​គម្រោងនេះមានគោលបំណងអភិវឌ្ឍតំបន់កសិ-ឧស្សាហកម្មកែច្នៃ តាមគំរូ «ពីកសិដ្ឋាន​ដល់​រោង​ចក្រ» ​ដែល​​នឹងលើកកម្ពស់ឧស្សាហកម្មជំនួសការនាំចូល និងឧស្សាហកម្មដែលផ្តោតលើការនាំ​ចេញ ដោយបង្កើតខ្សែសង្វាក់ផ្គត់ផ្គង់កសិ-ឧស្សាហកម្មដែលមានតម្លៃបន្ថែម។ ​

​គំនិតផ្តួចផ្តើមនេះ ត្រូវបានគេរំពឹងថា នឹងពង្រឹងឧស្សាហូបនីយកម្មជនបទ បង្កើតឱកាសការងារ និងបង្កើនប្រាក់ចំណូលរបស់កសិករ តាមរយៈការអភិវឌ្ឍឧស្សាហកម្ម កែច្នៃកសិផល។

​ការអភិវឌ្ឍតំបន់សេដ្ឋកិច្ចពិសេសកំពង់ធំនេះ គឺស្របទៅតាមចក្ខុវិស័យដ៏ខ្ពង់ខ្ពស់របស់ សម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រី​កម្ពុជា ​និងគោលនយោ​បាយ​របស់​រាជរដ្ឋាភិបាល ក្នុង​ការ ជំរុញទំនើបកម្មវិស័យកសិកម្ម ការធ្វើពិពិធកម្មវិស័យឧស្សាហកម្ម និងការអភិវឌ្ឍតំបន់​ប្រកប​ដោយ​តុល្យភាព។

​គម្រោងនេះ ​គាំទ្រ​ដល់​កិច្ចខិតខំប្រឹងប្រែងរបស់ជាតិ ក្នុងការពង្រឹងវិស័យកសិ-ឧស្សាហកម្ម​របស់​កម្ពុជា​ បង្កើត​​ឱកាស​ការងារ​នៅតំបន់ជនបទ​ និងបង្កើនសមត្ថភាព​ប្រកួតប្រជែងរបស់​ផលិតផល​កសិកម្ម​កម្ពុជាទាំងនៅក្នុងទីផ្សារក្នុងស្រុក និងទីផ្សារអន្តរជាតិ។

​អ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត មានប្រសា​ស​ន៍​​អំពីគម្រោងនេះថា៖ «គម្រោងនេះគឺជាការបោះ​ជំហានចូលទៅ​ក្នុងវិស័យថ្មី​មួយ​សម្រាប់​ក្រុមហ៊ុនរបស់យើង​ ហើយវា​ឆ្លុះបញ្ចាំងពីការប្តេជ្ញាចិត្តក្នុងការចូល​រួមចំណែកដល់ការ​អភិវឌ្ឍតំ​បន់​ជន​បទ​ ដោយប្រើប្រាស់ជំនាញ និងបទពិសោធន៍ ដែល​យើងបានកសាងអស់រយៈពេល​ជាងពីរ​ទសវត្សរ៍​កន្លងមក។ ​តាមរយៈតំបន់សេដ្ឋកិច្ចពិសេសកំពង់ធំ យើងមានគោលបំណង បង្កើតឱកាសការងារ​ប្រកបដោយ​ចីរភាព ផ្តល់ប្រភពចំណូលមានស្ថិរភាពដល់សហគមន៍ជនបទ និងគាំទ្រដល់ការអភិវឌ្ឍវិស័យ កសិ-ឧស្សា​ហកម្មរបស់កម្ពុជា»។​

​ដោយផ្អែកលើបទពិសោធន៍ជាងពីរទសវត្សរ៍ក្នុងការអភិវឌ្ឍតំបន់សេដ្ឋកិច្ចពិសេស ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក មានគោលបំណងអភិវឌ្ឍតំបន់សេដ្ឋកិច្ចពិសេសកំពង់ធំ ឱ្យក្លាយ​ជា​តំបន់កសិ-ឧស្សាហកម្មកែច្នៃតាមគំរូ «ពីកសិដ្ឋានដល់រោងចក្រ» ឈានមុខគេ ដែលរួមចំណែក​ពង្រឹង ខ្សែសង្វាក់តម្លៃកសិកម្ម ទាក់ទាញការវិនិយោគប្រកបដោយ គុណភាព និងបង្កើតឱកាស​សេដ្ឋកិច្ច​ប្រកបដោយចីរភាពសម្រាប់​ប្រជាកសិករ និងសហគមន៍ជនបទនៅកម្ពុជា៕

The post កម្ពុជា-ជប៉ុន ​បោះទុនរួមគ្នា ​បង្កើតតំបន់សេដ្ឋកិច្ចពិសេស​នៅកំពង់ធំ​ appeared first on Kampuchea Thmey Daily.

