យោងតាមភ្នាក់ងារ BBC ក្រសួងការបរទេសទីក្រុងប៉េកាំងបញ្ជាក់ពីកិច្ចព្រមព្រៀងទាំងនេះ កាលពីថ្ងៃអាទិត្យម្សិលមិញថា ទាំងពលរដ្ឋកាណាដា និងអង់គ្លេស អាចធ្វើដំណើរទៅកាន់ប្រទេសចិនដោយមិនចាំបាច់មានទិដ្ឋាការចាប់ពីថ្ងៃអង្គារទី១៧ ដោយគោលនយោបាយនេះ មានប្រសិទ្ធភាពរហូតដល់ថ្ងៃទី ៣១ ខែធ្នូ ឯណោះ។

ក្រសួងការបរទេសបានបញ្ចាក់នៅក្នុងសេចក្តីថ្លែងការណ៍មួយផ្សេងទៀតថា អ្នកកាន់លិខិតឆ្លងដែនធម្មតាពីប្រទេសទាំងនេះ អាចចូលទៅកាន់ទឹកដីចិន ដោយមិនចាំបាច់មានទិដ្ឋាការសម្រាប់អាជីវកម្ម ទេសចរណ៍ ទៅលេងសាច់ញាតិ និងមិត្តភក្តិ ការផ្លាស់ប្តូរ ឬការឆ្លងកាត់សម្រាប់រយៈពេលមិនលើសពី ៣០ ថ្ងៃ។ នេះ​គឺ​ដើម្បីសម្រួល​បន្ថែម​ដល់​ការ​ផ្លាស់ប្ដូរ​រវាង​ប្រជាជន​និង​ប្រជាជន​ រវាង​ប្រទេស​ចិន​និង​ប្រទេស​ដទៃ​ទៀតផងដែរ។

ការលើកឡើងទិដ្ឋាការរយៈពេល៣០ថ្ងៃនេះកើតឡើង បន្ទាប់ពីនាយករដ្ឋមន្ត្រីអង់គ្លេស និងកាណាដា លោក Keir Starmer និងលោក Mark Carney សុទ្ធតែបានទៅទស្សនកិច្ចទីក្រុងប៉េកាំងកាលពីខែមករា ដោយស្វែងរកការពង្រឹងទំនាក់ទំនងជាមួយចិន និងងាកចេញពីសហរដ្ឋអាមេរិកដែលមានភាពប្រែប្រួលកាន់តែខ្លាំងឡើង។ មេដឹកនាំទាំងពីរបានសាទរចំពោះវឌ្ឍនភាព បន្ទាប់ពីកិច្ចប្រជុំជាមួយមេដឹកនាំកំពូលៗរបស់ចិន និងប្រធានាធិបតី ស៊ី ជិនពីង រួមទាំងបញ្ហាដូចជា ការចូលប្រើប្រាស់ដោយមិនចាំបាច់មានទិដ្ឋាការសម្រាប់ពលរដ្ឋរបស់ពួកគេទៅកាន់ប្រទេសចិន៕

អត្ថបទ៖ សាង ស្រីល័ក្ខ

The post ចាប់ពីស្អែក ទាំងពលរដ្ឋអង់គ្លេស និងកាណាដា អាចទៅប្រទេសចិន ដោយមិនចាំបាច់មានទិដ្ឋាការ appeared first on Kampuchea Thmey Daily.

លោកស្រី Anand បាននិយាយក្នុងសន្និសីទសារព័ត៌មានមួយ នៅមន្ទីរបញ្ចកោណជាមួយរដ្ឋមន្ត្រីការពារជាតិអាមេរិក លោក Lloyd Austin ថា “កាលពីសប្តាហ៍មុន រួមជាមួយនឹងសម្ព័ន្ធមិត្តអាមេរិករបស់យើង យើងបានបង្កើនការគាំទ្ររបស់យើង ដោយបញ្ជូនកាំភ្លើងធំ Howitzer ធុន M777 ទៅឲ្យកងកម្លាំងអ៊ុយក្រែន ហើយខ្ញុំអាចបញ្ជាក់ថា ទាហានកាណាដាឥឡូវនេះ កំពុងបង្វឹកសមភាគីអ៊ុយក្រែនក្នុងការប្រើប្រាស់អាវុធទាំងនេះ”។

ទោះបីជាយ៉ាងណាក៏ដោយ លោកស្រី Anand មិន​បាន​បញ្ជាក់​ថា​តើ​ការបង្វឹក ​កំពុង​ប្រព្រឹត្ត​ទៅ​នៅ​ទីតាំង​ណា​នោះទេ។

ដោយឡែក មន្ត្រីការពារជាតិជាន់ខ្ពស់របស់សហរដ្ឋអាមេរិក បាននិយាយនៅក្នុងសុន្ទរកថាមុននេះថា សហរដ្ឋអាមេរិកបច្ចុប្បន្នកំពុងបណ្តុះបណ្តាលក្រុមទីពីរ ដែលមានទាហានអ៊ុយក្រែនជាង៥០នាក់ អំពីរបៀបប្រើប្រាស់កាំភ្លើងធំ Howitzer និងរ៉ាដាចល័ត Q-64។

ការបណ្តុះបណ្តាលនេះ ត្រូវបានគេរំពឹងថា នឹងចំណាយពេលប្រហែលមួយសប្តាហ៍។

មន្ត្រីការពារជាតិអាមេរិកនិយាយថា ជាង៦០% នៃកាំភ្លើងធំ ៩០គ្រឿងដែលលោកប្រធានាធិបតី Joe Biden ប្តេជ្ញាប្រគល់ទៅឲ្យអ៊ុយក្រែន នាពេលថ្មីៗនេះ ត្រូវបានបញ្ជូនទៅប្រទេសអ៊ុយក្រែនរួចហើយ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ប្រទេសអឺរ៉ុបណាខ្លះហើយ ដែលយល់ព្រមទូទាត់ប្រាក់ រូបិ៍ល ក្នុងការទិញឧស្ម័នពីរុស្ស៊ី?

The post ប្រទេសមួយទៀត ចេញមុខអះអាង កំពុងបង្វឹកទាហានអ៊ុយក្រែន ប្រើកាំភ្លើងយន្ត appeared first on Kampuchea Thmey Daily.

ទោះបីជាយ៉ាងណាក៏ដោយ លោក Trudeau និយាយថា វិសាលភាពនៃវិធានការនេះនឹងមាន ពេលវេលាកំណត់, សមហេតុផល និងសមាមាត្រ ហើយនឹងមិនដាក់ពង្រាយកងទ័ពឡើយ។

ដោយមិនចាំបាច់មានដីកាតុលាការ, ធនាគារនឹងអាចបង្កកគណនីផ្ទាល់ខ្លួនរបស់អ្នកណាក៏ដោយ ដែលពាក់ព័ន្ធជាមួយនឹងការតវ៉ា។

កាលពីថ្ងៃអាទិត្យ មន្ត្រីអនុវត្តច្បាប់បានបណ្តេញក្រុមអ្នកតវ៉ាប្រឆាំងអាណត្តិ នៅឯស្ពាន Ambassador ក្នុងទីក្រុង Windsor ដែលជាផ្លូវដ៏សំខាន់សម្រាប់ពាណិជ្ជកម្មកាណាដា-សហរដ្ឋអាមេរិក បន្ទាប់ពីជាប់គាំងអស់រយៈពេលមួយសប្តាហ៍។

បាតុកម្មបានចាប់ផ្តើមជាការប្រមូលផ្តុំគ្នា ប្រឆាំងនឹងច្បាប់ថ្មីដែលតម្រូវឲ្យអ្នកដឹកទំនិញទាំងអស់ត្រូវតែចាក់វ៉ាក់សាំងដើម្បីឆ្លងកាត់ព្រំដែនសហរដ្ឋអាមេរិក-កាណាដា ឬត្រូវធ្វើចត្តាឡីស័កនៅពេលត្រឡប់មកវិញ។ ប៉ុន្តែវាបានក្លាយទៅជាការជំទាស់ចំពោះវិធានការរឹតបន្តឹងកូវីដទាំងអស់។

