កញ្ញា នី មុន្នី្ននាថ បានលើកឡើងថា ការតភ្ជាប់រវាងការជឿនលឿនរបស់ប្រទេសកម្ពុជា និងរបាំ «១០០ឆ្នាំ» គឺបង្ហាញថាការអភិវឌ្ឍមិនមែនមានន័យថា បោះបង់អត្តសញ្ញាណចាស់ទេ ប៉ុន្តែជាការយកមូលដ្ឋានវប្បធម៌មកបន្ត និងអភិវឌ្ឍឱ្យសមស្របនឹងសម័យកាលថ្មី។

នី មុន្នីនាថ បញ្ជាក់ឱ្យដឹងថា របាំនេះដូចជាការអភិវឌ្ឍន៍ជាតិកំពុងបញ្ជាក់ថា កម្ពុជាអាចដើរទៅមុខបានយ៉ាងមាំមួន ខណៈដែលនៅតែរក្សារសោភ័ណ្ឌភាព និងព្រលឹងវប្បធម៌ខ្មែរឱ្យរស់រវើកជានិច្ច។ “មនុស្សជាទ្រព្យវប្បធម៌រស់” ជំនាន់ក្រោយនៃរបាំ១០០ឆ្នាំ នឹងរស់រានមានជីវិតបានប្រសិនបើយើងថែរក្សាបន្តបង្រៀនអភិវឌ្ឍដោយមានស្មារតី និងមានមោទនភាពជាខ្មែរ។

តារាសម្តែង នី មុន្នីនាថ និយាយបន្ថែមថារបាំ «១០០ ឆ្នាំ» ជារបាំដែលមានន័យខ្លាំងបង្ហាញពីការធ្វើដំណើររយៈពេលមួយសតវត្សរ៍ នៃជីវិត វប្បធម៌ ប្រវត្តិសាស្ត្រ និងអត្តសញ្ញាណរបស់សង្គមនៅកម្ពុជា។ ក្នុងនោះក៏បង្ហាញពី អតីតកាល បច្ចុប្បន្ន និងអនាគត, រំលេចបន្តបន្ទាប់នៃវប្បធម៌ប្រពៃណី និងការផ្លាស់ប្តូរតាមសម័យនឹងសម្គាល់ការលំបាក ការតស៊ូ និងជោគជ័យក្នុងរយៈពេល ១០០ឆ្នាំ ៕ ដោយ ៖ ចាន់រ៉ា

The post នី មុន្នី្ននាថ ចាត់ទុកមនុស្ស ជាទ្រព្យវប្បធម៌រស់ជំនាន់ក្រោយនៃរបាំ ១០០ឆ្នាំ នឹងរស់រានមានជីវិត appeared first on Kampuchea Thmey Daily.

ទោះបីជាយ៉ាងស្រាប់តែមុននេះ ប្រធានមូលនិធិឈាមគឺតារាសម្តែង នី មុន្នីនាថ ហាក់បង្ហាញការអាក់អន់ចិត្តព្រោះតែរាល់ការរៀបចំកម្មវិធីបរិច្ចាគឈាមនៅមានកម្រិត ព្រោះមិនសូវមានការចូលរួមឲ្យបានផុសផុលពីបងប្អូនប្រជាពលរដ្ឋទូទៅ។ ត្រង់ចំំណុចនេះ នី មុន្នី្ននាថ បានលើកជាសំនួរថា” គួរបន្តបេសកកម្មនេះទៀតឬក៏អត់?”។

