កាលពីថ្ងៃសុក្រទី២៨ខែមករា ការិយាល័យរដ្ឋាភិបាល បានចេញឯកសារថ្មីមួយស្តីពីការអនុវត្តជើងហោះហើរអន្តរជាតិទៀងទាត់ ដែលដឹកអ្នកដំណើរទៅ និងមកប្រទេសវៀតណាម។

ឯកសារនេះ រួមបញ្ចូលការលុបចោលនូវលក្ខខណ្ឌដែលតម្រូវឲ្យអ្នកដំណើរអន្តរជាតិ ត្រូវតែធ្វើតេស្តរហ័សរកកូវីដ មុនឬក្រោយការហោះហើររបស់ពួកគេ។

ក្រុមហ៊ុនអាកាសចរណ៍ បានត្អូញត្អែរអំពីគុណវិបត្តិនៃតម្រូវការនេះ ចាប់តាំងពីមានការណែនាំកាលពីដើមឆ្នាំ២០២២មក។

នៅក្នុងឯកសារកាលពីថ្ងៃសុក្រ លោកឧបនាយករដ្ឋមន្ត្រី Pham Binh Minh ក៏បានអនុម័តផងដែរ លើការបង្កើនភាពញឹកញាប់នៃជើងហោះហើរពាណិជ្ជកម្មទៀងទាត់ ដែលដឹកអ្នកដំណើរទៅកាន់ប្រទេសជប៉ុន កូរ៉េខាងត្បូង និងតៃវ៉ាន់។

លើសពីនេះ វៀតណាមបានពង្រីកទីផ្សារនៅក្នុងកម្មវិធីសាកល្បង នៃការបន្តជើងហោះហើរទៅកាន់អឺរ៉ុប និងអូស្ត្រាលី ដើម្បីបំពេញតម្រូវការជន​ជាតិ​របស់ខ្លួន​នៅ​ក្រៅ​ប្រទេស​ ដែល​ចង់​វិល​ត្រឡប់​ទៅ​ស្រុក​កំណើត​ដើម្បី​អបអរ​បុណ្យ​ចូល​ឆ្នាំ​ថ្មី។

គួរបញ្ជាក់ថា ក្រសួងសុខាភិបាលបានរាយការណ៍ថា គិតត្រឹមថ្ងៃព្រហស្បតិ៍ទី២៨ខែមករា ប្រទេសវៀតណាមបានកត់ត្រាការឆ្លងជំងឺកូវីដ-១៩ ចំនួន ២,២០៣,២០៨ ករណី ដោយមានអ្នកជាសះស្បើយចំនួន ១,៩៤៥,៦១១ នាក់ និងស្លាប់ចំនួន ៣៧,២៩១ នាក់៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ វៀតណាម ព្រមានពីការប្រើប្រាស់ថ្នាំ Molnupiravir ប្រយ័ត្នគ្រោះថ្នាក់

The post វៀតណាម លែងធ្វើតេស្តរហ័សរកកូវីដ លើអ្នកដំណើរអន្តរជាតិហើយ appeared first on Kampuchea Thmey Daily.

សាលារៀន និងសាកលវិទ្យាល័យជាច្រើនក្នុងប្រទេសថៃ បានប្រាប់ឲ្យសិស្សនិស្សិតត្រឡប់មករៀនដោយផ្ទាល់វិញ ប៉ុន្តែស្ថិតក្រោមវិធានការការពារកូវីដ ដែលកំណត់ដោយក្រសួងសុខាភិបាលសាធារណៈ។ សិស្សគ្រប់រូបត្រូវបានស្នើសុំឲ្យបង្ហាញលទ្ធផលតេស្តរហ័សមុនពេលចូលរៀន ហើយតម្រូវឲ្យពាក់ម៉ាស់គ្រប់ពេល។

ឪពុកម្តាយមួយចំនួន ជាពិសេសអ្នកដែលមានកូនតូចៗ បានប្រកែកថា ការធ្វើតេស្តច្រមុះម្តងហើយម្តងទៀតអាចធ្វើឲ្យកូនរបស់ពួកគេឈឺ។ ពួកគេក៏និយាយដែរថា វាជាការចំណាយបន្ថែមដែលឪពុកម្តាយត្រូវរ៉ាប់រង។

