ប្រទេសវេណេស៊ុយអេឡា Archives - Kampuchea Thmey Daily

លោក ម៉ាឌូរ៉ូ ជាប់ឈ្មោះក្នុងបញ្ជីមេដឹកនាំមានទ្រព្យសម្បត្តិច្រើនបំផុតលើពិភពលោក

Minea Neu — Tue, 06 Jan 2026 04:27:37 +0000

ខណៈពេលដែលមេដឹកនាំពិភពលោកជាច្រើនដែលអាចកាន់អំណាចនយោបាយដ៏ធំរួចហើយក្នុងបណ្តាប្រទេសអភិវឌ្ឍន៍សេដ្ឋកិច្ចរីកចម្រើន មេដឹកនាំទាំងនោះក៏បង្ហាញពីភាពមានបាន ដោយកាន់កាប់ទ្រព្យសម្បត្តិយ៉ាងស្តុកស្តមរកអ្វីគណនាមិនបាន។

សារព័ត៌មាន UK Finance ឱ្យដឹងថា បញ្ជីនៃមេដឹកនាំដែលមានទ្រព្យជាងគេបំផុតមិនត្រឹមតែបង្ហាញពីប្រធានាធិបតី និងនាយករដ្ឋមន្ត្រីនៃប្រទេសអ្នកមានបំផុតក្នុងពិភពលោក ហើយពួកគេដ៏ដឹកនាំប្រទេសឱ្យរីកចម្រើនដូចទ្រព្យសម្បត្តិដែលខ្លួនកាន់កាប់ដែរ។ ផ្ទុយទៅវិញ មានមេដឹកនាំមួយចំនួនមានទ្រព្យសម្បត្តិច្រើន ប៉ុន្តែបែរជាដឹកនាំប្រទេសឱ្យអន់ថយទៅវិញ រងទណ្ឌកម្មសេដ្ឋកិច្ច ប្រទេសកើតកលយុគញឹកញាប់ និងអតិផរណា ប៉ះពាល់ដល់ប្រជាជនយ៉ាងខ្លាំង។

លោក ម៉ាឌូរ៉ូ។ Reuters

តាមការចេញផ្សាយនោះ ក្នុងមេដឹកនាំប្រទេសទាំងនោះក៏មានមហាអំណាចមួយចំនួន ដូចជាប្រធានាធិបតីអាមេរិក លោក ដូ ណាល់ត្រាំ និងប្រធានាធិបតីរុស្ស៊ី លោក វ្ល៉ាឌីមៀរ ពូទីន លោក ស៊ី ជីនពីង ប្រធានាធិបតីចិន និងប្រធានាធិបតីកូរ៉េខាងជើង លោក គីម ជុងអ៊ុន ជាដើម។

តែយ៉ាងណា ប្រធានាធិបតីវ៉េណេស៊ុយអេឡា លោក នីកូឡាស់ ម៉ាឌូរ៉ូ នៅតំបន់អាមេរិកខាងត្បូង ឬហៅថា អាមេរិកឡាទីន ដែលគេប៉ាន់ស្មានថា មានប្រាក់ខែទាបបំផុត ប៉ុន្តែគាត់នៅតែត្រូវបានគេរកឃើញថាលោកមានទ្រព្យសម្បត្តិប្រហែល ២លានដុល្លារ ទោះបីជា មានប្រភពខ្លះទៀត បានកំណត់ទ្រព្យសម្បត្តិរបស់លោកខ្ពស់ជាងនេះច្រើនទៀត។

ដោយធ្វើជាប្រធានាធិបតីលើប្រទេសមួយដែលត្រូវបានរំខានដោយអតិផរណាខ្ពស់ កង្វះខាតស្បៀងអាហារ ថ្នាំពេទ្យ និងការដាច់ចរន្តអគ្គិសនីជាញឹកញាប់ មេដឹកនាំសង្គមនិយមរូបនេះពិតជាអាចទិញទំនិញប្រណីតៗគ្មានដែនកំណត់ផងដែរ។

តែយ៉ាងណា លោក ម៉ាឌូរ៉ូ បានចាប់ផ្តើមជីវិតការងាររបស់លោកក្នុងនាមជាអ្នកបើកបររថយន្តក្រុង មុនពេលក្លាយជាមេដឹកនាំសហជីព និងបានដឹកនាំប្រទេសវ៉េណេស៊ុយអេឡាពីឆ្នាំ២០១៣។ តែពេលវេលានៅក្នុងតំណែងរបស់លោក ត្រូវបានជាប់គាំងដោយភាពចម្រូងចម្រាសនានាជាច្រើន ដោយសារប្រទេសដែលសម្បូរដោយប្រេងឥន្ធនៈរបស់លោកតែងតែឃើញខ្លួនឯងឯកោនៅលើឆាកអន្តរជាតិ។

មិនតែប៉ុណ្ណោះ លោក ម៉ាឌូរ៉ូ បានប្រឈមមុខនឹងការចោទប្រកាន់ពីអំពើពុករលួយជាច្រើនមុនពេលចូលកាន់អំណាចជាប្រធានាធិបតី៕

ប្រែសម្រួល៖ ណឺ មិនា

The post លោក ម៉ាឌូរ៉ូ ជាប់ឈ្មោះក្នុងបញ្ជីមេដឹកនាំមានទ្រព្យសម្បត្តិច្រើនបំផុតលើពិភពលោក appeared first on Kampuchea Thmey Daily.

