ចូ បៃដិន ហៅ ពូទីន ថា “ឧក្រិដ្ឋជនសង្គ្រាម” និងអំពាវនាវឲ្យកាត់ទោសមេដឹកនាំ រុស្ស៊ី រូបនេះ (មានវីដេអូ)

កាលពីថ្ងៃចន្ទទី០៤ខែមេសា ប្រធានាធិបតីអាមេរិក លោក ចូ បៃដិន បានហៅលោក វ្លាឌីមៀរ ពូទីន ម្តងទៀតថា ជាឧក្រិដ្ឋជនសង្គ្រាម ហើយអំពាវនាវឲ្យមេដឹកនាំរុស្ស៊ីរូបនេះ ត្រូវទទួលការកាត់ទោសជុំវិញការសម្លាប់នៅទីក្រុង Bucha។

សាកសពជនស៊ីវិល ត្រូវបានគេប្រទះឃើញរដូករណែលនៅតាមផ្លូវនៅទីនោះ។ អ្នកយកព័ត៌មានរបស់ BBC នៅក្នុងទីក្រុង បានទៅបន្ទប់ក្រោមដីនៃផ្ទះមួយកន្លែង ជាទីដែលសាកសពមនុស្ស៥នាក់ត្រូវបានរកឃើញ។

លោក បៃដិន និយាយថា រូបភាពដែលយើងឃើញក្នុងទីក្រុង Bucha អាចបញ្ជាក់បានថា លោក ពូទីន គឺជា “ឧក្រិដ្ឋជនសង្រ្គាម” ប៉ុន្តែយើងត្រូវតែប្រមូលព័ត៌មាន។ យើងត្រូវបន្តផ្តល់អាវុធដល់អ៊ុយក្រែនដែលពួកគេត្រូវការ  ដើម្បីបន្តការប្រយុទ្ធ ហើយយើងត្រូវតែទទួលបាន ព័ត៌មានលម្អិតទាំងអស់ ដូច្នេះនេះអាចជាការពិតមួយ មានការកាត់ទោសឧក្រិដ្ឋកម្មសង្គ្រាម។

លោក បៃដិន បន្ត​ថា លោក​ក៏​កំពុង​ស្វែង​រក​ការ​ដាក់​ទណ្ឌកម្ម​បន្ថែម​ទៀត ​ប្រឆាំង​នឹង​រុស្ស៊ី​ផងដែរជុំវិញ​អំពើ​ឃោរឃៅ​នេះ ថ្វីបើទី​ក្រុង​មូស្គូ​បដិសេធថា ​ទាហាន​របស់​ខ្លួនមិនបានប្រព្រឹត្តក៏ដោយ។

គួរបញ្ជាក់ថា កាលពីខែមុន ប្រធានាធិបតី​អាមេរិក ​បាន​បង្ក​កំហឹង​ក្នុងទីក្រុង​មូ​ស្គូ នៅពេល​ដែល​លោក​បាន​ចោទប្រកាន់​លោក ពូ​ទីន ពី​បទឧក្រិដ្ឋកម្ម​សង្គ្រាម​៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ អង់គ្លេសអះអាងថា រុស្ស៊ី កំពុងបញ្ជូនទាហានស៊ីឈ្នួលចូលទៅក្នុងតំបន់ Donbas