អ្នកស្រី ខាំភុន ស្នា ជាជនជាតិដើមភាគតិចគ្រឹង បានប្រាប់ថា អ្នកស្រីមានជ្រូកមេចំនួន ៣ ក្បាល សម្រាប់ប្រវាស់ឱ្យញាតិមិត្តនៅក្នុងភូមិ និងទទួលបានផលចំណេញសមរម្យ។ អ្នកស្រីនិយាយថា៖«ផលចំណេញនៃការចិញ្ចឹមជ្រូកគឺការប្រវាស់ក្នុងភូមិយកទៅចិញ្ចឹម រួចហើយនៅពេលវាកើតកូន លក់កូនឈ្មោលនិងញីខ្លះទៅឱ្យឈ្មួញ ហើយសល់ពីនោះទុកបន្តចិញ្ចឹមខ្លួនឯងចិញ្ចឹម»។

ការចិញ្ចឹមជ្រូកមេនេះមិនបានទៅទិញចំណីពីទីផ្សារ ពោលយកតែកាកសំណល់ដែលសល់ពីផ្ទះបាយបន្តិចបន្តួចជាមួយកន្ទក់ដាក់ឱ្យជ្រូកស៊ី ១ ដង ឬ ២ ដង ក្នុង១ ថ្ងៃ។ បើនៅរដូវប្រាំងវិញចិញ្ចឹមជ្រូកព្រលែងចោលឱ្យដើរស៊ីចំណីផ្សេងៗទៀតហើយធំធាត់លឿន។នេះជាវិធីសាស្រ្តចិញ្ចឹមជ្រូករបស់អ្នកស្រី ខាំភុន ស្នា។

ចំណែកអ្នកភូមិម្នាក់ទៀត អ្នកស្រី រាំងអាវ ភួង ជនជាតិដើមភាគតិចគ្រឹង នៅភូមិទៀមលើ ឃុំកាចូន ស្រុកវើនសៃ បានចិញ្ចឹមមេជ្រូកប្រភេទ ខ្លាឃ្លោក ដែលឆ្នាំនេះកើនកូនបាន ១០ក្បាល។ កូនជ្រូកទាំងនេះ គ្រាន់តែកើតមកភ្លាមមានឈ្មួញ និងអ្នកភូមិបានមកកក់អស់ហើយ។ អ្នកស្រីប្រាប់ថា៖« ការចិញ្ចឹមមេជ្រូកតាមបែបប្រពៃណីនេះ មិនប្រឈមការលំបាកនោះទេ ពីព្រោះនៅរដូវស្រែចម្ការដាក់វានៅក្នុងទ្រុង ចំណែកច្រូតកាត់ស្រូវរួចក៏លែងវាដើររកចំណីខ្លួនឯង និងដាក់ចំណីបាយ កន្ទក់ បន្តិចបន្តួច»។ អ្នកស្រីបន្តទៀតថា កូនជ្រូកដែលគេមករកទិញ លក់ចេញក្នុងតម្លៃចាប់ពី ១៥ ម៉ឺនរៀល ទៅ ២០ ម៉ឺនរៀល ទៅតាមទំហំជ្រូក ដោយអ្នកខ្លះយកទៅចិញ្ចឹម និងខ្លះទៀតយកទៅធ្វើពិធីសែនព្រេន។

លោក ម៉ៃ ជនជាតិដើមភាគតិចឡាវ ជាឈ្មួញទិញជ្រូក បានប្រាប់ថា រដូវនេះលោកបានដើរទិញជ្រូកពីអ្នកភូមិទៅតាមទំហំតូចធំ ហើយជ្រូកខ្លះទិញក្នុងតម្លៃ​១១ម៉ឺន រៀល ខ្លះ ១៥ម៉ឺនរៀល។ លោកប្រាប់ថា ការប្រមូលទិញនេះ សម្រាប់ចិញ្ចឹមលក់ទៅឱ្យអ្នកភូមិ និងឈ្មួញផ្សេងទៀតដែលមានបំណងមកទិញ៕

អត្ថបទ៖ ខៀវ ចាប

The post កសិករនៅស្រុកវើនសៃ ខេត្តរតនគិរី និយមចិញ្ចឹមជ្រូកមេ ខណៈមុខរបរនេះកាក់កបគួរសម្យ appeared first on Kampuchea Thmey Daily.

តាមរយៈគម្រោងពិពិធកម្មកសិកម្មកម្ពុជា(CASDP)នៃក្រសួងកសិកម្ម សម្រាប់​គាំទ្រជា​ទុន​បដិភាគ​ដល់​ការ​ទិញ​ឧបករណ៍​សម្ភារៈ​ផលិតកម្ម​កូនជ្រូក និងជ្រូកសាច់ ដូចជា សម្ភារៈសាងសង់ទ្រុងជ្រូក ម៉ាស៊ីនវ៉ៃកន្ទក់ ម៉ូទ័រហាន់​ដើម​ចេក ម៉ូទ័រ​បូមទឹក សម្ភារៈ​ដាក់​ចំណី​ជ្រូក និងមេ-បាជ្រូក។

តាមរយៈផែនការពង្រឹងសមត្ថភាពផលិតកម្ម និង​បង្កើន​ប្រសិទ្ធភាព​សេដ្ឋកិច្ច ដែលគាំទ្រដោយគម្រោងCASDP សហគមន៍​ដែល​មាន​សមាជិក​ភាគ​ច្រើនជាស្ត្រីនេះ គ្រោងនឹងផលិតកូនជ្រូកយ៉ាងតិច ២០០០ ក្បាល និង​ជ្រូក​សាច់ជិត ៧០០០ ក្បាល ក្នុងរយៈពេល ៣ ឆ្នាំខាងមុខ។

សហគមន៍​ក៏​គ្រោង​នឹង​ប្រែក្លាយ​ខ្លួន​ទៅ​ជា​សហគមន៍​កសិកម្ម​ទំនើប​ក្នុងពេលអនាគត ដោយ​សិក្សា​ពិនិត្យ​លទ្ធភាព​ទិញ​ធាតុ​ចូលរួម​គ្នា ផលិត​ពូជ​កូន​ជ្រូករួម​គ្នា​ដើម្បី​ផ្គត់ផ្គង់​ដល់​សមាជិកយកទៅចិញ្ចឹម និង​ចុះ​កិច្ចសន្យា​តភ្ជាប់​ទីផ្សារទុកជាមុនផងដែរ។

តាម​សំណើ​របស់​ក្រសួង​កសិកម្ម​ រុក្ខា​ប្រមាញ់ និង​នេសាទ ដើម្បី​ជួយ​គាម​ទ្រ​ទុន​បង្វិល​ដល់​សហគមន៍​កសិកម្ម​ទំនើប​ រាជរដ្ឋាភិបាល​កម្ពុជា បាន​សម្រេច​ជា​គោលការណ៍​ផ្តល់​ឥណទាន​ចំនួន​ ៥៥ ០០០ ០០០ ដុល្លារ​ថ្មី សម្រាប់​ផ្តល់​ឥណទាន​ដល់​សហគមន៍​កសិកម្ម​ទំនើប​សម្រាប់​រយៈ​ពេល ៣ ឆ្នាំ​ គឺ ឆ្នាំ​២០២៥-២០២៧៕

The post ជំនួយឥតសំណងជាង ៣ ម៉ឺនដុល្លារ ផ្តល់ជូន សហគមន៍កសិកម្មអ្នកចិញ្ចឹមជ្រូកខេត្តកំពង់ធំ appeared first on Kampuchea Thmey Daily.

នៅខេត្តរតនគិរី ជនជាតិដើមភាគតិចស្ទើរគ្រប់ផ្ទះក្នុងភូមិស្រុកនីមួយៗ គេសង្កេតឃើញមានមេជ្រូក និងកូនរបស់វាដើររកចំណីស៊ី នៅគ្រប់ច្រកល្ហកពីទីកន្លែងមួយទៅទីកន្លែងមួយទៀត។ ការចិញ្ចឹមសត្វបែបនេះ ជាទម្លាប់របស់អ្នកស្រុកភូមិនៅទីជនបទតាំងពីដូនតារបស់ជនជាតិដើមភាគតិចមកម្ល៉េះ។ ការផ្តល់ចំណីអាហារទៅឱ្យពួកវាវិញអាស្រ័យទៅលើម្ចាស់ផ្ទះ ហូបបាយនៅម៉ោងណា ក៏ដាក់បាយឱ្យពួកវាស៊ីដែរ។ ចំណែក ការទិញពួកវាទៅចិញ្ចឹមរបស់ជនជាតិដើមភាគតិច គឺទិញតគ្នាពីអ្នកភូមិនៅផ្ទះជិតគ្នា ឬទិញកូនជ្រូកពីភូមិផ្សេងៗដែលស្គាល់គ្នានៅក្នុងខេត្ត ហើយកម្រនឹងទិញពូជជ្រូកនាំចូលពីក្រៅខេត្តណាស់។