កញ្ញា នី មុន្នី្ននាថ បានបញ្ជាក់ថា កន្លងមកនាងកត់សម្គាល់ឃើញថា នៅពេលដែលសាធារណជនត្រូវការឈាមតែងមានការទាក់ទងសុំជំនួយពីខ្លួន ប៉ុន្តែយ៉ាងណាក៏មាន សាធារណជនខ្លះទៀត គាត់ហាក់នៅមានការភ័យក្លាយចំពោះការបរិច្ចាគឈាមដោយសារពេលរៀបចំកម្មវិធី គឺពួកគាត់មានការចូលរួមតិចទាល់តែមែនទែន។ ដូច្នេះនាងក៏អំពាវនាវសុំការចូលរួមពីសំណាក់បងប្អូនទាំងអស់គ្នាគួររួមគ្នាលើបញ្ហានេះ។

នី មុន្នី្ននាថ បាននិយាយទៀតថា “ការបង្កើតមូនិធិនេះពិតជាពិបាកមែនទែន (ផ្លូវមួយនេះមិនស្រួលទេ) តែសួរថាខ្ញុំរុញរាអត់គឺចម្លើយអត់ទេខ្ញុំនៅតែព្យាយាមធ្វើតែក៏មានពេលខ្លះពិបាកចិត្តដែរ ហើយក៏ពិបាកខ្លាំង ព្រោះនៅពេលយើងធ្វើអ្វីមួយគឺធ្វើដោយទឹកចិត្ត និងបេះដូងរបស់យើងតែអ្វីដែលទទួលបានមកវិញគ្មានតម្លៃទេ តាមរយ:ពាក្យប្រមាថជាច្រើនដែលខ្ញុំធ្លាប់ឆ្លងកាត់កន្លងមក”។

សូមបញ្ជាក់ថា នៅថ្ងៃអាទិត្យទី២៦ ខែតុលា ឆ្នាំ២០២៥ វេលសម៉ោង ៧:០០ព្រឹក ដល់ ៤:៣០ល្ងាច មូនិធិឈាមកញ្ញា មុន្នី្ននាថ ក៏នឹងរៀបចំកម្មវិធីបរិច្ចាគឈាមក្រោមប្រធានបទ”ឈាមខ្មែរតែមួយ” ដោយសហការជាមួយសាលាអន្តរជាតិចុងអ៊ីង។ ជាមួយគ្នានេះដែរកញ្ញា នី មុន្នីនាថ បានបំផុសដោយលើកឡើងនៅអត្ថប្រយោជន៍នៃការបរិច្ចាគឈាមសង្គ្រោះជីវិតមនុស្ស ដោយបញ្ជាក់ថាការផ្តល់ឈាមគឺជាអំពើល្អដ៏អស្ចារ្យ និងជាការជួយសង្គ្រោះជីវិតមនុស្សយ៉ាងពិតប្រាកដ ៕ ចាន់រ៉ា

The post នី មុន្នីនាថ បង្ហាញការអន់ចិត្ត ខណ:រាល់ការរៀបចំកម្មវិធីបរិច្ចាគឈាមមិនសូវមានការចូលរួមផុសផុល appeared first on Kampuchea Thmey Daily.

តារាសម្តែងទឹកភ្នែកកញ្ញា នី មុន្នីនាថ បញ្ជាក់ថា ការរៀបចំព្រឹត្តិការណ៍ក្បួនដង្ហែថ្មើរជើងដ៏ធំមួយ គឺដើម្បីទាមទារឱ្យថៃដោះលែងវីរកងទ័ពកម្ពុជាទាំង ១៨នាក់ ត្រឡប់មកវិញ បន្ទាប់ពីត្រូវបានក្រុមទាហានចោរសៀមចាប់ទៅដោយបំពានបទឈប់បាញ់ ជាង២០ថ្ងៃកន្លងមកនេះ។

បើតាមការបញ្ជាក់ សម្រាប់ព្រឹត្តិការណ៍ក្បួនដង្ហែថ្មើជើងថ្ងៃទី២៣ ខែសីហានេះ គឺធ្វើឡើងនៅលើទឹកដីខេត្តសៀមរាបដែលនឹងជួបជុំគ្នានៅម៉ោង ២រសៀល នៅខាងមុខព្រះរាជដំណាក់។

