ទារិកាវ័យ១ខួបដើរធ្លាក់ទឹកស្រះលង់ស្លាប់ ក្នុងពេលយាយតាកំពុងលង់លក់

ទារិកាអាយុជាង ១ខួបម្នាក់បានស្លាប់បាត់បង់ជីវិតដោយសារតែលង់ទឹកស្រះមុខផ្ទះ ក្នុងពេលដែលយាយតាដេកលក់មួយភាំង។

ហេតុការណ៍នេះ បានកើតឡើង នៅនៅរសៀលថ្ងៃទី ២២ ខែកុម្ភៈ ស្ថិតនៅចំណុចវាលស្រែតាអន ភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

ប្រភព័ត៌មានពីសមត្ថកិច្ច បានឲ្យដឹងថា ជីដូនបានយកចៅមកលេងនៅផ្ទះ ដាក់ឲ្យចៅដេកអង្រឹង បន្ទាប់មកយាយនិងតាបានដេកលក់មួយភាំងងើបពីដេកស្រាប់តែបាត់ចៅស្រីដើររកឃើញចៅស្រីលង់ទឹកស្លាប់ រសៀល នៅថ្ងៃទី២២ ខែកុម្ភះ ឆ្នាំ ២០២១ នៅចំណុចវាលស្រែតាអន ស្ថិតក្នុង ភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

យាយ ឈ្មោះ លិញ ចំណាន អាយុ៤៣ឆ្នាំ តាឈ្មោះ ហ៊ាង លួត អាយុ៤៤ឆ្នាំ រស់ នៅភូមិទឹកថ្លា សង្កាត់ទឹកថ្លា ស្ថិតសិរីសោភ័ណ បានយកចៅស្រីម្នាក់ ឈ្មោះសុភា លក្ខិណា អាយុ ១ឆ្នាំ ១ខែ។ សពក្មេងស្រី ត្រូវបានឪពុក ម្តាយ យាយតាធ្វើបុណតាមប្រពៃណីអស់ហើយផងដែរ៕

អត្ថបទ៖វ៉ាន់ ណាង