ប្រតិបត្តិការនេះកាលពីរសៀលថ្ងៃទី ៣០ ខែមីនា ឆ្នាំ ២០២៦ ថ្មីៗ នេះ កម្លាំងនគរបាលបានឃាត់ខ្លួនជនជាតិចិនម្នាក់មានឈ្មោះ LUO TIAN ZHU ភេទប្រុស អាយុ ៣៥ ឆ្នាំ និងរកឃើញវត្ថុតាងពាក់ព័ន្ធបទល្មើសគ្រឿងញៀន រួមមាន ៖ ម្សៅម៉ដ្ឋពណ៌ស ចំនួន ១ កញ្ចប់ , ម្សៅម៉ដ្ឋពណ៌ទឹកដោះគោ ១ កញ្ចប់ , សារធាតុរាវក្នុងដបមានអក្សរ Ketmaine ៥ ដប ,ជញ្ជីង ៣ , ស៊ីឡៅ ២ , បំពង់កែវ ១ ,ថង់ប្លាស្ទិកមួយចំនួន។

រហូតដល់វេលាម៉ោង ២ និង ៥ នាទី ថ្ងៃទី ៣១ ខែមីនា ឆ្នាំ ២០២៦ ម្សិលមិញ កម្លាំងនគរបាលបានបន្តស្រាវជ្រាវ និងឈានដល់ការឃាត់ខ្លួនបក្ខពួក ៣ នាក់ បន្ថែមទៀត នៅចំណុចផ្ទះលេខ ២១ ផ្លូវJ-01 បុរីហ្រ្គេនភ្នំពេញ ភូមិឃ្មួញ សង្កាត់ឃ្មួញ ដោយដកហូតបានអាវុធខ្លី ២ ដើម។

នគរបាល បញ្ជាក់ថា ជនសង្ស័យទាំង ៣ នាក់ រួមមាន ៖ ១.ឈ្មោះ LI GANG អាយុ ៥១ ឆ្នាំ ជនជាតិចិន សញ្ជាតិខ្មែរ។ ២.ឈ្មោះ ZHANG CHENXIANG អាយុ ៣៦ ឆ្នាំ ជនជាតិចិន និង ៣.ឈ្មោះ WANG XIAOBING អាយុ ៤៥ ឆ្នាំ ជនជាតិចិន។ ក្នុងនោះ ដកហូតបានអាវុធខ្លី ចំនួន ២ ដើម , បង់ ២ , លិខិតឆ្លងដែន ៣ ក្បាល , ទូរស័ព្ទដៃ ២ គ្រឿង , បណ្ណជនបរទេស ៣ សន្លឹក , អត្តសញ្ញណប័ណ្ណចំនួន ១ សន្លឹក។

នគរបាល បានឲ្យដឹងថា ជនសង្ស័យ LUO TIAN ZHU បានឆ្លើយថា ខ្លួនចេញពីប្រទេសចិនមកកាន់ប្រទេសឡាវអំឡុងខែកុម្ភៈ ដើម្បីមកធ្វើការជាមួយមិត្តភក្តិនៅខារ៉ាអូខេ។ ក្នុងនោះ ពេលមកដល់មិនបានជួបមិត្តភក្តិទេ ហើយត្រូវបានគេយកទៅទុកនៅឃ្លាំង ១ កន្លែង អស់រយៈពេលប្រហែល ១ អាទិត្យ ហើយត្រូវបានគេដកលិខិតឆ្លងដែនទុក។ បន្ទាប់មកមានតៃកុងឡានឡាវម្នាក់ បានដឹកខ្លួនឆ្លងដែនចូលមកកម្ពុជា តែខ្លួនមិនដឹងចូលតាមច្រកណាទេ ដោយជិះកាត់ព្រៃ ហើយក៏មានតៃកុងឡានខ្មែរដឹកខ្លួនបន្តមកទីតាំងផ្ទះខាងលើ។ ចំណែកជនសង្ស័យឈ្មោះ លី កាំង Li Gang មិនទាន់សារភាពទេ ដោយឆ្លើយដោះសារថា អាវុធខ្លីទាំង ២ ដើមខាងលើ គឺឆ្លើយម្តងថា ទិញពីជនជាតិចិន ម្តងថា ទិញពីខ្មែរ ក្នុងតំលៃ ៥០០ ដុល្លារ ហើយម្តងថា រើសបាននៅក្នុងធុងសំរាម។

បច្ចុប្បន្ន ជនសង្ស័យទាំង ៤ នាក់ រួមទាំងវត្ថុតាង ត្រូវបានកម្លាំងនគរបាលបញ្ជូនទៅការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ ដើម្បីស្រាវជ្រាវបន្តតាមនីតិវិធី៕

អត្ថបទ ៖ សុភា

The post ឃាត់ខ្លួនជនជាតិចិន ៤ នាក់ ដកហូតកាំភ្លើងខ្លី ២ ដើម និងថ្នាំញៀនមួយចំនួន នៅខណ្ឌសែនសុខ appeared first on Kampuchea Thmey Daily.