ការអញ្ជើញចុះជួបសំណេះសំណាលជាមួយកម្មករ កម្មការិនីប្រកបដោយបរិយាកាសរីករាយ និងភាពស្និទ្ធស្នាលនាពេលនេះ គឺជាឱកាសដ៏មានសារៈសំខាន់មួយសម្រាប់ ថ្នាក់ដឹកនាំក្នុងការសាកសួរសុខទុក្ខដោយផ្ទាល់ និង ឈ្វេងយល់ពីស្ថានភាពការងារប្រចាំថ្ងៃរបស់កម្មករនិយោជិត ដែលកំពុងបម្រើការងារនៅរោងចក្រ ដើម្បីផ្តល់ជាដំណោះស្រាយជូនដល់បងប្អូនជាបន្តបន្ទាប់ ស្របតាមអនុសាសន៍ណែនាំដ៏ខ្ពង់ខ្ពស់ទាំង១០ចំណុច របស់សម្តេចតេជោ និង១០ចំណុចរបស់សម្តេចធិបតី។

លោករដ្ឋមន្រ្តី ហេង សួរ បានផ្តាំផ្ញើការសួរសុខទុក្ខពី សំណាក់សម្តេចធិបតី និងលោកជំទាវបណ្ឌិត ដែលតែងតែយកចិត្តទុកដាក់ខ្ពស់ ចំពោះសុខទុក្ខរបស់កម្មករនិយោជិត និងគិតគូរធ្វើឱ្យជីវភាពរស់នៅរបស់កាន់តែប្រសើរឡើង។ លោកក៏បានជម្រាបជូនពីការខិតខំប្រឹងប្រែងរបស់ ក្រសួងការងារនិងបណ្តុះបណ្តាលវិជ្ជាជីវៈ ក្នុងការធានាឱ្យមានសុខដុមនីយកម្មទំនាក់ទំនងវិជ្ជាជីវៈ ដោយបង្កើននូវទំនាក់ទំនងជិតស្និទ្ធរវាងកម្មករនិយោជិត និងម្ចាស់រោងចក្រ សហគ្រាស រួមគ្នាដោះស្រាយរាល់បញ្ហា ចៀសវាងនូវវិវាទការងារដែលនាំដល់ការធ្វើកូដកម្មខុសនីតិវិធីច្បាប់ ហើយប្រសិនបើមានបញ្ហាអ្វីដែលដោះស្រាយមិនបាន ឬមិនច្បាស់លាស់លើចំណុចណាមួយនៅកន្លែងធ្វើការ សូមទាក់ទងជាបន្ទាន់មកលេខ ១២៨៦ ដើម្បីក្រុមមន្រ្តីផ្សះផ្សាវិវាទរបស់ក្រ​សួង ឬមន្ទីរការងារ ចុះសម្របសម្រួលឬពន្យល់ជូន និងលេខ ១២៩៧ ​សម្រាប់ព័ត៌មានឱកាសការងារ ឬរៀនជំនាញវិជ្ជាជីវៈ។ លោករដ្ឋមន្រ្តីក៏បានលើកទឹកចិត្តឱ្យមានការចុះឈ្មោះចូលរៀនជំនាញវិជ្ជាជីវៈតាមរយៈកម្មវិធី TVET ១,៥លានផងដែរ។

លោករដ្ឋមន្ត្រី ក៏បានថ្លែងអំណរគុណយ៉ាងជ្រាលជ្រៅ និងវាយតម្លៃខ្ពស់ចំពោះម្ចាស់រោងចក្រដែលបានផ្តល់ឱកាសការងារ និងអនុវត្តប្រកបដោយអនុលោមភាពតាមច្បាប់ស្តីពីការងារបានយ៉ាងល្អប្រសើរ ក៏ដូចជាផ្តល់អត្ថប្រយោជន៍នានាជូនដល់បងប្អូនកម្មករនិយោជិត ហើយរោងចក្រនេះមានប្រព័ន្ធគ្រប់គ្រងដោយបច្ចេកវិទ្យា ដំណើរច្រវាក់ផលិតកម្ម ដោយប្រព័ន្ធបច្ចេកវិទ្យាទំនើប កន្លែងធ្វើការប្រកបដោយផាសុកភាពផងដែរ។

ក្នុងបរិយាកាសប្រកបដោយភាពស្និទ្ធស្នាលនេះ កម្មករនិយោជិតបានសម្តែងនូវ សេចក្តីត្រេកអរយ៉ាងក្រៃលែងចំពោះវត្តមានរបស់ថ្នាក់ដឹកនាំក្រសួង ដែលពិតជាបង្ហាញឱ្យឃើញពីការយកចិត្តទុកដាក់ខ្ពស់ និងផ្តល់នូវភាពកក់ក្តៅដល់ពួកគាត់ ស្របតាមអនុសាសន៍ដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលខិតខំបង្កើតឱកាសការងារជូនប្រជាពលរដ្ឋ ហើយបានប្រែក្លាយសហគ្រាសមួយជាសហគមន៍សុខសាន្តមួយ។ លក្ខខណ្ឌការងារ និងលក្ខខណ្ឌសុវត្ថិភាព និងសុខភាពការងារនៅរោងចក្រនេះ មានស្តង់ដាខ្ពស់ បងប្អូនកម្មករនិយោជិតទទួលបានអត្ថប្រយោជន៍ជាច្រើន រួមទាំងអត្ថប្រ​យោជន៍ពីបេឡាជាតិសន្តិសុខសង្គម (ប.ស.ស.)។

សូមបញ្ជាក់ថា រោងចក្រ ម៉ាវ៉ល ហ្កាមិន ឯ.ក មានទីតាំងនៅក្នុងតំបន់សេដ្ឋកិច្ចពិសេសរ៉ូយ៉ាល់ភ្នំពេញ បើកដំណើរការកាលពីខែកញ្ញា ឆ្នាំ២០២០ ជាប្រភេទរោងចក្រកាត់ដេរសម្លៀកបំពាក់ផ្គត់ផ្គង់ឱ្យម៉ាកល្បីៗជាច្រើន។ បច្ចុប្បន្នមានកម្មករនិយោជិតបំពេញការងារជាង២ម៉ឺននាក់។ កម្មករនៅទីនេះទទួលបានលក្ខខណ្ឌការងារ និងអត្ថប្រយោជន៍ផ្សេងៗជាច្រើនមានទីកន្លែងសម្រាប់កម្មករនិយោជិតទទួលទានអាហារ និងផ្តល់បាយថ្ងៃត្រង់ដោយមិនគិតថ្លៃ។

The post កម្មកររោងចក្រ Marvel Garment ស្វាគមន៍វត្តមានរដ្ឋមន្ត្រីការងារ ក្នុងបរិយាកាសស្និទ្ធស្នាល appeared first on Kampuchea Thmey Daily.

ចូលរួមជាវាគ្មិនក្នុងកិច្ចពិភាក្សាកម្រិតខ្ពស់នៃវេទិកាវិនិយោគកម្ពុជា ដែលរៀបចំឡើងដោយក្រុមប្រឹក្សាអភិវឌ្ឍន៍កម្ពុជា លោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បាន​បង្ហាញពីកំណើននៃគម្រោងវិនិយោគដែលត្រូវបានអនុម័ត និងតួនាទីសំខាន់នៃតំបន់សេដ្ឋកិច្ចពិសេស ក្នុងការទាក់ទាញនិងសម្រួលដល់ការវិនិយោគ។

លោករដ្ឋមន្រ្តីបាន​បញ្ជាក់ថា ​​តំបន់សេដ្ឋកិច្ចពិសេសចំនួន ៣៥ ដែលកំពុង​ដំណើរការជាកាតាលីករសំខាន់ក្នុងការជំរុញកំណើនឧស្សាហកម្ម ការនាំចេញ និងការបង្កើតការងារសម្រាប់​ពលរដ្ឋ។

ក្នុងវេទិកាវិនិយោគកម្ពុជានោះដែរ លោក​រដ្ឋមន្ត្រីក៏​បានលើកឡើងពី​ការគាំទ្រ​សម្រាប់ភ្ជាប់សហគ្រាសធុនតូច និងមធ្យម ទៅក្នុងខ្សែច្រវាក់ផ្គង់ផ្គង់នៃការវិនិយោគផ្ទាល់ពីបរទេស (FDI)។

លោករដ្ឋមន្រ្តី​បានបញ្ជាក់ពីភាពចាំបាច់នៃការធ្វើសាមញ្ញកម្មសេវាសាធារណៈ និងការគាំទ្រពីគ្រប់តួអង្គ រួមទាំងវិស័យ​ហិរញ្ញវត្ថុ ដើម្បីឱ្យសហគ្រាសធុនតូច និងមធ្យម អាចពង្រឹងសមត្ថភាព និងភ្ជាប់ទៅនឹងគម្រោងវិនិយោគផ្ទាល់ពីបរទេស ដែលកំពុងកើនឡើងយ៉ាងឆាប់រហ័សនៅកម្ពុជា។

