តារាកំប្លែងនាយ ក្រិន កាលពីថ្មីៗកន្លងទៅត្រូវបានបញ្ជូនមកព្យាបាលនៅមន្ទីរពេទ្យកាល់ម៉ែត្រទីក្រុងភ្នំពេញក្រោយសម្រាកព្យាបាលនៅមន្ទីពេទ្យឯកជនមួយ ក្នុងខេត្តបាត់ដំបងដោយសាររោគសញ្ញាជាជំហានដំបូង គឺរលាកត្រចៀកធ្ងន់ធ្ងរ និងមានមេរោគក្នុងឈាមដល់ថ្នាក់វង្វេងស្មារតីថែមទៀត ពោលគឺស្គាល់មុខអ្នកជុំវិញខ្លួនតែមិនស្គាល់ឈ្មោះ។

កាលណោះដោយសារតែស្ងានភាពជំងឺធ្ងន់ធ្ងរ តារាសម្តែងលោក សាវិន ហ្វីលីព ដែលជាសិល្បករស្និតស្នាលនឹងនាយ ក្រិនក៏បានសម្រេចបញ្ជូនតារាកំប្លែងរូបនេះ មកកាន់មន្ទីរពេទ្យធំនៅភ្នំពេញ ដោយមានការជួយជ្រោមជ្រែងមើលថែពីអតីតដៃគូរសិល្បៈកំប្លែងរួមក្រុម អ្នកនាង ប្រិមប្រិយ យ៉ាងយកចិត្តទុកដាក់បំផុត។ ទោះបីយ៉ាងណា ក្រោយលទ្ធផលបង្ហាញថា នាយក្រិន មានជំងឺរលាកស្រោមខួរក្បាលក្រុមគ្រូពេទ្យតម្រូវឱ្យសម្រាកព្យាបាល និងតាមដានសុខភាពប្រមាណ ២សប្តាហ៍ផងដែរ។

បន្ទាប់ពីតាមដានជំងឺ និងតាមរយ:ការព្យាបាលយ៉ាងយកចិត្តទុកដាក់ពីសំណាក់ក្រុមគ្រូពេទ្យកាលម៉ែត្រ ទីបំផុតអាការ:ជំងឺរលាកស្រោមខួររបស់តារាកំប្លែងមាឌល្អិត នាយ ក្រិន ពេលនេះបានជាសះស្បើយដូចដើមវិញហើយខណ:បច្ចុប្បន្នលោកកំពុងរស់នៅឯខេត្តបាត់ដំបង ជាកូនៗទាំង៣នាក់។ នេះបើតាមការបញ្ជាក់ពីលោក សាវិន ហ្វីលីព ។

សូមជម្រាបដែរថា ក្រោយពីតារាកំប្លែងនាយ ក្រិន ធ្លាក់ខ្លួនឈឺ, ឪពុកបង្កើតក៏បានទទួលមរណភាព ដោយឡែកកូនៗរបស់នាយ ក្រិន ទាំង៣បានឈប់រៀនដើម្បីជួយមើលថែឪពុក និងនៅមើលផ្ទះសម្បែង។ ដោយក្តីអាណិត និងយកចិត្តគិតគូរពីអនាគតពីសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនប្រធានកាកបាទក្រហមកម្ពុជាដើម្បីរៀបចំអនាគតកូនៗ បានចូលរៀនដើម្បីអនាគតភ្លឺស្វាង៕ ដោយ ៖ ចាន់រ៉ា

The post នាយ ក្រិន ជាពីជំងឺរលាកស្រោមខួរមានសាច់ឈាមស្រស់ថ្លាដូចដើមវិញ appeared first on Kampuchea Thmey Daily.

ការវិលត្រឡប់របស់ “តាស្លេក” លើកនេះ បានបង្កការចាប់អារម្មណ៍យ៉ាងខ្លាំងពីសំណាក់មហាជន ជាពិសេសអ្នកគាំទ្រក្រុមកំប្លែងតាវិចទ័រ ដែលធ្លាប់ទទួលបានសំណើចរីករាយពីការសម្តែងរបស់លោកកាលពីមុន។ ជាមួយនឹងស្ទីលកំប្លែងបែបធម្មជាតិ និងទេពកោសល្យកំណាព្យ តាស្លេក ជាតារាកំប្លែងដែលទស្សនិកជនចូលចិត្ត និងគាំទ្រយ៉ាងខ្លាំងផងដែរអំឡុងពេលនោះ ពិសេសពេលដែលលោកចាប់ដៃគូសម្តែងជាមួយ យាយ តយ។

