អត្រា​ចំនួន​​ប្រជាជន​របស់​ប្រទេសចិន​ ដែល​មិន​រាប់​បញ្ចូល​តៃវ៉ាន់ ហុងកុង និង​ម៉ាកាវ​ បាន​កើន​ឡើង​ដល់ ១៤០៤.៨៩លាន​នាក់​ នៅ​ដំណាច់​ឆ្នាំ២០២៥​​ធ្លាក់​ចុះ​ ៣.៣៩​លាន​នាក់ បើ​ធៀប​នឹង​ឆ្នាំ​មុន​។​

ចំណែកអត្រា​​ចំនួន​ទា​រក​កើត​​មាន​ចំនួន ៧.៩២ លាននាក់ ធ្លាក់​ចុះ​ពី ៩.៥៤លាន​នាក់​ ក្នុង​ឆ្នាំ២០២៤​ ទោះ​បី​ជា​រដ្ឋា​ភិបាល ​បាន​អនុវត្ត​គោល​នយោបាយ​លើក​ទឹក​ចិត្ត​ដល់​ការ​សម្រាល​កូន​ដូច​ជា​ការ​ចែក​ចាយ​ប្រាក់​ឧបត្ថម្ភ​ប្រចាំ​ឆ្នាំ​ចំនួន ៥១៧ដុល្លា​ សម្រាប់​កុមារ​គ្រប់​រូប​ដែល​មាន​អាយុ​ក្រោម៣ឆ្នាំ​ក៏​ដោយ។

បើតាម Kyodo, អត្រា​កំណើត​ឆ្នាំ២០២៥ មាន​ចំនួន​ ៥.៦៣នាក់​ ក្នុង​ចំណោម​ ១ ០០០នាក់​ ដែល​ឈាន​ដល់​កម្រិត​ទាប​ថ្មី​មួយ​ ចាប់​តាំង​ពី​ឆ្នាំ​១៩៤៩​​ នៅ​ពេល​ដែល​ លោក​ ម៉ៅ សេទុង បាន​បង្កើត​ប្រទេស​ដែល​ដឹក​នាំ​ដោយ​របបកុម្មុយ​និស្ត បន្ទាប់​ពី​បាន​ចុះ​ឈ្មោះ​ចំនួន​ ៦.៣៩​នាក់ ក្នុង​ឆ្នាំ ​២០២៣។

តែយ៉ាងណា នៅឆ្នាំ២០២១ ប្រទេស​ចិន​បាន​សម្រេច​ចិត្ត​អនុញ្ញាត​ឱ្យ​គូ​ស្វាមី​ភរិយា​រៀប​ការ​យក​កូនចំនួន​បីនាក់​ ប៉ុន្តែ​រហូត​មក​ដល់​ពេល​នេះ ​ប្រទេស​ចិននៅ​តែ​​មិន​ទាន់​ឃើញ​មានការ​កើន​ឡើង​នៃ​ចំនួន​កូន​នៅ​ឡើយ​​ទេ  ដោយ​អ្នក​ជំនាញ​បាន​ចង្អុល​បង្ហាញ​ពី​បន្ទុក​ហិរញ្ញ​​វត្ថុ​ដ៏​ធ្ងន់​សម្រាប់​គូ​ស្វាមី​ភរិយា​វ័យក្មេង​ក្នុង​ការ​ចិញ្ចឹម​កូន​។

បន្ថែម​ពី​​ការ​បញ្ចប់ គោល​នយោបាយ​កូន​តែ​មួយដែល​ណែ​នាំ​ក្នុង​ឆ្នាំ ១៩៧៩​ ប្រទេស​ចិន​បាន​ចាប់​ផ្តើម​បង្កើន​អាយុ​ចូល​និវត្តន៍​របស់​ប្រជាជន​ជាបណ្តើរៗ​ក្នុង​រយៈពេល ១៥​ឆ្នាំ ចាប់​ពី​ខែមករា ឆ្នាំ២០២៥​  ចំ​ពេល​មាន​ការ​ព្រួយ​បារម្ភ​កាន់​តែខ្លាំង​ឡើង​ថា​ចំនួន​ប្រជាជន​វ័យ​ចំណាស់​អាច​រារាំង​ដល់​ការ​ពង្រីក​សេដ្ឋកិច្ច​របស់​ប្រទេស​។​

