តាមពិតទៅ ហេតុការណ៍នេះ កើតឡើងតាំងពីដើមឆ្នាំឯណោះក្នុងប្រទេសអ៊ូហ្គង់ដា ប៉ុន្តែទើបមានការចុះផ្សាយរបស់ខែមេសានេះប៉ុណ្ណោះ។ បើតាមសេចក្តីរាយការណ៍ ស្រ្តីជាម្តាយអាយុ២៣ឆ្នាំ បានបង្កើតកូន រួចយកទៅកប់ចោលក្នុងសួននាវេលាទាបភ្លឺ លុះដល់ម៉ោង១១ព្រឹក ទើបទារិកាត្រូវបានគេរកឃើញ។

មូលហេតុដែលឈានដល់ការរកឃើញទារិការូបនេះគឺដោយសារតែសាច់ញាតិខាងម្តាយ បានប្រទះឃើញឈាម លើដីដានទៅដល់កន្លែងកប់ក្នុងសួន រួចទើបទូរស័ព្ទទៅសេវាសង្គ្រោះបន្ទាន់ ដើម្បីជីករក ហើយទីបំផុតក៏បានរកឃើញក្មេងទាំងដែលមានជាប់ទងសុក។

ពិតជាអព្ភូតហេតុមែន! ទោះកប់ក្នុងដីអស់រយៈពេល៦ម៉ោង តែទារិកាមិនបាត់បង់ជីវិតឡើយ ហើយនៅតែអាចកម្រើកដៃជើងបានទៀតផង ប៉ុន្តែគ្រាន់តែពិបាកដកដង្ហើមបន្តិច។

យ៉ាងណា រូបគេមានស្នាមរលាត់ពេញខ្លួន ហើយប្រឡាក់ដោយឈាមនិងភក់ ទើបក្រុមអ្នកជួយសង្គ្រោះប្រញាប់រូតរះនាំរូបគេទៅកាន់មន្ទីរពេទ្យ។

តាមការពិនិត្យនៅមន្ទីរពេទ្យ ទារិកាមិនមានរបួសចំពោះបេះដូង ក្រពះ ឬសរីរាង្គផ្សេងទៀតឡើយ ហើយ៦ថ្ងៃក្រោយមក ទារិកាត្រូវបានអនុញ្ញាតឲ្យចាកចេញពីមន្ទីរពេទ្យ។

មកទល់ពេលនេះ គេមិនទាន់រកឃើញស្រ្តីជាម្តាយទរិកាឡើយ ហើយគេក៏មិនដឹងមូលហេតុដែលនាំឲ្យ ម្តាយដាច់ចិត្តកប់កូនខ្លួនឯងក្នុងដីដូច្នេះដែរ៕

អត្ថបទ៖ សុខ សុវណ្ណ

ចុចអាន៖ រដ្ឋមន្ត្រី​អ៊ូហ្គង់ដា លួចស័ង្កសីរាប់ម៉ឺនសន្លឹក ដែលគេទុកជួយជនងាយរងគ្រោះ

The post កុមារ អ៊ូហ្គង់ដា ម្នាក់ពិតជាអាយុថ្លៃ ត្រូវម្តាយ បង្កើតមកហើយ យកទៅកប់ចោលក្នុងដី ៦ម៉ោង តែមិនស្លាប់ appeared first on Kampuchea Thmey Daily.

នៅពេលត្រូវបានជួយសង្គ្រោះ ទារិកាម្នាក់នេះមិនទាន់មានឈ្មោះទេ ហើយពេលនេះ ត្រូវបានគេដាក់ឈ្មោះឲ្យថា Aya ដែលមានន័យជាភាសាអារ៉ាប់ថា “អព្ភូតហេតុ”។

ម្តាយ ឪពុក និងបងប្អូនបង្កើតរបស់ទារិកានេះ សុទ្ធតែបានបាត់បង់ជីវិត បន្ទាប់ពីគ្រោះរញ្ជួយដីវាយប្រហារទីក្រុង Jindayris។ បច្ចុប្បន្ន Aya កំពុងសម្រាកនៅមន្ទីរពេទ្យ។

