ជីវិតកម្សាន្ដ

ស្ថានភាពជំងឺតារាកំប្លែង នាយ កុយ កាន់តែប្រសើរច្រើន ត្រៀមវិលមកកម្ពុជាឆាប់ៗ នេះ

បានផុស

៤ ខែ មុន

នៅ

ថ្ងៃអាទិត្យ ១៦ កុម្ភៈ ២០២៥

ដោយ

គិតមកដល់ពេលនេះ ស្ថានភាពជំងឺរបស់តារាកំប្លែងជើងចាស់ល្បីឈ្មោះប្រចាំប្រទេសកម្ពុជា លោក ជួងជី ហៅ នាយ កុយ បានកាន់តែប្រសើរច្រើនវិញហើយ បន្ទាប់ពីចូលវះកាត់ដុំសាច់ដែលដុះក្នុង ពោះវៀនធំចេញដោយជោគជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចដែលទស្សនិកជនបានដឹងហើយថា កាលពីថ្មីៗ មកនេះ តារាកំប្លែងល្បីឈ្មោះនៅកម្ពុជា នាយកុយ បានធ្លាក់ខ្លួនឈឺធ្ងន់ និងត្រូវបានក្រុមគ្រួសារបញ្ជូនទៅសង្គ្រោះ និងវះកាត់នៅមន្ទីរពេទ្យប្រទេសថៃ ដែលបង្កការព្រួយបារម្ភចំពោះអ្នកគាំទ្រ និងមហាជន។

ដោយឡែកនៅលើផេកផ្លូវការរបស់សមាគមសិល្បករខ្មែរបានឲ្យដឹងនៅព្រឹកថ្ងៃទី ១៦ ខែកុម្ភៈ ឆ្នាំ ២០២៥ នេះថា លោកជំទាវអ្នកឧកញ៉ា ម៉ៅ ចំណាន គិតម៉េង បានចាត់តំណាងសួរសុខទុក្ខតារាកំប្លែងនាយ កុយ ដែលកំពុងសម្រាកព្យាបាលជំងឺនៅមន្ទីរពេទ្យប្រទេសថៃ កាលពីយប់ថ្ងៃទី ១៥ ខែកុម្ភៈ ឆ្នាំ ២០២៥។

តារាកំប្លែងនាយ កុយ បានប្រាប់ឲ្យដឹងពីស្ថានភាពជំងឺថា ពេលនេះសុខភាពរបស់នាយបានល្អប្រសើរឡើងវិញច្រើនហើយ គ្រាន់មិនទាន់បានកាត់ចេស។ ហើយនៅថ្ងៃច័ន្ទនេះក្រុមគ្រូពេទ្យត្រូវពិនិត្យម្តងទៀតមើលថា តើសាច់កាចឬអត់ បើសិនជាគ្មានអីទេ ពេទ្យអនុញ្ញាតឲ្យត្រឡប់ទៅវិញនៅល្ងាចថ្ងៃច័ន្ទនេះហើយ។

ជាមួយគ្នានេះ នាយ កុយ ក៏បានអរគុណដល់ប្រធានសមាគមសិល្បករខ្មែរគឺលោកជំទាវអ្នកឧកញ៉ា ម៉ៅ ចំណាន គិតម៉េង ដែលបានចាត់តំណាងសួរសុខទុក្ខដល់មន្ទីរពេទ្យថៃ ពិសេសលោកជំទាវតែងតែគិតគូរដល់សិល្បករ-សិល្បការិនីចាស់ជរាមានជំងឺ និងជួបការខ្វះខាតជាដើម៕

អត្ថបទ ៖ ចាន់រ៉ា