ការអនុវត្តនីតិវិធីបណ្ដេញចេញនេះ ធ្វើឡើងកាលពីថ្ងៃទី៨ ខែកុម្ភៈ ឆ្នាំ២០២៦ តាមការណែនាំរបស់ឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ ក៏ដូចជាឧត្តមសេនីយ៍ឯក សុខ វាសនា អគ្គនាយក​អន្តោ​ប្រវេសន៍ ដោយនាយកដ្ឋានស៊ើបអង្កេត និង​អនុវត្ត​នីតិវិធី សហការជាមួយស្ថានទូតចិនប្រចាំកម្ពុជា ធ្វើការបណ្ដេញចេញ​តាមរយៈយន្តហោះពិសេស។

កាលពីយប់ថ្ងៃទី៧ ខែកុម្ភៈ ឆ្នាំ២០២៦ ជនជាតិចិនសរុប១១០នាក់ ក៏ត្រូវបានសមត្ថកិច្ចបណ្ដេញចេញ​ពីប្រទេសកម្ពុជា តាមអាកាសយានដ្ឋានអន្តរជាតិតេជោ។ ខណៈក្នុងថ្ងៃដដែលនោះ ​ជន​បរទេស​ចម្រុះជាតិសាសន៍សរុបចំនួន៦២៥នាក់មាន៦សញ្ជាតិ រួមមានឥណ្ឌា ប៉ាគីស្ថាន ចិន មីយ៉ាន់ម៉ា វៀតណាម និងឥណ្ឌូណេស៊ី ក៏ត្រូវបានអនុវត្តនីតិវិធីដូចគ្នានេះផងដែរ។ ជនបរទេសទាំងនោះ ត្រូវបានអះអាងថា សុទ្ធតែជាប់ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) ហើយមួយចំនួនទៀត គឺ​ករណីលួចឆ្លងដែន និងស្នាក់នៅធ្វើ​ការខុស​ច្បាប់។

អគ្គនាយកដ្ឋានអន្តោប្រវេសន៍ ថា ការបណ្ដេញចេញជនជាតិបរទេសខាងលើនេះ ជាការអនុវត្តតាមវិធានការច្បាប់យ៉ាងម៉ឺងម៉ាត់របស់រាជរដ្ឋាភិបាលកម្ពុជា ក្នុងកិច្ចខិតខំប្រឹងប្រែងបោសសម្អាត និងលុបបំបាត់ឧក្រិដ្ឋកម្មតាមប្រព័ន្ធបច្ចេកវិទ្យា ធានាការពារសុវត្ថិភាពដល់ប្រជាពលរដ្ឋទាំងក្នុងតំបន់ និងសកលលោក។

កម្ពុជាប្ដេជ្ញាបោសសម្អាតឧក្រិដ្ឋកម្មតាមប្រព័ន្ធបច្ចេកវិទ្យានេះ ដោយគ្មានការលើកលែងនោះឡើយចំពោះមេខ្លោងដែលនៅពីក្រោយ ក៏ដូចជាការជួយសង្គ្រោះជនរងគ្រោះដែលត្រូវមេខ្លោងបោកបញ្ឆោតឱ្យមកធ្វើការក្នុងសកម្មភាពឆបោកតាមប្រព័ន្ធបច្ចេកវិទ្យា ហើយមានសេរីភាព និងអាចវិលត្រឡប់ទៅប្រទេសរបស់ខ្លួនវិញ៕

ដោយ៖ ធឿន​ វ៉ាន់សុង

The post ជន​ជាតិចិន៣១២នាក់ទៀត​ ត្រូវបានបណ្ដេញចេញ​ពីកម្ពុជា ពាក់​ព័ន្ធករណី Online Scams appeared first on Kampuchea Thmey Daily.