ការចិញ្ចឹមសត្វជ្រូកនេះ គឺអ្នកភូមិបានប្រលែងវាចោលនៅរដូវប្រមូលផលរួច ផុតពីខែនេះទៅចាប់ដាក់ទ្រុងវិញ កុំឱ្យពួកវាដើររកស៊ីដំណាំរបស់អ្នកជិតខាង។ ជ្រូកដែលជនជាតិដើមភាគតិចនិយមចិញ្ចឹម គឺមានពណ៌ខ្មៅលាយជាមួយពណ៌ស ឬប្រផេះ មានទំហំខ្លួនធំ និងធ្លាក់ក្បាលពោះ ហើយវាមិនចេះរើសចំណីអាហារ មិនសូវកើតជំងឺធ្ងន់ធ្ងរ ស្រួលចិញ្ចឹម ដាក់ចំណី និងថែទាំ។

លោកស្រី មួង ធា ដែលជាជនជាតិដើមភាគតិច គឺជាអ្នកចិញ្ចឹមជ្រូកមួយរូបនៅក្នុងខេត្តរតនគិរី ហើយគាត់ចាប់ផ្តើមចេះចិញ្ចឹមជ្រូកនេះ តពីម្តាយ។ គាត់​ប្រាប់ថា ចំណីអាហាររបស់ជ្រូក មានដើមចេក កន្ទក់ និងចុងអង្ករ កាក់សំណល់សល់ពីផ្ទះបាយ ហើយជ្រូករបស់គាត់ដំ​បូងឡើយ គាត់ទិញក្នុងតម្លៃ១០,០០០០រៀល។ នៅក្នុងរយៈពេល១ឆ្នាំមកនេះ វាចាប់ធំពេញវ័យ ល្មមនឹងរកឈ្មោល គាត់ប្រលែងវាចោលនៅក្នុងរដូវប្រមូលផលស្រូវរួច ដើម្បីវារកបន្តពូជសម្រាប់គាត់ចិញ្ចឹមលក់ឱ្យឈ្មួញ។ កាលពីដំបូង វាពោះធំ កើតបានកូនរហូតទៅដល់១៥ក្បាល តែក្នុងរយៈពេលតែ២ទៅ៣ឆ្នាំប៉ុណ្ណោះ។ រីឯ នៅក្នុងឆ្នាំនេះ វាកើតបានកូនពី៦ទៅ៧ក្បាលទេ។

នៅរយៈពេលដែលវាកើតនោះ ចាប់ពី៣ខែទៅ វាចេះស៊ីបាយធំល្មមលក់ទៅឱ្យអ្នកភូមិដែលមករកទិញយកទៅចិញ្ចឹម បានតម្លៃ ១០,០០០០រៀល ទៅ ១៥,០០០០រៀល ប៉ុន្តែ ជួនកាលមិនមានអ្នកភូមិមកទិញទេ គឺមានឈ្មួញមករកទិញជ្រូកតាមម៉ូតូ ទិញយកទៅលក់បន្តទៀត មិនដែលសេសសល់នោះឡើយ។ ការខិតខំប្រឹងប្រែងពីការចិញ្ចឹមជ្រូកនេះ បានហុចប្រាក់កម្រៃមកវិញជួយឱ្យគាត់ផ្គត់ផ្គង់ថ្លៃម្ហូបអាហារ សម្លៀកបំពាក់ និងផ្តល់ប្រាក់ឱ្យកូនទៅរៀន ហើយក្នុង១ឆ្នាំ សល់ប្រាក់ប្រហែល១លានរៀល។

