ព័ត៌មានអន្ដរជាតិ
លម្អិតហេតុការណ៍បាញ់ប្រហារលោក ត្រាំ រញ្ជួយពិភពលោក
ហេតុការណ៍ប៉ុនប៉ងធ្វើឃាតអតីតប្រធានាធិបតីអាមេរិកលោក ដូណាល់ ត្រាំ កាលពីថ្ងៃអាទិត្យទី១៤ខែកក្កដាឆ្នាំ២០២៤ បានបង្កភាពភ្ញាក់ផ្អើលទូទាំងពិភពលោក។
វាជាអំពើហិង្សាទទួលការថ្កោលទោសជាសកល ដែលគ្មាននរណានឹកស្មានដល់ថា កើតឡើងលើទឹកដីនៃប្រទេសបិតាប្រជាធិបតេយ្យឡើយ។
ខាងក្រោមនេះ គឺជាព័ត៌មានលម្អិតទាក់ទងនឹងការបាញ់ប្រហារលើបេក្ខជនគណបក្សសាធារណរដ្ឋ ដូណាល់ ត្រាំ៖
- ទីតាំង៖ លោក ដូណាល់ ត្រាំ ត្រូវខ្មាន់កាំភ្លើង លបបាញ់ប្រហារចំនួន៩គ្រាប់ ខណៈពេលលោក ចូលរួមក្នុងពិធីជួបជុំអ្នកគាំទ្រសម្រាប់យុទ្ធនាការឃោសនាបោះឆ្នោតនៅទីក្រុង Butler នៃរដ្ឋ Pennsylvania។
- ជនរងគ្រោះ៖ មនុស្ស២នាក់ត្រូវបានសម្លាប់ ក្នុងនោះមានម្នាក់ជាខ្មាន់កាំភ្លើង និងម្នាក់ជាអ្នកចូលរួមពិធីជួបជុំ ខណៈ២នាក់ទៀត រងរបួសធ្ងន់។ ទោះបីជាយ៉ាងណាក៏ដោយ លោក ត្រាំ មិនគ្រោះថ្នាក់ដល់អាយុជីវិតទេ គ្រាន់តែរបួសត្រង់ត្រចៀកប៉ុណ្ណោះ។
- ខ្មាន់កាំភ្លើង៖ តាមការបញ្ជាក់ពី FBI, ខ្មាន់កាំភ្លើង គឺមានឈ្មោះ Thomas Matthew Crooks ជាអ្នកចុះឈ្មោះបោះឆ្នោតឲ្យគណបក្សសាធារណរដ្ឋ ប៉ុន្តែរូបគេក៏ធ្លាប់មានប្រវត្តិបរិច្ចាគប្រាក់ខ្លះទៅឲ្យក្រុមដែលមានទំនាក់ទំនងជាមួយគណបក្សប្រជាធិបតេយ្យក្នុងឆ្នាំ២០២១ដែរ។
- ទីតាំងរបស់ខ្មាន់កាំភ្លើង៖ ខ្មាន់កាំភ្លើង បានលបបាញ់លោក ត្រាំ ពីលើដំបូលអគារ នៅចម្ងាយចន្លោះពី១២០ ទៅ១៥០ម៉ែត្រ ពីទីតាំងជួបជុំរបស់គាត់។
- មូលហេតុ៖ FBI បញ្ជាក់ថា Crooks ពិតជាប៉ុនប៉ងធ្វើឃាតលោក ត្រាំ មែន ប៉ុន្តែមូលហេតុដែលជំរុញចិត្តឲ្យគេធ្វើបែបនេះ មិនទាន់ដឹងច្បាស់ទេ។
- អាវុធដែលខ្មាន់កាំភ្លើងប្រើ៖ ក្រុមមន្ត្រីបានរកឃើញកាំភ្លើងវែងមួយដើមប្រភេទ AR នៅកន្លែងខ្មាន់កាំភ្លើង បើកការបាញ់ប្រហារទៅលើលោក ត្រាំ។
- សេចក្តីថ្លែងការណ៍របស់លោក ត្រាំ៖ មិនយូរប៉ុន្មានក្រោយកើតហេតុ លោក ត្រាំ និយាយថា “ខ្ញុំសូមថ្លែងអំណរគុណ ដល់សេវាសម្ងាត់សហរដ្ឋអាមេរិក និងកងកម្លាំងអនុវត្តច្បាប់ទាំងអស់ សម្រាប់ការឆ្លើយតបយ៉ាងឆាប់រហ័ស លើការបាញ់ប្រហារដែលទើបតែកើតឡើងនៅទីក្រុង Butler រដ្ឋ Pennsylvania។ សំខាន់! ខ្ញុំសូមចូលរួមរំលែកទុក្ខដល់គ្រួសារសពជនរងគ្រោះក្នុងពិធីជួបជុំ និងសូមចូលរួមរំលែកទុក្ខដល់គ្រួសារអ្នករងរបួសធ្ងន់ផងដែរ។ វាជារឿងមិនគួរឲ្យជឿ ដែលទង្វើបែបនេះអាចកើតឡើងក្នុងប្រទេសយើងបាន។ នៅពេលនេះ យើងមិនទាន់ដឹងអ្វីសោះអំពីឃាតករ ដែលបានស្លាប់ទៅហើយ។ ខ្ញុំត្រូវបានគេបាញ់ ដោយគ្រាប់កាំភ្លើងហោះទម្លុះត្រចៀកខាងស្តាំរបស់ខ្ញុំ។ ខ្ញុំដឹងភ្លាមថាមានអ្វីមិនប្រក្រតីកើតឡើងហើយ ខ្ញុំបានឮសំឡេងញ័រៗ ស្នូរគ្រាប់កាំភ្លើង ហើយភ្លាមៗខ្ញុំមានអារម្មណ៍ថា គ្រាប់កាំភ្លើងបានហោះកាត់ស្បែក។ មានឈាមហូរច្រើន ដូច្នេះខ្ញុំដឹងថាអ្វីកំពុងកើតឡើង។ សូមព្រះជាម្ចាស់ប្រទានពរដល់អាមេរិក!”៕
អត្ថបទ៖ សុខ សុវណ្ណ
ចុចអាន៖ ខ្មាន់កាំភ្លើងបាញ់លោក ត្រាំ ជាអ្នកបោះឆ្នោតឲ្យគណបក្សសាធារណរដ្ឋ របស់គាត់
លម្អិតហេតុការណ៍បាញ់ប្រហារលោក ត្រាំ រញ្ជួយពិភពលោក
អបអរសាទរ! អេស្ប៉ាញ បានក្លាយជាក្រុមឈ្នះជើងឯក Euro ច្រើនជាងគេ
ជនដៃដល់ក្នុងករណីកាប់សម្លាប់ស្ត្រីវ័យចំណាស់ក្នុងខេត្តបាត់ដំបងត្រូវបានឃាត់ខ្លួន
កំណើនអ្នកប្រើប្រាស់រថយន្តទំនើបកាន់តែច្រើន ធ្វើឱ្យក្រុមហ៊ុន Lexus សម្រេចបើកអគារតាំងបង្ហាញជាផ្លូវការនៅកម្ពុជា
២ថ្ងៃមកហើយ ឧទ្ធម្ភាគចក្រដែលបានបាត់នៅជួរភ្នំក្រវាញមិនទាន់រកឃើញមិនដឹងសុខទុក្ខយ៉ាងណា
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
រកពេញ១ថ្ងៃនៅតែមិនឃើញ ថ្ងៃនេះជំនាញការ បន្តរកឧទ្ធម្ភាគចក្រដែលបាត់ដាននៅជួរភ្នំក្រវាញ
ផ្ទុះការវែកញែក ខណៈ ខាត់ សុឃីម លើកជាចម្ងល់ថា កម្មវិធីខ្មែរសោះ ហេតុអ្វីមិនព្រមនិយាយខ្មែរ?
២ថ្ងៃមកហើយ ឧទ្ធម្ភាគចក្រដែលបានបាត់នៅជួរភ្នំក្រវាញមិនទាន់រកឃើញមិនដឹងសុខទុក្ខយ៉ាងណា
-
ព័ត៌មានជាតិ៤ ថ្ងៃ agoអ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ១៩ ម៉ោង agoគម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ៦ ថ្ងៃ agoឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
ព័ត៌មានជាតិ៣ ថ្ងៃ agoម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
សុខភាព៥ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ២២ ម៉ោង agoសមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
ព័ត៌មានជាតិ៥ ថ្ងៃ agoលោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»
-
ព័ត៌មានជាតិ៥ ថ្ងៃ agoខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា