វីដេអូនេះបានបង្ហាញយ៉ាងច្បាស់ពីអត្ថន័យនៃថ្ងៃចូលឆ្នាំខ្មែរទាំង ៣ ដែលនឹងប្រព្រឹត្តទៅចាប់ពីថ្ងៃទី ១៤ ដល់ ១៦ ខែមេសា ឆ្នាំ ២០២៦ ខាងមុខនេះ។ អ្វីដែលកាន់តែពិសេសនោះ គឺមានការចូលរួមពីអ្នកអង្គម្ចាស់ក្សត្រិយ៍ នរោត្តម ចេណ្ណា  កំពូលតារាចម្រៀងខ្មែរ លោក វណ្ណដា (VannDa) និង លោក ថេណា (Tena) រួមជាមួយអ្នកផលិតមាទិកាបរទេសល្បីៗជាច្រើនរូបទៀត ដែលឆ្លុះបញ្ចាំងថាបុណ្យចូលឆ្នាំខ្មែរគឺជាពេលវេលាដែលប្រជាពលរដ្ឋគ្រប់រូបអាចចូលរួមគោរព និងអបអរជាមួយគ្នា។

​​គួរបញ្ជាក់ថា ​ពិធីបុណ្យ​ចូលឆ្នាំខ្មែរ​គឺជាបុណ្យប្រពៃណីជាតិ ​ដែលប្រារព្ធធ្វើឡើងរយៈពេល ៣ ថ្ងៃ នៅពាក់​កណ្ដាល​ខែមេសា។ មុន​ថ្ងៃ​ចូលឆ្នាំ​មកដល់ ​ប្រជាពលរដ្ឋ​បាន​រៀប​ចំ​ផ្ទះសម្បែង ​ទិញ​សម្លៀក​បំពាក់​ថ្មី ​និង​រៀបចំ​សម្ភារ​ទុក​ជូន​ដល់​ឪ​ពុ​ម្ដាយ ​ជីដូន​ជីតា​។

យោងតាមសិលាចារឹកខ្មែរ ​សង្ក្រាន្តមានន័យថា ​ដំណើរឆ្នាំចាស់ឈានចូលឆ្នាំថ្មី ចំណែកមហា​សង្ក្រាន្ត​គឺជាថ្ងៃដំបូងនៃពិធីបុណ្យចូលឆ្នាំថ្មីប្រពៃណីខ្មែរ។​ ថ្ងៃទី១ ​នៃបុណ្យចូលឆ្នាំខ្មែរ គេហៅថា ​ថ្ងៃមហាសង្ក្រាន្ត ​ប្រជាជនខ្មែរ ​តែងតែនៅផ្ទះ ​ដើម្បីរៀប​ចំផ្ទះ​សម្បែង ​តុបតែង​លម្អគោម ​ទទួល​ទេវតា​ឆ្នាំថ្មី ​ជួប​ជុំ​ញាតិមិត្តជិតឆ្ងាយ។​ ថ្ងៃទី ២ ​ជាថ្ងៃ ​វារ​វ័ន​ប័ត ជាថ្ងៃធ្វើទាន ឧទ្ទិសកុសលដល់បុព្វការីជនដែលបានចែកឋានទៅ និងពូនភ្នំ​ខ្សាច់​នៅវត្តអារាម។ ​

​ចំណែក​ថ្ងៃ​ទី ​៣ ​ចុងក្រោយ​ជាថ្ងៃ​វារៈឡើងស័ក ​ជាថ្ងៃ​ផ្លាស់ប្តូរ​ឆ្នាំថ្មី​ទាំង​ស្រុង ​គេនាំ​គ្នា​ស្រង់​ព្រះ​ សម្អាត​ព្រះពុទ្ធរូប ​និង​ជូនពរ​ចាស់ព្រឹទ្ធាចារ្យ។

ក្រៅពីការរំលឹកនូវប្រពៃណីដ៏ថ្លៃថ្លា ABA ក៏បាននាំមកនូវភាពរស់រវើកនៃសម័យកាលឌីជីថល តាមរយៈការដាក់ឱ្យប្រើប្រាស់ម៉ូដរចនាថ្មី “មហាសង្ក្រាន្ត” នៅលើកម្មវិធី ABA Mobile សម្រាប់ឱកាសបុណ្យចូលឆ្នាំនេះផងដែរ។

សូមទស្សនាវីដេអូពេញខាងក្រោម ដើម្បីជ្រាបកាន់តែច្បាស់ពីភាពអស្ចារ្យនៃបុណ្យចូលឆ្នាំខ្មែរ៖

The post ​ABA ប្ដេជ្ញា​ចូលរួម​លើកកម្ពស់ ​និង​ផ្សព្វផ្សាយ​ប្រពៃណីខ្មែរ​ អំឡុងពេលបុណ្យចូលឆ្នាំខ្មែរ appeared first on Kampuchea Thmey Daily.

ស្ថិតក្នុងទីតាំងយុទ្ធសាស្រ្ត ដើម្បីបម្រើតម្រូវការដែលបន្ដកើនឡើងជាលំដាប់ពីសំណាក់សហគ្រាស និងបុគ្គលិកដែលកំពុងប្រតិបត្តិការនៅក្នុង តំបន់សេដ្ឋកិច្ចពិសេស សាខាថ្មីនេះ មានផ្តល់នូវសេវាកម្ម និងផលិតផលពេញលេញរបស់ធនាគារ ABA។ អតិថិជននឹងទទួលបានបទពិសោធប្រើប្រាស់សេវាធនាគារទំនើបប្រកបដោយផាសុកភាព ជាមួយបន្ទប់ VIP សម្រាប់ឯកជនភាពអតិថិជន កន្លែងអង្គុយរង់ចាំធំទូលាយ ចំណតសមរម្យ ព្រមទាំងក្រុមការងារវិជ្ជាជីវៈ ដែលរង់ចាំបម្រើសេវាជូនអតិថិជនគ្រប់រូប។ បងប្អូនដែលបំពេញការងារនៅក្នុងតំបន់នេះស្រាប់ អាចចូលប្រើសេវាធនាគារយ៉ាងងាយស្រួល ដោយមិនចាំបាច់ធ្វើដំណើរទៅដល់ក្រុង ឬសាខាខេត្ត ដោយធានាបាននូវការធ្វើប្រតិបត្តិការប្រកប ដោយប្រសិទ្ធភាព។  