យោង​តាម​ការ​ប៉ាន់ស្មាន​​របស់​អង្គ​ការ​សហ​ប្រជាជាតិ ​ឥណ្ឌា​បាន​វ៉ា​ដាច់​ប្រទេស​ចិន​ជា​ប្រទេស​ដែល​មាន​ប្រជាជន​ច្រើន​ជាង​គេ​បំផុត​របស់​ពិភព​លោក​ឆ្នាំ២០២៣។ ចំណែក​នៅឆ្នាំ​២០២២ ចំនួន​ប្រជាជន​នៃ​ប្រទេស​ចិន​​បាន​ធ្លាក់​ចុះ​ជា​លើក​ដំបូង​ក្នុង​រយៈពេល​ ៦១ឆ្នាំ៕

ប្រែសម្រួល៖ ណឺ មិនា

The post ចំនួន​ប្រជាជន​ចិន​​បន្តធ្លាក់​​ចុះ​រយៈ​​ពេល​​បួន​​ឆ្នាំ​​ជាប់ៗ​គ្នា​ គិត​ត្រឹម​ឆ្នាំ ​២០២៥​ appeared first on Kampuchea Thmey Daily.

​​របាយការណ៍​ការិយាល័យស្ថិតិជាតិ (ONS) ដែល​ផ្សព្វផ្សាយ​ដោយ​សារ​ព័ត៌មាន​​ជាច្រើន មាន BBC, The Independent ​និង​ The Guardian ជាដើម​​ គិតថាចំនួនប្រជាជននឹងកើនឡើង ៤.៩ លាននាក់ក្នុងទសវត្សរ៍នេះចាប់ពីពាក់កណ្តាលឆ្នាំ ២០២២ ឬ ៧.៣% ដែលជំរុញទាំងស្រុងដោយការធ្វើចំណាកស្រុកសុទ្ធ ខណៈដែលអត្រាំកំណើត និងការស្លាប់ប្រហែលស្មើគ្នា។

ONS សន្មត់ថា ចំនួនមនុស្សដែលមកចក្រភពអង់គ្លេស ដោយ​មិនរាប់​បញ្ចូល​អ្នក​ដែលចាកចេញនឹងតាំងទីលំនៅស្រាប់នៅចក្រភពអង់គ្លេស មា​​ន ៣៤០ម៉ឺន​​នាក់ក្នុងមួយឆ្នាំចាប់ពីឆ្នាំ ២០២៧ ដល់ឆ្នាំ ២០២៨តទៅ នឹង​កើនឡើងពីការប៉ាន់ស្មានពីមុនចំនួន ៣១៥០០០នាក់។ បន្ទាប់ពី​ការ​កែសម្រួលការប៉ាន់ស្មានរបស់ខ្លួនសម្រាប់ការធ្វើចំណាកស្រុកសុទ្ធ​របស់ចក្រភពអង់គ្លេសក្នុងឆ្នាំ២០២៣ ONS រកឃើញជនចំណាកស្រុកមានរហូតដល់ ៩០៦០០០នាក់ ដែលចំនួននេះច្រើនជាងចំនួនប្រជាជននៃទីក្រុងភាគច្រើននៃចក្រភពអង់គ្លេសទៅទៀត។

​នាយក​រដ្ឋមន្ត្រី​​ Starmer ស្ថិតនៅក្រោមសម្ពាធដើម្បីបង្ហាញថា គាត់កំពុងរារាំងជនអន្តោប្រវេសន៍ ចំពេលមានការព្រួយបារម្ភថា កម្រិតខ្ពស់នៃមនុស្សចូលមកប្រទេសកំពុងដាក់សម្ពាធលើសេវាសាធារណៈ និងលំនៅដ្ឋាន។ ការតវ៉ាជុំវិញការធ្វើចំណាកស្រុកនៅរដូវក្តៅឆ្នាំ២០២៤ បានរីករាលដាលទៅជាអំពើហិង្សា ជាមួយនឹងការវាយប្រហារទៅលើសណ្ឋាគារលំនៅដ្ឋានអ្នកស្វែងរកសិទ្ធិជ្រកកោន។

