សុខភាព

វិធីថែទាំសុខភាពឲ្យរឹងមាំ មុនតេស្តរហ័សរកកូវីដ ដោយមិនមានការឈឺចាប់ឬភ័យខ្លាច

បានផុស

៣ years មុន

នៅ

ថ្ងៃចន្ទ ១៩ កក្កដា ២០២១

ដោយ

ឆ្លងតាមបទពិសោធន៍អ្នកដែលធ្លាប់តេស្តរហ័សជាញឹកញាប់ បានទម្លាយឲ្យដឹងថា ការធ្វើតេស្តរហ័សមិនពិបាកទេ ឬមានការឈឺចាប់ និងភ័យខ្លាចដូចដែលបានឭឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមកុំភ័យខ្លាចនិងរឹងមាំក្នុងការធ្វើតេស្ត មិនថាការធ្វើតេស្តនោះមានក្រុមគ្រូពេទ្យជាអ្នកតេស្ត ឬយើងខ្លួនឯងនោះទេ។ ការធ្វើតេស្តគឺដើម្បីមនុស្សជុំវិញយើង និងបានបញ្ជាក់ពីសុខភាពរបស់យើង បច្ចុប្បន្ននេះផងដែរ។

ជាដំបូងនៅពេលមានអាការមិនស្រួល ឬបានទៅកន្លែងកន្លែងណែនតាន់តាប់មនុស្ស យើងអត់ទុកចិត្តខ្លួនឯង និងត្រូវតែធ្វើតេស្តជាចាំបាច់។ យើងសុំណែនាំវិធីងាយៗមិនពិបាក ពេលធ្វើតេស្តសម្រាប់គ្រប់គ្នា៖

១ មុនតេស្តមួយថ្ងៃ កុំឲ្យខ្លួនឯងត្រូវទឹកភ្លៀងឲ្យសោះ ព្រោះទឹកភ្លៀងនឹងនាំមកជំងឺផ្ដាសាយឬកណ្ដាស់ ដែលធ្វើឲ្យតេស្តរហ័សចាប់បានងាយហើយច្រលំជាកូវីដ ។

២ សម្រាកឲ្យបានពីព្រលប់ ហើយក្រោកពីព្រលឹមហាត់ប្រាណ និងបើអាច សូមឆ្ពុង ខ្លួន ២ ពេល ព្រឹកនិងល្ងាចជាមួយគ្រឿងផ្សំក្នុងផ្ទះ ដូចជា គល់ស្លឹកគ្រៃ ក្រូចសើច ក្រូចឆ្មា តាមចិត្តចង់ដាក់។

៣ ហូបអាហារបំប៉នរាងកាយ កុំហូបរបស់ណាហិលពេក ប្រៃពេក ឬរបស់ផ្អាប់ ជាពិសេស សូមផ្អាកគ្រឿងសមុទ្រ អាហារមានរសជាតិមុតៗ និងឆ្ងាញ់គ្រប់ពេល។

៤ ផឹកវីតាមីន C និងថ្នាំបំប៉នរាងកាយជារៀងរាល់ថ្ងៃ។ ហូបផ្លែឈើមានជាតិស្ករតិច ជួយទ្រទ្រង់រាងកាយក្នុងអំឡុងធ្វើតេស្ត។

៥ ថ្នាំត្រូវមានជាប់ខ្លួន ទាំងថ្នាំក្អក ផ្ដាសាយ និងឈឺក្បាល ក្ដៅខ្លួន ជានិច្ច។ បើមានអ្វីបន្ទាន់ យើងអាចប្រើថ្នាំទាំងនោះតាមការណែនាំរបស់ក្រសួងបាន។

៦ កុំទៅកន្លែងមានហានិភ័យឬបិទជិតគ្មានខ្យល់អាកាស មុនតេស្ត ត្រូវសម្រាកនៅផ្ទះឲ្យស្រួលខ្លួន។ ជាពិសេសត្រូវមើលថែសុខភាពផ្លូវចិត្តឲ្យរឹងមាំ ចៀសវាងផ្លូវចិត្តទន់ខ្សោយ នាំឲ្យមេរោគរាតត្បាតក្នុងខ្លួនលឿននិងរហ័ស។

បន្ថែមពីនេះ កាលពីប៉ុន្មានថ្ងៃមុន តារាសម្តែង សន ពិសិដ្ឋ បានប្រាប់វិធី ៣ មិនឲ្យមានការឈឺចាប់ ពេលធ្វើតេស្តរហ័ស កូវីដ។

តារាប្រុសរូបនេះបានលើកឡើងថា ” វិធីមិនឲ្យមានការឈឺចាប់ ទី១ អង្គុយឲ្យត្រង់ខ្លួន ងើយមុខល្មមឲ្យសក្ដិសមទៅនឹងកម្ពស់របស់អ្នកយកសំណាក (អ្នករុកច្រមុះ)។ ទី២ ដកដង្ហើមល្មមតាមធម្មតា កុំខ្លាំងពេក កុំខ្សោយពេក និងទី៣ ត្រូវហាមាត់ល្មម កុំធំពេក កុំតូចពេក កំឡុងពេលដែលគេចាប់ផ្ដើមរុកចូលច្រមុះ” ។ ចំណែកលទ្ធផលតេស្តដែលមានគំនូសចំអក្សរ C នេះគឺមានន័យថា មិនមានមេរោគឬជំងឺកូវីដទេ៕

អត្ថបទ៖ សាង ស្រីល័ក្ខ

ចុចអាន៖តារាសម្តែង សន ពិសិដ្ឋ ប្រាប់វិធី៣មិនឱ្យមានការឈឺចាប់ពេលធ្វើតេស្តរហ័ស កូវីដ-១៩

ចុចអាន៖របបអាហារសម្រាប់អ្នកជំងឺទឹកនោមផ្អែម គួរហូបនិងមិនគួរ ក្រោយចាក់វ៉ាក់សាំងកូវីដ