អនុវត្តតាមការបទបញ្ជាដឹកនាំផ្ទាល់ពី លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅថ្ងៃទី២៤ ខែធ្នូ ឆ្នាំ២០២៥ កម្លាំងជំនាញប្រឆាំងគ្រឿងញៀន និងប៉ុស្តិ៍នគរបាលរដ្ឋបាលតាខ្មៅ ដឹកនាំដោយលោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ ស្រាវជ្រាវឈានដល់ការបង្ក្រាបឃាត់ខ្លួន ជនសង្ស័យ០១នាក់ ករណី រក្សាទុក និងជួញដូរដោយខុសច្បាប់នូវសារធាតុញៀន ចំណុចផ្ទះបាក់បែកមួយកន្លែង ស្ថិតនៅភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល។

ជនសង្ស័យមាន ឈ្មោះ ហួត វណ្ណា ភេទស្រី អាយុ៤៥ឆ្នាំ ជនជាតិខ្មែរ រស់នៅភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរៈកម្មករ អវិជ្ជមាន(-) ជនសង្ស័យធ្លាប់ជាប់ពន្ធនាគារចំនួន០១លើក ជាប់រយៈពេល០២ឆ្នាំ ពីបទ ជួញដូរដោយខុសច្បាប់នូវសារធាតុញៀន។ វត្ថុតាងចាប់យក ថ្នាំញៀន(ម៉ាទឹកកក)ចំនួន១៣២កញ្ចប់ទម្ងន់២៤,៨២ក្រាមទូរស័ព្ទដៃម៉ាក Redmi ពណ៌ទឹកខ្មៅចំនួន០១គ្រឿង លុយខ្មែរចំនួន៨៥,០០០៛(ប្រាំបីម៉ឺន​ប្រាំពាន់រៀល) និងសម្ភារៈវេចខ្ចប់មួយចំនួន។

នៅចំពោះមុខសមត្ថកិច្ចជនសង្ស័យបានឆ្លើយសារភាពថា ថ្នាំញៀន(ម៉ាទឹកកក)ចំនួន១៣២កញ្ចប់ដែលសមត្ថកិច្ចឆែករកឃើញ គឺជាថ្នាំរបស់ខ្លួន ដែលឈ្មោះ ម៉ូម ភេទប្រុស អាយុ៤០ឆ្នាំ បានយកមកលក់ឱ្យខ្លួនក្នុងតម្លៃ៥០០,០០០៛(ហាសិបម៉ឺនរៀល) ដើម្បីឱ្យខ្លួនលក់បន្តក្នុងតម្លៃ០១កញ្ចប់១០,០០០៛(មួយម៉ឺនរៀល)​កញ្ចប់ខ្លះតម្លៃ១៥,០០០៛(មួយម៉ឺនប្រាំពាន់រៀល)​ និង២០,០០០៛(ពីរម៉ឺនរៀល)ប្រាកដមែន។

បច្ចុប្បន្នជនសង្ស័យត្រូវបានបញ្ជូនទៅអយ្យការអមសាលាដំបូងខេត្តកណ្តាលដើម្បីចាត់ការតាមនីតិវិធី៕

The post ដេកលើអង្រឹងសុខៗ សមត្ថកិច្ចត្រួតពិនិត្យរកឃើញថ្នាំញៀនជាង១០០កញ្ចប់តូច ឃាត់បញ្ជូនទៅតុលាការ appeared first on Kampuchea Thmey Daily.