លោក Trudeau បានប្រាប់សន្និសីទសារព័ត៌មានកាលពីថ្ងៃចន្ទទី១៤ខែកុម្ភៈថា “នេះគឺដើម្បីរក្សាប្រជាជនកាណាដាឲ្យមានសុវត្ថិភាព ការពារការងាររបស់មនុស្ស”។ លោក​បន្ថែម​ថា ប៉ូលិស​នឹង​ត្រូវ​បាន​ផ្តល់ ឧបករណ៍​បន្ថែម​ទៀត ដើម្បី​ដាក់​គុក ឬ​ផាក​ពិន័យ​អ្នក​តវ៉ា និង​ការពារ​ហេដ្ឋារចនាសម្ព័ន្ធ​សំខាន់ៗ។

គួរបញ្ជាក់ថា វិធានការដាក់ច្បាប់​គ្រាអាសន្ន​​របស់​លោក Trudeau បានកើតឡើងស្រប​នៅ​ពេល​បាតុកម្ម​នៅ​ទូទាំង​ប្រទេស​កាណាដា​ឈាន​ចូល​ដល់​សប្តាហ៍​ទី​បី​៕

ប្រែសម្រួល៖ Vann Vann

ប្រភព៖ BBC

ចុចអាន៖ ទីក្រុងអូតាវ៉ា ប្រកាសអាសន្ន (មានវីដេអូ)

The post លោក Trudeau ប្រកាសបង្កកគណនីធនាគារ អ្នកពាក់ព័ន្ធបាតុកម្ម ប្រឆាំងអាណត្តិវ៉ាក់សាំង appeared first on Kampuchea Thmey Daily.

លោក Jim Watson និយាយថា ទីក្រុងនេះលែងគ្រប់គ្រងបានហើយ ដោយក្រុមបាតុករមានចំនួនច្រើនជាងប៉ូលិស។ ការ​តវ៉ា​ បាន​បង្ក​ការ​គំរាម​កំហែង​ដល់​សុវត្ថិភាព និង​សន្តិសុខ​របស់​ប្រជាពលរដ្ឋ។

ក្រុមអ្នក​ដឹក​ជញ្ជូន​បាន​ធ្វើ​ឲ្យ​កណ្តាល​ទីក្រុង អូតាវ៉ា ត្រូវជាប់គាំង ដោយសារតែក្បួន​រថយន្ត និង​តង់​បិទ​ផ្លូវ។

“ក្បួនដង្ហែសេរីភាព” បានចាប់ផ្តើមជាចលនាមួយប្រឆាំងនឹងការទាមទាររបស់រដ្ឋាភិបាល ដែលតម្រូវឲ្យអ្នកដឹកទំនិញត្រូវចាក់វ៉ាក់សាំងប្រឆាំងជំងឺកូវីដ១៩។

ថ្លែងទៅកាន់ស្ថានីយ៍វិទ្យុកាណាដា CFRA លោក Watson បាននិយាយថា ក្រុមបាតុករកំពុងមានឥរិយាបទកាន់តែអាក្រក់ ដោយបន្តបន្លឺស៊ីផ្លេ និងស៊ីរ៉ែន បាញ់កាំជ្រួច និងបង្វែរវាទៅជាពិធីជប់លៀង។

លោកនិយាយថា “ច្បាស់ណាស់ថា យើងមានចំនួនតិចជាង ហើយយើងកំពុងចាញ់ការប្រយុទ្ធនេះ។ រឿងនេះត្រូវតែផ្លាស់ប្តូរ យើងត្រូវយកទីក្រុងរបស់យើងមកវិញ”។

ទោះបីជាយ៉ាងណាក៏ដោយ អភិបាលក្រុងរូបនេះ មិនបានផ្តល់ព័ត៌មានលម្អិតជាក់លាក់អំពីវិធានការដែលគាត់អាចដាក់នោះទេ ប៉ុន្តែប៉ូលិសបាននិយាយកាលពីថ្ងៃអាទិត្យថា ពួកគេនឹងបង្កើនការអនុវត្ត រួមទាំងការចាប់ខ្លួនអ្នកដែលព្យាយាមជួយដល់បាតុករផងដែរ។

