រាយការណ៍ដោយសារព័ត៌មាន South China Morning Post បានចុះផ្សាយថា ក្រុមហ៊ុនដែលមានមូលដ្ឋាននៅទីក្រុងសៀងហៃ បានធ្វើការជួញដូរដំបូងរបស់ខ្លួននៅក្នុងទីក្រុងហុងកុង កាលពីថ្ងៃព្រហស្បតិ៍ ដោយបានបង្កើនចំនួន ២៧៣ លានដុល្លារហុងកុង (៣៥ លានដុល្លារអាមេរិក) ដោយផ្តល់ភាគហ៊ុនចំនួន ២.៤ លានដុល្លារ នៅតម្លៃ ១១៣.១២ ក្នុងមួយ​ដុំ​ ដែលជាតម្លៃខ្ពស់បំផុតនៃជួរតម្លៃរបស់វា។ ភាគហ៊ុនបានកើនឡើងនៅពេលបើក និងបញ្ចប់វគ្គជួញដូរពេលព្រឹក ឡើងរហូត​​ដល់ ៥២.៨% នៅ ១៧២,៨០ ដុល្លារហុងកុង។

​ការ​បោះផ្សាយ​មូលបត្រ (IPO) បានជំរុញឲ្យលោក Shan Weijun និងប្រពន្ធរបស់គាត់ក្លាយជាមហាសេដ្ឋី ដោយទ្រព្យសម្បត្តិរបស់ពួកគេបានកើតចេញពីភាគហ៊ុនរបស់ពួកគេទាំងស្រុងនៅក្នុងហាងតែគជ់ Auntea នេះបើយោងតាមសន្ទស្សន៍មហាសេដ្ឋី Bloomberg ។ ជាពិសេស គូស្នេហ៍មួយគូនេះស្ថិតក្នុងចំណោមសហគ្រិនចិនកាន់តែច្រើនឡើងៗ ដែលជាការរីកដុះដាលនៃតែ ដែលទើបផលិតថ្មីៗ ដូចជាអ្នកដែលនៅពីក្រោយខ្សែសង្វាក់តែ Chagee និង Mixue ជាដើម។

តែទឹកដោះគោ Chagee បានផ្សព្វផ្សាយជាសាធារណៈនៅលើសន្ទស្សន៍ទីផ្សារភាគហ៊ុន Nasdaq កាលពីខែមុន ដោយធ្វើឲ្យស្ថាបនិកវ័យ ៣០ ឆ្នាំគឺលោក Junjie Zhang ជាមហាសេដ្ឋីដែលមានទ្រព្យសម្បត្តិសុទ្ធចំនួន ២.១ ពាន់លានដុល្លារ។

ស្រដៀងគ្នានេះដែរ បងប្អូនប្រុសពីរនាក់ដែលនៅពីក្រោយហាងតែ, កាហ្វេ និងការ៉េមនៃខ្សែសង្វាក់ Mixue ទទួលបានទ្រព្យសម្បត្តិសរុបចំនួន ៨ ពាន់លានដុល្លារចាប់តាំងពីការបោះផ្សាយ IPO របស់ក្រុមហ៊ុនហុងកុង កាលពីដើមឆ្នាំនេះ។

យោងតាមសារព័ត៌មាន Bloomberg មុនពេលធ្វើឲ្យមានភាពសម្បូរបែបជាមួយនឹងភេសជ្ជៈដ៏ពេញនិយម គូស្នេហ៍មួយគូនេះ ពីមុនមកគឺជាអ្នកគ្រប់គ្រងផ្នែកលក់ជាន់ខ្ពស់នៅ Amway ប្រទេសចិន ដែលជាអ្នកលក់រាយផលិតផលថែទាំសុខភាព ។ ពួកគេបានបើកដំណើរការហាង Auntea Jenny ដំបូងនៅទីក្រុងសៀងហៃក្នុងឆ្នាំ ២០១៣ ដែលត្រូវបានបំផុសគំនិតដោយម៉ាកតែដែលពួកគេបានឃើញក្នុងអំឡុងពេលដំណើរកម្សាន្តនៅតៃវ៉ាន់ កាលពីដើមឆ្នាំដដែលនោះ។

