សហការជាមួយកម្លាំងកងរាជអាវុហត្ថស្រុកស្វាយលើ បានឃាត់ចាត់គោយន្តកន្ត្រៃ ១គ្រឿង ដឹកជញ្ជូនផល អនុផលព្រៃឈើដោយគ្មានលិខិតអនុញ្ញាត នៅត្រង់ចំណុចភូមិអូរមានជ័យ ឃុំស្វាយលើ ស្រុកស្វាយលើ។ដកហូតវត្ថុចាប់យក រួមមាន៖ គោយន្តកន្ត្រៃ១គ្រឿង ឈើអារប្រភេទលេខ១(ស្រឡៅ) ចំនួន១ម៉ែត្រត្រីគុណ០២៥ (មួយម៉ែត្រត្រីគុណសូន្យម្ភៃប្រាំ)។ ចំពោះវត្ថុចាប់យកទាំងអស់ខាងលើ ត្រូវបានយកមកថែរក្សាទុកជាបណ្ដោះអាសន្ននៅស្នាក់ការសង្កាត់រដ្ឋបាលព្រៃឈើស្វាយលើ ស្ថិតនៅក្នុងភូមិទឹកលិច ឃុំបឹងមាលា ស្រុកស្វាយលើ ដើម្បីចាត់ការបន្តតាមនីតិវិធីច្បាប់។

ករណីទី២ កាលពីថ្ងៃទី១១ ខែមិថុនា ឆ្នាំ២០២៦ ដោយក្រុមការងារខណ្ឌរដ្ឋបាលព្រៃឈើសៀមរាប សហការជាមួយកម្លាំងមូលដ្ឋានកងរាជអាវុធហត្ថស្រុកវ៉ារិន បានឃាត់ចាប់គោយន្តកន្ត្រៃ ចំនួន៤គ្រឿង ដឹកជញ្ជូនផល អនុផលព្រៃឈើដោយគ្មានលិខិតអនុញ្ញាត នៅត្រង់ចំណុចភូមិកព្ចាន់រុន ឃុំវ៉ារិន ស្រុកវ៉ារិន ខេត្តសៀមរាប ដោយបានដកហូតវត្ថុចាប់យក រួមមាន៖គោយន្តកន្ត្រៃ ចំនួន៤គ្រឿង ឈើអារប្រភេទលេខ៣ (ចំបក់) សរុបចំនួន៤ម៉ែត្រត្រីគុណ១០៥ (បួនម៉ែត្រត្រីគុណមួយរយប្រំា)។ ចំពោះវត្ថុចាប់យកទាំងអស់ត្រូវបានយកមកថែរក្សាទុកជាបណ្ដោះអាសន្ននៅស្នាក់ការសង្កាត់រដ្ឋបាលព្រៃឈើស្រែណូយ ស្ថិតនៅក្នុងភូមិស្រែពោធិ៍ ឃុំស្រែណូយ ស្រុកវ៉ារិន ដើម្បីចាត់ការបន្តតាមនីតិវិធីច្បាប់៕ អត្ថបទ៖ជុន កុសល

The post សមត្ថកិច្ចខេត្តសៀមរាប បង្ក្រាបបទល្មើសព្រៃឈើ ២ករណី ដកហូតឈើ និងគោយន្តកន្ត្រៃយកមករក្សាទុក appeared first on Kampuchea Thmey Daily.

ក្រសួងបរិស្ថាន បានចុះអនុវត្តច្បាប់ ពង្រឹងប្រព័ន្ធធនធានធម្មជាតិនៅទូទាំងប្រទេសកម្ពុជា។ ក្នុងរយៈពេល៥ខែ គិតចាប់ពីខែមករា ដល់ខែឧសភា ឆ្នាំ២០២៦ ក្រុមការងារ បានធ្វើសកម្មភាពល្បាតចំនួន ៥ ៣៣៨ លើក និងបានបង្ក្រាបបទល្មើសធនធានធម្មជាតិ ចំនួន៨៩៦ករណី មានជាអាទ៍បទល្មើសព្រៃឈើ ចំនួន ២៩៣ករណី បទល្មើសសត្វព្រៃចំនួន ២២៦ករណី បទល្មើសកាប់រុករានទន្ទ្រានដីរដ្ឋចំនួន ២៤២ករណី បទល្មើសនេសាទ ចំនួន ១២៦ករណី និងបទល្មើសធនធានរ៉ែ ៩ករណី។ នេះបើតាមការផ្សព្វផ្សាយរបស់ក្រសួងប​រិស្ថាន។

