Connect with us

ព័ត៌មានអន្ដរជាតិ

រុស្ស៊ី អះអាងមានភស្តុងតាងជាក់ស្តែង បញ្ជាក់ថា ខ្លួនមិនបានសម្លាប់ជនស៊ីវិលនៅទីក្រុង Bucha

បានផុស

នៅ

លោក Vasily Nebenzya បេសកជនរុស្ស៊ីប្រចាំអង្គការសហប្រជាជាតិ បាននិយាយថា រុស្ស៊ីនឹងបង្ហាញ “ភស្តុតាងជាក់ស្តែង” ដល់ក្រុមប្រឹក្សាសន្តិសុខអង្គការសហប្រជាជាតិថា កងកម្លាំងរបស់ខ្លួន មិនបានសម្លាប់ជនស៊ីវិលនៅអ៊ុយក្រែន ហើយមិនពាក់ព័ន្ធនឹងព្រឹត្តិការណ៍នៅក្នុងទីក្រុង Bucha នោះទេ។

This image has an empty alt attribute; its file name is russun.jpg
លោក Vasily Nebenzya បេសកជនរុស្ស៊ីប្រចាំអង្គការសហប្រជាជាតិ

លោក Nebenzya បាននិយាយនៅក្នុងសន្និសីទសារព័ត៌មានមួយថា “យើងមានភស្តុតាងជាក់ស្តែងដើម្បីគាំទ្ររឿងនេះ។ យើងមានបំណងបញ្ជូនភស្តុតាង ទៅក្រុមប្រឹក្សាសន្តិសុខឲ្យបានឆាប់តាមដែលអាចធ្វើទៅបាន ដើម្បីកុំឲ្យសហគមន៍អន្តរជាតិមានការភាន់ច្រឡំ ដោយសារតែផែនការមិនពិតរបស់ទីក្រុង កៀវ និងអ្នកឧបត្ថម្ភលោកខាងលិចរបស់ខ្លួន”។

លោកអះអាងថា មិនមានជនស៊ីវិលណាម្នាក់ត្រូវបានធ្វើបាប ក្នុងអំឡុងពេលមួយខែដែលរុស្ស៊ីកាន់កាប់ទីក្រុង Bucha ទេ ហើយបានចោទប្រកាន់អ៊ុយក្រែនថាបានប្រឌិតភស្តុតាងនេះឡើង។

This image has an empty alt attribute; its file name is ukraine-bucha-mass-grave-1239721039-1024x538.jpg

ស្របពេលជាមួយគ្នានោះ លោកក៏បានចោទប្រកាន់ចក្រភពអង់គ្លេស ពីការរំលោភបំពានតួនាទីរបស់ខ្លួនក្នុងនាមជាប្រធានក្រុមប្រឹក្សាសន្តិសុខអង្គការសហប្រជាជាតិផងដែរ ដោយនិយាយថា អង់គ្លេសបានបដិសេធ អនុញ្ញាតឲ្យរុស្ស៊ីលើកឡើងអំពីឧប្បត្តិហេតុនៅទីក្រុង Bucha៕

ប្រែសម្រួល៖ Vann Vann

ប្រភព៖ BBC, Al Jazeera

ចុចអាន៖ កងទ័ពរុស្ស៊ី ដកចេញអស់គ្មានសល់ ពីតំបន់មួយនៅភាគខាងជើង អ៊ុយក្រែន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម