ព័ត៌មានអន្ដរជាតិ
កុមារ អ៊ូហ្គង់ដា ម្នាក់ពិតជាអាយុថ្លៃ ត្រូវម្តាយ បង្កើតមកហើយ យកទៅកប់ចោលក្នុងដី ៦ម៉ោង តែមិនស្លាប់
ពិតជាអាយុថ្លៃមែន ដែលទារិកាម្នាក់ អាចនៅមានជីវិត បន្ទាប់ពីត្រូវម្តាយរបស់ខ្លួនកប់ក្នុងដី អស់រយៈពេល៦ម៉ោង។ នេះបើតាមការចុះផ្សាយរបស់ Daily Mail កាលពីថ្ងៃពុធទី៣ខែមេសា។
តាមពិតទៅ ហេតុការណ៍នេះ កើតឡើងតាំងពីដើមឆ្នាំឯណោះក្នុងប្រទេសអ៊ូហ្គង់ដា ប៉ុន្តែទើបមានការចុះផ្សាយរបស់ខែមេសានេះប៉ុណ្ណោះ។ បើតាមសេចក្តីរាយការណ៍ ស្រ្តីជាម្តាយអាយុ២៣ឆ្នាំ បានបង្កើតកូន រួចយកទៅកប់ចោលក្នុងសួននាវេលាទាបភ្លឺ លុះដល់ម៉ោង១១ព្រឹក ទើបទារិកាត្រូវបានគេរកឃើញ។
មូលហេតុដែលឈានដល់ការរកឃើញទារិការូបនេះគឺដោយសារតែសាច់ញាតិខាងម្តាយ បានប្រទះឃើញឈាម លើដីដានទៅដល់កន្លែងកប់ក្នុងសួន រួចទើបទូរស័ព្ទទៅសេវាសង្គ្រោះបន្ទាន់ ដើម្បីជីករក ហើយទីបំផុតក៏បានរកឃើញក្មេងទាំងដែលមានជាប់ទងសុក។
ពិតជាអព្ភូតហេតុមែន! ទោះកប់ក្នុងដីអស់រយៈពេល៦ម៉ោង តែទារិកាមិនបាត់បង់ជីវិតឡើយ ហើយនៅតែអាចកម្រើកដៃជើងបានទៀតផង ប៉ុន្តែគ្រាន់តែពិបាកដកដង្ហើមបន្តិច។
យ៉ាងណា រូបគេមានស្នាមរលាត់ពេញខ្លួន ហើយប្រឡាក់ដោយឈាមនិងភក់ ទើបក្រុមអ្នកជួយសង្គ្រោះប្រញាប់រូតរះនាំរូបគេទៅកាន់មន្ទីរពេទ្យ។
តាមការពិនិត្យនៅមន្ទីរពេទ្យ ទារិកាមិនមានរបួសចំពោះបេះដូង ក្រពះ ឬសរីរាង្គផ្សេងទៀតឡើយ ហើយ៦ថ្ងៃក្រោយមក ទារិកាត្រូវបានអនុញ្ញាតឲ្យចាកចេញពីមន្ទីរពេទ្យ។
មកទល់ពេលនេះ គេមិនទាន់រកឃើញស្រ្តីជាម្តាយទរិកាឡើយ ហើយគេក៏មិនដឹងមូលហេតុដែលនាំឲ្យ ម្តាយដាច់ចិត្តកប់កូនខ្លួនឯងក្នុងដីដូច្នេះដែរ៕
អត្ថបទ៖ សុខ សុវណ្ណ
ចុចអាន៖ រដ្ឋមន្ត្រីអ៊ូហ្គង់ដា លួចស័ង្កសីរាប់ម៉ឺនសន្លឹក ដែលគេទុកជួយជនងាយរងគ្រោះ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា