ព័ត៌មានអន្ដរជាតិ

ថៃរងគ្រោះទៀតហើយ! ផ្ទុះឆេះរោងចក្រយ៉ាងសន្ធោសន្ធៅនៅខេត្ត Samut Sakhon

បានផុស

១ year មុន

នៅ

ថ្ងៃចន្ទ ៧ កក្កដា ២០២៥

ដោយ

នៅវេលាម៉ោង១០និង២០នាទីព្រឹក ថ្ងៃទី៧ ខែកក្កដា ឆ្នាំ២០២៥ អគ្គិភ័យដ៏ធំមួយបានឆាបឆេះរោងចក្រមួយកន្លែង ស្ថិតក្នុងតំបន់ Ban Koh ស្រុក Mueang ខេត្ត Samut Sakhon ប្រទេសថៃ។ នេះបើយោងតាមការចេញផ្សាយរបស់សារព័ត៌មាន Khaosod នៅថ្ងៃទី០៧ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ពី Fire & Rescue Thailand អគ្គិភ័យបានឆាបឆេះយ៉ាងលឿន ដែលជំរុញឱ្យមានការឆ្លើយតបជាបន្ទាន់ពីក្រុមពន្លត់អគ្គិភ័យក្នុងស្រុក និងភ្នាក់ងារពាក់ព័ន្ធ។

តាមសេចក្តីរាយការណ៍ អគ្គិភ័យបានឆាបឆេះឃ្លាំង និងអគាររោងចក្រធំៗ ដោយអណ្តាតភ្លើងឆាបឆេះយ៉ាងសន្ធោសន្ធៅ។ អណ្តាតភ្លើងបានរីករាលដាលយ៉ាងឆាប់រហ័ស ឈានដល់ដំបូលនៃសំណង់ ខណៈដែលផ្សែងខ្មៅយ៉ាងក្រាស់បានបក់មកលើមេឃ ដែលអាចមើលឃើញពីចម្ងាយ។

រថយន្តពន្លត់អគ្គិភ័យនៅកន្លែងកើតហេតុ បាននឹងកំពុងបាញ់ពន្លត់ភ្លើង ដោយប្រើរថយន្តពន្លត់អគ្គីភ័យជាច្រើនគ្រឿង ប៉ុន្តែរហូតមកដល់ពេលនេះ កិច្ចខិតខំប្រឹងប្រែងដើម្បីគ្រប់គ្រងភ្លើងមិនទាន់បានជោគជ័យទេ ដោយសារតែភ្លើងឆេះខ្លាំង និងរាលដាលយ៉ាងឆាប់រហ័ស។

ស្ថានការណ៍កាន់តែធ្ងន់ធ្ងររហូតដល់អាជ្ញាធរត្រូវហៅរថយន្តពន្លត់អគ្គិភ័យបន្ថែមពីស្រុកជិតខាងមកជួយពន្លត់អគ្គិភ័យ។ មន្ត្រីក៏បានបិទតំបន់ជុំវិញដើម្បីហាមបុគ្គលដែលគ្មានការអនុញ្ញាតនៅឆ្ងាយពីកន្លែងឆេះ ដើម្បីសុវត្ថិភាព។

មកដល់ពេលនេះមូលហេតុនៃការឆាបឆេះនេះនៅមិនទាន់បានបញ្ជាក់នៅឡើយ ហើយក៏មិនទាន់មានសេចក្តីរាយការណ៍ថារោងចក្រនេះជារោងចក្រអ្វី និងមានមនុស្សស្លាប់ឬរបួសដែរឬអត់នោះទេ ដោយអាជ្ញាធរថៃកំពុងបន្តធ្វើការពន្លត់ភ្លើងនៅឡើយ៕