ព័ត៌មានអន្ដរជាតិ
ពិតដូច ថៃ ថាទេ? អ្នកកើតផ្តាសាយ ធ្វើតេស្តរហ័ស ក៏ឃើញកូវីដដែរ
លទ្ធផលកូវីដមិនត្រឹមត្រូវ ដែលបញ្ចេញដោយឧបករណ៍តេស្តរហ័ស គឺមិនមែនដោយសារតែបញ្ហាគុណភាពនោះទេ ប៉ុន្តែជាបញ្ហាដែលថា សមត្ថភាពរបស់ឧបករណ៍នេះនៅមានកម្រិត។ នេះបើយោងតាមការឲ្យដឹងពីនាយកដ្ឋានវិទ្យាសាស្ត្រវេជ្ជសាស្ត្រ ថៃ ប្រាប់កាសែត បាងកក ប៉ុស្តិ៍ កាលពីថ្ងៃអង្គារទី ១២ខែតុលា។
លោក Supakit Sirilak ប្រធាននាយកដ្ឋានវិទ្យាសាស្ត្រវេជ្ជសាស្ត្រថៃ បាននិយាយថា មានកត្តាមួយចំនួនដែលនាំឲ្យឧបករណ៍តេស្តរហ័សបញ្ចេញលទ្ធផលខុស។
លោកអះអាងថា មូលហេតុមួយគឺបណ្តាលមកពី មនុស្សប្រើឧបករណ៍តេស្តរហ័សនៅពេល ពួកគេមានជំងឺផ្តាសាយ។ កត្តាមួយទៀតដែលនាំឲ្យចេញលទ្ធផលមិនពិតគឺថា អ្នកប្រើប្រាស់មិនបានធ្វើតាមសេចក្តីណែនាំនៅលើប្រអប់។
ការពន្យល់របស់នាយកដ្ឋាននេះ គឺជាការឆ្លើយតបទៅនឹងរបាយការណ៍របស់ប្រធានសុខាភិបាលសាធារណៈនៅខេត្ត Nakhon Si Thammarat ដែលបញ្ជាឲ្យផ្អាកការធ្វើតេស្តរហ័សនៅតាមផ្ទះក្នុងខេត្តនោះ ដោយសារតែលទ្ធផលតេស្តចេញមកមិនត្រឹមត្រូវច្រើន។
ខេត្តនេះបានធ្វើការប្រៀបធៀបរវាងឧបករណ៍តេស្តរហ័សប្រភេទ Lepu ជាមួយនឹងការធ្វើតេស្តម៉ាស៊ីន RT-PCR ក្នុងករណីចំនួន ៣៩២។ ការធ្វើតេស្តម៉ាស៊ីន RT-PCR បានរកឃើញករណីអវិជ្ជមានរហូតដល់ទៅ ២២៣ករណី ប៉ុន្តែឧបករណ៍តេស្តរហ័សរកឃើញករណីអវិជ្ជមានត្រឹមតែ១២២ករណីប៉ុណ្ណោះ។
ឧបករណ៍នេះ ក៏ត្រូវបានសាកសួរដោយសមាគមគ្រូពេទ្យជនបទផងដែរ ទាក់ទងនឹងភាពត្រឹមត្រូវនៃការធ្វើតេស្តរកមេរោគកូវីដ-១៩។
កាលពីមុន សមាគម បានអំពាវនាវឲ្យរដ្ឋាភិបាលបញ្ឈប់ការប្រើប្រាស់ឧបករណ៍នេះ ប៉ុន្តែមិនបានសម្រេច។ ក្រសួងសុខាភិបាលបានយល់ព្រមឲ្យប្រើប្រាស់ឧបករណ៍តេស្តរហ័ស Lepu ដោយសន្យាថា នឹងតាមដានលទ្ធផលយ៉ាងយកចិត្តទុកដាក់៕
ប្រែសម្រួល៖ Vann Vann
ប្រភព៖ Bangkok Post
-
ជីវិតកម្សាន្ដ៧ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៣ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ចរាចរណ៍១ សប្តាហ៍ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៦ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១៣ ម៉ោង ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៥ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?