តាមការលើកឡើងរបស់ក្រុមតៃកុងរថយន្តដែលបានចូលរួមក្នុងការតវ៉ានេះ បញ្ជាក់ថា កន្លែងត្រួតពិនិត្យគយនៅចំណុចនេះ តម្រូវឱ្យពួកគេបង់ប្រាក់ចំនួន ៧០,០០០រៀល ក្នុងមួយឡានជាច្រើនខែ ឆ្នាំមកហើយ ហើយក៏មិនបានចេញវិក្កយបត្របញ្ជាក់តម្រូវបង់លើសេវាអ្វីនោះដែរ ដែលធ្វើឱ្យពួកគាត់ពិបាក់នឹងបានប្រាក់ចំណេញ។ ដូច្នេះហើយទើបក្រុមអ្នកបើកបរបានសំណូមពរឱ្យមន្ត្រីគយប្រចាំការនៅទីនោះ បន្ធូរបន្ថយតម្លៃមកត្រឹមតែ ៣០,០០០ រៀល ទៅ ៤០,០០០ រៀលប៉ុណ្ណោះ ដើម្បីឱ្យសមស្របទៅនឹងស្ថានភាពចំណូល និងការចំណាយផ្សេងៗរបស់ពួកគេ។

ក្រោយស្ថានភាពនៅកន្លែងកើតហេតុនៃការតវ៉ានេះ បានធ្វើឱ្យមានការចាប់អារម្មណ៍យ៉ាងខ្លាំងពីសំណាក់អ្នកដំណើរតាមដងផ្លូវជាតិលេខ២ ទើបមន្ត្រីគយបានសំណូមពរទៅក្រុមតៃកុងរថយន្តចាត់តំណាងខ្លួនទៅសម្របសម្រួលគ្នារកដំណោះស្រាយដែលគួរទទួលយកបានទាំងអស់គ្នា និងបានឱ្យក្រុមរថយន្តរំសាយការប្រមូលផ្តុំ បើករថយន្តទៅផ្ទះវិញរៀងៗខ្លួន រង់ចាំការដោះស្រាយគ្នានៅពេលក្រោយ។

ក្រុមអ្នកដឹកទំនិញបង្ហាញក្តីសង្ឃឹមថា ថ្នាក់ដឹកនាំស្ថាប័នគយ និងអាជ្ញាធរដែលពាក់ព័ន្ធ នឹងជួយដោះស្រាយពួកគាត់ជាក់ជាមិនខាន៕

អត្ថបទ៖ វីរៈ

The post ក្រុមរថយន្តដឹកទំនិញប្រមូលផ្តុំគ្នាតវ៉ានៅមុខស្នាក់ការ​គយ ខេត្តតាកែវ ដោយសារមន្ត្រី​គយ​តម្រូវឲ្យបង់ប្រាក់ក្បាលឡានខ្ពស់ពេក appeared first on Kampuchea Thmey Daily.

អគ្គនាយកដ្ឋានគយនិងរដ្ឋាករកម្ពុជា (GDCE) ​និង ក្រុមហ៊ុន DHL EXPRESS (CAMBODIA) LTD បាន​ចុះហត្ថលេខាលើអនុស្សរណៈនៃការយោគយល់គ្នា (MOU) ក្នុងការតភ្ជាប់ប្រព័ន្ធស្វ័យប្រវត្តិកម្មនិងការផ្លាស់ប្តូរទិន្នន័យអេឡិចត្រូនិក, និងការកាត់បន្ថយតម្រូវការឯកសារជាពិសេសដើម្បីលើកកម្ពស់ឧត្តមភាពប្រកួតប្រជែងក្នុងវិស័យឡូជីស្ទិករបស់កម្ពុជា។

ការចុះ MOUត្រូវបានធ្វើឡើងកាលពីព្រឹក ​ថ្ងៃទី២៧ ខែមីនា ​ ដើម្បីពង្រឹងកិច្ចសហការរវាង GDCE និង DHL ក្នុងការតភ្ជាប់ប្រព័ន្ធស្វ័យប្រវត្តិកម្មនិងការផ្លាស់ប្តូរទិន្នន័យអេឡិចត្រូនិក, ការកាត់បន្ថយតម្រូវការឯកសារអមភ្ជាប់ប្រតិវេទន៍គយ, ការកាត់បន្ថយបន្ទុកនៃការបញ្ចូលទិន្នន័យប្រតិវេទន៍គយ, ការកែលម្អមុខងារគ្រប់គ្រងហានិភ័យ និងការរៀបចំឱ្យមានបណ្ដាញទំនាក់ទំនងរបស់ GDCE និង DHL ជាដើម ដែលកិច្ចការទាំងនេះ នឹងធ្វើឱ្យដំណើរការនៃការបំពេញបែបបទបញ្ចេញទំនិញពីគយកាន់តែមានភាពងាយស្រួល ឆាប់រហ័ស និងប្រកបដោយអនុលោមភាព។

លោក Prayag Chitrakar បានថ្លែង​អំពីគំនិតផ្តួចផ្តើមគំនិតក្នុងការរៀបចំឯកសារអនុស្សរណៈនៃការយោគយល់គ្នានេះឡើង និងបានប្ដេជ្ញាថា នឹងចូលរួមជាមួយរាជរដ្ឋាភិបាល ជាពិសេសអគ្គនាយកដ្ឋានគយនិងរដ្ឋាករកម្ពុជា ក្នុងការជំរុញឱ្យវិស័យដឹកជញ្ជូនបញ្ញើរហ័សនេះកាន់តែមានលក្ខណៈល្អប្រសើរ ឈានទៅប្រែក្លាយកម្ពុជាទៅជាមជ្ឈមណ្ឌលភស្តុភារកម្ម​ Logistics Hub ក្នុងតំបន់ និងការលើកកម្ពស់ឧត្តមភាពប្រកួតប្រជែងរបស់កម្ពុជាក្នុងវិស័យឡូជីស្ទិក។

លោក គុណ ញឹម ក៏បានបញ្ជាក់អំពីសមទ្ធិផលសំខាន់ៗ របស់អគ្គនាយកដ្ឋានគយនិងរដ្ឋាករកម្ពុជា នាពេលកន្លងមក លើការធ្វើទំនើបកម្មស្ថាប័ននិងកិច្ចសម្រួលពាណិជ្ជកម្ម មានជាអាទិ៍ ការដាក់ឱ្យអនុវត្តប្រព័ន្ធបញ្ជរតែមួយជាតិ (National Single Window), ការធ្វើស្វ័យប្រវត្តិកម្មពេញលេញនូវនីតិវិធីបំពេញបែបបទបញ្ចេញទំនិញពីគយ, ការដាក់ឱ្យអនុវត្តកម្មវិធីប្រតិបត្តិករសេដ្ឋកិច្ចបានទទួលការអនុញ្ញាត (AEO), ការអនុវត្តនីតិវិធីបំពេញបែបបទគយមុនពេលទំនិញមកដល់ (Pre-Arrival Processing), ការពង្រីកវិសាលភាពការប្រើប្រាស់ e-Payment ជាដើម។

លោកថា​៖« ការចុះ MOU នាឱកាសនេះ គឺជាវឌ្ឍនភាពថ្មីមួយទៀតក្នុងការពង្រីកកិច្ចសហប្រតិបត្តិការជាមួយក្រុមហ៊ុន DHL Express (Cambodia) ដើម្បីលើកកម្ពស់កិច្ចសម្រួលពាណិជ្ជកម្ម, ការកែលម្អបរិយាកាសធុរកិច្ចនិងវិនិយោគនៅកម្ពុជា ក៏ដូចជាការចូលរួមចំណែកជាមួយរាជរដ្ឋាភិបាល ក្រោមការដឹកនាំ របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការអភិវឌ្ឍសេដ្ឋកិច្ចជាតិ»។

កន្លងមក GDCE ក៏ធ្លាប់បានចុះអនុស្សរណៈនៃការយោគយល់គ្នាជាមួយស្ថាប័នឬក្រុមហ៊ុនមួយចំនួន ដូចជា សមាគមអេឡិចត្រូនិចនិងបច្ចេកវិទ្យាកម្ពុជា (CETA), ក្រុមហ៊ុន Chipmong Insee Cement Corporation និងជាពិសេសគឺ MOU ជាមួយប្រៃសណីយ៍កម្ពុជាលើកិច្ចសហការផ្លាស់ប្តូរព័ត៌មានកញ្ចប់បញ្ញើប្រៃសណីយ៍ សំដៅផ្ដល់កិច្ចសម្រួលបន្ថែមទៀត ក៏ដូចជាលើកកម្ពស់អនុលោមភាពនៃការបំពេញបែបបទបញ្ចេញទំនិញពីគយ៕

The post គយសហការជាមួយ DHL​  លើកកម្ពស់ឧត្តមភាពប្រកួតប្រជែងរបស់កម្ពុជាក្នុងវិស័យឡូជីស្ទិក appeared first on Kampuchea Thmey Daily.

នៅថ្ងៃទី២៣ ខែមិថុនា ឆ្នាំ២០២៤ តែ មន្ត្រីគយ និងនគរបាលបានចុះធ្វើការផ្សព្វផ្សាយ ដោយក្នុងខិតប័ណ្ណ បានបញ្ជាក់ថា អគ្គនាយកដ្ឋានគយនិង រដ្ឋករកម្ពុជា នៃក្រសួងសេដ្ឋកិច្ច និងហិរញ្ញវត្ថុ មានគោលបំណងបញ្ជ្រាបការយល់ដឹងជាសាធារណៈដល់អ្នកចែកចាយ និង អ្នកប្រើប្រាស់ អំពីភាពខុសគ្នា រវាងទំនិញមានពន្ធ និងទំនិញគេចពន្ធ ក្នុងន័យ ការពារសិទ្ធិ និងផលប្រយោជន៍ស្របច្បាប់ របស់អ្នកចែកចាយ និងអ្នកប្រើប្រាស់ និងដើម្បីបញ្ជៀសការចូលរួមប្រព្រឹត្តបទល្មើសដោយមិនដឹងខ្លួន។

ខិតប័ណ្ណ មានសេចក្ដីបន្តថា ទំនិញមានពន្ធ មានបង្កាន់ដៃពន្ធ មានបិទលប័ត្រសម្រាប់រថយន្ត មានបិទតែមប្រ៍ អាករ សម្រាប់ផលិតផលថ្នាំជក់មានបិតត្រាពន្ធគយ។ ចំណែក ទំនិញគេចពន្ធ គ្មានបង្កាន់ដៃពន្ធ គ្មានបិទលតាប័ត្រ សម្រាប់រថយន្ត គ្មានបិទតែមប្រ៍អាករ សម្រាប់ផលិតផលថ្នាំជក់មិនមានបិតត្រាគយជាដើម។

ខិតប័ណ្ណបានបន្តថា ទោសទណ្ឌ ១ ការនាំចូល ចែកចាយ និងការប្រើប្រាស់ទំនិញគេចពន្ធរួមទាំងការថ្លែងបន្លំ និងការប្រើប្រាស់ ឯកសារក្លែងក្លាយបន្លំដូចជា បង្កាន់ដៃពន្ធ លតាប័ត្រ តែមប្រ៍ អាករ ត្រាពន្ធគយ ប័ណ្ណសម្គាល់យានយន្ត ឬស្លាកលេខយានយន្ត គឺជាអំពើខុសច្បាប់ដែលនឹងត្រូវរងនៅទោស​៖

១ ច្បាប់ស្ដីពីគយ មាត្រា៧៤ បទល្មើសប៉ះពាល់ដល់ពន្ធ ឬអាករ នៃទំនិញពុំជាប់អាយ័ត ឬកម្រិតកំណត់ ត្រូវរងទោសរដ្ឋបាល វិន័យជាប្រាក់ ស្មើនឹង ១ដង ទៅ ៣ដង នៃប្រាក់ពន្ធ និងអាករ ដែលបានគេចវេះ និងត្រូវរងទោសទណ្ឌ តាមផ្លូវតុលាការ ដោយត្រូវអូសទំនិញ មធ្យោបាយដឹកជញ្ជូន និងវត្ថុផ្សេងៗ ដែលប្រើប្រាស់លាក់កំបាំង ទំនិញល្មើស ឬត្រូវផ្ដន្ទាទោសដាក់ពន្ធនាគារពី ១ ខែទៅ ១ឆ្នាំ ឬទោសណាមួយនៃទោសទាំង២។

មាត្រា៧៥ បទល្មើសប៉ះពាល់ដល់ពន្ធ អាករ នៃទំនិញជាប់ អាយ័ត ឬកម្រិត កំណត់ត្រូវរងទោសរដ្ឋបាលពិន័យជាប្រាក់រហូតដល់ ៣ដង នៃតម្លៃទំនិញ និងមធ្យោបាយដឹកជញ្ជូន និងត្រូវរងទោសទណ្ឌ តាមផ្លូវតុលាការ ដោយរឹបអូសទំនិញមធ្យោបាយដឹកជញ្ជូន និងវត្ថុតាងទៀត ដែលប្រើប្រាស់ សម្រាប់លាក់បាំងទំនិញល្មើស ឬត្រូវផ្តន្ទាទោសដាក់ពន្ធនាគារ ពី១ ឆ្នាំ ដល់ ៥ ឆ្នាំ ឬទោសណាមួយ នៃទោសទាំង២។

ខិតប័ណ្ណនោះបានសរសេរបន្តថា ទោសក្រមព្រហ្មទណ្ឌ នៃព្រះរាជាណាចក្រកម្ពុជា ក្នុងមាត្រា ៥ ៣ ៣ បទលុបបំបាត់ភស្តុតាង និង មាត្រា ៥៤០ បទប្រើប្រាស់អត្តសញ្ញាណរបស់អ្នកដទៃ ត្រូវផ្តន្ទាទោសដាក់ពន្ធនាគារពី ១ ឆ្នាំទៅ ៣ ឆ្នាំ និងវិន័យជាប្រាក់ ២ លានទៅ ៦ លានរៀល មាត្រា ៦ ២ ៩  បទក្លែងបន្លំឯកសារសាធារណៈ ត្រូវផ្ដន្ទាទោសដាក់ពន្ធនាគារពី ៥ ឆ្នាំទៅ ១០ ឆ្នាំ មាត្រា ៦ ៣ ០ បទល្មើសប្រើប្រាស់ឯកសារសាធារណៈក្លែងក្លាយ ត្រូវផ្ដន្ទាទោសដាក់ពន្ធនាគារ ២  ឆ្នាំទៅ ៥ ឆ្នាំ និងពិន័យជាប្រាក់ ៤ លានរៀលទៅ ១០ លានរៀល។

គួរបញ្ជាក់ថា មន្ត្រីគយទាំង ៣នាក់នោះ ចុះចែកខិតប័ណ្ណដល់ម្ចាស់ហាងធំៗ មានហាងលក់ទំនិញ ហាងលក់ទូរស័ព្ឌ ក្នុងខេត្តបន្ទាយមានជ័យនោះ បានតិចតួចបំផុត ប្រញាប់ប្រញាល់ទៅកន្លែងវិញ ដោយមិនបានផ្ដល់បទសម្ភាសបន្ថែមទេ៕

អត្ថបទ៖ វ៉ាន់ ណាង

The post មន្ត្រីគយ នគរបាល ចុះផ្សព្វផ្សាយ ភាពខុសគ្នារវាងទំនិញមានពន្ធ និងទំនិញគេចពន្ធ appeared first on Kampuchea Thmey Daily.

លោក ជាម ច័ន្ទសោភ័ណ ស្នើរបែបនេះ នៅក្រោយពេលដែលក្រុមគយចល័ត បានចុះបង្ក្រាប រឹបអូស ទូរស័ព្ទនាំចូលខុសច្បាប់ចំនួនជាង១ពាន់ទូរស័ព្ទ និងប្រេងម៉ាស៊ីនម៉ូតូជិត២រយកេះ នៅចំណុចផ្សារមេមត់ ស្រុកមេមត់ ខេត្តត្បូងឃ្មុំ កាលពីសប្ដាហ៍មុន។

ជាការកត់សម្គាល់ប្រតិបត្តិការនេះ រងការយល់ច្រឡំ និងរិះគន់យ៉ាងចាស់ដៃ ពីសំណាក់អ្នកប្រើប្រាស់បណ្ដាញទំនាក់ទំនងសង្គមនៅកម្ពុជា។

យ៉ាងណា បើតាមការបញ្ជាក់ឱ្យដឹងរបស់ម្ចាស់ហាងលក់ទូរស័ព្ទយីហោររដ្ឋាមេមត់ មកកាន់ «កម្ពុជាថ្មី» នៅថ្ងៃទី០៥ ខែមិថុនាបានឱ្យដឹងគយចល័តបានប្រគល់ជូនទូរស័ព្ទដែលរឹបអូសកាលពីកន្លង ឱ្យរូបលោក និងហាងផ្សេងទៀតវិញហើយ ប៉ុន្តែប្រគល់ជូនតែទូរស័ព្ទមួយទឹកប៉ុណ្ណោះ ចំណែកទូរស័ព្ទថ្មីដែលបានរឹបអូស​ គឺមិនទាន់ប្រគល់ជូនម្ចាស់ហាងវិញឡើយ ព្រោះស្ថិតក្នុងដំណាក់កាលត្រួតពិនិត្យតាមច្បាប់បន្តសិន។

 ដោយឡែក នៅក្នុងកិច្ចប្រជុំនាថ្ងៃទី០៥ ខែមិថុនា ដដែល លោកអភិបាលខេត្តត្បូងឃ្មុំ  បានបញ្ជាឱ្យមន្ត្រីក្រោមឱវាទត្រូវយកចិត្តទុកដាក់ បង្កើនជីវភាពពលរដ្ឋ និងដោះស្រាយរាល់សំណើរសំណូមពរផ្សេងៗដែលពលរដ្ឋស្នើ៕

អត្ថបទ៖សាន វិឡែម

The post អភិបាលខេត្ត ស្នើគយចល័តសហការជាមួយរដ្ឋបាលខេត្ត ពេលចុះប្រតិបត្តិការក្នុងដែនសមត្ថកិច្ចខេត្តត្បូងឃ្មុំ appeared first on Kampuchea Thmey Daily.

ម្ចាស់ហាងលក់ទូរស័ព្ទទំនើប រដ្ឋា មេមត់ បានប្រាប់ឲ្យដឹងថា នៅព្រឹកថ្ងៃទី៥ មិថុនានេះ លោកបានដាក់អីវ៉ាន់បើកលក់ជាធម្មតាវិញហើយ បន្ទាប់ពីទទួលបានអីវ៉ាន់ពីមន្ត្រីគយដែលបានដកហូតកាលពីកន្លងទៅ។ លោកបញ្ជាក់ថា អីវ៉ាន់ដែលទទួលបានមកវិញនេះ គឺជាទូរស័ព្ទមួយទឹកដែលទិញដូរនៅក្នុងស្រុក ហើយចំពោះអីវ៉ាន់ដែលនាំចូលថ្មីនោះ នៅមិនទាន់បានទទួលមកវិញនោះទេ ត្រូវរង់ចាំមន្ត្រីគយត្រួតពិនិត្យបន្តសិន ហើយក៏នឹងបានមកវិញគ្រប់ចំនួនផងដែរ។ បើតាមម្ចាស់ហាងលក់ទូរស័ព្ទរូបនេះ ការទទួលបានទូរស័ព្ទមកដាក់លក់វិញនេះ គឺដោយមានការសម្របសម្រួលពីភាគីក្រុមហ៊ុន ជាមួយមន្ត្រីគយ។ លោកថា ចំពោះទូរស័ព្ទថ្មីមន្ត្រីគយតម្រូវឲ្យបង់ពន្ធនាំចូល តែការបង់ពន្ធនេះក៏មានការបន្ថូបន្ថយផងដែរ។

