សារព័ត៌មាន The Hill បានដកស្រង់សំណេររបស់លោកហ្សេលេនស្គី បង្ហោះលើបណ្តាញសង្គម X កាលពីថ្ងៃពុធទី៤ខែមីនា ដែលសរសេរថា លោកបានចាត់តាំងរដ្ឋមន្ត្រីការបរទេស រដ្ឋមន្ត្រីការពារជាតិ ទីភ្នាក់ងារស៊ើបការណ៍សម្ងាត់ និងលេខាធិការនៃក្រុមប្រឹក្សាសន្តិសុខជាតិ និងការពារជាតិអ៊ុយក្រែន ឲ្យបង្ហាញជម្រើសនានាសម្រាប់ជួយដល់បណ្តាប្រទេសដែលពាក់ព័ន្ធ និងផ្តល់ជំនួយតាមវិធីដែលមិនធ្វើឲ្យការការពារខ្លួនរបស់អ៊ុយក្រែនចុះខ្សោយ។

លោកបន្តថា៖ «ត្រឹមប៉ុន្មានថ្ងៃប៉ុណ្ណោះ អ៊ីរ៉ង់បានបាញ់បង្ហោះមីស៊ីលគ្រប់ប្រភេទជាង៨០០គ្រាប់ និងដ្រូនវាយប្រហារជាង ១ ៤០០គ្រឿង។ គឺដ្រូន និងមីស៊ីលរបស់អ៊ីរ៉ង់នេះហើយ ដែលជាការគំរាមកំហែងចម្បងដល់ការធ្វើនាវាចរណ៍ដោយសេរី បណ្តាលឲ្យតម្លៃប្រេង ផលិតផលប្រេង និងហ្គាសនៅលើពិភពលោកបាត់បង់ស្ថិរភាព។

លោកកំពុងពិភាក្សាជាមួយដៃគូនានាក្នុងតំបន់អឺរ៉ុបនិងសហរដ្ឋអាមេរិក និងបាននិយាយរួចហើយជាមួយមេដឹកនាំនៃប្រទេសមួយចំនួនដែលនៅជិតខាងអ៊ីរ៉ង់ ដូចជាអារ៉ាប់រួម កាតា ហ្សកដានី និងបារ៉ែន  ខណៈផែនការពិភាក្សាជាមួយគុយវ៉ែត និងប្រទេសដទៃទៀតក្នុងតំបន់ក៏ត្រូវបានរៀបចំទុកផងដែរ។

សូមជម្រាបថា យោងតាមស្ថិតិនៃការវាយប្រហាររបស់អ៊ីរ៉ង់គិតចាប់ពីថ្ងៃទី២៨ កុម្ភៈ ដល់៥ មីនា ទីក្រុងតេហេរ៉ង់ បានបាញ់មីស៊ីលគ្រប់ប្រភេទជាង ៨០០គ្រាប់ក្នុងសង្គ្រាមជាមួយអាមេរិក-អ៊ីស្រាអែល។

ក្នុងនោះរួមមានមីស៊ីលបាលីស្ទីក និងមីស៊ីលគ្រូស ដែលបាញ់ចេញពីទឹកដីអ៊ីរ៉ង់ផ្ទាល់ និងពីមូលដ្ឋានកងទ័ពស្រមោលរបស់ពួកគេ។

ដោយឡែក បើនិយាយពីដ្រូនវិញ អ៊ីរ៉ង់បានបាញ់បង្ហោះដ្រូនជាង ១ ៤០០ គ្រឿង ភាគច្រើនជាប្រភេទដ្រូនអត្តឃាត Shahed-131 និង Shahed-136 ដែលត្រូវគេស្គាល់ថាជា «ដ្រូនកាមីកាសេ»៕

អត្ថបទ៖ សុខ សុវណ្ណ

The post អ៊ុយក្រែន បញ្ជូនជំនាញការយោធាទៅមជ្ឈិមបូព៌ា ដើម្បីជួយទប់ទល់ការវាយប្រហារពីដ្រូនអ៊ីរ៉ង់ appeared first on Kampuchea Thmey Daily.

នៅក្នុងសន្និសីទមួយ ដែលរៀបចំដោយកាសែតអ៊ីស្រាអែល Haaretz, លោក Zelensky បាននិយាយថា “ខ្ញុំមានសំណួរមួយ តាមអ្នកគិត សម្រាប់រឿងនេះ តើរុស្ស៊ីបង់ប្រាក់ឲ្យអ៊ីរ៉ង់ដោយរបៀបណា? តើអ៊ីរ៉ង់ ចាប់អារម្មណ៍តែលើលុយមែនទេ?”។

លោក​​បន្ត​ថា “ប្រហែល​ជា​មិន​មែន​ជា​លុយ​ទេ ប៉ុន្តែ​ជា​ជំនួយ​របស់​រុស្ស៊ី ​ចំពោះ​កម្មវិធី​នុយក្លេអ៊ែរ​អ៊ីរ៉ង់។ នេះប្រហែលជាអត្ថន័យពិតប្រាកដ នៃសម្ព័ន្ធភាពរបស់ពួកគេ”។

ប្រធានាធិបតីអ៊ុយក្រែនបន្តថា ប្រទេសរុស្ស៊ី បានបញ្ជាទិញដ្រូនប្រហែល ២០០០ គ្រឿង ពីអ៊ីរ៉ង់។ ដ្រូនទាំងនោះគឺជាប្រភេទដូចគ្នាទៅនឹងដ្រូន ដែលទីក្រុង កៀវ និយាយថា ទីក្រុងមូស្គូបាននិងកំពុងប្រើប្រាស់ ក្នុងការវាយប្រហារនាពេលថ្មីៗនេះប្រឆាំងនឹងអ៊ុយក្រែន។