លោក ហែម វណ្ណឌី បាន​សង្កត់ធ្ងន់ថា ការរៀបចំតំបន់សហគ្រាសធុនតូច និងមធ្យម នៅជិត នៅជាប់ ឬនៅក្នុងតំបន់សេដ្ឋកិច្ច​ពិសេស (SEZ) គឺជាវិធានការគន្លឹះមួយក្នុងការពង្រឹងឧស្សាហកម្មប្រតិគមន៍ ដែលអនុញ្ញាតឱ្យសហគ្រាសក្នុងស្រុកផ្គត់ផ្គង់ទៅកាន់រោងចក្រដែលផលិតសម្រាប់ការនាំចេញ។

ការអភិវឌ្ឍសហគ្រាសធុនមីក្រូ តូច និងមធ្យម ត្រូវការការគាំទ្រពីប្រព័ន្ធហេដ្ឋារចនាសម្ព័ន្ធគុណភាពជាតិរឹងមាំ ជាពិសេសស្តង់ដារូបនីយកម្ម សេវាធ្វើតេស្តវិភាគ និងវិញ្ញាបនបត្រកម្ម ដើម្បីបំពេញតម្រូវការនៃឧស្សាហកម្មធុនធំ និងទីផ្សារនាំចេញ។

បើតាមលោករដ្ឋមន្រ្តី ការគាំទ្រត្រឹមត្រូវចំគោលដៅ សហគ្រាសធុនតូច និងមធ្យម អាចពង្រីកខ្លួនផ្គត់ផ្គង់ទៅ​ឱ្យ​គម្រោង​វិនិយោគ​ផ្ទាល់ពីបរទេស និងដើរតួកាន់តែសំខាន់ក្នុងអនាគតឧស្សាហកម្មកម្ពុជា៕

The post ​តំបន់សេដ្ឋកិច្ចពិសេសចំនួន ៣៥ ក្នុង​ចំណោម ៦២ កន្លែងកំពុង​ដំណើរការ បង្កើត​ការងារ​រាប់ម៉ឺនកន្លែង​ដល់ពលរដ្ឋ appeared first on Kampuchea Thmey Daily.

ការលើកឡើងនេះ ក្នុងឱកាស រដ្ឋបាលខេត្តស្វាយរៀង បានរៀបចំពិធីអបអរសាទរខួបអនុស្សាវរីយ៍លើកទី ១៤០ នៃទិវាពលកម្មអន្តរជាតិ ១ ឧសភា ក្រោមអធិបតីភាព លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងមានការអញ្ជើញចូលរួមពី លោក ម៉ែន អេង តំណាងដ៏ខ្ពង់ខ្ពស់លោកអភិបាលខេត្ត ព្រមទាំងថ្នាក់ដឹកនាំមន្ទីរ-អង្គភាព ជុំវិញខេត្ត កងកម្លាំងប្រដាប់អាវុធ អាជ្ញាធរមូលដ្ឋាន អគ្គនាយកតំបន់សេដ្ឋកិច្ចពិសេស និងកម្មករ-កម្មការិនី យ៉ាងច្រើនកុះករ ស្ថិតនៅទីតាំងតំបន់សេដ្ឋកិច្ចពិសេស ហ្គីហ្គារីសស៍ ស្រុកស្វាយទាប ខេត្តស្វាយរៀង កាលពីព្រឹកថ្ងៃទី ២៩ ខែមេសា ឆ្នាំ ២០២៦ នេះ។

នាឱកាសនោះ ក្នុងនាមរដ្ឋបាលខេត្ត លោក ម៉ែន អេង បានរាយការណ៍អំពីវឌ្ឍនភាព នៃការអភិវឌ្ឍវិស័យឧស្សាហកម្មក្នុងខេត្តស្វាយរៀង ដែលបច្ចុប្បន្នបានក្លាយជាប៉ូលសេដ្ឋកិច្ចដ៏សំខាន់មួយរបស់ កម្ពុជា។

លោក ម៉ែន អេង បានបន្តថា ការរៀបចំពិធីនៅក្នុងតំបន់សេដ្ឋកិច្ចពិសេស ហ្គីហ្គា រីសស៍ នាថ្ងៃនេះ គឺជាសក្ខីភាព នៃការរីកចម្រើន និងការផ្តល់ឱកាសការងារយ៉ាងទូលំទូលាយដល់ប្រជាពលរដ្ឋក្នុងមូលដ្ឋាន។

ជាមួយនេះ លោក ហេង សួរ បានពាំនាំនូវការសាកសួរសុខទុក្ខ និងក្តីនឹករលឹកបំផុតពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជូនចំពោះកម្មករ-កម្មការិនី ទាំងអស់។