ទោះបី រដ្ឋាភិបាល​របស់​នាយក​រដ្ឋមន្ត្រី​​ Starmer ដែលជាប់ឆ្នោតកាលពីខែកក្កដា បានប្តេជ្ញាបង្ក្រាបនិយោជកខុសច្បាប់ និង​ក្រុមជនចំណាកស្រុក ឆ្លងកាត់ផ្លូវទឹកអង់គ្លេសតាមទូកតូចៗក៏ដោយ ក៏វិធានការនេះទំនងជាមិនអាចកាត់បន្ថយការ​ពឹង​ផ្អែក​របស់ចក្រភពអង់គ្លេស​លើពលករចំណាកស្រុកក្នុងវិស័យថែទាំសុខភាព និងសង្គម ដែលទិដ្ឋាការចំនួន ៥០៥៩១ ផ្តល់​ឲ្យរហូតដល់ខែកញ្ញាឆ្នាំនេះនោះទេ។

ខណៈពេលដែលការធ្វើចំណាកស្រុកត្រូវបានមើលឃើញជា​សាធារណៈ​ថា ជាកង្វល់ដ៏បន្ទាន់បំផុតដែលកំពុងប្រឈមមុខនឹង​ប្រទេស ONS បានកត់សម្គាល់ថា ចំនួនប្រជាជនវ័យចំណាស់ក៏នឹងបង្កើនការចំណាយរបស់រដ្ឋាភិបាលផងដែរ​ដោយសារ​​ចំនួនមនុស្សនៅអាយុចូលនិវត្តន៍របស់រដ្ឋត្រូវបានព្យាករណ៍ ថានឹងកើនឡើង១.៧ លាននាក់នៅពាក់កណ្តាលឆ្នាំ​២០៣២ នាំឲ្យចំនួនសរុបកើនដល់ទៅ ១៣,៧លាន​នាក់។

លើសពីនេះ ONS ព្យាករណ៍ថា នឹងមានអ្នកស្លាប់ប្រហែល១៧០០០ នាក់ច្រើនជាងការកើតក្នុងទសវត្សរ៍នេះដល់ពាក់កណ្តាលឆ្នាំ២០៣២។ បញ្ហានេះមួយផ្នែកដោយសារតែអត្រាមានកូនទាប និងអាយុសង្ឃឹមរស់ទាបជាងបន្តិចសម្រាប់បុរសដែលឥឡូវនេះត្រូវបានគេកំណត់ថានឹងរស់នៅជាមធ្យម៨២​ឆ្នាំ ខណៈអាយុកាលជាមធ្យមរបស់ស្ត្រីគឺ ៨៥.៦ឆ្នាំ៕

អត្ថបទ៖ ប៊ុន សុភាព

The post ជនចំណាកស្រុក​កំណត់អត្រា​​កំណើន​ប្រជាសាស្រ្ត​​​​ដល់​៧២.៥លាននាក់នៅ​​​អង់គ្លេស​នៅឆ្នាំ២០៣២ appeared first on Kampuchea Thmey Daily.

ក្នុងសន្និសីទកាលពីថ្ងៃព្រហស្បតិ៍ស្តីពីការដោះស្រាយអត្រាកំណើតទាប, ក្រុមអ្នកវិទ្យាសាស្ត្របានបង្ហាញក្តីកង្វល់អំពីអត្រាមានកូនទាបរបស់វៀតណាម ដែលអាចនឹងធ្លាក់ចុះដល់កម្រិតព្រួយបារម្ភក្នុងពេលឆាប់ៗនេះ។

កាលពីឆ្នាំមុន អត្រាមានកូនសរុបរបស់វៀតណាម គឺ១.៩៦នាក់ក្នុងស្ត្រីម្នាក់ ដែលជាកម្រិតទាបបំផុតក្នុងកំណត់ត្រា ហើយគេព្យាករថា អត្រានេះនឹងបន្តធ្លាក់ចុះទៀត។

លោក Pham Vu Hoang អនុប្រធានអាជ្ញាធរប្រជាជនវៀតណាម បានកត់សម្គាល់ថា ប្រជាជនវៀតណាមបានកើនឡើងដល់ជាង ១០០លាននាក់កាលពីឆ្នាំមុន ដោយជាមធ្យមកើន១លាននាក់ក្នុងមួយឆ្នាំ បើគិតចាប់ពីចន្លោះឆ្នាំ២០១៣ដល់ឆ្នាំ២០២៣។

បើ​វៀតណាម​រក្សា​អត្រា​កំណើត​មធ្យម កំណើន​ប្រជាជន​អាច​នឹង​កើនឡើង​ដល់​ឆ្នាំ២០៦៩ ប៉ុន្តែប្រសិនបើអត្រាកំណើតនៅតែមានកម្រិតទាបនោះ ចំនួនប្រជាជនអាចចាប់ផ្តើមធ្លាក់ចុះនៅដើមឆ្នាំ២០៥៩។

តាមការព្រមានពីអ្នកជំនាញ អត្រាកំណើតទាបអាចនាំឲ្យមានបញ្ហាប្រឈមជាច្រើន រួមទាំងកង្វះកម្លាំងពលកម្ម ការកើនឡើងនៃជនអន្តោប្រវេសន៍ និងចំនួនប្រជាជនវ័យចំណាស់ផងដែរ។ ពួកគេសន្មតថា អត្រាកំណើតធ្លាក់ចុះគឺដោយសារកត្តាមួយចំនួន ដូចជាកម្រិតឧត្តមសិក្សា ជីវភាពរស់នៅ និងបន្ទុកហិរញ្ញវត្ថុទាក់ទងការចិញ្ចឹមកូនជាដើម។

សូមជម្រាបថា បច្ចុប្បន្ន វៀតណាមគឺជាប្រទេសដែលមានប្រជាជនច្រើនជាងគេទីបីនៅអាស៊ីអាគ្នេយ៍ និងលំដាប់ទី១៥ នៅលើពិភពលោក៕

អត្ថបទ៖ សុខ សុវណ្ណ

ចុចអាន៖ វៀតណាម កំពុង​បារម្ភ​អត្រា​កំណើត​ធ្លាក់​ចុះ ខណៈអាយុរៀបការ​ជាមធ្យម​កាន់​តែ​កើនឡើង

The post ចំនួនប្រជាជនវៀតណាម អាចធ្លាក់ចុះ នៅ៣៥ឆ្នាំទៀត appeared first on Kampuchea Thmey Daily.

ឆ្លើយតបនឹងការមតិលើកឡើងថា កម្ពុជា ឃើញតែពង្រឹងវិស័យសុខាភិបាល តែប្រជាជនទៅព្យាបាលជំងឺនៅក្រៅប្រទេសច្រើននោះ សម្ដេចធិបតី ហ៊ុន ម៉ាណែត បានឆ្លើយតបថា ភាគរយដែលប្រជាជនខ្មែរទៅព្យាបាលនៅក្រៅប្រទេស គឺមានចំនួនតិចនោះទេ តែការព្យាបាលនៅក្នុងស្រុកមានចំនួនច្រើន។

សម្ដេចនាយករដ្ឋមន្ត្រី បានថ្លែងថា «​អញ្ចឹងបានអ្នកខ្លះ គេចេះតែសួរថា កម្ពុជា ឃើញតែពង្រឹងវិស័យសុខាភិបាល ហេតុអីក៏ប្រជាជនខ្មែរទៅព្យាបាលនៅក្រៅច្រើនម្លេះ ខ្ញុំថា ទៅព្យាបាលនៅក្រៅបើគិតជាភាគរយនៃប្រជាជន ដែលព្យាបាលរាប់លាននាក់ក្នុងស្រុកតិចទេ ពេទ្យនៅក្នុងស្រុកយើងព្យាបាលមនុស្សរាប់លាននាក់ក្នុងមួយឆ្នាំ»។