នៅថ្ងៃនេះដែរ តាមរយៈវីដេអូខ្លីជិត ២នាទី នាយក្រូច បានបង្ហាញអារម្មណ៍រីករាយក្នុងការបានវិលមកធ្វើការជាមួយដៃគូចាស់ឡើងវិញ ខណៈការសហការលើកនេះ មានគោលបំណងនាំមកនូវសំណើចថ្មីៗ និងបន្តផ្តល់ភាពសប្បាយរីករាយដល់ទស្សនិកជន។

សាធារណជនបានបង្ហាញអារម្មណ៍រំភើប និងស្វាគមន៍ការវិលត្រឡប់នេះ ដោយរំពឹងថា ការរួមដៃរបស់តារាកំប្លែងជើងចាស់ទាំងនេះ នឹងនាំមកនូវស្នាដៃថ្មីៗ និងបន្តរក្សាប្រជាប្រិយភាពក្នុងវិស័យកំប្លែងខ្មែរ៕

The post តាស្លេក លេចមុខជាថ្មី បង្កការចាប់អារម្មណ៍ដល់អ្នកគាំទ្រ ខណៈជាការវិលត្រឡប់មកសម្តែងរួមជាមួយ នាយក្រូច appeared first on Kampuchea Thmey Daily.

ក្នុងឱកាសនោះដែរក៏ មានសិល្បកររួមអាជីពសិល្ប:មួយចំនួន បង្ហាញវត្តមានចូលរួមក្នុងពិធីបុណ្យចម្រើ នជន្មាយុវឌ្ឍនៈមង្គលនិង​ទក្ខិណានុប្បទានជូនព្រឹទ្ធសិល្បករលោក​ ម៉ារី​ សុន ហៅ លោកតា​ សង់ ស៊ីស គម្រប់៧៧ឆ្នាំផងដែរ។ នេះបើតាមការបង្ហោះរបស់លោក អ៊ុក ណារីម ។

ចំពោះអ្នកសិល្បៈដែលបានចូលរួមបង្កើនបរិយាកាសសប្បាយរីករាយ​ក្នុងពិធីនោះមានដូចជា លោក ណូយ វ៉ាន់ណេត,យាយ យ៉យ និងនាយព្រែកជាដើ ម។តាមរយ:នេះអ្នកគាំទ្រនិងមហាជនមួយចំនួនធំបានបង្ហាញការនឹករលឹកចំពោះវីរ:សិល្បករដ៏ឆ្នើមគឺលោកតា សង់ស៊ីស ខណ:កន្លងមកក៏មានសប្បុរស ជនខ្លះក៏បានបន្តការផ្តល់ជាថវិការឬជំនួយសម្រាប់តារាជើងចាស់លោកតា សង់ស៊ីស ដើម្បីលើកទឹកចិ ត្តនិងជួយសម្រួលដល់ជីវភាពឬថ្នាំពេទ្យផងដែរ។

ដូចទស្សនិកជនបានដឹងហើយថាលោកតា សង់​ ស៊ីសជា​តារា​កំប្លែង​ជើងចាស់របស់ខ្មែរមួយរូប​ដែលមាន ឈ្មោះបោះសំឡេងយ៉ាងខ្លាំង កាលដែលលោកនៅមានសមត្ថភាពកំប្លែងនិងសម្តែងលើវិថីសិល្ប:បានគ្រប់ទម្រង់។ប៉ុន្តែរយ:ពេលប៉ុន្មានឆ្នាំចុងក្រោយមកលោកតា សង់ស៊ីស ក៏បានធ្លាក់ខ្លួនឈឺរហូតបាត់បង់សមត្ថភាពលើវិស័យសិល្ប:។

ប្រាកដណាស់លោកតា សង់ស៊ីស ក៏ជាសិល្បករខ្មែរម្នាក់ដែល​បានធ្វើឱ្យ​ប្រជាជន​រាប់លាន​នាក់​មាន​ស្នាមញញឹមតាមរយៈទេពកោសល្យកំប្លុកកំប្លែងរបស់គា ត់នាពេលកន្លងមក។ថ្វីត្បិតបច្ចុប្បន្នគាត់វ័យជរានិង​កំពុងមាន​ជំងឺប្រចាំកាយផងនោះតែលោកតាហាក់នៅនឹករលឹកដល់អាជីពសិល្បៈ។ ដោយសារបាត់បង់សមត្ថភាពសិល្ប:ទើបពេលនេះលោកតាសង់ស៊ីបា នឃ្លាតឆ្ងាយពីអាជីពមួយនេះទាំងស្រុង ៕ ដោយ: ចាន់រ៉ា

The post អ្នកគាំទ្រអរ ក្រោយឃើញ តា សង់ស៊ីស នៅមាំមួន អាចរាំលេងសប្បាយថ្ងៃបុណ្យចម្រើនព្រះជន្ម ៧៧ឆ្នាំ appeared first on Kampuchea Thmey Daily.

