លោក ផន បុរី ជំនួយការនាយិកាមជ្ឈមណ្ឌលវិទ្យាសាស្ត្រ និងវប្បធម៌រុស្សី បានថ្លែងប្រាប់ឱ្យដឹងនៅថ្ងៃទី ១១ ខែកុម្ភៈនេះថា ការបង្កើនចំនួនអាហារូបករណ៍នេះ ផ្តល់ជូនទៅលើអ្នកជាប់បម្រុង ដើម្បីឱ្យពួកគាត់មានឱកាសបានទៅបន្តការសិក្សានៅប្រទេសរុស្សី។ បើតាមលោក បុរី ជំនាញដែលរុស្ស៊ីផ្តល់ជូននិស្សិតកម្ពុជាសិក្សារួមមានវិស្វកម្មយន្តហោះ ការបញ្ជារផ្លូវអាកាសយន្តហោះ បច្ចេកវិទ្យាកែរច្នៃចំណីអាហារ បច្ចេកវិទ្យាគីមី វិស្វកម្ម មេកានិច អគ្គិសនី សំណង់ស៊ីវិល ស្ថាបត្យកម្ម ព័ត៌មានវិទ្យា កសិកម្ម វិទ្យាសាស្ត្រនយោបាយច្បាប់ ទេសចរណ៍ និងសារព័ត៌មានជាដើម។

ចំពោះលក្ខខណ្ឌក្នុងការជ្រើសរើសនិស្សិតទៅសិក្សានៅរុស្សី ទាមទារឱ្យនិស្សិតត្រូវមានសុខភាពល្អ មិនមានជំងឺអេដស៍ ថ្លើម និងរបេង ហើយបើចេះភាសាអង់គ្លេសខ្លះរឹតតែប្រសើរ។ លើសពីនេះ និស្សិតដែលជាប់អាហារូបករណ៍ទាំងអស់ តម្រូវឱ្យសិក្សាភាសារុស្ស៊ី មុនបន្តការសិក្សានៅក្នុងប្រទេសនេះ។ នេះបើតាមលោក បុរី បញ្ជាក់បន្ថែម។

ក្រៅពីធានារ៉ាប់រងថ្លៃសិក្សា និស្សិតទាំងអស់នឹងទទួលបានថវិកា ៣០ដុល្លារក្នុងមួយខែ រហូតដល់រៀនចប់ពីរដ្ឋាភិបាលសហព័ន្ធរុស្ស៊ី ខណៈរាជរដ្ឋាភិបាលកម្ពុជាវិញ បានជួយឧបត្ថម្ភចំនួន ១៥០ ដុល្លារ ក្នុង ១ ខែ ដល់និស្សិត។ ចំណែកក្រសួងអប់រំ យុវជន និងកីឡា គឺជាអ្នកចេញថ្លៃសំបុត្រយន្តហោះសម្រាប់ធ្វើដំណើរទៅសិក្សានៅប្រទេសរុស្សី ប៉ុន្តែពេលវិលត្រឡប់មកវិញនិស្សិតរ៉ាប់រងដោយខ្លួនឯង ឬអាចស្នើសុំពីរដ្ឋាភិបាលបានក្នុងករណីខ្វះខាត។

ក្នុងឱកាសនេះ លោក ផន បុរី អំពាវនាវដល់និស្សិតកម្ពុជាដែលមានបំណងចង់ទៅសិក្សានៅសហព័ន្ធរុស្សី ត្រូវមកទំនាក់ទំនងនៅមជ្ឈមណ្ឌលវិទ្យាសាស្ត្រ និងវប្បធម៌រុស្សី ដើម្បីរៀនភាសារុស្សី និងត្រៀមដាក់ពាក្យស្នើសុំអាហារូបករណ៍ទៅសិក្សានៅរុស្សី។

គិតចាប់តាំងពីឆ្នាំ ១៩៧៩ រហូតមកដល់ ឆ្នាំ ២០២៥ រដ្ឋាភិបាលសហព័ន្ធរុស្ស៊ី បានផ្ដល់អាហារូបករណ៍ដល់និស្សិតកម្ពុជាប្រមាណ ៩ ០០០នាក់៕

អត្ថបទ ៖ សំអឿន

The post និស្សិតកម្ពុជាមានឱកាសសិក្សាជំនាញវិស្វកម្មយន្តហោះនៅរុស្សី ក្រោយអាហារូបករណ៍កើនដល់ ៦០ នាក់ appeared first on Kampuchea Thmey Daily.

