បង្ហាញមុខ Archives - Kampuchea Thmey Daily

រយៈពេល៣ថ្ងៃ សមត្ថកិច្ចធើ្វការស្រាវជ្រាវបង្រ្កាបបានជនសង្ស័យ១៩នាក់ សុរប០៧ករណី យកមកបង្ហាញមុខមុនបញ្ជូនទៅតុលា

Ung Meng — Thu, 21 May 2026 09:23:51 +0000

រយៈពេល៣ថ្ងៃ សមត្ថកិច្ចបានធើ្វការស្រាវជ្រាវបង្រ្កាបជាបន្តបន្ទាប់យកមក បង្ហាញមុខជាសាធារណៈរួចបញ្ជូនទៅតុលា កម្លាំងសមត្ថកិច្ចធើ្វការបង្ហាញមុខក្រុមជនសង្ស័យចំនួន១៩នាក់ ដែលតែងតែធើ្វសកម្មភាពលួច គាស់ ប្រើប្រាស់សារធាតុញៀន និង ក្រុមក្មេងទំនើង ប្រើប្រាស់ហិង្សា យ៉ាងសកម្មតាមបណ្ដាខណ្ឌក្នុងភូមិសាស្រ្តរាជធានីភ្នំពេញ។

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តន៍តាមបទបញ្ជាពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារនគរបាលព្រហ្មទណ្ឌ និងបញ្ហារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ។ កម្លាំងនគរបាលនៃការិយាល័យព្រហ្មទណ្ឌកំរិតស្រាល បានសហការតាមបណ្តាខណ្ឌនានា បង្ក្រាបបានក្រុមជនសង្ស័យ ដែលធើ្វសកម្មភាពយ៉ាងសកម្ម ធ្វើការបង្ហាញមុខជាសាធារណៈនៅពេលនេះ។

លោកវរសេនីយ៍ឯក ម៉ម សាវន បានឲ្យដឹងទៀតថា បន្ទាប់ពីទទួលបានពត៌មានថា ថ្ងៃទី១៦ ខែឧសភា ឆ្នាំ២០២៦ វេលាម៉ោង១៩ និង៣០ នាទី (ក្រុមក្មេងទំនើងកាប់គោ(KKO) បានប្រើហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (បើដកដង ឆ័ត្រ ចំនួន០២ដើម ដេញវាយជនរងគ្រោះតែមិនត្រូវ រួចវាយម៉ូតូបណ្តាលឲ្យរងការខូចខាតទាំងស្រុង) ប្រព្រឹត្តនៅចំណុចលើផ្លូវឌីប៉ុក ភូមិសែនសុខ២ សង្កាត់ឈ្មួញ ខណ្ឌសែនសុខ រាជធានីភ្នំពេញ និងលួចមានស្ថានទម្ងន់ទោស (គាស់ទម្លុះទម្លាយទ្វារផ្ទះលួចយករថយន្តម៉ាកHYUNDIAពណ៌ស សេរីឆ្នាំ២០១៩ ពាក់ស្លាកលេខភ្នំពេញ ២AZ-៨៤៣៨) ០១ករណី ឃាត់ខ្លួន ០៤នាក់ មានសារធាតុញៀន។

សូមបញ្ជាក់ថា រយៈពេល៣ថ្ងៃ ចាប់ពីថ្ងៃទី១៨ ដល់ថ្ងៃទី២១ ខែឧសភា ឆ្នាំ២០២៦ នៅតាមបណ្តោខណ្ឌក្នុងរាជធានីភ្នំពេញបានធើ្វការស្រាវជ្រាវបង្រ្កាបបទល្មើសដូចជា ខណ្ឌសែនសុខ៖ ០២ករណី ឃាត់ខ្លួន ០៣នាក់ , ខណ្ឌច្បារអំពៅ៖ ០១ករណី ឃាត់ខ្លួន ០១នាក់, ខណ្ឌទួលគោក៖ ០១ករណី ឃាត់ខ្លួន ០៣នាក់ និង ខណ្ឌដង្កោ៖ ០១ករណី ឃាត់ខ្លួន០៣នាក់។

បច្ចុប្បន្នជនសង្ស័យរួមទាំងវត្ថុតាងត្រូវបានត្រូវបានកម្លាំងសមត្ថកិច្ច កសាងសំណុំរឿងបញ្ជូនទៅកាន់តុលាការ ដើម្បីអនុវត្តតាមនីតិវីធីច្បាប់ ៕អត្ថបទ ៖ ម៉េង

The post រយៈពេល៣ថ្ងៃ សមត្ថកិច្ចធើ្វការស្រាវជ្រាវបង្រ្កាបបានជនសង្ស័យ១៩នាក់ សុរប០៧ករណី យកមកបង្ហាញមុខមុនបញ្ជូនទៅតុលា appeared first on Kampuchea Thmey Daily.