ម្ចាស់ហាងលក់ទូរស័ព្ទទំនើប រដ្ឋា មេមត់ បញ្ជាក់បន្ថែមថា ក្រៅពីលោកមានម្ចាស់ហាងទូរស័ព្ទចំនួន២ផ្សេងទៀតក៏ទទួលបានអីវ៉ាន់មកដាក់លក់ជាធម្មតាដូចរូបលោកដែរ ខណៈពេលដែលមិនទាន់ទទួលបានអីវ៉ាន់មកវិញនោះ លោកបើកតែជួសជុលតែប៉ុណ្ណោះ ដើម្បីទទួលបានប្រាក់ខ្លះគ្រាន់បង់ថ្លៃឈ្នួលផ្ទះ៕

អត្ថបទ៖ សុខុម

The post ម្ចាស់ហាងទូរស័ព្ទនៅផ្សារមេមត់ទទួលបានទូរស័ព្ទមួយទឹកគ្រប់ចំនួនពីមន្ត្រីគយវិញ ខណៈអីវ៉ាន់ថ្មីនៅត្រួតពិនិត្យបន្ត appeared first on Kampuchea Thmey Daily.

អាជីវករលក់ដូរទាំង៥ទីតាំងដែលត្រូវមន្ត្រីគយចល័តតំបន់៦ចុះចាប់ និងដកហូតទូរស័ព្ទជាង១ពាន់គ្រឿង បានបញ្ជាក់ថា គាត់បានធ្វើវីដេអូរបញ្ជាក់ជាមួយជំនាញរួចហើយ។ ការតម្រូវឲ្យបង់ពន្ធយ៉ាងណានោះមិនទាន់ដឹងទេ លទ្ធផលអាចដឹងក្នុងសប្តាហ៍ក្រោយនេះ។

កិច្ចប្រតិបត្តិការចុះចាប់របស់គយចល័តតំបន់៦ នៅចំណុចផ្សារខាងលើរយៈពេល៤ថ្ងៃ គិតត្រឹមថ្ងៃទី២ ខែមិថុនា ឆ្នាំ២០២៤នេះ សភាពការណ៍ទូទៅ ពិសេសក្រុមអាជីវករលក់ទូរស័ព្ទ គ្រប់ផ្សារ រួមមាន ផ្សារមេមត់ ផ្សារជីមាន់ ផ្សារស្ទឹង ក្នុងស្រុកពញាក្រែក ផ្សារក្រុងសួង ផ្សារតំបែរ ផ្សារអូររាំងឪ ផ្សារថ្នល់ទទឹង ក្នុងស្រុកត្បូងឃ្មុំ និងផ្សារស្រុកក្រូចឆ្នារ មានតូបលក់ច្រើន ជាងតូបបិទ ដោយមូលហេតុ  បងប្អូនអាជីវករទាំងគ្រប់ផ្សារក្នុងខេត្ត ពួកគាត់មិនសូវចេះមើលទូរស័ព្ទណាបង់ពន្ធ មិនបង់ពន្ធនោះ ចេះតែលក់ទៅ ដល់គយចុះពិនិត្យពួកគាត់ភ័យទើបស្ថានបែបនេះ។ តែទោះជាយ៉ាងណា ក្រុមអាជីវករនៅតែបន្តប្រឹងប្រែងលក់ដើម្បីដោះស្រាយជីវភាពគ្រួសារ និងបង់ធនាគារ។ ជាងនេះទៀត បងប្អូនអាជីវករ គាត់សំណូមពរដល់ខាងពន្ធដារ កាំកុងត្រូល និងខាងគយ មេត្តាជូនដំណឹងដល់បងប្អូនអាជីវករផង មុននឹងអនុវត្តភារកិច្ចរបស់ខ្លួននោះ។

ជុំវិញករណីខាងលើ គយតំបន់៦ ពុំទាន់មានចេញដំណោះស្រាយនៅឡើយទេ ដោយទូរស័ព្ទសុំការបំភ្លឺចូលម្តង រួចហៅលែងចូលតែម្តង៕

អត្ថបទ៖ សាន វិឡែម

The post គយចល័តតំបន់៦ នៅមិនទាន់ចេញលទ្ធផលយ៉ាងណានោះទេ ពាក់ព័ន្ធការចុះដកហូតទូរស័ព្ទជាង១ពាន់គ្រឿងនៅខេត្តត្បូងឃ្មុំ appeared first on Kampuchea Thmey Daily.

លទ្ធផលក្នុងកិច្ចប្រតិបត្តិការកម្លាំងសហការបានធ្វើការដកហូតទំនិញគេចពន្ធចំនួន៤ កន្លែង រួមមាន
១. ហាងលក់គ្រឿងម៉ូតូ ឈ្មោះ ជាងម៉ាប់ បានដកហូតប្រេងម៉ាសុីនម៉ូតូចំនួន១៨៥កេះ
២. ហាងលក់ទូរស័ព្ទដៃ ឈ្មោះ ណាតូ បានដកហូតទូរស័ព្ទចំនួន២២៩គ្រឿង
៣. ហាងលក់ទូរស័ព្ទដៃ ឈ្មោះ ពិសិដ្ឋ បានដកហូតទូរស័ព្ទចំនួន ៤២៨គ្រឿង
៤. ហាងលក់ទូរស័ព្ទដៃ ឈ្មោះ រដ្ឋា បានដកហូតទូរស័ព្ទចំនួន ៦៦២គ្រឿង ។

បើតាមការឲ្យដឹងពីកម្លាំងសហការថា វត្ថុតាងបទល្មើសមានប្រេងម៉ាស៉ីនម៉ូតូ ចំនួន ១៨៥កេះ និងទូរស័ព្ទដៃចំនួន ១៣១៩គ្រឿង យកមករក្សាទុកនៅស្នាក់ការគ័យចល័តក្នុងស្រុកពញាក្រែកដើម្បីចាត់ការទៅតាមនីតិវិធី ៕

អត្ថបទ៖ សាន វិឡែម

The post គយចល័តតំបន់៦ រឹបអូសទូរស័ព្ទគេចពន្ធជាង១ពាន់ដើម នៅផ្សារមេមត់ appeared first on Kampuchea Thmey Daily.

លោក ទុំ ណូ ប្រធាន​សាខា​គយ និង​រដ្ឋាករ​ខេត្ត​កោះកុង ប្រាប់​កម្ពុជា​ថ្មី​នៅ​ថ្ងៃ​ទី ១៥ ខែ​ឧសភា នេះ​ថា លោក និង​មន្ត្រី​ពាក់ព័ន្ធ បើក​កិច្ចប្រជុំ​បន្ទាន់​មួយ​រវាង​អាជីវករ​ដែល​ដឹក​បន្លែ​ផ្លែឈើ​ពី​ច្រក​ទ្វារ​ព្រំដែន​អន្តរជាតិ​ចាំ​យាម ទៅកាន់​រាជធានី​ភ្នំពេញ និង​ខេត្ត​ដទៃ​ទៀត កាលពី​អាទិត្យ​ម្សិលមិញ ដើម្បី​ពន្យល់​ពី​ហេតុផល នៃ​ការ​ដំឡើង​ពន្ធ​លើ​បរិមាណ​ដែល​ជា​គោលការណ៍​របស់​អគ្គនាយកដ្ឋាន​គយ និង​រដ្ឋាករ។