ក្រុម​ធ្វើបាតុកម្មនេះ​ ថែមទាំងមានកាន់ស្លាកជាច្រើនដែលសរសេរថា “ការធ្វើតេស្តរហ័សរាល់សប្តាហ៍មានតម្លៃថ្លៃពេក ហើយមិនសមហេតុសមផលទេ”។ “សាកឲ្យកូនរបស់អ្នកធ្វើតេស្តរហ័សដែរមើល អ្នកនឹងយល់ពីអារម្មណ៍របស់យើងហើយ”។ “កូនរបស់ខ្ញុំឈឺ​ ហើយខ្ញុំក៏ឈឺដែរ” និង “សុខភាពសាធារណៈគឺឃោរឃៅណាស់”។

បាតុករម្នាក់បានប្រាប់ប្រព័ន្ធផ្សព្វផ្សាយថៃថា ឪពុកម្តាយបានសហការជាមួយថ្នាក់រៀនអនឡាញអស់រយៈពេលពីរឆ្នាំមកហើយ ហើយការធ្វើតេស្តរកកូវីដ គឺរំខានដល់ការសិក្សា។ ពួកគេបានចោទសួរថា ហេតុអ្វីបានជាសិស្សដែលមានសុខភាពល្អ តម្រូវឲ្យធ្វើតេស្តបែបនេះ?

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thaiger

ចុចអាន៖ ប្រទេសអាស៊ីអាគ្នេយ៍ចំនួន២ ត្រៀមផលិតថ្នាំគ្រាប់ព្យាបាល កូវីដ

The post ឪពុកម្តាយ និងគ្រូបង្រៀនថៃ តវ៉ាប្រឆាំងការធ្វើតេស្តរហ័សនៅសាលា ខ្លាចកូនឈឺច្រមុះ (មានវីដេអូ) appeared first on Kampuchea Thmey Daily.

ខេត្តនេះបានធ្វើការប្រៀបធៀបរវាងឧបករណ៍តេស្តរហ័សប្រភេទ Lepu ជាមួយនឹងការធ្វើតេស្តម៉ាស៊ីន RT-PCR ក្នុងករណីចំនួន ៣៩២ ករណី។ ការធ្វើតេស្តម៉ាស៊ីនធំ RT-PCR បានរកឃើញករណី អវិជ្ជមាន រហូតដល់ទៅ ២២៣ករណី ប៉ុន្តែឧបករណ៍តេស្តរហ័សរកឃើញករណី អវិជ្ជមាន ត្រឹមតែ១២២ករណីប៉ុណ្ណោះ។

ឆ្លើយតបទៅនឹងរឿងនេះ នាយកដ្ឋានវិទ្យាសាស្ត្រវេជ្ជសាស្ត្រ ថៃ បានឲ្យដឹងថា លទ្ធផលដែលអ្នកផ្តាសាយក៏តេស្តឃើញកូវីដដែរនោះ គឺបណ្តាលមកពី សមត្ថភាពរបស់ឧបករណ៍នេះនៅមានកម្រិត ហើយមួយទៀត អ្នកប្រើប្រាស់មិនបានធ្វើតាមសេចក្តីណែនាំនៅលើប្រអប់។

លោក Supakit Sirilak ប្រធាននាយកដ្ឋានវិទ្យាសាស្ត្រវេជ្ជសាស្ត្រថៃ បាននិយាយថា មនុស្សប្រើឧបករណ៍តេស្តរហ័សនៅពេល ពួកគេមានជំងឺផ្តាសាយ ហើយកត្តាទាំងនេះ នាំឲ្យឧបករណ៍តេស្តរហ័សបញ្ចេញលទ្ធផលមកខុស។

គួរបញ្ជាក់ថា នៅថ្ងៃពុធទី២០ខែតុលានេះ ប្រទេសថៃ បានប្រកាសរកឃើញករណីកូវីដថ្មីចំនួន ៨,៩១៨ករណី និងស្លាប់ ៧៩នាក់​ ធ្វើឲ្យចំនួនករណីឆ្លងសរុបរបស់ប្រទេសកើនដល់ ១,៨១១,៨៥២ ករណី និងស្លាប់សរុប ១៨,៤៨៦នាក់៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ពិតដូច ថៃ ថាទេ? អ្នកកើតផ្តាសាយ ធ្វើតេស្តរហ័ស ក៏ឃើញកូវីដដែរ

The post នេះហើយមូលហេតុ អ្នកខ្លះផ្តាសាយសោះ ដល់ពេលធ្វើតេស្តរហ័ស ឃើញ កូវីដ ដែរ appeared first on Kampuchea Thmey Daily.

លោក Supakit Sirilak ប្រធាននាយកដ្ឋានវិទ្យាសាស្ត្រវេជ្ជសាស្ត្រថៃ បាននិយាយថា មានកត្តាមួយចំនួនដែលនាំឲ្យឧបករណ៍តេស្តរហ័សបញ្ចេញលទ្ធផលខុស។

លោកអះអាងថា មូលហេតុមួយគឺបណ្តាលមកពី មនុស្សប្រើឧបករណ៍តេស្តរហ័សនៅពេល ពួកគេមានជំងឺផ្តាសាយ។ កត្តាមួយទៀតដែលនាំឲ្យចេញលទ្ធផលមិនពិតគឺថា អ្នកប្រើប្រាស់មិនបានធ្វើតាមសេចក្តីណែនាំនៅលើប្រអប់។

ការពន្យល់របស់នាយកដ្ឋាននេះ គឺជាការឆ្លើយតបទៅនឹងរបាយការណ៍របស់ប្រធានសុខាភិបាលសាធារណៈនៅខេត្ត Nakhon Si Thammarat ដែលបញ្ជាឲ្យផ្អាកការធ្វើតេស្តរហ័សនៅតាមផ្ទះក្នុងខេត្តនោះ ដោយសារតែលទ្ធផលតេស្តចេញមកមិនត្រឹមត្រូវច្រើន។

ខេត្តនេះបានធ្វើការប្រៀបធៀបរវាងឧបករណ៍តេស្តរហ័សប្រភេទ Lepu ជាមួយនឹងការធ្វើតេស្តម៉ាស៊ីន RT-PCR ក្នុងករណីចំនួន ៣៩២។ ការធ្វើតេស្តម៉ាស៊ីន RT-PCR បានរកឃើញករណីអវិជ្ជមានរហូតដល់ទៅ ២២៣ករណី ប៉ុន្តែឧបករណ៍តេស្តរហ័សរកឃើញករណីអវិជ្ជមានត្រឹមតែ១២២ករណីប៉ុណ្ណោះ។

ឧបករណ៍នេះ ក៏ត្រូវបានសាកសួរដោយសមាគមគ្រូពេទ្យជនបទផងដែរ ទាក់ទងនឹងភាពត្រឹមត្រូវនៃការធ្វើតេស្តរកមេរោគកូវីដ-១៩។

កាលពីមុន សមាគម បានអំពាវនាវឲ្យរដ្ឋាភិបាលបញ្ឈប់ការប្រើប្រាស់ឧបករណ៍នេះ ប៉ុន្តែមិនបានសម្រេច។ ក្រសួងសុខាភិបាលបានយល់ព្រមឲ្យប្រើប្រាស់ឧបករណ៍តេស្តរហ័ស Lepu ដោយសន្យាថា នឹងតាមដានលទ្ធផលយ៉ាងយកចិត្តទុកដាក់៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ខែក្រោយ ថៃ បើកប្រទេស ទទួលទេសចរឡើងវិញ តែមានលក្ខខណ្ឌ

The post ពិតដូច ថៃ ថាទេ? អ្នកកើតផ្តាសាយ ធ្វើតេស្តរហ័ស ក៏ឃើញកូវីដដែរ appeared first on Kampuchea Thmey Daily.

ក្រោយការប្រកាសនូវឧបករណ៍តេស្តទាំង ២​ ប្រភេទនេះ គឺលក់ជូននិង​បើក​ទូលាយ​ចែកចាយដល់ក្រសួង-ស្ថាប័ន ក្រុមហ៊ុន សហគ្រាស រោងចក្រ មន្ទីរពេទ្យ​ឯកជន គ្លីនិក ឱសថស្ថាន ឱសថស្ថានរង ភ្នាក់ងារចែកចាយ និងសាធារណជន នូវឧបករណ៍​តេស្តរហ័សអាច​បញ្ជាទិញឧបករណ៍តេស្តនេះ យកទៅធ្វើតេស្តមន្រ្តីក្រោមឱវាទនិង​បុគ្គលិក​របស់​ខ្លួន។

ខណៈមនុស្សគ្រប់គ្នាអាចទិញបាននូវ​ឧបករណ៍​តេស្តទាំង ២ ប្រភេទនេះ ដូច្នេះ​ពលរដ្ឋ​ម្នាក់ៗ​ក៏​ត្រូវ​តែ​ដឹង​ពីរបៀបប្រើប្រាស់​ និងការទុកដាក់ឲ្យត្រូវតាម​ស្តង់ដារ​ ចៀសវាង​ទុក​មិន​ត្រឹមត្រូវ​ នាំ​ឲ្យ​បាត់បង់​គុណភាព​ដើម​ ហើយ​ឈាន​ទៅ​គ្មាន​ប្រសិទ្ធភាពពេល​យក​មកប្រើ។

សម្រាប់​ឧបករណ៍​តេស្ត​ទាំង ២ ប្រភេទ​ ការ​ទុកដាក់​គឺ​មិន​ខុសគ្នា​​និង​មាន​ដូច​ខាងក្រោម​នេះ៖

-ត្រូវ​រក្សា​ទុក​ក្នុង​សីតុណ្ហភាព​ចន្លោះពី ២០ ទៅ ៣០ អង្សាសេ។

-ឧបករណ៍​តេស្ត​មួយ​ប្រើ​បាន​តែ​ម្ដង​គត់​ ហាម​ប្រើ​ម្ដង​ទៀត​នៅ​ពេល​ចង់​តេស្ត​រក​មេរោគ។

-ត្រូវ​ស្វែងយល់​ និង​ឧស្សាហ៍​មើល​ថ្ងៃខែ​ផុត​កំណត់​នៃ​ឧបករណ៍​តេស្ត​ ២៤ ខែ ក្រោយថ្ងៃផលិត។

-ទុក​ដាក់​ឲ្យ​ឆ្ងាយ​ពី​ដៃ​ក្មេង​ ហាម​ទុក​ជិត​ភ្លើង​ឬ​កន្លែង​មាន​ហានិភ័យ​ក្នុង​ផ្ទះ។

-ដោយសារ​ឧបករណ៍​តេស្ត​ទាំងពីរ​នេះ​មាន​ផ្ទុក​ទឹក​សូលុយស្យុង Buffer ទើប​ការ​ទុក​ដាក់ត្រូវ​បាន​ធានា​ថា​មាន​សុវត្ថិភាព​ និង​ឆ្ងាយ​ពី​របស់​មាន​គ្រោះថ្នាក់​ ដែល​អាច​បណ្ដាល​ឲ្យ​បាត់បង់​គុណភាព​និង​ប្រសិទ្ធភាព​ នៅ​ពេល​យក​មក​តេស្ត​រក​វីរុសកូវីដ៕

អត្ថបទ​៖ សាង ស្រីល័ក្ខ

ចុចអាន៖ធ្វើតេស្តរហ័សរកកូវីដដោយខ្លួនឯង ចុះក្នុងករណីវិជ្ជមានគួរធ្វើយ៉ាងម៉េច?

ចុចអាន៖វិធីថែទាំសុខភាពឲ្យរឹងមាំ មុនតេស្តរហ័សរកកូវីដ ដោយមិនមានការឈឺចាប់ឬភ័យខ្លាច

ចុចអាន៖ព្យាបាល​នៅ​ផ្ទះ កុំ​ឲ្យ​ឆ្លង​ដល់​អ្នក​រស់នៅជាមួយ​ សូម​អនុវត្ត​វិធានការ​ខាងក្រោមនេះ

The post ឧបករណ៍តេស្តរហ័ស ២ ប្រភេទ ទុកដាក់មិនស្រួលអាចបាត់បង់គុណភាពនិងប្រសិទ្ធភាព ខាតលុយចោលទទេ appeared first on Kampuchea Thmey Daily.

លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល បានលើកឡើងថា ម្ដងតេស្តឃើញវិជ្ជមានកូវីដ-១៩ ម្ដងតេស្តឃើញអវិជ្ជមាន នេះ ទី១ ប្រសិនយើងយកឧបករណ៍តេស្តរហ័សដែលមិនមានការទទួលស្គាល់ដោយក្រសួងសុខាភិបាល នោះនាំលទ្ធផលយកជាការមិនបាន។

លោកស្រី ឱ វណ្ណឌីន មានប្រសាសន៍បន្តថា៖ “ទី២ រឿងថាម្ដងមើលឃើញ ម្ដងមើលមិនឃើញក្រោយពី គាត់បាត់រោគសញ្ញា។ កន្លែងនេះពាក់ព័ន្ធទៅលើសរីរាង្គរបស់គាត់ នៅពេលវីរុសវាយលុកទៅក្នុងសរីរាង្គរបស់មនុស្ស មេរោគចេញរោគសញ្ញាថ្ងៃទី៥ ថ្ងៃទី៧ ហើយឥឡូវដំណាក់កាលសំងំនៃវីរុសបំប្លែងថ្មី គឺចេញរោគសញ្ញាយូរទៀត។ តាមការសម្គាល់របស់ក្រុមគ្រូពេទ្យ គឺទាល់តែថ្ងៃទី១៣ទើបចេញរោគសញ្ញាក៏មាន”។

រដ្ឋលេខាធិការក្រសួងសុខាភិបាលរូបនេះ ពន្យល់បន្តថា ដូចនេះនៅពេលវីរុសកំពុងពុះកញ្ជ្រោលនៅក្នុងសរីរាង្គរបស់មនុស្ស ហើយសរីរាង្គយើងក៏ពុះកញ្ជ្រោលក្នុងការវាយបកតបតជាមួយវីរុសកូវីដ-១៩ នៅពេលនោះគឺយើងអាចតេស្តឃើញ វិជ្ជមាន ប៉ុន្តែនៅពេលដែលព្យាបាលមួយរយៈ ដែលនាំឱ្យវីរុសខ្សោយមានការថមថយនូវឥទ្ធិពល ហើយធ្វើឱ្យអ្នកជំងឺបាត់រោគសញ្ញា នោះធ្វើតេស្តអត់ឃើញ វិជ្ជមាន ទេ។

លោកស្រី ឱ វណ្ណឌីន មានប្រសាសន៍បញ្ជាក់ថា៖ “ចុះឥឡូវ បើអត់ឃើញ [វិជ្ជមាន] ម៉េចក៏ប៉ុន្មានថ្ងៃក្រោយឃើញ? វិទ្យាសាស្ត្របាននិយាយហើយ នៅពេលណាអ្នកជំងឺបានពិនិត្យឃើញជាសះស្បើយហើយ ការរកឃើញ [វិជ្ជមាន] ក្នុងរយៈពេល១០ថ្ងៃក្រោយ ១២ថ្ងៃក្រោយ ឬក៏៣សប្ដាហ៍ក្រោយពីគាត់ជា គឺជាការរកឃើញនូវសំបករបស់វីរុស ដែលបានបាត់នូវឥទ្ធិពលរបស់វា។ ករណីនេះគេបានរកឃើញហើយនៅតាមបណ្ដាប្រទេសមួយចំនួន ពិសេសនៅសាធារណរដ្ឋមាចិនដែលឆ្លងកាត់ការរីករាលដាលជំងឺកូវីដ-១៩នេះមុនគេ ដែលគេសង្កេតឃើញបែបហ្នឹងដល់រាប់ម៉ឺននាក់”។

លោកស្រី ឱ វណ្ណឌីន លើកឡើងបន្ថែមថា៖ “តាមអ្វីដែលខ្ញុំតែងបានពិភាក្សាសួរនាំវែកញែកជាមួយអង្គការសុខភាពពិភពលោក (WHO) ក៏មិនទាន់មានការបកស្រាយណាមួយដែលលើកឡើងថា ក្រោយពីជាសះស្បើយ៣សប្ដាហ៍ទៅ រកឃើញថាមានវិជ្ជមាននេះ មេរោគនឹងមានលទ្ធភាពដូចការចម្លងនៅពេលឈឺដំបូងនោះទេ។ អ៊ីចឹងមានន័យថា ឥទ្ធិពល ឬភាពឆ្លងរបស់មេរោគគឺធ្លាក់ទាបជាអតិបរមាហើយ។ តែយើងក៏មិនច្រានចោលថា មេរោគមិនឆ្លងវិញ១០០ភាគរយទេ តែវាទាបណាស់”។