បង្ហាញមុខជនសង្ស័យ ៣៥ នាក់ ជាសាធារណៈ ពាក់ព័ន្ធបទល្មើស ១០ ករណី

អ៊ិន ពិសី — Fri, 10 Apr 2026 07:07:35 +0000

កាលពីព្រឹកថ្ងៃទី ១០ ខែមេសា ឆ្នាំ ២០២៦ នេះ សមត្ថកិច្ចទាំង ០៥ ខណ្ឌ និង ការិយាល័យព្រហ្មទណ្ឌកម្រិតស្រាល បាននាំខ្លួនជនសង្ស័យចំនួន ៣៥ នាក់ ពាក់ព័ន្ធបទល្មើស ១០ ករណី ក្នុងនោះ ក៏មានចៅស្រី ០២ នាក់ ដែលចាក់សម្លាប់យាយបង្កើតខ្លួនឯង យកមកបង្ហាញមុខជាសាធារណៈរួមគ្នា បន្ទាប់ពីបញ្ចប់នីតិវិធី។

លោកឧត្តមសេនីយ៍ត្រី ប៊ុន សត្យា ស្នងការរងទទួលការងារព្រហ្មទណ្ឌ បានឲ្យដឹងថា ដោយមានការចង្អុលបង្ហាញពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានឲ្យកម្លាំងការិយាល័យព្រហ្មទណ្ឌកម្រិតស្រាល និង អធិការរងខណ្ឌចំនួន ០៥ នាំខ្លួនជនសង្ស័យយកមកបង្ហាញជាសាធារណៈរួមគ្នា ដើម្បីប្រជាពលរដ្ឋបានឃើញមុខ។

លោកស្នងការរងព្រហ្មទណ្ឌ បានបន្តថា ក្នុងនោះរួមមាន ការិយាល័យព្រហ្មទណ្ឌកម្រិតស្រាល ០១ ករណី ឃាត់ក្រុមក្មេងទំនើងចំនួន ១៥ នាក់ រហ័សនាមក្រុមធីម តូបចែ TJ និង ក្រុមធីមកាប់ស្លុយ KS , ខណ្ឌច្បារអំពៅ ឃាត់ខ្លួន ០៦ នាក់ មាន ០១ ករណីឃាតកម្ម ចាក់សម្លាប់យាយបង្កើតខ្លួនឯង , លួច ០២ ករណី , ប៉ុនប៉ងឃាតកម្ម ០១ ករណី , ខណ្ឌមានជ័យ ឃាត់ខ្លួន ០២ នាក់ លួច ០១ ករណី , ប៉ុនប៉ងឃាតកម្ម ០១ ករណី , ខណ្ឌដង្កោ ឃាត់ខ្លួន ០២ នាក់ លួច ០១ ករណី , ខណ្ឌចំការមន ឃាត់ខ្លួន ០២ នាក់ លួច ០១ ករណី , ខណ្ឌពោធិ៍សែនជ័យ ឃាត់ខ្លួនក្មេងទំនើង ០៩ នាក់ ហិង្សា ០១ ករណី។

បច្ចុប្បន្ន ជនសង្ស័យទាំង ៣៥ នាក់ ត្រូវបាននគរបាលជំនាញ ធ្វើការកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់៕
អត្ថបទ ៖ រដ្ឋា

The post បង្ហាញមុខជនសង្ស័យ ៣៥ នាក់ ជាសាធារណៈ ពាក់ព័ន្ធបទល្មើស ១០ ករណី appeared first on Kampuchea Thmey Daily.

នគរបាលរាជធានី បង្ហាញមុខជនសង្ស័យ ២៧ នាក់ ពាក់ព័ន្ធបទល្មើស ០៨ ករណី

អ៊ិន ពិសី — Sat, 04 Apr 2026 04:34:17 +0000

នាព្រឹកថ្ងៃទី ០៤ ខែមេសា ឆ្នាំ ២០២៦ នេះ នគរបាលរាជធានីភ្នំពេញ បាននាំខ្លួនជនសង្ស័យចំនួន ២៧ នាក់ ពាក់ព័ន្ធបទល្មើស ០៨ ករណី មកបើកបង្ហាញមុខជាសាធារណៈ នៅស្នងការដ្ឋាននគរបាលរាជធានីភ្នំពេញ បន្ទាប់ពីបញ្ចប់ការសួរនាំ។

ការបង្ហាញមុខជនសង្ស័យជាសាធារណៈនេះ បន្ទាប់ពីការិយាល័យព្រហ្មទណ្ឌកម្រិតស្រាល សហការជាមួយ នគរបាលខណ្ឌចំនួន ០៥ បានបើកការស្រាវជ្រាវរយៈពេល ០៣ ថ្ងៃ បង្រ្កាបជនសង្ស័យ ២៧ នាក់ ពាក់ព័ន្ធបទល្មើស ០៨ ករណី។

នគរបាលព្រហ្មទណ្ឌ បានឲ្យដឹងថា ដោយអនុវត្តតាមបទបញ្ជា លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឲ្យអធិការខណ្ឌទាំង ១៤ ត្រូវបង្ការ និង ទប់ស្កាត់ រាល់បទល្មើសដែលកើតឡើងក្នុងមូលដ្ឋាន ដើម្បីរក្សាសុខសុវត្ថិភាពជូនប្រជាពលរដ្ឋ។

នគរបាល បានបន្តថា ចំពោះការយកជនសង្ស័យមកបង្ហាញមុខនេះមានការចូលរួមពីនគរបាលព្រហ្មទណ្ឌកម្រិតស្រាល សហការជាមួយ ខណ្ឌព្រែកព្នៅ , ខណ្ឌ ០៧ មករា , ខណ្ឌពោធិ៍សែនជ័យ , ខណ្ឌចំការមន , ខណ្ឌបឹងកេងកង ដោយរួមមានបទល្មើសឃាតកម្ម ០១ ករណី , ហិង្សា ០៣ ករណី , លួច ០៤ ករណី និង ដកហូតវត្ថុតាង ដុំថ្ម និង កាំបិតកែច្នៃ។

បច្ចុប្បន្ន ជនសង្ស័យទាំង ២៧ នាក់ ត្រូវបានសមត្ថកិច្ចតាមបណ្តាខណ្ឌ នាំយកទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់៕
អត្ថបទ ៖ រដ្ឋា

The post នគរបាលរាជធានី បង្ហាញមុខជនសង្ស័យ ២៧ នាក់ ពាក់ព័ន្ធបទល្មើស ០៨ ករណី appeared first on Kampuchea Thmey Daily.

នគរបាលក្រុងបង្ហាញមុខក្មេងទំនើង ១៤ នាក់ បង្កហិង្សា ៣ ករណី ស្លាប់មនុស្សម្នាក់ និង របួស ៤ នាក់

អ៊ិន ពិសី — Thu, 11 Sep 2025 07:05:32 +0000

នគរបាលក្រុង បានឃាត់ខ្លួន និងបង្ហាញមុខក្មេងទំនើងចំនួន ១៤ នាក់ ដែលធ្វើសកម្មភាពប្រដាប់ដោយដាវ ដុំថ្ម បង្កហិង្សាបណ្តាលឲ្យស្លាប់មនុស្សម្នាក់ និងរងរបួស ៤ នាក់។

កាលពីព្រឹកថ្ងៃទី ១១ ខែកញ្ញា ឆ្នាំ ២០២៥ នេះ នគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បាននាំខ្លួនក្មេងទំនើងចំនួន ១៤ នាក់ មកបង្ហាញមុខឲ្យសាធារណជនបានឃើញជាសាធារណៈ។

ក្មេងទំនើងទាំង ១៤ នាក់ រួមមាន ៖ ១-ឈ្មោះ ចេន ឌី អាយុ ១៨ ឆ្នាំ , ២-ឈ្មោះ ឆេន វិសាល អាយុ ១៨ ឆ្នាំ , ៣-ឈ្មោះ ចិត្ត វិច្ឆិកា អាយុ ១៩ ឆ្នាំ , ៤-ឈ្មោះ លី ស៊ីនួន អាយុ ១៨ ឆ្នាំ , ៥-ឈ្មោះ ឈុន គីមឈាង អាយុ ២០ ឆ្នាំ , ៦-ឈ្មោះ រឿង ចាន់តារា ភេទប្រុស អាយុ ១៨ ឆ្នាំ , ៧-ឈ្មោះ ជឹម សានីត ភេទស្រី អាយុ ១៧ ឆ្នាំ , ៨-ឈ្មោះ អ៊ុក រស្មី អាយុ ១៧ ឆ្នាំ , ៩-ឈ្មោះ លាង ប៊ុនហាក់ អាយុ ១៧ ឆ្នាំ , ១០-ឈ្មោះ ថៃ ចាន់ថន ភេទប្រុស អាយុ ១៩ ឆ្នាំ , ១១-ឈ្មោះ ពឹង ម៉ីញគ័ង អាយុ ១៨ ឆ្នាំ , ១២-ឈ្មោះ ជាវ វឌ្ឍនា អាយុ ១៨ ឆ្នាំ , ១៣-ឈ្មោះ ផន វិសាល អាយុ ១៨ ឆ្នាំ និង ១៤-ឈ្មោះ ជឿន សុជា អាយុ ២០ ឆ្នាំ។ ដោយឡែក ជនរងគ្រោះឈ្មោះ ចាន់ សុវណ្ណ ភេទប្រុស អាយុ ១៨ ឆ្នាំ ជនជាតិខ្មែរ មុខរបរកម្មករសំណង់ (ស្លាប់) និង ឈ្មោះ ម៉ុល ពៅ ព្យាបាលរបួសនៅមន្ទីរពេទ្យ។

