ដូច្នេះតើលោក ត្រាំ និយាយអ្វីខ្លះចំពោះលោក Newsom?

Trump ហៅ Newsom ថា «អសមត្ថភាព»

នៅក្នុងការបង្ហោះលើបណ្តាញសង្គម Truth Social, លោក Trump និយាយថា ទីក្រុង LA នឹងត្រូវបានបំផ្លាញខ្ទេចប្រសិនបើគ្មានគាត់។ អភិបាលរដ្ឋអសមត្ថភាព Gavin Newscum និង អភិបាលក្រុង LA លោកស្រី Karen Bass គួរតែអរគុណលោកប្រធានាធិបតី Trump ទើបត្រូវ។

លោក Newsom វាយបកវិញ បន្ទាប់ពី Trump អំពាវនាវឲ្យមានការចាប់ខ្លួនគាត់

លោក Trump ប្រាប់អ្នកយកព័ត៌មានថា លោកគិតថា វានឹងជារឿងល្អ ប្រសិនបើ Newsom ត្រូវបានចាប់ខ្លួន។ ជាការឆ្លើយតប លោក Newsom បង្ហោះសារលើប្រព័ន្ធផ្សព្វផ្សាយសង្គមដោយហៅរឿងនេះថាជា «ជំហានដែលមិនអាចបំភ្លេចបាន ឆ្ពោះទៅរកលទ្ធិផ្តាច់ការ»។

ក្រោយមកលោក Trump ចោទលោក Newsom ថា ជាអ្នកបំផុសបំផុលឲ្យមានកុបកម្ម និងបង្កភាពអាម៉ាសដល់ឆ្មាំជាតិ។

លោក Newsom និយាយថា Trump កំពុងធ្វើដូចជាជនផ្តាច់ការ

នៅក្នុងការបង្ហោះលើបណ្តាញសង្គម X លោក Newsom និយាយថា បទបញ្ជាលោក Trump ក្នុងការដាក់ពង្រាយទាហានម៉ារីននៅ LA គឺជា «ការស្រមើស្រមៃដ៏វង្វេងវង្វាន់»។ Trump គឺជា ប្រធានាធិបតីផ្តាច់ការ។ នេះមិនមែនជាជនជាតិអាមេរិកទេ៕

អត្ថបទ៖ សុខ សុវណ្ណ

ចុចអាន៖ បាតុកម្មប្រឆាំងច្បាប់អន្តោប្រវេសន៍នៅអាមេរិក រីកកាន់តែធំដល់ ១១ទីក្រុង

The post ផ្ទុះសង្គ្រាមពាក្យសម្តីរវាង Trump និងអភិបាលរដ្ឋកាលីហ្វ័រញ៉ា ជុំវិញកុបកម្មនៅ LA appeared first on Kampuchea Thmey Daily.

តាមសេចក្តីរាយការណ៍របស់ BBC នៅថ្ងៃពុធទី១១ខែមិថុនាឆ្នាំ២០២៦, អភិបាលក្រុង LA លោកស្រី Karen Bass បានដាក់បម្រាមគោចរ ដែលចូលជាធរមានចាប់ពីម៉ោង៨យប់ដល់ម៉ោង៦ព្រឹក ហើយបម្រាមនេះនឹងអនុវត្តច្រើនថ្ងៃ មិនដឹងថានឹងដកវិញនៅថ្ងៃណានោះទេ។

កាលពីថ្ងៃរាត្រីថ្ងៃអង្គារ ប៉ូលិស LA បានចាប់ខ្លួនទ្រង់ទ្រាយធំចំពោះអ្នកទាំងឡាយណាដែលមិនព្រមបំបែកគ្នា នៅតាមទីតាំងហាមជួបជុំ ខណៈគិតក្នុងរយៈពេល៤ថ្ងៃមកនេះ ប៉ូលិស LA ឃាត់បានមនុស្សរហូតដល់ទៅ ៣៧៨នាក់ឯណោះ។

បាតុកម្ម បានរាលដាលដល់ទីក្រុងច្រើនឡើងៗ ចាប់ពី New York ដល់ Atlanta ហើយនៅ ​Texas ឯណោះ អភិបាលរដ្ឋនេះ ក៏ដាក់ពង្រាយឆ្មាំជាតិរួចហើយ ដើម្បីទប់ទល់នឹងការតវ៉ាដែលគេគ្រោងទុក។

សូមជម្រាបជាថ្មី បាតុកម្មនៅ LA ផ្តើមចេញពីការតវ៉ាកាលពីចុងសប្តាហ៍ បន្ទាប់ពីមន្ត្រីអន្តោប្រវេសន៍មកពី ICE បើកប្រតិបត្តិការឃោរឃៅជាបន្តបន្ទាប់ វាយឆ្មក់ចាប់ខ្លួនជនអន្តោប្រវេសន៍សូម្បីតែពេលពួកគេកំពុងធ្វើការនៅក្នុងការិយាល័យ។ កុបកម្មនេះ ធ្វើឲ្យទីក្រុង Los Angeles ធ្លាក់ចូលក្នុងភាពចលាចលនិងវឹកវរ ឈានដល់ការដុតបំផ្លាញយានយន្តនិងសំណង់នានា ថែមទៀតផង។

យោងតាមរបាយការណ៍ចុងក្រោយ ឆ្មាំជាតិរដ្ឋកាលីហ្វ័រញ៉ាប្រហែល ២ ១០០នាក់ រួមជាមួយទាហានម៉ារីន៧០០នាក់ កំពុងឈរជើងនៅក្នុងទីក្រុង Los Angeles រួចទៅហើយ ដ្បិតព័ត៌មាននេះមិនទាន់មានការបញ្ជាក់ច្បាស់ក៏ដោយ។

ជុំវិញការដាក់ពង្រាយនេះ ចៅហ្វាយក្រុង LA លោកស្រី Bass បានពន្លះចំៗទៅប្រធានាធិបតីអាមេរិក ដូណាល់ ត្រាំ ដោយចោទ រដ្ឋបាលទីក្រុងវ៉ាស៊ីនតោនថា កំពុងដណ្តើមអំណាចពីអាជ្ញាធរមូលដ្ឋាន។ យ៉ាងណា លោកត្រាំបានចេញមុខនិយាយការពារសេចក្តីសម្រេចរបស់ខ្លួន ដោយអះអាងថា លោកនឹងប្រើគ្រប់មធ្យោបាយដើម្បីកម្ចាត់អំពើហិង្សា និងស្តារសណ្តាប់ធ្នាប់ឡើងវិញភ្លាមៗ៕

អត្ថបទ៖ សុខ សុវណ្ណ

ចុចអាន៖ ស្ថានភាពនៅ LA រឹតតែធ្ងន់ ឈានដល់ផ្ទុះអំពើហិង្សាខ្លាំងឡើងៗ រវាងកុបករនិងប៉ូលិស

The post LA បើកប្រតិបត្តិការចាប់ខ្លួនមនុស្សទ្រង់ទ្រាយធំ ក្រោយដាក់បម្រាមគោចរ appeared first on Kampuchea Thmey Daily.

សេចក្តីរាយការណ៍របស់ BBC នៅថ្ងៃពុធទី១១ខែមិថុនាឆ្នាំ២០២៥ បានឲ្យដឹងថា ប៉ូលិសបានបង្កើនការបង្ក្រាបលើកុបករដោយប្រើឧស្ម័នបង្ហូរទឹកភ្នែកនិងបាញ់គ្រាប់កាំភ្លើងជ័រ ដើម្បីតទល់គ្នា បណ្តាលឲ្យមានអ្នករបួសជាច្រើន និងឈានដល់ការចាប់ខ្លួនមនុស្សរាប់រយនាក់ទៀតផង។