ចិនប្រតិកម្មយ៉ាងខ្លាំង និងច្រានចោលការត្រួតត្រាពិភពលោក ដោយដើរតួជាចៅក្រមផងនិងប៉ូលិសផងរបស់អាមេរិក

Minea Neu — Mon, 05 Jan 2026 03:56:31 +0000

រដ្ឋមន្ត្រីការបរទេសចិនលោក វ៉ាង យី (Wang Yi) បានថ្លែងពីទីក្រុងប៉េកាំងថា ខ្លួនមិនអាចទទួលយកបាន ចំពោះប្រទេសណាមួយដែលដើរតួនាទីជាចៅក្រមពិភពលោក បន្ទាប់ពីសហរដ្ឋអាមេរិកបានចាប់ខ្លួនប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ [Nicolas Maduro]។

លោក Wang Yi. Reuters

លោក វ៉ាង និយាយថា៖«យើងមិនដែលជឿថាមានប្រទេសណាមួយអាចដើរតួនាទីជាប៉ូលីសពិភពលោកនោះទេ ហើយក៏មិនទទួលយកបានដែរ ថាប្រទេសណាអាចទាមទារធ្វើជាចៅក្រមរបស់ពិភពលោកនោះ»។

ថ្លែងក្នុងកិច្ចប្រជុំនៅទីក្រុងប៉េកាំងកាលពីថ្ងៃអាទិត្យ លោកបានប្រាប់សមភាគីប៉ាគីស្ថាន លោក Ishaq Dar ដោយសំដៅលើការវិវឌ្ឍន៍ភ្លាមៗនៅវ៉េណេស៊ុយអេឡា ហើយលោកក៏មិនបាននិយាយត្រង់ៗសំដៅទៅកាន់ «សហរដ្ឋអាមេរិក» ចំតែម្តងនោះទេ។

យោងតាមសារព័ត៌មាន Reuters, អ្នកការទូតកំពូលរបស់ប្រទេសចិនបានបន្ថែមថា៖ «អធិបតេយ្យភាពនិងសន្តិសុខនៃប្រទេសទាំងអស់ គួរតែត្រូវបានការពារយ៉ាងពេញលេញនៅក្រោមច្បាប់អន្តរជាតិ»។

លោកបានលើកឡើង ក្រោយកត់សម្គាល់ដំបូងរបស់លោកជុំវិញការចាប់ខ្លួនលោក ម៉ាឌូរ៉ូ ដែលមានវ័យ ៦៣ឆ្នាំ ត្រូវបានបិទភ្នែក និងដាក់ខ្នោះដៃកាលពីថ្ងៃសៅរ៍ និងបានធ្វើឱ្យប្រជាជនវ៉េណេស៊ុយអេឡាភ្ញាក់ផ្អើលជុំវិញករណីនេះ។

បច្ចុប្បន្ន លោក ម៉ាឌូរ៉ូ កំពុងស្ថិតនៅក្នុងមន្ទីរឃុំឃាំងក្រុងញូវយ៉ក ដើម្បីរង់ចាំការចូលខ្លួនទៅឆ្លើយបំភ្លឺក្នុងតុលាការនៅថ្ងៃចន្ទ ពីបទជួញដូរគ្រឿងញៀន។

តែយ៉ាងណាទិន្នន័យគយចិនមួយបង្ហាញថា ស្ទើរតែពាក់កណ្តាលនៃការទិញប្រេងរបស់ចិនគឺជាប្រេងឆៅ ខណៈពេលដែលក្រុមហ៊ុនប្រេងរដ្ឋរបស់ខ្លួនបានវិនិយោគប្រហែល ៤.៦ពាន់លានដុល្លារនៅប្រទេសវ៉េណេស៊ុយអេឡានៅឆ្នាំ២០១៨ ។ នេះបើយោងតាមទិន្នន័យពីវិទ្យាស្ថានសហគ្រាសអាមេរិកដែលតាមដានការវិនិយោគសាជីវកម្មក្រៅប្រទេសរបស់ចិន៕

ប្រែសម្រួល៖ ណឺ មិនា

The post ចិនប្រតិកម្មយ៉ាងខ្លាំង និងច្រានចោលការត្រួតត្រាពិភពលោក ដោយដើរតួជាចៅក្រមផងនិងប៉ូលិសផងរបស់អាមេរិក appeared first on Kampuchea Thmey Daily.

តើប្រពន្ធរបស់ម៉ាឌូរ៉ូជានរណា និង ហេតុអ្វីត្រូវសហរដ្ឋអាមេរិកចាប់ខ្លួនដែរ?

Minea Neu — Mon, 05 Jan 2026 03:13:39 +0000

នៅពេលដែលកងកម្លាំងអាមេរិកបានវាយឆ្មក់នៅវេលាយប់ថ្ងៃទី៣ខែមករាចូលរដ្ឋធានីការ៉ាកាស [Caracas] របស់ប្រទេសវ៉េណេស៊ុយអេឡា ពួកគេមិនត្រឹមតែចាប់ខ្លួនប្រធានាធិបតី លោក នីកូឡាស ម៉ាឌូរ៉ូ [Nicolás Maduro] ឆ្ពោះទៅកាន់ទីក្រុងញូវយ៉កនោះទេ ប៉ូលិសអាមេរិកថែមទាំងចាប់ខ្លួនប្រពន្ធរបស់លោកផងដែរ។ ហេតុអ្វីត្រូវនាំខ្លួនលោកស្រីទៅជាមួយដែរ?