ក្រសួងបរិស្ថានឱ្យដឹងថា ក្នុងរយៈពេលដូចគ្នា ក្រុមការងារបានកសាងសំណុំរឿងបញ្ជូនទៅតុលាការ ចំនួន ៦៨ សំណុំរឿង និងបញ្ជូនជនសង្ស័យទៅតុលាការ ចំនួន ៤៣នាក់។ ជាមួយគ្នានេះ ក្រុមការងារបានដកហូតមធ្យោបាយប្រព្រឹត្តបទល្មើស រួមមានរណាយន្តចំនួន២២៨គ្រឿង គោយន្ត ចំនួន១៨គ្រឿង ម៉ូតូចំនួន៣៣គ្រឿង និងគ្រឿងយន្តមួយចំនួនទៀត។ លើសពីនេះក្រុមការងារបានចាប់យកវត្ថុតាងប្រព្រឹត្តបទល្មើស រួមមានកាំភ្លើងកែច្នៃចំនួន៨៦ ដើម មានគ្រប់១៥គ្រាប់ អាវុធ ៤ដើម គ្រាប់៥១គ្រប់ អន្ទាក់ឆក់ចំនួន១ ២២៥ម៉ែត្រ និងអន្ទាក់ខ្សែមានចំនួន១១ ២២០ ខ្សែ។

ក្នុងខែឧសភា ឆ្នាំ២០២៦ មន្រ្តីឧទ្យានុរក្ស ចុះល្បាតជាប្រចាំក្នុងដែនសមត្ថកិច្ចរបស់ខ្លួនបាន ១ ២៩០លើក និងបង្ក្រាបបទល្មើសធនធានធម្មជាតិបាន ចំនួន ១៧៨ ករណី មានជាអាទ៍បទល្មើសព្រៃឈើ ចំនួន៦៥ ករណី បទល្មើសសត្វព្រៃចំនួន៤៤ ករណី បទល្មើសកាប់រុករានទន្ទ្រានដីរដ្ឋចំនួន ៤៤ករណី បទល្មើសនេសាទ ចំនួន ២៤ករណី និងបទល្មើសធនធានរ៉ែ ១ករណី ។

ក្រសួងបរិស្ថានបានបន្តពង្រឹងការល្បាត ការពារព្រៃឈើ និងសត្វព្រៃ នៅតាមតំបន់ការពារធម្មជាតិទាំង៧៣កន្លែង។ សញ្ញាណទីតាំងដែលមានការដុតបំផ្លាញ ការកាប់ឈើ ឬការឈូសឆាយដីខុសច្បាប់។ យុទ្ធសាស្ត្រចក្រាវិស័យបរិស្ថាន ត្រូវបានដាក់ចេញនូវការគ្រប់គ្រង អភិរក្ស និងការពារធនធានធម្មជាតិប្រកបដោយនិរន្តរភាព។ ជាមួយគ្នានេះ មន្រ្តីឧទ្យានុរក្ស បន្តពង្រឹងកិច្ចសហការ ធ្វើការយ៉ាងជិតស្និទ្ធជាមួយ គណៈបញ្ជាការកងឯកភាពខេត្ត អាជ្ញាធរមូលដ្ឋាន កងកម្លាំងប្រដាប់អាវុធ អង្គភាពប្រឆាំងអំពើពុករលួយ និងសហគមន៍តំបន់ការពារធម្មជាតិ ដើម្បីធានាការការពារ និងអភិរក្សធនធានធម្មជាតិ សម្រាប់ការរស់នៅដោយចីរភាព៕

The post ៥ខែ ក្រសួងបរិស្ថានបានបង្រ្កាបបទល្មើសធនធានធម្មជាតិជិត៩០០ករណី ឃាត់ខ្លួនជនល្មើសបញ្ជូនទៅតុលាការ៤៣នាក់ appeared first on Kampuchea Thmey Daily.

