ទីភ្នាក់ងារព័ត៌មាន Reuters បានដកស្រង់ទិន្នន័យចុងក្រោយ របស់រដ្ឋាភិបាលទីក្រុងការ៉ាកាស ដែលបង្ហាញថា មនុស្ស ៤ ៨២៩នាក់ បានបាត់បង់ជីវិត និង ១៦ ៧៤០នាក់ទៀត រងរបួស។

ទន្ទឹមនោះ មនុស្សយ៉ាងតិច ២០ ៨៥៧នាក់ គ្មានផ្ទះសម្បែង ត្រូវរស់នៅក្នុងជំរំបណ្តោះអាសន្នទាំងដែលត្រូវប្រឈមមុខជាមួយ កង្វះទឹកស្អាត និងការផ្គត់ផ្គង់នានា ព្រមទាំងគ្មានអនាម័យ។

សូមជម្រាបជាថ្មី គ្រោះរញ្ជួយដីកម្រិតធ្ងន់ ២លើកផ្ទួនៗ បានវាយប្រហារប្រទេសវ៉េណេស៊ុយអេឡា ក្នុងរយៈពេលត្រឹមតែ ៣៩វិនាទីប៉ុណ្ណោះ នៅថ្ងៃទី២៤ ខែមិថុនា។

ចំណុចកណ្តាលនៃការរញ្ជួយដីដំបូងកម្លាំង ៧.៥រ៉ិចទ័រ គឺស្ថិតនៅចម្ងាយប្រហែល ២៣គីឡូម៉ែត្រ ភាគអាគ្នេយ៍នៃទីក្រុង Yumare ក្នុងរដ្ឋ Yaracuy ខណៈការរញ្ជួយដីលើកទី២ កម្លាំង ៧.២រ៉ិចទ័រ គឺស្ថិតនៅក្បែរទីក្រុង San Felipe ក្នុងរដ្ឋដដែលនេះ។

វាគឺជា មហាសោកនាដកម្មគ្រោះរញ្ជួយភ្លោះ ដ៏សាហាវបំផុត ក្នុងប្រវត្តិសាស្រ្តជាង ១០០ឆ្នាំរបស់ប្រទេស វ៉េណេស៊ុយអេឡា៕

អត្ថបទ៖ សុវណ្ណ

The post រញ្ជួយដីនៅវ៉េណេស៊ុយអេឡា! មនុស្សស្លាប់ កើនដល់ជិត ៥ ០០០នាក់ហើយ appeared first on Kampuchea Thmey Daily.

ជាងមួយសប្តាហ៍បន្ទាប់ពីគ្រោះមហន្តរាយនេះ ក្រុមការងារសង្គ្រោះ នៅតែបន្តធ្វើការយ៉ាងមមាញឹកទាំងយប់ទាំងថ្ងៃ ដើម្បីស្វែងរកអ្នកដែលនៅជាប់ក្រោមគំនរបាក់បែក។

គិតមកទល់ពេលនេះ ក្រុមសង្គ្រោះ បានជួយសង្គ្រោះជីវិតមនុស្សចំនួន ៦ ៤៦២នាក់ ចេញពីគំនរបាក់បែក ខណៈដែលមនុស្សចំនួន ១៦ ៧៤០នាក់ផ្សេងទៀត បានរងរបួស។ កម្លាំងរញ្ជួយដីដ៏ខ្លាំងក្លាទាំងពីរលើក ដែលមានកម្រិត ៧,២ និង ៧,៥រ៉ិចទ័រ កើតឡើងចន្លោះគ្នា​ត្រឹមតែ ៣៩វិនាទីប៉ុណ្ណោះ កាលពីថ្ងៃទី២៤ ខែមិថុនា បានធ្វើឱ្យអគារចំនួន ១៩០កន្លែងដួលរលំទាំងស្រុង និងអគារ ៨៥៦ផ្សេងទៀត រងការខូចខាត។ គ្រោះមហន្តរាយនេះ បានប៉ះពាល់ដល់ជីវភាពរបស់គ្រួសារប្រជាជនជិត ៨៧ ០០០គ្រួសារ ដែលទាមទារឱ្យមានការផ្តល់ជំនួយជាបន្ទាន់។