សម្ដេចធិបតី ហ៊ុន ម៉ាណែត បានលើកឡើងថា ចំពោះប្រជាជនខ្មែរដែលមានលទ្ធភាពទៅព្យាបាលជំងឺនៅក្រៅប្រទេស គឺមិនមានអ្វីចម្លែកនោះទេ ដោយសម្ដេចលើកឧទាហរណ៍ថា ប្រជាជនកាណាដាខ្លះ ទៅព្យាបាលជំងឺនៅអាមេរិក ហើយប្រជាជនអាមេរិក និងជប៉ុនខ្លះ ក៏ទៅព្យាបាលជំងឺមួយចំនួននៅក្រៅប្រទេស ផងដែរ៕

The post សម្ដេច ហ៊ុន ម៉ាណែត៖ ភាគរយប្រជាជនខ្មែរទៅព្យាបាលជំងឺនៅក្រៅប្រទេសមានចំនួនតិចទេ បើប្រៀបធៀបការព្យាបាលក្នុងស្រុក appeared first on Kampuchea Thmey Daily.

ការលើកឡើងនេះ ធ្វើឡើងក្នុងពិធីបើកការដ្ឋានសាងសង់ស្ពានឆ្លងកាត់ទន្លេបាសាក់ «ចាក់អង្រែក្រោម​-ព្រែកប្រា» ប្រវែង ៨៤៥,៧០ម៉ែត្រ និងផ្លូវតភ្ជាប់ប្រវែងសរុប ៨០៤,៣០ម៉ែត្រ នាព្រឹកថ្ងៃទី ១៩ ខែកុម្ភៈ ឆ្នាំ ២០២៤នេះ។

សម្ដេចធិបតី ហ៊ុន ម៉ាណែត មានប្រសាសន៍ថា ចំនួនប្រជាជនរស់នៅរាជធានីភ្នំពេញ នឹងមិនមានការថយចុះនោះទេ ហើយរាជរដ្ឋាភិបាល ក៏គ្មានផែនការកំណត់ចំនួនប្រជាជនរស់នៅរាជធានីភ្នំពេញចំនួនប៉ុន្មានដែរ។

សម្ដេចនាយករដ្ឋមន្ត្រី​ បានថ្លែងថា​ «ឥឡូវកន្លែងនេះ ក៏ដូចគ្នា បើសិនជាបើកតភ្ជាប់កាន់តែល្អទៀត ខ្ញុំគិតថា ជាតម្រូវការ ព្រោះប្រជាជនក្រុងភ្នំពេញអត់ថយទេ អត់មានថយទេ លើកលែងតែមានសង្រ្គាម ត្រូវជម្លៀសចេញ អត់មានថយទេ ហើយរាជរដ្ឋាភិបាល ក៏គ្មានផែនការកំណត់មិនឲ្យប្រជាពលរដ្ឋភ្នំពេញ លើសពីប៉ុន្មាននាក់ដែរទេ»។

ប្រមុខរាជរដ្ឋាភិបាល លើកឡើងថា ប្រជាពលរដ្ឋរស់នៅរាជធានីភ្នំពេញ មិនមានការថយចុះនោះទេ ពោលគឺមានតែកើនឡើង។ ដូច្នេះហើយ ត្រូវបន្តរៀបចំកសាងហេដ្ឋារចនាសម្ព័ន្ធបន្ថែមទៀត៕

The post សម្ដេចធិបតី ហ៊ុន ម៉ាណែត ៖ ចំនួនប្រជាជនរស់នៅរាជធានីភ្នំពេញ​ នឹងមិនមានការថយចុះទេ appeared first on Kampuchea Thmey Daily.

តាមការបញ្ជាក់ពីអ្នកនាំពាក្យក្រសួង លោកស្រី Traisuree Taisaranakul, ទិន្នន័យកាលពីថ្ងៃអាទិត្យទី១១ខែកុម្ភៈ បង្ហាញថា ចំនួនប្រជាជនផ្លូវការរបស់ប្រទេសថៃ គិតត្រឹមថ្ងៃទី៣១ខែធ្នូឆ្នាំ២០២៣ មាន ៦៦ ០៥២ ៦១៥ នាក់ពោលគឺថយចុះ ៣៧៨៦០នាក់ ស្មើ០,០៦% បើធៀបទៅនឹងចុងឆ្នាំ២០២២។