បើតាមប៉ូលិសថៃ ពួកគេបានទទួលព័ត៌មានថាការដឹកជញ្ជូនគ្រឿងញៀនដ៏ធំមួយពីប្រទេសមីយ៉ាន់ម៉ានឹងចូលទៅក្នុងស្រុក Chiang Saen។ ប៉ូលិសក៏បានបង្កើនប៉ុស្តិ៍ត្រួតពិនិត្យដើម្បីបញ្ឃប់រថយន្ត។ ក្រោយមកក៏បានឃើញរថយន្ត Nissan ពណ៌ប្រផេះមួយគ្រឿងដែលគ្មានស្លាកលេខកំពុងចាកចេញពីសណ្ឋាគារមួយ ហើយធ្វើដំណើរឆ្ពោះទៅកាន់តំបន់ត្រីកោណមាស ( ចំណុចប្រសព្វរវាង មីយ៉ាន់ម៉ា ថៃ និងឡាវ)។

នៅពេលយប់រថយន្តក៏បានបង្កើនល្បឿន ប៉ុន្តែសំបកកង់រថយន្តមួយបានផ្ទុះ បង្ខំឱ្យរថយន្តឈប់នៅជិតផ្សារ Si Phandin។ ដោយខ្លាចប៉ូលិសចាប់បាន អ្នកបើកបររថយន្តបានរត់ឆ្ពោះទៅកាន់ទន្លេ ហើយលោតចូលទៅក្នុងទឹកគេចខ្លួនបាត់។

ក្រោយការឆែកឆេរ ប៉ូលិសរកឃើញថង់ចំនួន ១៩ នៅក្នុងរថយន្ត ពោរពេញទៅដោយថ្នាំគ្រាប់មេតំហ្វេតាមីនជាង ៤.៨ លានគ្រាប់ ទម្ងន់ប្រហែល ៥៣៦ គីឡូក្រាម។ ថ្នាំញៀនទាំងនេះត្រូវបានយកទៅស្ថានីយ៍ប៉ូលិស ដើម្បីស៊ើបអង្កេតស្វែងរក និងចាប់ខ្លួនអ្នកដែលពាក់ព័ន្ធនឹងប្រតិបត្តិការរត់ពន្ធនេះ។

គួរបញ្ជាក់ថាប្រទេសថៃបានក្លាយជាផ្លូវឆ្លងកាត់ដ៏សំខាន់មួយសម្រាប់ការជួញដូរគ្រឿងញៀន ដោយក្រុមជួញដូរគ្រឿងញៀនប្រើប្រាស់ប្រទេសនេះដើម្បីដឹកជញ្ជូនគ្រឿងញៀន ជាពិសេសប្រភេទថ្នាំមេតំហ្វេតាមីន ពីកន្លែងផលិតនៅក្នុងតំបន់ត្រីកោណមាស ទៅកាន់ទីផ្សារនានាទូទាំងអាស៊ី និងលើសពីអាស៊ីទៅទៀត។ បើទោះបីជាមានការបង្ក្រាបជាបន្តបន្ទាប់ក៏ដោយ ប៉ុន្តែព្រំដែនដ៏វែងឆ្ងាយ និងមានទន្លេសម្រាប់ឆ្លងកាត់ បានធ្វើឱ្យប្រទេសថៃក្លាយជាតំណភ្ជាប់ដ៏សំខាន់មួយនៅក្នុងបណ្តាញជួញដូរគ្រឿងញៀនអន្តរជាតិ៕

អត្ថបទ៖ ប៊ុន សុភាព

The post ប៉ូលិសចាប់បានថ្នាំញៀនជាង៤.៨លានគ្រាប់រត់ពន្ធពីមីយ៉ាន់ម៉ាចូលថៃ appeared first on Kampuchea Thmey Daily.

ប៉ូលិស​បាន​បញ្ជាក់​ថា ថ្នាំ​ញៀន​ទាំង​នោះ​ជា​របស់​លោក Songpol អាយុ ៣១ ឆ្នាំ ដែល​ត្រូវ​បាន​ចាប់​ខ្លួន​រួច​ហើយ​ជាមួយ​ថ្នាំ​ញៀន ២១០ គីឡូក្រាម និង​កញ្ឆា ៣៩០ គីឡូក្រាម ដែល​មាន​តម្លៃ​ជាង ៨១ លាន​បាតប្រហែល ២.៣ លានដុល្លារ។