លោក ម៉ាឌូរ៉ូ និងប្រពន្ធ។ Reuters

យោងតាមសារព័ត៌មាន BBC, លោកស្រី Cilia Flores អាយុ៦៩ឆ្នាំ ត្រូវបានគេមើលឃើញថា ជាឥស្សរជនដ៏មានឥទ្ធិពលបំផុតមួយនៅក្នុងប្រទេសវ៉េណេស៊ុយអេឡា ជាប្រតិបត្តិករនយោបាយដែលមានសិទ្ធិផ្ទាល់ខ្លួនក្នុងការសម្រេចចិត្តដោយខ្លួនឯង ក្នុងការបង្កើតទ្រព្យសម្បត្តិរបស់ប្រទេសអស់ជាច្រើនទសវត្សរ៍មកហើយ។

បន្ទាប់ពីការដឹកនាំសភាជាតិរបស់ប្រទេសវេណេស៊ុយអេឡាអស់ជាច្រើនឆ្នាំមក លោកស្រី បានជួយពង្រឹងការកាន់អំណាចរបស់ស្វាមី បន្ទាប់ពីទទួលបានជ័យជម្នះក្នុងការបោះឆ្នោតប្រធានាធិបតីឆ្នាំ២០១៣ របស់ លោក ម៉ាឌូរ៉ូ។

ក្នុងនាមជាស្ត្រីទីមួយ លោកស្រីត្រូវបានគេដាក់រហស្សនាមថា៖«អ្នកខ្លាំងលេខ១» របស់ម៉ាឌូរ៉ូ។ ប៉ុន្តែនៅក្នុងតួនាទីនោះ លោកស្រីបានយកកៅអីខាងក្រោយស្វាមីជាសាធារណៈ ដោយបង្ហាញពីមុខមាត់គ្រួសារបន្ថែមទៀតចំពោះអ្វីដែលអ្នករិះគន់និយាយថា «ជារបបដ៏ឃោរឃៅ»។

គួរឱ្យដឹងផងដែរថា លោកស្រី Flores បានប្រឈមមុខនឹងការចោទប្រកាន់ពីអំពើពុករលួយ និងបក្ខពួកនិយម ហើយក្នុងរយៈពេលប៉ុន្មានឆ្នាំចុងក្រោយនេះ សមាជិកគ្រួសាររបស់លោកស្រីត្រូវបានគេរកឃើញថា មានទោសនៅក្នុងតុលាការសហរដ្ឋអាមេរិកពីបទរត់ពន្ធគ្រឿងញៀនកូកាអ៊ីន។

ក្នុងពេលថ្មីៗនេះ លោកស្រីប្រឈមមុខនឹងការជួញដូរគ្រឿងញៀន និងការចោទប្រកាន់ពាក់ព័ន្ធអាវុធនៅក្នុងតុលាការក្រុងញូវយ៉ក រួមជាមួយប្តីរបស់លោកស្រីផងដែរ។

ក្នុងអាជីពរបស់ខ្លួន លោកស្រីបានប្រឈមមុខនឹងការចោទប្រកាន់ជាច្រើនក្នុងសំណុំរឿងប្រព្រឹត្តអំពើពុករលួយ។

ក្នុងឆ្នាំ២០១២ លោកស្រី ត្រូវបានចោទប្រកាន់ដោយសហជីពនៃបក្ខពួកនិយមពីឥទ្ធិពលនៃការជួញដូរមនុស្សរហូតដល់ ៤០នាក់ រួមទាំងសមាជិកជាច្រើននៃគ្រួសាររបស់លោកស្រីផងដែរ។

លោក Christopher Sabatini ជាមន្រ្តីជាន់ខ្ពស់និងប្រធានកម្មវិធី Chatham House’s Latin America ដែលជាវេទិកាវិភាគលើកិច្ចការនយោបាយ សេដ្ឋកិច្ច ប្រចាំតំបន់អាមេរិកឡាទីន បាននិយាយថា៖ «លោកស្រី Flores ត្រូវបានគេរកឃើញថា ជាផ្នែកដ៏ធំមួយនៃរដ្ឋាភិបាលពុករលួយ រំលោភសិទ្ធិមនុស្ស និងប្រព្រឹត្តអំពើឃោរឃៅនានាយ៉ាងធ្ងន់ធ្ងរ»។

លោកបន្ថែមថា៖«លោកស្រីជាអ្នកមានអំណាចនៅពីក្រោយខ្នងស្វាមី។ ប៉ុន្តែអំណាចល្អណាមួយនៅពីក្រោយបល្ល័ង្ក មនុស្សមួយចំនួនពិតជាមិនបានឃើញអ្វីដែលនាងបានប្រព្រឹត្តយ៉ាងសាហាវឡើយ ដូច្នេះគ្មាននរណាម្នាក់ដឹងថា លោកស្រីមានអំណាចប៉ុណ្ណានោះទេ»។

គួរឱ្យដឹងផងដែរថា លោកស្រី Flores ត្រូវបានគេរំពឹងថានឹងឡើងតុលាការនៅថ្ងៃចន្ទនេះ៕

ប្រែសម្រួល៖ ណឺ មិនា

The post តើប្រពន្ធរបស់ម៉ាឌូរ៉ូជានរណា និង ហេតុអ្វីត្រូវសហរដ្ឋអាមេរិកចាប់ខ្លួនដែរ? appeared first on Kampuchea Thmey Daily.