ក្នុងចំណោមប្រជាជនសរុប គឺមាន៥.៤៧លាននាក់ទៅហើយដែលរស់នៅក្នុងទីក្រុងបាងកក ហើយក្រៅពីរាជធានី ប្រទេសនេះមានខេត្តចំនួន២០ដែលមានប្រជាជនរស់នៅលើស១លាននាក់។

ស្របពេលជាមួយគ្នានោះដែរ លោក​ស្រី Traisuree គូសបញ្ជាក់ថា Samut Songkram គឺជាខេត្តមាន​ប្រជាជន​តិច​បំផុត ពោលគឺមាន​ចំនួន ១៨៧៩៩៣នាក់​។

តាមទិន្នន័យ ក្នុងចំណោមប្រជាជន ៦៦ ០៥២ ៦១៥ នាក់ គឺមាន​បុរស ៣២ ២២៤ ០០៨​នាក់ និង​ស្ត្រី ៣៣ ៨២៨ ៦០៧​នាក់ ហើយក្នុងចំណោមប្រជាជនសរុបនោះដែរ មាន ៦៥ ០៦១ ១៩០ នាក់ ជាសញ្ជាតិថៃ និង ៩៩១ ៤២៥ នាក់ទៀត មិនមែនសញ្ជាតិថៃ។

ខាងក្រោមនេះ គឺជារាជធានីខេត្តថៃ ដែលមានប្រជាជនច្រើនបំផុត

1. Bangkok – ៥ ៤៧១ ៥៨៨នាក់

2. Nakhon Ratchasima – ២ ៦២៥ ៧៩៤នាក់

3. Ubon Ratchathani – ១ ៨៦៩ ៦០៨នាក់

4. Chiang Mai – ១ ៧៩៧ ០៧៤នាក់

5. Khon Kaen – ១ ៧៧៩ ៣៧៣នាក់

អត្ថបទ៖ សុខ សុវណ្ណ

ចុចអាន៖ ប្រជាជនចិន ធ្លាក់ចុះ ២ឆ្នាំជាប់គ្នា

The post ទិន្នន័យបង្ហាញថា ចំនួនប្រជាជនថៃ ថយចុះ appeared first on Kampuchea Thmey Daily.

តាមទិន្នន័យរបស់ការិយាល័យស្ថិតិជាតិ (NBS) បានបង្ហាញនៅថ្ងៃពុធទី១៧ខែមករាថា ក្នុងឆ្នាំ២០២៣ ប្រជាជនចិន បានធ្លាក់ចុះ២.០៨លាននាក់ នាំឲ្យចំនួនប្រជាជនសរុបមាន ១ ៤០៩ ៦៧០ ០០០នាក់។

ក្នុងឆ្នាំដដែលនេះ ទារកចំនួន៩.០២លាននាក់ បានចាប់កំណើត ខណៈមនុស្ស ១១.១លាននាក់ទទួលមរណភាព។

បើគិតពីតួលេខសរុប ចិនមានមនុស្សប្រុស៧២០.៣២លាននាក់ លើសមនុស្សស្រី ដែលមាន៦៨៩.៣៥លាននាក់ ហើយបើនិយាយពីកត្តាអាយុវិញ, ចិន មានប្រជាជនក្នុងវ័យធ្វើការ (អាយុពី១៦ដល់៥៩ឆ្នាំ) ចំនួន៨៦៤.៨១លាននាក់ ពោលគឺស្មើនឹង៦១,៣% នៃប្រជាជនសរុប។

ទីក្រុងប៉េកាំង និយាយថា អត្រាកំណើត បានធ្លាក់ចុះមកនៅត្រឹម ៦.៣៩នាក់ក្នុង ១០០០នាក់ ដែលនេះជាអត្រាទាបបំផុតក្នុងកំណត់ត្រា។

ត្បិតអីចិន បានចំណាយពេលអស់រាប់ទសវត្សរ៍ លើគោលនយោបាយកូនមួយដ៏ចម្រូងចម្រាសក៏ដោយ ប៉ុន្តែប៉ុន្មានឆ្នាំកន្លងមកនេះ ចិនបានខិតខំកែប្រែគោលនយោបាយនោះឡើងវិញ ជាមួយការផ្តល់ប្រាក់ឧបត្ថម្ភនិងលើកទឹកចិត្តឲ្យប្រជាជនឆាប់មានគ្រួសារ ហើយមកដល់ឆ្នាំ២០២១ ចិនក៏សម្រេចអនុញ្ញាតឲ្យគូស្វាមីភរិយាមានកូនរហូតដល់៣នាក់បានទៀតផង។