យោងតាមរបាយការណ៍ចុងក្រោយ ឆ្មាំជាតិរដ្ឋកាលីហ្វ័រញ៉ាប្រហែល ២ ១០០នាក់ រួមជាមួយទាហានម៉ារីន៧០០នាក់ ពេលនេះកំពុងឈរជើងនៅក្នុងទីក្រុង Los Angeles រួចទៅហើយ។

ជុំវិញការដាក់ពង្រាយនេះ ចៅហ្វាយក្រុង LA លោកស្រី Karen Bass បានពន្លះចំៗទៅប្រធានាធិបតីអាមេរិក ដូណាល់ ត្រាំ ដោយចោទ រដ្ឋបាលទីក្រុងវ៉ាស៊ីនតោនថា កំពុងដណ្តើមអំណាចពីអាជ្ញាធរមូលដ្ឋាន។

លោកស្រីនិយាយក្នុងសន្និសីទកាសែតកាលពីថ្ងៃចន្ទទី៩ខែមិថុនាថា «រដ្ឋបាល ត្រាំ កំពុងធ្វើតេស្តថាតើខ្លួនអាចឆក់យកអំណាចពីរដ្ឋកាលីហ្វ័រញ៉ា បានខ្លាំងកម្រិតណា? ពេលរដ្ឋបាលត្រាំ ចាប់ផ្តើមការបង្ក្រាបលើជនអន្តោប្រវេសន៍ ពួកគេអះអាងថាកំណត់គោលដៅតែលើឧក្រិដ្ឋជនប៉ុណ្ណោះ ប៉ុន្តែមិនអ៊ីចឹងទេ។ ជនអន្តោប្រវេសន៍ដែលពួកគេចាប់បាន មិនមែនជាមនុស្សដូចពួកគេនិយាយឡើយ។ ឥឡូវពលរដ្ឋ កំពុងរស់នៅក្នុងភាពភ័យខ្លាច ទាំងមិនដឹងថាតើមន្ត្រីអន្តោប្រវេសន៍និងគយ នឹងបើកការវាយឆ្មក់នៅកន្លែងណាឬពេលណាបន្ទាប់ទៀត។ ខ្ញុំមានអារម្មណ៍ថា ដូចជាទីក្រុងនេះកំពុងត្រូវបានគេសាកល្បងហើយ គឺសាកល្បងថាតើរដ្ឋាភិបាលសហព័ន្ធនឹងមានប្រតិកម្មបែបណា នៅពេលខ្លួនដណ្តើមការគ្រប់គ្រងពីរដ្ឋឬរដ្ឋាភិបាលក្នុងតំបន់»។ 

ទោះបីជាយ៉ាងណាក៏ដោយ លោកត្រាំបានចេញមុខនិយាយការពារសេចក្តីសម្រេចរបស់ខ្លួន ដោយអះអាងថា លោកនឹងប្រើគ្រប់មធ្យោបាយដើម្បីកម្ចាត់អំពើហិង្សា និងស្តារសណ្តាប់ធ្នាប់ឡើងវិញភ្លាមៗ។

ដោយសំដៅទៅអភិបាលរដ្ឋកាលីហ្វ័រញ៉ា Gavin Newsom, លោកត្រាំនិយាយថា លោកនឹងមិនរង់ចាំអភិបាល ដែលមិនដែលទៅមើលទីក្រុងកំពុងឆេះនោះទេ។ ប្រសិនបើមិនធ្វើបែបនេះ LA នឹងឆេះខ្ទេចក្លាយជាផេះ ដូចកាលភ្លើងឆេះព្រៃក្នុងខែមករា។

សូមជម្រាបជាថ្មី កុបកម្មនៅ LA ផ្តើមចេញពីការតវ៉ាកាលពីចុងសប្តាហ៍ បន្ទាប់ពីមន្ត្រីអន្តោប្រវេសន៍ បើកប្រតិបត្តិការឃោរឃៅជាបន្តបន្ទាប់ វាយឆ្មក់ចាប់ខ្លួនជនអន្តោប្រវេសន៍នៅទីនោះ។ កុបកម្មនេះ ធ្វើឲ្យទីក្រុង Los Angeles ធ្លាក់ចូលក្នុងភាពចលាចលនិងវឹកវរ ឈានដល់ការដុតបំផ្លាញយានយន្តនិងសំណង់នានា ថែមទៀតផង៕

អត្ថបទ៖ សុខ សុវណ្ណ

ចុចអាន៖ ចៅហ្វាយក្រុង LA ​បន្ទោស​ចំៗ​ថា ​ត្រាំ ​កំពុង​ឆក់អំណាច​ពីអាជ្ញាធរមូលដ្ឋាន 

The post ស្ថានភាពនៅ LA រឹតតែធ្ងន់ ឈានដល់ផ្ទុះអំពើហិង្សាខ្លាំងឡើងៗ រវាងកុបករនិងប៉ូលិស appeared first on Kampuchea Thmey Daily.

មុននេះ មន្ទីរបញ្ចកោណបានប្រកាសពីការបញ្ជូនទាហានម៉ារីន ៧០០នាក់ទៅ Los Angeles ដើម្បីបង្ក្រាបកុបកម្ម បន្ថែមពីលើកងឆ្មាំជាតិ២ ០០០នាក់ដែលលោក ត្រាំ បញ្ជូនទៅទីនោះកាលពីចុងសប្តាហ៍។

ជុំវិញរឿងនេះ នៅក្នុងសន្និសីទកាសែតកាលពីថ្ងៃចន្ទទី៩ខែមិថុនា លោកស្រី Bass បានបន្ទោសថា រដ្ឋបាល ត្រាំ កំពុងធ្វើតេស្តថាតើខ្លួនអាចឆក់យកអំណាចពីរដ្ឋកាលីហ្វ័រញ៉ា បានខ្លាំងកម្រិតណា?

លោកស្រីនិយាយថា «ពេលរដ្ឋបាលត្រាំ ចាប់ផ្តើមការបង្ក្រាបលើជនអន្តោប្រវេសន៍ ពួកគេអះអាងថាកំណត់គោលដៅតែលើឧក្រិដ្ឋជនប៉ុណ្ណោះ ប៉ុន្តែមិនអ៊ីចឹងទេ។ ជនអន្តោប្រវេសន៍ដែលពួកគេចាប់បាន មិនមែនជាមនុស្សដូចពួកគេនិយាយឡើយ។ ឥឡូវពលរដ្ឋ កំពុងរស់នៅក្នុងភាពភ័យខ្លាច ទាំងមិនដឹងថាតើមន្ត្រីអន្តោប្រវេសន៍និងគយ នឹងបើកការវាយឆ្មក់នៅកន្លែងណាឬពេលណាបន្ទាប់ទៀត។ ខ្ញុំមានអារម្មណ៍ថា ដូចជាទីក្រុងនេះកំពុងត្រូវបានគេសាកល្បងហើយ គឺសាកល្បងថាតើរដ្ឋាភិបាលសហព័ន្ធនឹងមានប្រតិកម្មបែបណា នៅពេលខ្លួនដណ្តើមការគ្រប់គ្រងពីរដ្ឋឬរដ្ឋាភិបាលក្នុងតំបន់»។ 

សូមជម្រាបជាថ្មី កុបកម្មនៅ LA ផ្តើមចេញពីការតវ៉ាកាលពីចុងសប្តាហ៍ បន្ទាប់ពីមន្ត្រីអន្តោប្រវេសន៍ បើកប្រតិបត្តិការឃោរឃៅជាបន្តបន្ទាប់ វាយឆ្មក់ចាប់ខ្លួនជនអន្តោប្រវេសន៍នៅទីនោះ។ 

ព្រោះតែកុបកម្មនេះ ធ្វើឲ្យទីក្រុង Los Angeles ធ្លាក់ចូលក្នុងភាពចលាចល និងវឹកវរ ឈានដល់ការដុតបំផ្លាញយានយន្តនិងសំណង់នានា ថែមទៀតផង។

មានការបាញ់គ្រាប់កាំភ្លើងជ័រនិងឧស្ម័នបង្ហូរទឹកភ្នែកលើកុបករដែលតវ៉ាប្រឆាំងច្បាប់អន្តោប្រវេសន៍របស់រដ្ឋបាលលោក ត្រាំ ខណៈមកទល់ពេលនេះ ប៉ូលិសបានចាប់ខ្លួនមនុស្សរាប់រយនាក់ហើយ៕

អត្ថបទ៖ សុខ សុវណ្ណ

ចុចអាន៖ មន្ទីរបញ្ចកោណ បញ្ជូនទាហានម៉ារីន ៧០០នាក់ទៀតទៅ LA ខណៈអំពើហិង្សាកាន់តែធ្ងន់ធ្ងរ

The post ចៅហ្វាយក្រុង LA ​បន្ទោស​ចំៗ​ថា ​ត្រាំ ​កំពុង​ឆក់អំណាច​ពីអាជ្ញាធរមូលដ្ឋាន  appeared first on Kampuchea Thmey Daily.

តាមការចុះផ្សាយរបស់ BBC, រដ្ឋមន្ត្រីការពារជាតិអាមេរិក Pete Hegseth បានបញ្ជាកពីការដាក់ពង្រាយទាហានម៉ារីននេះ នៅលើបណ្តាញសង្គម X កាលពីថ្ងៃចន្ទទី៩ខែមិថុនាឆ្នាំ២០២៥ ស្របពេលមានការគំរាមកំហែងរឹតតែធ្ងន់ធ្ងរលើអគារនិងមន្ត្រីសហព័ន្ធ។

ជុំវិញការដាក់ពង្រាយថ្មីនេះ បានទាក់ទាញការរិះគន់ខ្លាំងៗពីអភិបាលរដ្ឋកាលីហ្វ័រញ៉ា Gavin Newsom ដែលនិយាយថា សកម្មភាពរបស់លោក ត្រាំ លើទាហានម៉ារីន៧០០នាក់ នៅក្នុងតំបន់ Los Angeles គឺជា «ការស្រមៃឆ្កួតៗ»។ លោកសរសេរលើបណ្តាញសង្គម X ថា «ទាហានម៉ារីនគឺជាវីរបុរស ដែលមិនគួរដាក់ពង្រាយនៅលើទឹកដីអាមេរិកទៅប្រឈមមុខនឹងជនរួមជាតិរបស់ពួកគេ ដើម្បីតែបំពេញតាមការការស្រមៃដ៏ឆ្កួតៗរបស់ប្រធានាធិបតីផ្តាច់ការនោះទេ»។

កាលពីថ្ងៃអាទិត្យ លោកត្រាំបានបញ្ជាឲ្យ​ដាក់ពង្រាយកងឆ្មាំជាតិចំនួន ២ ០០០នាក់រួចទៅហើយ ទៅកាន់ទីក្រុង Los Angeles ដោយសារអំពើហិង្សាចេះតែរីកធំទៅៗ។

មានការបាញ់គ្រាប់កាំភ្លើងជ័រនិងឧស្ម័នបង្ហូរទឹកភ្នែកលើកុបករដែលតវ៉ាប្រឆាំងច្បាប់អន្តោប្រវេសន៍របស់រដ្ឋបាលលោក ត្រាំ ខណៈមកទល់ពេលនេះ ប៉ូលិសបានចាប់ខ្លួនមនុស្សរាប់រយនាក់ហើយ។

ជាវិធានការចាំបាច់ លោកត្រាំ បានប្រើវិធានការក្តៅដើម្បីបង្ក្រាបកុបកម្ម និងថែមទាំងចេញបញ្ជាឲ្យចាប់ខ្លួនរាល់អ្នកទាំងឡាយណា ដែលពាក់ស្រោមមុខទៀតផង។

