អគ្គិភ័យឆាបឆេះរោងចក្រកាត់ដេរ និងឃ្លាំងផ្ទុកសារធាតុគីមីនៅបង់ក្លាដែសសម្លាប់មនុស្ស១៦នាក់

អគ្គិភ័យដ៏ធំមួយបានឆាបឆេះរោងចក្រកាត់ដេរ និងឃ្លាំងផ្ទុកសារធាតុគីមីនៅទីក្រុង Dhaka ប្រទេសបង់ក្លាដែស ដោយបានសម្លាប់មនុស្សយ៉ាងហោចណាស់ ១៦នាក់ និងជាច្រើននាក់ទៀតរងរបួស។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Xinhua កាលពីថ្ងៃទី១៤ខែតុលា។

អគ្គិភ័យនេះបានកើតឡើងនៅវេលាម៉ោង ១១ និង៤០នាទីព្រឹក នៅជាន់ទី៣ នៃរោងចក្រកាត់ដេរ ៧ជាន់ មុននឹងរាលដាលដល់ឃ្លាំងផ្ទុកសារធាតុគីមី ដែលនៅជាប់គ្នានិងមានមានផ្ទុកនូវសារធាតុគ្រោះថ្នាក់ ដូចជាម្សៅទឹកថ្នាំ អ៊ីដ្រូសែន ពែរអុកស៊ីត និងប្លាស្ទិក។ អគារចំនួនពីរបានរងការឆាបឆេះ និងមានទីតាំងនៅជិតសាកលវិទ្យាល័យពាណិជ្ជកម្ម និងបច្ចេកវិទ្យាបង់ក្លាដែស។

ជាការឆ្លើយតបយ៉ាងហោចណាស់ អង្គភាពពន្លត់អគ្គិភ័យចំនួន ១២ ត្រូវបានដាក់ពង្រាយ ដើម្បីគ្រប់គ្រងអណ្តាតភ្លើង។អាជ្ញាធរបានព្រមានថា ចំនួនអ្នកស្លាប់អាចកើនឡើង ខណៈដែលប្រតិបត្តិការស្វែងរក និងជួយសង្គ្រោះនៅតែបន្ត។ ចំពោះមូលហេតុ​នៃ​ការ​ឆាបឆេះ​នៅ​មិន​ទាន់​កំណត់​បាន​នៅឡើយ​ទេ ដោយអាជ្ញាធរកំពុង​ដំណើរការ​ស៉ើបអង្គេត៕

អត្ថបទ៖ ប៊ុន សុភាព