២៣សីហានេះ ខេត្តសៀមរាប មានការដង្ហែក្បួនថ្មើរជើងដ៏ធំមួយ ទាមទារឱ្យថៃដោះលែងវីរកងទ័ពខ្មែរទាំង ១៨រូប

នៅក្រុងសៀមរាបនឹងមានព្រឹត្តិការណ៍ក្បួនដង្ហែថ្មើជើង ដើម្បីស្មើសុំឱ្យលោកប្រធានាធិបតី Donald Trump និងអន្តរជាតិជួយជំរុញអោយរដ្ឋាភិបាលថៃដោះលែងវីរ:កងទ័ពកម្ពុជាទាំង១៨រូបដែលកងទ័ពថៃ (សៀម) បានបង្ខាំងទុកមកជាយូរថ្ងៃ។ នេះបើតាមតារាទឹកភ្នែក នី មុន្នីនាថ បានប្រកាសជាសាធារណៈ។

តារាសម្តែងទឹកភ្នែកកញ្ញា នី មុន្នីនាថ បញ្ជាក់ថា ការរៀបចំព្រឹត្តិការណ៍ក្បួនដង្ហែថ្មើរជើងដ៏ធំមួយ គឺដើម្បីទាមទារឱ្យថៃដោះលែងវីរកងទ័ពកម្ពុជាទាំង ១៨នាក់ ត្រឡប់មកវិញ បន្ទាប់ពីត្រូវបានក្រុមទាហានចោរសៀមចាប់ទៅដោយបំពានបទឈប់បាញ់ ជាង២០ថ្ងៃកន្លងមកនេះ។

បើតាមការបញ្ជាក់ សម្រាប់ព្រឹត្តិការណ៍ក្បួនដង្ហែថ្មើជើងថ្ងៃទី២៣ ខែសីហានេះ គឺធ្វើឡើងនៅលើទឹកដីខេត្តសៀមរាបដែលនឹងជួបជុំគ្នានៅម៉ោង ២រសៀល នៅខាងមុខព្រះរាជដំណាក់។

ជាថ្មីម្តងទៀតកញ្ញា នី មុន្នីនាថ បានចេញការអំពាវនាវដូច្នេះថា “ជួបគ្នាថ្ងៃទី ២៣ សីហា បងប្អូនយើងនឹងដង្ហែក្បួនទាមទារឲ្យថៃដោះលែងវីរៈកងទ័ពខ្មែរទាំង១៨នាក់ត្រឡប់មកវិញ”។

តារាសម្តែងទឹកភ្នែក នី មុន្នីនាថ ទទូចថា “សូមបងប្អូនមេត្តាចូលរួមឱ្យបានច្រើន ដើម្បីជាតិដើមប្រជាជន និងដើម្បីវីរកងទ័ពកម្ពុជាដ៏អង់អាចក្លាហាន។ ក្នុងស្មារតីរួបរួមជាតិតែមួយខឿនការពារជាតិប្រជាជន និងវីរ:កងទ័ពនៅតែបន្តដរាបណាការគំរាមកំហែងនៅមានបងប្អូនអាចចូលរួមទាំងអស់គ្នា” នៅថ្ងៃទី២៣ សីហា ស្អែកនេះ”៕ ចាន់រ៉ា