ដើម្បីឆ្លើយតបទៅនឹងវិបត្តិនេះ រដ្ឋាភិបាល បានដាក់ពង្រាយកម្លាំងមនុស្សសរុបជិត ៦ម៉ឺននាក់ រួមមានទាំងបុគ្គលិកជំនាញ និងអ្នកស្ម័គ្រចិត្ត រួមជាមួយក្រុមអ្នកសង្គ្រោះអន្តរជាតិជាង ៣ ៤០០នាក់។ ជំនួយមនុស្សធម៌ជាច្រើន ត្រូវបានចែកចាយដល់ដៃប្រជាជន រួមមាន ស្បៀងអាហារជិត ១ម៉ឺនតោន និងទឹកស្អាតជាង ១៣លានលីត្រ ខណៈដែលអ្នករបួសជិត ៣ម៉ឺននាក់ ត្រូវបានទទួលការព្យាបាលតាមមន្ទីរពេទ្យ។ បច្ចុប្បន្ន អាជ្ញាធរបានរៀបចំជុំរុំបណ្តោះអាសន្នចំនួន ៨៩កន្លែង ដើម្បីផ្តល់ទីជម្រកដល់ប្រជាជនដែលគ្មានផ្ទះសម្បែង។

ទោះបីជាការងារសង្គ្រោះ កំពុងដំណើរការយ៉ាងសកម្មក៏ដោយ ក៏តំបន់នោះ នៅតែបន្តញ័ររង្គើដោយសារការ​រញ្ជួយ​ដីបន្ទាប់បន្សំ​ ចំនួន ១ ១៧១លើក ដែលបង្កជាការលំបាកបន្ថែមទៀតដល់ប្រតិបត្តិការជួយសង្គ្រោះ៕

ប្រែសម្រួល៖ ឈាង

The post រកឃើញសព​ជាង ៤ ០០០​នាក់ហើយ ក្រោយ​រញ្ជួយដី​ដ៏​មហន្តរាយ​នៅ​វ៉េណេស៊ុយអេឡា appeared first on Kampuchea Thmey Daily.

តាមរយៈព័ត៌មាន ដែលបានបង្ហោះនៅលើបណ្តាញតេឡេក្រាម​របស់លោក Rodriguez ដដែលនោះ បានបង្ហាញទៀតថា គ្រោះរញ្ជួយដីដ៏ខ្លាំងក្លានេះ បានបំផ្លាញផ្ទះសម្បែង និងបន្សល់ទុកប្រជាពលរដ្ឋសរុប ១៧ ៩០៧នាក់ឱ្យធ្លាក់ខ្លួនគ្មានទីជម្រក រស់នៅអនាថា។

គួរបញ្ជាក់​ថា គិតចាប់តាំងពីគ្រោះរញ្ជួយដីភ្លោះដ៏កាចសាហាវ បានវាយប្រហារ កាលពីថ្ងៃទី២៤ ខែមិថុនាមក ប្រទេសវ៉េណេស៊ុយអេឡា បានជួបប្រទះនឹងការរញ្ជួយដីបន្ទាប់បន្សំ ឬហៅថា Aftershocks បន្តកន្ទុយគ្នារហូតដល់ទៅ ១ ០៧៦ដងទៅហើយ ដែលធ្វើឱ្យប្រជាជននៅលើតំបន់នោះរស់នៅទាំងភ័យខ្លាចជាខ្លាំង៕

ប្រែសម្រួល៖ ឈាង

The post រកឃើញសព​កាន់តែច្រើន ដល់​ជាង ៣ ៦០០​នាក់ហើយ ក្រោយ​គ្រោះរញ្ជួយដី​ដ៏មហន្តរាយ នៅ​វ៉េណេស៊ុយអេឡា appeared first on Kampuchea Thmey Daily.