ជុំវិញបញ្ហាវ៉េណេស៊ុយអេឡា-អាមេរិក ថៃជំរុញឱ្យគ្រប់ភាគីអត់ធ្មត់ និងគោរពច្បាប់អន្តរជាតិ

Huon Dina — Sun, 04 Jan 2026 08:14:32 +0000

ពាក់ព័ន្ធនឹងការវិវត្តចុងក្រោយនៃភាពតានតឹងវ៉េណេស៊ុយអេឡា-សហរដ្ឋអាមេរិក ក្រសួងការបរទេសថៃនៅថ្ងៃអាទិត្យនេះ បានជំរុញឱ្យគ្រប់ភាគីទាំងអស់មានការអត់ធ្មត់ និងគោរពតាមច្បាប់អន្តរជាតិដើម្បីដោះស្រាយបញ្ហា។ នេះបើតាមការចុះផ្សាយរបស់កាសែត Khaosod។

ក្រសួងការបរទេសថៃ បាននិយាយក្នុងសេចក្ដីថ្លែងការណ៍ថា ខ្លួនបានតាមដានស្ថានការណ៍នៅប្រទេសវេណេស៊ុយអេឡាយ៉ាងដិតដល់ ហើយជំរុញឱ្យគ្រប់ភាគីពាក់ព័ន្ធទាំងអស់ «ដោះស្រាយជម្លោះដោយសន្តិវិធី ដោយគោរពយ៉ាងពេញលេញចំពោះធម្មនុញ្ញអង្គការសហប្រជាជាតិ និងច្បាប់អន្តរជាតិ»។

ក្រសួងបានជំរុញឱ្យគ្រប់ភាគីអនុវត្តការអត់ធ្មត់ឱ្យខ្លាំងបំផុត ដើម្បីបញ្ចៀសភាពតានតឹងបន្ថែមទៀត និងផ្តល់អាទិភាពដល់ការការពារជនស៊ីវិល និងគោរពឆន្ទៈរបស់ប្រជាជនវេណេស៊ុយអេឡា។

ការអំពាវនាវយ៉ាងដូច្នេះរបស់ប្រទេសថៃ ធ្វើឡើងក្រោយប្រធានាធិបតីអាមេរិក លោក ដូណាល់ ត្រាំ បានប្រកាសថ្ងៃសៅរ៍ថា កងកម្លាំងអាមេរិកបានចាប់ខ្លួនឃុំខ្លួនប្រធានាធិបតីវេណេស៊ុយអេឡា លោក នីកូឡាស ម៉ាឌូរ៉ូ និងភរិយារបស់លោក ប៉ុន្មានម៉ោងបន្ទាប់ពីបើកវាយប្រហាររដ្ឋធានីការ៉ាកាស និងខេត្តមួយចំនួនរបស់វ៉េណេស៊ុយអេឡា។ មុនពេលប្រកាសចាប់ខ្លួនលោក ម៉ាឌូរ៉ូ បានប្រកាសដាក់ប្រទេសក្នុងគ្រាអាសន្នទូទាំងប្រទេស។

ក្នុងសន្និសីទសារព័ត៌មានមួយ ប្រធានាធិបតី ត្រាំ បានថ្លែងថា អាមេរិកនឹងគ្រប់គ្រងប្រទេសវ៉េណេស៊ុយអេឡារហូតដល់ «ការផ្ទេរអំណាចប្រកបដោយសុវត្ថិភាព សមស្រប និងប្រុងប្រយ័ត្ន អាចកើតឡើង»។ លោកបន្តថា អាមេរិកនឹងកំណត់ថាពេលណាត្រូវប្រគល់ការគ្រប់គ្រងទៅឱ្យប្រទេសវេណេស៊ុយអេឡាវិញ៕

The post ជុំវិញបញ្ហាវ៉េណេស៊ុយអេឡា-អាមេរិក ថៃជំរុញឱ្យគ្រប់ភាគីអត់ធ្មត់ និងគោរពច្បាប់អន្តរជាតិ appeared first on Kampuchea Thmey Daily.

វេណេស៊ុយអេឡា មានអណ្តូងរ៉ែ «មាសខ្មៅ» ធំជាងគេបំផុតក្នុងពិភពលោក

សាង ស្រីល័ក្ខ — Thu, 25 Dec 2025 04:33:20 +0000

ប្រទេសវេណេស៊ុយអេឡាមានទុនបំរុងប្រេងដោយបានបញ្ជាក់ច្រើនជាងគេបំផុតក្នុងពិភពលោក ជារឿយៗគេហៅវាថា «មាសខ្មៅ» ដែលជាការប្រមូលផ្តុំដ៏ធំនៃប្រេងឆៅ តាមការប៉ាន់ស្មានថា មានចំនួន ៣០៣ពាន់លានបារ៉ែល ភាគច្រើនស្ថិតនៅក្នុងតំបន់ Orinoco Belt និងមានផ្ទៃដី ៥៥,០០០ គីឡូម៉ែត្រការ៉េនៅភាគខាងកើតនៃទឹកដីនេះ។

រូបភាព៖Getty Images

លើសពីនេះទៀតដែរ ទុនបម្រុងប្រេងរបស់វេណេស៊ុយអេឡាគឺប្រហាក់ប្រហែលនឹងទុនបម្រុងសហរដ្ឋអាមេរិក និងអារ៉ាប៊ីសាអូឌីតរួមបញ្ចូលគ្នា។ នៅចុងទសវត្សរ៍ឆ្នាំ ១៩៩០និងដើមទសវត្សរ៍ឆ្នាំ ២០០០ ប្រទេសមួយនេះបានផលិតប្រេងជាង ៣ លានបារ៉ែលក្នុងមួយថ្ងៃ ដែលស្មើនឹង ១០% នៃផលិតកម្មសកល។

ប្រេងឆៅរបស់វេណេស៊ុយអេឡាមានលក្ខណៈសម្បត្តិរូបវិទ្យា-គីមីពិសេស ដែលខុសពីប្រេងស្រាលនៅមជ្ឈិមបូព៌ា ឬសហរដ្ឋអាមេរិក។ ទុនបម្រុងប្រេងនៅក្នុងតំបន់ Orinoco Belt គឺជាប្រេងធ្ងន់ខ្លាំង ដែលមានសន្ទស្សន៍ API តិចជាង ១០។ សន្ទស្សន៍ API ត្រូវបានប្រើដើម្បីបង្ហាញពីកំហាប់ប្រេងឆៅ ដែលប្រេងកាន់តែទាប ប្រេងកាន់តែក្រាស់ ហើយប្រេងស្រាលដែលមានសន្ទស្សន៍នេះជាធម្មតាលើសពី៣០។

