គួររំលឹកថា កាលពីថ្ងៃទី១៩ ខែមិថុនា ឆ្នាំ២០២៦ យុវជនរូបនេះបានបើកម៉ូតូទៅប្លុងចោលនៅចំណុចផ្លូវលំបំបែកជាបី ឆ្ពោះទៅក្រុមហ៊ុនវីរៈប៊ុនថាំ ក្នុងតំបន់ឧទ្យានជាតិគិរីរម្យ ស្រុកភ្នំស្រួច ខេត្តកំពង់ស្ពឺ។ នៅលើម៉ូតូនោះ គេបានប្រទះឃើញកាបូបខោអាវ និងសំបុត្រមួយសន្លឹកសរសេររៀបរាប់ថា៖ «បើអ្នកបានឃើញសំបុត្រនេះ មានន័យថាខ្ញុំបានស្លាប់ហើយ… មានវីដេអូក្នុងទូរស័ព្ទដែលជាការសម្រេចចិត្តចុងក្រោយបែបនេះ…» ព្រមទាំងបានសរសេរលេខទូរស័ព្ទសាច់ញាតិ ដើម្បីឱ្យសមត្ថកិច្ចជួយទាក់ទងទៅគ្រួសារផងដែរ។

ក្រោយការបាត់ខ្លួនអស់រយៈពេល ៨ថ្ងៃ ស្រាប់តែនៅថ្ងៃទី២៧ ខែមិថុនា នេះ កម្លាំងប៉ុស្តិ៍នគរបាលរដ្ឋបាលចំបក់ បានទទួលព័ត៌មានពីអ្នកភូមិថា បានប្រទះឃើញបុរសម្នាក់ដេករបួសនៅចំណុចអូរធំ (ស្ទឹងចម្លងទាវ)។ ភ្លាមៗនោះ សមត្ថកិច្ចបានចុះទៅដល់ទីតាំងកើតហេតុ ហើយបានបញ្ជាក់អត្តសញ្ញាណថា បុរសរូបនោះពិតជាជនដែលបានបាត់ខ្លួនប្រាកដមែន មានឈ្មោះ គន់ សុខហេង អាយុ ៣២ឆ្នាំ មានស្រុកកំណើតនៅភូមិជាលា ឃុំជាលា ស្រុកបាធាយ ខេត្តកំពង់ចាម។ ស្ថានភាពរបស់ជនរងគ្រោះពេលប្រទះឃើញ គឺមានសភាពបែកមាត់ និងរងរបួសធ្ងន់ធ្ងរត្រង់ភ្នែកខាងឆ្វេង ព្រមទាំងមានរបួសជាច្រើនកន្លែងទៀតនៅលើរាងកាយ។

តាមការសន្និដ្ឋានរបស់សមត្ថកិច្ច ផ្អែកលើភស្តុតាង និងការពិនិត្យជុំវិញកន្លែងកើតហេតុ សមត្ថកិច្ចបានធ្វើការសន្និដ្ឋានបឋមថា ជនរងគ្រោះប្រហែលជាបានប៉ុនប៉ងលោតសម្លាប់ខ្លួនពីលើទីទួល ឬចំណោតភ្នំ ប៉ុន្តែមិនស្លាប់ ដោយគ្រាន់តែរងរបួសធ្ងន់ធ្ងរ ហើយដេកនៅទីនោះរហូតដល់មានអ្នកភូមិទៅប្រទះឃើញ។

បច្ចុប្បន្ន យុវជនរងគ្រោះត្រូវបានកម្លាំងសមត្ថកិច្ចចម្រុះ និងក្រុមសង្គ្រោះ ដឹកបញ្ជូនទៅកាន់មន្ទីរពេទ្យ ដើម្បីធ្វើការសង្គ្រោះបន្ទាន់ និងព្យាបាលមុខរបួស ខណៈសាច់ញាតិរបស់ជនរងគ្រោះក៏ត្រូវបានទាក់ទងឱ្យមកមើលថែផងដែរ៕ អត្ថបទ ៖ អុឹងម៉េង

The post រកឃើញហើយ ! យុវជនសរសេរសំបុត្របណ្តាំ «ខ្ញុំស្លាប់ហើយ» មុនបាត់ខ្លួនលើភ្នំគិរីរម្យ ត្រូវប្រទះឃើញក្នុងស្ថានភាពរបួសធ្ងន់ appeared first on Kampuchea Thmey Daily.

បើតាមការបញ្ជាក់ពីលោក ជួន ឧត្តម នាយប៉ុស្តិ៍នរគបាលរដ្ឋបាលកោះដាច់ បានឱ្យដឹងថា នៅលើទូកស្មាច់ដែលបានលិចនោះមានមនុស្សក្មេងចាស់ ប្រុសស្រីរួមដំណើរលើទូកចំនួន ១៣នាក់ ស្រី៧នាក់។

គួររំលឹកផងដែរថា កាលពីវេលាម៉ោង ១០និង៣០នាទីព្រឹក ថ្ងៃទី២៣ ខែមីនា ឆ្នាំ២០២៦ មានករណីលិចទូកស្មាច់កណ្ដាលទន្លេ ក្នុងភូមិក្បាលកោះ សង្កាត់កោះដាច់ ខណ្ឌជ្រោយចង្វារ មានជនរងគ្រោះក្មេងចាស់ ប្រុសស្រីសរុប ១៣នាក់។ ក្នុងនោះមានមនុស្សចំនួន ៥នាក់ ត្រូវបានជួយសង្គ្រោះបានទាន់ពេលវេលា និង មនុស្សក្មេងចាស់ ប្រុសស្រី ៨នាក់ បានស្លាប់ក្នុងហេតុការណ៍លិចទូកស្មាច់ខាងលើនេះ។ ចំពោះមូលហេតុ ដោយសង្ស័យដឹកធ្ងន់ខ្លាំងពេក ព្រោះទូកស្មាច់មានសភាពតូចក៏បណ្ដាលឲ្យលិចទូកតែម្ដង។

បច្ចុប្បន្នសពទាំង៨នាក់ ត្រូវបានបញ្ជូនទៅអាជ្ញាធរឃុំពុកឬស្សី ស្រុកខ្សាច់កណ្តាល ខេត្តកណ្តាល ដើម្បីរៀបចំឯកសារប្រគល់សពជូនក្រុមគ្រួសារសាច់ញាតិយកធ្វើបុណ្យតាមប្រពៃណី៕ ដោយ ៖ អុឹងម៉េង

The post Update ៖ សពជនរងគ្រោះក្នុងករណីលិចទូក ទាំង៨នាក់នៅសង្កាត់កោះដាច់​ ត្រូវបានរកឃើញអស់ហើយគិតត្រឹមម៉ោង៨ព្រឹកនេះ appeared first on Kampuchea Thmey Daily.

បើ​តាម​ប្រភព​ពី​ប្រជាពលរដ្ឋ​បាន​ឲ្យ​ដឹង​ថា បុរស​រងគ្រោះ​មាន​ឈ្មោះ គាម ដោះ អាយុ ៤៣ ឆ្នាំ រស់នៅ​ភូមិ​ព្រះអង្គ​កែវ ឃុំ​ដង​ពែង ស្រុក​ស្រែ​អំបិល ខេត្ត​កោះកុង បាន​បាត់​ខ្លួន​កាលពី​វេលា​ម៉ោង ៣ រសៀល (មេឃ​កំពុង​ភ្លៀង​ខ្លាំង) ថ្ងៃ​ទី ៣០ ខែ​កញ្ញា ឆ្នាំ ២០២៥ ខណៈ​គាត់​ប្រឹង​ជួយ​ចម្លង​កូនស្រី​អាយុ ១៣ ឆ្នាំ ដែល​ទៅ​ឃ្វាល​ក្របី​នៅ​ឯ​ត្រើយម្ខាង នៃ​ទឹក​ប្រឡាយ​ស្ទឹង​ពង្រូល។ ពេល​ជួយសង្គ្រោះ​កូន​បាន​ហើយ បែរជា​ជនរងគ្រោះ​បាត់បង់​ស្មារតី ត្រូវ​ទឹក​ហូរ​កួច​ទៅ​ជ្រៅ​លង់​ទឹក​ស្លាប់។