លោកឧត្ដមសេនីយ៍ត្រី ប៊ុត សត្យា ស្នងការរង បានឲ្យដឹងថា ដោយអនុវត្តតាមបទបញ្ជាផ្ទាល់ពី លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងការិយាល័យ នគរបាលព្រហ្មទណ្ឌកម្រិតស្រាល បានសហការជាមួយអធិការនគរបាលខណ្ឌមានជ័យ ធ្វើការស្រាវជ្រាវ ដោយឃាត់ជនសង្ស័យចំនួន ១៤ នាក់ ក្រុមក្មេងទំនើងឈ្មោះ ក្រុមចាក់អង្រែ (CA) ក្រុមផ្សារក្រមួន និង ក្រុមតាខ្មៅ កាលពីថ្ងៃទី ៩ និង ថ្ងៃទី ១០ ខែកញ្ញា ឆ្នាំ ២០២៥។

លោកបន្តថា ក្មេងទំនើងទាំង ៣ ក្រុមនេះ បានប្រព្រឹត្តអំពើហិង្សាមានចេតនាចំនួន ៣ ករណីផ្សេងៗ គ្នា ដោយករណីទី ១-ព្រួតគ្នាយកដាវកែច្នៃដេញកាប់ ហើយយកមួកសុវត្ថិភាពគប់លើជនរងគ្រោះកំពុងជិះម៉ូតូឌុបគ្នាចំនួន ២ នាក់ បណ្ដាលឲ្យអ្នកបើកម៉ូតូរេចង្កូតទៅបុកគម្របលូស្លាប់ នៅផ្លូវវេងស្រេង ភូមិដំណាក់ធំ ២ សង្កាត់ស្ទឹងមានជ័យ ៣ ខណ្ឌមានជ័យ រាជធានីភ្នំពេញ កាលពីយប់ថ្ងៃទី ៧ ខែកញ្ញា ឆ្នាំ ២០២៥។ ករណីទី ២-ព្រួតគ្នាយកជើងធាក់ម៉ូតូឲ្យដួល រួចយកដាវកែច្នៃកាប់លើជនរងគ្រោះបណ្ដាលឲ្យរងរបួសដេរចំនួន ១០ ថ្នេរ កាលពីយប់ថ្ងៃទី ៧ ខែកញ្ញា ឆ្នាំ ២០២៥ នៅចំណុចផ្លូវលេខ ២១៧ ភូមិដំណាក់ធំ ១ សង្កាត់ស្ទឹងមានជ័យ ២ ខណ្ឌមានជ័យ រាជធានីភ្នំពេញ។ ករណីទី ៣-ក្មេងទំនើងមានបក្សពួកចំនួន ១២ ម៉ូតូ និង ២៣ នាក់ បានធ្វើសកម្មភាព វាយ និងគប់ ដុំថ្មទៅលើជនរងគ្រោះបណ្ដាលឲ្យរបួសធ្ងន់ម្នាក់ និង ស្រាលម្នាក់ នៅចំណុចមុខនាយកដ្ឋានអង្គរក្ស សង្កាត់ជ័យជំនះ ខណ្ឌដូនពេញ រាជធានីភ្នំពេញ កាលពីយប់ថ្ងៃទី ៩ ខែកញ្ញា ឆ្នាំ ២០២៥។ ជាលទ្ធផលសមត្ថកិច្ចដកហូតវត្ថុតាងម៉ូតូចំនួន ៧ គ្រឿង និងដាវកែច្នៃ ២ ដើម។

បច្ចុប្បន្ន សមត្ថកិច្ច បានបញ្ជូនជនសង្ស័យទាំងអស់ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធី នៃច្បាប់៕

អត្ថបទ ៖ រដ្ឋា

The post នគរបាលក្រុងបង្ហាញមុខក្មេងទំនើង ១៤ នាក់ បង្កហិង្សា ៣ ករណី ស្លាប់មនុស្សម្នាក់ និង របួស ៤ នាក់ appeared first on Kampuchea Thmey Daily.

៣ ថ្ងៃ សមត្ថកិច្ចស្រាវជ្រាវបង្ក្រាបជនសង្ស័យ ២២ នាក់ សរុប ១៦ ករណី យកមកបង្ហាញមុខមុនបញ្ជូនទៅតុលាការ

អ៊ិន ពិសី — Wed, 03 Sep 2025 03:41:50 +0000

រយៈពេល ៣ ថ្ងៃ សមត្ថកិច្ចបានធ្វើការស្រាវជ្រាវបង្ក្រាបក្រុមជនសង្ស័យចំនួន ២២ នាក់ ដែលតែងតែធ្វើសកម្មភាពលួច ប្លន់ យ៉ាងសកម្ម តាមបណ្ដាខណ្ឌ ក្នុងភូមិសាស្ត្ររាជធានីភ្នំពេញ និងនាំមកបង្ហាញមុខជាសាធារណៈមុនបញ្ជូនទៅតុលាការ។

បើតាមលោកវរសេនីយ៍ឯក ម៉ម សាវន ប្រធានការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ដោយមានបទបញ្ជាពីលោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និង លោកឧត្ដមសេនីយ៍ ប៊ុន សត្យា ស្នងការរងនគរបាលរាជធានីភ្នំពេញទទួលផែននគរបាលព្រហ្មទណ្ឌ កម្លាំងនគរបាលការិយាល័យព្រហ្មទណ្ឌកម្រិតស្រាល សហការតាមបណ្តាខណ្ឌនានាបង្ក្រាបបានក្រុមជនសង្ស័យដែលធ្វើសកម្មភាពយ៉ាងសកម្ម លួច ឆក់ ប្លន់ បានចំនួន ២២ នាក់ ហើយធ្វើការបង្ហាញមុខជាសាធារណៈនៅព្រឹកនេះ។

លោកវរសេនីយ៍ឯក ម៉ម សាវន បានឲ្យដឹងទៀតថា បន្ទាប់ពីទទួលបានព័ត៌មានថាមានករណីក្រុមជនសង្ស័យជិះម៉ូតូជាក្រុមធ្វើសកម្មភាពធាក់វាយប្លន់យកម៉ូតូជនរងគ្រោះ ភ្លាមៗ កម្លាំងសមត្ថកិច្ចព្រហ្មទណ្ឌកម្រិតស្រាលរាជធានីភ្នំពេញ បានធ្វើការស្រាវជ្រាវបង្ក្រាបចាប់បានចំនួន ៨ នាក់ មាន ៤ ករណី។

ជាក់ស្ដែងរយៈពេល ៣ ថ្ងៃ គិតពីថ្ងៃទី ៣១ សីហា ដល់ថ្ងៃទី ៣ កញ្ញា ២០២៥ ជាលទ្ធផលបង្ក្រាបសរុប ១៦ ករណី ឃាត់ ២២ នាក់ សារធាតុញៀន ១០ នាក់ ក្នុងនោះ ១៦ ករណី រួមមាន ការិយាល័យព្រហ្មទណ្ឌកម្រិតស្រាល ករណីប្លន់ម៉ូតូ(ជិះម៉ូតូដេញធាក់) ៤ ករណី ឃាត់ ៨ នាក់ , ករណីលួចម៉ូតូ ១ ករណី ១ នាក់(មានសារធាតុញៀន) , ខណ្ឌពោធិ៍សែនជ័យ ២ ករណី ឃាត់ខ្លួន ២ នាក់ លួចម៉ូតូ ១ ករណី ១ នាក់(មានសារធាតុញៀន) ករណីឆក់ខ្សែក ១ នាក់(មានសារធាតុញៀន) , ខណ្ឌមានជ័យ ៤ ករណី ឃាត់ខ្លួន ៤ នាក់ ករណីលួច(មានសារធាតុញៀន ១ នាក់) , ខណ្ឌ ៧ មករា ២ ករណី ឃាត់ខ្លួនបាន ២ នាក់ ឆក់ទូរស័ព្ទ និង ធ្វើឲ្យខូចខាតដោយចេតនា , ខណ្ឌឫស្សីកែវ ២ ករណី ឃាត់ខ្លួនបាន ២ នាក់ ហិង្សាធ្វើឲ្យខូចខាតដោយចេតនា និង លួច , ខណ្ឌកំបូលឃាត់ខ្លួន ១ នាក់ កាប់ និងវាយកម្ទេចម៉ូតូជនរងគ្រោះ។

បច្ចុប្បន្ន ជនសង្ស័យ រួមទាំងវត្ថុតាង ត្រូវបានកម្លាំងសមត្ថកិច្ចកសាងសំណុំរឿងបញ្ជូនទៅកាន់តុលាការ ដើម្បីអនុវត្តតាមនីតិវិធីច្បាប់៕

អត្ថបទ ៖ ម៉េង

The post ៣ ថ្ងៃ សមត្ថកិច្ចស្រាវជ្រាវបង្ក្រាបជនសង្ស័យ ២២ នាក់ សរុប ១៦ ករណី យកមកបង្ហាញមុខមុនបញ្ជូនទៅតុលាការ appeared first on Kampuchea Thmey Daily.