សាខាថ្មីនេះ ក៏មានផ្នែកស្វ័យសេវា ដោយមានបំពាក់នូវម៉ាស៊ីនទំនើបៗដូចជា ម៉ាស៊ីន ATM, ម៉ាស៊ីនដាក់ប្រាក់, ម៉ាស៊ីនដាក់មូលប្បទានបត្រ (CDM), ម៉ាស៊ីនដក-ដាក់ប្រាក់ (CRM) ដែលអាចឲ្យអតិថិជនបំពេញតម្រូវការធនាគាររបស់ខ្លួនយ៉ាងងាយស្រួល គ្រប់ពេលវេលា 24/7 និង មានម៉ាស៊ីនបើកកាត ដែលអតិថិជនអាចបើកកាត CSS និងកាតអន្តរជាតិ Visa, Mastercard, UPI ចាយពេលតែពីរបីនាទីប៉ុណ្ណោះ។  

ABA សាខាថ្មីនេះ ស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ បន្ទប់លេខ 1F 46-48 & 2F 22-25 វិថីសម្តេចតេជោ ហ៊ុន សែន ភូមិពូធឿង សង្កាត់បិតត្រាង ក្រុងកំពង់សោម ខេត្តព្រះសីហនុ។ លោកអ្នកអាចស្វែងរកទីតាំង នៅទីនេះ ។  

សាខានេះ បើកបម្រើអតិថិជនរៀងរាល់ថ្ងៃចន្ទ ដល់ថ្ងៃសុក្រ ចាប់ពីម៉ោង 8ព្រឹក ដល់ 4រសៀល និងរៀងរាល់ថ្ងៃសៅរ៍ ចាប់ពីម៉ោង 8ព្រឹក ដល់ 11:30ព្រឹក។ លោកអ្នកអាចទាក់ទងសាខាតាមលេខទូរស័ព្ទ 098 203 361។  

សូមអញ្ជើញអតិថិជនមកកាន់ ABA សាខាថ្មីនៅតំបន់សេដ្ឋកិច្ចពិសេសក្រុងព្រះសីហនុ និងសូមទទួលយកភាពងាយស្រួលនៃការប្រើប្រាស់ សេវាធនាគារនៅទីតាំងថ្មីនេះ។ 

The post ធនាគារ ABA បន្ថែមសាខាថ្មីនៅតំបន់សេដ្ឋកិច្ចពិសេសក្រុងព្រះសីហនុ appeared first on Kampuchea Thmey Daily.

ទីតាំងថ្មីនេះ មានផ្ដល់នូវផលិតផល និងសេវាកម្មពេញលេញរបស់ធនាគារ ABA ជាមួយនឹងកន្លែងអង្គុយរង់ចាំធំទូលាយប្រកបដោយផាសុកភាព បន្ទប់ VIP ធំជាងមុនសម្រាប់ឯកជនភាពអតិថិជន ព្រមទាំងចំណតសមរម្យ ដែលរចនាឡើងដើម្បីបង្កើនភាពងាយស្រួល និងពង្រឹងគុណភាពសេវាកម្ម។  

ដើម្បីបង្កើនលទ្ធភាពចូលប្រើសេវារបស់អតិថិជនកាន់តែប្រសើរ យើងខ្ញុំបានពង្រីកកន្លែងស្វ័យសេវាប្រចាំសាខាឲ្យកាន់តែធំទូលាយជាងមុន ដោយមានបំពាក់នូវម៉ាស៊ីនទំនើបៗដូចជា ម៉ាស៊ីន ATM, ម៉ាស៊ីនដាក់ប្រាក់, ម៉ាស៊ីនដាក់មូលប្បទានបត្រ (CDM), ម៉ាស៊ីនដក-ដាក់ប្រាក់ (CRM) ដែលអាចឲ្យអតិថិជនបំពេញតម្រូវការសេវានានាយ៉ាងរលូន គ្រប់ពេលវេលា។ ទីតាំងថ្មីនេះ ក៏មានម៉ាស៊ីនបើកកាត ដែលអតិថិជនអាចបើកកាត CSS និងកាតអន្តរជាតិ រួមមាន Visa, Mastercard, UPI ភ្លាមៗផងដែរ។  

ABA សាខាក្រុងប៉ោយប៉ែត ស្ថិតនៅក្បាលដីលេខ 949, 1067 & 1116 ផ្លូវជាតិលេខ 5 ភូមិបាលិលេយ្យ 2 សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ លោកអ្នកអាចស្វែងរកទីតាំង នៅទីនេះ ។  

សាខានេះ បើកបម្រើអតិថិជនរៀងរាល់ថ្ងៃ ចាប់ពីម៉ោង 8ព្រឹក ដល់ 8ល្ងាច និងអាចទាក់ទងតាមលេខទូរស័ព្ទ 098 203 019។  

សូមអញ្ជើញអតិថិជនមកកាន់ ABA សាខាក្រុងប៉ោយប៉ែត និងសូមទទួលយកភាពងាយស្រួលនៃការប្រើប្រាស់សេវាធនាគារនៅទីតាំង ថ្មីនេះ។ 

The post ធនាគារ ABA ពង្រឹងសេវាកម្មជាមួយការប្តូរទីតាំងសាខាប៉ោយប៉ែត appeared first on Kampuchea Thmey Daily.