យោងតាមសេវាចារកម្មអ៊ុយក្រែន, ប្រទេសរុស្ស៊ី បានបញ្ជាទិញដ្រូន “Shaheds” ប្រហែល ២០០០ គ្រឿងពីប្រទេសអ៊ីរ៉ង់។ យ៉ាងណាក្តី គេមិនច្បាស់ថាតើនេះចង់សំដៅទៅលើការទិញពីមុន ឬទិញនាពេលថ្មីៗ។

លោក Zelensky ក៏បាននិយាយផងដែរថា “គ្រូជនជាតិអ៊ីរ៉ង់ បានមកបង្រៀនរុស្ស៊ី ពីរបៀបប្រើដ្រូន នៅអ៊ុយក្រែន”។

រឿងនេះកើតឡើង បន្ទាប់ពីចក្រភពអង់គ្លេស អាមេរិក និងបារាំង អះអាងថា ការនាំចេញដ្រូន kamikaze របស់អ៊ីរ៉ង់ ទៅកាន់ប្រទេសរុស្ស៊ី ដែលត្រូវបានដាក់ពង្រាយក្នុងការវាយប្រហារជាច្រើនដងលើទីក្រុង និងមជ្ឈមណ្ឌលជនស៊ីវិលរបស់អ៊ុយក្រែន បានរំលោភលើសេចក្តីសម្រេចក្រុមប្រឹក្សាសន្តិសុខអង្គការសហប្រជាជាតិ និងកិច្ចព្រមព្រៀងនុយក្លេអ៊ែរឆ្នាំ ២០១៥ ដ៏សំខាន់មួយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ុយក្រែន ប្រឈមមុខនឹង “រដូវរងាអាក្រក់បំផុត” ក្នុងប្រវត្តិសាស្ត្រ

The post លោក Zelensky ព្រមានថា រុស្ស៊ីប្រហែល ផ្តល់ជំនួយស្រាវជ្រាវនុយក្លេអ៊ែរ ជាថ្នូរសម្រាប់ដ្រូនរបស់អ៊ីរ៉ង់ (មានវីដេអូ) appeared first on Kampuchea Thmey Daily.

អភិបាលក្រុង កៀវ លោក Vitali Klitschko បាននិយាយថា សព្វាវុធដែលផ្គត់ផ្គង់ដោយប្រទេសអ៊ីរ៉ង់ប្រភេទ Shahed-136 នេះ ចំនួន២៨គ្រឿង បានបាញ់ស្រោចលើរដ្ឋធានី។

ជាមួយនឹងរយៈចម្ងាយហោះហើរបានជាង ៩៦៥គីឡូម៉ែត្រ, ដ្រូនផ្ទុកគ្រឿងផ្ទុះនេះ អាចហោះឆ្វែលពីលើគោលដៅបានរយៈពេលជាច្រើនម៉ោង មុនបើកការវាយប្រហារដោយផ្ទាល់ទៅលើទាហានសត្រូវ យានយន្ត ឬអគារ ដែលបណ្តាលឲ្យមានការផ្ទុះ។

កន្លងមក អ៊ីរ៉ង់បានបដិសេធផ្តល់អាវុធដល់រុស្ស៊ី ថ្វីបើប្រធានឆ្មាំបដិវត្តន៍របស់ខ្លួន បានអួតអាងអំពីការផ្តល់សព្វាវុធដល់ប្រទេសមហាអំណាចកំពូលៗរបស់ពិភពលោក ក៏ដោយ។

ខាងក្រោមនេះជាលក្ខណៈពិសេសរបស់ដ្រូន Shahed-136 “kamikaze”៖

• ប្រភេទអាវុធ៖ យានគ្មានមនុស្សបើក (UAV)
• ដាក់ឲ្យដំណើរការតាំងពី៖ ឆ្នាំ២០២១
• ផលិតនៅ៖ ប្រទេស អ៊ីរ៉ង់
• ក្រុមហ៊ុនផលិត៖ HESA (Iran Aircraft Manufacturing Industries Corporation)
• ទម្ងន់៖ ១៩៩ គីឡូក្រាម
• ក្បាលគ្រាប់៖ ៣៦ គីឡូក្រាម
• ប្រវែង៖ ៣ម៉ែត្រកន្លះ
• ប្រវែងស្លាប៖ ២​.៤ម៉ែត្រ
• រយៈចម្ងាយហោះហើរ៖ ជាង ៩៦៥គីឡូម៉ែត្រ
• រយៈកម្ពស់ហោះហើរ៖ ៣៩៦២ អតិបរមា
• ល្បឿន៖ ១៩៣ គីឡូម៉ែត្រក្នុងមួយម៉ោង
• ប្រើក្នុងប្រទេស៖ យេម៉ែន អ៊ីរ៉ាក់ និងអ៊ុយក្រែន
• តម្លៃ៖ ២០ ០០០ដុល្លារ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទីក្រុង កៀវ រងការបំផ្ទុះជាថ្មី

The post តើដ្រូន Kamikaze របស់អ៊ីរ៉ង់ ដែលរុស្ស៊ី ប្រើដើម្បីវាយប្រហារទីក្រុង កៀវ អស្ចារ្យកម្រិតណា? (មានវីដេអូ) appeared first on Kampuchea Thmey Daily.