ជាថ្មីម្តងទៀតកញ្ញា នី មុន្នីនាថ បានចេញការអំពាវនាវដូច្នេះថា “ជួបគ្នាថ្ងៃទី ២៣ សីហា បងប្អូនយើងនឹងដង្ហែក្បួនទាមទារឲ្យថៃដោះលែងវីរៈកងទ័ពខ្មែរទាំង១៨នាក់ត្រឡប់មកវិញ”។

តារាសម្តែងទឹកភ្នែក នី មុន្នីនាថ ទទូចថា “សូមបងប្អូនមេត្តាចូលរួមឱ្យបានច្រើន ដើម្បីជាតិដើមប្រជាជន និងដើម្បីវីរកងទ័ពកម្ពុជាដ៏អង់អាចក្លាហាន។ ក្នុងស្មារតីរួបរួមជាតិតែមួយខឿនការពារជាតិប្រជាជន និងវីរ:កងទ័ពនៅតែបន្តដរាបណាការគំរាមកំហែងនៅមានបងប្អូនអាចចូលរួមទាំងអស់គ្នា” នៅថ្ងៃទី២៣ សីហា ស្អែកនេះ”៕ ចាន់រ៉ា

The post ២៣សីហានេះ ខេត្តសៀមរាប មានការដង្ហែក្បួនថ្មើរជើងដ៏ធំមួយ ទាមទារឱ្យថៃដោះលែងវីរកងទ័ពខ្មែរទាំង ១៨រូប appeared first on Kampuchea Thmey Daily.

ក្នុងន័យនេះតារាសម្តែង នី មុន្នីនាថ គូសបញ្ជាក់ថា “ពួកយើងគួរពង្រឹងខ្លួនឲ្យខ្លាំងចាប់ពេលឥឡូវនេះតទៅ ដើម្បីឲ្យកាន់តែខ្លាំងការពារសត្រូវ យើងត្រូវចាប់ផ្ដើមស្គាល់ថៃ។ នី មុន្នីនាថ បន្តថា យើងត្រូវតែខំប្រឹងរៀនបន្ថែមទៀត និងផ្សព្វផ្សាយអំពីប្រទេសកម្ពុជារបស់យើងឲ្យកាន់តែទូលំទូលាយជាងនេះបន្ថែមទៀត ដើម្បីពេលគេវាយឆ្មក់យើងខ្លាំង។

តារាស្រី នី មុន្នីនាថ បាននិយាយទៀតថា “តោះបងប្អូនសារព័ត៌មាន,អ្នកផលិតមាតិកា,អ្នកផលិតភាពយន្តឬក៏អ្នកដែលមានសំឡេងខ្លាំងបំផុត ឬក៏ផេកដែលជាសារព័ត៌មាននៅក្រៅប្រទេស និងក្នុងប្រទេសពួកយើងចាប់ផ្ដើមពង្រឹងឱ្យខ្លាំងពីឥឡូវនេះខំប្រឹងរៀនខំ ប្រឹងសន្សំ ខំប្រឹងរកសុីខំប្រឹងខំប្រឹងកសាងខ្លួនដើម្បីឲ្យកាន់តែខ្លាំងការពារសត្រូវយើងត្រូវចាប់ផ្ដើមស្គាល់ថៃ”។

នី មុន្នីនាថ និយាយថា “ក្នុងជាតិនេះ​ ខ្ញុំនឹងចងចាំ​ និងគោរពដឹងគុណ​ វីរៈ​កងទ័ពកម្ពុជា​ ដែលបានបូជាជីវិតជូនជាតិ ក្នុងសមរភូមិតតាំងនឹងចោរថៃឈ្លានពានសូ មផ្ញើក្តីនឹករលឹកនិងកាដឹងគុណពីកូនខ្មែរទាំងអស់គ្នា កូនខ្មែរកត់ទុកក្នុងបេះដូងគ្មានថ្ងៃភ្លេច”។