ការវិនិយោគនេះ នឹងផ្តល់ហិរញ្ញប្បទានដល់ការពង្រីកផ្ទៃដីដាំដុះ និងហេដ្ឋារចនាសម្ពន្ធកែច្នៃ សម្រាប់ដំណាំហូបផ្លែរួមមាន ផ្លែចេក ម្នាស់ និងស្វាយ ក្នុងខេត្តរតនគីរី ដែលជាតំបន់សក្ដានុពលផ្នែកកសិកម្មដ៏សំខាន់មួយរបស់កម្ពុជានៅភាគឦសាន។ គម្រោងនេះ ត្រូវបានរំពឹងថានឹងពង្រឹងសមត្ថភាពនាំចេញ ពង្រឹងខ្សែសង្វាក់កសិកម្មជាតិ និងបង្កើតឱកាសការងារជូនប្រជាសហ​គមន៍ក្នុងមូលដ្ឋាន។

តាមរយៈការចូលរួមនេះ ធនាគារ ABA គូសបញ្ជាក់ពីឆន្ទៈមោះមុតរបស់ខ្លួន ដើម្បីក្លាយជាតួអង្គដ៏សកម្មមួយ ក្នុងការផ្តល់ដំណោះស្រាយហិរញ្ញប្បទានមានរចនាសម្ពន្ធច្បាស់លាស់ និងដំណោះស្រាយទីផ្សារ មូលធន ដោយផ្តល់មូលនិធិរយៈពេលវែងដល់គម្រោងដែលបង្កើតផលចំណេញប្រកបដោយចីរភាព ស្របជាមួយនឹងវិស័យអាទិភាពសម្រាប់វឌ្ឍនភាពជាតិ។

ដូនពេញ អាហ្គ្រីកូ គឺជាបុត្រសម្ពន្ធគ្រប់គ្រងទាំងស្រុងដោយក្រុមហ៊ុន Truong Hai Agriculture Joint Stock Company (THACO AGRI) ដែលជាក្រុមហ៊ុនកសិកម្មរបស់ Truong Hai Group Corporation (THACO) ជាក្រុមហ៊ុនចម្រុះឈានមុខគេមួយនៅក្នុងតំបន់។ ការបោះផ្សាយសញ្ញាបណ្ណដោយជោគជ័យ នេះ ឆ្លុះបញ្ចាំងពីដំណើរវឌ្ឍនភាពជាបន្ដបន្ទាប់នៃវិស័យកសិកម្មកម្ពុជា ឆ្ពោះទៅកាន់ឧស្សាហកម្មដែលមានរចនាសម្ពន្ធច្បាស់លាស់ ទំនើបកម្ម អាចពង្រីកវិសាលភាព និងត្រៀមរួចរាល់សម្រាប់ការវិនិយោគ ដែលអាចទាក់ទាញមូលធនពីស្ថាប័ននានា។

លោក Zhiger Atchabarov នាយកប្រតិបត្តិការ និងជានាយករងប្រតិបត្តិនៃធនាគារ ABA មានប្រសាសន៍ថា “ការវិនិយោគនេះ ឆ្លុះបញ្ចាំងពីចក្ខុវិស័យយុទ្ធសាស្រ្ត និងការប្តេជ្ញាចិត្តយូរអង្វែងរបស់ ធនាគារ ABA ក្នុងការគាំទ្រវិស័យនានាដែលបង្កើតផលចំណេញ និងគុណតម្លៃដល់សង្គម-សេដ្ឋកិច្ច។ តាមរយៈការពង្រីកវិសាលភាពចូលទៅក្នុងហិរញ្ញប្បទានគម្រោងមានរចនាសម្ពន្ធច្បាស់លាស់ យើងខ្ញុំ មានគោលបំណង ជំរុញសក្តានុពលនាំចេញរបស់កម្ពុជា ជួយបង្កើតការងារ និងរួមចំណែកដល់ការអភិវឌ្ឍទីផ្សារមូលធន។”

ឈរលើសមិទ្ធផលដ៏សំខាន់នេះ ធនាគារ ABA នឹងនៅតែបន្តប្តេជ្ញាចិត្តយ៉ាងមុតមាំជានិច្ច ក្នុងការគាំទ្រដល់គម្រោងបោះផ្សាយសញ្ញាបណ្ណផ្សេងៗទៀតនាពេលខាងមុខ និងគំនិតផ្ដួចផ្ដើមហិរញ្ញប្បទានមានរចនាសម្ពន្ធរាប់លានដុល្លារ ទៅកាន់វិស័យសំខាន់ៗនៃសេដ្ឋកិច្ចកម្ពុជា។

ធនាគារ ABA ត្រៀមខ្លួនរួចជាស្រេចក្នុងការចាប់ដៃគូសហការជាមួយអាជីវកម្មដែលកំពុងស្វែងរកការពង្រីក ស្ថិរភាព និងវិនិយោគរយៈពេលវែង ដោយពង្រឹងតួនាទីរបស់ខ្លួនជាស្ថាប័នហិរញ្ញវត្ថុជាទីទុកចិត្ត ដែលគាំទ្រវិស័យសេដ្ឋកិច្ចពិត និងគោលដៅអភិវឌ្ឍន៍ប្រកបដោយចីរភាពរបស់កម្ពុជា។

អំពី ABA៖ 

ABA គឺជាធនាគារពាណិជ្ជធំជាងគេនៅកម្ពុជា គិតលើទ្រព្យសកម្ម ប្រាក់បញ្ញើ ប្រាក់កម្ចី និងប្រាក់ចំណេញ យោងតាមរបាយការណ៍ត្រួតពិនិត្យរបស់ធនាគារជាតិនៃកម្ពុជាឆ្នាំ 2021-2024។

ធនាគារ ABA បច្ចុប្បន្ន មាន 105 សាខា, ទីតាំងស្វ័យសេវា ABA 24/7 ចំនួន 46 កន្លែង, ម៉ាស៊ីនស្វ័យសេវាជាង 1,900 នៅទូទាំងប្រទេស, សេវាធនាគារអនឡាញ និងកម្មវិធីធនាគារតាមទូរស័ព្ទដ៏ទំនើប អនុញ្ញាតឲ្យអតិថិជនប្រមាណជា 6 លាននាក់ ប្រើប្រាស់សេវាហិរញ្ញវត្ថុដ៏ទំនើបសម្បូរបែបនេះ។

អំពី ដូនពេញ អាហ្រ្គីកូ៖ 

ដូនពេញ អាហ្រ្គីកូ គឺជាសមាជិកសំខាន់មួយនៃ THACO AGRI នៅក្នុងព្រះរាជាណាចក្រកម្ពុជា ដែលបច្ចុប្បន្នកំពុងដំណើរការគម្រោងកសិកម្មគំរូមួយនៅខេត្តរតនគិរី ដែលមានផ្ទៃដីសរុបចំនួន ៧,៣៧៦ ហិកតា។ បច្ចុប្បន្ន ដូនពេញ អាហ្រ្គីកូ កំពុងអភិវឌ្ឍប្រព័ន្ធអេកូស៊ីស្ទឹមកសិកម្មទំនើបដែលដំណើរសង្វាក់ផលិតកម្មមានវិសាលធំពេញលេញ និងមានលក្ខណៈវដ្ដសន្ធិ ដោយផ្អែកលើគោលការណ៍កសិកម្មសរីរាង្គ និងមានការអនុវត្តយ៉ាងទូលំទូលាយនៃយន្តកម្ម និងឌីជីថលូបនីយកម្ម ដើម្បីផ្គត់ផ្គង់ផលិតផលផ្លែឈើស្រស់ និងផលិតផលកែច្នៃ ទាំងសម្រាប់ទីផ្សារក្នុងស្រុក និងទីផ្សារនាំចេញ៕

The post ធនាគារ ABA ក្លាយជាអ្នកវិនិយោគចម្បង លើសញ្ញាបណ្ណកសិកម្មដំបូងគេបង្អស់របស់កម្ពុជា appeared first on Kampuchea Thmey Daily.

ដោយទទួលបានពានរង្វាន់នេះប្រាំមួយឆ្នាំជាប់ៗគ្នា ABA បានបន្តរក្សាបានចំណាត់ថ្នាក់ស្តង់ដាប្រតិបត្តិការប្រព័ន្ធដំណើរការឆ្លងកាត់ត្រង់ផ្ទាល់ (STP rate) ឈានមុខគេ ដោយវិនិយោគទៅលើបច្ចេកវិទ្យាទំនើប និងពង្រឹងប្រព័ន្ធទូទាត់របស់ខ្លួន។ នៅក្នុងឆ្នាំ 2024 ធនាគារទទួលបានចំណាត់ថ្នាក់ STP ក្នុងកម្រិត 99.81% សម្រាប់ការផាត់ទាត់ជារូបិយប័ណ្ណដុល្លារ ដោយបញ្ជាក់ឡើងវិញនូវការប្តេជ្ញាចិត្តរបស់ខ្លួន ក្នុងការផ្តល់ជូនអតិថិជននូវសេវាផ្ទេរ និងទូទាត់អន្ដរជាតិដ៏សុក្រិត សុវត្ថិភាព និងប្រសិទ្ធភាព។

កាលពីថ្ងៃទី25 ខែវិច្ឆិកា ឆ្នាំ2025 តំណាងរបស់ JP Morgan ប្រចាំតំបន់ បានប្រគល់ពាន និង Certificate for the Outstanding Achievement of the Best-in-Class MT103 STP Rate 99.81% ជូនដល់ធនាគារ ABA នៅការិយាល័យកណ្តាលរបស់ធនាគារ។

នៅជំនួបជាមួយ JP Morgan លោក Zhiger Atchabarov អគ្គនាយករងប្រតិបត្តិ នាយកប្រតិបត្តិការ និងជានាយករងប្រតិបត្តិនៃធនាគារ ABA មានប្រសាសន៍ថា “ការទទួលបានពានរង្វាន់នេះប្រាំមួយ ឆ្នាំជាប់គ្នា បានបញ្ជាក់នូវការប្តេជ្ញាចិត្តរបស់ ABA ក្នុងការផ្តល់សេវាកម្មល្អឯកជូនអតិថិជន។ ជាមួយ STP ក្នុងកម្រិត 99.81% នៅក្នុងប្រតិបត្តិការផ្ទេរប្រាក់ ចំណាត់ថ្នាក់នេះ ឆ្លុះបញ្ចាំងពីកិច្ចខិតខំប្រឹងប្រែងរបស់ធនាគារយើងខ្ញុំ ធ្វើយ៉ាងណាឲ្យការប្រតិបត្តិការផ្ទេរ និងទូទាត់ឆ្លងប្រទេស លឿនស្រួល ជាទីទុកចិត្ត និងសុក្រិត សម្រាប់អតិថិជនគ្រប់រូប” ។

លោកក៏បានបន្ថែមថា “ដោយសម្លឹងឆ្ពោះទៅមុខប្រកបដោយសុទិដ្ឋិនិយម យើងខ្ញុំនឹងបន្ត​រីក​ចម្រើននិងអភិវឌ្ឍទៅមុខជាលំដាប់ ដើម្បីធានាឲ្យបានថា អតិថិជនទូទៅ និងបណ្ដាធុរកិច្ច អាចពឹងផ្អែក ABA សម្រាប់ ដំណោះស្រាយហិរញ្ញវត្ថុលំដាប់ពិភពលោក – ទាំងងាយស្រួល និងសុវត្ថិភាព។”

លោក Giang Bui ប្រធានប្រតិបត្តិផ្នែកលក់ – FIG Sales នៃគ្រឹះស្ថាន JP Morgan មានប្រសាសន៍ថា “កម្រិតនេះ គឺជាសូចនាករដ៏សំខាន់នៃការវាស់វែងប្រសិទ្ធភាព សុក្រិតភាព និងបទដ្ឋានស្ដង់ដារកម្រិតខ្ពស់ ក្នុងដំណើរការទូទាត់អន្តរជាតិពី ABA។ ការណ៍នេះ ជួយកាត់បន្ថយហានិភ័យ កាត់បន្ថយកំហុសឆ្គង និងពង្រឹងសមត្ថភាពប្រតិបត្តិការ។”

លោកបានបន្ថែមថា “ការទទួលស្គាល់នេះ មិនត្រឹមតែឆ្លុះបញ្ចាំងពីសមិទ្ធផលបច្ចុប្បន្ននោះទេ ប៉ុន្តែក៏បានជំរុញឲ្យ ABA និង J.P. Morgan សហការគ្នាយ៉ាងជិតស្និទ្ធ ដើម្បីផ្តល់នូវដំណោះស្រាយថ្មី លើកកម្ពស់ពាណិជ្ជកម្មសកល ពង្រឹងប្រសិទ្ធភាពប្រតិបត្តិការតាមរយៈបច្ចេកវិទ្យា និងផ្តល់គុណតម្លៃកាន់តែប្រសើរដល់អតិថិជន។” 

សមត្ថភាពដ៏លេចធ្លោរបស់ ABA ទៅលើដំណើរការទូទាត់ និងឧត្តមភាពប្រតិបត្តិការ បានបន្តជំរុញវឌ្ឍនភាពហិរញ្ញវត្ថុរបស់កម្ពុជា និងពង្រឹងការទទួលស្គាល់ពីគ្រឹះស្ថានអន្តរជាតិកំពូលៗ។ ក្នុងនាមជាធនាគារដំបូងគេបង្អស់ និងជាធនាគារតែមួយគត់នៅកម្ពុជា ដែលទទួលបានពានរង្វាន់ដ៏មានកិត្យានុភាព និងបន្ដរក្សាតំណែងនៃឧត្តមភាពឆ្នើមនេះចាប់តាំងពីឆ្នាំដំបូងមក ABA បានគូសបញ្ជាក់យ៉ាងច្បាស់ពីសមត្ថភាពកម្ពុជា ក្នុងការប្រកួតប្រជែងក្នុងចំណោមធនាគារកំពូលៗក្នុង សហគមធនាគារលើសកលលោក។

The post ធនាគារ ABA កំណត់ស្តង់ដារសកលជាមួយពានរង្វាន់ Elite Quality Recognition Award 2025 ពី JP Morgan appeared first on Kampuchea Thmey Daily.

សមិទ្ធផលនេះ បានផ្អែកទៅលើគម្រោងលើកកម្ពស់ការអប់រំកុមារ របស់ធនាគារ ABA ដែលជាគំនិតផ្តួចផ្តើមរួមសំដៅលើកកម្ពស់ការអប់រំ ការបង្កើតបរិយាកាសសិក្សាប្រកបដោយសុវត្ថិភាព និងពង្រីកឱកាសសម្រាប់កុមារខ្វះខាតទូទាំងប្រទេស។

តាមរយៈកិច្ចសហការជាដៃគូយូរអង្វែងជាមួយ មូលនិធិកុមារកម្ពុជា (CCF) ABA បានជួយគាំទ្រសិស្សានុសិស្សខ្វះខាតប្រមាណលើសពី 740 នាក់តាមរយៈកម្មវិធីអភិវឌ្ឍការអប់រំ និងអាហារូបករណ៍ ដែលជួយពួកគេគេចផុតពីវដ្តនៃភាពក្រីក្រ។ ធនាគារក៏បានឧបត្ថម្ភរថយន្តដឹកសិស្ស ដើម្បីធានាការធ្វើដំណើរដោយសុវត្ថិភាពជារៀងរាល់ថ្ងៃសម្រាប់សិស្សានុសិស្សប្រមាណ 160 នាក់ ព្រមទាំងបរិច្ចាគកំព្យូទ័រចំនួន 26 គ្រឿង ដើម្បីពង្រឹងចំណេះដឹងឌីជីថលរបស់ពួកគេ។

ក្នុងខេត្តតាកែវ ABA បានផ្តួចផ្តើមគំនិតជួសជុលឡើងវិញនៃសាលាបឋមសិក្សា សន្លុង ដែលបានផ្លាស់ប្តូរសម្ភារៈចាស់ៗ ជាមួយនឹងបរិយាកាសដែលគាំទ្រការសិក្សា ប្រកបដោយសុខុមាលភាព។ ការកែប្រែរួមមាន ការជួសជុលថ្នាក់រៀនឡើងវិញ ផ្លាស់ប្តូរទ្វានិងបង្អួច ព្រមទាំងដាក់អំពូលសូឡា ដែលផ្តល់អត្ថប្រយោជន័ដល់សិស្សានុសិស្ស 545 នាក់ និងជំរុញបទពិសោធន៍រៀនសូត្ររបស់ពួកគេឲ្យកាន់តែប្រសើរ។

ABA ក៏បានសហការជាមួយ អង្គការរក្សាកុមារ ដើម្បីជួសជុលឡើងវិញនូវមណ្ឌលគាំពារកុមារគ្រួសារថ្មី ដែលជាអង្គការមិនមែនរដ្ឋាភិបាល គាំទ្រដល់កុមារងាយរងគ្រោះតាំងពីឆ្នាំ 1991។ គម្រោងនេះ ក៏បានផ្តល់នូវទីលំនៅ ការថែទាំ និងបរិក្ខារអប់រំ សម្រាប់កុមារចំនួន 55 នាក់ ដែលមិនអាចរស់នៅជាមួយក្រុមគ្រួសាររបស់ពួកគេបាន ឲ្យទទួលយកមណ្ឌលនេះទៅជាកន្លែងសុវត្ថិភាព សម្រាប់ការលូតលាស់។

លោក Igor Zimarev អគ្គនាយករងប្រតិបត្តិ និងជានាយកទីផ្សារ កិច្ចការ CSR នៃធនាគារ ABA មានប្រសាសន៍ថា “យើងខ្ញុំ មានមោទនភាព ជាថ្មីម្តងទៀត ដែលទទួលបានពានរង្វាន់ CSR Award ពី សភាពាណិជ្ជកម្មអាមេរិកប្រចាំនៅកម្ពុជា ទៅលើគំនិតផ្តួចផ្តើមលើកកម្ពស់កុមាររបស់យើងខ្ញុំ។ ដោយវិនិយោគទៅលើប្រជាជន និងសហគមន៍ យើងខ្ញុំកំពុងជួយបណ្តុះបណ្តាលយុវជនកម្ពុជាប្រកបដោយភាពជឿជាក់ និងត្រៀមពួកគេក្នុងការរួមចំណែកទៅកាន់គ្រួសារ និងអនាគតប្រទេស។”

ជាមួយដៃគូរសហការ និងសហគមន៍ក្នុងស្រុក ធនាគារ ABA បន្តប្តេជ្ញាចិត្តក្នុងការផ្តល់ភាពវិជ្ជមានក្នុងសង្គម លើសពីសេវាហិរញ្ញវត្ថុ។ គម្រោងលើកកម្ពស់ការអប់រំកុមារនេះ នឹងបន្តដើរតួយ៉ាងសំខាន់ជាមូលដ្ឋានគ្រឹះ នៃយុទ្ធសាស្រ្តទំនួលខុសត្រូវសង្គមរបស់ធនាគារ ដែលបញ្ជាក់ឡើងវិញនូវការប្តេជ្ញារបស់ ABA ក្នុងការជួយកុមារលូតលាស់ រៀនសូត្រ និងសម្រេចនូវសក្តានុពលពេញលេញរបស់ពួកគេ។

The post ធនាគារ ABA ទទួលបានពានរង្វាន់ AmCham CSR Award ទៅលើគំនិតផ្តួចផ្តើមលើកកម្ពស់កុមារ appeared first on Kampuchea Thmey Daily.

ពានរង្វាន់នេះ បានទទួលស្គាល់ ABA នូវសមត្ថភាពដ៏រឹងមាំ ឧត្តមភាពនវានុវត្តន៍ និងតួនាទីសំខាន់របស់ធនាគារ ក្នុងការចូលរួមអភិវឌ្ឍសេដ្ឋកិច្ចជាតិប្រកបដោយចីរភាព។

នវានុវត្តន៍ឌីជីថល

ទស្សនាវដ្ដីហិរញ្ញវត្ថុ ​The Banker បានគូសបញ្ជាក់ អំពីការបន្តអភិវឌ្ឍកាន់តែទំនើបទៅមុខរបស់ ABA លើផលិតផលឯករបស់ខ្លួន នោះគឺកម្មវិធី ABA Mobile ដែលពង្រឹងបន្ថែមលើជំហរដ៏លេចធ្លោរបស់ធនាគារ ក្នុងនាមជាគ្រឹះស្ថានសេវាធនាគារឌីជីថលឈានមុខនៅក្នុងប្រទេស។ មុខងារថ្មីៗដែលបានបញ្ចេញនៅឆ្នាំនេះ រួមមាន មុខងារឆាតក្នុងអេប (ABA In-App Chat) មុខងារសោមុខ (FacePass Secure) មុខងារណាវី ដែលជាជំនួយការបញ្ញានិមិត្ត និងមុខងារវិភាគដ៏ទំនើប កំពុងផ្តល់នូវបទពិសោធសេវាធនាគារកាន់តែងាយស្រួល សុវត្ថិភាព និងមានលក្ខណៈផ្ទាល់ខ្លួនសម្រាប់អតិថិជនរាប់លាននាក់។ នវានុវត្តន៍ទាំងនេះ មិនត្រឹមតែបង្កើនភាពងាយស្រួលប៉ុណ្ណោះទេ ថែមទាំងបានជួយពង្រឹងទំនុកចិត្ត និងសុវត្ថិភាពនៅក្នុងប្រតិបត្តិការឌីជីថលផងដែរ។

សមត្ថភាពថ្មីបន្ថែមទាំងអស់នេះ ទទួលបានការគាំទ្រខ្លាំង ដែលបង្ហាញតាមរយៈការប្រើប្រាស់យ៉ាងច្រើនសំណាក់អតិថិជន ដោយក្នុងនោះ មានការឆ្លើយឆ្លងជាង 200,000 សារ ក្នុងមុខងារឆាត ABA ខណៈអតិថិជនប្រមាណ 430,000 បានប្រើប្រាស់ មុខងារណាវី ក្នុងរយៈពេលពីរខែដំបូងនៃការដាក់ដំណើរការ។

ចំណែកឯ ផ្លែតហ្វមធនាគារឌីជីថលសម្រាប់អាជីវកម្ម ក៏ទទួលកំណើនគួរឲ្យកត់សម្គាល់ផងដែរ ពោលគឺ មានការកើនឡើង 50% លើទំហំប្រតិបត្តិការ ចាប់ពីខែឧសភា ឆ្នាំ 2024 ដល់ខែឧសភា ឆ្នាំ 2025 ដោយឆ្លុះបញ្ចាំងពីកំណើននៃការពឹងផ្អែកលើអេកូស៊ីស្ទែមឌីជីថលរបស់ ABA។