សូមជម្រាបជាថ្មី កុបកម្មនេះផ្តើមចេញពីការតវ៉ាកាលពីចុងសប្តាហ៍ បន្ទាប់ពីមន្ត្រីអន្តោប្រវេសន៍ បើកប្រតិបត្តិការឃោរឃៅជាបន្តបន្ទាប់ វាយឆ្មក់ចាប់ខ្លួនជនអន្តោប្រវេសន៍នៅក្នុងទីក្រុង Los Angeles។ ព្រោះតែកុបកម្មនេះ ធ្វើឲ្យ Los Angeles ធ្លាក់ចូលក្នុងភាពចលាចល និងវឹកវរ ឈានដល់ការដុតបំផ្លាញយានយន្តនិងសំណង់នានា ថែមទៀតផង៕

អត្ថបទ៖ សុខ សុវណ្ណ

ចុចអាន៖ កុបកម្មនៅ LA៖ ត្រាំ ចេញបញ្ជាចាប់ខ្លួននរណាក៏ដោយ ឲ្យតែពាក់ស្រោមមុខ

The post មន្ទីរបញ្ចកោណ បញ្ជូនទាហានម៉ារីន ៧០០នាក់ទៀតទៅ LA ខណៈអំពើហិង្សាកាន់តែធ្ងន់ធ្ងរ appeared first on Kampuchea Thmey Daily.

កុបកម្មនេះផ្តើមចេញពីការតវ៉ាកាលពីចុងសប្តាហ៍ បន្ទាប់ពីមន្ត្រីអន្តោប្រវេសន៍ បើកប្រតិបត្តិការជាបន្តបន្ទាប់ វាយឆ្មក់ចាប់ខ្លួនជនអន្តោប្រវេសន៍នៅក្នុងទីក្រុងនេះ ខណៈអភិបាលរដ្ឋលោក Gavin Newsom ជំរុញឲ្យលោក ត្រាំ ដកបញ្ជាដាក់ពង្រាយកងទ័ពវិញ ហើយថែមគំរាមប្តឹងរដ្ឋបាលទៀតផង ជុំវិញអ្វីដែលលោកហៅថាជា «ទង្វើខុសច្បាប់»។

យ៉ាងណា លោក ត្រាំ មិនអើពើឡើយ ដោយនៅតែចេញបញ្ជាឲ្យបង្ក្រាបលើកុបកម្មនិងបង្ហោះសារលើបណ្តាញសង្គម Truth Social ថា «ត្រូវចាប់ខ្លួនអ្នកពាក់ស្រោមមុខឥឡូវនេះ!»។

ជុំវិញរឿងនេះ លោកត្រាំបានព្រមានរួចមកហើយថា ដាច់ខាតមិនឲ្យមានការពាក់ស្រោមមុខឡើយពេលធ្វើបាតុកម្ម ព្រោះមន្ត្រីសហព័ន្ធនឹងពិបាកកំណត់អត្តសញ្ញាណបាតុករ។ 

ពាក់ព័ន្ធសេចក្តីសម្រេចចុងក្រោយរបស់លោកត្រាំ បានបង្កឲ្យមានពាក្យរិះគន់មិនសំចៃមាត់ពីបុគ្គលមួយចំនួន ក្នុងនោះរួមមានទាំងព្រឹទ្ធសមាជិក លោក Bernie Sanders ផងដែរ ដែលនិយាយថា ប្រធានាធិបតីអាមេរិក កំពុងប្រើអំណាចហួសហេតុ ដូចជាជនផ្តាច់ការ។

ទោះបែបនេះក្តី មេដឹកនាំ​គណបក្ស​សាធារណរដ្ឋ​ជាច្រើនរូប ​បានចេញ​គាំទ្រ​ការសម្រេចចិត្ត​របស់​លោក ត្រាំ​ ដោយ​និយាយថា ការពង្រាយកងទ័ពគឺ​ចាំបាច់​ដើម្បី​រក្សាសណ្ដាប់ធ្នាប់។

សូមជម្រាបថា ការបញ្ជូនឆ្មាំជាតិលើកនេះ គឺជាវត្តមានឆ្មាំជាតិច្រើនបំផុតមិនធ្លាប់មានសោះនៅក្នុងទីក្រុង Los Angeles ចាប់តាំងពីកុបកម្មឆ្នាំ ១៩៩២មក បន្ទាប់ពីឧប្បត្តិហេតុ Rodney King៕ 

អត្ថបទ៖ សុខ សុវណ្ណ

ចុចអាន៖ លោក ត្រាំ បញ្ជា​​​​​បញ្ជូន​​កងកម្លាំង​សហព័ន្ធ​​២០០០នាក់ បង្រ្កាប​ការតវ៉ា​ហិង្សា នៅ​ Los Angeles

The post កុបកម្មនៅ LA៖ ត្រាំ ចេញបញ្ជាចាប់ខ្លួននរណាក៏ដោយ ឲ្យតែពាក់ស្រោមមុខ appeared first on Kampuchea Thmey Daily.

យន្តហោះនេះប្រភេទ​ RV-10 បាន​ធ្លាក់ទៅលើផ្ទះពីរខ្នងនៅក្នុងផ្នែកនៃតំបន់ Wood Ranch ជាសហគមន៍ដែលស្ថិតនៅជិត៨០គីឡូម៉ែត្រភាគពាយព្យនៃទីក្រុង Los Angeles ។

ក្រុម​ពន្លត់​អគ្គិភ័យ​បាន​ឆ្លើយ​តប ហើយ​ប៉ូលិស​បាន​បិទ​ផ្លូវ​ដោយ​ព្រមាន​ប្រជាជន​ឱ្យ​នៅ​ឆ្ងាយ​ពី​តំបន់​នោះ។ អ្នកពន្លត់អគ្គិភ័យប្រហែល៤០នាក់បានទៅដល់កន្លែងកើតហេតុ។ បន្ទាប់ពីភ្លើងរលត់ ក្រុមជួយសង្គ្រោះរកឃើញ អ្នកបើកយន្តហោះ អ្នកដំណើរ និងឆ្កែមួយក្បាលនៅក្នុងយន្តហោះបានស្លាប់។

មិនមានរាយការណ៍ថា មានអ្នករបួសនោះទេ ប៉ុន្តែផ្ទះ​ទាំង​ពីរខ្ន​ងបាន​រង​ការ​ខូច​ខាតដោយ​អគ្គិភ័យ។ គិតត្រឹមថ្ងៃអាទិត្យ អាជ្ញាធរមិនទាន់បានបញ្ចេញព័ត៌មានពីមូលហេតុដែលបណ្តាល​ឱ្យ​មាន​ការ​ធ្លាក់​យន្តហោះ​នេះនៅឡើយទេ។

គួរបញ្ជាក់ថា កាលពីខែមករា ក៏មានយន្តហោះ RV-10 មួយគ្រឿងទៀតរបស់ Van Aircrasftបានធ្លាក់ចូលទៅក្នុងឃ្លាំងមួយនៅ Fullerton ភាគអាគ្នេយ៍នៃទីក្រុង Los Angeles ខណៈពេលដែលព្យាយាមចុះចតជាបន្ទាន់។ ហេតុការណ៍នេះបានសម្លាប់អ្នកបើកបរ និងកូនស្រីអ្នកបើកបរ និងធ្វើឱ្យមនុស្ស ១៩ នាក់រងរបួសនៅក្នុងអាគារ។ របាយការណ៍បឋមពីមូលហេតុគឺបណ្ដាលមកពី យន្តហោះរបើកទ្វារអំឡុងពេលហោះហើរ៕

អត្ថបទ៖ ប៊ុន សុភាព

The post ធ្លាក់យន្តហោះនៅទីក្រុង Los Angeles សម្លាប់​មនុស្ស​២នាក់​និង​ឆ្កែ១ក្បាល appeared first on Kampuchea Thmey Daily.