តាម​ការផ្សាយរបស់ Reuters នា​ថ្ងៃទី​៤ ខែ​កក្កដា ឆ្នាំ​២០២៦ នៅក្នុងរបាយការណ៍ ដែលបានបង្ហោះនៅលើបណ្តាញសង្គម Telegram លោក Rodriguez ដែលជាប្រមុខដឹកនាំមជ្ឈមណ្ឌលបញ្ជាការផ្តល់ជម្រកបណ្តោះអាសន្នផងនោះ បានបន្ថែមថា ក្រុមសង្គ្រោះបានប្រឹងប្រែងយ៉ាងខ្លាំងក្លា ដោយជួយសង្គ្រោះមនុស្សបានចំនួន ៦ ៤៦២​នាក់ចេញពីគ្រោះថ្នាក់។ ទន្ទឹមនោះ គ្រួសាររងគ្រោះសរុបចំនួន ៨៦ ១១៧គ្រួសារហើយ ដែលទទួលបានការជួយឧបត្ថម្ភ និងសង្គ្រោះបន្ទាន់ពីរដ្ឋាភិបាល ក្នុងគ្រាដ៏លំបាកបំផុតមិនធ្លាប់មានមួយនេះ។

សូមជម្រាបជាថ្មី គ្រោះរញ្ជួយដីកម្រិតធ្ងន់ ២លើកផ្ទួនៗ បានវាយប្រហារប្រទេសវ៉េណេស៊ុយអេឡា ក្នុងរយៈពេលត្រឹមតែ ៣៩វិនាទីប៉ុណ្ណោះ។

ចំណុចកណ្តាលនៃការរញ្ជួយដីដំបូងកម្លាំង ៧.៥រ៉ិចទ័រ គឺស្ថិតនៅចម្ងាយប្រហែល ២៣គីឡូម៉ែត្រ ភាគអាគ្នេយ៍នៃទីក្រុង Yumare ក្នុងរដ្ឋ Yaracuy ខណៈការរញ្ជួយដីលើកទី២ កម្លាំង ៧.២រ៉ិចទ័រ គឺស្ថិតនៅក្បែរទីក្រុង San Felipe ក្នុងរដ្ឋដដែលនេះ។ ក្រោយមក មានការរញ្ជួយដីបន្ទាប់បន្សំ (Aftershock) ជាង ៦០០ ដងទៀត ត្រូវបានកត់ត្រា ហើយក្នុងនោះ ការរញ្ជួយខ្លាំងបំផុត គឺមានកម្រិត ៤.៦ រ៉ិចទ័រ ដែលវាយប្រហារនៅជិតតំបន់ Caraballeda។ ទំហំនៃការបំផ្លិចបំផ្លាញវិញ គឺធំធេងហួសពីការស្មាន ដោយសារតែទីភ្នាក់ងារអវកាស NASA បានពិនិត្យមើលពីលើមេឃមក ហើយរាយការណ៍ថា មានផ្ទះសម្បែង និងអគារ​ប្រហែល ៥៨ ៨៧០ខ្នង ត្រូវ​បានបាក់រលំខ្ទេចខ្ទី ឬខូចខាតស្ទើរតែទាំងស្រុង ដោយបន្សល់ទុកត្រឹមតែគំនរផេះផង់ និងទឹកភ្នែកពលរដ្ឋរាប់សែននាក់ដែលគ្មានទីជម្រក៕

ប្រែសម្រួល៖ ឈាង

The post ចំនួនអ្នកស្លាប់ ក្នុងគ្រោះរញ្ជួយដីនៅវ៉េណេស៊ុយអេឡា កើនដល់​ជាង ២ ៦០០នាក់ហើយ appeared first on Kampuchea Thmey Daily.