ជាមួយអតិថិជនក្នុងដៃជាង 5 លានទូទាំងប្រទេស ABA Mobile បានបន្តដើរតួនាទីយ៉ាងសំខាន់ ក្នុងនាមជាផ្លែតហ្វមចម្បងសម្រាប់ការចាត់ចែង និងគ្រប់គ្រងហិរញ្ញវត្ថុប្រចាំថ្ងៃរបស់អតិថិជនជារូបវន្ត បុគ្គល និងអាជីវកម្មទូទាំងប្រទេសកម្ពុជា។

ហិរញ្ញប្បទានបៃតង

ជាផ្នែកមួយនៃការប្ដេជ្ញាចិត្តរបស់ខ្លួនចំពោះគោលការណ៍បរិស្ថាន សង្គម និងអភិបាលកិច្ច (ESG) ធនាគារ ABA បានក្លាយជាអ្នកវិនិយោគសញ្ញាបណ្ណបៃតងធំជាងគេនៃសញ្ញាបណ្ណគម្រោងបៃតងដំបូងបង្អស់របស់កម្ពុជា ដែលចេញដោយក្រុមហ៊ុនស្នេថេក ដាយណាមិក (SchneiTec Dynamic) ដើម្បីគាំទ្រហេដ្ឋារចនាសម្ពន្ធថាមពលដើរដោយពន្លឺព្រះអាទិត្យ (ថាមពលសូឡា)។ សញ្ញាបណ្ណនេះ នឹងផ្តល់ហិរញ្ញប្បទានដល់រោងចក្រផលិតបន្ទះសូឡា ដែលមានទំហំ 60MW ក្នុងខេត្តកំពង់ឆ្នាំង ដែលរំពឹងថា នឹងទទួលបានថាមពលស្អាតប្រមាណជាង 130GWh ប្រចាំឆ្នាំ។

ការវិនិយោគដ៏សំខាន់នេះ បានបង្ហាញពីការរួមចំណែករបស់ធនាគារ ក្នុងការពន្លឿនការអភិវឌ្ឍប្រកប ដោយចីរភាព និងអនាគតកាន់តែបៃតង។

ការគាំទ្រសហគមន៍

គំនិតផ្តួចផ្តើមទំនួលខុសត្រូវសង្គមរបស់ ABA បន្តផ្តោតទៅលើការអប់រំ និងចំណេះដឹងផ្នែកឌីជីថល។ ធនាគារបានសហការជាមួយគម្រោងអាហារូបករណ៍ និងកម្មវិធីអប់រំផ្សេងៗ – រួមមាន សមាគមសិស្ស-និស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (AMT) និងមូលនិធិកុមារកម្ពុជា (CCF) – ដើម្បីផ្តល់ឱកាសកាន់តែច្រើនដល់យុវជន។ ABA ក៏បានឧបត្ថម្ភកំព្យូទ័រ ដល់សាលារៀន និងសហគមន៍នានា ដើម្បីជួយឲ្យសិស្សានុសិស្សមានជំនាញឌីជីថលសំខាន់ៗ នៅក្នុងសេដ្ឋកិច្ចអាស្រ័យបច្ចេកវិទ្យា ដែលកំពុងរីកចម្រើនទៅមុខ។

សម្លឹងឆ្ពោះ​ទៅមុខ

ការទទួលពានកម្រិតកំពូល ប្រកបដោយកិត្យានុភាពពីទស្សនាវដ្ដីហិរញ្ញវត្ថុ The Banker ជាលើកទីប្រាំពីរនេះ បានបញ្ជាក់ជាថ្មី និងកាន់តែច្បាស់បន្ថែមទៀត ពីភាពឈានមុខរបស់ធនាគារ ABA លើផ្នែកហិរញ្ញវត្ថុឌីជីថល និងសេវាធនាគារប្រកបដោយទំនួលខុសត្រូវ។

លោក Askhat Azhikhanov អគ្គនាយក & ជានាយកប្រតិបត្តិ នៃធនាគារ ABA មានប្រសាសន៍ថា “ធនាគារ ABA មានកិត្តិយសយ៉ាងក្រៃលែងដែលត្រូវបានទទួលស្គាល់ឧត្តមភាពពីស្ថាប័នកំពូល The Banker។ ដូចសព្វដង យើងខ្ញុំមានមោទនភាព សូមចែករំលែកកិត្តិនាមនេះជូនដល់លោកអ្នកជា អតិថិជនទាំងអស់ – ទំនុកចិត្តរបស់លោកអ្នក គឺជាកម្លាំងចលករសម្រាប់កិច្ចការគ្រប់យ៉ាងដែលយើងខ្ញុំកំពុងបម្រើលោកអ្នក” ។

លោកក៏បានបន្ថែមថា “ពានរង្វាន់នេះ ជំរុញទឹកចិត្តឲ្យយើងខ្ញុំ បន្តនវានុវត្តន៍ឌីជីថលឲ្យកាន់តែឈានមុខជាលំដាប់ ពង្រឹងកិច្ចខិតខំប្រឹងប្រែងដើម្បីចីរភាព និងគាំទ្រសហគមន៍នានា ខណៈយើងខ្ញុំបន្តរួមចំណែកពង្រឹងអនាគតសេវាធនាគាររបស់ប្រទេសយើង”។

ក្នុងជំហានឆ្ពោះទៅមុខ ABA នឹងប្តេជ្ញាបន្តលើកកម្ពស់ស្តង់ដារសេវាធនាគារឲ្យតែប្រសើរជាលំដាប់ បង្កើនលទ្ធភាពទទួលបានសេវាហិរញ្ញវត្ថុ និងគាំទ្រដល់កំណើនសេដ្ឋកិច្ចប្រកបដោយចីរភាពនៅ ទូទាំងប្រទេសកម្ពុជា។