ការ​រក​ឃើញ​ថ្មី​នេះ​បាន​ធ្វើ​ឱ្យ​ថ្នាំ​ញៀន​ដែល​រឹប​អូស​បាន​សរុប​ដល់​២៩៧​គីឡូក្រាម។ Songpol និង​អ្នក​សមគំនិត​បាន​សារភាព​ថា​បាន​ជួលគេដើម្បី​បញ្ជូន​គ្រឿងញៀន​ទៅ​ចែកចាយភាគខាងត្បូង​ប្រទេស​ថៃ​។ ប៉ូលិសបាន​ចោទប្រកាន់​ពួកគេ​ពី​បទ​កាន់កាប់ និង​ចែកចាយ​ថ្នាំ​ញៀន​ក្នុង​គោលបំណង​ពាណិជ្ជកម្ម និង​កំពុង​ពង្រីក​ការស៊ើបអង្កេត​ដើម្បី​កម្ចាត់បណ្តាញ​ជួញដូរ និង​រឹបអូស​ទ្រព្យសម្បត្តិ​ដែលពាក់ព័ន្ធ​៕

អត្ថបទ៖ ប៊ុន សុភាព

The post ប្រទះឃើញថ្នាំញៀនជិត១០០គីឡូអណ្តែតក្នុងប្រឡាយខេត្ត Samut Songkhram ប្រទេសថៃ appeared first on Kampuchea Thmey Daily.

ជាក់ស្ដែង​នៅ​រសៀល​ថ្ងៃ​ទី ១៦ ខែ​មិថុនា ឆ្នាំ ២០២៥ នេះ ជនសង្ស័យ​ម្នាក់ ដែល​ពាក់ព័ន្ធ​ជាមួយ​គ្រឿងញៀន ជាង ៤ គីឡូក្រាម ត្រូវ​បាន​កម្លាំង​ជំនាញ​បញ្ជូន​ទៅ​កាន់​តុលាការ ក្រោយ​បញ្ចប់​ការ​សាកសួរ។

តាម​ប្រភព​ពី​នគរបាល​ជំនាញ នៃ​មន្ទីរ​ប្រឆាំង​បទល្មើស​គ្រឿងញៀន បាន​ឲ្យ​ដឹង​ថា កាលពី​វេលា​ម៉ោង ៤ រសៀល ថ្ងៃ​ទី ១៣ ខែ​មិថុនា ឆ្នាំ ២០២៥ ដោយ​សហការ​ជាមួយ​ស្នងការដ្ឋាន​រាជធានី​ភ្នំពេញ និង​ដោយ​មាន​ការ​ដឹកនាំ សម្របសម្រួល ពី​ព្រះរាជអាជ្ញា​រង នៃ​អយ្យការ​អម​សាលាដំបូង​រាជធានី​ភ្នំពេញ លោក គឹម ហុងសាន បាន​ចុះ​ស្រាវជ្រាវ​ស៊ើបអង្កេត​រហូត​ឈាន​ដល់​ការ​បង្ក្រាប​ករណី រក្សាទុក ដឹកជញ្ជូន និង​ជួញដូរ ដោយ​ខុសច្បាប់​នូវ​សារធាតុ​ញៀន ស្ថិតនៅ​ចំណុច​ផ្លូវ​បេតុង ៥០ ម៉ែត្រ ភូមិ​ប្រការ សង្កាត់​ព្រៃ.ស ខណ្ឌ​ដង្កោ រាជធានី​ភ្នំពេញ។

ក្នុង​រង្វង់​ប្រតិបត្តិការ​នេះ​ដែរ នគរបាល បាន​ចាប់​ជនសង្ស័យ ១ នាក់ ភេទ​ប្រុស ជនជាតិ​ខ្មែរ អាយុ ៣២ ឆ្នាំ និង​ដកហូត​វត្ថុ​តាង​គ្រឿងញៀន​ប្រភេទ​កេ​តា​មីន (Ketamine) ទម្ងន់ ៧០៧.៥៩ ក្រាម​ , គ្រឿងញៀន​ប្រភេទ​អ៊ិ​ច​ស្តា​ស៊ី (MDMA) ទម្ងន់ ២០៦៦,០៥ ​ក្រាម ​, គ្រឿងញៀន​ប្រភេទ មេ​តំ​ហ្វេ​តា​មីន (WY,ICE) ទម្ងន់ ១២៩២.០៥ ​ក្រាម សរុប​រួម​សារធាតុ​ញៀន​ទម្ងន់​ជាង ៤ គីឡូក្រាម។

បច្ចុប្បន្ន ជនល្មើស និង​វត្ថុតាង ត្រូវ​បាន​កម្លាំង​ជំនាញ​កសាង​សំណុំរឿង​បញ្ជូន​ខ្លួន​ទៅកាន់​សាលា​ដំបូង​រាជធានី​ភ្នំពេញ ដើម្បី​ចាត់ការ​តាម​នីតិវិធី៕

អត្ថបទ ៖ រដ្ឋា

The post មន្ទីរប្រឆាំងគ្រឿងញៀន បញ្ជូនជនសង្ស័យម្នាក់ និងថ្នាំញៀនជាង ៤ គីឡូក្រាម ទៅតុលាការ appeared first on Kampuchea Thmey Daily.

