មេដឹកនាំបេឡារុសលោក Alexander Lukashenko បានអះអាងថា ការចោទប្រកាន់អំពីអំពើឃោរឃៅគឺជា “ប្រតិបត្តិការផ្លូវចិត្តដែលធ្វើឡើងដោយ អង់គ្លេស”។

ទីក្រុង​មូស្គូ​បាន​អះអាង​ថា ​រូបភាព​ជន​ស៊ីវិល​ដែល​ស្លាប់​នៅ​តាម​ដង​ផ្លូវ​នៃ​ទីក្រុង Bucha គឺ​ជា​រូបភាព​ក្លែងក្លាយ។

ថ្ងៃនេះ លោក Lukashenko បានធ្វើទស្សនកិច្ចទៅកាន់មជ្ឈមណ្ឌលអវកាស Vostochny ជាមួយសម្ព័ន្ធមិត្តជិតស្និទ្ធរបស់គាត់គឺលោក Vladimir Putin។

គាត់ក៏បាននិយាយការពារ ការលុកលុយរបស់លោក ពូទីន នៅអ៊ុយក្រែនផងដែរ ខណៈការលុកលុយនោះ បានចាប់ផ្តើមមួយផ្នែកចេញពីប្រទេសបេឡារុស កាលពីជិតប្រាំពីរសប្តាហ៍មុន។

លោក​លើកឡើង​ថា ការ​វាយ​ប្រហារ​ដ៏​ខ្លាំង​មួយ ​នឹងកើតឡើង​ប្រឆាំង​ទឹក​ដី​រុស្ស៊ី ប្រសិន​បើ​ការ​លុកលុយ​នេះមិន​ត្រូវ​បាន​បញ្ជាទេនោះ៕

ប្រែសម្រួល៖ Vann Vann

ប្រភព៖ BBC

ចុចអាន៖ ពូទីន អះអាងថា កិច្ចពិភាក្សាជាមួយ អ៊ុយក្រែន ដើរដល់ផ្លូវទ័លហើយ

The post មេដឹកនាំអឺរ៉ុបមួយរូប ច្រានចោលការអះអាងអំពីអំពើឃោរឃៅនៅ Bucha appeared first on Kampuchea Thmey Daily.

លោក Nebenzya បាននិយាយនៅក្នុងសន្និសីទសារព័ត៌មានមួយថា “យើងមានភស្តុតាងជាក់ស្តែងដើម្បីគាំទ្ររឿងនេះ។ យើងមានបំណងបញ្ជូនភស្តុតាង ទៅក្រុមប្រឹក្សាសន្តិសុខឲ្យបានឆាប់តាមដែលអាចធ្វើទៅបាន ដើម្បីកុំឲ្យសហគមន៍អន្តរជាតិមានការភាន់ច្រឡំ ដោយសារតែផែនការមិនពិតរបស់ទីក្រុង កៀវ និងអ្នកឧបត្ថម្ភលោកខាងលិចរបស់ខ្លួន”។

លោកអះអាងថា មិនមានជនស៊ីវិលណាម្នាក់ត្រូវបានធ្វើបាប ក្នុងអំឡុងពេលមួយខែដែលរុស្ស៊ីកាន់កាប់ទីក្រុង Bucha ទេ ហើយបានចោទប្រកាន់អ៊ុយក្រែនថាបានប្រឌិតភស្តុតាងនេះឡើង។

ស្របពេលជាមួយគ្នានោះ លោកក៏បានចោទប្រកាន់ចក្រភពអង់គ្លេស ពីការរំលោភបំពានតួនាទីរបស់ខ្លួនក្នុងនាមជាប្រធានក្រុមប្រឹក្សាសន្តិសុខអង្គការសហប្រជាជាតិផងដែរ ដោយនិយាយថា អង់គ្លេសបានបដិសេធ អនុញ្ញាតឲ្យរុស្ស៊ីលើកឡើងអំពីឧប្បត្តិហេតុនៅទីក្រុង Bucha៕

ប្រែសម្រួល៖ Vann Vann

ប្រភព៖ BBC, Al Jazeera

ចុចអាន៖ កងទ័ពរុស្ស៊ី ដកចេញអស់គ្មានសល់ ពីតំបន់មួយនៅភាគខាងជើង អ៊ុយក្រែន

The post រុស្ស៊ី អះអាងមានភស្តុងតាងជាក់ស្តែង បញ្ជាក់ថា ខ្លួនមិនបានសម្លាប់ជនស៊ីវិលនៅទីក្រុង Bucha appeared first on Kampuchea Thmey Daily.