នាសន្និសីទសារព័ត៌មានថ្ងៃទី ១៦ ខែធ្នូ ឆ្នាំ ២០២៥ លោកឯកអគ្គរដ្ឋទូត បានគូសបញ្ជាក់ថា ការផ្តល់អាហារូបករណ៍នេះនឹងជួយឱ្យពលរដ្ឋកម្ពុជាកាន់តែច្រើន ចូលរៀននៅសាកលវិទ្យាល័យឈានមុខរបស់រុស្ស៊ី ដើម្បីបង្កើនចំណេះដឹងឱ្យកាន់តែខ្លាំង។ លោកបញ្ជាក់ថា៖«កិច្ចសហប្រតិបត្តិការដ៏ជិតស្និទ្ធរវាងស្ថាប័នអប់រំនៃប្រទេសយើងទាំងពីរនៅតែបន្ត។ ក្នុងខែវិច្ឆិកា ឆ្នាំ២០២៥ ការិយាល័យតំណាងនៃសាកលវិទ្យាល័យរដ្ឋ St. Petersburg ត្រូវបានបើកសម្ពោធនៅសាកលវិទ្យាល័យជាតិបាត់ដំបង ដោយបានចុះអនុស្សរណៈនៃការយោគយល់គ្នា ដើម្បីពង្រឹងសមត្ថភាពសិស្ស»។

លើសពីនេះ លោកក៏មានទស្សនវិស័យថា៖«យើងបន្តកិច្ចខិតខំប្រឹងប្រែង ដើម្បីធ្វើឱ្យភាសារុស្ស៊ីមានប្រជាប្រិយភាពនៅកម្ពុជា។ សមិទ្ធផលដ៏សំខាន់មួយនៅក្នុងវិស័យនេះ គឺជាការបើកដំណើរការវគ្គសិក្សាភាសារុស្ស៊ី សម្រាប់និស្សិតកម្ពុជានៅរាជបណ្ឌិត្យសភាកម្ពុជា និងសាកលវិទ្យាល័យជាតិបន្ទាយមានជ័យ។ លោកឯកអគ្គរដ្ឋទូតរុស្ស៊ី ក៏បានថ្លែងអំណរគុណយ៉ាងជ្រាលជ្រៅចំពោះមិត្តកម្ពុជា ដែលត្រៀមខ្លួនពង្រឹងកិច្ចសហប្រតិបត្តិការទ្វេភាគីក្នុងវិស័យអប់រំ​ និងក្នុងវិស័យជាច្រើនផ្សេងទៀត។

គួរជម្រាបថា ចាប់តាំងពីឆ្នាំ១៩៨០ រហូតមកដល់២០២៣ រុស្សីបានផ្តល់អាហារូបករណ៍ដល់និស្សិតខ្មែរ ឱ្យទៅបន្តការសិក្សានៅ តាមសាកលវិទ្យាល័យនានានៅប្រទេសរុស្សីជាង ៨ ០០០នាក់ ក្នុងនោះមានប្រមាណ ៨០០០នាក់ បានបញ្ចប់ការសិក្សា និងប្រមាណជិត ៥០០នាក់កំពុងសិក្សានៅប្រទេសរុស្សី៕

The post ឯកអគ្គរដ្ឋទូតរុស្ស៊ី៖ ការសម្រេចបង្កើនអាហារូបករណ៍ជូននិស្សិតកម្ពុជាជាជំហានពង្រឹងកិច្ចសហការក្នុងវិស័យអប់រំ appeared first on Kampuchea Thmey Daily.

ការណែនាំនេះ​ធ្វើឡើងនៅរសៀលថ្ងៃទី១១ ខែសីហា ឆ្នាំ២០២៥ នៅទីស្តីការក្រសួង ក្នុងឱកាស បណ្ឌិតសភាចារ្យ ហង់ជួន ណារ៉ុន ទទួលជួបសម្ដែងការគួរសម និងផ្តល់អនុសាសន៍ណែនាំដល់ក្រុមនិស្សិតទាំង ២៤រូប មុនចេញដំណើរទៅបន្តការសិក្សាប្រទេសចិនចិនខាងមុខ។ លោករដ្ឋមន្ត្រី បានផ្តាំផ្ញើនិស្សិត ឱ្យត្រៀមលក្ខណៈបានល្អប្រសើរ ត្រូវចាប់យកជំនាញឱ្យបានច្បាស់លាស់ និងផ្តោតការយកចិត្តទុកដាក់លើការសិក្សារៀនសូត្រ ជាពិសេស លើការសិក្សាស្រាវជ្រាវ ក៏ដូចជាពង្រឹងភាសាបរទេសរបស់ខ្លួន ធ្វើការផ្សារភ្ជាប់ចំណេះដឹងទ្រឹស្តីជាមួយនឹងការអនុវត្តជាក់ស្ដែងឱ្យបានច្រើន ដើម្បីទទួលបានភាពជោគជ័យក្នុងការសិក្សា ដោយមានទាំងចំណេះនិងជំនាញ ក្លាយជាធនធានមនុស្សដ៏តម្លៃក្នុងគោលដៅចូលរួមចំណែកអភិវឌ្ឍសង្គមជាតិនៅពេលត្រឡប់មកជាតិមាតុភូមិវិញ។

ក្រៅពីការសិក្សា លោកបណ្ឌិតសភាចារ្យ ហង់ជួន ណារ៉ុន ក៏បានផ្តាំឱ្យនិស្សិតទាំងអស់ ត្រូវយកចិត្តទុកដាក់លើសុខភាពផ្ទាល់ខ្លួន ព្រោះថា សុខភាពល្អគឺជាកត្តាចម្បងមួយក្នុងការសិក្សាឱ្យទទួលបានភាពជោគជ័យ។ លោកក៏បាន លើកទឹកចិត្តឱ្យនិស្សិត ត្រូវចេះសម្របខ្លួនទៅនឹងបរិស្ថានថ្មី ទាំងអាកាសធាតុ ម្ហូបអាហារ និងរបៀបរស់នៅរបស់ប្រជាជនចិន ជាពិសេស ត្រូវឆ្លៀតពេលសិក្សាស្វែងយល់ពីវប្បធម៌ និងប្រពៃណីរបស់ប្រទេសចិន និងយកឱកាសនេះ ចូលរួមផ្សព្វផ្សាយពីវប្បធម៌របស់កម្ពុជាទៅកាន់អន្តរជាតិ ដើម្បីបង្កើនចំណេះដឹងទូទៅ និងពង្រឹងទំនាក់ទំនងរវាងប្រទេសទាំងទាំងពីរឱ្យកាន់តែរឹងមាំថែមទៀត។

បើតាមក្រសួងអប់រំ កម្មវិធីអាហារូបករណ៍ MOFCOM គឺជាកម្មវិធីអាហារូបករណ៍ថ្នាក់ជាតិកម្រិតខ្ពស់ និងជាផ្នែកមួយនៃជំនួយអភិវឌ្ឍន៍របស់រដ្ឋាភិបាលចិន ដែលបានផ្តល់ឱកាសដល់យុវជនកម្ពុជាដែលជាមន្ត្រីរាជការ និងបុគ្គលិកក្នុងវិស័យឯកជនបានទៅបន្តការសិក្សា ដើម្បីបង្កើននិងពង្រឹងចំណេះដឹង ជំនាញវិជ្ជាជីវៈ និងសមត្ថភាពការងារនៅក្នុងស្ថាប័នឱ្យកាន់តែមានប្រសិទ្ធភាពសម្រាប់ជាប្រយោជន៍ដល់ការអភិវឌ្ឍសង្គមនិងសេដ្ឋកិច្ចកម្ពុជានាពេលអនាគត៕

The post រដ្ឋមន្រ្តីក្រសួងអប់រំ ផ្តាំនិស្សិតដែលទទួលបានអាហារូបករណ៍ទៅចិន ត្រូវខំរៀនសូត្រទាំងទ្រឹស្តី និងការអនុវត្តជាក់ស្តែង appeared first on Kampuchea Thmey Daily.