លោក មឿន សុភេទ ប្រធានមន្ទីរបរិស្ថានខេត្តព្រះវិហារ បានឲ្យដឹងថា នៅថ្ងៃទី២៨ ខែឧសភា ឆ្នាំ២០២៦ លោក និល វ៉ាន់ដេត ព្រះរាជអាជ្ញារងអមសាលាដំបូងខេត្តព្រះវិហារ បានដឹកនាំលោកប្រធានការិយាល័យ មន្រ្តីឧទ្យានុរក្សនៃដែនជម្រកសត្វព្រៃព្រះរកា-ឆែប ចំនួន ០៦នាក់ កងរាជអាវុធហត្ថ ចំនួន០២នាក់ នគរបាល ចំនួន ០២នាក់ សមាជិកក្រុមប្រឹក្សាឃុំពោធិ៍ ចំនួន ០១នាក់ កម្លាំងសរុប ចំនួន ១៤នាក់ ចុះត្រួតពិនិត្យ និងបង្រ្កាបទីតាំងកែច្នៃឈើដោយគ្មានលិខិតអនុញ្ញាត ចំនួន ០៥ទីតាំង ស្ថិតនៅក្នុងភូមិពោធិ៍ ឃុំពោធិ៍ ស្រុកត្បែងមានជ័យ ខេត្តព្រះវិហារ។

ជាលទ្ធផល កម្លាំងសមត្ថកិច្ចបានដកហូតម៉ាស៊ីនតាបឈូស, ម៉ូទ័រស្វាន, ម៉ូទ័រឈូស និងឈើល្មើសច្បាប់ ជាច្រើនម៉ែត្រគូបទៀត រួចបញ្ជូនទៅរក្សាទុកនៅស្នាក់ការបរិស្ថាន ដើម្បីចាត់ការទៅតាមច្បាប់

លោកសង្កត់ធ្ងន់ថា ទីតាំងសិប្បកម្មកែច្នៃឈើនៅកន្លែងណាក៏ដោយ ដែលគ្មានច្បាប់អនុញ្ញាតត្រឹមត្រូវ គឺត្រូវតែធ្វើការបង្រ្កាប៕

ដោយ៖ជុន កុសល

The post បង្រ្កាបទីតាំងសិប្បកម្មកែច្នៃឈើខុសច្បាប់ចំនួន៥តីតាំងនៅស្រុកត្បែងមានជ័យ appeared first on Kampuchea Thmey Daily.

មន្ត្រីផ្នែករដ្ឋបាលព្រៃឈើរវៀង បានឱ្យដឹងថា រថយន្តកូរ៉េកែច្នៃដឹកឈើខុសច្បាប់បានមួយគ្រឿង ដឹកឈើប្រមាណជិត១០ម៉ែត្រគូប។ បច្ចុប្បន្នទាំងរថយន្ត និងឈើ ត្រូវបានបញ្ជូនយកទៅរក្សាទុកនៅសង្កាត់រដ្ឋបាលព្រៃឈើស្រុករវៀង ដើម្បីចាត់ការទៅតាមនិតិវិធីច្បាប់។ ប្រភពព័ត៌មានបានឱ្យដឹងថា ឈើល្មើសច្បាប់ទាំងនេះ ដឹកចេញពីតំបន់ព្រៃព្រះរកា ស្រុកឆែប នៃខេត្តព្រះវិហារ៕

អត្ថបទ៖ ជុន កុសល

The post រដ្ឋបាលព្រៃឈើស្រុករវៀង ឃាត់រថយន្តដឹកឈើខុសច្បាប់១គ្រឿងនៅលើផ្លូវជាតិលេខ៦២ appeared first on Kampuchea Thmey Daily.

កាលពីព្រឹកថ្ងៃទី ១៣ ខែឧសភា ឆ្នាំ ២០២៦ នេះ លោក មឿន សុភេទ ប្រធានមន្ទីរបរិស្ថានខេត្តព្រះវិហារ បានឲ្យដឹងថា កាលពីថ្ងៃទី ១២ ខែឧសភា ឆ្នាំ ២០២៦ មន្ត្រីឧទ្យានុរក្សប្រចាំស្នាក់ការរងភ្នំកូនឆ្កែ ស្នាក់ការស្រែវាល និង ស្នាក់ការរងពើក នៃដែនជម្រកសត្វព្រៃ ព្រៃឡង់ ចំនួន ៧ នាក់ ចុះល្បាតបង្រ្កាបបទល្មើសធនធានធម្មជាតិនៅក្នុងព្រៃសហគមន៍បង្កនសែនជ័យ ទៅដល់ចំណុចព្រៃល្បើក និយាមកាលេខ (៥៤១០៥០-១៥១៤២៩៦) ស្ថិតក្នុងភូមិបង្កន ឃុំរៀបរយ ស្រុករវៀង ខេត្តព្រះវិហារ ជាទីតាំងដែលបណ្តាញសហគមន៍ព្រៃឡង់ និង សារព័ត៌មាន បានចុះផ្សាយអំពីការកាប់ឈើនៅតំបន់នោះ។