ជាការកត់សម្គាល់ សព្វថ្ងៃនេះ ជនជាតិដើមភាគតិច ខេត្តរតនគិរីនៅតែប្រកបរបរចិញ្ចឹមជ្រូកយកកូនលក់ ដោយឱ្យរស់នៅតាមបែបធម្មជាតិដោយវាដើររកស៊ីផ្លែស្វាយទុំ ផ្លែចន្ទីទុំ ដើររកស៊ីរុក្ខជាតិផ្សេងៗទៀត បន្ទាប់ពីរបបអាហារនៅផ្ទះសម្បែង។ លុះដល់រដូវវស្សា ទើបយកវាដាក់ទ្រុងចប់រដូវប្រមូលផល ទើបប្រលែងវាជាធម្មតាវិញ៕

The post នៅខេត្តរតនគិរី ជនជាតិដើមភាគតិច ចិញ្ចឹមជ្រូកដោយប្រលែងឱ្យវាដើររកចំណីស៊ីខ្លួនឯងផង និងដាក់បាយឱ្យស៊ីផង appeared first on Kampuchea Thmey Daily.

លោក ស៊្រុន ពៅ ប្រធានសមាគមអ្នកចិញ្ចឹមសត្វនៅកម្ពុជា បានប្រាប់កម្ពុជាថ្មីថា គិតមកដល់ពេលនេះ ជ្រូករស់នៅកម្ពុជា មានតម្លៃជាង ៧ពាន់រៀល ក្នុងមួយគីឡូក្រាម ដោយតម្លៃនេះមានការឡើងថ្លៃបន្តិច បើធៀបនឹងមួយរយៈពេលកន្លងទៅ ប៉ុន្តែមិនទាន់ដល់ថ្លៃដើមផលិតរបស់អ្នកចិញ្ចឹមនៅឡើយ ពោលគឺថ្លៃដើមផលិតជាង ៩ពាន់រៀល។

ប្រធានសមាគម បានបន្តទៀតថា អ្នកចិញ្ចឹមជ្រូកខាតអស់រយៈពេលជាងមួយឆ្នាំមកហើយ ខណៈដែលមកដល់ពេលនេះ មិនទាន់រកប្រាក់ចំណេញឃើញនៅឡើយ។ លោក បានឱ្យដឹងដូច្នេះថា«កសិករយើង បានដួលរលំសឹងថា ៨០-៩០%ទៅហើយ ដោយសព្វថ្ងៃនេះ មានតែកសិដ្ឋានចិញ្ចឹមធំៗប៉ុណ្ណោះនៅរឹងមាំ, ចំណែកកសិក បានទិញកូនជ្រូកពីកសិដ្ឋានយកទៅចិញ្ចឹម ដោយខាតជាបន្តបន្ទាប់ ក៏ផ្អាកការទិញ ដូច្នេះកសិដ្ឋានខ្លួនឯងត្រូវបង្ខំចិត្តពង្រីកទ្រុង ដើម្បីចិញ្ចឹមបន្ថែម»។

បើតាមលោក ស៊្រុន ពៅ មើលឃើញថា តម្លៃដែលកសិករ អាចទទួលយកបានពីការចិញ្ចឹមនេះ គឺចាប់ពី ១ម៉ឺនរៀល ក្នុងមួយគីឡូក្រាមឡើងទៅ ទើបមានពន្លឺនៃការការចំណេញបានខ្លះ តែបើតម្លៃនៅត្រឹម ៧ពាន់ ឬ៨ពាន់រៀល ក្នុងមួយគីឡូ កសិករ ឬកសិដ្ឋានប្រឈមនឹងការក្ស័យធនហើយ។

ប្រធានសមាគមអ្នកចិញ្ចឹមជ្រូក បានគូសបញ្ជាក់ទៀតថា បច្ចុប្បន្ននេះ កម្ពុជា មានតម្រូវការជ្រូកប្រមាណ ៧ពាន់ទៅ ៨ពាន់ក្បាលក្នុងមួយថ្ងៃ ខណៈដែលការផលិតបានរហូតដល់ជាងមួយម៉ឺនក្បាល ក្នុងមួយថ្ងៃ។ ដូច្នេះលោក ស៊្រុន ពៅ ធានាថា នៅរដូវកាលចូលឆ្នាំចិននេះ មិនមានការខ្វះខាតជ្រូកសម្រាប់ផ្គង់ផ្គង់ទីផ្សារឡើយ។

ស្របពេលដែលការផលិតជ្រូករបស់កម្ពុជា លើសតម្រូវការ អ្នកចិញ្ចឹមជ្រូកដែលជាសមាជិករបស់សមាគម បាននាំចេញជ្រូកទៅទីផ្សារប្រទេសវៀតណាមបានជាង២០ម៉ឺនក្បាល នៅរយៈពេលប៉ុន្មានខែកន្លងមកនេះ។ នេះបើតាមការបន្ថែមរបស់លោក ស៊្រុន ពៅ៕

The post លោក ស៊្រុន ពៅ៖ ជ្រូកចាប់ផ្តើមឡើងថ្លៃ តែមិនទាន់ដល់ថ្លៃដើមផលិតដែលអ្នកចិញ្ចឹមអាចចំណេញ appeared first on Kampuchea Thmey Daily.

លោក ស៊្រុន ពៅ ប្រធានសមាគមអ្នកចិញ្ចឹមសត្វកម្ពុជា បានប្រាប់កម្ពុជាថ្មីថា ការផ្គត់ផ្គង់សាច់ជ្រូក នារដូវភ្ជុំបិណ្ឌ​ខាងមុខ មិនខ្វះនោះទេ អាចនឹងលើសតម្រូវការថែមទៀតផង។ ប៉ុន្តែលោកថា តម្លៃអាចនឹងឡើងថ្លៃជាងមុនបន្តិច ដោយសារតែការប្រែប្រួលនៃវិបត្តិសេដ្ឋកិច្ច និងការចិញ្ចឹមត្រូវចំណាយលើវត្ថុធាតុដើមច្រើនជាងមុន។

ទោះយ៉ាងណា លោកសង្ឃឹមថា ទីផ្សារផ្គត់ផ្គង់សាច់ជ្រូកនៅកម្ពុជា នឹងមានសញ្ញាវិជ្ជមាន សម្រាប់កសិករជាអ្នកចិញ្ចឹម បើទោះជាកន្លងមកមានការនាំចូលសាច់ជ្រូកពីប្រទេសជិតខាង ធ្វើឱ្យការចិញ្ចឹមជ្រូកក្នុងស្រុកពិបាកស្វែងរកទីផ្សារ និងមានបញ្ហាប្រឈមមួយចំនួន ដែលជាក្ដីកង្វល់របស់កសិករអ្នកចិញ្ចឹម សម្រាប់ផ្គត់ផ្គង់ទីផ្សារសាច់យ៉ាងណាក្តី។

បច្ចុប្បន្ននេះ ជ្រូករស់មានតម្លៃពីជាង ៨ពាន់រៀល ទៅជិត ៩ពាន់រៀល ក្នុងមួយគីឡូក្រាម។ លោក ស៊្រុន ពៅ បានថ្លែងដូច្នេះថា« តម្លៃបានរាងគ្រាន់បើបន្តិចវិញ ដោយសារយើងបានបន្ធូរស្តុកមួយចំនួន និងទីផ្សារបាន​ដំណើរល្អ​ឡើងវិញ ពិសេសជិតរដូវភ្ជុំបិណ្ឌនេះ»។

ប្រធានសមាគមបានកត់សម្គាល់ថា បច្ចុប្បន្ននេះ ការចិញ្ចឹមជ្រូកក្នុងស្រុកមានការកើនឡើង ធ្វើឱ្យការផ្គត់ផ្គង់​លើទីផ្សារលើសតម្រូវការ និងតម្លៃមានការធ្លាក់ចុះ  ហើយអ្វីដែលសំខាន់នោះ​គឺធ្វើឱ្យប៉ះពាល់​ដល់ប្រាក់​ចំណូលរបស់អ្នកចិញ្ចឹម ដោយសារពួកគេ ត្រូវចំណាយទៅលើការទិញចំណី និងកម្លាំងពលកម្មជាដើម។