គួរបញ្ជាក់ថា ច្បាប់ក្នុងគ្រាអាសន្ននេះ នឹងផ្តល់ឲ្យទីក្រុងនូវអំណាចបន្ថែម រួមទាំងលទ្ធភាពទទួលបានឧបករណ៍ដែលត្រូវការដោយបុគ្គលិកជួរមុខ និងសេវាសង្គ្រោះបន្ទាន់ផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ កាណាដា ក្លាយជាប្រទេសទី២ដែលយល់ព្រមឲ្យប្រើប្រាស់វ៉ាក់សាំងរបស់ក្រុមហ៊ុន Pfizer / BioNTech

The post ទីក្រុងអូតាវ៉ា ប្រកាសអាសន្ន (មានវីដេអូ) appeared first on Kampuchea Thmey Daily.

អ្នកបើកបរ បានបើកឡានដឹកទំនិញរបស់ពួកគេចូលទៅក្នុងរាជធានី Ottawa របស់ប្រទេសកាណាដាកាលពីថ្ងៃសៅរ៍ទី២៩ខែមករា ដែលជាផ្នែកមួយនៃចលនា “Freedom Convoy” ដើម្បីប្រឆាំងនឹងតម្រូវការចាក់វ៉ាក់សាំង បើចង់ឆ្លងកាត់ព្រំដែនសហរដ្ឋអាមេរិក។

ដោយមានដោតទង់ជាតិកាណាដា លើកបដាទាមទារសេរីភាព និងស្រែកពាក្យស្លោកប្រឆាំងលោកនាយករដ្ឋមន្រ្តី Justin Trudeau, ឡានដឹកទំនិញទាំងនោះ ត្រូវបានចូលរួមដោយអ្នកតវ៉ារាប់ពាន់នាក់ផ្សេងទៀត ដែលខឹងសម្បាមិនត្រឹមតែដោយសារវិធានការរឹតបន្តឹងកូវីដប៉ុណ្ណោះទេ ប៉ុន្តែក៏ដោយសារការមិនសប្បាយចិត្តជាមួយរដ្ឋាភិបាលផងដែរ។

នៅពេលចូលកាន់តែជិតសភា ក្រុមគ្រួសារបានដើរដង្ហែ ខណៈមនុស្សវ័យក្មេងនាំគ្នាស្រែក ហើយមនុស្សចាស់ បានគោះឆ្នាំង និងខ្ទះដើម្បីតវ៉ានៅខាងក្រៅការិយាល័យរបស់លោក Trudeau។

ប្រព័ន្ធផ្សព្វផ្សាយកាណាដា បានរាយការណ៍ថា លោកនាយករដ្ឋមន្ត្រី និងក្រុមគ្រួសាររបស់គាត់ ត្រូវបាននាំខ្លួនចេញពីផ្ទះ ទៅកាន់ទីតាំងសម្ងាត់មួយនៅក្នុងរាជធានី ដោយសារតែបាតុករភាគច្រើន មានកំហឹងទៅលើលោក Trudeau។

លោក Trudeau បាននិយាយកាលពីថ្ងៃសុក្រថា ទស្សនៈរបស់អ្នកដឹកទំនិញទាំងនោះ គឺបង្កហានិភ័យមិនត្រឹមតែចំពោះខ្លួនពួកគេប៉ុណ្ណោះទេ ប៉ុន្តែក៏ចំពោះជនជាតិកាណាដាផ្សេងទៀតផងដែរ។

គួរបញ្ជាក់ថា គិតត្រឹមពេលនេះ ៨២ភាគរយនៃជនជាតិកាណាដាដែលមានអាយុចាប់ពី៥ឆ្នាំឡើងទៅ គឺបានទទួលវ៉ាក់សាំងការពារជំងឺកូវីដ១៩។ ក្នុងចំណោមមនុស្សពេញវ័យ តួលេខគឺ ៩០ភាគរយ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ កាណាដា ក្លាយជាប្រទេសទី២ដែលយល់ព្រមឲ្យប្រើប្រាស់វ៉ាក់សាំងរបស់ក្រុមហ៊ុន Pfizer / BioNTech

The post ផ្ទុះបាតុកម្មក្នុងរាជធានីរបស់កាណាដា នាយករដ្ឋមន្រ្តីរត់ទៅលាក់ខ្លួននៅកន្លែងសម្ងាត់  appeared first on Kampuchea Thmey Daily.