ការ​រញ្ជួយដី​កម្រិត ៧.២ និង ៧.៥ រ៉ិចទ័រជាប់ៗ​គ្នាជាប្រវត្តិសាស្ត្រ ​ដែល​មានចំណុចកណ្តាល​ នៅជិតឆ្នេរសមុទ្រភាគ​ខាងជើង បាន​បន្សល់​ទុកនូវការបំផ្លិចបំផ្លាញ​យ៉ាង​ច្រើន ដូច​ជា​​៖

១. ហេដ្ឋា​រចនាសម្ព័ន្ធ និងអគារ៖ អគារ​រហូតដល់ ៥៨ ០០០ខ្នង​ត្រូវ​បានខូចខាត ឬបំផ្លាញ។ របាយការណ៍របស់រដ្ឋាភិបាល​វ៉េណេ​ស៊ុយ​អេ​ឡា​ បង្ហាញពីការដួលរលំ​រចនាសម្ព័ន្ធ​រាប់រយ រួមទាំងអគារ​ខ្ពស់ៗ​ច្រើន​ជាន់ លំនៅដ្ឋានសង្គមក្នុងនិងជុំវិញ​ទីក្រុងការ៉ាកាស និង La Guaira ។

២. ចំនួន​អ្នកស្លាប់៖ គ្រោះមហន្តរាយ​នេះ​បាន​សម្លាប់មនុស្ស​យ៉ាង​ហោចណាស់ ១ ៩៤៣នាក់ របួសជាង ១០ ៥០០នាក់ និង​បន្សល់​ទុក​មនុស្សរាប់ម៉ឺននាក់ទៀតបាត់ខ្លួន​។

៣. ផលប៉ះពាល់​មនុស្សធម៌៖ អង្គការសហប្រជាជាតិ​(UN) ប៉ាន់ប្រមាណថា ​មនុស្សរហូតដល់ ៦.៨លាននាក់​ បានរងផលប៉ះ​ពាល់ និងមនុស្ស​ជាង​ ១៥ ០០០នាក់​ ត្រូវផ្លាស់ទីលំនៅ បង្កើត​ឱ្យមានតម្រូវការបន្ទាន់​សម្រាប់ជម្រក ទឹក និងការថែទាំសុខភាព​៕

សម្រួល៖ ណឺ មិនា

The post គ្រោះ​រញ្ជួយ​ដី​នៅ​វ៉េ​ណេស៊ុយ​អេឡា​ ធ្វើ​ឱ្យ​ខាត​ប្រាក់​ប្រមាណ​ ៦.៧​ប៊ីលាន​ដុល្លា​រ appeared first on Kampuchea Thmey Daily.

សារព័ត៌មាន AFP ផ្សាយ​នៅ​ថ្ងៃ​ទី​០២ ខែ​កក្តដា ឆ្នាំ​២០២៦ ឲ្យ​ដឹង​ថា ដោយ​ធ្លាប់​រស់​នៅ​រដ្ឋ​ Florida និង​ប្រកួត​តំណាង​ឱ្យ​ ទី​ក្រុង​ Orlando តារាម៉ូដែល​វ៉េណេស៊ុយអេឡារូបនេះត្រូវ​បាន​​​រក​ឃើញ​ថា​​ ស្លាប់ជាមួយ​មិត្ត​ប្រុស​របស់​នាងគឺ​ លោក José Castro បន្ទាប់ពី​ក្រុម​ស្វែង​រក​ បាន​ព្យាយាម​រុក​រក​អស់​រយៈពេលពីរ​ថ្ងៃ​ ក្រោយ​ពីការរញ្ជួយដីពីរ​លើក​​ភ្លាមៗ​ បានវាយប្រហារ​ប្រទេសនេះ​នៅថ្ងៃទី២៤ ខែមិថុនា។

យ៉ាង​ណា​មិញ ​មនុស្ស​ជាង​ ២ ០០០នាក់​ត្រូវបានបាត់បង់ជីវិត​ក្នុង​គ្រោះ​មហន្តរាយ​នេះ ខណៈមនុស្សជាច្រើន​នៅតែ​បាត់​ខ្លួន​នៅឡើយ។

​គូ​ស្នេហ៍​ទាំង​ពីរ​ត្រូវ​បានគេរកឃើញ​ថា ​បាត់បង់​ជីវិត​នៅកន្លែង​ដែល​ពួក​គេជាប់​​ក្នុង​គំនរបាក់បែក​នៃ​អគារ​លំនៅឋាន​ (Apartment) ​ដួលរលំ​ នៅ​ទី​ក្រុង​ Catia La Mar រដ្ឋ La Guaira ប្រទេស​វ៉េណេស៊ុយ​អេឡា​។