លោក ហេង សួរ ក៏បានលើកឡើងពីចំណុចសំខាន់ៗ រួមមាន ៖ ១.ការយកចិត្តទុកដាក់លើជីវភាព ៖ រាជរដ្ឋាភិបាល តែងតែចាត់ទុកកម្មករ-កម្មការិនី ជាកម្លាំងចលករដ៏សំខាន់បំផុតក្នុងការជំរុញកំណើនសេដ្ឋកិច្ចជាតិ និងការទាក់ទាញវិនិយោគទុនបរទេស។ ២.ការអភិវឌ្ឍជំនាញ ៖ ក្រសួងការងារ នៅតែបន្តជំរុញការបណ្តុះបណ្តាលជំនាញបច្ចេកទេសដល់យុវជន និងកម្មករ ដើម្បីឆ្លើយតបទៅនឹងទីផ្សារការងារទំនើប ជាពិសេសនៅតំបន់សេដ្ឋកិច្ចពិសេសក្នុងខេត្តស្វាយរៀង។ ៣.សុខដុមនីយកម្មក្នុងសហគ្រាស ៖ ការពង្រឹងទំនាក់ទំនងរវាងម្ចាស់រោងចក្រ និងកម្មករ តាមរយៈការចរចា និងការដោះស្រាយបញ្ហាដោយសន្តិវិធី ដើម្បីធានាបាននូវនិរន្តរភាពផលិតកម្ម និងអត្ថប្រយោជន៍រួម៕
អត្ថបទ ៖ ភក្ដី

The post អភិបាលរងខេត្តស្វាយរៀង ៖ ការរីកដុះដាល នៃតំបន់សេដ្ឋកិច្ចពិសេស បានបង្កើតការងារជូនពលរដ្ឋរាប់ម៉ឺននាក់ និងកាត់បន្ថយចំណាកស្រុក appeared first on Kampuchea Thmey Daily.

​គម្រោងទាំង ​៣ ​រួមមាន ​គម្រោងវិនិយោគបង្កើតតំបន់សេដ្ឋកិច្ចពិសេស កំពត ហ្វូជាន មានទំ​ហំ​ទុន​វិនិយោគ ១២០ លានដុល្លារ ស្ថិតនៅស្រុកជុំគិរី ខេត្តកំពត និងអាចបង្កើតការងារ ២៣៧ កន្លែង។​

​តំបន់​សេដ្ឋកិច្ចពិសេស ខេភី យ៉ញ ស្ថិតនៅក្រុងបូកគោ ខេត្តកំពត មានទំហំ​ទុនវិនិ​យោគ ៦៥ លាន​ដុល្លារ និងអាចបង្កើតការងារ ២៩១ កន្លែង។ ​

​តំបន់សេដ្ឋកិច្ចពិសេស ភ្នំពេញ ឡូ​ជីស្ទិក អេន អ៊ិន​ដា​ស្ទៀល ខមផ្លេក (ខេមបូឌា ស៊ូភើផត) ស្ថិតនៅក្រុងច្បាមន​ខេត្តកំពង់​ស្ពឺ ​មាន​ទំហំ​ទុន​វិនិយោគ ៧៥ លានដុល្លារ និងអាចបង្កើតការងារបាន ៣៤០ កន្លែង។

​លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ​មាន​ប្រ​សាសន៍​ថា កំណើននៃទុន​វិនិយោគជាបន្តបន្ទាប់​ឆ្លុះបញ្ចាំងពីទំនុកចិត្តរបស់អ្នកវិនិយោគនៅកម្ពុជា ខណៈ​រាជ​រដ្ឋាភិបាល​បានខិតខំប្រឹងប្រែងធ្វើកំណែទម្រង់ ដើម្បីបង្កភាពងាយស្រួលដល់អ្នកវិនិយោគ។

​​ក្រុមប្រឹក្សាអភិវឌ្ឍន៍កម្ពុជា ​បានអនុម័តគម្រោងវិនិយោគចំនួន ​៤៣ ​គម្រោង ​ក្នុងទំហំទុន ​ប្រមាណ​ ៧៥២ លានដុល្លារ នៅក្នុងខែមករា ឆ្នាំ ២០២៦ ​កើនឡើង ០,៤៥% ​ធៀបនឹង​រយៈពេល​ដូច​គ្នា​កាល​ពី​ឆ្នាំមុន។​

នៅក្នុងឆ្នាំ ២០២៥ ​CDC ​បានអនុម័ត​គម្រោងវិនិយោគ​ចំនួន ៦៣០ គម្រោង ក្នុងទំហំទឹកប្រាក់ ១០ ពាន់លានដុល្លារ កើនឡើង ៤៥% ​ធៀបនឹងឆ្នាំ ២០២៤៕

អត្ថបទ៖ ឡេង ដេត

The post កម្ពុជា​ អនុម័ត​គម្រោងបង្កើត​តំបន់​សេដ្ឋកិច្ចពិសេស​ចំនួន ​៣ ​ជាមួយទុនវិនិយោគ​ ២៦០ ​លានដុល្លារ appeared first on Kampuchea Thmey Daily.

​កិច្ចប្រជុំ «ច្រកចេញតែមួយ» ត្រូវបានដឹកនាំដោយលោក ជា វុទ្ធី អគ្គលេខាធិការនៃគណៈកម្មា​ធិការ​វិនិយោគកម្ពុជា និងមានការចូលរួមពីតំណាងមកពីក្រសួង និងស្ថាប័នពាក់ព័ន្ធរួមជាមួយមន្ត្រីជាន់​ខ្ពស់​មកពីរដ្ឋបាលខេត្តកំពង់ស្ពឺ។​

​គម្រោងនេះមានគោលបំណងគាំទ្រដល់ការអភិវឌ្ឍឧស្សាហកម្ម ទាក់ទាញការវិនិយោគពីបរទេស និងក្នុងស្រុក និងបង្កើត​ឱកាសការងារសម្រាប់សហគមន៍ក្នុងស្រុក។ ​

​យោងតាម​ក្រុមប្រឹក្សាអភិវឌ្ឍន៍កម្ពុជា (CDC) ​គម្រោងវិនិយោគចំនួន ៦៣០ ក្នុង​ទំហំទឹកប្រាក់ ១០ ពាន់លានដុល្លារ ត្រូវបានអនុម័តក្នុងឆ្នាំ ២០២៥ កើនឡើង ៤៥% ធៀបនឹងឆ្នាំ ២០២៤៕

The post ​កម្ពុជា ​ពិនិត្យ​ផែនការបង្កើត​តំបន់សេដ្ឋកិច្ចពិសេសសៀងហៃលើផ្ទៃដីជាង ៤០០ ហិកតា នៅខេត្តកំពង់ស្ពឺ​ appeared first on Kampuchea Thmey Daily.

​រោងចក្រថ្មីដែលប្រារព្ធពិធីសម្ពោធដាក់ឱ្យប្រើប្រាស់សាកល្បងនាពេលនេះ គឺជារោងចក្ររបស់ក្រុមហ៊ុន​មីនេបៀ (ខេមបូឌា) ស្ថិតនៅក្នុងតំបន់សេដ្ឋកិច្ចពិសេសនៃខេត្តពោធិ៍សាត់ ជាសមិទ្ធផលដ៏សំខាន់មួយរបស់មីនេបៀ ដែល​បាន​ចូល​រួមដល់ការអភិវឌ្ឍសេដ្ឋកិច្ចកម្ពុជា ជាពិសេសគឺមានសង្គតិភាពទៅនឹង​កិច្ចខិតខំប្រឹងប្រែង​របស់​រាជរដ្ឋាភិបាល ក្នុងការធ្វើពិពិធកម្ម ផលិតកម្ម និងលើកកម្ពស់កំណើនសេដ្ឋកិច្ចក្នុងតំបន់។ ​

​រោងចក្រទី២របស់ក្រុមហ៊ុនមីនេបៀនេះ ត្រូវបានវិនិយោគក្នុងទំហំទឹកប្រាក់ចំនួន ៣៨,៥ លានដុល្លារ​ នៅលើផ្ទៃដីទំហំ ៥០ហិកតា និងអាចបង្កើតការងារបានប្រមាណ ៨០០០ ​កន្លែង នៅពេលប្រតិបត្តិការពេញសមត្ថភាព។​

​លោកឧបនាយករដ្ឋមន្ត្រី ស៊ុន ចាន់ថុល មានប្រសាសន៍ថា វត្តមានរបស់រោងចក្រមីនេបៀក្នុងខេត្ត​ពោធិ៍សាត់ នឹងទាក់ទាញវិនិយោគិនកាន់តែច្រើនបន្ថែមទៀត ដែលអាចជាក្រុមហ៊ុនផ្គត់ផ្គង់ ឬជាផ្នែកមួយនៃខ្សែច្រវាក់ផ្គត់ផ្គង់របស់មីនេបៀ ឬធ្វើប្រតិបត្តិការអាជីវកម្មក្នុងឱស្សាហកម្មពាក់ព័ន្ធ។

លោកឧបនាយករដ្ឋមន្ត្រី បានបន្ថែមថា ជាមួយនឹងធនធានថាមពលកកើតឡើងវិញដ៏​សម្បូរបែបរបស់​ខេត្តពោធិ៍សាត់ ក៏ដូចជាគម្រោងរបស់មីនេបៀរក្នុងការបង្កើត Solar Farm ក្នុងខេត្តនេះ គឺជាការ​សម្រេចចិត្តយុទ្ធសាស្រ្តមួយ ដែលអនុញ្ញាត​ឱ្យក្រុមហ៊ុនសម្រេចបាននូវស្តង់ដារបរិស្ថានថ្មី ព្រមទាំងចូលរួមចំណែកក្នុងការលើកកម្ពស់ប្រវត្តិរូបអាជីវកម្ម ដែលមានការគិតគូរដល់បរិស្ថាន និងផ្តល់នូវតម្លៃបន្ថែមជូនអតិថិជនគោលដៅផងដែរ។

