ករណីអគ្គិភ័យនេះបង្កការភ្ញាក់ផ្អើលកាលពីវេលាម៉ោង ១០ យប់ ថ្ងៃទី ៩ ខែកក្កដា ឆ្នាំ ២០២៦ ស្ថិតនៅចំណុចរោងចក្រ ឌីឡាក់ស៍ អ៊ិនធើណេសិនណល សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានពីពលរដ្ឋ បានឲ្យដឹងថា មានផ្សែងហុយ និង អណ្តាតភ្លើងយ៉ាងសន្ធោសន្ធៅចេញពីខាងក្នុងរោងចក្រ ភ្លាមៗ ពលរដ្ឋបានរាយការណ៍ជូនសមត្ថកិច្ចអគ្គិភ័យតាមគ្រុបតេលេក្រាម ដើម្បីអន្តរាគមន៍ពន្លត់ ការពាររាលដាលដល់ឃ្លាំងដទៃផ្សេងទៀត។

លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា បន្ទាប់ពីទទួលដំណឹងមានករណីឆាបឆេះឃ្លាំងស្តុកសម្ភារៈនៅក្នុងរោងចក្រ លោកបានបញ្ជាឲ្យរថយន្តពន្លត់របស់ស្នងការរាជធានីចេញគ្រប់គោលដៅ ដើម្បីពន្លត់ឲ្យទាន់ពេលវេលា ជៀសវាងបង្កភាពអន្តរាយកាន់តែខ្លាំង។

អគ្គិភ័យនេះបណ្តាលឲ្យឆេះខូចខាតម៉ាស៊ីនដេរប្រហែល ២៥០ គ្រឿង , ផ្ទាំងស្បែក ៩០ កាតុង , ម៉ាស៊ីនសម្រាប់គៀបសំរាម ១ , កាវសម្រាប់បិតស្បែក ៦០ ធុង និង ក្រណាត់ , សម្ភារៈផ្សេងៗ មួយចំនួនទៀត ព្រមទាំងឆេះរាលដាលដល់ឃ្លាំងម៉ាស៊ីនដេររោងចក្រ សាន់តិច និង ក្រណាត់មួយចំនួនផងដែរ។ ក្នុងនោះ ប្រើប្រាស់រថយន្តអគ្គិភ័យរបស់ស្នងការដ្ឋាននគរបាលរាជធានីភ្នំពេញ ចំនួន ២២ គ្រឿង , រថយន្តកងពលតូចលេខ៧០ ចំនួន ៧ គ្រឿង , រថយន្តអគ្គិភ័យស្រាបៀកម្ពុជាចំនួន ១ គ្រឿង បាញ់ឲ្យរលត់ជាស្ថាពរ។ ដោយឡែក ចំពោះមូលហេតុ នៃការឆាបឆេះនេះ សមត្ថកិច្ចកំពុងស្រាវជ្រាវ៕

អត្ថបទ ៖ រដ្ឋា

The post ឆេះឃ្លាំងរោងចក្រ ១ កន្លែង នៅខណ្ឌពោធិ៍សែនជ័យ ខូចខាតសម្ភារៈអស់រាប់ម៉ឺនដុល្លារ សមត្ថកិច្ចប្រើឡានទឹកប្រមាណ ៣០ គ្រឿង ទើបគ្រប់គ្រងបាន appeared first on Kampuchea Thmey Daily.

តាមការបញ្ជាក់ពីនគរបាលនៃការិយាល័យបង្ការពន្លត់អគ្គិភ័យ និងសង្គ្រោះបានអោយដឹងថា បន្ទាប់ពីទទួលបានព័ត៍មានពីប្រជាពលរដ្ឋមានករណីអគ្គិភ័យ រថយន្តពន្លត់ បានចេញគ្រប់គោលដៅទូទាំង ១៤ខណ្ឌ ដើម្បីជួយសង្គ្រោះអោយទាន់ពេលវេលា ជៀសវាងបង្កគ្រោះថ្នាក់កាន់តែខ្លាំង។ ប្រភពពីពលរដ្ឋបានលើកថា គេបានឮសម្លេងផ្ទុះ ប៉ុន្តែមិនដឹងថា ផ្ទុះអ្វីនោះទេ ដោយសង្ស័យឆ្លងចរន្តអគ្គិសនី ទើបបង្កើតជាអគ្គិភ័យយ៉ាងសន្ធសន្ធៅបែបនេះ។

ជាក់ស្តែងក្នុងពេលប្រតិបត្តិការណ៍ បានប្រើប្រាស់រថយន្តពន្លត់អគ្គិភ័យចំនួន២៨គ្រឿង ក្នុងនោះរថយន្តការិយាល័យរាជធានីភ្នំពេញ ចំនួន២១គ្រឿង ប្រើប្រាស់ទឹក អស់៦៣ឡាន ស្មើរនឹង២៥២ម៉ែត្រគូប , រថយន្តជំនួយមកពីកងពលតូចលេខ៧០ ចំនួន០៦គ្រឿង ប្រើប្រាស់ ទឹកអស់០២ឡាន ស្មើរនឹង២០ម៉ែត្រគូប និងរថយន្តរបស់ក្រុមហ៊ុន ស្រាបៀរកម្ពុជា ចំនួន០១គ្រឿង ប្រើប្រាស់ទឹក អស់០១ឡាន ស្មើរនឹង០៦ម៉ែត្រគូប។ ហើយក្នុងនោះបង្កអោយ ឆេះឃ្លាំងថ្មប្រក់ស័ង្កសី ចំនួន០១ឃ្លាំង, រថយន្តចំនួន០១គ្រឿង, ម៉ូតូចំនួន០១គ្រឿង រួមទាំងសម្ភារៈអស់ទាំងស្រុង និងឆេះរោលជញ្ជាំងផ្ទះថ្មចំនួន០២ខ្នង។ ចំពោះមូលហេតុ សមត្ថកិច្ចបានស្រាវជ្រាវរកមូលហេតុ ដែលបង្កអោយកើតមានអគ្គិភ័យ ៕ អត្ថបទ ៖ រដ្ឋា

The post Update៖ អគ្គិភ័យឆាបឆេះឃ្លាំងស្តុកសម្ភារៈគ្រឿងសំណង់ សមត្ថកិច្ចជំនាញប្រើពេលជាង៣ម៉ោងឡានទឹកជាង ៧០ឡានទើបគ្រប់គ្រងបានទាំងស្រុង appeared first on Kampuchea Thmey Daily.

អគ្គិភ័យនេះបានកើតឡើងនៅវេលាម៉ោង ១១ និង៤០នាទីព្រឹក នៅជាន់ទី៣ នៃរោងចក្រកាត់ដេរ ៧ជាន់ មុននឹងរាលដាលដល់ឃ្លាំងផ្ទុកសារធាតុគីមី ដែលនៅជាប់គ្នានិងមានមានផ្ទុកនូវសារធាតុគ្រោះថ្នាក់ ដូចជាម្សៅទឹកថ្នាំ អ៊ីដ្រូសែន ពែរអុកស៊ីត និងប្លាស្ទិក។ អគារចំនួនពីរបានរងការឆាបឆេះ និងមានទីតាំងនៅជិតសាកលវិទ្យាល័យពាណិជ្ជកម្ម និងបច្ចេកវិទ្យាបង់ក្លាដែស។

ជាការឆ្លើយតបយ៉ាងហោចណាស់ អង្គភាពពន្លត់អគ្គិភ័យចំនួន ១២ ត្រូវបានដាក់ពង្រាយ ដើម្បីគ្រប់គ្រងអណ្តាតភ្លើង។អាជ្ញាធរបានព្រមានថា ចំនួនអ្នកស្លាប់អាចកើនឡើង ខណៈដែលប្រតិបត្តិការស្វែងរក និងជួយសង្គ្រោះនៅតែបន្ត។ ចំពោះមូលហេតុ​នៃ​ការ​ឆាបឆេះ​នៅ​មិន​ទាន់​កំណត់​បាន​នៅឡើយ​ទេ ដោយអាជ្ញាធរកំពុង​ដំណើរការ​ស៉ើបអង្គេត៕