គិតត្រឹមថ្ងៃទី ៣១ ខែ កក្កដា ឆ្នាំ ២០២៥ នេះ សម្តេចតេជោ ហ៊ុន សែន បានផ្តល់អាហារូបករណ៍ដល់និស្សិតកម្ពុជាដែលត្រឡប់មកពីប្រទេសចំនួន ១៧២នាក់។ ទោះជាយ៉ាងណា ដោយសារនិស្សិតកម្ពុជាសម្រុកវិលចូលស្រុកកំណើតវិញកាន់តែច្រើនពោលគិតត្រឹមថ្ងៃទី ០៤ ខែសីហា មានជាង ៦០០នាក់ ដូច្នេះក្រសួងកំពុងធ្វើការសម្របសម្រួលដើម្បីឱ្យប្អូនៗមានឱកាសបន្តសិក្សានៅកម្ពុជា។

អ្នកនាំពាក្យក្រសួងអប់រំ យុវជន និងកីឡា លោកស្រី ឃួន វិច្ឆិកា ប្រាប់កម្ពុជាថ្មីថា កន្លងមក សម្តេចតេជោ បានផ្តល់អាហារូបករណ៍ដល់ប្អូនៗដែលបានដាក់ពាក្យសុំអាហារូបករណ៍លើកទី១ចំនួន១៧២នាក់។ លោកស្រីបន្តថា៖«ក្រសួងបានទទួលសំណើរបន្ថែមទៀតពីប្អូនៗ ហើយពេលនេះកំពុងធ្វើការសម្របសម្រួល និងរៀបចំស្នើសុំអាហារូបករណ៍បន្តទៀត»។​​​

គួររំលឹកថា សម្តេចតេជោ ហ៊ុន សែន​ ប្រធានព្រឹទ្ធសភា ធ្លាប់ផ្តាំទៅនិស្សិតខ្មែរដែលទទួលបានអហារូបករណ៍សិក្សានៅប្រទេសថៃ ពិចារណាវិលត្រឡប់មកកម្ពុជាវិញ ក្នុងករណីថៃធ្វើទុក្ខបុកម្នេញអំឡុងពេលសិក្សា ចំពេលមានភាពតាងតឹងក្នុងជម្លោះព្រំដែន។ ជាមួយនឹងការហៅមកផ្ទះយើងវិញ សម្តេចតេជោ អះអាងធានាផ្តល់អាហារូបករណ៍ និងទទួលបន្ទុកចេញថ្លៃសិក្សា។

អញ្ជើញថ្លែងសារពិសេសកាលពីថ្ងៃទី ១៦ ខែមិថុនា ឆ្នាំ ២០២៥ សម្តេចតេជោ ហ៊ុន សែន មានប្រសាសន៍ថា រាជរដ្ឋាភិបាលកម្ពុជាបានត្រៀមខ្លួនរួចហើយសម្រាប់ធ្វើកិច្ចការទាំងឡាយចំពេលមានភាពតានតឹងរវាងកម្ពុជា-ថៃ និងកាត់បន្ថយទាំងអស់នូវការពឹងពាក់ពីសំណាក់ថៃ។ ការថ្លែងរបស់សម្តេចតេជោ ដើម្បីឆ្លើយតបទៅនឹងបងប្អូនមួយចំនួន ជាពិសេសនិស្សិត​កម្ពុជាដែលកំពុងសិក្សានៅថៃ ដែលបារម្ភពីការសិក្សា និងសួរថាគួរបន្តសិក្សានៅថៃឬយ៉ាងណា។

សម្តេចតេជោថ្លែងយ៉ាងដូច្នេះថា៖«ខ្ញុំសូមផ្តាំទៅ(និស្សិតខ្មែរ) បើគេបន្តឱ្យរៀនបាន រៀនទៅ បើទ្រាំមិនបានទេ ត្រឡប់មកខ្មែរវិញ មករៀននៅស្រុកខ្មែរវិញ មានអាហារូបករណ៍។ បើសិនជាក្រសួងអប់រំ យុវជន និងកីឡា និងខាងរដ្ឋាភិបាល មិនអាចទទួលខុសត្រូវបាន ខ្ញុំជាអ្នកចេញលុយឱ្យរៀន ។ ខ្ញុំយកការទទួលខុសត្រូវទៅលើបញ្ហានេះ បើសិនគេធ្វើទុក្ខបុកម្នេញ ក្នុងពេលដែលកំពុងសិក្សា»៕

The post ខណៈនិស្សិតកម្ពុជាត្រឡប់ពីថៃមានចំនួនច្រើន ក្រសួងអប់រំ កំពុងរៀបចំសំណើរសុំអាហារូបករណ៍បន្ថែមពីសម្តេចតេជោ appeared first on Kampuchea Thmey Daily.