នគរបាលដង្កោបង្ហាញមុខក្មេងទំនើង ០២ នាក់ រហស្សនាម«ក្រុមក្រោយវត្ត» ពាក់ព័ន្ធករណីវាយជនរងគ្រោះ ០២ នាក់

អ៊ិន ពិសី — Fri, 15 Aug 2025 04:43:54 +0000

នគរបាលខណ្ឌដង្កោ បង្ហាញមុខជនសង្ស័យ ០២ នាក់ ចំណោមបក្ខពួក ៣៥ នាក់ ដែលជាក្រុមក្មេងទំនើងរហស្សនាម KV ហៅកាត់ «ក្រុមក្រោយវត្ត» ក្រោយក្រុមជនសង្ស័យធ្វើសកម្មភាពយកដងឆត្រវាយលើជនរងគ្រោះ ០២ នាក់ នៅសង្កាត់ជើងឯក។

ការបង្ហាញមុខនេះដែរបានធ្វើឡើងនៅព្រឹកថ្ងៃទី ១៥ ខែសីហា ឆ្នាំ ២០២៥ ស្ថិតនៅខាងមុខអធិការដ្ឋាននគរបាលខណ្ឌដង្កោ ផ្ទាល់តែម្តង។

ជនសង្ស័យទាំង ០២ នាក់ រួមមាន ៖ ០១-ឈ្មោះ ទ្រី ពន្លឺ ភេទប្រុស អាយុ ២១ ឆ្នាំ , ០២-ឈ្មោះ អ៊ូ សុផល ហៅ ស ភេទប្រុស អាយុ ១៨ ឆ្នាំ មានទីលំនៅភូមិសំរោងក្អែក ឃុំសំរោងធំ ស្រុកកៀនស្វាយ ខេត្តកណ្ដាល។

លោកវរសេនីយ៍ឯក ជឹម ស៊ីថា អធិការខណ្ឌដង្កោ បានឲ្យដឹងថា កាលពីថ្ងៃទី ១០ ខែសីហា ឆ្នាំ ២០២៥ វេលាម៉ោង ០២ និង ៤១ នាទី មានករណីហិង្សាដោយចេតនា ត្រង់ចំណុចខាងត្បូងរបងមណ្ឌលប្រល័យពូជសាសន៍ជើងឯក ផ្លូវបេតុង ស្ថិតនៅភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ មានជនសង្ស័យមួយក្រុមប្រហែល ៣៥ នាក់ បានធ្វើសកម្មភាពយកដងឆត្រព្រួតគ្នាវាយទៅលើជនរងគ្រោះទាំង ០២ នាក់ រួចក្រុមជនសង្ស័យក៏បាននាំគ្នាជិះម៉ូតូគេចខ្លួនបាត់។ ចំណែកជនរងគ្រោះ ក៏បាននាំគ្នាជិះម៉ូតូចេញពីកន្លែងកើតហេតុទៅបាត់មិនបានមករាយការណ៍ប្រាប់សមត្ថកិច្ច និងដាក់ពាក្យបណ្ដឹងឡើយ។ លុះមកដល់ថ្ងៃទី ១៣ ខែសីហា ឆ្នាំ ២០២៥ កម្លាំងជំនាញនគរបាលព្រហ្មទណ្ឌ ដឹកនាំកម្លាំងដោយ លោកវរសេនីយ៍ទោ ជា ហុកសែ អធិការរង ចុះទៅស្រាវជ្រាវសហការជាមួយប៉ុស្តិ៍នគរបាលរដ្ឋបាលសំរោងធំ នៃអធិការដ្ឋាននគរបាលស្រុកកៀនស្វាយ រហូតឈានដល់ការឃាត់ខ្លួនជនសង្ស័យបានចំនួន ០២ នាក់ រួមមានម៉ូតូ ០១ គ្រឿង និង ទូរស័ព្ទដៃ ០១ គ្រឿង ត្រង់ចំណុចតារាងបាល់ទះ ផ្លូវបេតុង ស្ថិតនៅភូមិសំរោងក្អែក ឃុំសំរោងធំ ស្រុកកៀនស្វាយ ខេត្តកណ្ដាល យកមកធ្វើការសាកសួរនៅអធិការដ្ឋាននគរបាលខណ្ឌដង្កោ។

តាមការបញ្ជាក់ពីសមត្ថកិច្ចបានឲ្យដឹងបន្ថែមថា ក្រុមជនសង្ស័យក៏បានធ្វើសកម្មភាពព្រួតគ្នាវាយបំផ្លាញម៉ូតូរបស់អ្នកធ្វើដំណើរតាមផ្លូវ ៥០ ម៉ែត្រ រួចបានទៅធ្វើសកម្មភាពវាយជនរងគ្រោះទាំងពីរនាក់ខាងលើតែម្ដង។ ក្រៅពីសកម្មភាពខាងលើ ក្រុមជនសង្ស័យ ក៏ធ្លាប់បានធាក់ប្លន់យកម៉ូតូរបស់ប្រជាពលរដ្ឋតាមដងផ្លូវជាច្រើនកន្លែងទៀត ហើយក្រុមជនសង្ស័យខាងលើ ជាក្រុមក្មេងទំនើងឈ្មោះ KV ហៅក្រោយវត្ត។

បច្ចុប្បន្ន ជនសង្ស័យទាំង ០២ នាក់ ត្រូវបាននគរបាលកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់៕

អត្ថបទ ៖ រដ្ឋា

The post នគរបាលដង្កោបង្ហាញមុខក្មេងទំនើង ០២ នាក់ រហស្សនាម«ក្រុមក្រោយវត្ត» ពាក់ព័ន្ធករណីវាយជនរងគ្រោះ ០២ នាក់ appeared first on Kampuchea Thmey Daily.