លោក​ប្រធាន​សាខា​គយ និង​រដ្ឋាករ​ខេត្ត សង្កត់​ធ្ងន់​ដែរ​ថា មុន​នឹង​មាន​គោលការណ៍​ដំឡើង​ពន្ធ​លើ​បរិមាណ​នេះ ក្រុម​ជំនាញ សុទ្ធតែ​បាន​ជូនដំណឹង​ដល់​ពលរដ្ឋ​អាជីវករ​រួចរាល់​ហើយ ប៉ុន្តែ​ពួកគាត់​បែរជា​នាំគ្នា​តវ៉ា​បិទ​ចរាចរណ៍​នៅ​រង្វង់​មូល​ស្ពាន​កោះកុង កាលពី​ថ្ងៃ​ទី ១៣ ខែ​ឧសភា កន្លងទៅ។

ទោះ​យ៉ាងណា គយ និង​រដ្ឋាករ​ខេត្ត បាន​ពន្យល់​ណែនាំ​ដល់​អាជីវករ​រួច​អស់​ហើយ​ពី​គោលការណ៍​ថ្មី នៃ​ការ​ដំឡើង​ពន្ធ​លើ​បរិមាណ ដើម្បី​កៀរគរ​ចំណូល​ជូន​រដ្ឋ និង​អភិវឌ្ឍន៍​សេដ្ឋកិច្ច​សង្គម។

មន្ត្រី​គយ និង​រដ្ឋាករ អំពាវនាវ​ដែរ ករណី​មាន​ការ​កើត​ទុក្ខ​មិន​សុខចិត្ត​រឿង​ពន្ធ​ណាមួយ សុំ​ពលរដ្ឋ​អាជីវករ​កុំ​នាំគ្នា​បិទ​ចរាចរណ៍​ដែល​បង្ក​ឲ្យ​កកស្ទះ​ចរាចរណ៍ ឬ​នាំ​ឲ្យ​អសន្តិសុខ​សង្គម ពោល​គឺ​អាច​មក​បង្ហាញ​ទុក្ខ​កង្វល់​នានា​នៅ​ការិយាល័យ​សាខា​គយ និង​រដ្ឋាករ​ខេត្ត បាន ២៤ ម៉ោង លើ ២៤ ម៉ោង។ ចៀសវាង​ប្រព្រឹត្ត​ទង្វើ​អ្វី​ដែល​ខុសច្បាប់​ហាមឃាត់។

កន្លងទៅ តំណាង​ក្រុម​អាជីវករ ដែល​លើកគ្នា​តវ៉ា និយាយ​ថា ការ​បង់​ពន្ធ​លើ​បរិមាណ​បន្លែ​ផ្លែឈើ​ដូច​ដែល​កំពុង​អនុវត្ត​សព្វថ្ងៃ ពួកគាត់​មិន​អាច​រក​ទទួលទាន​បានទេ និង​បាន​សំណូមពរ​ឲ្យ​មាន​ការ​បន្ធូរបន្ថយ​បរិមាណ​បង់ពន្ធ​លើ​ការ​នាំចូល​បន្លែ​ផ្លែឈើ។

អាជីវករ បន្ថែម​ថា ពួក​គាត់​ក៏​ចូលរួម​គោរព​តាម​កាតព្វកិច្ច​ច្បាប់​ពន្ធ​នៅ​ក្នុង​ប្រទេស​ផង​ដែរ ដោយ​រកស៊ី​ធ្វើ​អាជីវកម្ម​បង់ពន្ធ​ជូន​រដ្ឋ។ ដូច្នេះ​ពួកគាត់​ជឿជាក់​ថា អគ្គនាយកដ្ឋាន​គយ និង​រដ្ឋាករ នឹង​មេត្តា​អនុគ្រោះ​យោគយល់​ស្ថានភាព​សេដ្ឋកិច្ច​សង្គម​បច្ចុប្បន្ន៕

អត្ថបទ ៖ សិរីវឌ្ឍនៈ

The post គយ និងរដ្ឋាករខេត្តកោះកុង បញ្ចប់ការដោះស្រាយករណីអាជីវករដឹកបន្លែផ្លែឈើ តវ៉ារឿងបង់ពន្ធច្រើន appeared first on Kampuchea Thmey Daily.