ដោយសារតែប្រេងនេះជាធម្មតាមានកម្រាស់ដូចកៅស៊ូ មាន viscosity ខ្ពស់ខ្លាំង ហើយមិនអាចហូរតាមបំពង់ដោយខ្លួនឯងបានទេ ប្រសិនបើមិនត្រូវបានកែច្នៃ។ ពួកវាត្រូវតែលាយជាមួយប្រេងស្រាលជាង ឬសារធាតុរំលាយ ឬកែច្នៃជាមុនទៅជាប្រេងសំយោគមុនពេលដឹកជញ្ជូនពីអណ្តូងរ៉ែទៅកាន់កំពង់ផែ ឬរោងចក្រចម្រាញ់ប្រេង។

ប្រេងរបស់វេណេស៊ុយអេឡាមានតម្លៃថ្លៃជាងក្នុងការទាញយក ដឹកជញ្ជូន និងកែច្នៃជាងប្រេងស្រាលនៅមជ្ឈិមបូព៌ា ប៉ុន្តែមានមាតិកាស្ពាន់ធ័រខ្ពស់ ធ្វើឲ្យវាសមស្របសម្រាប់ផលិតប្រេងម៉ាស៊ូត កៅស៊ូ និងឥន្ធនៈសម្រាប់រោងចក្រ និងឧបករណ៍ធុនធ្ងន់ ដែលធ្វើឲ្យវាក្លាយជាទំនិញយុទ្ធសាស្ត្រនៅក្នុងឧស្សាហកម្មចម្រាញ់ប្រេងសកល។

នៅទសវត្សរ៍ឆ្នាំ ១៩៩០ ក្រោមការដឹកនាំរបស់ប្រធានាធិបតី Rafael Caldera ឧស្សាហកម្មប្រេងរបស់វេណេស៊ុយអេឡាត្រូវបានបើកចំហ និងធ្វើអន្តរជាតិ ដោយមានកិច្ចព្រមព្រៀងសហប្រតិបត្តិការជាមួយក្រុមហ៊ុនបរទេសដើម្បីបង្កើនការរុករក និងផលិតកម្ម។

ទោះជាយ៉ាងណាក៏ដោយ នៅពេលដែលលោក Hugo Chavez ឡើងកាន់អំណាចនៅឆ្នាំ ១៩៩៨ បែរជាបញ្ចប់កិច្ចសហប្រតិបត្តិការជាមួយដៃគូបរទេស ដោយដកហូតទ្រព្យសម្បត្តិក្នុងប្រទេសវេណេស៊ុយអេឡារបស់សាជីវកម្មធំៗជាច្រើនដូចជា ConocoPhillips និង ExxonMobil។

ចាប់តាំងពីពេលនោះមក ទំនាក់ទំនងការ៉ាកាស-វ៉ាស៊ីនតោនកាន់តែតានតឹង។ សហរដ្ឋអាមេរិកបានចាប់ផ្តើមដាក់ទណ្ឌកម្មលើប្រទេសវេណេស៊ុយអេឡាក្នុងឆ្នាំ ២០០៥ និងរឹតបន្តឹងវាកាន់តែខ្លាំងឡើងៗ។ លោក Chavez បានទទួលមរណភាពក្នុងឆ្នាំ ២០១៣ ហើយត្រូវបានជំនួសដោយលោក Maduro។ ក្នុងឆ្នាំ ២០១៩ អាមេរិកបានទទួលស្គាល់មេដឹកនាំប្រឆាំង Juan Guaido ជាប្រធានាធិបតីបណ្តោះអាសន្នក្នុងប្រទេសវេណេស៊ុយអេឡា បន្ទាប់មកបានពង្រីកទណ្ឌកម្មដល់បុគ្គល និងអាជីវកម្មក្នុងវិស័យប្រេង មាស និងរ៉ែនៅក្នុងប្រទេសមួយនេះតែម្ដង។

យោងតាមរបាយការណ៍របស់ PDVSA ប្រេងឆៅភាគច្រើនរបស់ប្រទេសវេណេស៊ុយអេឡាត្រូវបាននាំចេញទៅកាន់ប្រទេសចិន ដែលបង្ហាញថាប្រទេសនេះកំពុងផ្លាស់ប្តូរទៅកាន់ទីផ្សារអាស៊ីជំនួសឲ្យទីផ្សារលោកខាងលិច។ ប្រេងរបស់វេណេស៊ុយអេឡាមួយផ្នែកតូច នៅតែចូលទៅក្នុងទីផ្សារសហរដ្ឋអាមេរិកតាមរយៈក្រុមហ៊ុនចម្រាញ់ប្រេងពហុជាតិសាសន៍ Chevron ដែលមានមូលដ្ឋាននៅរដ្ឋតិចសាស់តែប៉ុណ្ណោះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

១៤ប្រទេសចេញថ្កោលទោស អ៊ីស្រាអែល ដែលកាន់កាប់ តំបន់ West Bank

The post វេណេស៊ុយអេឡា មានអណ្តូងរ៉ែ «មាសខ្មៅ» ធំជាងគេបំផុតក្នុងពិភពលោក appeared first on Kampuchea Thmey Daily.

