ព្យាបាល​នៅ​ផ្ទះ កុំ​ឲ្យ​ឆ្លង​ដល់​អ្នក​រស់នៅជាមួយ​ សូម​អនុវត្ត​វិធានការ​ខាងក្រោមនេះ

ក្រសួង​សុខាភិបាល​បាន​ចេញ​គោលការណ៏សម្រាប់អ្នកជំងឺកូវីដ-១៩ កម្រិត​ស្រាល ដែល​​អនុញ្ញាតិ​ឲ្យ​សម្រាកព្យាបាល​នៅផ្ទះ។ យោងតាម​សេចក្តីសម្រេច ក្រសួង​សុខាភិបាល​បានដាក់ចេញ​គោលការ​ណ៍​មួយ​ចំនួន សម្រាប់អ្នកជំងឺ​ដែល​សម្រាក​ព្យាបាលនៅ​ផ្ទះ ​​ត្រូវអនុវត្ត​ដូចខាងក្រោម​នេះ៖

-ដាក់ខ្លួននៅដាច់ដោយឡែកពីគ្រួសារនៅក្នុងបន្ទប់ (មានខ្យល់ចេញចូលល្អ និង​មានបន្ទប់ទឹក /បង្គន់ខាងក្នុង)
-ពាក់ម៉ាសជាប់ជានិច្ច
-លាងដៃជាមួយអាល់កុល ឬ ជាមួយសាប៊ូនិងទឹកជាប្រចាំ
-រក្សាគម្លាតពីសមាជិកគ្រួសារយ៉ាងតិច ២ ម៉ែត្រ បើត្រូវពិភាក្សាគ្នា
-បរិភោគអាហារ និង ប្រើប្រាស់សម្ភារៈបរិក្ខារដាច់ដោយឡែកពីគ្រួសារ
-បរិភោគអាហារដែលមានជីវជាតិគ្រប់គ្រាន់
-ហាមជក់បារី ផឹកស្រា ឬ គ្រឿងស្រវឹងផ្សេងៗ
-តាមដានសុខភាពផ្ទាល់ខ្លួន(វាស់កំដៅរៀងរាល់ព្រឹក និង ល្ងាច)
-ថែរក្សាសុខភាពផ្លូវកាយ និង ផ្លូវចិត្ត
-ខ្ចប់សំណល់ពីការប្រើប្រាស់ ក្នុងក្បឿងប្លាស្ទិកឱ្យបានត្រឹមត្រូវ
-ដាក់ដាច់ដោយឡែកពីសំរាមរបស់ សមាជិកគ្រួសារដទៃទៀត
-ទុកឱ្យមានសុវត្ថិភាពរយៈពេល ៧២ម៉ោងមុននឹងយកទៅដាក់ នៅកន្លែងប្រមូលសំរាម
-រក្សាទំនាក់ទំនងជាមួយគ្រូពេទ្យ ំ ព្យាបាលតាមរយៈទូរសព្ទ ឬ បណ្តាញសង្គមរាល់ថ្ងៃ

បើមានសញ្ញាអាសន្នមាន៖

-ហត់ ឬ ពិបាកដកដង្ហើម
-ឈឺទ្រូងខ្លាំង និង ភ្លាមៗ
-វង្វេងស្មារតី(ទើបកើតថ្មីៗ)
-បាត់មាត់បាត់ក

ត្រូវឆាប់ទាក់ទងមកគ្រូពេទ្យព្យាបាល​ជា​បន្ទាន់ ឬ​ទំនាក់ទំនងមក​មណ្ឌលប្រតិបត្តិការស្រុក-ខណ្ឌ សម្រាប់ព្យាបាលជំងឺកូវីដ-១៩ តាមផ្ទះ ឬ​ទាក់ទងទៅទូរសព្ទទាន់ហេតុការណ៏ 1222 ដោយឥតគិតថ្លៃ៕