បើតាមអគ្គនាយកដ្ឋានអន្តោប្រវេសន៍ ជនបរទេសដែលត្រូវបណ្ដេញចេញគឺ៦សញ្ជាតិ ដែលមានដូចជា ឥណ្ឌា ប៉ាគីស្ថាន ចិន មីយ៉ាន់ម៉ា វៀតណាម និងឥណ្ឌូណេស៊ី ដោយក្នុងនោះមានជនជាតិចិនចំនួន ១១០នាក់ ពាកព័ន្ធករណីឆបោកតាមប្រព័ន្ធបច្ចេកវិទ្យា (Online Scams) និងជនជាតិ មីយ៉ាន់ម៉ា ចំនួន ៥៤៨នាក់ ការបណ្ដេញធ្វើឡើងតាមប៉ុស្តិ៍នគរបាលច្រកទ្វារអាកាសអន្តរជាតិតេជោ និងប៉ុស្តិ៍នគរបាលច្រកទ្វារព្រំដែនអន្តរជាតិព្រៃវល្លិ៍ ដែលពាក់ព័ន្ធករណីលួចឆ្លងដែន ស្នាក់នៅធ្វើការងារខុសច្បាប់ក្នុងប្រទេសកម្ពុជា។

អគ្គនាយកដ្ឋានអន្តោប្រវេសន៍នៃក្រសួងមហាផ្ទៃអះអាងថា ការបណ្ដេញចេញជនជាតិបរទេសទាំងនេះ គឺជាការអនុវត្តតាមវិធានការច្បាប់យ៉ាងម៉ឺងម៉ាត់របស់រាជរដ្ឋាភិបាលកម្ពុជា ក្នុងកិច្ចខិតខំប្រឹងប្រែងបោសសម្អាត និងលុបបំបាត់ឧក្រិដ្ឋកម្មតាមប្រព័ន្ធបច្ចេកវិទ្យា ធានាការពារសុវត្ថិភាពជូនប្រជាពលរដ្ឋទាំងក្នុងតំបន់ និងសកលលោក ដោយគ្មានការលើកលែងនោះឡើយចំពោះមេខ្លោងដែលនៅពីក្រោយ ក៏ដូចជាការជួយសង្គ្រោះជនរងគ្រោះដែលត្រូវមេខ្លោងបោកបញ្ឆោតឱ្យមកធ្វើការក្នុងសកម្មភាពឆបោកតាមប្រព័ន្ធបច្ចេកវិទ្យា ហើយមានសេរីភាព និងអាចវិលត្រឡប់ទៅប្រទេសរបស់ខ្លួនវិញ។

ប្រទេសចិន នៅដើមខែកុម្ភៈ បានបង្ហាញពីការគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា និងកម្លាំងជំនាញរបស់កម្ពុជាក្នុងការប្រយុទ្ធប្រឆាំងនឹងការឆបោកតាមបប្រព័ន្ធអនឡាញ ហើយជឿជាក់ថាកិច្ចការនេះនឹងបន្តមានវឌ្ឍនភាពថ្មីឥតឈប់ឈរ។

រាជរដ្ឋាភិបាលកម្ពុជា បានគូសបន្ទាត់ក្រហមនៃប្រតិបត្តិការបោសសម្អាតខ្នាតធំ(XXL) ផ្ដាច់ដង្ហើមចុងក្រោយបទល្មើសឆបោកតាមប្រព័ន្ធបច្ចេកវិទ្យា គឺត្រឹមកំឡុងខែមេសា ឆ្នាំ២០២៦ ដោយត្រូវបោសសម្អាតទីតាំងប្រព្រឹត្តបទល្មើសឆបោកអនឡាញ ឱ្យអស់ពីលទ្ធភាព និងឱ្យស្អាត។ នេះបើតាមការគូសបញ្ជាក់របស់ អ្នកនាំពាក្យរងក្រសួងមហាផ្ទៃ លោក ទូច សុខៈ៕

ដោយ/ ង៉ិល ណារ៉ាត់

The post កម្ពុជា បណ្ដេញជនបរទេសជាង៦រយនាក់ពាក់ព័ន្ធបទល្មើសឆបោកតាមអនឡាញចេញពីប្រទេស appeared first on Kampuchea Thmey Daily.

ការអនុវត្តនីតិវិធីបណ្ដេញចេញនេះ ធ្វើឡើងកាលពីយប់ថ្ងៃទី៧ ខែកុម្ភៈ ឆ្នាំ២០២៦ ដោយធ្វើការបណ្ដេញចេញ​តាមរយៈយន្តហោះពិសេស ក្រោមកិច្ចសហការរវាងនាយកដ្ឋានស៊ើបអង្កេត និង​អនុវត្ត​នីតិវិធី ជាមួយស្ថានទូតចិនប្រចាំកម្ពុជា។

ការបណ្ដេញចេញជនជាតិបរទេសខាងលើនេះ ជាការអនុវត្តតាមវិធានការច្បាប់យ៉ាងម៉ឺងម៉ាត់របស់រាជរដ្ឋាភិបាលកម្ពុជា ក្នុងកិច្ចខិតខំប្រឹងប្រែងបោសសម្អាត និងលុបបំបាត់ឧក្រិដ្ឋកម្មតាមប្រព័ន្ធបច្ចេកវិទ្យា ធានាការពារសុវត្ថិភាពដល់ប្រជាពលរដ្ឋទាំងក្នុងតំបន់ និងសកលលោក។

កម្ពុជាប្ដេជ្ញាបោសសម្អាតឧក្រិដ្ឋកម្មតាមប្រព័ន្ធបច្ចេកវិទ្យានេះ ដោយគ្មានការលើកលែងនោះឡើយចំពោះមេខ្លោងដែលនៅពីក្រោយ ក៏ដូចជាការជួយសង្គ្រោះជនរងគ្រោះដែលត្រូវមេខ្លោងបោកបញ្ឆោតឱ្យមកធ្វើការក្នុងសកម្មភាពឆបោកតាមប្រព័ន្ធបច្ចេកវិទ្យា ហើយមានសេរីភាព និងអាចវិលត្រឡប់ទៅប្រទេសរបស់ខ្លួនវិញ៕

The post ជន​ជាតិចិន១១០នាក់​ពាក់​ព័ន្ធករណី Online Scams ត្រូវបានបណ្ដេញចេញ​ពីកម្ពុជា appeared first on Kampuchea Thmey Daily.

តាមការឱ្យដឹងដោយអគ្គនាយកដ្ឋានអន្តោប្រវេសន៍ ក្នុងចំណោមជនបរទេសទាំងនោះ មាន៨សញ្ជាតិ រួមមា ហ្វីលីពីន ឥណ្ឌា ឥណ្ឌូណេស៊ី ប៉ាគីស្ថាន ចិន កូរ៉េ បង់ក្លាដេស និងម៉ាឡេស៊ី ដោយក្នុងនោះភាគច្រើនជាជនជាតិចិន មាន២៤១នាក់ និងជនជាតិហ្វីលីពីន មាន១៩០នាក់។

ការបណ្ដេញចេញនេះ បានធ្វើឡើងកាលពីថ្ងៃទី៥ ខែកុម្ភៈ ឆ្នាំ២០២៦ ដោយកម្លាំងនាយកដ្ឋានស៊ើបអង្កេត និង​អនុវត្ត​នីតិវិធី ធ្វើការបញ្ជូនចេញតាមច្រកទ្វារអាកាសយានដ្ឋានអន្តរជាតិតេជោ៕

The post ជន​បរទេស​សរុប៤៧៩នាក់ ​ត្រូវបានបណ្ដេញចេញ​ពី​កម្ពុជា appeared first on Kampuchea Thmey Daily.

តាមការឱ្យដឹងដោយអគ្គនាយកដ្ឋានអន្តោប្រវេសន៍ ក្នុងចំណោមជនបរទេសទាំងនោះ គឺភាគច្រើនជាជនជាតិវៀតណាម ដែលមានចំនួន១៧៦នាក់ ហើយក្រៅពីនេះមានជនជាតិបង់ក្លាដេស ចិន នីហ្សេរីយ៉ា ចិនតៃវ៉ាន់ ឥណ្ឌា និងឥណ្ឌូនេស៊ី។

ការបណ្ដេញចេញនេះ បានធ្វើឡើងកាលពីថ្ងៃទី៤ ខែកុម្ភៈ ឆ្នាំ២០២៦ ដោយកម្លាំងនាយកដ្ឋានស៊ើបអង្កេត និង​អនុវត្ត​នីតិវិធី ធ្វើការបញ្ជូនចេញមួយក្រុម តាមរយៈច្រកទ្វារព្រំដែនអន្តរជាតិបាវិត ខេត្តស្វាយរៀង និងមួយក្រុមទៀត តាមច្រកទ្វារអាកាស គឺអាកាសយានដ្ឋានអន្តរជាតិតេជោ។