ការផ្តល់អនុសាសន៍នេះ ធ្វើឡើងក្នុងឱកាសដែលរដ្ឋមន្ត្រីអប់រំកម្ពុជា ចូលរួមសន្និសីទអប់រំឌីជីថលពិភពលោកឆ្នាំ២០២៥-2025 World Digital Education Conference” នាថ្ងៃទី១៦ ខែឧសភា និងបានទទួលជួបសំណេះសំណាលជាមួយតំណាងនិស្សិតកម្ពុជា ដែលទទួលបានអាហារូបករណ៍ និងកំពុងសិក្សានៅទីក្រុងវ៉ូហាន សាធារណរដ្ឋប្រជាមានិតចិន។ នេះបើតាមការផ្សាយរបស់ក្រសួងអប់រំ។

ក្នុងពិធីសំណេះសំណាល រដ្ឋមន្ត្រីអប់រំកម្ពុជា បានផ្តល់អនុសាសន៍ដល់និស្សិតអាហារូបករណ៍ពីសារៈសំខាន់ដែលនាំឱ្យការសិក្សាទទួលបានជោគជ័យគឺ៖ “កត្តាបុគ្គល ត្រូវមានការប្ដេជ្ញា តស៊ូ ព្យាយាមរៀនសូត្រ និងអនុវត្តឱ្យបានច្រើន ត្រូវមានសីលធម៌ សុជីវធម៌ និងមានទំនាក់ទំនងល្អ ព្រមទាំងកត្តារបបអាហារូបត្ថម្ភ និងការថែទាំសុខភាព”។

ជាមួយគ្នានេះ លោកបណ្ឌិត ហង់ជួន ណារ៉ុន ក៏ផ្តាំដល់និស្សិតគ្រប់រូប ក្រៅពីការសិក្សានៅសាលា ក៏ត្រូវខិតខំប្រឹងប្រែងសិក្សាស្រាវជ្រាវឱ្យបានច្រើនអំឡុងពេលសិក្សានៅបរទេស ដើម្បីទទួលបានចំណេះដឹងបន្ថែម និងគ្រប់ជ្រុងជ្រោយ ដើម្បីក្លាយជាធនធានមនុស្សដ៏ល្អ និងពូកែរបស់គ្រួសារ និងប្រទេសជាតិ សម្រាប់ការចូលរួមចំណែកអភិវឌ្ឍន៍ប្រទេសឱ្យកាន់តែរីកចម្រើន៕

The post រដ្ឋមន្ត្រីអប់រំ ផ្តាំនិស្សិតកម្ពុជាដែលកំពុងរៀននៅប្រទេសចិន ឱ្យខិតខំរៀនសូត្រ មានសីលធម៌ និងទំនាក់ទំនងល្អ appeared first on Kampuchea Thmey Daily.

ការលើកឡើងនេះ ធ្វើនៅក្នុងអំឡុងទស្សនកិច្ចនៃ កម្មវិធី Lee Kuan Yew Exchange Fellowship នាថ្ងៃទី២៤ ខែមេសា ឆ្នាំ២០២៥ របស់រដ្ឋមន្ត្រីអប់រំកម្ពុជា នៅប្រទេសសិង្ហបុរី ដោយលោកបានដឹកនាំប្រតិភូក្រសួងអប់រំ យុវជន និងកីឡា ទទួលជួបសំណេះសំណាលជាមួយតំណាងយុវជន និងនិស្សិតកម្ពុជា ចំនួន ៨រូប ដែលកំពុងសិក្សាថ្នាក់បរិញ្ញាបត្រជាន់ខ្ពស់នៅប្រទេសសិង្ហបុរី លើជំនាញរដ្ឋបាលសាធារណៈ ជំនាញគោលនយោបាយសាធារណៈ ជំនាញវិទ្យាសាស្រ្តសាសនា និងជំនាញការអប់រំសាសនាគ្រិស្ត។​

ក្នុងជំនួបខាងលើ លោក ហង់ជួន ណារ៉ុន បាននិយាយថា៖ “តាងនាមក្រសួងអប់រំ យុវជន និងកីឡា សូមជូនពរដល់និស្សិតទាំងអស់ឱ្យមានសុខភាពល្អ និងទទួលបានជោគជ័យក្នុងការសិក្សា ព្រមទាំងបានផ្ដល់អនុសាសន៍ដល់និស្សិតទាំងអស់ឱ្យខិតខំប្រឹងប្រែងយកចិត្តទុកដាក់សិក្សារៀនសូត្រក្រេបយកចំណេះវិជ្ជាថ្មីៗ ទាំងនៅក្នុងសាលា និងពីមជ្ឈដ្ឋានខាងក្រៅឱ្យអស់ពីលទ្ធភាព ដើម្បីជាទុនក្នុងការអភិវឌ្ឍខ្លួនក្លាយជាបញ្ញវន្តដែលមានចំណេះដឹងច្បាស់លាស់ និងជំនាញពិតប្រាកដ ជាទំពាំងដ៏ល្អក្នុងការចូលរួមកសាងប្រទេសជាតិ នៅពេលវិលត្រឡប់មកមាតុប្រទេសវិញ”។

