បុគ្គល​ល្បី​នៅ​ហូលីវូដ១០រូប មានទ្រព្យសម្បត្តិប្រៀបប្រដូចមហាសេដ្ឋីក្នុង​ឆ្នាំ​២០២៥​

គិតត្រឹមឆ្នាំ២០២៥ តារាហូលីវូដជាច្រើននាក់បានប្រមូលទ្រព្យសម្បត្តិយ៉ាងច្រើន ដោយខ្លះទទួលបានឋានៈជាមហាសេដ្ឋីពិភពលោកក្នុងពេលមួយរំពេច។ យោងតាមបញ្ជីឈ្មោះពីទស្សនាវដ្ដី Forbes ឆ្នាំ ២០២៥ ខាងក្រោមនេះ គឺជាតារា​ហូលីវូដ ដែលមានទ្រព្យសម្បត្តិស្តុកស្តម​ច្រើនបំផុត៖

១.លោក​ George Lucas មានទ្រព្យសម្បត្តិ ៥.៥ ពាន់លានដុល្លារ

ភាពល្បីល្បាញសម្រាប់ការបង្កើតសិទ្ធិផ្តាច់មុខរបស់ភាពយន្តហូលីវូដ «Star Wars» បាននាំឲ្យទ្រព្យសម្បត្តិរបស់ ផលិតករភាពយន្ត និងជាសប្បុរសជនជនជាតិអាមេរិកលោក George Lucas កើតឡើងជាចម្បង ពីការលក់ក្រុមហ៊ុនផលិតភាពយន្ត និងទូរទស្សន៍ Lucasfilm ទៅឲ្យ Walt Disney​ក្នុងឆ្នាំ ២០១២។

២. លោក Steven Spielberg មានទ្រព្យសម្បត្តិ ៤.៨ ពាន់លានដុល្លារ

អ្នកដឹកនាំរឿង និងផលិតករដ៏ល្បីវ័យ៧៨ឆ្នាំ បានសាងទ្រព្យសម្បត្តិរបស់គាត់តាមរយៈខ្សែភាពយន្តជោគជ័យជាច្រើនទសវត្សរ៍ និងការបណ្តាក់ទុនអាជីវកម្មជាយុទ្ធសាស្ត្រ។ លោកគឺជាផលិតករភាពយន្តជនជាតិអាមេរិក ក៏ជាឥស្សរជនដ៏សំខាន់នៃយុគសម័យហូលីវូដថ្មី និងអ្នកត្រួសត្រាយផ្លូវនៃភាពយន្តទំនើបនេះ។ មិនតែប៉ុណ្ណោះ លោកត្រូវបានចាត់ទុកថាជាអ្នកដឹកនាំរឿងដ៏អស្ចារ្យបំផុតម្នាក់​នៅ​គ្រប់ពេលវេលា និងជាអ្នកដឹកនាំរឿងដែលរកចំណូលបានខ្ពស់បំផុតគ្រប់ពេលវេលា។

៣. កីឡាករបាល់បោះ Michael Jordan មានទ្រព្យសម្បត្តិ ៣.២ ពាន់លានដុល្លារ

ខណៈដែលត្រូវបានគេស្គាល់ជាចម្បង សម្រាប់អាជីពជាកីឡាបាល់បោះរបស់គាត់ ទ្រព្យសម្បត្តិរបស់ Jordan ត្រូវបានជំរុញយ៉ាងខ្លាំងដោយភាពជាដៃគូ និងភាគហ៊ុនរបស់ក្រុមហ៊ុន Nike របស់គាត់ នៅក្នុងសហគមន៍ Charlotte Hornets ដែលជាក្រុមបាល់បោះអាជីពរបស់អាមេរិក។

៤. ពិធីករកម្មវិធី Oprah Winfrey មានទ្រព្យសម្បត្តិ ៣.១ ពាន់លានដុល្លារ

អាណាចក្រប្រព័ន្ធផ្សព្វផ្សាយរបស់ Winfrey រួមទាំងកម្មវិធីជជែករបស់នាង បណ្តាញ OWN និងការវិនិយោគផ្សេងៗបានពង្រឹងឋានៈរបស់ផលិតករទូរទស្សន៍អាមេរិក វ័យ៧១ឆ្នាំ ក្លាយជាតារាដែលមានបំផុតម្នាក់។ ជាពិសេស នា​ង​ត្រូវមហាជនជាច្រើនចាត់ទុកថា ជារាជិនីនៃកម្មវិធីជជែកពិភាក្សាជនជាតិអាមេរិក ផលិតករទូរទស្សន៍ តារាសម្តែង អ្នកនិពន្ធ និងជាម្ចាស់នៃប្រព័ន្ធផ្សព្វផ្សាយដ៏ល្បីល្បាញមួយរូប។

៥. តារារ៉េប Jay-Z មានទ្រព្យសម្បត្តិ ២.៥ ពាន់លានដុល្លារ

តារារ៉េប និងសហគ្រិនរូបនេះ បានធ្វើពិពិធកម្មប្រាក់ចំណូលរបស់គាត់តាមរយៈតន្ត្រី ម៉ូដ និងការបណ្តាក់ទុនអាជីវកម្មដូចជា Roc Nation និងស្រាសំប៉ាញ Armand de Brignac ជាដើម។ ដែលទាំងនោះបានជំរុញបន្ថែមឲ្យទ្រព្យសម្បត្តិតារាប្រុសវ័យ៥៥ឆ្នាំ កាន់តែកើនឡើងពីមួយឆ្នាំទៅមួយឆ្នាំ។