ប្រភព​ដដែល​បាន​បន្ត​ថា នៅ​ថ្ងៃ​ទី ១ តុលា គិត​មកទល់​ម៉ោង​នេះ សព​នៅ​មិន​ទាន់​រក​ឃើញ​នៅ​ឡើយ​ទេ។ បច្ចុប្បន្ន អាជ្ញាធរ សមត្ថកិច្ច និង​ពលរដ្ឋ​ក្នុង​មូលដ្ឋាន កំពុង​ជួយ​ស្វែងរក​សព ដើម្បី​យក​ទៅ​ធ្វើបុណ្យ​តាម​ប្រពៃណី។

កន្លងទៅ អាជ្ញាធរ និង​សមត្ថកិច្ច​នៅ​ស្រុក​ស្រែអំបិល ធ្លាប់​អំពាវនាវ​ដល់​ប្រជាពលរដ្ឋ​បង្កើន​ការ​ប្រុង​ប្រយ័ត្ន​ចំពោះ​ការ​ប្រែប្រួល​អាកាសធាតុ ករណី​មាន​គ្រោះ​មហន្តរាយ​ណាមួយ សូម​ប្រញាប់​ផ្តល់​ព័ត៌មាន​ឲ្យ​បាន​ឆាប់រហ័ស​មក​កាន់​អាជ្ញាធរ​ជំនាញ ដើម្បី​ចុះ​ជួយ​សង្គ្រោះ​បាន​ទាន់​ពេលវេលា៕

អត្ថបទ ៖ សិរីវឌ្ឍនៈ

The post មកទល់ម៉ោងនេះ បុរសដែលបាត់ខ្លួនពេលជួយចម្លងកូនស្រីឆ្លងទឹកប្រឡាយ ស្ទឹងពង្រូល មិនទាន់រកឃើញនៅឡើយទេ appeared first on Kampuchea Thmey Daily.

យោងតាមកងទ័ពសហរដ្ឋអាមេរិក ទាហានទាំង៤នាក់ត្រូវ​បាន​គេ​រាយការណ៍​ថា​ បាន​បាត់​ខ្លួន​ក្នុង​តំបន់​ហ្វឹកហ្វឺន​មួយ​នៅ​ជិត​ទីក្រុង Pabrade នៅ​ម៉ោង​ប្រហែល៤និង៤៥នាទី​រសៀលកាលពីថ្ងៃអង្គារ។ បន្ទាប់មករថពាសដែក M88 Hercules របស់ពួកគេត្រូវបានរកឃើញលិច​ក្នុង​ទឹក​ជម្រៅ​ជាង៥ម៉ែត្រ​កាលពីថ្ងៃពុធ មួយថ្ងៃបន្ទាប់ពីពួកគេបានបាត់ខ្លួនពេល​កំពុងហ្វឹកហាត់ជាមួយកងកម្លាំងប្រដាប់អាវុធលីទុយអានី។

កិច្ចខិតខំប្រឹងប្រែងជួយសង្គ្រោះបានដំណើរការអស់រយៈពេល៤៨ម៉ោងចុងក្រោយនេះ តម្រូវឱ្យប្រើប្រាស់ឧបករណ៍ជំនាញដើម្បីបូមទឹក និងភក់ចេញពីកន្លែងលិច និងធ្វើឱ្យដីទន់នៃតំបន់ជុំវិញនោះមានសភាព​​​រឹង​​​​​ ដែលនឹងអនុញ្ញាត​ឱ្យវាជួយទ្រទ្រង់ឧបករណ៍ធុនធ្ងន់ដែលត្រូវការដើម្បីទាញយករថពាសដែកចេញពីទឹក។

ក្រសួងការពារជាតិរបស់ប្រទេសលីទុយអានី បាននិយាយនៅក្នុងសេចក្តីថ្លែងការណ៍មួយថា គិតត្រឹមថ្ងៃព្រហស្បតិ៍ «មិនមានភស្តុតាង ឬព័ត៌មានណាមួយបញ្ជាក់ពីការស្លាប់បាត់បង់ជីវិត» នោះទេ ខណៈកិច្ចខិតខំប្រឹងប្រែងជួយ សង្គ្រោះ​កំពុងបន្ត។ ក្រសួងការពារជាតិប៉ូឡូញ ក៏កំពុងបញ្ជូនទាហាន និងឧបករណ៍វិស្វកម្ម ដើម្បីជួយក្នុងប្រតិបត្តិការស្វែងរក និងជួយសង្គ្រោះនេះផងដែរ។

គួរបញ្ជាក់ថា កងទ័ពសហរដ្ឋអាមេរិកបានរក្សាវត្តមាននៅអឺរ៉ុបខាងកើត និងតំបន់បាល់ទិកចាប់តាំងពីឆ្នាំ២០១៤ នៅក្នុងប្រតិបត្តិការមួយដែលមានឈ្មោះថា «ដំណោះស្រាយអាត្លង់ទិក» បន្ទាប់ពីការលុកលុយរបស់រុស្ស៊ីលើ​ឧបទ្វីប​គ្រីមៀ។ ប្រទេសលីទុយអានី ដែលជាសមាជិកនៃអង្គការណាតូ និងសហភាពអឺរ៉ុប ទទួលស្វាគមន៍ទាហានអាមេរិករាប់រយនាក់ ដែលឈរជើងប្តូរវេនគ្នា​។

ក្រសួងការពារជាតិរបស់ប្រទេសលីទុយអានីធ្លាប់បានប្រកាសនៅក្នុងសេចក្តីថ្លែងការណ៍មួយថា ជំរំយោធាអាមេរិកមួយដែលមានឈ្មោះថា Camp Herkus ត្រូវបានបង្កើតឡើងនៅក្នុងទីក្រុង Pabrade ក្នុងខែសីហា ឆ្នាំ២០២១។ យោងតាមកងកម្លាំងប្រដាប់អាវុធលីទុយអានី ជំរំនេះមានទាហាន​ចន្លោះ​ពី​ ៧០០នាក់ទៅ១០០០នាក់ហ្វឹកហាត់ក្នុងរយៈពេលខ្លី៕

អត្ថបទ៖ ប៊ុន សុភាព

The post ​បេសកកម្ម​សង្គ្រោះ​​និង​ស្វែងរក​ទាហាអាមេរិកបាត់ខ្លួន​​៤នាក់កំពុង​មមាញឹក​​​នៅ​លីទុយអានី appeared first on Kampuchea Thmey Daily.

ក្មេងប្រុសរូបនេះ មានឈ្មោះ Dang Tien Lam ជាអ្នកស្រុក Van Yen បានបាត់ខ្លួនកាលពីថ្ងៃទី១៧ខែសីហា បន្ទាប់ពីបានទៅលេងផ្ទះសាច់ញាតិដើម្បីហូបបាយ។ នៅរសៀលនោះ Lam និងបងប្អូនប្រាំបួននាក់របស់គាត់បានទៅទឹកក្បែរនោះ នៅពេលទោះ Lam បានចាកចេញពីក្រុមមុនដើម្បីត្រឡប់ទៅផ្ទះវិញ ប៉ុន្តែ២០នាទីក្រោយមកដោយមិន​ឃើញ​គាត់ ទើបគ្រួសាររបស់គាត់បានចាប់ផ្តើមដើររក។

ជាមួយគ្នានេះអាជ្ញាធរស្រុក Van Yen បានចល័តមនុស្សជាង ២០០នាក់ភ្លាមៗ រួមទាំងមន្រ្តីប៉ូលិស ទាហាន សមាជិកកងជីវពល និងអ្នកស្ម័គ្រចិត្តក្នុងតំបន់ ដើម្បីជួយក្នុងការស្វែងរក។ ក្រុមអ្នកស៊ើបអង្កេតបានពិនិត្យឡើងវិញនូវវីដេអូឃ្លាំមើលពីតំបន់ក្បែរនោះ ដើម្បីឲ្យប្រាកដថា មិនមែនជាការចាប់ជំរិត ហើយប្រជាជនក៏បានបង្ហូរពោងទឹកតាមទឹកអូរ ដើម្បីធានាថាគាត់មិនលង់ទឹក។