លោក Zelensky និយាយថា “យើងទើបតែចាប់ផ្តើមការស៊ើបអង្កេតលើរាល់អ្វីដែលអ្នកកាន់កាប់បានធ្វើ។ នាពេលបច្ចុប្បន្ននេះ មានព័ត៌មានអំពីមនុស្សជាង៣០០នាក់ ដែលត្រូវបានសម្លាប់ និងធ្វើទារុណកម្មនៅក្នុងទីក្រុង Bucha តែមួយ។ វាទំនងជាថា ជនរងគ្រោះនឹងមានកាន់តែច្រើននៅពេលដែលទីក្រុងទាំងមូល ត្រូវបានពិនិត្យ ហើយនេះត្រឹមតែជាទីក្រុងមួយប៉ុណ្ណោះ”។

លោកបន្តថា “មានព័ត៌មានរួចហើយថា ចំនួនជនរងគ្រោះ អាចនឹងមានច្រើនជាងនេះនៅក្នុង Borodyanka និងទីក្រុងដែលរំដោះបានមួយចំនួនទៀត”។

“នៅក្នុងភូមិជាច្រើននៃទីក្រុង កៀវ, Chernihiv និង Sumy, អ្នកកាន់កាប់បានធ្វើរឿងដែលអ្នកស្រុកមិនបានឃើញសូម្បីតែក្នុងអំឡុងពេលនៃការកាន់កាប់របស់ពួកណាស៊ីកាលពី ៨០ឆ្នាំមុន។ អ្នកកាន់កាប់ប្រាកដជានឹងទទួលខុសត្រូវចំពោះរឿងនេះ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ចូ បៃដិន ហៅ ពូទីន ថា “ឧក្រិដ្ឋជនសង្គ្រាម” និងអំពាវនាវឲ្យកាត់ទោសមេដឹកនាំ រុស្ស៊ី រូបនេះ

The post លោក Zelensky អះអាង​ថា ជន​ស៊ីវិលជាង ៣០០ នាក់​ ត្រូវ​សម្លាប់និងធ្វើ​ទារុណកម្ម នៅទីក្រុង Bucha (មានវីដេអូ) appeared first on Kampuchea Thmey Daily.

អ្នកនាំពាក្យក្រសួងលោកស្រី Maria Zakharova បាននិយាយនៅក្នុងបទសម្ភាសន៍មួយតាមកញ្ចក់ទូរទស្សន៍រដ្ឋកាលពីយប់ថ្ងៃអាទិត្យទី០៣ខែមេសាថា “តើនរណាជាមេខ្លោង នៃការបង្កហេតុនេះ? ជាការពិតណាស់គឺសហរដ្ឋអាមេរិក និងអង្គការណាតូ”។

លោកស្រី Zakharova បន្តថា “ការរិះគន់ភ្លាមៗពីសំណាក់លោកខាងលិច ជុំវិញរូបភាពនៃជនស៊ីវិលដែលបានស្លាប់នោះ គឺបង្ហាញថា រឿងនេះជាផ្នែកនៃផែនការដើម្បីបង្ខូចកេរ្តិ៍ឈ្មោះរបស់រុស្ស៊ី។ ក្នុងករណីនេះ វាហាក់ដូចជាថា សេចក្តីថ្លែងការណ៍អំពីប្រទេសរុស្ស៊ី ដែលត្រូវបានធ្វើឡើងនៅក្នុងនាទីដំបូងបន្ទាប់ពីការលេចចេញនូវរូបភាពទាំងនេះ បានបញ្ជាក់យ៉ាងច្បាស់ថា គ្មានអ្វីត្រូវសង្ស័យទេថាតើនរណាជាអ្នកបញ្ជាឲ្យធ្វើរឿងនេះ”។