លោក មឿន សុភេទ បន្តថា បន្ទាប់ពីបានស្រាវជ្រាវ ឈានដល់ការឃាត់ខ្លួនជនសង្ស័យចំនួន ២ នាក់ កំពុងបើកគោយន្តកន្ត្រៃដឹកឈើ ២ គ្រឿង ជាប្រភេទឈើអារលេខ ១ (សុក្រំ) ចំនួន ១,៥០ ម៉ែត្រគីប រួមជាមួយវត្ថុតាងរណាយន្ត ១ គ្រឿង និង អាវុធកែច្នៃប្រើហ្គាស ១ ដើម។

បច្ចុប្បន្ន ជនសង្ស័យ និង វត្ថុតាង ត្រូវបានមន្ត្រីជំនាញយកទៅរក្សាទុកនៅស្នាក់រងពើក និង កំពុងកសាងសំណុំរឿងបញ្ជូនទៅតុលាការ ដើម្បីចាត់ការបន្តតាមផ្លូវច្បាប់៕
អត្ថបទ ៖ ជុន កុសល

The post បង្ក្រាបបទល្មើសព្រៃឈើក្នុងព្រៃសហគមន៍បង្កនសែនជ័យ ឃាត់ខ្លួនជនសង្ស័យ ២ នាក់ appeared first on Kampuchea Thmey Daily.

លោក នួន ផារ័ត្ន បានដាក់បទបញ្ជាឱ្យលោកឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងជាអនុប្រធាន​អចិន្ដ្រៃយ៍​គ​ណៈកម្មការ​ការពារ​ ទប់ស្កាត់​ និង​បង្ក្រាប​បទ​ល្មើស​ធនធាន​ធម្មជាតិខេត្ត​ ថា ត្រូវ​សហការជាមួយស្ថាប័នពាក់ព័ន្ធ ដើម្បីរៀបចំកែសម្រួលកម្លាំងចម្រុះ ដែលប្រចាំការនៅទីបញ្ជាការស្រាលឈរជើង ក្នុងភូមិសាស្ត្រឃុំសុចិត្រ ស្រុកសណ្ដាន់ ដើម្បីបង្កើនការគ្រប់គ្រងនៅតំបន់នេះឱ្យបាន​ ដោយ​មិនឱ្យមានការកាប់ទន្ទ្រានជាថ្មី និងល្បាតឃ្លាំមើលចាំចាប់ខ្លួនជនប្រព្រឹត្តបទល្មើសជាក់ស្ដែង ដើម្បីនាំខ្លួនបញ្ជូនទៅតុលាការផ្ដន្ទាទោសតាមច្បាប់ ដោយគ្មានការលើកលែងឡើយ។

បទបញ្ជារបស់អភិបាលខេត្តកំពង់ធំ បានកើតឡើងក្នុងពេលដែលលោកចុះទៅត្រួតពិនិត្យភូមិសាស្ត្រដែនជម្រកសត្វព្រៃព្រៃឡង់ នៅក្នុងឃុំសុចិត្រ ស្រុកសណ្ដាន់ ខេត្តកំពង់ធំ ជាប់ព្រំប្រទល់ស្រុកសំបូរ ខេត្តក្រចេះ ខណៈតំបន់ព្រៃឡង់មួយនេះ ត្រូវបានរងការកាប់ទន្ទ្រានដោយជនល្មើសប្រមាណពី​៥​ ទៅ៦​ហិកតា ក្នុងអំឡុងពេលបុណ្យចូលឆ្នាំកន្លងទៅ។

ក្នុងដំណើរចុះពិនិត្យកាលពីថ្ងៃទី១០​ ខែឧសភា ឆ្នាំ២០២៦ លោក នួន​ ផារ័ត្ន បានសម្ដែងការសោកស្ដាយជាខ្លាំងចំពោះការបាត់បង់ព្រៃឡង់ ដែលរងការលួចកាប់ទន្ទ្រាន ក្នុងអំឡុង​ពេលបុណ្យចូលឆ្នាំកន្លងនេះ។