ចំណុចកណ្តាលនៃការរញ្ជួយដី​កើត​នៅ​ North Hollywood ដែលមានចម្ងាយត្រឹមតែប៉ុន្មានគីឡូម៉ែត្រ​ពីកន្លែងដែលពិធីប្រគល់ពានរង្វាន់ត្រូវបានរៀបចំឡើងនៅ Dolby Theatre ប៉ុណ្ណោះ។ ការរញ្ជួយដី​នេះ​ បានកើតឡើងភ្លាមៗនៅម៉ោង ២២:០០ ម៉ោងក្នុងស្រុក ខណៈដែលតារាល្បីៗកំពុងជួបជុំគ្នានៅឯពិធីជប់លៀង Vanity Fair ដ៏ពេញនិយម។

អ្នក​ដែល​នៅ​ក្នុង​តំបន់​បាន​រាយការណ៍​ថា​ មាន​កម្លាំង​ខ្លាំង​​ញ័រ​មួយ​រំពេច ដោយ​មានមនុស្ស​ស្រែកភិតភ័យ និង​ឃើញ​អគារ​ខ្ពស់​ៗ​ញ័រ​ដូច​ជា​​ ​ចាហួយ។ តាម​ទីភ្នាក់ងារស្ទាបស្ទង់ភូមិសាស្ត្រអាមេរិក (USGS) ការរញ្ជួយដីនេះត្រូវមានឥទ្ធិពលទូទាំង​ទីក្រុង Los Angeles។

ទោះបីមិនមានការជូនដំណឹងអំពីរលកយក្សស៊ូណាមិ ការខូចខាតរចនាសម្ព័ន្ធដល់អគារ និងមិន​មាន​របាយការណ៍​ភ្លាមៗ​អំពី​ការស្លាប់និងរង​របួស​ ប៉ុន្តែអ្នកខ្លះបានហៅវាថាជាគ្រោះរញ្ជួយដីដ៏ធំបំផុត ទោះវាមានទំហំត្រឹមតែ ៣.៩ រ៉ិចទ័រក៏ដោយ។

គួរបញ្ជាក់ថា ការរញ្ជួយដីនេះគឺស្ថិតក្នុងចំណោមការរញ្ជួយដី៤០មានកម្រិតតិចៗត្រឹម១រ៉ិចទ័រដែលបានវាយប្រហារភាគខាងត្បូងរដ្ឋកាលីហ្វ័រញ៉ាចាប់តាំងពីដើមខែមីនា នេះបើយោងតាមទិន្នន័យ USGS ។

កាលពីខែមុន ក៏មានការរញ្ជួយដីកម្រិត ៣.៧ រ៉ិចទ័រ ដែលបានវាយប្រហារតំបន់ Malibu ក្បែរនោះ។ កាលពីខែធ្នូ ការរញ្ជួយដីកម្រិត ៧ រ៉ិចទ័របានវាយលុកភាគខាងជើងរដ្ឋកាលីហ្វ័រញ៉ា និងបណ្តាលឱ្យមានការជូនដំណឹងអំពីរលកយក្សស៊ូណាមិរយៈពេលខ្លីសម្រាប់អ្នកនៅភាគខាងជើងរដ្ឋកាលីហ្វ័រញ៉ា និងភាគខាងត្បូងរដ្ឋអូរីហ្គិនផងដែរ៕

អត្ថបទ៖ ប៊ុន សុភាព

The post រញ្ជួយ​ដី​វាយប្រហារ​ Hollywood​ ចំពេល​តារាកំពូលៗ​ជួបជុំគ្នាក្នុងកម្មវិធីពានរង្វាន់ Oscars appeared first on Kampuchea Thmey Daily.