Connect with us

ព័ត៌មានអន្ដរជាតិ

ក្រុងមូស្គូ ចោទថា អាមេរិក និងណាតូ បញ្ជាឲ្យប្រឌិតរឿងនៅ Bucha ដើម្បីដាក់កំហុស រុស្ស៊ី

បានផុស

នៅ

ក្រសួងការបរទេសរុស្ស៊ីបាននិយាយថា ខ្សែអាត់វីដេអូនិងរូបភាពនៃជនស៊ីវិលដែលបានស្លាប់នៅក្នុងទីក្រុង Bucha របស់ប្រទេសអ៊ុយក្រែន គឺត្រូវបានបញ្ជាឲ្យប្រឌិតឡើង ដោយសហរដ្ឋអាមេរិក ដែលជាផ្នែកមួយ នៃផែនការស្តីបន្ទោសលើរុស្ស៊ី។

This image has an empty alt attribute; its file name is dd9aedb8-5727-4cc0-b682-7fa843_1200x768.webp

អ្នកនាំពាក្យក្រសួងលោកស្រី Maria Zakharova បាននិយាយនៅក្នុងបទសម្ភាសន៍មួយតាមកញ្ចក់ទូរទស្សន៍រដ្ឋកាលពីយប់ថ្ងៃអាទិត្យទី០៣ខែមេសាថា “តើនរណាជាមេខ្លោង នៃការបង្កហេតុនេះ? ជាការពិតណាស់គឺសហរដ្ឋអាមេរិក និងអង្គការណាតូ”។

លោកស្រី Zakharova បន្តថា “ការរិះគន់ភ្លាមៗពីសំណាក់លោកខាងលិច ជុំវិញរូបភាពនៃជនស៊ីវិលដែលបានស្លាប់នោះ គឺបង្ហាញថា រឿងនេះជាផ្នែកនៃផែនការដើម្បីបង្ខូចកេរ្តិ៍ឈ្មោះរបស់រុស្ស៊ី។ ក្នុងករណីនេះ វាហាក់ដូចជាថា សេចក្តីថ្លែងការណ៍អំពីប្រទេសរុស្ស៊ី ដែលត្រូវបានធ្វើឡើងនៅក្នុងនាទីដំបូងបន្ទាប់ពីការលេចចេញនូវរូបភាពទាំងនេះ បានបញ្ជាក់យ៉ាងច្បាស់ថា គ្មានអ្វីត្រូវសង្ស័យទេថាតើនរណាជាអ្នកបញ្ជាឲ្យធ្វើរឿងនេះ”។

In relations with Iran Russia relies on Tehran's official statements, says  Zakharova - Russian Politics & Diplomacy - TASS
អ្នកនាំពាក្យក្រសួងលោកស្រី Maria Zakharova

អាជ្ញាធរអ៊ុយក្រែនបាននិយាយកាលពីថ្ងៃអាទិត្យថា ពួកគេកំពុងស៊ើបអង្កេតឧក្រិដ្ឋកម្មសង្គ្រាមដែលអាចប្រព្រឹត្តដោយរុស្ស៊ី បន្ទាប់ពីបានរកឃើញសពរាប់រយនាក់ ដែលខ្លះត្រូវចងដៃ ដេករដូករណែលពាសពេញទីប្រជុំជននានា នៅខាងក្រៅរដ្ឋធានី កៀវ ក្រោយពេលទាហានរុស្ស៊ីបានដកខ្លួនចេញពីតំបន់នោះ។

អាជ្ញាធររុស្ស៊ីនិយាយថា រូបថត និងវីដេអូដែលផ្សាយចេញពីទីក្រុង Bucha គឺជា ការបង្កហេតុ ដែលត្រូវបានបង្កើតឡើងដើម្បីរំខានដល់កិច្ចចរចាសន្តិភាពរវាងទីក្រុងមូស្គូ និងទីក្រុងកៀវ។

យោងតាមក្រសួងការពារជាតិរុស្ស៊ី, រូបភាពទាំងនោះគឺជាការសម្តែងឆាកល្ខោនមួយទៀត ដោយរដ្ឋាភិបាលទីក្រុងកៀវ។

This image has an empty alt attribute; its file name is VV4LQ6TYGBJUNGS3Z3PJKAVJCE.jpg

ខ្សែអាត់វីដេអូ និងរូបថតនៃជនស៊ីវិលដែលបានស្លាប់នៅពាសពេញទីក្រុង បានជំរុញឲ្យប្រទេសលោកខាងលិចអំពាវនាវដាក់ទោសដល់ អ្នកទទួលខុសត្រូវចំពោះឧក្រិដ្ឋកម្មសង្គ្រាមនៅក្នុងប្រទេសអ៊ុយក្រែន។

ផ្ទុយទៅវិញ ប្រទេសរុស្ស៊ី បានស្នើឲ្យក្រុមប្រឹក្សាសន្តិសុខអង្គការសហប្រជាជាតិ កោះប្រជុំនៅថ្ងៃចន្ទទី០៤ខែមេសា ដើម្បីពិភាក្សាអំពីអ្វីដែលខ្លួនហៅថា “ការបង្កហេតុដោយពួករ៉ាឌីកាល់អ៊ុយក្រែន” នៅក្នុងទីក្រុង Bucha៕

ប្រែសម្រួល៖ Vann Vann

ប្រភព៖ CNA

ចុចអាន៖ ប្រមុខ UN តក់ស្លុត ចំពោះរូបភាពជនស៊ីវិល ស្លាប់ក្នុងទីក្រុង Bucha

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម