ឧត្តមសេនីយ៍ទោ សោម ស៊ុន បានពន្យល់ប្រជានេសាទអំពីច្បាប់ស្ដីពីជលផល និងហាមការនេសាទត្រីគ្រប់ប្រភេទ និងគ្រប់រូបភាពក្នុងតំបន់អភិរក្សជាដាច់ខាត ជាពិសេសនៅក្នុងរដូវបិទនេសាទនេះតែម្ដង។

លោក ជិន ស៊ីថា នាយខណ្ឌរដ្ឋបាលជលផលខេត្តកំពង់ធំ បានឱ្យដឹងថា តំបន់អភិរក្សពូជត្រីនៅក្នុងឃុំផាត់សណ្ដាយ ស្រុកកំពង់ស្វាយ គឺមានចំនួនពីរកន្លែង ដោយនៅតំបន់អភិរក្សអតីតឡូត៍លេខ២ព្រែកខ្សាច់ មានប្រាំព្រែក គឺព្រែកខ្សាច់ ព្រែកធ្លក ព្រែកតាប៉ា ព្រែកបា ព្រែកណាំ និងនៅតំបន់អភិរក្សឡូត៍លេខ២ស្ទួន។

ឧត្តមសេនីយ៍ទោ សោម ស៊ុន បានបញ្ជាក់ពីភាពជោគជ័យក្នុងរយៈពេលជិតពីរឆ្នាំមកនេះ ដែលកម្លាំងយោធានៃតំបន់ប្រតិបត្តិការសឹករងកំពង់ធំ សហការជាមួយអាជ្ញាធរដែនដី មន្ត្រីរដ្ឋបាលជលផល និងកម្លាំងមានសមត្ថកិច្ចពាក់ព័ន្ធរួមគ្នាការពារ ទប់ស្កាត់ និងបង្ក្រាបបទល្មើសនេសាទខុសច្បាប់គ្រប់ប្រភេទនៅលើផ្ទៃបឹងទន្លេសាប តាមបទបញ្ជារបស់ប្រមុខរាជរដ្ឋាភិបាល។

ដោយសារការអភិរក្ស និងបង្ក្រាបបទល្មើសនេសាទខុសច្បាប់នេះ លោក ថា បច្ចុប្បន្ន ផលត្រីបានសម្បូរឡើងវិញនៅគ្រប់ទីកន្លែង ហើយកម្លាំងចម្រុះនៅតែបន្តសកម្មភាពបង្ក្រាបបទល្មើសនេសាទខុសច្បាប់ ព្រមទាំងយកចិត្តទុកដាក់ក្នុងការការពារតំបន់អភិរក្សពូជត្រី ដើម្បីថែរក្សា និងអភិរក្សធនធានជលផលកម្ពុជាឱ្យមានកំណើនផលត្រីច្រើនសម្រាប់ទាំងអស់គ្នា៕

The post កម្លាំងយោធាខេត្តកំពង់ធំរំលឹកពលរដ្ឋកុំនេសាទត្រីក្នុងតំបន់អភិរក្ស បើផ្គើនត្រូវប្រឈមវិធានការច្បាប់ appeared first on Kampuchea Thmey Daily.

លោកសង្កត់ធ្ងន់ថា មិនត្រូវឱ្យមានការពាក់ព័ន្ធ ឬកិច្ចការពារពីសំណាក់មន្ត្រីអាជ្ញាធរ ឬកងកម្លាំងណាម្នាក់ជាមួយជនល្មើសឡើយ ដោយព្រមានថា បើរកឃើញមានការកាង ឬឃុបឃិត នឹងត្រូវអនុវត្តវិន័យកងទ័ព ជាមួយនឹងការប្រឈមទោសទណ្ឌតាមផ្លូវច្បាប់ជាធរមាន។ ចំពោះឧបករណ៍នេសាទខុសច្បាប់មួយចំនួន ដែលរឹបអូសបានពីការបង្ក្រាប លោក ថា ត្រូវបំផ្លាញចោលភ្លាម ដោយមិនត្រូវយកបម្រើឱ្យបេសកកម្មបង្ក្រាបនោះទេ។

យោងតាមរបាយការណ៍ ក្នុងរយៈពេល១៨ខែមកនេះ កងកម្លាំងចម្រុះដែលដឹកនាំមានយោធា ក្រោមកិច្ចសហការពីអាជ្ញាធរដែនដី បានចុះល្បាត ទប់ស្កាត់ និងបង្ក្រាបបទល្មើសនេសាទខុសច្បាប់ជាបន្តបន្ទាប់ក្នុងភូមិសាស្ត្រខេត្តជុំវិញបឹងទន្លេសាប ដែលក្នុងនោះបានឃាត់ខ្លួនជនល្មើស ដកហូត និងបំផ្លាញចោលឧបករណ៍នេសាទខុសច្បាប់ជាច្រើនករណី។

នាយឧត្តមសេនីយ៍ វង្ស ពិសេន បានថ្លែងកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់កងកម្លាំងចម្រុះ អាជ្ញាធរខេត្តទាំង៥ និងមន្ត្រីពាក់ព័ន្ធទាំងអស់ ដែលបានរួមគ្នាយ៉ាងសកម្មលើកិច្ចការពារធនធានធម្មជាតិ និងមច្ឆជាតិដ៏មានតម្លៃរបស់ជាតិប្រកបដោយជោគជ័យ។

ដើម្បីបង្កើនប្រសិទ្ធភាពការងារនេះឱ្យកាន់តែរឹងមាំថែមទៀត នាយឧត្ដមសេនីយ៍ បានជំរុញឱ្យកម្លាំងមានសមត្ថកិច្ច និងអាជ្ញាធរពាក់ព័ន្ធបន្តគោរពតាមបទបញ្ជារបស់រាជរដ្ឋាភិបាល ដើម្បីទប់ស្កាត់ និងបង្ក្រាបបទល្មើសនេសាទត្រី ព្រៃឈើ និងទន្ទ្រានដី ដោយកម្លាំងសមត្ថកិច្ចគ្រប់ប្រភេទ ត្រូវរួមគ្នាស្រាវជ្រាវបង្ក្រាបបទល្មើស កសាងសំណុំរឿង បញ្ជូនជនល្មើសទៅផ្ដន្ទាទោសតាមច្បាប់។

ទន្ទឹមនឹងការបង្ក្រាប លោក ថា ត្រូវមានការអប់រំឱ្យប្រជាពលរដ្ឋយល់អំពីច្បាប់ស្ដីពីជលផលដើម្បីឱ្យពួកគាត់ចូលរួមទប់ស្កាត់ និងបង្ក្រាបបទល្មើស ហើយត្រូវបន្តស្រាវជ្រាវដកហូតឧបករណ៍នេសាទខុសច្បាប់។

គួរកត់សម្គាល់ថា កិច្ចប្រជុំខាងលើ បានប្រព្រឹត្តទៅនៅសាលប្រជុំសាលាខេត្តពោធិ៍សាត់ ដោយមានការចូលរួមពីសំណាក់លោកនាយឧត្ដមសេនីយ៍ ម៉ៅ សុផាន់ អគ្គមេបញ្ជាការរង និងជាមេបញ្ជាការកងទ័ពជើងគោក ព្រមទាំងតំណាងក្រសួង-ស្ថាប័នពាក់ព័ន្ធ អភិបាលខេត្តក្នុងភូមិសាស្ត្រជុំវិញបឹងទន្លេសាប មេបញ្ជាការកងកម្លាំងប្រដាប់អាវុធគ្រប់ប្រភេទ ដើម្បីត្រួតពិនិត្យវឌ្ឍនភាព និងលើកទិសដៅការងារបន្តក្នុងការអនុវត្តយុទ្ធនាការទប់ស្កាត់ និងបង្ក្រាបបទល្មើសនេសាទគ្រប់ប្រភេទលើផ្ទៃបឹងទន្លេសាទ ជាពិសេសការរួមគ្នាពិភាក្សា និងដោះស្រាយបញ្ហាប្រឈមនានាចំពោះមុខ៕

The post អគ្គមេបញ្ជាការទ័ពព្រមានមន្ត្រីកុំឱ្យកាងក្នុងបទល្មើសនេសាទ ខណៈកម្លាំងត្រូវបង្កើនការបង្ក្រាប appeared first on Kampuchea Thmey Daily.

ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង និងជាអនុប្រធានអចិន្ត្រៃយ៍គណៈកម្មការការពារ ទប់ស្កាត់ និងបង្ក្រាបទល្មើសធនធានធម្មជាតិខេត្តកំពង់ធំ បានអះអាងអំពីការថយចុះនូវការដាក់ឧបករណ៍នេសាទខុសច្បាប់នៅបឹងទន្លេសាប ក្នុងឃុំផាត់សណ្ដាយ ខណៈដែលបច្ចុប្បន្នប្រជានេសាទភាគច្រើនបានគោរព និងអនុវត្តតាមច្បាប់ស្ដីពីជលផលថ្មី។

លោកឧត្តមសេនីយ៍ទោ ថា មានពលរដ្ឋមួយចំនួនតូចតែប៉ុណ្ណោះ ដែលនៅបន្តបំពានដោយលបលួចប្រើប្រាស់ឧបករណ៍នេសាទខុសច្បាប់ និងពលរដ្ឋមួយចំនួនទៀតប្រើល្បិចកលដោយដាក់ឧបករណ៍នេសាទស្របច្បាប់បន្លំជាមួយឧបករណ៍នេសាទល្មើសច្បាប់ ដើម្បីបំភាន់ភ្នែកសមត្ថកិច្ច ប៉ុន្តែត្រូវបានកងកម្លាំងចម្រុះរកឃើញ និងបំផ្លាញចោល។

ឧត្តមសេនីយ៍ទោ សោម ស៊ុន រួមជាមួយនកងកម្លាំងចម្រុះ បានប្ដេជ្ញាចិត្តបន្តគោរពអនុវត្តឱ្យបានមុឺងម៉ាត់តាមបទបញ្ជារបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងថ្នាក់ដឹកនាំគ្រប់លំដាប់ថ្នាក់នៃកងយោធពលខេមរភូមិន្ទ ព្រមទាំងការណែនាំ និងដឹកនាំដោយផ្ទាល់ពីលោក នួន ផារ័ត្ន អភិបាលខេត្តកំពង់ធំឱ្យមានប្រសិទ្ធភាព និងទទួលបានជោគជ័យចំពោះការបង្ក្រាបបទល្មើសនេសាទនៅតំបន់បឹងទន្លេសាប៕

The post កម្លាំងចម្រុះខេត្តកំពង់ធំចុះពិនិត្យបទល្មើសនេសាទក្នុងស្រុកកំពង់ស្វាយ appeared first on Kampuchea Thmey Daily.

ប្រភពពីមន្ទីរកសិកម្មខេត្តក្រចេះបានឱ្យដឹងថា ដោយមានកិច្ចសហការជាមួយគណៈបញ្ជាការឯកភាពក្រុង ស្រុក ក្រុមឆ្នាំទន្លេ សហគមន៍នេសាទ និងស្ថាប័នពាក់ព័ន្ធ ខណ្ឌរដ្ឋបាលជលផលក្រចេះ បានចុះត្រួតពិនិត្យ និងបង្ក្រាបបទល្មើសជលផលនៅក្នុងដែននេសាទ តាមបណ្តាក្រុង/ស្រុក និងដែននេសាទក្នុងតំបន់ អភិរក្សផ្សោត និងជីវចម្រុះជលផលជាប្រចាំ។

ដោយសមត្ថកិច្ចចម្រុះបានបង្ក្រាប និងធ្វើការរុះរើ និងបំផ្លាញចោលនូវវត្ថុតាងបទល្មើសនេសាទ រួមមាន របាំងព្រួលស្បៃមុងចំនួន ១៥៧ខ្សែ ប្រវែង ១៤,០១០ម៉ែត្រ លូស្បៃមុង ១៧៩មាត់លូ របាំងសាច់អួននីឡុង ២០ខ្សែ ប្រវែង ២,២៨០ម៉ែត្រ លបសាច់អួននីឡុងចំនួន ៣៣គ្រឿង មងពាំងព្រែកបាង ៣កន្លែងមានប្រវែង ៥០ម៉ែត្រ របាំងព្រួលឫស្សីទាំងអួតព្រែក ២កន្លែង ព្រួលឫស្សីប្រវែង ៥៥ម៉ែត្រ ស្មើនឹង ២៧ផែន លបឫស្សីចំនួន ១៣គ្រឿង ប្រើស១០០ ចំនួន ១៥គ្រឿង និងបានដកហូតឧបករណ៍នេសាទល្មើសច្បាប់ មធ្យោបាយ និងសម្ភាររួមផ្សំ មករក្សាទុកនៅផ្នែករដ្ឋបាលផលផលព្រែកប្រសព្វ ឧបករណ៍ឆក់ត្រីប្រភេទក្តៅ ១គ្រឿង ចំពាស់ដងឆក់មានភ្ជាប់ជាមួយខ្សែភ្លើងប្រវែង ១០ម៉ែត្រ ចំនួន ២គូ អាគុយចំនួន ៣គ្រឿង ទូកម៉ាស៊ីនស្មាច់ចំនួន ១គ្រឿង ទូកម៉ាស៊ីនឈើ ១គ្រឿង បង្គោលចប្រឹងប្ញស្សីចំនួន ២,៣៧០ដើម ចាក់លែងត្រីចម្រុះទម្ងន់ប្រមាណ ៨៤៦គីឡូក្រាម ចូលទៅក្នុងដែនទឹក ធម្មជាតិវិញ ដកហូតឧបករណ៍នេសាទឈ្លក់ ៥វង់ និងរបាំងព្រលសាច់អួនបាំងដាក់ឈ្លក់ប្រវែង ១,៥០០ម៉ែត្រ ដកហូតឧបករណ៍នេសាទឆក់ត្រីអាំងវែកទ័រឆក់ត្រីប្រភេទក្តៅចំនួន ១គ្រឿង អាគុយ ១២វ៉ុល ៤០អំពែ ១គ្រឿង៕

អត្ថបទ៖ ប្រុញ វិធិន

The post ក្នុងឆ្នាំ២០២៥ ខណ្ឌរដ្ឋបាលជលផលក្រចេះ បង្ក្រាប​បទល្មើសនេសាទបាន ៦១ករណី និងបញ្ជូនសំណុំរឿងទៅតុលាការ ៦ករណី appeared first on Kampuchea Thmey Daily.

បើតាមមន្ត្រីរដ្ឋបាលជលផលបានឲ្យដឹងថា ក្នុងប្រតិបត្តិការនេះ ខណ្ឌរដ្ឋបាលជលផលកំពង់ចាម បានសហការជាមួយអាជ្ញាធរស្រុកកំពង់សៀម អាជ្ញាធរឃុំកៀនជ្រៃ ប៉ុស្តិ៍នគរបាលរដ្ឋបាលកៀនជ្រៃ និងសហគមន៍នេសាទដំរីឆ្លង បានចុះប្រតិបត្តិការបង្ក្រាបបទល្មេីសជលផល ដោយរុះរើ និងបំផ្លាញចោលនូវឧបករណ៍ខុសច្បាប់នៅកន្លែងចំនួន ០៣ករណីរួមមាន៖

ករណីទី០១-ឧបករណ៍លូស្បៃមុងចំនួន ១២មាត់-របាំងស្បៃមុងប្រវែង ៣៦០ម៉ែត្រ-បង្គោលចម្រឹងចំនួន ១៨០ដើម-ចាក់លែងត្រីចម្រុះទម្ងន់ ៣៦គីឡូក្រាម នៅចំណុចប្រឡាយកំពឹស ឃុំកៀនជ្រៃ ស្រុកកំពង់សៀម ខេត្តកំពង់ចាម។

ករណីទី០២-ឧបករណ៍ស្បៃមុងចំនួន ០៨មាត់-របាំងស្បៃមុងប្រវែង ២៤០ម៉ែត្រ-បង្គោលចម្រឹងចំនួន ១២០ដើម-ចាក់លែងត្រីចម្រុះទម្ងន់ ២៤គីឡូក្រាម នៅចំណុចកន្ទិល ឃុំកៀនជ្រៃ ស្រុកកំពង់សៀម ខេត្តកំពង់ចាម ។

ករណីទី០៣-ឧបករណ៍ស្បៃមុងចំនួន ០៥មាត់-របាំងស្បៃមុងប្រវែង ១៥០ម៉ែត្រ-បង្គោលចម្រឹងចំនួន ៧៥ដើម -ចាក់លែងត្រីចម្រុះទម្ងន់ ១៥គីឡូក្រាម នៅចំណុចចុងព្រែក ឃុំកៀនជ្រៃ ស្រុកកំពង់សៀម ខេត្តកំពង់ចាម៕

The post ខណ្ឌរដ្ឋបាលជលផលកំពង់ចាម បង្ក្រាបបទល្មើសនេសាទ ៣ករណីក្នុងភូមិសាស្ត្រស្រុកកំពង់សៀម appeared first on Kampuchea Thmey Daily.

លោក ទឹម បូរក្ស អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ ដោយ​មាន​ការសម្របសម្រួលពី​លោក វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល នៅថ្ងៃទី២៥ ខែវិច្ឆិកា​​ ឆ្នាំ​២០២៥នេះ​ កងកម្លាំង​ចំរុះ​ បានបង្ក្រាបបទល្មេីសនេសាទនេះបានចំនួនពីរករណី ដោយ​កសាង​សំណុំរឿង​តាម​នីតិវិធី​ច្បាប់​ស្តីពីជលផល និង​រុះរើ​កាប់​បំផ្លាញ​ចោល​វត្ថុតាង​នៃ​បទល្មើស​ជលផល​នៅ​នឹង​កន្លែងកើតហេតុ។

ក្នុងប្រតិបត្តិការ​បង្ក្រាបនេះដែរ​ ជាលទ្ធផល​ កម្លាំងសមត្ថកិច្ច​ជំនាញ​បានដកហូត​និងបំផ្លាញ់ចោលវត្ថុតាងរួមមាន៖​ ឧបករណ៍លូស្បៃមុងចំនួន១១មាត់, របាំងស្បៃមុងប្រវែង៦០០ម៉ែត្រ, បង្គោលចម្រឹងចំនួន១០០០ដើម​និង​បាន​ចាក់លែង​កូន​ត្រី​ចម្រុះទម្ងន់២៣គីឡូក្រាម។

ទន្ទឹមនឹងនេះដែរ​ លោក ទឹម បូរក្ស​ រដ្ឋលេខាធិការ​ក្រសួង​ កសិកម្ម​ រុក្ខាប្រមាញ់​ និងនេសាទ​ បានអំពាវនាវ​ដល់ប្រជានេសាទទាំងអស់ត្រូវចូលរួមថែរក្សា​ និងបញ្ឈប់​ជា​បន្ទាន់​នូវ​ការ​នេសាទត្រីដោយប្រេីប្រាស់ឧបករណ៍ខុសច្បាប់ ដែលនាំ​ឱ្យវិនាសហិនហោចធនធានមច្ឆាជាតិដែលជាអាយុជីវិតយើងទាំងអស់គ្នា៕

អត្ថបទ​និង​រូបភាព​ ៖​ ឡេក​ ចាន់ពេជ្រ​

The post មន្ត្រីបាល​ជលផល​ខេត្តកំពង់ចាម បន្តចុះបង្ក្រាបបទទល្មើសនេសាទ​ក្នុងស្រុកព្រៃឈរ និង ស្រុកកងមាស appeared first on Kampuchea Thmey Daily.

បើតាមមន្ត្រីជលផល បានឱ្យដឹងថា ក្នុងប្រតិបត្តិការខាងលើ ខណ្ឌរដ្ឋបាលជលផលកំពង់ចាម បានសហការជាមួយអធិការដ្ឋានរដ្ឋបាលជលផលមេគង្គ អាជ្ញាធរស្រុកបាធាយ អាជ្ញាធរស្រុកកងមាស អធិការដ្ឋាននគរបាលស្រុកបាធាយ និងកម្លាំងប៉ុស្តិ៍នគរបាលរដ្ឋបាលបាធាយ បានចុះត្រួតពិនិត្យ និងបង្រ្កាបបទល្មើសជលផល ដោយមានការសម្របសម្រួលពី ឯកឧត្តម ព្រះរាជអាជ្ញា នៃអយ្យការអមសាលាដំបូងខេត្តកំពង់ចាម បានចំនួន ០៤ករណី រួមមាន៖

ករណីទី១ -រុះរើរបាំងផ្ចិតព្រែកចំនួន ០១កន្លែង ប្រវែង ១០ម៉ែត្រ-បង្គោលចម្រឹងចំនួន ៣០ដើម នៅចំណុចព្រែកអូរម៉ាល់ ឃុំបាធាយ ស្រុកបាធាយ ខេត្តកំពង់ចាម។

ករណីទី០២  -ឧបករណ៍លូស្បៃមុងចំនួន ០៨មាត់-របាំងស្បៃមុងប្រវែង ២៤០ម៉ែត្រ-បង្គោលចម្រឹងចំនួន ១២៥ដើម-ចាក់លែងត្រីចម្រុះទម្ងន់ ១០គីឡូក្រាម នៅចំណុចស្ពានដែក ឃុំជាលា ស្រុកបាធាយ ខេត្តកំពង់ចាម។