៦. តារាស្រី Kim Kardashian មានទ្រព្យសម្បត្តិ ៧ ពាន់លានដុល្លារ

ទ្រព្យសម្បត្តិរបស់អ្នកជំនួញអាមេរិក Kardashian បានមកពីភាពល្បីល្បាញរបស់ទូរទស្សន៍ ភាពស្រស់ស្អាត និងរូបរាងដ៏លេចធ្លោ ព្រមទាំងការយល់ព្រមផ្សេងៗពីម៉ាក់យីហោល្បីៗ ដែលរូបនាងបានចូលរួមផ្យព្វផ្សាយនាពេលកន្លងមក។

៧. លោក Peter Jackson មានទ្រព្យសម្បត្តិ ១.៥ ពាន់លានដុល្លារ

អ្នកដឹកនាំរឿង The Lord of the Rings និង The Hobbit trilogies ទទួលបានប្រាក់ចំណូលយ៉ាងច្រើនពីភាពយន្តរបស់គាត់ និងការបណ្តាក់ទុនពាក់ព័ន្ធនានា ព្រមទាំងដៃគូសហាការជាច្រើន។ ដែលទាំងនោះជាធាតុរួមផ្សំ នាំឲ្យទ្រព្យសម្បត្តិក្នុងឆ្នាំ២០២៥ របស់លោក កើនឡើងស្មើនឹងសេដ្ធី។

៨. លោក Tyler Perry មានទ្រព្យសម្បត្តិ ១.៤ ពាន់លានដុល្លារ

ភាពជោគជ័យរបស់លោក Perry ក្នុងនាមជាអ្នកផលិតខ្សែភាពយន្ត អ្នកនិពន្ធរឿង និងម្ចាស់ស្ទូឌីយោ បានធ្វើឲ្យគាត់ក្លាយជាបុគ្គលដែលមានទ្រព្យសម្បត្តិច្រើនបំផុតរបស់ហូលីវូដ។

៩. តារាចម្រៀង Rihanna មានទ្រព្យសម្បត្តិ ១.៤ ពាន់លានដុល្លារ

លើសពីអាជីពតន្ត្រីរបស់នាង ម៉ាកយីហោ Fenty Beauty និង Savage X Fenty របស់តារាច្រៀងនិងរ៉េប Rihanna បានរួមចំណែកយ៉ាងសំខាន់ដល់ទ្រព្យសម្បត្តិរបស់នាងនៅក្នុងឆ្នាំថ្មីនេះ។ មិនតែប៉ុណ្ណោះ អ្នកម្ដាយកូន ២រូបនេះ ត្រូវបានអ្នកគាំទ្រចាត់ទុកថា នាងគឺជាសិល្បករដែលលក់ដាច់បំផុតនៃសតវត្សរ៍ទី ២១ យោងតាមកំណត់ត្រាពិភពលោកហ្គីណេស និងជាសិល្បករទោលឌីជីថលក្នុងនាមស្ត្រី ដែលមានការបញ្ជាក់ខ្ពស់បំផុតដោយសមាគមឧស្សាហកម្មថតសំឡេងនៃសហរដ្ឋអាមេរិក។

១០. តារាចម្រៀង Taylor Swift មានទ្រព្យសម្បត្តិ ១.១ ពាន់លានដុល្លារ

ចាប់តាំងអាជីពកាន់តែជោគជ័យ Taylor Swift ទទួលស្រាប់តែទទួលបាននូវឋានៈជាមហាសេដ្ឋីតាមរយៈការលក់តន្ត្រី ដំណើរទេសចរណ៍បំបែកកំណត់ត្រា និងការសម្រេចចិត្តក្នុងអាជីវកម្មជាយុទ្ធសាស្ត្រ។ នាងត្រូវបានទស្សនិកជនស្គាល់ដោយសារការនិពន្ធបទចម្រៀងបែបជីវប្រវត្តិ ភាពប៉ិនប្រសប់ផ្នែកសិល្បៈ និងឥទ្ធិពលវប្បធម៌របស់នាង។ តារាស្រីវ័យ៣៥ឆ្នាំ ក៏ជាសិល្បករលក់ដាច់បំផុតមួយរបស់ពិភពលោក ដែលជាអ្នកដំបូងគេទទួលបានប្រាក់រាប់ពាន់លានដុល្លារ មានតម្លៃជាចម្បងពីសកម្មភាពតន្ត្រីផ្ទាល់ខ្លួនផងដែរ។

បន្ថែមពីនេះ តារាសម្តែងអាមេរិក Jami Gertz ត្រូវបានគេរាយការណ៍ថា មានទ្រព្យសម្បត្តិ ១២ ពាន់លានដុល្លារ ដែលភាគច្រើនដោយសារតែការរៀបការជាមួយមហាសេដ្ឋីវិនិយោគិនលោក Antony Ressler និងការបណ្តាក់ទុនរួមគ្នារបស់ពួកគេ។

យ៉ាងណាមិញ តួលេខខាងលើនេះបានបង្ហាញពីផ្លូវចម្រុះដែលតារាល្បីៗហូលីវូដបានកសាង និងពង្រីកទ្រព្យសម្បត្តិរបស់ពួកគេ ចាប់ពីការកម្សាន្ត និងការយល់ព្រម រហូតដល់ការវិនិយោគជាយុទ្ធសាស្ត្រ និងភាពជាម្ចាស់អាជីវកម្មមួយរូប៕

អត្ថបទ៖ សាង ស្រីល័ក្ខ

ចុចអាន៖មហាសេដ្ឋីអាមេរិក Warren ប្រាប់អាថ៌កំបាំងអាយុវែង ជាមួយ​ទម្លាប់សាមញ្ញ ៣ប៉ុណ្ណោះ