នៅវេលាម៉ោង១១៖៣០នាទីព្រឹកថ្ងៃពុធ កសិករឈ្មោះ Ly Van Nang អាយុ៥២ឆ្នាំបានលឺសំឡេងក្មេងយំ ខណៈដែលគាត់ត្រឡប់មកកន្លែង​សម្រាក​របស់គាត់វិញ ដើម្បីទទួលទានអាហារថ្ងៃត្រង់ បន្ទាប់ពីសម្រាក​ការងារ​ពេលព្រឹក។ ក្នុងពេល​នោះ​ គាត់​បាន​ដើរក ហើយ​គាត់ក៏ប្រទះ​ឃើញ Lam អស់​កម្លាំង និង​មិន​អាច​ឈរ​បាន ដោយ​អង្គុយ​ក្នុង​គុម្ពោតព្រៃ​​។

​លោក Nang បាន​រៀបរាប់​ថា​៖«​ខ្ញុំ​រើស​គាត់ ហើយ​គាត់​និយាយ​ថា​គាត់​ហត់​ហើយ​ឃ្លាន សួរ​ថា​ខ្ញុំ​មាន​អី​ញ៉ាំ​អត់? ក្មេង​ប្រុស​រូប​នេះ​បាន​និយាយ​ថា គាត់​គ្មាន​អាហារ និង​ទឹក​ជា​ច្រើន​ថ្ងៃ​មក​ហើយ» និងថែមទាំងប្រាប់ខ្ញុំថា «នៅពេលដែលគាត់វង្វេង គាត់មិនអាចរកផ្លូវទៅផ្ទះបានទេ ដោយ​កាន់​តែ​ដើរ​កាន់​តែ​ច្រើន គាត់​កាន់​តែ​រក​ផ្លូវ​ចេញ​មិន​បាន»។ គាត់​ត្រូវ​បាន​គេ​រក​ឃើញ​ថា​ពាក់​អាវយឺត​ពណ៌​ក្រហម និង​ខោ​ខ្លី​ដែល​ប្រឡាក់​ពេញ​ខ្លួន។

លោក Nang បានលួងលោម Lam ហើយដឹកគាត់ទៅតង់របស់គាត់ និងបានផ្តល់អាហារដល់ក្មេងប្រុសនោះ មុនពេលជូនដំណឹងដល់អាជ្ញាធរ។ ក្នុងរយៈពេល១៥នាទី គាត់បានដឹក Lam ចុះពីលើភ្នំ ដើម្បីទៅជួបជុំជាមួយឪពុកម្តាយដែលកំពុងព្រួយបារម្ភនិងទើបតែមកដល់។ ក្រោយមក Lam ត្រូវ​បាន​គេ​នាំ​ទៅ​កាន់​មន្ទី​ពេទ្យ​ក្នុង​តំបន់​ដើម្បី​ពិនិត្យ​សុខភាព។

ដំណឹងនេះបានធ្វើឱ្យមានការធូរស្រាលនៅលើប្រព័ន្ធផ្សព្វផ្សាយសង្គម ដោយមានមនុស្សជាច្រើនបានអបអរសាទរដល់ក្រុមគ្រួសាររបស់ Lam និងអរគុណក្រុមស្វែងរកសម្រាប់ការខិតខំប្រឹងប្រែងរបស់ពួកគេ ខណៈប៉ូលិសបាននិយាយថា វាគឺជា «អព្ភូតហេតុ» ដែល Lam ត្រូវបានរកឃើញនៅរស់ក្រោយបាត់ខ្លួនរហូតដល់ទៅរយៈពេល៥ថ្ងៃ។

គួរបញ្ជាក់ថា តំបន់ដែល Lam បានបាត់ខ្លួន គឺជាតំបន់ភ្នំដែលលាតសន្ធឹងលើស្រុក Yen Bai និង Lao Cai ខណៈដែល Lam ត្រូវបានគេរកឃើញនៅចម្ងាយប្រហែល៦គីឡូម៉ែត្រពីកន្លែងដែលគាត់បានបាត់ខ្លួនដំបូង៕

អត្ថបទ៖ ប៊ុន សុភាព

The post ក្មេង​​ប្រុស​វៀតណាមបាត់ខ្លួន​៥ថ្ងៃដោយ​បារម្ភ​ពីការ​ចាប់ជំរិត​ តូ្រវ​ប្រទះឃើញ​វង្វេងក្នុង​ព្រៃជ្រៅ appeared first on Kampuchea Thmey Daily.

