ស្នងការនៃនាយកដ្ឋានសុវត្ថិភាពសាធារណៈរដ្ឋ Maine បាននិយាយថា លោក Card បានស្លាប់ដោយការបាញ់សម្លាប់ខ្លួន។

យោងតាមស្ថិតិចងក្រងដោយអង្គការ Gun Violence Archive បានបង្ហាញថា ការបាញ់ប្រហារទ្រង់ទ្រាយធំនៅរដ្ឋ Maine គឺជាការបាញ់ប្រហារសម្លាប់មនុស្សច្រើនបំផុតនៅអាមេរិកក្នុងឆ្នាំ២០២៣។

យោងតាមតួលេខផ្លូវការ, រដ្ឋ Maine មានករណីឃាតកម្មសរុប២៩លើកក្នុងឆ្នាំ២០២២, ក្នុងនោះមាន១៥លើកពាក់ព័ន្ធនឹងបញ្ហាក្នុងគ្រួសារ៕

ប្រែសម្រួល៖ Vann Vann

ប្រភព៖ Reuters

ចុចអាន៖ ជនសង្ស័យវាយប្រហារនៅអាមេរិក គឺជាគ្រូបង្ហាត់បាញ់កាំភ្លើង

The post ទីបំផុត ជនសង្ស័យជាខ្មាន់កាំភ្លើង បាញ់សម្លាប់រង្គាលនៅអាមេរិក ត្រូវបានរកឃើញ ស្លាប់ appeared first on Kampuchea Thmey Daily.

គ្មាន​នរណា​ម្នាក់​បាន​រង​របួស​នៅ​ក្នុង​ការ​វាយប្រហារ​នៅ​ព្រឹក​ព្រលឹម​នោះ​ទេ ហើយ​វា​មិន​ច្បាស់​ថា ហេតុអ្វី​បានជា​អ្នក​វាយប្រហារ​នឹង​កំណត់​គោលដៅ​តារា​អា​ហ្ស​ង់​ទីន ឬ​ផ្សារ​ទំនើប​ដែល​ជា​កម្មសិទ្ធិ​របស់​គ្រួសារ​ប្រពន្ធ​របស់​គេ គឺ​អ្នកនាង Antonella Roccuzzo​។

ប៉ូលិស​បាន​និយាយ​ថា បុរស​ពីរ​នាក់​ជិះ​ម៉ូតូ​មួយគ្រឿង​បាន​បាញ់ប្រហារ​យ៉ាងតិច​រាប់​សិប​គ្រាប់​ចូល​ទៅ​ក្នុង​ផ្សារ​ទំនើប​នៅ​ព្រឹក​ព្រលឹម ហើយ​បាន​បន្សល់ទុក​សារ​នៅលើ​ក្រដាសកាតុង​ដែល​សរសេរ​ថា “Messi យើង​កំពុង​រង់ចាំ​អ្នក​។ [​អភិបាលក្រុង Rosario Pablo] លោក Javkin ក៏​ជា​អ្នក​ជួញដូរ​គ្រឿង​ញៀន​ដែរ ដូច្នេះ​គាត់​នឹង​មិន​ខ្វល់​រឿង​នេះ​ទេ​”​។

Messi ដែលជា​ប្រធាន​ក្រុម​អា​ហ្ស​ង់​ទីន​ទទួលបាន​ជ័យជម្នះ​នៅ World Cup កាលពី​ឆ្នាំមុន មិន​បានធ្វើ​អត្ថាធិប្បាយ​អំពី​ហេតុការណ៍​នេះ​ទេ​។ Messi លេង​ឲ្យ Paris Saint-Germain ហើយ​ចំណាយពេល​ច្រើន​នៅ​ក្រៅ​ប្រទេស ទោះបីជា​ទៅលេង Rosario ជា​កន្លែង​ដែល​គេ​មានផ្ទះ​នៅ​ជាយក្រុង Funes ក៏ដោយ​។

នៅ Rosario រដ្ឋអាជ្ញា Federico Rébola បាន​និយាយថា អាជ្ញាធរ​កំពុង​ពិនិត្យមើល​វីដេអូ​កាមេរ៉ា​សុវត្ថិភាព ហើយ​ថា​ការស៊ើបអង្កេត​គឺ “​បឋម​” ។ លោក​បាន​បន្ថែមថា វា​ជា​លើកទីមួយ​ហើយ​ដែល​គ្រួសារ​សាច់ថ្លៃ​របស់ Messi ទទួលបាន​ការគំរាមកំហែង​បែបនេះ​។