គ្រូពេទ្យកុមារ Hani Marouf ដែលមើលថែ Aya បាននិយាយថា “ពេលមកដល់មន្ទីរពេទ្យកាលពីថ្ងៃចន្ទ Aya មានស្ថានភាពអាក្រក់ នាងមានស្នាមជាំ រលាត់ស្បែក និងស្ទើរតែមិនដកដង្ហើម”។

វីដេអូនៃការជួយសង្គ្រោះ Aya ត្រូវបានចែកចាយពាសពេញបណ្តាញសង្គម។ វីដេអូនោះ ​បង្ហាញ​ពី​បុរស​ម្នាក់​រត់​ចេញពី​អគារបាក់រលំ ​ដោយបី​ទារក​ដែលប្រឡាក់​ធូលី។ ពេលនេះ មនុស្ស​រាប់​ពាន់​នាក់​នៅ​លើ​បណ្ដាញ​សង្គម ​បាន​សុំ​ព័ត៌មាន​លម្អិត​ដើម្បី​យកក្មេងស្រីមកចិញ្ចឹមបីបាច់។ 

អ្នកគ្រប់គ្រងមន្ទីរពេទ្យ Khalid Attiah និយាយថា គាត់ក៏បានទទួលការហៅទូរស័ព្ទជាច្រើនដងពីមនុស្សជុំវិញពិភពលោកដែលចង់យក Aya ទៅចិញ្ចឹមផងដែរ។

មនុស្ស​ម្នាក់​និយាយ​ថា “​ខ្ញុំ​ចង់​ចិញ្ចឹម​នាង ហើយ​ផ្តល់​ជីវិត​សមរម្យ​ដល់​នាង​”។ ចំណែក ពិធីករទូរទស្សន៍គុយវ៉ែតម្នាក់បាននិយាយថា “ខ្ញុំត្រៀមខ្លួនរួចជាស្រេច ដើម្បីមើលថែ និងចិញ្ចឹមក្មេងនេះ ប្រសិនបើនីតិវិធីផ្លូវច្បាប់អនុញ្ញាត”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ អព្ភូតហេតុ! ទារិកា ចាប់កំណើតក្រោមគំនរអគារបាក់បែក ក្នុងសោកនាដកម្មរញ្ជួយដី

The post ទារិកាជីវិតថ្លៃកើតក្រោមគំនរបាក់បែក ត្រូវគេដាក់ឈ្មោះឲ្យ ខណៈមនុស្សរាប់ពាន់នាក់ សុំយកទៅចិញ្ចឹម appeared first on Kampuchea Thmey Daily.

វីដេអូ បង្ហាញពីទារិកាទើបនឹងកើត ត្រូវបានយកទៅកន្លែងមានសុវត្ថិភាព ដោយអ្នកជួយសង្គ្រោះនៅទីក្រុង Jenderes ក្នុងតំបន់ភាគឦសានដែលរងការបំផ្លិចបំផ្លាញដោយគ្រោះរញ្ជួយដីកាលពីថ្ងៃចន្ទទៅ០៦ខែកុម្ភៈ។

នៅពេលជួយសង្គ្រោះ ទារិការូបនេះ ត្រូវបានគេមើលឃើញថា នៅជាប់ទងផ្ចិតជាមួយម្តាយនៅឡើយ។

ប៉ុន្តែថ្វីបើក្មេងស្រីរួចរស់ជីវិតពីទុក្ខលំបាកនេះក៏ដោយ ប៉ុន្តែម្តាយរបស់ខ្លួន បានស្លាប់បាត់ទៅហើយបន្ទាប់ពីសម្រាលកូនរួច។

ទារិកាម្នាក់នេះ គឺជាអ្នកនៅរស់រានមានជីវិតតែម្នាក់គត់ក្នុងគ្រួសាររបស់គេ ដែលជួបប្រទះសោកនាដកម្មរញ្ជួយដីកម្រិត ៧.៨រ៉ិចទ័រ ដែលវាយប្រហារប្រទេសស៊ីរី និងតួកគី។

យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថា ម្តាយមានផ្ទៃពោះ ដែលជាជនភៀសខ្លួនមកពីតំបន់ Deir Ezzor ភាគខាងកើតប្រទេសស៊ីរី បានចូលបន្ទប់សម្រាលកូនក្នុងអំឡុងពេលនៃការរញ្ជួយដីកើតឡើង។

គួរបញ្ជក់ថា ពេលនេះ ទារិកា ត្រូវបានគេនាំយកទៅព្យាបាលនៅក្នុងទីក្រុង Afrin៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ឪពុកមិនព្រមទៅណា នៅអង្គុយកាន់ដៃកូនស្រី ដែលស្លាប់ក្រោមគំនរបាក់បែក

The post អព្ភូតហេតុ! ទារិកា ចាប់កំណើតក្រោមគំនរអគារបាក់បែក ក្នុងសោកនាដកម្មរញ្ជួយដី appeared first on Kampuchea Thmey Daily.

ម្តាយអាយុ ២០ ឆ្នាំ បានស្វាគមន៍កូនស្រីរបស់នាងមកកាន់ពិភពលោកកាលពីខែមុន ប៉ុន្តែមិនយូរប៉ុន្មាន ព័ត៌មាននេះបានក្លាយជារឿងខូចចិត្ត។

ក្រុមគ្រូពេទ្យបានប្រាប់ម្តាយវ័យក្មេងរូបនេះថា កូនរបស់នាងមានជំងឺ Progeria ឬត្រូវបានគេស្គាល់ថាជារោគសញ្ញា Hutchinson-Gilford។

វាគឺជាជំងឺហ្សែនដ៏កម្របំផុតមួយ ដែលបណ្តាលឲ្យកុមារកើនអាយុយ៉ាងឆាប់រហ័ស ដោយចាប់ផ្តើមពីអាយុពីរឆ្នាំដំបូងនៃជីវិតរបស់ពួកគេ។

ប្រព័ន្ធផ្សព្វផ្សាយក្នុងស្រុកបានរាយការណ៍កាលពីថ្ងៃចន្ទថា ស្ត្រីវ័យក្មេងរូបនេះបានសម្រាលកូននៅផ្ទះរបស់នាងក្នុងទីក្រុងតូច Libode នៃខេត្ត Eastern Cape ប្រទេសអាហ្វ្រិកខាងត្បូង។

ទារិការូបនេះ កើតមកមានដៃខុសពីធម្មតា និងស្បែកជ្រីវជ្រួញ។

ជាធម្មតា មនុស្សដែលកើតមកមានជំងឺ Progeria តែងតែជួបផលវិបាកនៃជំងឺសរសៃឈាមបេះដូងធ្ងន់ធ្ងរនៅពាក់កណ្តាលវ័យជំទង់ដល់វ័យ២០ឆ្នាំ។

យ៉ាងណាក្តី មូលហេតុជាក់លាក់នៃភាពចាស់លឿន ដែលត្រូវបានផ្សារភ្ជាប់ជាមួយនឹងរោគសញ្ញា Hutchinson-Gilford នេះ មិនទាន់ត្រូវបានគេដឹងច្បាស់នៅឡើយទេ។

អ្នកស្រាវជ្រាវខ្លះណែនាំថា ដំណើរការមិនប្រក្រតីនេះ គឺដោយសារតែការខូចខាតកោសិកាប្រមូលផ្តុំ។

គួរបញ្ជាក់ថា គិតត្រឹមឆ្នាំ២០២០ មូលនិធិស្រាវជ្រាវជំងឺ Progeria អន្តរជាតិ បានចុះបញ្ជីកុមារនិងមនុស្សពេញវ័យសរុបចំនួន១៣១នាក់ ដែលរស់នៅជាមួយជំងឺនេះ នៅទូទាំងពិភពលោក៕

ប្រែសម្រួល៖ Vann Vann

ប្រភព៖ Mirror

ចុចអាន៖ រឿងចម្លែក! ទារកកើតមកមានក្បាលដល់ទៅ៣ ប្រជាជននាំគ្នាហៅថា “ព្រះចាប់កំណើត”

The post ទារិកាចម្លែក កើតមកមុខចាស់ជាងម្តាយ appeared first on Kampuchea Thmey Daily.