ចាប់តាំងពីការបាត់ខ្លួនរបស់តារាសម្ដែងវ័យ ៦៥ឆ្នាំរូបនេះមក ក្រុមជួយសង្គ្រោះកំពុងធ្វើការស្វះស្វែងរកលោកយ៉ាងស្វាហាប់ ប៉ុន្តែពួកគេត្រូវបញ្ឈប់សកម្មភាពរកវិញដោយសារតែស្ថានភាពកាន់តែគ្រោះថ្នាក់។ ក្នុងបេសកកម្មស្វែងរកលោក Julian អាជ្ញាធរបានប្រើប្រាស់ឧទ្ធម្ភាគចក្រ និងដ្រូនជាច្រើនដើម្បីពង្រឹងការស្វែងរកឲ្យកាន់តែមានប្រសិទ្ធិភាពជាងមុន ។ សូមបញ្ជាក់ផងដែរថា រដ្ឋកាលីហ្វ័រញ៉ាភាគខាងត្បូងបានរងការវាយប្រហារដោយព្យុះក្នុងរយៈពេលប៉ុន្មានសប្តាហ៍ថ្មីៗនេះបណ្ដាលឲ្យភ្នំលិចលង់ក្នុងព្រិល និងទឹកកក ដូចនេះវាមានគ្រោះថ្នាក់ខ្លាំងណាស់ សូម្បីតែអ្នកឡើងភ្នំដែលមានបទពិសោធន៍ក៏មិនអាចរួចខ្លួនដែរ ។ ជាក់ស្ដែងក្នុងឆ្នាំ ១៩៩០ លោក Julian បានជួបគ្រោះថ្នាក់ម្ដងហើយព្រោះកាលនោះអំឡុងពេលឡើងភ្នំកម្ពស់ ២ម៉ឺនហ្វីត លោកត្រូវរងការវាយប្រហារពីព្យុះដ៏សាហាវដូចគ្នា សំណាងល្អមានជំនួយទាន់ពេលវេលាទើបផុតគ្រោះថ្នាក់ ។

ជាមួយគ្នានេះដែរ លោក Julian មិនមែនជាជនរងគ្រោះតែម្នាក់ទេ អាជ្ញាធរកំពុងស្វែងរកអ្នកឡើងភ្នំម្នាក់ទៀតឈ្មោះ Bob Gregory ដែលបានបាត់ខ្លួនកាលពីថ្ងៃចន្ទដូចគ្នា ៕

ប្រែសម្រួលដោយ ៖ វារី

ចុចអាន ៖ ក្មេងស្រីប៉ាគីស្ថានពីរនាក់បាត់ខ្លួនពីផ្ទះ ស្មានតែគេចាប់ជំរិត ចុងក្រោយទើបដឹងថាពួកនាងស្កាត់ទៅជួប BTS

The post តារាសម្ដែងលោក Julian Sands បាត់ខ្លួនមួយសប្ដាហ៍ហើយ appeared first on Kampuchea Thmey Daily.

​បើតាម​ព័ត៌មាន​ពី​លោក​អធិការដ្ឋាន​នគរបាល​ស្រុក​ភ្នំក្រវាញ​បាន​ឲ្យ​ដឹងថា​: សិស្ស​ទាំង​០៦​នោះមាន ១.​ឈ្មោះ សុង សុខលី ភេទ ស្រី អាយុ ឆ្នាំ រស់នៅ​ភូមិ អូរ​រំ​ចង់ ឃុំ​បាក់​ចិញ្ចៀន ស្រុក​ភ្នំក្រវាញ រៀន​ថ្នាក់​ទី ៧E, ២.​ឈ្មោះ ហឿន ស្រី​ល័​ក្ខ ភេទ​ស្រី អាយុ ១៥ ឆ្នាំ រស់នៅ​ភូមិ​ទួល​ពង្រ ឃុំ​បាក់​ចិញ្ចៀន ស្រុក​ភ្នំក្រវាញ រៀន​ថ្នាក់​ទី ៨A, ៣.​ឈ្មោះ ហឿន ស្រី​លីន ភេទ​ស្រី អាយុ ១៥ ឆ្នាំ រស់នៅ​ភូមិ​ទួល​ពង្រ ឃុំ​បាក់​ចិញ្ចៀន ស្រុក​ភ្នំក្រវាញ រៀន​ថ្នាក់​ទី ៨A, ៤.​ឈ្មោះ គីម សុខ​គៀង ភេទ​ស្រី អាយុ ១៤ ឆ្នាំ រស់នៅ​ភូមិ​ទួល​ពង្រ ឃុំ​បាក់​ចិញ្ចៀន ស្រុក​ភ្នំក្រវាញ រៀន​ថ្នាក់​ទី ៨B, ៥.​ឈ្មោះ ជា ស្រី នាថ ភេទ​ស្រី អាយុ ១៤ ឆ្នាំ រស់នៅ​ភូមិ​អូរ​រំ​ចង់ ឃុំ​បាក់​ចិញ្ចៀន ស្រុក​ភ្នំក្រវាញ រៀន​ថ្នាក់​ទី ៨AG, ៦.​ឈ្មោះ ថា ស្រី​ម៉ី ភេទ​ស្រី អាយុ ១៤ ឆ្នាំ រស់នៅ​ភូមិ អូរ​រំ​ចង់ ឃុំ​បាក់​ចិញ្ចៀន ស្រុក​ភ្នំក្រវាញ រៀន​ថ្នាក់​ទី ៧E​។