ក្នុងឱកាសនេះ លោកក៏បានផ្តាំដល់និស្សិតគ្រប់រូបយកចិត្តទុកដាក់មើលថែសុខភាពឱ្យបានល្អ ហើយលោកក៏បានចែករំលែកបទពិសោធជាមួយពួកគេ និងស្វែងយល់អំពីស្ថានភាពការសិក្សារៀនសូត្រ បទពិសោធដែលទទួលបានពីការរស់នៅសិង្ហបុរី ក៏ដូចជាការប្រឈមនានា។

រដ្ឋមន្ត្រីអប់រំក៏បានបញ្ជាក់ដែលថា ឆ្នាំ២០២៥នេះ បានឈានចូលខួបគម្រប់ ៦០ឆ្នាំហើយនៃការផ្សារភ្ជាប់ទំនាក់ទំនងការទូតជាផ្លូវការរវាងកម្ពុជា និងសិង្ហបុរី។ ជាមួយគ្នានេះ តាមរយៈការផ្តល់អាហារូបករណ៍នេះ លោករំពឹងថាទំនាក់ទំនងដ៏ល្អផូរផង់នេះនឹងបន្តរីកចម្រើនជានិរន្តរ៍៕

The post រដ្ឋមន្ត្រីអប់រំ ផ្តាំនិស្សិតអាហារូបករណ៍កម្ពុជាដែលកំពុងរៀននៅសិង្ហបុរី ឱ្យខិតខំរៀនសូត្រដើម្បីមានជំនាញពិតមកអភិវឌ្ឍន៍ប្រទេស appeared first on Kampuchea Thmey Daily.

មុនចេញដំណើរទៅប្រទេសជប៉ុន ក្នុងពេលឆាប់ៗខាងមុខនេះ ស្ថានទូតជប៉ុនប្រចាំកម្ពុជា ក៏បានរៀបចំពិធីជូនដំណើរនិស្សិតទាំង៣៤រូប នៅល្ងាចថ្ងៃទី០៣ ខែមីនា ឆ្នាំ២០២៥នេះ។

ពិធីជូនដំណើរនិស្សិត រៀបចំឡើងក្រោមវត្តមានរបស់លោក អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា,លោកបណ្ឌិត ម៉ី កល្យាណ ទីប្រឹក្សាជាន់ខ្ពស់នៃឧត្ដមក្រុមប្រឹក្សាសេដ្ឋកិច្ចជាតិ,លោកបណ្ឌិត សាន វឌ្ឍនា រដ្ឋលេខាធិការក្រសួងអប់រំ យុវជន និងកីឡា, លោក វ៉ា កូរ៉ា ប្រធានសមាគមអតីតនិស្សិតខ្មែរពីប្រទេសជប៉ុន និងវត្តមានភ្ញៀវកិត្តិយសជាច្រើនរូប។

ឯកអគ្គរាជទូតជប៉ុនប្រចាំនៅកម្ពុជា លោក អ៊ូអិណុ អាត់ស៊ូស៊ី អបអរសាទរចំពោះនិស្សិតទាំង៣៤រូប ដែលបានជាប់អាហារូបករណ៍ ក្រោយឆ្លងកាត់ដំណាក់កាលប្រឡង និងសម្ភាសន៍ជាបន្តបន្ទាប់យ៉ាងស្វិតស្វាញ ហើយក៏បានថ្លែងអំណរគុណចំពោះក្រសួងអប់រំ យុវជន និងកីឡា និងស្ថាប័នពាក់ ព័ន្ធសម្រាប់កិច្ចសហប្រតិបត្តិការនានាតាំងពីដើមរហូតដល់ពេលនេះ។

លោកទូតជប៉ុន ជឿជាក់ថា ការណ៍ដែលនិស្សិតអាហារូបករណ៍ថ្មីទាំង៣៤រូប ត្រូវឃ្លាតឆ្ងាយពីផ្ទះកំណើត ច្បាស់ណាស់នឹងមានអារម្មណ៍រំភើបលាយភ័យដោយសារត្រូវឃ្លាតឆ្ងាយពីក្រុមគ្រួសារ មិត្តភក្តិ ហើយត្រូវចាប់ផ្ដើមជីវិតថ្មី  និងនៅកន្លែងថ្មីដែលមិនធ្លាប់រស់នៅពីមុនមក។ លោកឯកអគ្គរាជទូត បន្តថា ការចំណាយពេលវេលានៅប្រទេសជប៉ុនជាមួយនឹងមិត្តភក្តិជាច្រើនមកពីគ្រប់ទិសទី និងចូលរួមការប្រកួតប្រជែងនានា នឹងក្លាយជាបទពិសោធន៍ដែលមានតម្លៃមួយក្នុងជីវិតរបស់និស្សិត ហើយលោក សង្ឃឹមថា និស្សិតកម្ពុជា នឹងប្រើប្រាស់ចំណេះដឹងដែល បានរៀននៅប្រទេសជប៉ុន ជាផលប្រយោជន៍ដើម្បីចូលរួមចំណែកអភិវឌ្ឍន៍ក្នុងវិស័យរៀងៗខ្លួននៅកម្ពុជា និងបន្តពង្រឹងមិត្តភាពដ៏ល្អរវាងប្រទេសទាំងពីរនាពេលអនាគត ដូចដែលរៀមច្បងដែលជាអតីតនិស្សិតខ្មែរពីប្រទេសជប៉ុនបានអនុវត្តយ៉ាងសកម្ម។

រដ្ឋលេខាធិការក្រសួងអប់រំ យុវជន និងកីឡា លោក សាន វឌ្ឍនា  អបអរសាទរចំពោះនិស្សិតដែលបានប្រលងជាប់អាហារូបការណ៏បន្តការសិក្សា នៅប្រទេសជប៉ុន ដែលនឹងផ្តល់នូវការយ៉ាងធំធេងសម្រាប់ជីវិត ពិសេសជំនាញ និងសមត្ថភាពត្រលប់មកជួយអភិវឌ្ឍប្រទេសជាតិ។ លោករដ្ឋលេខាធិការ បានជម្រុញឲ្យនិស្សិតអាហារូបការណ៏ទាំងអស់ប្រឹងប្រែងសិក្សា រៀនសូត្រ រៀនពីជីវិត វប្បធម៌ និងការរស់នៅប្រទេសជប៉ុន និងចែករំលែកវប្បធម៌ ប្រពៃណី ទំនៀមទំលាប់របស់កម្ពុជាទៅកាន់ប្រទេសជប៉ុន ដើម្បីជាស្ពាន នៃទំនាក់ទំនងរវាងប្រទេសទាំងពីរ។ លោក មិនភ្លេចអរគុណរដ្ឋាភិបាលជប៉ុន ដែលតែងផ្តល់អាហារូបករណ៏ដល់និស្សិតវ័យក្មេងរបស់កម្ពុជា ដើម្បីបានបន្តការសិក្សានៅសាកលវិទ្យាល័យល្បីៗនៅប្រទេសជប៉ុន ដែលបានរួម ចំណែកដល់ការអភិវឌ្ឍធនធានមនុស្ស និងការអភិវឌ្ឍសង្គម សេដ្ឋកិច្ចកម្ពុជា។

គួរឱ្យដឹងថា ចាប់តាំងពីទសវត្សរ៍ឆ្នាំ១៩៧០ មកដល់បច្ចុប្បន្ន រដ្ឋាភិបាលជប៉ុន បានផ្តល់អាហារូបករណ៍សម្រាប់យុវជនកម្ពុជាជាង១ ៥០០នាក់ ដើម្បីបន្តការសិក្សានៅប្រទេសជប៉ុន។

ស្ថានទូតជប៉ុនប្រចាំកម្ពុជា តែងតែធ្វើពិធីជូនដំណើរនិស្សិតដែលជាប់អាហារូបករណ៍ទៅសិក្សានៅប្រទេសជប៉ុន ពោលកាលពីឆ្នាំ២០២៤ កន្លងទៅស្ថានទូតបានរៀបចំជូនដំណើរនិស្សិតចំនួន៣៤រូប ឯកាលពីឆ្នាំ២០២៣​ ក៏ធ្លាប់រៀបចំពិធីជូនដំណើរនិស្សិតចំនួន២៤រូប៕​

ដោយ៖ង៉ិល ណារ៉ាត់

The post និស្សិតកម្ពុជា៣៤រូប ជាប់អាហារូបករណ៍ទៅសិក្សានៅប្រទេសជប៉ុន appeared first on Kampuchea Thmey Daily.