អាជ្ញាធរអ៊ុយក្រែនបាននិយាយកាលពីថ្ងៃអាទិត្យថា ពួកគេកំពុងស៊ើបអង្កេតឧក្រិដ្ឋកម្មសង្គ្រាមដែលអាចប្រព្រឹត្តដោយរុស្ស៊ី បន្ទាប់ពីបានរកឃើញសពរាប់រយនាក់ ដែលខ្លះត្រូវចងដៃ ដេករដូករណែលពាសពេញទីប្រជុំជននានា នៅខាងក្រៅរដ្ឋធានី កៀវ ក្រោយពេលទាហានរុស្ស៊ីបានដកខ្លួនចេញពីតំបន់នោះ។

អាជ្ញាធររុស្ស៊ីនិយាយថា រូបថត និងវីដេអូដែលផ្សាយចេញពីទីក្រុង Bucha គឺជា ការបង្កហេតុ ដែលត្រូវបានបង្កើតឡើងដើម្បីរំខានដល់កិច្ចចរចាសន្តិភាពរវាងទីក្រុងមូស្គូ និងទីក្រុងកៀវ។

យោងតាមក្រសួងការពារជាតិរុស្ស៊ី, រូបភាពទាំងនោះគឺជាការសម្តែងឆាកល្ខោនមួយទៀត ដោយរដ្ឋាភិបាលទីក្រុងកៀវ។

ខ្សែអាត់វីដេអូ និងរូបថតនៃជនស៊ីវិលដែលបានស្លាប់នៅពាសពេញទីក្រុង បានជំរុញឲ្យប្រទេសលោកខាងលិចអំពាវនាវដាក់ទោសដល់ អ្នកទទួលខុសត្រូវចំពោះឧក្រិដ្ឋកម្មសង្គ្រាមនៅក្នុងប្រទេសអ៊ុយក្រែន។

ផ្ទុយទៅវិញ ប្រទេសរុស្ស៊ី បានស្នើឲ្យក្រុមប្រឹក្សាសន្តិសុខអង្គការសហប្រជាជាតិ កោះប្រជុំនៅថ្ងៃចន្ទទី០៤ខែមេសា ដើម្បីពិភាក្សាអំពីអ្វីដែលខ្លួនហៅថា “ការបង្កហេតុដោយពួករ៉ាឌីកាល់អ៊ុយក្រែន” នៅក្នុងទីក្រុង Bucha៕

ប្រែសម្រួល៖ Vann Vann

ប្រភព៖ CNA

ចុចអាន៖ ប្រមុខ UN តក់ស្លុត ចំពោះរូបភាពជនស៊ីវិល ស្លាប់ក្នុងទីក្រុង Bucha

The post ក្រុងមូស្គូ ចោទថា អាមេរិក និងណាតូ បញ្ជាឲ្យប្រឌិតរឿងនៅ Bucha ដើម្បីដាក់កំហុស រុស្ស៊ី appeared first on Kampuchea Thmey Daily.

សរសេរនៅលើ Twitter, លោក Antonio Guterres បានអំពាវនាវឲ្យមានការស៊ើបអង្កេតឯករាជ្យ នាំទៅរកការទទួលខុសត្រូវប្រកបដោយប្រសិទ្ធភាព។

យោងតាមសាក្សី និងក្រុមមន្ត្រី, ទាហានរុស្ស៊ីបានសម្លាប់ជនស៊ីវិលជិត ៣០០នាក់ ខណៈពួកគេដកខ្លួនចេញពីតំបន់ក្បែរទីក្រុង កៀវ។

លោក Guterres និយាយថា “ខ្ញុំមានការតក់ស្លុតយ៉ាងខ្លាំងចំពោះរូបភាពនៃជនស៊ីវិល ដែលត្រូវបានសម្លាប់នៅក្នុងទីក្រុង Bucha ប្រទេសអ៊ុយក្រែន”។ លោកក៏បានបញ្ចេញកំហឹង ដូចបណ្តាមន្ត្រីលោកខាងលិចផងដែរ។ លោក​បាន​បន្ថែម​ថា​ “​វា​ជា​ការ​ចាំបាច់​បំផុត ដែល​ការ​ស៊ើបអង្កេត​ឯករាជ្យមួយ ​នាំឲ្យ​មាន​គណនេយ្យភាព​ប្រកបដោយ​ប្រសិទ្ធភាព”​។