លោកអភិបាលខេត្ត បានសង្កត់ធ្ងន់ដល់ការចាត់វិធានការឱ្យបានមុឺងម៉ាត់ ដោយឱ្យមន្ទីរបរិស្ថានខេត្តកំពង់ធំ រៀបចំដីការដកហូតជាន្ទាន់យកមកធ្វើជាសម្បត្តិរដ្ឋ និងបញ្ជាឱ្យរៀបចំកសាងសំណុំរឿងបញ្ជូនទៅកាន់តុលាការ ដោយស្រាវជ្រាវែករកមុខសញ្ញាជនប្រព្រឹត្តបទល្មើស ដើម្បីផ្ដន្ទាទោសឱ្យបានធ្ងន់ធ្ងរបំផុត។ លោកក៏បានសន្យាផ្ដល់ជូនរង្វាន់ចំពោះជនណាដែលបានផ្ដល់ព័ត៌មានពីមុខសញ្ញាជនដែលបានលួចកាប់​ទន្ទ្រាន​ព្រៃ​ឈើ​ និងអ្នកនៅពីក្រោយខ្នងផងដែរ ដើម្បីចាប់ឃាត់ខ្លួនយកផ្ដន្ទាទោសតាមផ្លូវច្បាប់។

ដោយទទួលបានបទបញ្ជានេះ លោកឧត្តមសេនីយ៍ទោ សោម ស៊ុន បានប្តេជ្ញាចិត្តគោរពអនុវត្តតាមបទបញ្ជារបស់លោកអភិបាលខេត្ត ដោយបន្តសហការជាមួយស្ថាប័នជំនាញពាក់ព័ន្ធ រួម​នឹងកងកម្លាំង​ប្រដាប់​អាវុធ​ទាំង​បី​ ដើម្បីរួមគ្នាការពារធនធានធម្មជាតិក្នុងតំបន់ព្រៃឡង់នេះឱ្យបានគង់វង្ស និងទប់ស្កាត់ឱ្យបានការកាប់ទន្ទ្រានព្រៃដោយខុសច្បាប់៕

The post អភិបាលខេត្តកំពង់ធំបញ្ជាកម្លាំងយោធាបង្កើនការល្បាតក្នុងតំបន់ព្រៃឡង់ ហើយចាប់ឱ្យបានជនល្មើសបំផ្លាញព្រៃ appeared first on Kampuchea Thmey Daily.

លោក មឿន សុភេទ ប្រធានមន្ទីរបរិស្ថានខេត្តព្រះវិហារ បានឲ្យដឹងថា ប្រតិបត្តិការបង្ក្រាបបទល្មើសធនធានធម្មជាតិនៅតែបន្តធ្វើឡើងយ៉ាងសកម្ម ក្រោមការសហការយ៉ាងស្អិតរមួតរវាងមន្ត្រីឧទ្យានុរក្សនៃដែនជម្រកសត្វព្រៃឡង់ (ព្រៃឡង់) និងបន្ទាប់ពីទទួលបានការរាយការពីពលរដ្ឋភ្លាម លោកបានស្មើសុំគោលការណ៍ពីលោកអភិបាលខេត្ត ស្នើកម្លាំងអន្តរគមន៍ពីកងរាជអាវុធហត្ថ និងកម្លាំងជំនាញបរិស្ថានបានធ្វើការដេញស្ទាក់ និងឃាត់ចាប់បានរថយន្តម៉ាក សាំយ៉ុងចំនួន ១គ្រឿង ដែលបានលួចដឹកជញ្ជូនឈើពេញ ចេញពីភូមិសាស្ត្រខេត្តព្រះវិហារ ឆ្ពោះទៅកាន់ខេត្តកំពង់ធំ។

បច្ចុប្បន្ន មន្ត្រីជំនាញកំពុងរៀបចំបញ្ជូនវត្ថុតាងទៅរក្សាទុកនៅស្នាក់ការបរិស្ថានអូរពោធិ៍ ដើម្បីបន្តនីតិវិធីស្រាវជ្រាវ និងកសាងសំណុំរឿងចាត់ការតាមច្បាប់ចំពោះបុគ្គលដែលពាក់ព័ន្ធទាំងអស់។ លោក មឿន សុភេទ ក៏បានថ្លែងអំណរគុណចំពោះអ្នកដែលបានផ្តល់ព័ត៌មានជូនសមត្ថកិច្ចជំនាញទាន់ពេលវេលាចំពោះបទល្មើសធនធានធម្មជាតិ។

សូមជម្រាបថា មួយរយៈនេះគេសង្កេតឃើញមានក្រុមឈ្មួញបាននាំគ្នាលួចចូលទៅកាប់ឈើធំៗក្នុងតំបន់អភិរក្សសត្វព្រៃព្រះរកា ដើម្បីដឹកយកទៅចែកចាយ ហើយក៏ត្រូវបានមន្ត្រីជំនាញបង្ក្រាបបានមួយចំនួនផងដែរ។ តែទោះជាយ៉ាងនេះក្តីប្រជាសហគមន៍ជនជាតិដើមភាគតិចកួយភូមិប្រមេរុ បានស្នើដល់សមត្ថកិច្ចជំនាញគ្រប់ជាន់ថ្នាក់មេត្តាចាត់វិធានការបង្ក្រាបឲ្យបានតឹងតែង តម្លាភាព ព្រោះព្រៃព្រះរកា អាចនឹងរងការកាប់បំផ្លាញជាថ្នូរនឹងលាភសក្ការៈ។

យោងតាមឯកសារបានបង្ហាញថា ព្រៃព្រះរកា មានផ្ទៃដីប្រមាណជា ៩៦០០០ហិកតា ស្ថិតក្នុងទឹកដីស្រុកជាំក្សាន្ត, ស្រុកឆែប និងស្រុកត្បែងមានជ័យ នៃខេត្តព្រះវិហារ៕

អត្ថបទ៖ ជុន កុសល

The post សមត្ថកិច្ចខេត្តព្រះវិហារ បង្ក្រាបរថយន្ដដឹកឈើខុសច្បាប់មួយគ្រឿងនៅស្រុករវៀង appeared first on Kampuchea Thmey Daily.

ការហាមឃាត់នេះ មិនត្រឹមតែអនុវត្តចំពោះតំបន់ការពារដែលបានកំណត់ជាផ្លូវការប៉ុណ្ណោះទេ ប៉ុន្តែថែមទាំងគ្របដណ្ដប់លើតំបន់សហគមន៍ដែលស្ថិតនៅក្នុងតំបន់ការពារ តំបន់អភិរក្សសត្វព្រៃ និងឧទ្យានជាតិផងដែរ។

សេចក្ដីរំលឹកនេះ បានចេញផ្សាយបន្ទាប់ពីមានសកម្មភាពអនុវត្តច្បាប់ថ្មីៗ ដែលនាំឱ្យមានការចាប់ខ្លួន និងឃុំខ្លួនបុគ្គលចំនួន ៤ នាក់ ពាក់ព័ន្ធនឹងសកម្មភាពឈើខុសច្បាប់ បង្ហាញពីជំហរដ៏រឹងមាំរបស់រដ្ឋាភិបាលក្នុងការការពារធនធានព្រៃឈើ។

ក្រសួងបានបញ្ជាក់ថា សកម្មភាពណាមួយដែលអនុវត្តដោយគ្មានការអនុញ្ញាតត្រឹមត្រូវ ត្រូវបានចាត់ទុកថាជាការរំលោភលើបទប្បញ្ញត្តិបរិស្ថាន ហើយអាចនាំឱ្យមានទណ្ឌកម្មធ្ងន់ធ្ងរ រួមមានការដាក់ពន្ធនាគារ។

អាជ្ញាធរបានអំពាវនាវឱ្យប្រជាពលរដ្ឋគោរពច្បាប់ និងរាយការណ៍អំពីសកម្មភាពខុសច្បាប់ណាមួយ។ ជាមួយគ្នានេះ ក្រសួងក៏បានបញ្ជាក់ឡើងវិញពីការប្តេជ្ញារបស់រដ្ឋាភិបាលក្នុងការការពារព្រៃឈើ និងថែរក្សាប្រព័ន្ធអេកូឡូស៊ីដ៏សម្បូរបែបរបស់កម្ពុជា សម្រាប់ជំនាន់ក្រោយ៕

The post ក្រសួងបរិស្ថានព្រមានចាត់វិធានការច្បាប់ធ្ងន់ធ្ងរលើបទល្មើសព្រៃឈើ ក្រោយការចាប់ខ្លួនមនុស្ស ៤ នាក់ appeared first on Kampuchea Thmey Daily.