អាជីវករលក់សាច់ជ្រូកនៅផ្សារដើមគ អ្នកស្រី ទួន ចិន្តា បានឱ្យដឹងថា សាច់ជ្រូកនៅលើទីផ្សារ​ចាប់ផ្តើមឡើង​ថ្លៃបណ្តើរៗហើយ ខណៈនៅតែប៉ុន្មានថ្ងៃទៀតប៉ុណ្ណោះដល់ថ្ងៃដាក់បិណ្ឌ។ អ្នកស្រីបន្តថា ឆ្អឹងជំនី និងសាច់​បីជាន់មានតម្លៃ ១៧ ០០០រៀល ក្នុងមួយគីឡូក្រាម, ជើងតម្លៃ ១៣ ០០០រៀល, សាច់សុទ្ធតម្លៃ ១៤ ០០០រៀល ពោលគឺឡើងថ្លៃ ៥០០រៀលស្ទើរគ្រប់មុខ។ តម្លៃនេះ គិតត្រឹមថ្ងៃទី ២៧ ខែកញ្ញា ឆ្នាំ ២០២៣នេះ៕

អត្ថបទ៖ សួស សិត

The post លោក ស៊្រុន ពៅ ៖ ការផ្គត់ផ្គង់សាច់ជ្រូក ក្នុងរដូវភ្ជុំបិណ្ឌមិនខ្វះឡើយ អាចលើសតម្រូវការថែមទៀត appeared first on Kampuchea Thmey Daily.

លោក ស៊្រុន ពៅ បានឲ្យដឹងបន្តថា ចំពោះតម្រូវសាច់ជ្រូក នៅលើទីផ្សារក្នុងប្រទេសកម្ពុជា​ មានការថយចុះទៅវិញ នៅក្នុងបរិបទកូវីដ-១៩នេះ ដោយ១ថ្ងៃ មានតម្រូវការតែជាង៨ពាន់ក្បាលប៉ុណ្ណោះ ដែលខុសពីមុនមាន​ចំនួនច្រើន​ជាងនេះ។ លោក ស៊្រុន ពៅ បានបញ្ជាក់ថា «យើងឃើញថា ការហូបចុកនៅទីផ្សារ ដែលសព្វថ្ងៃនេះ ដែលយើង​លក់នេះ ឃើញថាវាថយចុះ សព្វថ្ងៃនៅសល់តែប្រហែលថា ៨ពាន់ក្បាលចុះ ទៅ៨ពាន់ជាង ក្នុងមួយថ្ងៃ នៅទូ​ទាំ​ងប្រទេស គិតជាក្បាល ១ក្បាល១០០គីឡូ គុណតាមហ្នឹងទៅហ្នឹង»។

ប្រធានសមាគមអ្នកចិញ្ចឹមសត្វកម្ពុជា បានបញ្ជាក់បន្ថែមថា ការចិញ្ចឹមសត្វជ្រូក សម្រាប់​ផ្គត់​ផ្គង់ក្នុងស្រុក ស្ទើរតែ​អាច​​​គ្រប់គ្រាន់ ដោយមានការនាំចូលពីក្រៅប្រទេស តែចំនួនប្រមាណ១ពាន់ក្បាលប៉ុណ្ណោះ ក្នុងមួយថ្ងៃ។ លោក​បាន​ថ្លែងយ៉ាងដូច្នេះថា «យើងសព្វថ្ងៃនេះ យើងផ្គត់ផ្គង់នៅក្នុងស្រុក ស្ទើរតែគ្រប់ហើយ ខ្វះតិចតួច ខ្វះតិចណាស់ ខ្វះប្រហែលខ្ទង់តែ ១ពាន់ក្បាលតែប៉ុណ្ណឹងទេ ដែលការនាំចូលសព្វថ្ងៃ ប្រហាក់ប្រហែលនឹង១ពាន់ក្បាលហ្នឹង បើ​មាន​លើស គឺលើសតិចតួច បើខ្វះក៏ខ្វះតិចតួច»។