ដូចដែល​ទស្សនិកជន​បានដឹងហើយថា​ កាលពី​ថ្មីៗ​ មក​នេះ​ តារា​កំប្លែង​ល្បីឈ្មោះ​នៅ​កម្ពុជា ​នាយ​កុយ បាន​ធ្លាក់ខ្លួន​ឈឺ​ធ្ងន់​ និងត្រូវបាន​ក្រុមគ្រួសារ​បញ្ជូន​ទៅ​សង្គ្រោះ ​និង​វះកាត់​នៅ​មន្ទីរពេទ្យ​ប្រទេស​ថៃ ​ដែល​បង្ក​ការ​ព្រួយបារម្ភ​ចំពោះ​អ្នកគាំទ្រ​ និង​មហាជន។

ដោយឡែក​នៅលើ​ផេ​ក​ផ្លូវការ​របស់​សមាគម​សិល្បករ​ខ្មែរ​បាន​ឲ្យ​ដឹង​នៅ​ព្រឹក​ថ្ងៃទី ​១៦ ​ខែ​កុម្ភៈ ឆ្នាំ ២០២៥ នេះ​ថា​ លោកជំទាវ​អ្នកឧកញ៉ា ម៉ៅ ចំណាន គិត​ម៉េង បាន​ចាត់​តំណាង​សួរសុខទុក្ខ​តារា​កំប្លែង​នាយ កុយ ដែល​កំពុង​សម្រាក​ព្យាបាល​ជំងឺ​នៅ​មន្ទីរពេទ្យ​ប្រទេស​ថៃ​ កាលពី​យប់​ថ្ងៃទី​ ១៥ ខែ​កុម្ភៈ ឆ្នាំ ២០២៥។

តារា​កំប្លែង​នាយ កុយ បាន​ប្រាប់​ឲ្យ​ដឹង​ពី​ស្ថានភាព​ជំងឺ​ថា ​ពេលនេះ​សុខភាព​របស់​នាយ​បានល្អ​ប្រសើរ​ឡើង​វិញ​ច្រើន​ហើយ​ គ្រាន់​មិន​ទាន់​បាន​កាត់​ចេស។ ហើយ​នៅ​ថ្ងៃ​ច័ន្ទ​នេះ​ក្រុមគ្រូពេទ្យ​ត្រូវ​ពិនិត្យ​ម្តងទៀត​មើលថា ​តើ​សាច់​កាច​ឬ​អត់​ បើសិនជា​គ្មាន​អី​ទេ ​ពេទ្យ​អនុញ្ញាត​ឲ្យ​ត្រឡប់​ទៅវិញ​នៅ​ល្ងាច​ថ្ងៃ​ច័ន្ទ​នេះ​ហើយ។

ជាមួយ​គ្នា​នេះ នាយ កុយ ក៏បាន​អរគុណ​ដល់​ប្រធាន​សមាគម​សិល្បករ​ខ្មែរ​គឺ​លោកជំទាវ​អ្នកឧកញ៉ា ម៉ៅ ចំណាន គិត​ម៉េង ដែល​បាន​ចាត់​តំណាង​សួរ​សុខ​ទុក្ខ​ដល់​មន្ទីរពេទ្យ​ថៃ​ ពិសេស​លោកជំទាវ​តែងតែ​គិតគូរ​ដល់​សិល្បករ​-​សិល្បការិនី​ចាស់ជរា​មាន​ជំងឺ ​និង​ជួប​ការ​ខ្វះខាត​ជាដើម៕

អត្ថបទ ៖ ចាន់រ៉ា

The post ស្ថានភាពជំងឺតារាកំប្លែង នាយ កុយ កាន់តែប្រសើរច្រើន ត្រៀមវិលមកកម្ពុជាឆាប់ៗ នេះ appeared first on Kampuchea Thmey Daily.

ក្រោយពីការវះកាត់បានជោគជ័យ កូនស្រីរបស់ នាយ កុយ បានបង្ហាញអំពីស្ថានភាពរបស់ឪពុក បន្ទាប់ពីវះកាត់ដុំសាច់ដុះក្នុងក្រពះរួចមក មានស្ថានភាពប្រសើរជាងមុនហើយ។ យ៉ាងណាមិញ នាយ កុយ ត្រូវសម្រាកព្យាបាលនៅមន្ទីពេទ្យសិន ដើម្បីឲ្យជាសះស្បើយ។

គួរបញ្ជាក់ដែរថា ស្ថានភាពសុខភាពរបស់ នាយកុយ បានប្រសើរឡើង បន្ទាប់ពីកូនៗរបស់តារាកំប្លែងជើងចាស់រូបនេះ បានបង្ហោះរូបភាពជាច្រើនសន្លឹក ក្រោយឪពុកភ្ញាក់ពីសន្លប់ និង បានបញ្ជូនចេញពីបន្ទប់សង្គ្រោះបន្ទាន់មកបន្ទប់អ្នកជំងឺទូទៅវិញ៕

The post បង្ហាញស្ថានភាពរបស់ នាយ កុយ ពេលនេះ បន្ទាប់ពីវះកាត់ ដុំសាច់ក្នុងក្រពះ appeared first on Kampuchea Thmey Daily.

តារាកំប្លែងជើងចាស់លោកតា ចេក ធ្លាប់បានបញ្ជាក់ប្រាប់កម្ពុជាថ្មីកាលពីថ្មីៗកន្លងមកនេះថា លោកពិត ជាសោកស្តាយជំនាញអាជីពសិល្ប:ដែលបានសាងឡើងជាង៥០ឆ្នាំ ប៉ុន្តែចុងក្រោយត្រូវបាត់បង់ទៅវិញ ស្ទើរគ្មានអ្នកស្គាល់ពិសេសក្មេងៗជំនាន់ក្រោយ។

យ៉ាងណា ដោយមានការផ្តល់ឱកាសពីខាងអ្នកដឹកនាំរឿង តារាកំប្លែងតាចេក បានបង្ហាញវត្តមានជាថ្មីក្នុងការថតសម្តែងភាពយន្ត។ លោកតា ចេក បានរៀបរាប់ថា ខ្ញុំមកថតកុនរឿងខ្មោចនៅគៀនស្វាយមិនទាន់បានមួយ sense ទេ ប្រហែលរហូតដល់ភ្លឺហើយ ស៊ូៗដើម្បីជីវិត ដឹងម៉េចទេចង់់ភ្លេចអស់ហើយខានថតយូរពេក (មិនមែនផ្ទះថ្មទេចេតីយ៍ដីទេណា។

តារាកំប្លែងវ័យជាង ៧០ឆ្នាំ លោក តាចេក ជារឿយក៏ធ្លាប់ស្នើអ្នកសិល្ប: បើមានការងារថត ឬសម្តែងជួយហៅលោកទៅសម្តែងផង ដើម្បីបានលុយដោះស្រាយជីវភាពនិងចិញ្ចឹមជីវិត។ ជាការពិត តារាកំប្លែងតាចេក កាលពីថ្មីៗនេះបានធ្វើឱ្យទស្សនិកជននិងអ្នក គាំទ្រមានក្តីអាណិតអាសូរខ្លាំងក្រោយឃើញទិដ្ឋភាពតារាកំប្លែងជើងចាស់រូបនេះកំពុងអង្គុយលក់ខ្យងនិងបន្លែនៅក្រោមស្ពានមួយកន្លែងនាទឹកដីស្រុកពារាំងខេត្តព្រៃវែង។

តារាកំប្លែងជើងចាស់មានឈ្មោះដើមឈុំ ប៊ុន ឈឿន ហៅ តាចេក បានបញ្ជាក់ថា រាល់ថ្ងៃនេះជីវភាពប្រចាំថ្ងៃរបស់គាត់ធ្លាក់ដល់កម្រិតសូន្យ ខណ:ដែលអាជីពសិល្ប:ក៏ស្ទើរបាត់បង់ទាំងស្រុង រីឯការរកស៊ី ក៏មិនសូវកាក់កបឡើយ៕ អត្ថបទ៖ ចាន់រ៉ា

The post បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច appeared first on Kampuchea Thmey Daily.

តាម​ការ​បញ្ជាក់​ពី​សមាគម​សិល្បករ​ខ្មែរ បាន​ឲ្យ​ដឹង​ថា ដោយ​ទទួល​បាន​ការ​ណែនាំ​ពី​លោកជំទាវ​អ្នក​ឧកញ៉ា ប្រធាន ក្រុមការងារ​សមាគម​សិល្បករ​ខ្មែរ បាន​ចុះ​សួរ​សុខទុក្ខ​តារា​កំប្លែង​នាយ ផ្លក់ ចយ (លោក ឡុង ចាន់ដារ៉ា) ដែល​ទើប​តែ​ចេញពី​បន្ទប់សង្គ្រោះបន្ទាន់ និង​បន្ត​ការ​ព្យាបាល​នៅ​មន្ទីរពេទ្យ។

នា​ឱកាស​នោះ ក្រុមការងារ​សមាគម​សិល្បករ​ខ្មែរ បាន​ពាំនាំ​នូវ​ការ​សាកសួរ​សុខទុក្ខ​ពី​សំណាក់​លោកជំទាវ​អ្នកឧកញ៉ា ម៉ៅ ចំណាន គិត ម៉េង ប្រធាន​សមាគម​សិល្បករ​ខ្មែរ ជូន​ចំពោះ​តារា​កំប្លែង​នាយ ផ្លក់ ចយ និង ជូនពរ​សូម​ឲ្យ​លោក​ឆាប់​បាន​ជា​សះស្បើយ​ពី​ជំងឺ អាច​វិល​ទៅ​ប្រកប​អាជីព​សិល្បៈ​បង្ក​សំណើច​ជូន​ដល់​មហាជន​ទូទៅ​ឡើង​វិញ និង​ជា​បង្អែក​រឹងមាំ​សម្រាប់​ក្រុម​គ្រួសារ។

ក្នុង​នោះ ក្រុមការងារ​សមាគម ក៏បាន​សំណេះសំណាល​ស្វែងយល់​ពី​ស្ថានភាព​របស់​តារា​កំប្លែង​រូប​នេះ ព្រម​ទាំង​បាន​លើក​ទឹកចិត្ត​ដល់​តារា​កំប្លែង​នាយ ផ្លក់ ចយ កុំ​មាន​ការ​អស់​សង្ឃឹម ត្រូវ​ខិតខំ​ថែរក្សា​សុខភាព គោរព​តាម​ការណែនាំ​របស់​គ្រូពេទ្យ ដើម្បី​បាន​ជា​សះស្បើយ​ឆាប់ៗ។ ក្រុមការងារ ក៏បាន​នាំ​យក​នូវ​ថវិកា​ពី​សមាគម​សិល្បករ​ខ្មែរ​ចំនួន ៨០០ ០០០ រៀល ដើម្បី​សម្រាល​បន្ទុក​ចំណាយ​ជាប្រចាំ​ថ្ងៃមួយ​ផ្នែក​ក្នុង​ដំណាក់កាល​ថែទាំ​ព្យាបាល​ជំងឺ។

តារា​កំប្លែង​នាយ ផ្លក់ ចយ បាន​បង្ហាញ​អារម្មណ៍​រីករាយ និង​ថ្លែងអំណរគុណ​ដល់​លោកជំទាវ​អ្នក​ឧកញ៉ា ម៉ៅ ចំណាន គិត ម៉េង ក៏ដូចជា​ក្រុមការងារ​ទាំងអស់ ដែល​មាន​ការ​យកចិត្តទុកដាក់​ពី​សុខ​ទុក្ខ​របស់​លោក ព្រមទាំង​បាន​អញ្ជើញ​សាកសួរ​សុខទុក្ខ​ដោយ​ផ្ទាល់​ដូច្នេះ។ នេះ​ជា​ការ​លើក​ទឹកចិត្ត​យ៉ាង​ធំធេង​ដល់​រូបលោក និង​ក្រុម​គ្រួសារ។

តារា​កំប្លែង នាយ ផ្លក់ ចយ មាន​ជំងឺ​ច្រើន​មុខ និង​ត្រូវ​បន្ត​ព្យាបាល​ជា​បន្តបន្ទាប់​ទៀត ដូច្នេះ​សប្បុរសជន​ក៏​អាច​បរិច្ចាគ​ជួយ​ដល់​រូបលោក​តាម​លទ្ធភាព​ផង​ដែរ៕

អត្ថបទ ៖ ចាន់រ៉ា

​

The post តារាកំប្លែងនាយ ផ្លក់ ចយ មានជំងឺច្រើនមុខ ចូលសង្គ្រោះនៅមន្ទីរពេទ្យ appeared first on Kampuchea Thmey Daily.

កាលពីថ្ងៃទី ១៤ ខែមករា Kohtee Aramboy  ឬមានឈ្មោះពិតថា Jaroenporn Onlamai បានបង្ហោះរូបភាពនៃឯកសារសំខាន់មួយ ដែលបង្ហាញពីការផ្លាស់ប្តូរឈ្មោះរបស់គាត់ដោយភ្ជាប់អត្តសញ្ញាណប័ណ្ណសញ្ជាតិថៃ ដែលលែងប្រើឈ្មោះដើមទៀតហើយ។ ប៉ុន្តែ​បាន​ប្តូរ​ទៅ​ជា Chaikrit Onlammai ដែល​មាន​លម្អិត​ក្នុង​ឯកសារ។ វា​បង្ហាញ​យ៉ាង​ច្បាស់​ថាតារាកំប្លែងទើប​តែ​បាន​ប្តូរ​ឈ្មោះនៅ​សាលា​ស្រុក Khan Na Yao នៃទីក្រុងបាងកក មុន​នឹង​បង្ហោះ​រូប​ឲ្យ​អ្នក​រាល់​គ្នា​មើល​លើ​បណ្ដាញ​សង្គម។

មិនតែប៉ុណ្ណោះ Kohtee ក៏បានដាក់បញ្ចូលសំណេរមួយដែរថា «ហៅខ្ញុំថា Chaikrit ប្រហែលជាអ្វីៗនឹងប្រសើរឡើង»។​ ដែលទាំងនោះមានន័យថា អ្នកធ្វើវាឲ្យមានជ័យជំនះ ជាឈ្មោះដ៏ល្អសម្រាប់លោកបំផុតនាពេលនេះ។ ជាពិសេស​ក្នុង​អាជីព​ដែល​ត្រូវ​បាន​មនុស្ស​ទូទៅ​គោរព​ ឬ​មាន​តួនាទី​ដែល​ល្បី​ដល់​មនុស្ស​ក្នុង​សង្គម ទំនងជានឹងក្លាយជាការអ្នកប្រយុទ្ធដ៏ធំនាពេលអនាគត។ ឈ្មោះ​នេះ​ត្រូវ​បាន​គេ​ចាត់​ទុក​ថា​មាន​អត្ថន័យ និង​ថាមពល​ល្អ​ខ្លាំង​ណាស់​តាម​វិទ្យាសាស្ត្រ​នៃ​ការ​ទស្សន៍ទាយ។

គួរជម្រាបជូនថា តារាកំប្លែងដ៏ល្បីប្រចាំប្រទេសថៃ Kohtee បានបង្ហោះព័ត៌មានដ៏គួរឲ្យភ្ញាក់ផ្អើលនៅលើ Instagram ផ្ទាល់ខ្លួន កាលពីថ្ងៃទី ០២ ខែមករា ឆ្នាំ ២០២៥ ដោយរូបលោកបានពន្យល់ពីហេតុផលនៃការបែកបាក់ជាមួយអតីតភរិយា Kwang Suphak ក្រោយសេពគប់មើលចិត្តថ្លើមគ្នាអស់រយៈពេល១២ឆ្នាំ និងរៀបការស្របច្បាប់ត្រឹម១ឆ្នាំ ដោយសារតែមូលហេតុចរិតនិង​ទម្លាប់​មិន​ត្រូវ​គ្នា​មួយ​ចំនួនក្នុងនាមជាប្ដីប្រពន្ធ។ យ៉ាងណាដំណឹងនៃការបែកបាក់របស់អ្នកទាំងពីរបានបង្កឲ្យមានការពិភាក្សាគ្នាយ៉ាងទូលំទូលាយសឹងតែមិនចង់ជឿថា គូនេះបែរជាដើរដល់ផ្លូវបំបែកនោះទេ៕

អត្ថបទ៖ សាង ស្រីល័ក្ខ

ចុចអាន៖តារាកំប្លែងថៃ​ Kohtee បញ្ចប់ចំណងស្នេហ៍១២ឆ្នាំ ក្រោយរៀបការជាប្ដីប្រពន្ធត្រឹម១ឆ្នាំប៉ុណ្ណោះ

The post ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី appeared first on Kampuchea Thmey Daily.