ព័ត៌មានអន្ដរជាតិ

ប្រទះឃើញថ្នាំញៀនជិត១០០គីឡូអណ្តែតក្នុងប្រឡាយខេត្ត Samut Songkhram ប្រទេសថៃ

បានផុស

៨ ខែ មុន

នៅ

ថ្ងៃអង្គារ ១៩ សីហា ២០២៥

ដោយ

អ្នកភូមិនៅខេត្ត Samut Songkhram បានជូនដំណឹងដល់ប៉ូលិស បន្ទាប់ពីប្រទះឃើញថ្នាំញៀនប្រភេទមេតំហ្វេតាមីន ទម្ងន់ ៨៧ គីឡូក្រាម អណ្តែតក្នុងប្រឡាយ នាំឱ្យមានការបង្ក្រាបគ្រឿងញៀនដ៏ធំមួយក្នុងខេត្តនេះ ពាក់ព័ន្ធនឹងករណីដែលមានស្រាប់។ នេះបើយោងតាមការចេញផ្សាយរបស់សារព័ត៌មាន Khaosod នៅថ្ងៃទី១៩ខែសីហា។

ប៉ូលិសបានបញ្ជាក់ថា ថ្នាំញៀនទាំងនោះជារបស់លោក Songpol អាយុ ៣១ ឆ្នាំ ដែលត្រូវបានចាប់ខ្លួនរួចហើយជាមួយថ្នាំញៀន ២១០ គីឡូក្រាម និងកញ្ឆា ៣៩០ គីឡូក្រាម ដែលមានតម្លៃជាង ៨១ លានបាតប្រហែល ២.៣ លានដុល្លារ។

ការរកឃើញថ្មីនេះបានធ្វើឱ្យថ្នាំញៀនដែលរឹបអូសបានសរុបដល់២៩៧គីឡូក្រាម។ Songpol និងអ្នកសមគំនិតបានសារភាពថាបានជួលគេដើម្បីបញ្ជូនគ្រឿងញៀនទៅចែកចាយភាគខាងត្បូងប្រទេសថៃ។ ប៉ូលិសបានចោទប្រកាន់ពួកគេពីបទកាន់កាប់ និងចែកចាយថ្នាំញៀនក្នុងគោលបំណងពាណិជ្ជកម្ម និងកំពុងពង្រីកការស៊ើបអង្កេតដើម្បីកម្ចាត់បណ្តាញជួញដូរ និងរឹបអូសទ្រព្យសម្បត្តិដែលពាក់ព័ន្ធ៕