អត្ថបទ៖ ប៊ុន សុភាព

The post អគ្គិភ័យឆាបឆេះរោងចក្រកាត់ដេរ និងឃ្លាំងផ្ទុកសារធាតុគីមីនៅបង់ក្លាដែសសម្លាប់មនុស្ស១៦នាក់ appeared first on Kampuchea Thmey Daily.

យោងតាមរបាយការណ៍ពី Fire & Rescue Thailand អគ្គិភ័យបានឆាបឆេះយ៉ាងលឿន ដែលជំរុញឱ្យមានការឆ្លើយតបជាបន្ទាន់ពីក្រុមពន្លត់អគ្គិភ័យក្នុងស្រុក និងភ្នាក់ងារពាក់ព័ន្ធ។

តាមសេចក្តីរាយការណ៍ អគ្គិភ័យបានឆាបឆេះឃ្លាំង និងអគាររោងចក្រធំៗ ដោយអណ្តាតភ្លើងឆាបឆេះយ៉ាងសន្ធោសន្ធៅ។ អណ្តាតភ្លើងបានរីករាលដាលយ៉ាងឆាប់រហ័ស ឈានដល់ដំបូលនៃសំណង់ ខណៈដែលផ្សែងខ្មៅយ៉ាងក្រាស់បានបក់មកលើមេឃ ដែលអាចមើលឃើញពីចម្ងាយ។

រថយន្តពន្លត់អគ្គិភ័យនៅកន្លែងកើតហេតុ បាននឹងកំពុងបាញ់ពន្លត់ភ្លើង ដោយប្រើរថយន្តពន្លត់អគ្គីភ័យជាច្រើនគ្រឿង ប៉ុន្តែរហូតមកដល់ពេលនេះ កិច្ចខិតខំប្រឹងប្រែងដើម្បីគ្រប់គ្រងភ្លើងមិនទាន់បានជោគជ័យទេ ដោយសារតែភ្លើងឆេះខ្លាំង និងរាលដាលយ៉ាងឆាប់រហ័ស។

ស្ថានការណ៍​កាន់តែ​ធ្ងន់ធ្ងរ​រហូត​ដល់​អាជ្ញាធរត្រូវ​ហៅ​រថយន្ត​ពន្លត់​អគ្គិភ័យ​បន្ថែម​ពី​ស្រុក​ជិតខាង​មក​ជួយ​ពន្លត់​អគ្គិភ័យ​។ មន្ត្រី​ក៏​បាន​បិទ​តំបន់​ជុំវិញ​ដើម្បី​ហាម​បុគ្គល​ដែល​គ្មាន​ការ​អនុញ្ញាត​នៅ​ឆ្ងាយពីកន្លែងឆេះ ​ដើម្បី​សុវត្ថិភាព។

មកដល់ពេលនេះមូលហេតុ​នៃ​ការ​ឆាបឆេះ​នេះ​នៅ​មិន​ទាន់​បាន​បញ្ជាក់​​​នៅឡើយ ហើយ​ក៏​មិន​ទាន់​មាន​សេចក្តីរាយការណ៍​ថារោងចក្រនេះជារោងចក្រអ្វី និងមាន​មនុស្ស​ស្លាប់​ឬ​របួស​ដែរឬអត់នោះទេ ដោយអាជ្ញាធរ​ថៃកំពុង​បន្ត​ធ្វើ​ការ​ពន្លត់​ភ្លើងនៅឡើយ៕

អត្ថបទ៖ ប៊ុន សុភាព

The post ថៃរងគ្រោះទៀតហើយ! ​ផ្ទុះ​ឆេះ​រោងចក្រ​យ៉ាង​សន្ធោសន្ធៅ​នៅខេត្ត ​Samut Sakhon appeared first on Kampuchea Thmey Daily.

យោងតាមសេចក្តីប្រកាសព័ត៌មានស្តីពីឧបទ្ទវហេតុអគ្គិភ័យ នៅរោងចក្រកាត់ដេរសម្លៀកបំពាក់ ដាលី ហ្គាម៉ិន អ៊ុនធើណេសិនណល (ខេមបូឌា) លីមីធីតចុះថ្ងៃទី២២ឧសភានេះបានឱ្យដឹងថានៅវេលាម៉ោង ១២:០០នាទីរំលងអធ្រាត្រឈានចូលថ្ងៃពុធ ទី២២ ខែឧសភា ឆ្នាំ២០២៤ មានករណីអគ្គិភ័យឆាបឆេះអគារ១ នៃរោងចក្រកាត់ដេរសម្លៀកបំពាក់ ដាលី ហ្គាម៉ិន អ៊ីនធើណេសិនណល (ខេមបូឌា) លីមីធីតតែពុំបណ្តាលឱ្យកម្មករ និយោជិតណាម្នាក់រងគ្រោះថ្នាក់ឡើយ។

បន្ទាប់ពីទទួលបានព័ត៌មាននេះភ្លាម ថ្នាក់ដឹកនាំ និងមន្ត្រីជំនាញក្រសួង បានចុះទៅដល់កន្លែងកើតហេតុ និងសហការជាមួយ អាជ្ញាធរមានសមត្ថកិច្ច និងកម្លាំងជំនាញពន្លត់អគ្គិភ័យ ដោយបានពន្លត់ និងគ្រប់គ្រងអគ្គិភ័យបានទាំងស្រុងនៅ ត្រឹមវេលាម៉ោង ២និង៣០នាទី និងមិនបណ្តាលឱ្យរាលដាលទៅកាន់ទីតាំងរោងចក្រផ្សេងទៀតនៅក្បែរនោះឡើយ។

ក្រសួងការងារបានបន្តថានៅព្រឹកថ្ងៃទី២២ ខែឧសភា ឆ្នាំ២០២៤ នេះ ថ្នាក់ដឹកនាំ និងមន្ត្រីជំនាញក្រសួង បានបន្តចុះពិនិត្យ ស្ថានភាពខូចខាតរបស់រោងចក្រ និងសហការជាមួយអាជ្ញាធរពាក់ព័ន្ធ ថៅកែ និងរដ្ឋបាលរោងចក្រ ដើម្បីការពារ អត្ថប្រយោជន៍ផ្សេងៗរបស់បងប្អូនកម្មករនិយោជិត។ ជាមួយគ្នានេះ ក្រសួងសូមថ្លែងអំណរគុណចំពោះអាជ្ញាធរ គ្រប់លំដាប់ថ្នាក់ និងរដ្ឋបាលខេត្ត ដែលបានសហការក្នុងការពន្លត់អគ្គិភ័យនេះបានទាន់ពេលវេលា។

ក្រសួងការងារបានបន្តទៀតថាទោះបីមានអគ្គិភ័យបង្កការខូចខាតយ៉ាងធ្ងន់ធ្ងរក៏ដោយ រោងចក្រនៅតែបន្តបើកអាជីវកម្មដំណើរការជា ធម្មតា បងប្អូនកម្មករនិយោជិតរោងចក្រនៅតែមានការងារធ្វើ ហើយរោងចក្រនឹងរក្សាប្រាក់ឈ្នួល និងអត្ថប្រយោជន៍ ផ្សេងៗរបស់បងប្អូនកម្មករនិយោជិតដដែល។ ទន្ទឹមគ្នានេះ ការបើកប្រាក់ឈ្នួលលើកទី១ នៅថ្ងៃទី២៤ ខែឧសភា ឆ្នាំ២០២៤ នឹងបើកជាធម្មតា សូមបងប្អូនកម្មករនិយោជិតរក្សាជំហរនឹងន និងខិតខំបំពេញការងារដូចសព្វ មួយដង។