ប្រធានគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ-១៩ ក្របខណ្ឌទូទាំងប្រទេសដដែលនេះ ផ្ដាំផ្ញើថា ប្រសិនបើប្រជាពលរដ្ឋពិនិត្យឃើញជាសះស្បើយហើយ ហើយត្រឡប់ទៅធ្វើចត្តាឡីស័កនៅផ្ទះ១៤ថ្ងៃទៀត កុំទាន់ប៉ះពាល់សមាជិកគ្រួសារ ឬអ្នកដទៃ និងត្រូវតាមដានសុខភាពបន្តទៀត។ ករណីមានអាការរៈ ឬរោគសញ្ញាមិនប្រក្រតីកើតឡើង ត្រូវរាយការណ៍ទៅអាជ្ញាធរ និងបុគ្គលិកសុខាភិបាលជាបន្ទាន់៕

អត្ថបទ៖ ច័ន្ទ វីរៈ

The post ហេតុអ្វីតេស្តរហ័សឃើញវិជ្ជមានកូវីដ-១៩ លុះព្យាបាលជាហើយ តេស្តឃើញវិជ្ជមានវិញទៀត? appeared first on Kampuchea Thmey Daily.

ថ្លែង​ក្នុង​ឱកាស​នាំយកថវិកាឧបត្ថម្ភ ១០លានរៀល និងសម្ភារផ្សេងទៀត របស់សម្ដេចតេជោ ប្រគល់ជូនអ្នកចាក់វ៉ាក់សាំងការពារជំងឺកូវីដទី៦លាន នៅខេត្តកំពង់ចាម កាលពី​ថ្ងៃទី​២០ ខែ​ឧសភា​នេះ ​​​លោក​ជំទាវ​បាន​​​លើក​ឡើង​ថា​ ​មន្ទីរពេទ្យ​រដ្ឋ​​ក៏​ជា​​សេវា​រដ្ឋបាល​សាធារណៈ​ ដែល​ត្រូវ​ការ​ចំណូល​​ ដើម្បី​ប្រតិបត្តិការ​​នៅ​ក្នុង​មន្ទីរពេទ្យ​​ដែរ​ ខណៈ​រដ្ឋ​ឧបត្ថម្ភ​មួយ​ចំណែក​​ តែ​រាល់​ប្រតិបត្តិការ​​នៅ​ក្នុង​មន្ទីរពេទ្យ​​គឺ​ត្រូវ​រ៉ាប់​រង​ដោយ​ខ្លួន​​ឯង​។

លោក​ជំទាវ​បា​នឱ្យ​ដឹង​ថា នេះគឺជា​​ការសម្រេច​ជាអន្តរក្រសួង​ ដែល​តម្រូវឱ្យ​មន្ទីរពេទ្យរដ្ឋ​ ​អាច​យក​ថ្លៃ ក្នុង​កម្រិត​មួយ​ ​សម​ល្មម​ ដែល​អាច​ទូទាត់​បាន​​ទៅ​លើ​ការ​ទិញ​ Rapid test ក៏​ដូច​សម្ភារ​ផ្សេង​ៗ​មួយ​ចំនួ​ន​ទៀត​។

“អញ្ចឹង​ខ្ញុំ​លើក​អំពី​តម្លៃ Rapid test គាត់​ទៅ​ទិញ​យក​មក​ប្រើ​​ចុះ​បើ​​អត់​គិត​លុយ​ទាំង​អស់​គ្នា​មន្ទីរពេទ្យ​មិន​អន្តរាយ​ទៅ​ហើយ​ ទន្ទឹម​​នឹង​គាត់​ត្រូវ​បំពេញ​តួនាទី​​​ជា​រដ្ឋបាល​សាធារណៈ​។អញ្ចឹង​កន្លែង​នេះ ក្រសួង​សុខាភិបាល​ក៏​ដូច​ជា​គណៈកម្មការ​​អន្តរ​ក្រសួង​ ក៏​បាន​​សម្រេច​ឱ្យ​មន្ទីរពេទ្យ​រដ្ឋ​មួយ​ចំនួន ​ជា​មូលដ្ឋាន​សាធារណៈ​នេះ​​​គាត់​អាច​យក​ថ្លៃ ក្នុង​កម្រិត​មួយ​ ដែល​ជា​តម្លៃ​សម​ល្មម​ ដែល​អាច​ទូទាត់​បាន​​ទៅ​លើ​ការ​ទិញ​ Rapid test ក៏​ដូច​សម្ភារ​ផ្សេង​ៗ​ ពី​ព្រោះ​ មិន​មែន​ទិញ​មក​ធ្វើ​តេស្ត​ភា្លម​ទេ ​អញ្ចឹង​ឆ្លង​គ្រូ​ពេទ្យ​​ហើយ​ យើង​ត្រូវការ​​សំលៀក​បំពាក់​អាវ និង​មាន​​ប្រដាប់​ប្រដា​ច្រើន​”។​ លោក​ជំទាវ​បន្ថែម​​។