គ្រូពេទ្យនៅមន្ទីរពេទ្យ Samitivej Srinakarin បានធ្វើកាតស្កេន CT រកឃើញមានវត្ថុតូចៗជាច្រើនក្នុងពោះវៀន និងបានវះកាត់ដកកញ្ចប់ថ្នាំចេញពីរាងកាយរបស់ លោក Gantner បានសម្រេច ដោយមួយក្នុងចំណោមនោះបានធ្លាយទើបបណ្ដាលឲ្យគាត់ឈឺចាប់។

ប៉ូលិស​ បាន​បញ្ជាក់​ថា បន្ទាប់ពីការវះកាត់ពួកគេរកឃើញ​មាន​ថ្នាំ​ញៀន​ប្រភេទ​មេ​តំ​ហ្វេ​តា​មីន​ចំនួន​២៥៥​គ្រាប់​ខុសច្បាប់ និង​គ្រោះថ្នាក់​ខ្លាំង​។ ប៉ូលិស​បាន​យក​ថ្នាំ​ទាំង​នោះ​ទុក​ជា​ភ័ស្តុតាង ហើយ​គ្រោង​នឹង​ចោទ​ប្រកាន់ Gantner ដែល​កំពុង​សម្រាក​ព្យាបាល​នៅ​មន្ទីរ​ពេទ្យ។

គួរបញ្ជាក់ថា ករណីនេះបង្ហាញពីគ្រោះថ្នាក់ដែលអាចបណ្តាលឲ្យស្លាប់បាននៅពេលដែលមនុស្សព្យាយាមរត់ពន្ធគ្រឿងញៀនដោយលាក់ទុកក្នុងខ្លួនរបស់ពួកគេពេលធ្វើដំណើរឆ្លងប្រទេស៕

អត្ថបទ៖ ប៊ុន សុភាព

The post ​​បុរសអូទ្រីស​​លាក់គ្រឿងញៀនក្នុងខ្លួន ​​ រួច​ប្រកាច់​​នៅ​​ព្រលានយន្តហោះ​នៅបាងកក appeared first on Kampuchea Thmey Daily.

ថ្នាំ​ញៀន​ទាំងនេះត្រូវ​បាន​រក​ឃើញ​នៅ​ក្នុង​កប៉ាល់​មួយ​ ឈ្មោះ Sea Dragon Tarawa បន្ទាប់​ពី​ប្រតិបត្តិការ​តាម​ដាន​រយៈ​ពេល៥​ខែ។ ក្រុមមន្ត្រីបានតាមដានការនាំចេញគ្រឿង​ញៀន​ទាំងនេះ​​របស់ក្រុមជួញដូរគ្រឿងញៀនដែលកំពុងប្រតិបត្តិការចេញពីតំបន់ត្រីកោណមាស ដែលជាតំបន់ផលិតគ្រឿងញៀនដ៏ល្បី​មួយប្រសព្វរវាងមីយ៉ាន់ម៉ា ថៃ និងឡាវ។ គ្រឿង​ញៀនទាំងនេះ​ត្រូវ​បាន​សន្និដ្ឋានថា​នាំ​ចេញ​ទៅ​កាន់​​ប្រទេស​ឥណ្ឌូណេស៊ី ម៉ាឡេស៊ី និង​ហ្វីលីពីន។

ជនសង្ស័យ៦នាក់ រួមមានជនជាតិឥណ្ឌូណេស៊ី៤នាក់ និងជនជាតិថៃ២នាក់ ត្រូវបានចាប់ខ្លួនក្នុងប្រតិបត្តិការនេះ។ ប្រធានទីភ្នាក់ងារបង្រ្កាបគ្រឿងញៀនឥណ្ឌូណេស៊ី បាននិយាយថា៖«ការរឹបអូសនេះគឺជាការរកឃើញគ្រឿងញៀនដ៏ច្រើនបំផុត​នៅក្នុងប្រវត្តិសាស្រ្តនៃការបង្ក្រាបគ្រឿងញៀននៅក្នុងប្រទេសឥណ្ឌូណេស៊ី»។

ការ​បង្ក្រាប​នេះក៏កើតឡើង​ បន្ទាប់​ពី​មាន​ការ​រឹប​អូស​ដ៏​ធំ​មួយ​ទៀត​នៅ​ដើម​ខែ​នេះ ​ដែល​កង​ទ័ព​ជើង​ទឹក​របស់​ប្រទេស​ឥណ្ឌូណេស៊ី​បាន​ស្ទាក់​ចាប់​ថ្នាំ​ញៀន​ជិត ២ តោន និង​កូកាអ៊ីន ដែល​មាន​តម្លៃ ៤២៥ លាន​ដុល្លារ​អាមេរិក។

អង្គការសហប្រជាជាតិ ក៏បានព្រមានពីការកើនឡើងនៃការជួញដូរគ្រឿងញៀននៅក្នុងតំបន់អាស៊ីអាគ្នេយ៍ ជាមួយនឹងកំណត់​ត្រានៃការរឹបអូសថ្នាំញៀនចំនួន​១៩០តោននៅក្នុងតំបន់ក្នុងឆ្នាំ ២០២៣​។

គួរបញ្ជាក់ផងដែរថា ប្រទេសឥណ្ឌូណេស៊ី​ គឺជាប្រទេសអនុវត្ត​ច្បាប់​គ្រឿងញៀន​ដ៏​តឹងរ៉ឹង​បំផុត​ក្នុង​ពិភពលោក ដោយ​ការ​ជួញដូរ​ត្រូវ​ផ្តន្ទាទោស​ប្រហារជីវិត៕

អត្ថបទ៖ ប៊ុន សុភាព

The post ឥណ្ឌូណេស៊ី​រឹបអូស​ថ្នាំញៀន​២តោនច្រើនបំផុត​ក្នុងប្រវតិ្តសាស្រ្ត ក្រោយ​តាមដាន​៥ខែ​​ appeared first on Kampuchea Thmey Daily.

ដំបូង​ឡើយ សមត្ថកិច្ច​ថៃសង្ស័យ​រថយន្ត​ Toyota ​ពណ៌​ប្រាក់ពាក់​ស្លាក​លេខ​ឡាវ ប៉ុនប៉ង​ឆ្លង​ដែន ក៏​សុំ​ឆែកឆេរ​រថយន្ត​។ក្នុង​ពេល​ចុះ​ត្រួត​ពិនិត្យ ប៉ូលិស​បាន​រក​ឃើញ​ថ្នាំ​ញៀន​ចំនួន ១៣៧,០០០ កញ្ចប់​ក្នុង​ថង់​ប្លាស្ទិក​ចំនួន ១៣៩ ថង់។ ថ្នាំគ្រាប់នេះមានពណ៌ផ្សេងៗគ្នា រួមមានពណ៌បៃតង ពណ៌ស្វាយ និងពណ៌ទឹកក្រូច។

ជនសង្ស័យមានឈ្មោះហៅក្រៅថា Namwan ​អាយុ២៣ឆ្នាំ ក្រោយមកបានសារភាពថា នាងត្រូវបានជួលដោយជនជាតិឡាវម្នាក់ទៀត ឱ្យដឹកថ្នាំញៀនទៅឱ្យអ្នកទទួលនៅផ្សារទំនើបមួយក្នុងខេត្ត Nong Khai ជាថ្នូរនឹងប្រាក់ចំនួន ១០,០០០បាត (ប្រហែល ៣០៤ ដុល្លារអាមេរិក)។

ថ្នាំញៀន​ដែល​រឹបអូស​បាន​និង​ជនសង្ស័យ​ត្រូវ​បាន​ប្រគល់​ឲ្យ​ក្រុម​ស៊ើបអង្កេត​ដើម្បី​ចាត់ការ​បន្ត​តាម​ផ្លូវច្បាប់​៕

អត្ថបទ៖​ ប៊ុន សុភាព

The post ប៉ូលិសថៃចាប់ខ្លួនស្ត្រី​ឡាវ​នៅ​ព្រំដែន​ពី​បទ​រត់ពន្ធ​ថ្នាំ​ញៀន​១៤ម៉ឺន​គ្រាប់​ appeared first on Kampuchea Thmey Daily.