យ៉ាងណាក្តី ក្រសួងការពារជាតិរុស្ស៊ីបានបដិសេធថា កងកម្លាំងរបស់លោក វ្ល៉ាឌីមៀរ ពូទីន មិនបានសម្លាប់ជនស៊ីវិលនៅទីក្រុង Bucha ទេ ដោយអះអាងថា វីដេអូ និងរូបថតសាកសព គឺជាការបង្កហេតុមួយទៀត ដោយរដ្ឋាភិបាលអ៊ុយក្រែន៕

ប្រែសម្រួល៖ Vann Vann

ប្រភព៖ SKY

ចុចអាន៖ ប្រមុខ ណាតូ ព្រមានថា ការវាយប្រហារនៅអ៊ុយក្រែននឹងបន្ត រុស្ស៊ីមិនមែនដកទ័ព ពិតប្រាកដទេ

The post ប្រមុខ UN តក់ស្លុត ចំពោះរូបភាពជនស៊ីវិល ស្លាប់ក្នុងទីក្រុង Bucha appeared first on Kampuchea Thmey Daily.

អ្នកស្លាប់ទាំងអស់ ដែលស្លៀកសម្លៀកបំពាក់ស៊ីវិល ត្រូវបានគេឃើញក្នុងសភាពខុសៗគ្នា ដោយខ្លះបែរមុខទៅចិញ្ចើមថ្នល់ ខ្លះទៀតបែរមុខទៅខាងលើ ហើយចំហមាត់។

យោងតាមអ្នកកាសែត AFP ដែលចូលទៅទីក្រុង បន្ទាប់ពីវាត្រូវបានកាត់ផ្តាច់អស់រយៈពេលជិតមួយសប្តាហ៍ បានឲ្យដឹងថា “ក្នុងចំណោមនោះ សពបុរសបីនាក់ បានជាប់ជាមួយកង់ ខណៈអ្នកផ្សេងទៀតមានស្បែកដូចក្រមួន ដេកស្លាប់នៅក្បែររថយន្តដែលបាញ់សុសដោយគ្រាប់កាំភ្លើង”។

សពបុរសម្នាក់ទៀត អាចត្រូវបានគេឃើញដោយដៃរបស់គាត់ ចងក្រណាត់ ស នៅពីក្រោយខ្នង។

អភិបាលក្រុង Bucha លោក Anatoliy Fedoruk បាននិយាយថា ជនស៊ីវិលដែលស្លាប់ គឺរងគ្រោះដោយអំពើអមនុស្សធម៌ ពីសំណាក់កងកម្លាំងរុស្ស៊ី។

លោក Fedoruk បានប្រាប់រ៉យទ័រកាលពីថ្ងៃសៅរ៍ទី០២ខែមេសាថា “សាកសពមនុស្សដែលត្រូវបានគេប្រហារជីវិត នៅតែរាយប៉ាយពេញផ្លូវ Yabluska ក្នុងទីក្រុង Bucha។ ដៃរបស់ពួកគេត្រូវបានចងនៅពីក្រោយខ្នង ជាមួយនឹងក្រណាត់ពណ៌ស។ ពួកគេត្រូវបានបាញ់ចំក្បាលខាងក្រោយ។ ដូច្នេះអ្នកអាចស្រមៃទៅមើលថាតើ ពួកគេបានប្រព្រឹត្តអំពើខុសច្បាប់ប្រភេទណានៅទីនេះ”។

យ៉ាងណាក្តី ទូរទស្សន៍ CNN មិនអាចបញ្ជាក់អំពីព័ត៌មានលម្អិត ជុំវិញការស្លាប់របស់បុរសទាំងនោះបានទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNN

ចុចអាន៖ ប្រមុខ ណាតូ ព្រមានថា ការវាយប្រហារនៅអ៊ុយក្រែននឹងបន្ត រុស្ស៊ីមិនមែនដកទ័ព ពិតប្រាកដទេ

The post ជន​ស៊ីវិលអ៊ុយក្រែន ​ស្លាប់រដូករណែល ពេញដងផ្លូវក្រោយរុស្ស៊ី ដកទ័ព ឃើញហើយរន្ធត់! (មានវីដេអូ) appeared first on Kampuchea Thmey Daily.