សូមជម្រាបថា កាលពីរសៀលថ្ងៃទី១៨ ខែសីហា ឆ្នាំ២០២១ អគ្គនាយកដ្ឋានសុខភាពសត្វ និងផលិតកម្មសត្វ នៃ​ក្រសួងកសិកម្មរុក្ខាប្រមាញ់ និងនេសាទ បានកោះអញ្ជើញតំណាងសមាគម អ្នកចិញ្ចឹមសត្វកម្ពុជា ជួបពិភាក្សាគ្នាដើម្បីរកដំណោះស្រាយ និងឈានដល់ការកាត់បន្ថយ ការនាំចូលជ្រូករស់បន្ថែមទៀត។

លោក ស៊្រុន ពៅ ប្រធានសមាគមអ្ន​កចិញ្ចឹមសត្វកម្ពុជា បានឲ្យដឹងថា ការជួបពិភាក្សាគ្នានេះ មិនទាន់មានលទ្ធផល​អ្វី​​ទេ ដោយត្រូវរង់ចាំកិច្ចប្រជុំនៅថ្ងៃច័ន្ទសប្ដាហ៍ក្រោយ ដែលមានចូលរួមពីមន្ត្រីសេដ្ឋកិច្ច និងសេដ្ឋកិច្ច, ក្រសួង​ពា​ណិ​ជ្ជកម្ម, និងក្រសួងកសិកម្ម រុក្ខាប្រមាញ់ និងនេសាទ។ សម្រាប់កិច្ចប្រជុំនៅសប្ដាហ៍ក្រោយនេះ នឹងបើកឱកាស​ឲ្យសមាគមអ្នកចិញ្ចឹមសត្វកម្ពុជា អាចលើកឡើងអំពីបញ្ហាប្រឈម និងសំណូមពរ អំពីការចិញ្ចឹមសត្វជ្រូកនៅ​ក្នុង​ស្រុក។

បើតាមសមាគមអ្ន​កចិញ្ចឹមសត្វកម្ពុជា ការនាំចូលជ្រូកពី​ក្រៅប្រទេស ដូចជា៖ ថៃ​ និងវៀតណាជាដើម គឺមា​នការថយចុះ​ជាច្រើន ដែលពីមុននាំចូល ប្រហែល៦៧០០ក្បាលក្នុងថ្ងៃ តែសព្វថ្ងៃនេះ នាំចូលប្រហែល ១២០០ក្បាលក្នុងមួយថ្ងៃប៉ុណ្ណោះ។ សមាគមសង្ឃឹមថា ​ក្នុង​ពេលឆាប់ៗខាងមុខនេះ​ ការនាំចូល នឹងត្រូវកាត់បន្ថយបន្ថែមទៀត​ ​ ដើម្បីផ្តល់ឱកាសផ្គត់ផ្គង់នេះ ដល់កសិករក្នុងស្រុកវិញ​។ រីឯអ្នកដែលធ្លាប់ នាំជ្រូកចូលពីក្រៅប្រទេស នឹងត្រូវប្តូរមកទិញជ្រូកក្នុងស្រុកវិញ ​ដើម្បីយកទៅផ្គត់ផ្គង់ទីផ្សារ ដែលនឹងធ្វើឲ្យសេដ្ឋកិច្ចជាតិ កាន់តែរីកចំ​រើនថែមទៀត៕ (ដោយ)៖ ឃួន សុភ័ក្រ

The post ការចិញ្ចឹមសត្វជ្រូកក្នុងស្រុក មានការកើនឡើង តែតម្រូវការសាច់ជ្រូក មានការធ្លាក់ចុះ appeared first on Kampuchea Thmey Daily.

សមាគមអ្នកចិញ្ចឹមសត្វលើកឡើងថា “រយៈពេល២ឆ្នាំចុងក្រោយនេះ ល្បឿននៃផលិតកម្មក្នុងស្រុកបានកើនឡើងខ្ពស់ ដោយកសិដ្ឋានខ្នាតពាណិជ្ជកម្ម និងរោងចក្រផលិតចំណីសត្វ បានបន្តពង្រីកជាបន្តបន្ទាប់ និងបានបង្កើតការងារផ្ទាល់រាប់ពាន់កន្លែង ជូនប្រជាពលរដ្ឋ និងបានស្រូបយកកសិផលរាប់ម៉ឺនតោន ដើម្បីបំលែងធ្វើចំណីសត្វដូចជា ពោត ចុងអង្ករ ដំឡូងមី កន្ទុក ជាដើម។ ជាពិសេសទៀត វិស័យចិញ្ចឹមជ្រូកបានដើរតួនាទីយ៉ាងសំខាន់ក្នុងការលើកស្ទួយសេដ្ឋកិច្ចជាតិ និងអាចប្រកួតប្រជែងជាមួយប្រទេសនានា ក្នុងតំបន់នាពេលខាងមុខផងដែរ”។

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា ធ្លាប់បានបញ្ជាក់ប្រាប់អ្នកសារព័ត៌មានថា បើការចិញ្ចឹមជ្រូកនៅតែទទួលបានការយកចិត្តទុកដាក់ពីរាជរដ្ឋាភិបាល ក៏ដូចជាក្រសួងកសិកម្ម កម្ពុជានឹងមានលទ្ធភាពផ្គត់ផ្គង់សាច់ជ្រូកនៅក្នុងប្រទេសដោយខ្លួនឯងក្នុងរយៈពេលដ៏ខ្លីខាងមុខ ពីព្រោះថា គិតត្រឹមរយៈពេលពីរឆ្នាំចុងក្រោយនេះ កម្ពុជាអាចផ្គត់ផ្គង់សាច់ជ្រូកនៅលើទីផ្សារបានចាប់ពី ៨០ ទៅ៨៥ ភាគរយទៅហើយ។

លោកលើកឡើងដែរថា មូលហេតុដែលវិស័យចិញ្ចឹមជ្រូក មានសន្ទុះបែបនេះ ដោយសារតែកត្តាសំខាន់ៗមួយចំនួនដូចជា ការផ្ដល់ដើមទុនលើកទឹកចិត្តពីរាជរដ្ឋាភិបាលកម្ពុជា និងការយកចិត្តទុកដាក់ពីក្រសួង ស្ថាប័នពាក់ព័ន្ធ ដែលមានក្រសួងកសិកម្ម ក៏ដូចជាអគ្គនាយកដ្ឋានសុខភាពសត្វ និងផលិតកម្មសត្វជាដើម ហើយកត្តាដ៏សំខាន់មួយទៀត គឺកម្ពុជាគ្រប់គ្រងបានដោយល្អ លើការនាំចូលជ្រូកពីប្រទេសជិតខាង។

លោកបានរំលឹកថា កាលពីប៉ុន្មានឆ្នាំមុន ឈ្មួញគឺជាអ្នកកំណត់ការនាំជ្រូកចូលពីប្រទេសជិតខាង។ មានន័យថា ពួកគេនាំចូលតាមទំនើងចិត្ត មិនអាចគ្រប់គ្រងបានទេ ទើបធ្វើឲ្យវិស័យចិញ្ចឹមជ្រូកនៅកម្ពុជាមិនអាចងើបមុខរួច។ តែបច្ចុប្បន្នការនាំចូលជ្រូកពីប្រទេសជិតខាង ត្រូវបានគ្រប់គ្រង ពោលគឺការនាំចូលសម្រាប់តែចំនួនដែលខ្វះ ឬបំពេញបង្គ្រប់សេចក្តីត្រូវការតែប៉ុណ្ណោះ។

ដែលប្រការនេះ ធ្វើឱ្យកម្ពុជាគ្រប់គ្រងបានទាំងតម្លៃជ្រូករស់នៅក្នុងស្រុក ទាំងសុខភាពសត្វជ្រូក គឺមិននាំជំងឺចូលពីប្រទេសជិតខាង មកបំភ្លេចបំផ្លាញសុខភាពជ្រូកនៅក្នុងស្រុក ហើយជ្រូកនាំចូល ត្រូវបានពិនិត្យសុខភាពយ៉ាងច្បាស់លាស់ មុននឹងអនុញ្ញាតឲ្យនាំចូល ហើយនេះក៏ជាកត្តាស្លាប់រស់នៃវិស័យចិញ្ចឹមជ្រូកនៅកម្ពុជាផងដែរ៕ អត្ថបទ៖ កោះកែវ

The post ការចិញ្ចឹមជ្រូក ជួយលើកស្ទួយសេដ្ឋកិច្ចជាតិ និងឈានទៅប្រកួតប្រជែង ក្នុងតំបន់ appeared first on Kampuchea Thmey Daily.