ករណីទី០៣ – រុះរើ និងបំផ្លាញចោលនូវឧបករណ៍ដាយចាប់ត្រី ចំនួន០២មាត់-ទំហំ ៩×៤×២៥ម៉ែត្រ ចំនួន០១មាត់ -ទំហំ ៨×៤×២៣ម៉ែត្រ ចំនួន០១មាត់ នៅចំណុចព្រែកកុយ ឃុំស្តៅ ស្រុកកងមាស ខេត្តកំពង់ចាម។

ករណីទី០៤ -រុះរើ និងបំផ្លាញចោលនូវឧបករណ៍ដាយចាប់ត្រីចំនួន ០៣មាត់ -ទំហំ ៤×៣×១៧ម៉ែត្រ ចំនួន០១មាត់ -ទំហំ ៣×២,៥×១៥ម៉ែត្រ ចំនួន០១មាត់ -ទំហំ ៣×២,៥×១៣ម៉ែត្រ ចំនួន០១មាត់ នៅចំណុចព្រែកអន្លង់គគី ឃុំព្រែកកុយ ស្រុកកងមាស ខេត្តកំពង់ចាម។  

មន្ត្រីដដែលបានបន្តថា ជាទិសដៅបន្តមន្ត្រីជំនាញជលផល និងចុះត្រួតពិនិត្យ និងបង្ក្រាបបទល្មើសក្នុងភូមិសាស្ត្រទន្លេ បឹង ព្រែក តាមបណ្តាលស្រុកក្នុងខេត្តកំពង់ចាម និងផ្សព្វផ្សាយដល់ប្រជានេសាទឈប់នេសាទ ដោយប្រើប្រាស់ឧបករណ៍ល្មើសច្បាប់៕

អត្ថបទ​និង​រូបភាព​ ៖​ ឡេក​ ចាន់ពេជ្រ​

The post ខណ្ឌរដ្ឋបាលជលផលកំពង់ចាម បង្ក្រាបបទល្មើសនេសាទ៤ករណី ក្នុងស្រុកបាធាយ និងស្រុកកងមាស  appeared first on Kampuchea Thmey Daily.

ចាប់តាំងពីថ្ងៃទី១៣ ខែវិច្ឆិកា ឆ្នាំ២០២៥ មក ផ្នែករដ្ឋបាលជលផលអន្លង់វិល សហការ និងដឹកនាំដោយគណៈបញ្ជាការឯកភាពស្រុកសង្កែ និងកម្លាំងអធិការដ្ឋាននគរបាលស្រុកសង្កែ បានចុះទប់ស្កាត់ និងបង្រ្កាបបទល្មើសជលផលនៅចំណុចអន្លង់ខ្ទីង ចំណុចបឹងសួង ស្ថិតក្នុងភូមិស្រះកែវ ឃុំកំពង់ព្រះ ស្រុកសង្កែ ខេត្តបាត់ដំបង។

នៅក្នុងកិច្ចប្រតិបត្តិការនេះ កម្លាំងចម្រុះបានរុះរើ និងកាប់បំផ្លាញឧបករណ៍នេសាទល្មើសច្បាប់ បាន០២ករណីដែលក្នុងនោះមានសាច់អួនក្រឡាល្អិត ចំនួន ៧៥០ម៉ែត្រ បង្គោលចំនួន ៣២០ដើម និងឡុក ០៣គ្រឿង។

បើតាមការលើកឡើងពីកម្លាំងសមត្ថកិច្ចបានបញ្ជាក់ថា នៅក្នុងកិច្ចប្រតិបត្តិការនោះកម្លាំងចូលរួម​ មានចំនួន ២២នាក់ និងប្រើកាណូតស្មាច់ចំនួន ៥ គ្រឿង ហើយការអនុវត្តច្បាប់នេះនឹងត្រូវបន្តជារឿយៗ ដើម្បីគ្រប់គ្រងឲ្យបាន និងលុបបំបាត់បទល្មើសនេសាទក្នុងដែនដែលពួកគេគ្រប់គ្រង ហើយនៅពេលកម្លាំងចុះប្រតិបត្តិការ គឺមិនដែលឃើញម្ចាស់បទល្មើសនៅនឹងកន្លែងនោះឡើយ៕

អត្ថបទ៖ សោ និយមរ័ត្ន

The post អាជ្ញាធរស្រុកសង្កែ ចុះបង្ក្រាបការនេសាទខុសច្បាប់​តាមដៃទន្លេសាប appeared first on Kampuchea Thmey Daily.