Celia Arena រដ្ឋមន្ត្រី​ក្រសួង​យុត្តិធម៌ នៃ​ខេត្ត Santa Fe ជា​កន្លែង​ដែល Rosario ស្ថិត​នៅ​បាន​និយាយ​ថា ការ​វាយប្រហារ​ស្ថិតក្នុង​ចំណោម “​អំពើ​ភេរវកម្ម​” ដោយ​ក្រុម “​ម៉ាហ្វីយ៉ា​” ដែល​មានបំណង​បំភិតបំភ័យ​ប្រជាជន៕

ប្រភព៖ theguardian.com

អត្ថបទ ៖ មន្នីរ័ត្ន

The post ‘យើងកំពុងរង់ចាំអ្នក’ ៖ ខ្មាន់កាំភ្លើងគំរាម Messi ក្រោយការវាយប្រហារលើផ្សារទំនើប របស់ប្រពន្ធគាត់ appeared first on Kampuchea Thmey Daily.

លោក​ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល​ បាន​និយាយ​នៅក្នុងបណ្ដាញសង្គមតេឡេក្រាម​ថា «ខ្ញុំបានទទួលករណីនេះហើយ​, ជំនាញកំពុងធ្វើការ, រង់ចាំលទ្ធផលចេញពីមន្ទីរពេទ្យគន្ធបុប្ផា ដើម្បីបញ្ជាក់ថា ជាគ្រាប់អ្វី?»។

បើ​យោងតាម​ការបង្ហោះ​លើបណ្ដាញសង្គមហ្វេសបុកឈ្មោះ ម៉ាប់ ពិសាល​បាន​សរសេររៀបរាប់តាមបណ្ដាញសង្គមឲ្យដឹងយ៉ាងដូច្នេះថា «ថ្ងៃទី៣១ ម៉ោង៨ ខ្ញុំបានទទួលដំណឹង១ដែលរន្ធត់! ដំណឹងនោះគឺ ( អាឡូ! កូនយ៉ាត្រូវគេបាញ់ធ្លាយពោះហើយ) ខ្ញុំឮដំណឹងនេះហើយខ្ញុំទទួលយកមិនបានទេ កូនខ្ញុំទើបតែអាយុ មិនទាន់៤ឆ្នាំស្រួលបួលផង ហេតុអ្វីត្រូវជួបរឿងបែបនេះ? ខ្ញុំបានសួរពួកគាត់ថា! នរណាជាអ្នកបាញ់? គ្រប់គ្នាគេមិនដឹង ពីព្រោះពួកគេឮតែសំលេងកាំភ្លើង តែមិនឃើញមនុស្ស ខ្ញុំពិតជាមិនយល់តើហេតុអ្វីរឿងនោះមិនធ្លាក់មកលើខ្ញុំ? ចាំបាច់ធ្លាក់ទៅលើក្មេងដែលគ្នាមិនអ្វីបែបនេះ? គ្នាឈឺចាប់ណាស់តើអ្នកដឹងទេ? រយៈពេល ៣ថ្ងៃហើយដែលពេទ្យមិនទាន់បានធ្វើការវះកាត់យកគ្រាប់ចេញ ពីព្រោះពេទ្យថា វាប៉ះពាល់ធ្ងន់ធ្ងរ សួរថាឈឺចាប់ទេ? តើជនល្មើសនៅទីណា? តើខ្ញុំសង្ឃឹមអ្នកណាដែលអាចជួយខ្ញុំបាន? ឬ ក៏យុត្តិធម៌គ្នាទេសម្រាប់ពួកខ្ញុំ? រឿងនេះកើតហេតុនៅ៖ ខេត្តកណ្តាល ស្រុកស្អាង ឃុំ ស្វាយប្រទាល ភូមិពោធិ៍តាប៉ាង (ទឹងអាង) ខ្ញុំសង្ឃឹមយ៉ាងមុតមាំថាយុត្តិធម៌នឹងមានសម្រាប់ក្រុមគ្រួសារខ្ញុំ»៕

កែសម្រួលដោយ ៖ នាគព័ន្ធ​

The post ស្នងការ​នគរបាល​ខេត្ត​កណ្ដាល​កំពុង​ដុតដៃដុតជើង​វែង​មុខ​ជន​ដៃ​ដល់ ​ករណី​ខ្មាន់​កាំភ្លើង​បាញ់​ក្មេងស្រី​អាយុ៤ឆ្នាំ​រងរបួសធ្ងន់ appeared first on Kampuchea Thmey Daily.