គួរ​បញ្ជាក់​ថា សាកសពទាំងពីរ​ត្រូវបានរកឃើញ​ នៅយប់ថ្ងៃចន្ទដោយសាច់ញាតិ។

ក្នុង​ការបង្ហោះមួយ​ពីក្រុមគ្រួសារ​​របស់​អ្នក​ទាំង​ពីរ​នៅ​លើ​បណ្តាញ​ GoFundMe ដោយ​លើក​ឡើង​ថា​៖ « ជាអកុសល អ្នកទាំងពីរ​ត្រូវ​បាន​គេ​រកឃើញថាស្លាប់​[…] នៅក្បែរគ្នា រហូត​ដល់ទីបញ្ចប់»។

បន្ទាប់​ពីការបញ្ជាក់ពីការស្លាប់របស់​នាង កម្មវិធី​បវរកញ្ញា Miss Grand Florida ក៏បាន​ចេញលិខិតចូលរួមរំលែកទុក្ខ​ដល់​រូប​នាង​ផង​ដែរ​៕

សម្រួល៖ ណឺ មិនា

The post Miss Grand Orlando ២០២៥ ​​​ស្លាប់​​​ជា​មួយ​មិត្ត​ប្រុស​ ក្នុង​​គ្រោះ​​រញ្ជួយ​ដី​ នៅ​វ៉េណេស៊ុយអេឡា​​ appeared first on Kampuchea Thmey Daily.

យោងតាម​ការ​ចុះផ្សាយរបស់​សារព័ត៌មាន TRT World ក្រៅពីអ្នកស្លាប់ លោក Rodiguez ក៏បានបន្ថែមទៀតថា មានមនុស្សរហូតដល់ ១០ ៥៧១​នាក់ផ្សេងទៀត ដែល​កំពុង​សម្រាក​ព្យាបាល​របួស​នៅ​​ឯ​មន្ទីរពេទ្យ​​នៅ​ឡើយ។

នៅក្នុងគ្រាដ៏ខ្មៅងងឹតនេះ ក្រុម​អ្នក​សង្គ្រោះ កំពុងតែប្រជែងនឹងពេលវេលា ដើម្បីកាយគំនរបាក់បែកជួយអាយុជីវិតមនុស្ស។ មកទល់​នឹង​បច្ចុប្បន្ន ពួកគេអាចទាញមនុស្សចំនួន ៦ ៤៦១​នាក់ ចេញពីមាត់ជ្រោះ​នៃ​សេចក្តីស្លាប់បានដោយជោគជ័យ។ យ៉ាងណាមិញ លោកប្រធានរដ្ឋសភា Jorge Rodriguez បានបង្ហើបថា ចំនួនអ្នកដែលរួចជីវិតពិតប្រាកដ អាចមានរហូតដល់ទៅជិត ២០ ០០០នាក់ឯណោះ។ តួលេខដ៏ច្រើននេះ គឺដោយសារតែនៅរដ្ឋ La Guaira ដែលជាកន្លែងរងគ្រោះធ្ងន់ធ្ងរជាងគេ មានពលរដ្ឋរាប់ពាន់នាក់ បាននាំគ្នាខំប្រឹងវារលូនចេញពីគំនរបែកបាក់​ដោយខ្លួនឯង ខ្លះទៀតក៏ត្រូវ បានសាច់ញាតិ និងមិត្តភក្តិជិតខាងមកជួយកាយទាញចេញទាន់ពេលវេលា។

ការរញ្ជួយដីភ្លោះ​នៅ​វ៉េណេស៊ុយអេឡា មាន​កម្រិតធ្ងន់ធ្ងរបំផុត រហូតដល់ ៧.២រ៉ិចទ័រ និង ៧.៥រ៉ិចទ័រ។ ទំហំនៃការបំផ្លិចបំផ្លាញវិញ គឺធំធេងហួសពីការស្មាន ដោយសារតែទីភ្នាក់ងារអវកាស NASA បានពិនិត្យមើលពីលើមេឃមក ហើយរាយការណ៍ថា មានផ្ទះសម្បែង និងអគារ​ប្រហែល ៥៨ ៨៧០ខ្នង ត្រូវ​បានបាក់រលំខ្ទេចខ្ទី ឬខូចខាតស្ទើរតែទាំងស្រុង ដោយបន្សល់ទុកត្រឹមតែគំនរផេះផង់ និងទឹកភ្នែកពលរដ្ឋរាប់សែននាក់ដែលគ្មានទីជម្រក៕

