សន្តិសុខសង្គម

មន្ត្រីបាលជលផលខេត្តកំពង់ចាម បន្តចុះបង្ក្រាបបទទល្មើសនេសាទក្នុងស្រុកព្រៃឈរ និង ស្រុកកងមាស

បានផុស

៨ ខែ មុន

នៅ

ថ្ងៃអង្គារ ២៥ វិច្ឆិកា ២០២៥

ដោយ

កំពង់ចាម ៖ មន្ត្រីជំនាញនៃខណ្ឌរដ្ឋបាលជលផលកំពង់ចាម សហការជាមួយកម្លាំងសមត្ថកិច្ចមូលដ្ឋានបន្តចុះប្រតិបត្តិការត្រួតពិនិត្យ និងបង្រ្កាបបទល្មើសជលផលខុសច្បាប់ នៅតាមបឹង ក្នុងភូមិសាស្ត្រស្រុកកងមាស និងស្រុកព្រៃឈរខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទឹម បូរក្ស អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ ដោយមានការសម្របសម្រួលពីលោក វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផល នៅថ្ងៃទី២៥ ខែវិច្ឆិកា ឆ្នាំ២០២៥នេះ កងកម្លាំងចំរុះ បានបង្ក្រាបបទល្មេីសនេសាទនេះបានចំនួនពីរករណី ដោយកសាងសំណុំរឿងតាមនីតិវិធីច្បាប់ស្តីពីជលផល និងរុះរើកាប់បំផ្លាញចោលវត្ថុតាងនៃបទល្មើសជលផលនៅនឹងកន្លែងកើតហេតុ។

ក្នុងប្រតិបត្តិការបង្ក្រាបនេះដែរ ជាលទ្ធផល កម្លាំងសមត្ថកិច្ចជំនាញបានដកហូតនិងបំផ្លាញ់ចោលវត្ថុតាងរួមមាន៖ ឧបករណ៍លូស្បៃមុងចំនួន១១មាត់, របាំងស្បៃមុងប្រវែង៦០០ម៉ែត្រ, បង្គោលចម្រឹងចំនួន១០០០ដើមនិងបានចាក់លែងកូនត្រីចម្រុះទម្ងន់២៣គីឡូក្រាម។

ទន្ទឹមនឹងនេះដែរ លោក ទឹម បូរក្ស រដ្ឋលេខាធិការក្រសួង កសិកម្ម រុក្ខាប្រមាញ់ និងនេសាទ បានអំពាវនាវដល់ប្រជានេសាទទាំងអស់ត្រូវចូលរួមថែរក្សា និងបញ្ឈប់ជាបន្ទាន់នូវការនេសាទត្រីដោយប្រេីប្រាស់ឧបករណ៍ខុសច្បាប់ ដែលនាំឱ្យវិនាសហិនហោចធនធានមច្ឆាជាតិដែលជាអាយុជីវិតយើងទាំងអស់គ្នា៕

អត្ថបទនិងរូបភាព ៖ ឡេក ចាន់ពេជ្រ