តាមប្រភពពីលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២បានឱ្យកម្ពុជាថ្នីដឹងតាមរយៈទូរសព្ទ័ នៅថ្ងៃទី ២៦ខែកក្កដានេះថា ខណៈនេះគ្រូពេទ្យបង្អែកខណ្ឌច្បារអំពៅបានសម្រេចបញ្ជូនទៅសង្រ្គោះនៅមន្ទីរពេទ្យ​គន្ធបុប្ផានារសៀលថ្ងៃទី២៦ខែកក្កដានេះព្រោះតែទារិកាមានសុខភាពខ្សោយទៅៗ។ចំណែកម្តាយកំពុងសម្រាកព្យាបាលនៅមន្ទីរពេទ្យបង្អែកខណ្ឌច្បារអំពៅនៅឡើយ។

លោក សេង វ៉ាន់ថា បានបញ្ជាក់ពីរឿងរ៉ាវដ៏កំសត់របស់គ្រួសារក្រីក្រមួយនេះថា កាលពីវេលាម៉ោង១៨៖៣០​នាទីព្រលប់ថ្ងៃទី២៤ខែកក្កដាកន្លងទៅនេះមានស្ត្រីម្នាក់ឈ្មោះគឹម សុខមាន រីឯប្តីឈ្មោះ ចាន់ ពិសី រស់នៅក្នុងបន្ទប់ជួលលេខ១៦ ក្រុម៥ភូមិដំណាក់ធំ៤ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញបាន​ឈឺ​ពោះរហូតដល់សម្រាលបានទារិកាម្នាក់ហើយប្រជាពលរដ្ឋដែលរស់នៅក្បែបន្ទប់ជួលបានសុំកិច្ចអន្តរា​គមន៍​ពីអាជ្ញាធរឲ្យជួយសង្រ្គោះដល់ស្ត្រីដែលកំពុងសម្រាលដោយគ្មានគ្រូពេទ្យជួយតាមលក្ខណៈបច្ចេកទេសដែលក្នុងនោះគឺមានតែប្តីនៅចាំទាញក្បាលកូននៅចុងជើងប្រពន្ធ។

ហើយបន្ទាប់ពីទទួលបានពត័មាននេះភ្លាមលោកចៅសង្កាត់ស្ទឹងមានជ័យ២និងរូបលោកចៅរងទី១បានចុះ​ទៅ​ដល់បន្ទប់ជួលព្រមទាំងសុំរថយន្តរបស់មន្ទីរពេទ្យបង្អែកខណ្ឌច្បារអំពៅឲ្យមកដឹកយកទាំងម្តាយទាំងកូនយកទៅធ្វើការសង្រ្គោះជីវិតព្រោះម្តាយនិងកូនកាន់តែខ្សោយទៅៗ។

បើតាមការរៀបរាប់ពីឈ្មោះ ចាន់ ពិសី ដែលត្រូវជាប្តីបានប្រាប់ថា ខ្លួនគ្មានថវិកាយកប្រពន្ទទៅសម្រាលកូននៅមន្ទីរពេទ្យទើបសម្រេចចិត្តសម្រាលនៅបន្ទប់ជួលតែម្តងទៅ ព្រោះគ្មានលទ្ធភាព។

ក្នុងនោះលោក សេង វ៉ាន់ថា ចៅរងទី១សង្កាត់ស្ទឹងមានជ័យទី២ក៏សុំអំពាវនាវដល់សប្បុរសជនដែលមានលទ្ធភាពសូមជួយឧបត្ថម្ភដល់គ្រួសារនេះផង។

ព្រោះមកដល់ពេលនេះគាត់គ្មានលុយកាក់ជាប់ខ្លួននោះទេហើយក៏កំពុងសម្រាកព្យាបាលនៅមន្ទីរពេទ្យបង្អែកខណ្ឌច្បារអំពៅស្ថិតនៅខាងត្បូងសាលាខណ្ឌច្បារអំពៅរាជធានីភ្នំពេញ៕ អត្ថបទ៖ នរា

The post ទារិកាកើតក្នុងត្រកូលអ្នកក្រីក្រ ​ត្រូវបានបញ្ជូនទៅមន្ទីរពេទ្យគន្ធបុប្ផា​ដោយសារតែសុខភាពខ្សោយ appeared first on Kampuchea Thmey Daily.

