ព័ត៌មានអន្ដរជាតិ

បុរសអូទ្រីសលាក់គ្រឿងញៀនក្នុងខ្លួន រួចប្រកាច់នៅព្រលានយន្តហោះនៅបាងកក

បានផុស

១ year មុន

នៅ

ថ្ងៃព្រហស្បតិ៍ ១២ មិថុនា ២០២៥

ដោយ

បុរសជនជាតិអូទ្រីសម្នាក់ឈ្មោះ Wolfgang Gantner អាយុ៤៣ឆ្នាំ ត្រូវបានបញ្ជូនទៅមន្ទីរពេទ្យ បន្ទាប់ពីមានអាការៈប្រកាច់ ឈឺពោះ និងហូរសារធាតុរាវពណ៌ផ្កាឈូកចេញពីរន្ធគូទ នៅអាកាសយានដ្ឋាន Don Mueang ក្នុងទីក្រុងបាងកក។ យោងតាមការចេញផ្សាយរបស់កាសែត Bangkok Post នៅថ្ងៃទី១២ខែមិថុនានេះ។

(រូបភាព៖ Facebook) មេតំហ្វេតាមីនដែលយកចេញពីពោះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូពេទ្យនៅមន្ទីរពេទ្យ Samitivej Srinakarin បានធ្វើកាតស្កេន CT រកឃើញមានវត្ថុតូចៗជាច្រើនក្នុងពោះវៀន និងបានវះកាត់ដកកញ្ចប់ថ្នាំចេញពីរាងកាយរបស់ លោក Gantner បានសម្រេច ដោយមួយក្នុងចំណោមនោះបានធ្លាយទើបបណ្ដាលឲ្យគាត់ឈឺចាប់។

ប៉ូលិស បានបញ្ជាក់ថា បន្ទាប់ពីការវះកាត់ពួកគេរកឃើញមានថ្នាំញៀនប្រភេទមេតំហ្វេតាមីនចំនួន២៥៥គ្រាប់ខុសច្បាប់ និងគ្រោះថ្នាក់ខ្លាំង។ ប៉ូលិសបានយកថ្នាំទាំងនោះទុកជាភ័ស្តុតាង ហើយគ្រោងនឹងចោទប្រកាន់ Gantner ដែលកំពុងសម្រាកព្យាបាលនៅមន្ទីរពេទ្យ។

គួរបញ្ជាក់ថា ករណីនេះបង្ហាញពីគ្រោះថ្នាក់ដែលអាចបណ្តាលឲ្យស្លាប់បាននៅពេលដែលមនុស្សព្យាយាមរត់ពន្ធគ្រឿងញៀនដោយលាក់ទុកក្នុងខ្លួនរបស់ពួកគេពេលធ្វើដំណើរឆ្លងប្រទេស៕