តើដ្រូន Kamikaze របស់អ៊ីរ៉ង់ ដែលរុស្ស៊ី ប្រើដើម្បីវាយប្រហារទីក្រុង កៀវ អស្ចារ្យកម្រិតណា? (មានវីដេអូ)

កាលពីដើមសប្តាហ៍នេះ ប្រទេសរុស្ស៊ីបានបើកការវាយលុកអ៊ុយក្រែនជាថ្មីម្តងទៀត ដោយប្រើប្រាស់យន្តហោះគ្មានមនុស្សបើក (ដ្រូន) អត្តឃាត “kamikaze” ជាហេតុបង្កភាពចលាចលក្នុងទីក្រុង កៀវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អភិបាលក្រុង កៀវ លោក Vitali Klitschko បាននិយាយថា សព្វាវុធដែលផ្គត់ផ្គង់ដោយប្រទេសអ៊ីរ៉ង់ប្រភេទ Shahed-136 នេះ ចំនួន២៨គ្រឿង បានបាញ់ស្រោចលើរដ្ឋធានី។

ជាមួយនឹងរយៈចម្ងាយហោះហើរបានជាង ៩៦៥គីឡូម៉ែត្រ, ដ្រូនផ្ទុកគ្រឿងផ្ទុះនេះ អាចហោះឆ្វែលពីលើគោលដៅបានរយៈពេលជាច្រើនម៉ោង មុនបើកការវាយប្រហារដោយផ្ទាល់ទៅលើទាហានសត្រូវ យានយន្ត ឬអគារ ដែលបណ្តាលឲ្យមានការផ្ទុះ។

កន្លងមក អ៊ីរ៉ង់បានបដិសេធផ្តល់អាវុធដល់រុស្ស៊ី ថ្វីបើប្រធានឆ្មាំបដិវត្តន៍របស់ខ្លួន បានអួតអាងអំពីការផ្តល់សព្វាវុធដល់ប្រទេសមហាអំណាចកំពូលៗរបស់ពិភពលោក ក៏ដោយ។

ខាងក្រោមនេះជាលក្ខណៈពិសេសរបស់ដ្រូន Shahed-136 “kamikaze”៖

• ប្រភេទអាវុធ៖ យានគ្មានមនុស្សបើក (UAV)
• ដាក់ឲ្យដំណើរការតាំងពី៖ ឆ្នាំ២០២១
• ផលិតនៅ៖ ប្រទេស អ៊ីរ៉ង់
• ក្រុមហ៊ុនផលិត៖ HESA (Iran Aircraft Manufacturing Industries Corporation)
• ទម្ងន់៖ ១៩៩ គីឡូក្រាម
• ក្បាលគ្រាប់៖ ៣៦ គីឡូក្រាម
• ប្រវែង៖ ៣ម៉ែត្រកន្លះ
• ប្រវែងស្លាប៖ ២​.៤ម៉ែត្រ
• រយៈចម្ងាយហោះហើរ៖ ជាង ៩៦៥គីឡូម៉ែត្រ
• រយៈកម្ពស់ហោះហើរ៖ ៣៩៦២ អតិបរមា
• ល្បឿន៖ ១៩៣ គីឡូម៉ែត្រក្នុងមួយម៉ោង
• ប្រើក្នុងប្រទេស៖ យេម៉ែន អ៊ីរ៉ាក់ និងអ៊ុយក្រែន
• តម្លៃ៖ ២០ ០០០ដុល្លារ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទីក្រុង កៀវ រងការបំផ្ទុះជាថ្មី