គួរបញ្ជាក់ឱ្យដឹងថា នៅដើមខែកុម្ភៈឆ្នាំ២០២៦នេះ អគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ បានអនុវត្តនីតិវិធីបណ្តេញជនបរទេសចម្រុះជាតិសាសន៍ចេញពីប្រទេសកម្ពុជាជាបន្តបន្ទាប់ ដោយជាក់ស្ដែងមានប្រមាណខ្ទង់ជាង១ពាន់នាក់ហើយ។ ជនបរទេសដែលត្រូវបានបណ្ដេញចេញ គឺត្រូវបានសមត្ថកិច្ចបញ្ជាក់ថាបានពាក់ព័ន្ធនឹងការល្មើសច្បាប់នៅកម្ពុជា ដូចជាករណីលួចឆ្លងដែនខុសច្បាប់ ស្នាក់នៅ និងធ្វើការដោយខុសច្បាប់ រួមទាំងពាក់ព័ន្ធទៅនឹងអំពើឆបោកតាមប្រព័ន្ធបច្ចេកវិទ្យា ជាដើម៕

The post កម្ពុជាបណ្ដេញចេញជនបរទេសចម្រុះជាតិសាសន៍២៨៩នាក់ ដោយសារលួចឆ្លងដែនខុសច្បាប់ appeared first on Kampuchea Thmey Daily.

ការអនុវត្តនីតិវិធីបណ្ដេញចេញនេះ បានធ្វើឡើងតាមច្រកទ្វារព្រំដែនអន្តរជាតិបាវិត ខេត្តស្វាយរៀង កាលពីថ្ងៃទី១ ខែកុម្ភៈ ឆ្នាំ២០២៦ តាមការណែនាំរបស់លោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ ក៏ដូចជាលោកឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍។

ក្នុងចំណោមជនជាតិវៀតណាមទាំងលើ គឺមានស្រី៣៩នាក់ ដោយនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ទទួលបានពីនាយកដ្ឋានចារកម្ម នៃអគ្គស្នងការដ្ឋាននគរបាលជាតិ។

ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) អគ្គស្នងការដ្ឋាននគរបាលជាតិ បានប្រកាសថា កម្ពុជានឹងមិនបន្ធូរដៃឡើយក្នុងប្រតិបត្តិការស្រាវជ្រាវ និងបង្ក្រាបបទល្មើសឆ្លងដែនមួយនេះ។ ជាក់ស្ដែង កាលពីថ្ងៃទី៣១ ខែមករា ឆ្នាំ២០២៥កន្លងទៅ កងកម្លាំងនគរបាលជាតិបានបើកប្រតិបត្តិការបង្ក្រាបទីតាំងសង្ស័យប្រព្រឹត្តអំពើឆបោកតាមប្រព័ន្ធបច្ចេកវិទ្យា (Online Scams) ក្នុងបរិវេណកាស៊ីណូវ៉ាន់ឆឹង (A7) ដែលមានអគារចំនួន២២ ស្ថិតនៅភូមិតាបឹប សង្កាត់បាវិត ក្រុងបាវិត ខេត្តស្វាយរៀង។

ក្នុងប្រតិបត្តិការនោះ សមត្ថកិច្ចបានឃាត់ខ្លួនជនសង្ស័យជាជនបរទេសសរុបដល់ទៅ២ ០៤៤នាក់ ក្នុងនោះជនជាតិចិន១ ៧៩២នាក់ វៀតណាម១៧៧នាក់ មីយ៉ាន់ម៉ា១៧៩នាក់ នេប៉ាល់៣០នាក់ ចិនតៃវ៉ាន់៥នាក់ ម៉ាឡេស៊ី១នាក់ ឡាវ២នាក់ ឥណ្ឌា ៣៦នាក់ និងជនជាតិម៉ិកស៊ិក១នាក់។

