សុខភាព

ពេទ្យ ព្រមានថា ផឹកតែគជ់ អាចកើតជំងឺរ៉ាំរ៉ៃ និងគ្រោះថ្នាក់ធ្ងន់ៗច្រើន

បានផុស

៣ years មុន

នៅ

ថ្ងៃអង្គារ ២១ កញ្ញា ២០២១

ដោយ

នៅស្រុកខ្មែរយើង មានកុមារ និងយុវវ័យជាច្រើន ចូលចិត្តផឹកតែគជ់ ប៉ុន្ដែពុំដឹងពីផលប៉ះពាល់នៃការផឹកភេសជ្ជៈនេះទេ។ ចំណែកនៅសិង្ហបុរីវិញ តែគជ់ ក៏និយមខ្លាំងណាស់ដែរ រហូតខាងមន្ទីរពេទ្យ Mount Alvernia Hospital អះអាងថា ភេសជ្ជៈនេះ អាចបណ្ដាលឲ្យកើតជំងឺរ៉ាំរ៉ៃ ប៉ះពាល់បេះដូង ដាច់សរសៃឈាមខួរក្បាល និងបង្កជាហានិយភ័យជំងឺធ្ងន់ៗមួយចំនួនទៀត។

Classic Bubble Tea Recipe Recipe | Epicurious

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់តែគជ់ បានព្រមានពលរដ្ឋសិង្ហបុរី ពីតែគជ់ដែលមានបរិមាណស្ករច្រើន។ សម្រាប់ការប្រៀបធៀបតែគជ់ ៧ប្រភេទ មន្ទីរពេទ្យរកឃើញថា តែទឹកដោះគោដែលប្រើស្ករត្នោត ជាមួយគ្រាប់គជ់ (Brown Sugar Milk Tea With Pearls) ជាភេសជ្ជៈបង្កហានិភ័យដល់សុខភាពជាងគេ។ វាមានផ្ទុកស្ករ ចំនួន ១៨,៥ស្លាបព្រាកាហ្វេ។

The Growing Boba Bubble | Les Sirops de Monin

មន្ទីរពេទ្យ ព្រមានថា ស្ករ ទឹកដោះគោ និងក្រែមគ្មានសមាសធាតុទឹកដោះគោ (Non-dairy Creamer) ពិតជាអាចបង្កើនហានិភ័យនៃការកើតជំងឺរ៉ាំរ៉ៃ។ ក្នុងនោះ ក្រែមគ្មានសមាសធាតុទឹកដោះគោ មានផ្ទុកខ្លាញ់ Trans Fat ក្នុងទម្រង់ជាប្រេងដូង Hydrogenated Palm Oil។ ឯពពុះទឹកដោះគោ ក៏មានកាឡូរីខ្ពស់ដែរ គឺរហូតដល់ ២០៣កាឡូរី និងពពុះ Cheese មាន ១៨០កាឡូរី។ មន្ទីរពេទ្យបញ្ជាក់ថា ប្រេងនេះ បង្កឲ្យកើតជំងឺបេះដូង និងដាច់សរសៃឈាមខួរក្បាល។

The best types of boba tea and bubble tea and what's in each

ដើម្បីបង្ការការកើតជំងឺរ៉ាំរ៉ៃ មន្ទីរពេទ្យណែនាំឲ្យកាត់បន្ថយការផឹកភេសជ្ជៈផ្អែម ដោយអតិថិជនត្រូវជ្រើសរើសហាង ដែលអាចកែប្រែកម្រិតជាតិស្ករក្នុងភេសជ្ជៈ និងកាត់បន្ថយរសជាតិផ្អែមបន្ដិចម្ដងៗ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ តែគជ់មួយកែវ ២៤ ដុល្លារអាមេរិក លក់នៅឯណា?

ចុចអាន៖ ផឹកកាហ្វេពេលព្រឹកទាំងពោះទទេ ប៉ះពាល់សុខភាពម៉េចខ្លះ?