ចំណែកនាយករោងចក្រ ដាលី ហ្គាម៉ិនអិនធើណេសិនណល បានចេញសេចក្តីប្រកាសជូនដំណឹងមួយចុះថ្ងៃទី២២ឧសភានេះថាអគារដែលអគ្គិភ័យឆាបឆេះទាំងស្រុងកាលពីយប់ថ្ងៃរំលងអាធ្រាត្រយប់មិញគឺជាឃ្លាំង ស្តុក សម្ភារៈ វត្ថុធាតុដើម និងផលិតផលសម្រេច៕

អត្ថបទ៖ សំអឿន

The post ក្រសួង ប្រកាសឱ្យកម្មកររោងចក្រដែលឆេះឃ្លាំងស្តុកវត្ថុធាតុដើម និងផលិតផលសម្រេច រក្សាជំហរនឹងន និងបំពេញការងារធម្មតា appeared first on Kampuchea Thmey Daily.

ហេតុការណ៍ នៃ​គ្រោះ​អគ្គិភ័យ​នេះ បាន​កើតឡើង​កាលពី​វេលា​ម៉ោង ៧ និង ២២ នាទី យប់​ថ្ងៃ​ទី ១៩ ខែ​ធ្នូ ឆ្នាំ ២០២២ ត្រង់​ចំណុច​រោងចក្រ រី​សៃ​ខឹ​ន ស្ថិត​ក្នុង​ឃុំ​បរ​វីន ស្រុក​ស៊ីរ៉ា​ឆា ខេត្ត​ឈុន​បុរី ប្រទេស​ថៃ។

តាម​ការ​បញ្ជាក់​ពី​គេហទំព័រ​មួយ​ចំនួន​ដែល​បាន​បង្ហោះ​ភ្លាមៗ បាន​ឲ្យ​ដឹង​ថា រោងចក្រ​នេះ​គឺជា​កន្លែង​កែច្នៃ​កាកសំណល់ និង​របស់​ចាស់ៗ​គ្រប់​ប្រភេទ (​អេតចាយ​) ទៅជា​របស់​ប្រើប្រាស់​ផ្សេងៗ ដើម្បី​លក់​ទៅ​លើ​ទីផ្សារ​វិញ។ រោងចក្រ​នេះ​មាន​ទំហំ​ធំ​នៅ​ក្នុង​ចំណោម​រោងចក្រ​មួយ​ចំនួន ក្នុង​ប្រទេស​ថៃ ។

នៅ​ហេតុការណ៍​នោះ​ដែរ គេ​សង្កេត​ឃើញ​ថា មាន​រថយន្ត​ពន្លត់​អគ្គិភ័យ​មកពី​តំបន់​នានា ដែល​នៅ​ក្បែរ​ខាង សរុប​ជាង ២០ គ្រឿង ក្នុង​ការ​ជួយ​ពន្លត់ និង​ទប់ស្កាត់​កុំ​ឲ្យ​រាលដាល​ទៅ​ទីតាំង​ផ្សេង​ទៀត ហើយ​ការ​ពន្លត់​នេះ​ប្រើ​រយៈពេល​រាប់​ម៉ោង​នៅតែ​មិនទាន់​គ្រប់គ្រង​ស្ថានការណ៍​បាន ដោយសារ​តែ​អណ្ដាត​ភ្លើង និង​ផ្សែង​ខ្លាំង​ពេក។ ដោយឡែក ចំនួន​មនុស្ស​ដែល​គ្រោះថ្នាក់ និង​ការ​ខាតបង់ យើង​នៅ​មិនទាន់​ទទួល​បាន​របាយការណ៍​នៅ​ឡើយ៕

អត្ថបទ ៖ សោ និយមរ័ត្ន

The post ឆេះរោងចក្រកែច្នៃកាកសំណល់(អេតចាយ) ផ្អើលពលរដ្ឋក្នុងខេត្តឈុនបុរីទាំងយប់ appeared first on Kampuchea Thmey Daily.