លោកឧបនាយករដ្ឋមន្ត្រី​ បានរំលេចអំពីសមិទ្ធផលការងារលេចធ្លោ​មួយចំនួនដែលសម្រេច​បានក្រោម​ការដឹកនាំតម្រង់ទិស និងចង្អុលបង្ហាញដោយចក្ខុវិស័យមុតស្រួចរបស់ប្រមុខរាជរដ្ឋាភិ​បាលកម្ពុជា ដែលរួមមានជូចជា៖ ១.កិច្ចខិតខំប្រឹងប្រែងក្នុងការរក្សាសុខសន្តិភាព និងស្ថិរភាពជាតិ, ២.ការធ្វើឱ្យប្រសើរឡើងនូវបរិយាកាសធុរកិច្ច និងអំណោយផលក្នុងការវិនិយោគដោយមាន ក្រុមប្រឹក្សាអភិវឌ្ឍន៍កម្ពុជា ជាសេនាធិការច្រកចេញចូលតែមួយ, ៣.ភាពប្រាកដប្រជា និងការបង្កើនទំនុកចិត្តវិនិយោគ តាមរយៈការចុះកិច្ចព្រមព្រៀងពាណិជ្ជកម្មបដិការជាផ្លូវការ ជាមួយសហរដ្ឋអាម៉េរិក ដែលកម្ពុជាគឺជាប្រទេសទី១ នៅក្នុងពិភពលោក, និង៤.កំណើនចំនួនគម្រោងវិនិយោគដែលបានអនុម័តដោយក្រុមប្រឹក្សាអភិវឌ្ឍន៍កម្ពុជា នឹងឈានទៅបំបែកកំណត់ត្រាសារជាថ្មី ក្នុងបំណាច់ឆ្នាំ២០២៥ ខាងមុខនេះ។

​ឧបនាយករដ្ឋមន្ត្រី ក៏បានយកវេទិកានេះសម្តែងនូវការវាយតម្លៃខ្ពស់បំផុត និងការអរគុណ​យ៉ាងជ្រាលជ្រៅទៅកាន់ ក្រុមហ៊ុន មីនេបៀ ដោយបានគូសបញ្ជាក់ថា ការសម្រេច​ចិត្តរបស់​ក្រុមហ៊ុន​ក្នុងការចាប់ផ្ដើមវិនិយោគនៅក្នុងប្រទេសកម្ពុជាកាលពីជាងមួយទសវត្សរ៍មុន និង​ការ​បន្តពង្រីកមូលដ្ឋានផលិតកម្មរបស់ខ្លួនជាបន្តបន្ទាប់រហូតដល់សព្វថ្ងៃនេះ គឺជាសក្ខីកម្មមួយ​ដែលឆ្លុះ​បញ្ចាំង​ពីជំនឿទុកចិត្តលើរាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្តេចធិបតីនាយករដ្ឋមន្ត្រី។

​មិនតែប៉ុណ្ណោះ ឧបនាយករដ្ឋមន្ត្រីបានលើកសរសើរពីតួនាទីស្នូលរបស់ មីនេបៀ ក្នុងការផ្តល់ឱកាស​ការ​ងារជាច្រើនដល់ប្រជាពលរដ្ឋ និងជាពិសេសគឺការចូលរួមចំណែកយ៉ាងសកម្ម​ក្នុងការលើកម្ពស់​ការបណ្តុះបណ្តាលមូលធនមនុស្ស ក្នុងជំនាញវិជ្ជាជីវៈពាក់ព័ន្ធ ដែលជាកត្តាដ៏សំខាន់សម្រាប់​ជំរុញ​កំណើនសេដ្ឋកិច្ចប្រកបដោយចីរភាព និងគុណភាព។

​ក្រុមហ៊ុន មីនេបៀ នឹងពាំនាំបទពិសោធន៍ជោគជ័យ និងវិជ្ជមាន ដែលជាគុណសម្បត្តិនៃ​ការបោះទុន​វិនិយោគនៅកម្ពុជា ទៅផ្សព្វផ្សាយបន្តក្នុងបណ្តាញធុរកិច្ចរបស់ខ្លួន ជាការទាក់ទាញក្រុមហ៊ុនជប៉ុន​ផ្សេង​ទៀត ឱ្យពិចារណាដាក់ទុនវិនិយោគនៅកម្ពុជាបន្ថែមទៀត៕​

The post រោងចក្រ មីនេបៀទី២ ​តម្លៃ ​៣៨,៥ ​លានដុល្លារ ​បើកដំណើរការនៅខេត្តពោធិ៍សាត់​ appeared first on Kampuchea Thmey Daily.

យោងតាមក្រុមការងារជំរុញការវិនិយោគក្នុងភូមិភាគឦសាន (ក.វ.ឦសាន) តំបន់សេដ្ឋកិច្ចពិសេស យូ ប៊ី អ៊ី ស្នួល មានចម្ងាយ​ប្រមាណ ៥ គ.ម. ពីច្រកអន្តរជាតិត្រពាំងស្រែ ដែលជា​ច្រកអន្តរជាតិសំខាន់​ជាយុទ្ធសាស្ត្រមួយ ក្នុងប្រព័ន្ធដឹកជញ្ជូន និងពាណិជ្ជកម្ម នៅក្នុងតំបន់ភូមិភាគឦសាន។ ទុនវិនិយោគ​របស់​ក្រុមហ៊ុន​អភិវឌ្ឍន៍​មាន​ទំហំ ២០០ លានដុល្លារអាម៉េរិក ហើយគិតមកទល់បច្ចុប្បន្ន ទំហំ​ទុនវិនិយោគ ដែលបានចូលមកបណ្តាក់ទុននៅតំបន់សេដ្ឋកិច្ចពិសេសនេះ មានទំហំ ៥៩៥,៣ លានដុល្លារ​អាម៉េរិក និងបានផ្តល់ការងារដល់កម្មករសរុបចំនួន ២ ០១៤ នាក់ ។

ជាក់ស្តែង ការនាំចេញពីតំបន់សេដ្ឋកិច្ចពិសេសនេះ កាលពីឆ្នាំ២០២៤ មានទំហំ ៧៩,៦ លានដុល្លារអាមេរិក ហើយ​បច្ចុប្បន្ន គិតត្រឹម​រយៈពេល ១០ខែ ឆ្នាំ២០២៥ ការនាំចេញបានហក់ឡើងដល់ចំនួនជាង ១០០ លានដុល្លារអាម៉េរិក ដោយមានទីផ្សារនាំចេញសំខាន់ៗដូចជា​ សហរដ្ឋអាមេរិក ប្រេស៊ីល ចិន សហភាពអឺរ៉ុប តួកគី ម៉ិកស៊ិក រុស្សី អាហ្វ្រិកខាងត្បូង ឥណ្ឌា និង ឥណ្ឌូនេស៊ី ជាដើម ។

តំបន់សេដ្ឋកិច្ចពិសេសនេះ មានក្រុមហ៊ុនកំពុងដំណើរការ ចំនួន ៥ ​រួម​មាន​៖ ១.ក្រុមហ៊ុន Newbustar (Cambodia) Tire Co.,Ltd. (ផលិតសំបកកង់យានយន្ត), ២. ក្រុមហ៊ុន HKZQ Energy and Technology Co.,Ltd. (ផលិតចំហាយទឹកនិងខ្យល់ក្តៅ), ៣. ក្រុមហ៊ុន Firemax (Cambodia)Tires Co.,Ltd. (ផលិតសំបកកង់យានយន្ត), ៤. ក្រុមហ៊ុន Yaokun (Cambodia) Mold Co.,Ltd. (ផលិតពុម្ពសំបកកង់យានយន្ត), និង ៥. ក្រុមហ៊ុន Zhongqi Photovoltaic Technology (Cambodia)Co., Ltd. (ផ្គុំនិងតម្លើងបន្ទះសូឡា) ។

ក្រុមហ៊ុន​ទាំងនេះ បានយល់ដឹងពីវត្តមាន និងអត្ថប្រយោជន៍ពិសេសដែលវិនិយោគិនអាចទទួលបាន ទាក់ទង​នឹង​ការ​លើក​ទឹកចិត្ត និងការសម្រួលនីតិវិធីនានា ក្រោម​វិសាលភាព​នៃ​កម្មវិធី​ពិសេស​ជំរុញ​ការ​វិនិយោគ​ក្នុងខេត្តទាំង ៤ នៅភូមិភាគឦសាន (២០២៥-២០២៨) ជាពិសេស គឺ​លទ្ធភាព​នៃការផ្តល់​នូវ​ដំណោះ​ស្រាយ​ជាកញ្ចប់ តាមរយៈយន្តការ «ច្រកចេញចូលតែមួយ» ៕

The post ការនាំចេញពីតំបន់សេដ្ឋកិច្ចពិសេស យូ ប៊ី អ៊ី ស្នួល ហក់ឡើងដល់ជាង ១០០ លានដុល្លារ ក្នុងរយៈ ពេល១០ខែឆ្នាំនេះ appeared first on Kampuchea Thmey Daily.