កន្លងមក សមត្ថកិច្ចកម្ពុជាបានអនុវត្តនីតិវិធីបណ្ដេញជនបរទេសចម្រុះជាតិសាសន៍ដែលបានពាក់ព័ន្ធនឹងការល្មើសច្បាប់ នៅកម្ពុជា ជាពិសេសក្នុងអំពើឆបោកតាមអនឡាញនេះតែម្ដង គឺត្រូវបានបណ្ដេញចេញជាបន្តបន្ទាប់។ ជាក់ស្ដែង បើតាមរបាយការណ៍របស់អគ្គនាយកដ្ឋានអន្តោប្រវេសន៍ នៅក្នុងឆ្នាំ២០២៥ កម្ពុជាបានបណ្ដេញជនបរទេសជាង១៣ ០០០នាក់ ស្មើ៦៦សញ្ជាតិ ចេញពីប្រទេស ក្រោយរកឃើញថាបានប្រព្រឹត្តអំពើល្មើសច្បាប់ ដែលក្នុងចំណោមនោះមានជនជាតិចិនច្រើនជាងគេ បន្ទាប់មក គឺជនជាតិវៀតណាម និងឥណ្ឌូនេស៊ី៕

អត្ថបទ៖ ធឿន វ៉ាន់សុង

The post ពាក់ព័ន្ធ Online Scams ជនជាតិវៀតណាម១៧៥នាក់ ត្រូវបានបណ្ដេញចេញពីកម្ពុជា appeared first on Kampuchea Thmey Daily.

ការអនុវត្តនីតិវិធីបណ្ដេញចេញនេះ ត្រូវបានធ្វើឡើងតាមច្រកទ្វារព្រំដែនអន្តរជាតិម៉ឺនជ័យ ខេត្តព្រៃវែង កាលពីថ្ងៃទី២៩ ខែមករា ឆ្នាំ២០២៦ តាមការណែនាំរបស់ឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ និងឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍។

ក្នុងចំណោមជនជាតិវៀតណាមខាងលើ មានស្រី១៦នាក់ ដោយនាយកដ្ឋានស៊ើបអង្កេត និងអនុវត្តនីតិវិធី បានទទួលពីស្នងការដ្ឋាននគរបាលរាជធានីភ្នំពេញ ខេត្តស្វាយរៀង និងខេត្តកណ្តាល  ដោយសមត្ថកិច្ច បានបញ្ជាក់ថា ពូកគេមានពាក់ព័ន្ធនឹងករណីលួចស្នាក់នៅ ធ្វើការខុសច្បាប់ និងលួចឆ្លងដែនខុសច្បាប់ចូលកម្ពុជា៕

The post ជនជាតិវៀតណាម៥៩នាក់ ត្រូវបានបណ្ដេញចេញពីកម្ពុជា appeared first on Kampuchea Thmey Daily.

អគ្គនាយកដ្ឋានអន្តោប្រវេសន៍ បានឱ្យដឹងថា ជនជាតិវៀតណាមខាងលើ ដែលក្នុងនោះមានស្រីចំនួន៣២នាក់ ត្រូវបានបណ្តេញចេញតាមច្រកទ្វារព្រំដែនអន្តរជាតិបន្ទាយចក្រី ខេត្តព្រៃវែង កាលពីថ្ងៃទី២០ ខែមករា ឆ្នាំ២០២៦ ដោយអនុវត្តតាមការចង្អុលបង្ហាញពីថ្នាក់ដឹកនាំក្រសួងមហាផ្ទៃ។

ប្រភពដដែលនេះ បានឱ្យដឹងបន្ថែមថា ក្នុងចំណោមជនជាតិវៀតណាមទាំងនោះ គឺនាយកដ្ឋានស៊ើបអង្កេត និងអនុវត្តនីតិវិធី បានទទួលពីស្នងការដ្ឋាននគរបាលខេត្តព្រៃវែង និងខេត្តត្បូងឃ្មុំ ក្រោយបានរកឃើញថា លួចស្នាក់នៅ និងធ្វើការងារខុសច្បាប់ ដោយគ្មានលិខិតឆ្លងដែន៕

The post សមត្ថកិច្ចបន្តបញ្ជូនជនជាតិវៀតណាមចេញពីកម្ពុជា ដោយសារលួចស្នាក់នៅខុសច្បាប់ appeared first on Kampuchea Thmey Daily.