ប្រែសម្រួល៖ ឈាង

The post តួលេខអ្នក​ស្លាប់កើនដល់ជិត ២ ០០០​នាក់ហើយ ព្រោះគ្រោះ​រញ្ជួយដីនៅ​វ៉េណេស៊ុយអេឡា appeared first on Kampuchea Thmey Daily.

តាមការផ្សាយរបស់ Al Jazeera, តួលេខនេះ គិតត្រឹមរសៀលថ្ងៃអង្គារ ទី៣០ ខែមិថុនា ឆ្នាំ២០២៦ ខណៈក្រុមជួយសង្គ្រោះ ព្រមានថា ក្តីសង្ឃឹមក្នុងការរកឃើញមនុស្សបាត់ខ្លួនរាប់ម៉ឺននាក់ទៀតទាំងនៅរស់ គឺកាន់តែស្តួចស្តើងមែនទែនហើយ ព្រោះពេលវេលាសំខាន់ ៧២ម៉ោងដំបូង ដែលជាឱកាស ក្នុងការរស់រានមានជីវិត បានបិទបញ្ចប់ទៅហើយ។

យោងតាមទិន្នន័យ ដែលបញ្ចេញដោយរដ្ឋាភិបាលវ៉េណេស៊ុយអេឡា, ក្រៅពីអ្នកស្លាប់ និងរបួស នៅមានមនុស្ស ១២ ៧២១នាក់ទៀត បាត់បង់ផ្ទះសម្បែង ចំណែកអគារចំនួន ៧៧៤ ត្រូវបាក់រលំ។

សូមជម្រាបជាថ្មី គ្រោះរញ្ជួយដីកម្រិតធ្ងន់ ២លើកផ្ទួនៗ បានវាយប្រហារប្រទេសវ៉េណេស៊ុយអេឡា ក្នុងរយៈពេលត្រឹមតែ ៣៩វិនាទីប៉ុណ្ណោះ។

ចំណុចកណ្តាលនៃការរញ្ជួយដីដំបូងកម្លាំង ៧.៥រ៉ិចទ័រ គឺស្ថិតនៅចម្ងាយប្រហែល ២៣គីឡូម៉ែត្រ ភាគអាគ្នេយ៍នៃទីក្រុង Yumare ក្នុងរដ្ឋ Yaracuy ខណៈការរញ្ជួយដីលើកទី២ កម្លាំង ៧.២រ៉ិចទ័រ គឺស្ថិតនៅក្បែរទីក្រុង San Felipe ក្នុងរដ្ឋដដែលនេះ។

ក្រោយមក មានការរញ្ជួយដីបន្ទាប់បន្សំ (Aftershock) ជាង ៦០០ ដងទៀត ត្រូវបានកត់ត្រា ហើយក្នុងនោះ ការរញ្ជួយខ្លាំងបំផុត គឺមានកម្រិត ៤.៦ រ៉ិចទ័រ ដែលវាយប្រហារនៅជិតតំបន់ Caraballeda កាលពីថ្ងៃចន្ទ។

យ៉ាងណា មិនមានសេចក្តីរាយការណ៍ អំពីការខូចខាតថ្មីៗទេ ប៉ុន្តែការរញ្ជួយនោះ ធ្វើឲ្យអ្នកក្រុង Caracas ភ័យស្លន់ស្លោ និងរត់ចេញមកលើដងផ្លូវ ទាំងភិតភ័យ៕

អត្ថបទ៖ សុវណ្ណ

The post មនុស្សស្លាប់កើនលើស ១ ៧០០នាក់ ក្នុងមហាវិនាសកម្មរញ្ជួយដី នៅ វ៉េណេស៊ុយអេឡា appeared first on Kampuchea Thmey Daily.