នគរបាលព្រហ្មទណ្ឌក្រុង បង្ហាញមុខជនសង្ស័យ ៣២ នាក់ ជាសាធារណៈ

អ៊ិន ពិសី — Mon, 28 Apr 2025 04:26:10 +0000

ជនសង្ស័យ ៣២ នាក់ ពាក់ព័ន្ធ ១៣ ករណី រួមមាន ឆក់ , លួច , ក្លែងបន្លំឯកសារ និងអំពើលក់ដូរមនុស្ស ត្រូវបាននគរបាលព្រហ្មទណ្ឌក្រុងយកមកបង្ហាញមុខឲ្យសាធារណជនបានឃើញជាផ្លូវការ។

ជាក់ស្ដែងនៅវេលាម៉ោង ៩ ព្រឹក ថ្ងៃទី ២៨ ខែមេសា ឆ្នាំ ២០២៥ នេះ ស្នងការដ្ឋាននគរបាលរាជធានីភ្នំពេញ បានបង្ហាញមុខជនសង្ស័យចំនួន ៣២ នាក់ ជាសាធារណៈ។

បើតាមការបញ្ជាក់ពី លោកឧត្ដមសេនីយ៍ត្រី ប៊ុត សត្យា ស្នងការទទួលផែនការងារព្រហ្មទណ្ឌ បានឲ្យដឹងថា កម្លាំងព្រហ្មទណ្ឌកម្រិតស្រាល បានសហការជាមួយអធិការខណ្ឌទាំង ១៤ ដើម្បីស្រាវជ្រាវបង្ក្រាប ដោយរយៈពេល ០៣ ថ្ងៃ គិតពីថ្ងៃទី ២៦ ដល់ថ្ងៃទី ២៨ ខែមេសា ឆ្នាំ ២០២៥ ជាលទ្ធផលបង្ក្រាប សរុប ១៣ ករណី ឃាត់ ៣២ នាក់ (ស្រី ០៤ នាក់) ជនជាតិបរទេសចំនួន ០២ នាក់ (ចិន ០១ នាក់ និង ស៊ុយអ៊ែត ០១ នាក់) (ឆក់ ០៦ ករណី , លួច ០៧ ករណី , ហិង្សាមានស្ថានទម្ងន់ទោស ០២ ករណី , ក្លែងបន្លំឯកសាធារណៈ និងរំលោភលើទំនុកចិត្ត ០១ ករណី , គំរាមកំហែង និងសម្លាប់ ០១ ករណី, អំពើលក់ដូរមនុស្ស ចាប់ឃុំឃាំង និងបង្ខាំងដោយខុសច្បាប់ ០១ ករណី ដោយមានការចូលរួមពីការិយាល័យព្រហ្មទណ្ឌកម្រិតស្រាល , ខណ្ឌឫស្សីកែវ , ខណ្ឌទួលគោក , ខណ្ឌ ៧ មករា , ខណ្ឌពោធិ៍សែនជ័យ និងខណ្ឌចំការមន។

បច្ចុប្បន្ន ជនសង្ស័យទាំង ៣២ នាក់ រួមនឹងវត្ថុតាង សមត្ថកិច្ចបានកសាងសំណុំរឿងបញ្ជូនទៅតុលាការ ដើម្បីបន្តនីតិវិធីច្បាប់៕

អត្ថបទ ៖ រដ្ឋា

The post នគរបាលព្រហ្មទណ្ឌក្រុង បង្ហាញមុខជនសង្ស័យ ៣២ នាក់ ជាសាធារណៈ appeared first on Kampuchea Thmey Daily.

បង្ហាញមុខជនសង្ស័យ ២៣ នាក់ ពាក់ព័ន្ធបទល្មើស ឆក់ ប្រើប្រាស់ហិង្សា និងបញ្ជូនទៅតុលាការ

អ៊ិន ពិសី — Sat, 12 Apr 2025 01:43:39 +0000

នគរបាលរាជធានី យកជនសង្ស័យចំនួន ២៣ នាក់ មកបង្ហាញមុខជាសាធារណៈ ដែលបង្ក្រាបបាននៅតាមបណ្តាមូលដ្ឋានទាំង ១៤ ខណ្ឌ។

ការបង្ហាញមុខនេះដែរបានធ្វើឡើងកាលពីវេលាម៉ោង ០៣ រសៀល ថ្ងៃទី ១១ ខែមេសា ឆ្នាំ ២០២៥ នៅស្នងការដ្ឋាននគរបាលរាជធានីភ្នំពេញតែម្ដង។

លោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានឲ្យដឹងថា ដោយមានការអនុញ្ញាតពីលោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នៅរសៀលម្សិលមិញនេះ សមត្ថកិច្ចបានធ្វើសន្និសីទកាសែតបង្ហាញមុខជនសង្ស័យចំនួន ២៣ នាក់ ដែលសមត្ថកិច្ចជំនាញ និងនៅតាមបណ្តាលខណ្ឌនានាស្រាវជ្រាវបង្ក្រាបបានជាបន្តបន្ទាប់ចំនួន ០៧ ករណី ក្នុងរយៈពេល ០៣ ថ្ងៃ។

លោកវរសេនីយ៍ឯក សំ វិច្ឆិកា បានឲ្យដឹងទៀតថា ចំណោមជនសង្ស័យ ២៣ នាក់ ក្នុងនោះ មាន ០៩ នាក់ ផ្ទុកនូវសារធាតុញៀន និង ០២ នាក់ ទើបតែចេញពីពន្ធនាគារ ដោយបានប្រព្រឹត្ត ០៧ ករណី ក្នុងនោះ ឆក់ ០៣ ករណី , លួចបន្លំ ០២ ករណី , ក្មេងទំនើងបង្កហិង្សាវាយតប់គ្នាទៅវិញ ឃាត់ខ្លួនបាន ០៥ នាក់ និង ក្លែងបន្លំឯកសណ្ឋាននគរបាលជាតិបង្ក្រាបបាន ០៦ នាក់។ ដោយឡែកចំពោះករណីឆក់ ត្រូវបានកម្លាំងនគរបាលព្រហ្មទណ្ឌកម្រិតស្រាលបង្ក្រាបបានជាបន្តបន្ទាប់ចំនួន ០៦ នាក់ បន្ទាប់ពីជនសង្ស័យធ្វើសកម្មភាពឆក់ក្នុងមូលដ្ឋានខណ្ឌដូនពេញ ខណ្ឌទួលគោក និងខណ្ឌបឹងកេងកង។

ចំណែកករណីលួចបន្លំទម្លាក់យោង ត្រូវបានកម្លាំងនគរបាលខណ្ឌបឹងកេងកងបង្ក្រាបបាន ០២ នាក់ និងករណីហិង្សានៅសង្កាត់ទួលសង្កែ មានពលរដ្ឋបង្ហោះតាមបណ្ដាញសង្គម ត្រូវបានកម្លាំងនគរបាលខណ្ឌឫស្សីកែវឃាត់ខ្លួនបាន ០៥ នាក់ រួមជាមួយ ខណ្ឌច្បារអំពៅ ឃាត់បានជនសង្ស័យធ្វើសកម្មភាពឆក់ចំនួន ០២ នាក់។

លោកវរសេនីយ៍ឯក សំ វិច្ឆិកា បញ្ជាក់បន្ថែមថា រយៈពេល ០៣ ខែចុងក្រោយនេះ ការិយាល័យព្រហ្មទណ្ឌកម្រិតធ្ងន់-ស្រាល និងតាមបណ្ដាខណ្ឌនានា បានធ្វើការស្រាវជ្រាវបង្ក្រាបបានជនសង្ស័យជាច្រើនគួរឲ្យកត់សម្គាល់។ ក្នុងរយៈពេល ០៣ ខែនេះ បទល្មើសព្រហ្មទណ្ឌបានកើតឡើងចំនួន ១២២ លើក លើ ១៤០ លើក សមត្ថកិច្ចបង្ក្រាបបានចំនួន ១១៦ ករណី ឃាត់ខ្លួនបានជនសង្ស័យចំនួន ១៧១ នាក់ គឺ ស្មើនឹង ៩៥%។ ក្នុងនោះ បទល្មើសឧក្រិដ្ឋចំនួន ២០ លើក បង្ក្រាបបាន ១៩ លើក និងករណីមជ្ឈិមចំនួន ១០២ លើក បង្ក្រាបបាន ៩៧ លើក ឃាត់ខ្លួនជនសង្ស័យចំនួន ១២១ នាក់ ទាំងបទល្មើសឧក្រិដ្ឋ និងបទល្មើសមជ្ឈិម គឺមានការថយចុះ។

បច្ចុប្បន្ន ជនសង្ស័យទាំង ២៣ នាក់នេះ ត្រូវបាននគរបាលជំនាញ កសាងសំណុំរឿងបញ្ជូនទៅតុលាការ ដើម្បីកាត់ទោសតាមផ្លូវច្បាប់៕

អត្ថបទ ៖ រដ្ឋា

The post បង្ហាញមុខជនសង្ស័យ ២៣ នាក់ ពាក់ព័ន្ធបទល្មើស ឆក់ ប្រើប្រាស់ហិង្សា និងបញ្ជូនទៅតុលាការ appeared first on Kampuchea Thmey Daily.