រដ្ឋសភាវ៉េណេស៊ុយអេឡាអនុម័តច្បាប់ការពារនាវាចរណ៍ ដើម្បីសេរីភាពពាណិជ្ជកម្ម

Minea Neu — Wed, 24 Dec 2025 10:29:36 +0000

រដ្ឋសភារបស់ប្រទេសវ៉េណេស៊ុយអេឡាកាលពីថ្ងៃអង្គារបានអនុម័តច្បាប់មួយដែលមានគោលបំណង ការពារសេរីភាពនៃការធ្វើនាវាចរណ៍ ប្រឆាំងនឹងការប្លន់ឆ្លងដែន ជាពិសេសការបិទផ្លូវ និងទង្វើខុសច្បាប់អន្តរជាតិផ្សេងទៀត បន្ទាប់ពីសហរដ្ឋអាមេរិកបានរឹបអូសនាវាដឹកប្រេងរបស់វ៉េណេស៊ុយអេឡានៅតំបន់ការ៉ាប៊ីន (Caribbean)។ នេះបើតាមសារព័ត៌មាន Global Time។

លោក Nicolas Maduro ប្រធានាធិបតីវេណេស៊ុយអេឡា។ Reuters

ប្រធានរដ្ឋសភាលោក Jorge Rodriguez ត្រូវបានប្រកាសថា៖«ច្បាប់នេះអនុម័តឡើង ដើម្បីធានាឱ្យមានសេរីភាពនៃការធ្វើនាវាតាមផ្លូវទឹក សកម្មភាពប្រឆាំងនឹងការលួចប្លន់ ការរារាំង និងអំពើខុសច្បាប់អន្តរជាតិផ្សេងទៀត»។

ច្បាប់នេះត្រូវបានអនុម័តក្នុងសម័យប្រជុំដ៏ក្រឹត្យក្រមមួយ និងស្ថិតក្រោមនីតិវិធីបន្ទាន់ បន្ទាប់ពីអាមេរិករឹបអូសនាវាដឹកប្រេងរបស់វេណេស៊ុយអេឡានៅតាមផ្លូវទឹក។

ជាពិសេសច្បាប់នេះនឹងមានទោសជាប់ពន្ធនាគាររហូតដល់ ២០ឆ្នាំសម្រាប់អ្នកដែលផ្សព្វផ្សាយ ឬផ្តល់ជាសំណងក្នុងករណីនរណាម្នាក់មានបំណងឆក់ប្លន់ឆ្លងដែន ឬការរារាំងសកម្មភាពណាមួយ។

ច្បាប់នេះបានស្វែងរកការការពារទំនាក់ទំនងពាណិជ្ជកម្ម និងនយោបាយរបស់ប្រទេសវ៉េណេស៊ុយអេឡាពីអ្វីដែលអាជ្ញាធរលើកឡើងថាវាជាការគំរាមកំហែងដោយសហរដ្ឋអាមេរិក។

កាលពីថ្ងៃចន្ទ រដ្ឋសភាបានអនុម័តច្បាប់នេះនៅក្នុងសំណើរដំបូង បន្ទាប់ពីត្រូវបានស្នើដោយប្រធានាធិបតីវេណេស៊ុយអេឡា លោក Nicolas Maduro ដែលជាផ្នែកមួយនៃកិច្ចខិតខំប្រឹងប្រែងដើម្បីការពារអធិបតេយ្យភាពជាតិ៕

ប្រែសម្រួល៖ ណឺ មិនា

The post រដ្ឋសភាវ៉េណេស៊ុយអេឡាអនុម័តច្បាប់ការពារនាវាចរណ៍ ដើម្បីសេរីភាពពាណិជ្ជកម្ម appeared first on Kampuchea Thmey Daily.

រុស្ស៊ី បដិសេធជម្លៀសបុគ្គលិកស្ថានទូត ចេញពី វេណេស៊ុយអេឡា

សាង ស្រីល័ក្ខ — Wed, 24 Dec 2025 04:18:47 +0000

ក្រសួងការបរទេសរុស្ស៊ីនៅថ្ងៃអង្គារទី២៣ធ្នូនេះបានបដិសេធរបាយការណ៍ដែលថា ខ្លួនកំពុងជម្លៀសបុគ្គលិកចេញពីស្ថានទូតរបស់ខ្លួននៅវេណេស៊ុយអេឡា ខណៈដែលសហរដ្ឋអាមេរិកកំពុងបង្កើនសម្ពាធលើរដ្ឋាភិបាលរបស់ប្រធានាធិបតី នីកូឡាស ម៉ាឌូរ៉ូ។ នេះបើតាមការចុះផ្សាយដោយសារព័ត៌មាន themoscowtimes ។

ស្ថានទូតរុស្ស៊ីប្រចាំនៅទីក្រុងការ៉ាកាស ប្រទេសវេណេស៊ុយអេឡា(រូបភាព៖Valery Sharifulin / TASS)

ការបដិសេធនេះបានកើតឡើងបន្ទាប់ពីរបាយការណ៍មួយរបស់ The Associated Press បានដកស្រង់សម្តីមន្ត្រីស៊ើបការណ៍សម្ងាត់អឺរ៉ុបម្នាក់ដែលថា ទីក្រុងមូស្គូបាននិងកំពុងតែចាប់ផ្តើមជម្លៀសក្រុមគ្រួសារអ្នកការទូតរុស្ស៊ីចេញពីប្រទេសវេណេស៊ុយអេឡា កាលពីថ្ងៃសុក្រសប្តាហ៍មុន។

នៅក្នុងការបង្ហោះមួយនៅលើបណ្ដាញសង្គម X ក្រសួងការបរទេសបានច្រានចោលរបាយការណ៍មួយនេះថា ជាព័ត៌មានមិនពិត ប៉ុន្តែមិនបាននិយាយជាក់លាក់ថា តើក្រុមគ្រួសារអ្នកការទូតត្រូវបានផ្លាស់ប្តូរទីលំនៅឬអត់នោះទេ។ យ៉ាងណា ក្រសួងបានស្នើឲ្យមានការត្រូវប្រយ័ត្ន ហើយកុំធ្លាក់ក្នុងការញុះញង់របស់លោកខាងលិចឲ្យសោះ។

ដោយឡែក រដ្ឋមន្ត្រីការបរទេសរុស្ស៊ី លោក Sergei Lavrov បាននិយាយតាមទូរស័ព្ទកាលពីថ្ងៃចន្ទជាមួយសមភាគីវេណេស៊ុយអេឡារបស់លោក គឺលោក Yván Gil ដោយបង្ហាញពីអ្វីដែលក្រសួងបានពិពណ៌នាថាជា ការគាំទ្រយ៉ាងពេញទំហឹងរបស់ទីក្រុងមូស្គូចំពោះរដ្ឋាភិបាលរបស់លោក ម៉ាឌូរ៉ូ និងការព្រួយបារម្ភយ៉ាងខ្លាំងលើសកម្មភាពរបស់សហរដ្ឋអាមេរិកដែលកំពុងកើនឡើងនៅក្នុងសមុទ្រការ៉ាប៊ីន។

បន្ថែមពីនេះទៀត ក្រសួងការបរទេសរុស្ស៊ីបានបញ្ចាក់ទៀតថា សកម្មភាពកើនឡើងកាន់តែខ្លាំងឡើងរបស់ទីក្រុងវ៉ាស៊ីនតោនអាចមានផលវិបាកដ៏ធំធេងសម្រាប់តំបន់ និងបង្កការគំរាមកំហែងដល់ការដឹកជញ្ជូនអន្តរជាតិ។ ដូច្នេះ សូមធ្វើការបញ្ចាក់ជាថ្មីនូវសាមគ្គីភាពរបស់ទីក្រុងមូស្គូជាមួយថ្នាក់ដឹកនាំរបស់ប្រទេសវេណេស៊ុយអេឡា៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ត្រាំ ឲ្យ Maduro ចេញពីតំណែង ខណៈរុស្ស៊ី និងចិនគាំទ្រ វេណេស៊ុយអេឡា ពេញទំហឹង

The post រុស្ស៊ី បដិសេធជម្លៀសបុគ្គលិកស្ថានទូត ចេញពី វេណេស៊ុយអេឡា appeared first on Kampuchea Thmey Daily.

រុស្ស៊ី បញ្ជាក់ជំហរគាំទ្រ វេណេស៊ុយអេឡា ហ៊ានប្រឈមមុខតតាំងជាមួយ អាមេរិក

សាង ស្រីល័ក្ខ — Tue, 23 Dec 2025 03:24:39 +0000

ក្រសួងការបរទេសនៅទីក្រុងមូស្គូកាលពីថ្ងៃចន្ទទី២២ធ្នូ បានប្រកាសថា រុស្ស៊ីបានបញ្ជាក់ជាថ្មីនូវការគាំទ្រ និងសាមគ្គីភាពពេញលេញរបស់ខ្លួនជាមួយវេណេស៊ុយអេឡា ខណៈដែលប្រទេសនេះកំពុងប្រឈមមុខនឹងការបិទផ្លូវយោធាពីសហរដ្ឋអាមេរិក នៅក្នុងតំបន់ការ៉ាប៊ីន។

លោក នីកូឡាស ម៉ាឌូរ៉ូ ចាប់ដៃជាមួយ ពូទីន (រូបភាព៖ Maxim Shemetov/Reuters)

តាមការផ្សាយពី RT រដ្ឋមន្ត្រីការបរទេសរុស្ស៊ី លោក Sergey Lavrov បានធ្វើការសន្ទនាតាមទូរស័ព្ទជាមួយសមភាគីវេណេស៊ុយអេឡា គឺលោក Yvan Gil Pinto ក្នុងអំឡុងពេលដែលអ្នកការទូតកំពូលរបស់រុស្ស៊ីបានសម្តែងការព្រួយបារម្ភយ៉ាងខ្លាំងចំពោះសកម្មភាពកើនឡើងកាន់តែខ្លាំងឡើងរបស់វ៉ាស៊ីនតោននៅក្នុងសមុទ្រការ៉ាប៊ីន នេះបើយោងតាមសេចក្តីថ្លែងការណ៍របស់ក្រសួង។

លោក Lavrov បានបន្ថែមថា «ការកសាងយោធាសហរដ្ឋអាមេរិក អាចនាំឲ្យមានផលវិបាកយ៉ាងធំធេងសម្រាប់តំបន់ និងបង្កើតការគំរាមកំហែងដល់ការធ្វើនាវាចរណ៍តាមសមុទ្រអន្តរជាតិ»។

កាលពីចុងសប្តាហ៍មុន ប្រព័ន្ធផ្សព្វផ្សាយជាច្រើន ដោយដកស្រង់សម្តីមន្ត្រីអាមេរិកដែលមិនបញ្ចេញឈ្មោះ បានរាយការណ៍ថា ឆ្មាំសមុទ្រសហរដ្ឋអាមេរិកកំពុងដេញតាមយ៉ាងសកម្ម នាវាដឹកប្រេងដែលមានទំនាក់ទំនងជាមួយប្រទេសវេណេស៊ុយអេឡា នៅក្នុងដែនទឹកអន្តរជាតិក្នុងសមុទ្រការ៉ាប៊ីន។ ក្នុងរយៈពេលពីរសប្តាហ៍កន្លងមកនេះ កងកម្លាំងអាមេរិកបានរឹបអូសនាវាដឹកប្រេងពីរគ្រឿងរួចហើយ។

ចាប់តាំងពីខែកញ្ញាមក កងទ័ពជើងទឹកសហរដ្ឋអាមេរិកបានបំផ្លាញទូកជាច្រើនគ្រឿងនៅឯឆ្នេរសមុទ្រនៃប្រទេសអាមេរិកខាងត្បូង ដែលខ្លួនអះអាងថាកំពុងដឹកគ្រឿងញៀនដោយទទួលបាននូវការគាំទ្រពីរដ្ឋាភិបាលវេណេស៊ុយអេឡា និងរារាំងនាវាដឹកប្រេងដែលចូល ឬចាកចេញពីប្រទេស។ ប្រធានាធិបតី ដូណាល់ ត្រាំ ក៏បានគំរាមកំហែងផងដែរថា ការវាយប្រហារតាមផ្លូវគោកអាចនឹងកើតឡើងឆាប់ៗនេះ។

បើទោះជាបែបនេះក្ដី ប្រទេសវេណេស៊ុយអេឡាបានកំណត់ការរឹបអូសនាវាដឹកប្រេងនៅឯឆ្នេរសមុទ្ររបស់ខ្លួន ដោយកងទ័ពជើងទឹកអាមេរិកថាជាទង្វើចោរសមុទ្រជាក់ស្ដែង ហើយចោទប្រកាន់វ៉ាស៊ីនតោនថា កំពុងស្វែងរកការដំឡើង «រដ្ឋាភិបាលអាយ៉ង» នៅក្នុងទីក្រុងការ៉ាកាស ពោលគឺរៀបចំផែនការផ្លាស់ប្តូររបប ដើម្បីទទួលបានធនធានធម្មជាតិក្នុងប្រទេសវេណេស៊ុយអេឡា។

ប្រធានាធិបតីរុស្ស៊ី វ្ល៉ាឌីមៀ ពូទីន នាប៉ុន្មានម៉ោងមុននេះបានបង្ហាញសាមគ្គីភាពជាមួយប្រជាជនវេណេស៊ុយអេឡា និងបានបញ្ជាក់ជាថ្មីនូវការគាំទ្ររបស់លោក ចំពោះការប្តេជ្ញាចិត្តរបស់រដ្ឋាភិបាលលោក នីកូឡាស ម៉ាឌូរ៉ូ ក្នុងការការពារផលប្រយោជន៍ជាតិ និងអធិបតេយ្យភាពប្រឆាំងនឹងសម្ពាធបរទេស។

កាលពីដើមខែនេះផងដែរ ក្រសួងការបរទេសចិនក៏បានបង្ហាញនូវជំហរគាំទ្រទីក្រុងការ៉ាកាសដូចគ្នា ដោយលើកឡើងថា ទីក្រុងប៉េកាំងប្រឆាំងនឹងសកម្មភាពឯកតោភាគី និងការគំរាមកំហែងទាំងអស់លើវេណេស៊ុយអេឡា។៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ត្រាំ ថា មិនត្រូវការព្រមពីសភា ដើម្បីវាយ វេណេស៊ុយអេឡានោះទេ

The post រុស្ស៊ី បញ្ជាក់ជំហរគាំទ្រ វេណេស៊ុយអេឡា ហ៊ានប្រឈមមុខតតាំងជាមួយ អាមេរិក appeared first on Kampuchea Thmey Daily.

ប្រទេសវេណេស៊ុយអេឡា Archives - Kampuchea Thmey Daily

លោក ម៉ាឌូរ៉ូ ជាប់ឈ្មោះ​ក្នុងបញ្ជី​​មេដឹកនាំ​​​​មាន​ទ្រព្យ​សម្បត្តិ​ច្រើនបំផុត​លើ​ពិភពលោក

តើប្រពន្ធរបស់ម៉ាឌូរ៉ូ​ជានរណា និង​ ហេតុអ្វី​ត្រូវ​សហរដ្ឋអាមេរិកចាប់ខ្លួន​ដែរ?

ជុំវិញបញ្ហាវ៉េណេស៊ុយអេឡា-អាមេរិក ថៃជំរុញឱ្យគ្រប់ភាគីអត់ធ្មត់ និងគោរពច្បាប់អន្តរជាតិ​

វេណេស៊ុយអេឡា មានអណ្តូងរ៉ែ «មាសខ្មៅ» ធំជាងគេបំផុតក្នុងពិភពលោក

រដ្ឋ​សភា​វ៉េ​ណេ​ស៊ុយ​អេឡា​អនុម័ត​ច្បាប់​ការពារនាវា​ចរណ៍ ដើម្បី​សេរីភាព​ពាណិជ្ជកម្ម

រុស្ស៊ី បដិសេធជម្លៀសបុគ្គលិកស្ថានទូត ចេញពី វេណេស៊ុយអេឡា

រុស្ស៊ី បញ្ជាក់ជំហរគាំទ្រ វេណេស៊ុយអេឡា ហ៊ានប្រឈមមុខតតាំងជាមួយ អាមេរិក

លោក ម៉ាឌូរ៉ូ ជាប់ឈ្មោះក្នុងបញ្ជីមេដឹកនាំមានទ្រព្យសម្បត្តិច្រើនបំផុតលើពិភពលោក

តើប្រពន្ធរបស់ម៉ាឌូរ៉ូជានរណា និង ហេតុអ្វីត្រូវសហរដ្ឋអាមេរិកចាប់ខ្លួនដែរ?

ជុំវិញបញ្ហាវ៉េណេស៊ុយអេឡា-អាមេរិក ថៃជំរុញឱ្យគ្រប់ភាគីអត់ធ្មត់ និងគោរពច្បាប់អន្តរជាតិ

រដ្ឋសភាវ៉េណេស៊ុយអេឡាអនុម័តច្បាប់ការពារនាវាចរណ៍ ដើម្បីសេរីភាពពាណិជ្ជកម្ម