នាងបន្ថែមថាសូមជូនពរអោយបងៗ ពូៗវីរ:កងទ័ពជួ រមុខយើងដែលរងរបួសឆាប់ជាសះស្បើយពីរបួសផងចុះ ហើយខ្ញុំ សូមអរគុណចំពោះបងៗវីរ:ភាពកងទ័ពជួរមុខទាំងអស់ដែលបានលះបង់សាច់ស្រស់ឈាមស្រស់ដើម្បីការពារទឹកដី និង ការពារសុខសុវត្ថិភាពប្រជាជនខ្មែរយើងទាំងអស់គ្នា ខ្ញុំគោរពនិងអរគុណខ្លាំងណាស់សម្រាប់ការលះបង់ដ៏ធំធេងរបស់បងៗពូៗវីរ:កងទ័ពដ៏អង់អាចរបស់កម្ពុជា៕ ចាន់រ៉ា

The post ដ្បិតស្ងប់ស្ងាត់ផ្ទុះអាវុធ! នី មុន្នីនាថ នៅតែស្នើអ្នកមានឥទ្ធិពលលើបណ្តាញសង្គម បន្តស្មារតីបញ្ចេញសំឡេងដើម្បីជាតិ appeared first on Kampuchea Thmey Daily.

បន្ទាប់កម្មវិធីបរិច្ចាគឈាមនេះ បានបញ្ចប់ដោយជោគជ័យនិងទទួលបានការគាំទ្រពីគ្រប់មជ្ឈដ្ឋានកញ្ញា នី មុន្នីនាថ បានសម្តែងក្តីរំភើបនិងអរគុណសម្រាប់ការចូលរួមពីសំណាក់បងប្អូនមហាជន ព្រមទាំងប្រជាពលរដ្ឋខ្មែរ។ នី មុន្នីនាថ បានចាត់ទុកការបរិច្ចាគឈាម គឺមានសារ:ប្រយោជន៍សំខាន់ជួយសង្គ្រោះជីវិតមនុស្ស។

ជាមួយគ្នានេះដែរកញ្ញា នី មុន្នីនាថ បានបំផុសដោយលើកឡើងនៅអត្ថប្រយោជន៍ ៣ចំណុច នៃការបរិច្ចាគឈាមសង្គ្រោះជីវិតមនុស្ស។ ប្រធានមូលនិធិឈាមកញ្ញា នី មុន្នីនាថ បញ្ជាក់ថា ការផ្តល់ឈាមគឺជាអំពើល្អដ៏អស្ចារ្យ និងជាការជួយសង្គ្រោះជីវិតមនុស្សយ៉ាងពិតប្រាកដ។

នី មុន្នីនាថ បន្តទៀតថា ទោះបីជាដំណើរការនេះអាចធ្វើឱ្យអ្នកមានអារម្មណ៍តក់ស្លុត ឬមិនស្រួលបន្តិចក៏ ដោយក៏វាពិតជាមានអត្ថន័យយ៉ាងធំធេង។ ហេតុអ្វីការផ្តល់ឈាមពិតជាអស្ចារ្យ?
១.ជួយសង្គ្រោះជីវិត ឈាមអ្នកអាចជួយមនុស្សច្រើនឱ្យរួចពីជំងឺគ្រោះថ្នាក់ កុមារកើតមុនពេល ឬអ្នកដែលត្រូវការវះកាត់។
២. រំភើបចិត្ត ដឹងថាអ្នកជាផ្នែកមួយនៃការផ្លាស់ប្តូរដ៏ធំក្នុងជីវិតអ្នកដទៃ។
៣.សុខភាពល្អការផ្តល់ឈាមជា ប្រក្រតីអាចជួយធ្វើឲ្យរាងកាយផ្លាស់ប្ដូរឈាមថ្មី និងពិនិត្យសុខភាពដោយឥតគិតថ្លៃ។អរគុណចំពោះចិត្តអ្នកដែលចង់ជួយសង្គ្រោះអ្នកដទៃ។

គួរបញ្ជាក់ថា កម្មវិធីបរិច្ចាគឈាមរបស់មូលនិធិឈាមគឺតារាសម្តែងកញ្ញា នី មុន្នីនាថ បានរៀបចំឡើងកាលពីថ្ងៃទី០៦ ខែមេសា ឆ្នាំ២០២៥ ក្នុងនោះក៏មានការចូលរួមយ៉ាងកុះករពីអ្នកគាំទ្រ និងសិល្បករសិល្បការិនី ដើម្បីបរិច្ចាគឈាមជួយសង្គ្រោះជីវិតមនុស្សផងដែរ៕ អត្ថបទ៖ ចាន់រ៉ា

The post នី មុន្នីនាថ លើកឡើងអត្ថប្រយោជន៍ ៣ចំណុចនៃការបរិច្ចាគឈាមសង្គ្រោះជីវិតមនុស្ស appeared first on Kampuchea Thmey Daily.

ក្រៅពីសកម្មភាពបរិច្ចាគឈាមដើម្បីជួយសង្គ្រោះជីវិតពលរដ្ឋដែលត្រូវការឈាមចាំបាច់ កំពូលតារាទឹកភ្នែករូបនេះ បានបញ្ជាក់ឱ្យដឹងដែរថា នាក្នុងឱកាសនោះក៏មានការចូលរួមសម្តែងផ្ទាំងទស្សនីយភាពក្បាច់គុណបុរាណខ្មែរ “ក្បាច់គុនល្បុក្កតោ” ដើម្បីចែកជូនមហាជនបានទស្សនាផងដែរ។

ជាមួយគ្នានេះដែរ នី មុន្នីនាថ បានលើកឡើងពីលក្ខណ:ពិសេស នៃក្បាច់គុនល្បុក្កតោ ពន្យល់យុវជនខ្មែថា “ក្បាច់គុនល្បុក្កតោ” គឺជាប្រភេទក្បាច់គុនបុរាណខ្មែរមួយដែលមានលក្ខណៈពិសេស និងជាផ្នែកមួយនៃសិល្បៈវាយលុកខ្មែរ។ត្រូវបានគេស្គាល់ថាមានល ក្ខណៈរឹងមាំ សាមញ្ញ ប៉ុន្តែមានប្រសិទ្ធភាពដោយផ្តោ តលើការប្រើប្រាស់កម្លាំងនិងភាពត្រឹមត្រូវ។ តារាសម្តែងស្រីរូបនេះបន្តថា លក្ខណៈពិសេសនៃក្បាច់គុនល្បុក្កតោ៖

១. ភាពរឹងមាំ៖ ក្បាច់នេះផ្តោតលើការវាយ ឬការការពារដោយប្រើចំណុចខ្លាំងនៃរាងកាយ (ដូចជាកជើង កែងដៃ ឬដៃជាដើម)។
២.ចលនាសាមញ្ញ៖ មិនមានចលនាលំអិតច្រើនប៉ុន្តែមានប្រសិទ្ធភាពក្នុងការវាយឬរារាំង។
៣.ការប្រើកម្លាំង៖ ទាមទារការគ្រប់គ្រងកម្លាំងនិងភាពត្រឹមត្រូវ។

តួយ៉ាងប្រភពនិងប្រវត្តិគឺក្បាច់គុនល្បុក្កតោគឺជាផ្នែកនៃគុនខ្មែរ (សិល្បៈវាយលុកប្រពៃណីខ្មែរ) ដែលមានឫសគល់ពីសម័យអង្គរ។ ដោយត្រូវបានអភិរក្សដោយសាលាគុនខ្មែរបុរាណ និងអ្នកប្រាជ្ញសិល្បៈវាយលុក។

សូមបញ្ជាក់ថា សម្រាប់កម្មវិធីបរិច្ចាគឈាមរបស់មូលនិធិ តារាសម្តែងកញ្ញា នី មុន្នីនាថ នឹងរៀបចំឡើងនៅថ្ងៃ ទី០៦ខែមេសា ឆ្នាំ២០២៥ ដែលធ្វើនៅទីតាំងផ្សាទំនើបអូឡាំព្យា។ ក្នុងនោះនាងក៏បានអំពាវនាវរួមគ្នាបរិច្ចាគឈាមជួយសង្គ្រោះជីវិតមនុស្សផងដែរ៕ ចាន់រ៉ា

The post នី មុន្នីនាថ ត្រៀមផ្ទាំងទស្សនីយភាព “ក្បាច់គុនល្បុក្កតោ” ក្នុងថ្ងៃបរិច្ចាគឈាមមូលនិធិ appeared first on Kampuchea Thmey Daily.

ស្ថិតក្នុងឈុតសម្លៀកបំពាក់ជានាថការីរបាំបុរាណកញ្ញា នី មុន្នីនាថ បានធ្វើឱ្យអ្នកគាំទ្រសរសើរពីឆន្ទ:របស់តារាស្រីរូបនេះដែលខំប្រឹងលះបង់ ដើម្បីការជាផ្នែកដ៏សំខាន់មួយក្នុងការផ្សព្វផ្សាយទេសចរណ៍ និងវប្បធម៌ទៅកាន់ពិភពលោក។តារាទឹកភ្នែក នី មុន្នីនាថ បានបញ្ជាក់ថា របាំបួងសួងនៅតែជាផ្នែកមួយនៃការអប់រំវប្បធម៌ និងត្រូវបានរក្សាទុក។

តារាសម្តែងនី មុន្នីនាថ បានពន្យល់ថា “របាំបួងសួងជាប់ទាក់ទងនឹងជំនឿខ្មែរស្តីពីពិភពអាថ៌កំបាំង និងការគោរពចំពោះអ្នកតា។វាតំណាងឲ្យសន្តិភាពនិងការសុំពរពីអំណាចធម្មជាតិ។ សព្វថ្ងៃ របាំនេះនៅតែជាផ្នែកមួយនៃការអប់រំវប្បធម៌ និងត្រូវបានរក្សាទុកដោយស្ថាប័នវប្បធម៌ជាតិ”។

ដោយឡែកកាលពីថ្ងៃទី២១ ខែមីនា ឆ្នាំ២០២៥ កន្លងទៅគេឃើញ នី មុន្នីនាថ បានលេចវត្តមាននៅមុខប្រាសាទអង្គរវត្តក្នុងព្រឹត្តិការណ៍ “សមរាត្រីអង្គរ” ដ៏អស្ចារ្យរបស់ប្រទេសកម្ពុជា។ ពេលនោះ នី មុន្នីនាថ ក៏បានគ្រងនូវឈុតរាំរបាំអប្សរាយ៉ាងរស់រវើក និងទន់ភ្លន់សាកសមជានារីខ្មែរ ក្នុងការចូលរួមថែវប្បធម៌។

ជាការពិត នី មុន្នីនាថ ជាបន្តបន្ទាប់គេតែងឃើញនាងបង្ហាញសារចូលរួម ឬអំពាវនាវដល់បងប្អូនប្រជាពលរដ្ឋខ្មែរ និងសិល្បករសិល្បការិនីក្នុងកិច្ចការងារសង្គមដូចជា ការផ្សព្វផ្សាយពីសិល្ប:វប្បធម៌ ទេសចរណ៍ និងការចូលរួមបរិច្ចាគឈាមជួយសង្គ្រោះអាយុជីវិតអ្នកដែលត្រូវការឈាមបន្ទាន់ជាដើម៕ អត្ថបទ៖ ចាន់រ៉ា

The post នី មុន្នីនាថ ៖ របាំបួងសួងនៅតែជាផ្នែកមួយនៃការអប់រំវប្បធម៌ និងត្រូវបានរក្សាទុកដើម្បីកូនខ្មែរជំនាន់ក្រោយ appeared first on Kampuchea Thmey Daily.

តារាសម្ដែងទឹកភ្នែក នី មុន្នីនាថ ជាបន្តបន្ទាប់គេតែងតែឃើញនាងបង្ហាញសារ ចូលរួមបំផុសស្មារតីដល់បងប្អូនប្រជាពលរដ្ឋខ្មែរនិងសិល្បករ-សិល្បការិនីក្នុងកិច្ចការងារសង្គមដូចជា ការចូលរួមប​រិច្ចាគឈាមជួយសង្គ្រោះអាយុជីវិត​អ្នក​ដែលត្រូវការឈាមបន្ទាន់ ផ្សព្វផ្សាយការអប់រំផ្សេងៗជាដើម។

ដោយឡែកថ្មីៗ​នេះ កញ្ញា នី មុន្នីនាថ បានចេញមកប្រកាសទៅកាន់អ្នកគាំទ្រពី​របាយការណ៍សម្រាប់អ្នកត្រូវការឈាម និងអ្នកស្មគ្រ័ចិត្តបរិចាគ្ចឈាម។

ក្នុង​សំណេរ តារាស្រី​រូបនេះ​បាន​រៀបរាបថា ៖ «នាងខ្ញុំ នី មុនី្ននាថ ប្រធានមូលនិធិឈាមនី មុនី្ននាថ សូមជំរាបជូនដល់បងប្អូនទាំងអស់គ្នាអោយបានជ្រាបថា នៅពេលនេះមូលនិធិឈាម នី មុនី្ននាថ បានជំពាក់ឈាមខាងមជ្ឈមណ្ឌលជាតិផ្ដល់ឈាម (ចំនួន ៣ សាក់)»។

នី មុន្នីនាថ បញ្ជាក់ទៀតថា មូលនិធិឈាមនីមុនី្ននាថ គឺផ្តល់ឈាមជូនដល់ជនរងគ្រោះដោយមិនគិតកម្រៃ ហើយក៏មិនមាន​គិតកម្រៃរដ្ឋបាលឬកម្រៃផ្សេងៗទៀតដែរ។ លេខទំនាក់ទំនងក្រុមការងារមូលនិធិឈាម នី មុនី្ននាថ (០១៧ ៣២ ៦៦ ៦៦, ០៧០ ៣៩ ៤០ ៧៥) និង​ក្រុមការងារដែលទំនាក់ទំនងតាម (telegram) មានដូចខាងក្រោម,Ny monineath (នី មុនី្ននាថ)។

នាងបន្ថែមថា លេខក្រុមការងារមានតែ២ខ្សែខាងលើទេ ប្រសិនបើមានលេខផ្សេងទាក់ទងទៅថាជា ក្រុមការងារមូលនិធិ សូមចូលរួមផ្តល់ដំណឹងដល់ក្រុមការងារមូលនិធិឈាមនី មុនី្ននាថជា បន្ទាន់។ ជាមួយគ្នានោះកញ្ញា នី មុន្នីនាថ បានឲ្យដឹងដែរថា ពេលនេះក្រុងការងារមូនិធិនាងកំពុងមានបញ្ហាប្រឈមនឹងការខ្វះខាតឈាម ដោយសារពុំមានអ្នកចូលរួមស្ម័គ្​រចិត្តបរិច្ចាគជាបន្តទៀតឡើយ៕

អត្ថបទ៖ ចាន់រ៉ា

The post តារាសម្តែងស្រី នី មុន្នីនាថ បង្ហាញក្តីបារម្ភ​ ខណ:​ការបរិច្ចាគ​ឈាម​​មក​កាន់មូលនិធិឈាមនាង ជួបការខ្វះខាត appeared first on Kampuchea Thmey Daily.