លោក​បន្តថា មុនពេល​កើតហេតុ​ដោយ​ទំនេរ​ពី​ការសិក្សា​ក៏​បបួលគ្នា​ ០៦ ​នាក់​ ដោយ​ជិះ​ម៉ូតូ​ ២​ គ្រឿង​ ឌុ​បគ្នា​ចេញពី​សាលារៀន​មក​ងូតទឹក​ស្ទឹង​លេង​នៅ​ស្ពាន​ក្របៅ​ជ្រុំ ស្ថិតនៅក្នុងភូមិកើតហេតុ​ខាងលើ ពេលមកដល់​ក៏​នាំគ្នា​ផ្លាស់​សំលៀកបំពាក់ ចុះ​ងូតទឹក​ស្ទឹង​ពីក្រោម​ស្ពាន ដោយ​នាំគ្នា​ងូត​បណ្ដែត​ខ្លួន​លេង​តាម​ខ្សែទឹក​ហូរទៅកាន់​តែ​ជ្រៅ​ទៅៗ ស្រាប់តែ​ឈ្មោះ ថា ស្រីនាថ បាន​បបួល​មិត្តភក្ដិ​របស់ខ្លួន​ទៅលេង​នៅ​គល់ឈើ​នៅ​ចម្ងាយ​ពី​កន្លែង​ពួកខ្លួន​លេង​ប្រហែល ៥០ ម៉ែត្រ ពេល​នាំគ្នា​ដើរទៅ​ទឹក​កាន់តែ​ជ្រៅ​ទៅៗ ពេលនោះ​ឈ្មោះ ថា ស្រី​ម៉ី បាន​ទៅយក​ឈើ​ឫស្សី​មកកាន់​តោង​បណ្ដាក់​គ្នា ដោយ​ឈ្មោះ ហឿន ស្រី​លីន កាន់​នៅខាងមុខ និង​ឈ្មោះ ហឿន ស្រី​ល័​ក្ខ ពីក្រោយ ចំណែកឯ ៤ នាក់​ផ្សេងទៀត​កាន់​តោង​នៅ​កណ្ដាល បន្ទាប់មក​ឈ្មោះ ហឿន ស្រី​លីន ចេះ​ហែល​ទឹក បាន​ហែល​ទៅមុនដោយ​ទឹក​ជ្រៅ​ពេក​បាន​ស្រែកប្រាប់​គ្នា​ថា កុំ​នាំគ្នា​មក​ទឹក​ជ្រៅ​ណាស់ នាំគ្នា​ត្រឡប់​ទៅវិញ ពេលនោះ​អ្នក​ទាំង​បួន​នាក់​ នៅ​កណ្ដាល​ប្រឹង​តោង​ឫស្សី​ដើរ​ត្រឡប់​បក​ក្រោយ​វិញ ធ្វើ​ឲ្យ​ឈ្មោះ ហឿន ស្រី​ល័​ក្ខ ដែល​កាន់​ឫស្សី​នៅ​ខាងក្រោយ​គេ​ទប់​ពុំ​ជាប់​ជ្រែងជើង​លេចខ្លួន​នឹង​បាត​ស្ទឹង ក៏​របូត​ឫស្សី​ចេញពី​ដៃ ធ្វើ​ឲ្យ​ឈ្មោះ ថា ស្រី​ម៉ី ឈ្មោះ ជា ស្រីនាថ និង​ឈ្មោះ គីម សុខ​គៀង បាន​លង់ទឹក​អណ្ដែត​តាម​ខ្សែ​ទឹក​ហូរ​បាត់ទៅ ចំណែកឯ​ឈ្មោះ សុង សុខលី ត្រូវឈ្មោះ ហឿន ស្រី​លីន ទាញ​ដៃ​ជាប់​នៅ​ខាង​គល់ឈើ ចំណែកឯ​ឈ្មោះ ហឿន ស្រី​ល័​ក្ខ ដែ​លេច​ចូលក្នុង​ទឹក​នោះ​ខំ​រើបម្រាស់​រួច​ហែល​មក​ច្រាំង​ស្ទឹង ស្រែកហៅ​អ្នកភូមិ​ឲ្យ​ជួយ រួច​អ្នកភូមិ​បាន​ចែវ​ទូក​ទៅ​ចម្លង​យកឈ្មោះ សុង សុខលី និង​ឈ្មោះ ហឿន ស្រី​លីន ចំណែកឯ​ជនរងគ្រោះ​បីនាក់​ដែល​លង់ទឹក​ហូរ​លេច​បាត់ រក​ពុំទាន់​ឃើញ​។​

​លោកឧត្ដមសេនីយ៍ត្រី ម៉ូ លីដា ស្នងការរង​ទទួលបន្ទុក​ផ្នែក​ជំនាញ​ព្រហ្មទណ្ឌ ​ករណីនេះ សមត្ថកិច្ចយើង​កំពុងតែ​ស្វែងរក​ជនរងគ្រោះ​បីនាក់​ ដែល​លង់ទឹក​បាត់​ខ្លួន​តាម​ខ្សែទឹក​ហូរ​៕

អត្ថបទ៖ លាន គ្រ​ន ​

The post ក្មេងស្រី ៣ នាក់បាត់ខ្លួន ក្នុងចំណោម ៦ ខណៈលេងទឹកស្ទឹងកំពុងហូរ appeared first on Kampuchea Thmey Daily.

បើ​តាម​ក្រុម​គ្រួសារ​ត្រូវ​ជា​ប្អូន​បាន​ឲ្យ​ដឹងថា បង​ស្រី​របស់​ខ្លួន​បាន​បាត់​ខ្លួន​តាំង​ពី​ថ្ងៃទី០៣ ខែតុលា ឆ្នាំ២០២១ វេលាម៉ោង៦និង៥៤នាទី​យប់​ ដោយ​មិន​បាន​ប្រាប់​ឲ្យ​នរណា​ម្នាក់​ឲ្យ​ដឹង​ឡើយ​ ម្យ៉ាង​គាត់ថែមទាំង​មាន​ជំងឺ​ផ្លូវ​ចិត្ត​ផង​។ បើ​បាន​ឃើញ​ការ​ផ្សព្វផ្សាយ​ហើយ សូម​ប្រញាប់​មក​ផ្ទះ​វិញ​ផង ព្រោះ​ក្រុម​គ្រួសារ​មាន​ការ​បារម្ភ​ខ្លាំង​ណាស់ ហើយ​ប្រសិនជា​បងប្អូន​បាន​ប្រទះ​ឃើញ​ស្ត្រី​ខាង​លើ​សូម​ទំនាក់ទំនង​មក​កាន់​លេខទូរសព្ទ​លេខ ០៩៧ ៦២៨ ១១១១ ០៩៩ ៧៥២ ៣៣៣ និងលេខ​០៩៨ ២៥៤ ៦៣០ ក្រុមគ្រួសារ​នឹង​ជូនសគុណ​៥០០ដុល្លារ៕

កែសម្រួលដោយ ៖ នាគព័ន្ធ

The post ស្ត្រី​ម្នាក់​បាត់​ខ្លួន​ជាច្រើន​ថ្ងៃ ត្រូវ​ក្រុម​គ្រួសារ​ប្រកាស​ស្វែង​រក​ appeared first on Kampuchea Thmey Daily.