កាល​​ពី​ថ្ងៃទី០៨​ ​ខែ​ឧសភា ឆ្នាំ​​២០២១​​កន្លង​មក​​នេះ ​ក្រសួង​សុខាភិបាល ​បាន​រំឭក​ឲ្យ​មន្ទីរ​ពេទ្យ​រដ្ឋ​ទាំង​អស់ ត្រូវ​ធានា​និរន្តភាព​សេវា​សុខាភិបាល​ជាសារវ័ន្ត​ ឬ​ជា​ប្រចាំ ហើយ​ប្រសិន​បើ​ចាំ​បាច់ គឺ​ត្រូវ​ធ្វើ​តេស្ត​រហ័ស រក​កូវីដ​១៩ លើ​អ្នក​ជំងឺ​ទូទៅ និង​សង្គ្រោះ​បន្ទាន់​។ ការ​ណែ​នាំ​នេះ​ ​​ដែល​បាន​​​​កើត​មាន​ករណី​ អ្នក​ជំងឺ​មួយ​ចំនួន​ត្រូវ​បាន​បដិសេធ​មិន​ទទួល​យក​ទៅ​ពិនិត្យ​ព្យាបាល​នៅ​តាម​មន្ទីរ​ពេទ្យ​មួយ​ចំនួន ដែល​ធ្វើ​ឲ្យ​កើត​មាន​ប្រតិកម្មរ​រិះគន់​នៅ​តាម​បណ្តាញ​សង្គម​នា​ពេល​កន្លង​មក​នេះ​។​

​ក្នុង​លិខិត​​ដែល​ចុះ​ហត្ថលេខា​ដោយ​ លោក​​ ម៉ម​ ប៊ុនហេង រដ្ឋ​មន្ត្រី​ក្រសួងសុខភិបាល​​បាន​ប្រាប់​ឲ្យ​មន្ទីរ​ពេទ្យ​រដ្ឋ​ទាំង​អស់ ត្រូវ​បន្ត​​ផ្ដល់​សេវា​ជូន​ដល់​គ្រប់​អ្នក​ជំងឺ ដែល​មក​ទទួល​សេវា​ក្នុង​មូលដ្ឋាន​សុខាភិបាល​របស់​ខ្លួន​។​ ត្រូវ​រៀបចំ​ឲ្យ​មាន​បន្ទប់​ដាច់​ដោយ​ឡែក សម្រាប់​ផ្ដល់​សេវា​ព្យាបាល សង្រ្គោះ​បន្ទាន់ វះ​កាត់ និង​សម្ភព តាម​លក្ខណៈ​បច្ចេកទេស ដល់​អ្នក​ជំងឺ​ដែល​បាន​រក​ឃើញ​ជំងឺ​កូវីដ-១៩ ដោយ​ការ​ទទួល​ខុស​ត្រូវ​ខ្ពស់ និង​គ្មាន​ការ​រើសអើង រហូត​ដល់​អ្នក​ជំងឺ​មាន​ស្ថានភាព​ល្អ​សមស្រប មុន​នឹង​បញ្ជូន​អ្នក​ជំងឺ​ទៅ​មន្ទីរពេទ្យ​ព្យាបាល​ជំងឺ​កូវីដ-១៩៕​

The post ​លោកជំទាវ ឱ វណ្ណឌីន៖ មន្ទីរពេទ្យ​រដ្ឋ​ ​អាច​​យក​ថ្លៃ ក្នុង​កម្រិត​សម​ល្មម​​ លើសេវាតេស្ត​កូវីដ១៩ appeared first on Kampuchea Thmey Daily.