រដ្ឋមន្ត្រីក្រសួងអប់រំ ផ្តាំបែបនេះ នៅថ្ងៃទី២៥ ខែធ្នូ ឆ្នាំ២០២៤ នៅទីស្តីការក្រសួង ក្នុងឱកាសដែលលោកបណ្ឌិត តំណាងនាយករដ្ឋមន្ត្រីកម្ពុជា ទទួលជួបសម្ដែងការគួរសម និងផ្តល់អនុសាសន៍ណែនាំជូនដល់តំណាងនិស្សិតជ័យលាភីអាហារូបករណ៍រដ្ឋាភិបាលនូវែលសេឡង់ ឆ្នាំសិក្សា ២០២៥ (Manaaki New Zealand Scholarships-MNZS) ចំនួន៣៧រូប មុនចេញដំណើរទៅបន្តការសិក្សានៅប្រទេសនូវែលសេឡង់។

ក្នុងជំនួបនេះ បណ្ឌិតសភាចារ្យ មានប្រសាសន៍ ឱ្យនិស្សិតអាហារូបករណ៍ បន្តខិតខំប្រឹងប្រែងរៀនសូត្រដើម្បីទទួលបានបទពិសោធ និងចំណេះដឹងល្អៗ យកមកអភិវឌ្ឍប្រទេសជាតិឱ្យកាន់តែរីកចម្រើនថែមទៀត ដោយក្រើនរំលឹកថាត្រូវតែរៀនឱ្យចេះច្បាស់ ចាប់យកជំនាញពិតប្រាកដ ហើយត្រូវមានសមត្ថភាពប្រើប្រាស់ចំណេះជំនាញបង្កើតជាគុណប្រយោជន៍ដល់សង្គមជាតិ។

បន្ថែមពីនេះ បណ្ឌិតសភាចារ្យ ហង់ជួន​ ណារ៉ុន ក៏បាននាំយកនូវការផ្តាំផ្ញើសួរសុខទុក្ខ និងយកចិត្តទុកដាក់របស់សម្តេចមហាបវរធិបតី នាយករដ្ឋមន្ត្រី ចូលរួមអបអរសាទរដល់និស្សិតជ័យលាភីអាហារូបករណ៍រដ្ឋាភិបាលនូវែលសេឡង់ MNZS ទាំងអស់ និងចែករំលែកបទពិសោធពាក់ព័ន្ធនឹងការសិក្សា ក៏ដូចជារស់នៅបរទេស ដោយរំលេចថា ជានិស្សិតបរិញ្ញាបត្រជាន់ខ្ពស់ត្រូវផ្ដោតលើការពង្រឹងជំនាញខ្ពស់ ដែលទាមទារនូវសមត្ថភាពប្រើប្រាស់ភាសាឱ្យស្ទាត់ជំនាញទាំងការនិយាយ និងសរសេរ។ ដូច្នេះសូមបន្តពង្រឹងសមត្ថភាពភាសាឱ្យខ្លាំង ត្រូវអាន និងសរសេរឱ្យបានច្រើន បង្កើតទម្លាប់រៀនសូត្រឱ្យបានត្រឹមត្រូវ បន្តការសិក្សាស្រាវជ្រាវដោយខ្លួនឯង ចេះសង្ខេបមេរៀន ពង្រឹងជំនាញសតវត្សទី២១ ខិតខំប្រឹងប្រែងរៀនសូត្រចាប់យកជំនាញឱ្យចេះច្បាស់ ទន្ទឹមនឹងនេះក៏ត្រូវផ្តោតយកចិត្តទុកដាក់ឱ្យលើការថែរក្សាសុខភាពឱ្យបានរឹងមាំតស៊ូជម្នះដើម្បីបង្កើនភាពធន់ខ្លួនឯងសម្រាប់ជីវិតការងារជោគជ័យនាពេលអនាគត៕

The post រដ្ឋមន្ត្រីអប់រំ ផ្តាំទៅនិស្សិតត្រៀមបន្តការសិក្សានៅប្រទេសនូវែលសេឡង់ ឱ្យខិតខំរៀនសូត្រដើម្បីយកចំណេះអភិវឌ្ឍន៍ជាតិ appeared first on Kampuchea Thmey Daily.