ទោះជាយ៉ាងណាក៏ដោយ វិធានការទាំងនេះ ហាក់មិនសូវមានប្រសិទ្ធភាពខ្លាំងណាស់ណាទេ។

តាមរបាយការណ៍ មូលហេតុសំខាន់ចំនួន២ដែលរួមចំណែកដល់ការថយចុះចំនួនប្រជាជនចិនដូចបច្ចុប្បន្ន រួមមានការពន្យារអាយុរៀបអាពាហ៍ពិពាហ៍ និងមនុស្សវ័យក្មេងលែងចង់យកកូន៕

អត្ថបទ៖ សុខ សុវណ្ណ

ចុចអាន៖ ចំនួនប្រជាជន វៀតណាម នឹងធ្លាក់មកនៅ ៧២ លាននាក់ក្នុងឆ្នាំ ២១០០

The post ប្រជាជនចិន ធ្លាក់ចុះ ២ឆ្នាំជាប់គ្នា appeared first on Kampuchea Thmey Daily.

តាមរយៈរដ្ឋាភិបាល ខេត្តចំនួន ១១ នឹងមានប្រជាជនធ្លាក់ចុះជាង ៣០% ខណៈពេលដែលចំនួនអ្នកស្រុកនៅក្នុង ២០% នៃក្រុងទាំងអស់ ត្រូវបានគេរំពឹងថា នឹងមានច្រើនជាងពាក់កណ្តាល។

ស្ថាប័នស្រាវជ្រាវរបស់ក្រសួងសុខាភិបាលបានបន្ថែមថា ចំនួនប្រជាជនរបស់ប្រទេសជប៉ុនត្រូវបានគេរំពឹងថា នឹងធ្លាក់ចុះ ១៧% ក្នុងអំឡុងពេលដូចគ្នាមកនៅត្រឹម ១០៤.៦៩ លាននាក់។

ចំពោះតំបន់មួយចំនួនដែលមានការថយចុះចំនួនប្រជាជនយ៉ាងច្រើនទំនងជាប្រឈមមុខនឹងការលំបាកក្នុងការថែរក្សាហេដ្ឋារចនាសម្ព័ន្ធ និងរដ្ឋាភិបាលក្នុងតំបន់ដោយសារតែការថយចុះនៃប្រាក់ចំណូលពន្ធ និងការធ្លាក់ចុះសេដ្ឋកិច្ច ការដោះស្រាយការថយចុះអត្រាកំណើត និងការប្រមូលផ្តុំប្រជាជននៅទីក្រុងតូក្យូបានក្លាយជាបញ្ហាបន្ទាន់។

មានតែទីក្រុងតូក្យូមួយគត់ដែលចំនួនប្រជាជនត្រូវបានព្យាករណ៍ថា នឹងកើនឡើងចាប់ពីឆ្នាំ ២០២០ កើនឡើង ២.៥% ដល់ចំនួន ១៤.៤០ លាននាក់។

ដោយឡែក សម្រាប់អ្នកដែលមានអាយុ ១៤ ឆ្នាំនិងក្រោមត្រូវបានគេរំពឹងថានឹងធ្លាក់ចុះ ៣០.៨% នៅទូទាំងប្រទេស ខណៈដែល ២៥ ខេត្តត្រូវបានគេព្យាករណ៍ថា នឹងមានមនុស្សដែលមានអាយុលើសពី ៦៥ ឆ្នាំមានចំនួនលើសពី ៤០% នៃចំនួនប្រជាជនរបស់ពួកគេនៅឆ្នាំ ២០៥០៕

ប្រែសម្រួល៖ នាង រតនៈ

ប្រភព៖​ The Japan Times

The post គ្រប់ខេត្តនៃប្រទេសជប៉ុន នឹងមានការធ្លាក់ចុះចំនួនប្រជាជន លើកលែងតែតូក្យូប៉ុណ្ណោះ appeared first on Kampuchea Thmey Daily.