លោក ទូ សាវុធ អភិបាលរងខេត្តកោះកុង លើកឡើងថា តបនឹងអ្វីដែលជាការណែនាំរបស់លោកស្រី មិថុនា ភូថង អភិបាលខេត្ត លើជាវិធានការទប់ស្កាត់នឹងជំងឺកូវីដ-១៩ គឺតំបន់ណាដែលរកឃើញអត្រាឆ្លងជំងឺកូវីដ-១៩ខ្លាំងជាងគេនឹងត្រូវអនុវត្តការធ្វើតេស្តយកសំណាកទៅពិនិត្យរហ័សចំពោះគ្រប់ប្រជាពលរដ្ឋក្នុងមូលដ្ឋានទាំងនោះ។

ការលើកឡើងយ៉ាងដូច្នេះរបស់លោក ទូ សាវុធ ធ្វើឡើងក្រោយការអនុវត្តធ្វើតេស្តរហ័សទៅលើថ្នាក់ដឹកនាំខេត្ត កងកម្លាំងប្រដាប់អាវុធ និងមន្រ្តីរាជការនៃមន្ទីរអង្គភាពនានាជុំវិញរកមេរោគកូវីដ-១៩ អស់ពេល៣ថ្ងៃមកនៅបណ្តាអគារព្យាបាលនីមួយៗទូទាំងខេត្ត។

លោកអភិបាលរងខេត្ត បន្ថែមថា ក្រៅពីការផ្ទុះជំងឺកូវីដ-១៩ នៅក្រុងខេមរភូមិន្ទ និងស្រុកមណ្ឌលសីមា ក្រុមគ្រូពេទ្យនឹងទៅធ្វើតេស្តនៅឃុំថ្មស ស្រុកបូទុមសាគរ និងឃុំកោះស្តេច ស្រុកគិរីសាគរ ខណៈឃុំថ្មរកឃើញជាង១០០មានវិជ្ជមានកូវីដ រីឯឃុំកោះស្តេចមានមនុស្ស១៤នាក់។

ចាប់ពីថ្ងៃទី១៨ ដល់ថ្ងៃទី២០ ខែកក្កដា ក្នុងការធ្វើតេស្តរហ័សដល់ថ្នាក់ដឹកនាំមន្រ្តីរាជការទូទាំងខេត្តជាច្រើនរយនាក់ មន្រ្តីសុខាភិបាលខេត្តបានរកឃើញមានមន្រ្តីរាជការស៊ីវិលសរុបចំនួន១០នាក់មានវិជ្ជមានកូវីដ ហើយបានបញ្ចូនទៅសម្រាកព្យាបាលនៅមណ្ឌលព្យាបាលក្នុងបរិវេនវិទ្យាល័យកោះកុង។

តាមការអង្កេតរបស់រដ្ឋបាលខេត្ត និងមន្ទីរអង្គភាពនីមួយៗ ឃើញថា មានក្រុមមន្រ្តីរាជការបានចូលរួមសហការបានល្អប្រសើរទៅតាមកាតព្វកិច្ចរបស់ពួកគេរៀងៗខ្លួន ក្នុងន័យដឹងប្រាកដប្រជាអំពីជំងឺកូវីដ-១៩ ដោយស្ម័គ្រចិត្ត ព្យាបាលឥតជំទាស់ គ្មានការខ្មាសអៀន។ ព្រោះលាក់បាំងព័ត៌មានពីជំងឺកូវីដ ជាកត្តាហានិភ័យគ្រោះថ្នាក់បំផុតទៅដល់សាច់ញាតិក្រុមគ្រួសារ និងពលរដ្ឋដទៃទៀតក្នុងសហគមន៍នាពេលបច្ចុប្បន្ននេះ៕

អត្តបទ៖ សិរីវឌ្ឍនៈ

The post តំបន់ណាផ្ទុះជំងឺកូវីដ-១៩ខ្លាំងក្នុងខេត្តកោះកុង នឹងត្រូវធ្វើតេស្តរហ័ស appeared first on Kampuchea Thmey Daily.