អំពីទស្សនាវដ្តី The Banker

The Banker គឺជា ធនធានធនាគារ និងហិរញ្ញវត្ថុពិភពលោក របស់ក្រុមហ៊ុន Financial Times Group ។ ចាប់ផ្តើម បោះពុម្ពផ្សាយនៅក្នុងឆ្នាំ 1929 ទស្សនាវដ្តីបានក្លាយជាប្រភពព័ត៌មាន អំពី វិស័យធនាគារដ៏មានទំនុកចិត្ត និងអានដោយនាយកប្រតិបត្តិ នាយកហិរញ្ញវត្ថុ ហេរញ្ញិក របស់សាជីវកម្ម ទេសភិបាល ធនាគារកណ្តាល និងនិយតករហិរញ្ញវត្ថុនៅជាង 180 ប្រទេសទូទាំងពិភពលោក។

The Banker គឺជាប្រភពដ៏សំខាន់ក្នុងការផ្តល់ទិន្នន័យ និងការវិភាគសម្រាប់វិស័យធនាគារ។ ចំណាត់ថ្នាក់ ធនាគារពិភពលោកកំពូលៗ ចំនួន 1,000 របស់ The Banker ត្រូវបានប្រើប្រាស់ជាស្ដង់ដា តាំងពី ឆ្នាំ 1970 ដោយផ្ដល់ការព័ត៌មានទាក់ទងនឹងទ្រព្យសម្បត្តិ និងស្ថានភាពនៃវិស័យធនាគារគ្រប់ជ្រុងជ្រោយ ។

The post ABA ត្រូវបានទទួលស្គាល់ជាធនាគារឆ្នើមបំផុតនៅកម្ពុជាប្រចាំឆ្នាំ 2025 ដោយទស្សនាវដ្ដីហិរញ្ញវត្ថុ The Banker appeared first on Kampuchea Thmey Daily.

អំណោយនោះរួមមាន​ អង្ករ មី តង់ មុង ភួយ ​សម្លៀកបំពាក់ ​និង​គ្រឿងបរិភោគមួយចំនួនទៀត ដែលគិតជាទឹកប្រាក់ជិត ១០ ម៉ឺនដុល្លារ ដើម្បីចូលរួមចំណែកសម្រាលបន្ទុកជនភៀសសឹក។

​គិតមកដល់ពេលនេះ ​មានជនភាសសឹក​ប្រមាណ ៤០ ​ម៉ឺននាក់ ​ខណៈសង្គ្រាមកម្ពុជា-ថៃ ​នៅតែបន្ត ​នៅតាមបន្ទាត់ព្រំដែន​។

ប្រជាពលរដ្ឋភាសសឹក បីកូនខ្ចីនៅដៃ មកពីខេត្តឧត្តរមានជ័យ អ្នកស្រី ម៉ី ភឹម បានរំលឹកថា អ្នកស្រីជួបឧសគ្គច្រើននៅពេលជម្លៀសពីព្រំដែនដើម្បីគេចពីគ្រាប់ផ្លោងមកពីប្រទេសថៃ។ ប៉ុន្តែយ៉ាងណា អាជ្ញាធរបានជួយដោះស្រាយជម្រកស្នាក់នៅ អាហារ​ហូបចុកប្រចាំថ្ងៃបានគ្រប់គ្រាន់។ អ្នកស្រីចង់បានសន្តិភាព ចង់ត្រឡប់ទៅផ្ទះវិញ ដើម្បីឱ្យកូនបានរៀនសូត្រ។

​លោកស្រី ធាម រមណី នាយិកាទំនាក់ទំនងគូភាគី នៃធនាគារ ABA ​មានប្រសាសន៍ថា ជំនួយ​មនុស្ស​ធម៌​នេះ ជាការចូលរួមចំណែកក្នុងការកាត់បន្ថយទុកលំបាករបស់បងប្អូន ប្រជាពលរដ្ឋជន​ភៀស​សឹក។​

​លោកស្រី ធាម រមណី ​យល់ឃើញថា៖ «យើងមិនមែនបម្រើតែសេវាកម្មហិរញ្ញវត្ថុតែ​​មួយមុខ​នោះ​ទេ ​នៅពេលដែលប្រជាពលរដ្ឋជួបទុក្ខលំបាកបែបនេះ យើងចូលរួមចំណែកក្នុងការជួយ ហើយ​បង្ហាញ​ពីទឹកចិត្តយើងឈរនៅក្នុងសហគមន៍»។

លោក អ៊ឹង គឹមលាង អភិបាលរងខេត្តសៀមរាប មានប្រសាសន៍ថា សប្បុរសជនគ្រប់ទិសទី ផុស​ផុល ក្នុងការចូលរួម​ជួយ​ជនភាសសឹក ខណៈអាជ្ញាធរ បានរៀបចំទីតាំងស្នាក់នៅ ដោយ​បាន​ដំឡើង​ឡានទឹក បន្ទប់ទឹក កន្លែងស្នាក់នៅ ត្រឹមត្រូវសម្រាប់ជនភៀសសឹក។​ លោក អ៊ឹង គឹមលាង ក៏បាន​អំពាវនាវឱ្យសប្បុរសជនបន្តចូលរួមគាំទ្រទុកលំបាករបស់ប្រជាពលរដ្ឋ៕

អត្ថបទ៖ ឡេង ដេត

The post ​ធនាគារ ​ABA ​ផ្ដល់​ជំនួយ​មនុស្សធម៌​ទិញស្បៀង និងសម្ភារៈប្រើប្រាស់ជិត ១០ ​ម៉ឺន​ដុល្លារ ​ដល់ប្រជាពលរដ្ឋភៀសសឹក appeared first on Kampuchea Thmey Daily.