ចាប់តាំងពីពេលនោះមក វាបានរីកចម្រើនទៅជាខ្សែសង្វាក់តែដែលផលិតថ្មីៗធំជាងគេទីបួនរបស់ប្រទេសចិន ជាមួយនឹងហាងជាង ៩,១០០នៅក្នុងទីក្រុងជាង ៣០០នៅចុងឆ្នាំមុន ដែលស្ទើរតែទាំងអស់ដំណើរការដោយអ្នកទទួលសិទ្ធិផ្តាច់មុខ។

លើសពីនេះ នៅក្រៅប្រទេស ក្រុមហ៊ុននេះដំណើរការហាងចំនួន ៣០ នៅក្នុងប្រទេសម៉ាឡេស៊ី ហើយមានបំណងបង្កើនចំនួននោះដល់ ១០០ នៅឆ្នាំនេះ។ វាក៏មានគម្រោងបើកហាងទំនើបដំបូងរបស់ខ្លួន នៅទីក្រុងញូវយ៉កនៅសប្តាហ៍ក្រោយ ហើយទីបំផុតពង្រីកទៅអូស្ត្រាលី កូរ៉េខាងត្បូង និងអឺរ៉ុប៕

អត្ថបទ៖ សាង ស្រីល័ក្ខ

ចុចអាន៖បុគ្គល​ល្បី​នៅ​ហូលីវូដ១០រូប មានទ្រព្យសម្បត្តិប្រៀបប្រដូចមហាសេដ្ឋីក្នុង​ឆ្នាំ​២០២៥​

The post ​​គូស្នេហ៍​ម្ចាស់​​ហាងតែគជ់នៅចិន ក្លាយជាមហាសេដ្ឋីប្រាក់លាន ​ក្រោយ​ប្រឡូក​ផ្សារហ៊ុន​ឡើង​ថ្លៃ​ appeared first on Kampuchea Thmey Daily.

ទាក់ទងនឹងបញ្ហានេះ លោកនាយកប្រតិបត្តិ Carlos Antonius បានបកស្រាយថា តម្លៃជួលកន្លែងលក់ និងតម្លៃឧបករណ៍ប្រើប្រាស់កើនឡើងខ្ពស់ ចំណែកឯប្រាក់ឈ្នួលអប្បបរមាក៏កើនឡើងដល់ទៅ ៥.៧៥ ភាគរយ បណ្ដាលឲ្យហាងមួយចំនួនគ្មានផលចំណេញ ។

ដូច្នេះលោក Antonius បានប្រាប់កាសែត Sydney Morning Herald ថា “ការបិទហាង និងផ្លាស់ប្ដូរទីតាំងល្អជាងធ្វើកិច្ចសន្យាជួលថ្មី ។ ការ​បិទ​ហាង​គឺជាជម្រើស​​ចុង​ក្រោយ ហើយ​​ហាង​មួយ​ចំនួន​តូច​​នឹង​មិន​បើក​ឡើង​វិញ​ទេ ។”

សូមបញ្ជាក់ថា Chatime បានបង្កើតនៅតៃវ៉ាន់កាលពីឆ្នាំ ២០០៥ ប៉ុន្តែនាំចូលប្រទេសអូស្ត្រាលីក្នុងឆ្នាំ ២០០៩ ។

បើតាមការស៊ើបអង្កេតក្នុងឆ្នាំ ២០១៩ បានបង្ហាញថា Chatime បើកប្រាក់ខែឲ្យបុគ្គលិករបស់ខ្លួនតិចជាងអ្វីដែលត្រូវផ្ដល់រហូតដល់ ៦ លានដុល្លារចាប់ពីឆ្នាំ ២០០៩ ទៀតផង ៕