តាមសេចក្តីរាយការណ៍ពីសមត្ថកិច្ចមូលដ្ឋានបានឱ្យដឹងថា ទារិការង គ្រោះមានឈ្មោះ ហូ លៀងគី អាយុ ១០ ខែ មានឪពុកឈ្មោះ ហូ ប៊ុនធឿន អាយុ ៤២ ឆ្នាំនិងម្ដាយឈ្មោះ មន ស្រីណែត អាយុ ២៩ឆ្នាំ ក្រុមគ្រួសារនេះមានទីលំនៅភូមិត្រពាំងក្របៅ ឃុំខ្លុងពពក ស្រុកទឹកផុស។

សមត្ថកិច្ចបានបញ្ជាក់ថាមុនពេលកើតហេតុម្ដាយបានយកឆ្នាំងដាំទឹក លុះពេលទឹកពុះហើយ ក៏បានយកមកចាក់ចូលក្នុងកំសៀវទឹកទុក។ ខណៈនោះទារិការងគ្រោះបានទាញ កំសៀវទឹកក្តៅ ក៏មកស្រោចលើខ្លួនបណ្ដាលឲ្យរលាកនិងរងរបួសជាទម្ងន់ ក្រោយមកក៏បានស្លាប់។

ករណីនេះសមត្ថកិច្ចបានពិនិត្យធ្វើកោសល្យវិច្ច័យតាមបច្ចេកទេសរួចបញ្ជាក់ឲ្យដឹងថាទារិការងគ្រោះពិតជារលាកទឹកក្តៅស្លាប់មែនហើយក៏បានប្រគល់សពជូនក្រុមគ្រួសារធ្វើបុណ្យតាមប្រពៃណី។

ហេតុការណ៍ខាងលើនេះក៏ជាខាងជាសារមួយជូនប្រជាពលរដ្ឋដែលមានកូនចៅតូចៗ គួរតែប្រុងប្រយ័ត្នដើម្បីកុំឲ្យមានការស្ដាយក្រោយពេលកើតឡើងនូវហេតុការណ៍ដ៏គួរឲ្យរន្ធត់ដូចករណីនេះ៕ អត្ថបទ៖ ឈៀងថារិទ្ធ

The post ទារិកាអាយុ ១០ ខែ ទាញកំ​សៀវ​ទឹកក្ដៅខ្ចាយស្រោចលើខ្លួន រលាកស្លាប់ appeared first on Kampuchea Thmey Daily.

ហេតុការណ៍នេះ បានកើតឡើង នៅនៅរសៀលថ្ងៃទី ២២ ខែកុម្ភៈ ស្ថិតនៅចំណុចវាលស្រែតាអន ភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

ប្រភព័ត៌មានពីសមត្ថកិច្ច បានឲ្យដឹងថា ជីដូនបានយកចៅមកលេងនៅផ្ទះ ដាក់ឲ្យចៅដេកអង្រឹង បន្ទាប់មកយាយនិងតាបានដេកលក់មួយភាំងងើបពីដេកស្រាប់តែបាត់ចៅស្រីដើររកឃើញចៅស្រីលង់ទឹកស្លាប់ រសៀល នៅថ្ងៃទី២២ ខែកុម្ភះ ឆ្នាំ ២០២១ នៅចំណុចវាលស្រែតាអន ស្ថិតក្នុង ភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

យាយ ឈ្មោះ លិញ ចំណាន អាយុ៤៣ឆ្នាំ តាឈ្មោះ ហ៊ាង លួត អាយុ៤៤ឆ្នាំ រស់ នៅភូមិទឹកថ្លា សង្កាត់ទឹកថ្លា ស្ថិតសិរីសោភ័ណ បានយកចៅស្រីម្នាក់ ឈ្មោះសុភា លក្ខិណា អាយុ ១ឆ្នាំ ១ខែ។ សពក្មេងស្រី ត្រូវបានឪពុក ម្តាយ យាយតាធ្វើបុណតាមប្រពៃណីអស់ហើយផងដែរ៕

អត្ថបទ៖វ៉ាន់ ណាង

The post ទារិកាវ័យ១ខួបដើរធ្លាក់ទឹកស្រះលង់ស្លាប់ ក្នុងពេលយាយតាកំពុងលង់លក់ appeared first on Kampuchea Thmey Daily.