ប្រែសម្រួល៖ វារី

ប្រភព៖ Dailymail

ចុចអាន៖ ពេទ្យ ព្រមានថា ផឹកតែគជ់ អាចកើតជំងឺរ៉ាំរ៉ៃ និងគ្រោះថ្នាក់ធ្ងន់ៗច្រើន

The post Chatime កំពុងប្រឈមនឹងការបិទហាងមួយចំនួននៅប្រទេសអូស្ត្រាលី appeared first on Kampuchea Thmey Daily.

គ្រោះថ្នាក់​តែ​គជ់ បាន​ព្រមាន​ពលរដ្ឋ​សិង្ហបុរី ​ពី​តែគជ់​ដែលមាន​បរិមាណ​ស្ករ​ច្រើន។ សម្រាប់​ការ​ប្រៀបធៀប​តែគជ់ ៧​ប្រភេទ មន្ទីរពេទ្យ​រកឃើញ​ថា តែទឹកដោះគោ​ដែលប្រើ​ស្ករត្នោត ជាមួយ​គ្រាប់គជ់ (Brown Sugar Milk Tea With Pearls) ជាភេសជ្ជៈ​បង្ក​ហានិភ័យ​ដល់​សុខភាព​ជាងគេ។ វាមាន​ផ្ទុកស្ករ ចំនួន ១៨,៥​ស្លាបព្រា​កាហ្វេ។

មន្ទីរពេទ្យ ព្រមានថា ស្ករ ទឹកដោះគោ និងក្រែម​គ្មាន​សមាសធាតុ​ទឹកដោះគោ (Non-dairy Creamer) ពិតជា​អាច​បង្កើន​ហានិភ័យ​នៃ​ការ​កើត​ជំងឺ​រ៉ាំរ៉ៃ។ ក្នុង​នោះ ក្រែម​គ្មាន​សមាសធាតុ​ទឹកដោះគោ មាន​ផ្ទុក​ខ្លាញ់ Trans Fat ក្នុង​ទម្រង់​ជាប្រេងដូង Hydrogenated Palm Oil។ ​ឯ​ពពុះទឹកដោះគោ ក៏មាន​កាឡូរី​ខ្ពស់ដែរ គឺរហូត​ដល់ ២០៣​កាឡូរី និង​ពពុះ Cheese មាន ១៨០​កាឡូរី។ មន្ទីរពេទ្យ​បញ្ជាក់​ថា ប្រេងនេះ បង្កឲ្យ​កើតជំងឺ​បេះដូង និង​ដាច់សរសៃឈាម​ខួរក្បាល។

ដើម្បី​បង្ការ​ការ​កើត​ជំងឺ​រ៉ាំរ៉ៃ មន្ទីរពេទ្យ​ណែនាំ​ឲ្យ​កាត់​បន្ថយ​ការផឹក​ភេសជ្ជៈ​ផ្អែម ដោយ​អតិថិជន​ត្រូវ​ជ្រើសរើស​ហាង ដែល​អាច​កែប្រែ​កម្រិត​ជាតិ​ស្ករ​ក្នុង​ភេសជ្ជៈ និង​កាត់បន្ថយ​រសជាតិ​ផ្អែម​បន្ដិចម្ដងៗ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ តែគជ់មួយកែវ ២៤ ដុល្លារអាមេរិក លក់នៅឯណា?

ចុចអាន៖ ផឹកកាហ្វេពេលព្រឹកទាំងពោះទទេ ប៉ះពាល់សុខភាពម៉េចខ្លះ?

The post ពេទ្យ ព្រមានថា ផឹកតែគជ់ អាចកើតជំងឺរ៉ាំរ៉ៃ និងគ្រោះថ្នាក់ធ្ងន់ៗច្រើន appeared first on Kampuchea Thmey Daily.