លោក Jiang Duan រដ្ឋមន្រ្តីបេសកកម្មចិនប្រចាំ UN នៅទីក្រុងហ្សឺណែវ បានធ្វើការកត់សម្គាល់បែបនេះ នៅក្នុងកិច្ចប្រជុំពិភាក្សាប្រចាំឆ្នាំ ស្តីពីសិទ្ធិរបស់ស្ត្រី នៃសម័យប្រជុំលើកទី ៤៧ របស់ក្រុមប្រឹក្សាសិទ្ធិមនុស្ស UN។

លោក Jiang បានចង្អុលបង្ហាញថា របាយការណ៍ថ្មីៗ បានបង្ហាញពីផ្នូរដែលមិនមានស្លាកសម្គាល់ជាង ១,០០០ ផ្នូរដែលមានសពជាច្រើន នៅក្នុងអតីតសាលាសម្រាប់កុមារជនជាតិដើម ដោយភាគច្រើននៃពួកគេត្រូវបានគេរំលោភបំពាននិងរំលោភសេពសន្ថវៈ។ លោកបានបន្ថែមទៀតថា ប្រទេសកាណាដាក៏បានអនុវត្តការក្រៀវដោយបង្ខំ ទៅលើស្ត្រីនិងកុមារជនជាតិដើមភាគតិច មួយចំនួនធំផងដែរ។

លោក Jiang បន្តថា ប្រទេសចិន សូមទទូចឲ្យក្រុមប្រឹក្សាសិទ្ធិមនុស្ស UN បើកការស៊ើបអង្កេតឲ្យបានទូលំទូលាយនិងត្រឹមត្រូវ លើប្រទេសកាណាដា សម្រាប់គ្រប់ករណីដែលពាក់ព័ន្ធនឹងការធ្វើបាបស្ត្រីនិងកុមារជនជាតិដើម ហើយអ្នកទទួលខុសត្រូវទាំងអស់ គួរតែត្រូវបានផ្តន្ទាទោសតាមច្បាប់។ ការសុំទោសគឺមិនគ្រប់គ្រាន់ទេ ហើយកាណាដាត្រូវតែចាត់វិធានការជាក់ស្តែងដើម្បីកែកំហុសរបស់ខ្លួន។

ស្របពេលជាមួយគ្នានោះ ប្រទេសចិនក៏បានអំពាវនាវឲ្យកាណាដា ប្រយុទ្ធប្រឆាំងនឹងការរើសអើងជាតិសាសន៍និងឧក្រិដ្ឋកម្មស្អប់ខ្ពើម នៅក្នុងប្រទេសរបស់ខ្លួនផងដែរ៕

ប្រែសម្រួល៖ Vann Vann

ប្រភព៖ Global Times

ចុចអាន៖ ឥណ្ឌា កោះហៅឯកអគ្គរាជទូត កាណាដា បន្ទាប់ពីលោក Trudeau លូកដៃក្នុងរឿងបាតុកម្មរបស់កសិករ

The post ចិន អំពាវនាវឲ្យ UN ស៊ើបអង្កេត ការរំលោភសិទ្ធិមនុស្សរបស់កាណាដា លើជនជាតិដើមភាគតិច appeared first on Kampuchea Thmey Daily.

ទី​ភ្នាក់​ងារ​សុខភាព​សាធារណៈ​កាណាដា​និយាយ​ថា ប្រជាជន​ដែល​បាន​ចាក់​វ៉ាក់សាំង AstraZeneca ដូស​ទី​១ អាច​ចាក់​វ៉ាក់សាំង Pfizer ឬ Moderna ដូស​ទី​២​បាន។ ប្រជា​ជន​ដែល​បាន​ចាក់​វ៉ាក់សាំងមួយ​ក្នុង​ចំណោម​វ៉ាក់សាំង mRNA ទាំង​ពីរគឺ Pfizer ឬ​ Moderna  អាច​ចាក់​វ៉ាក់សាំង​ផ្សេង​គ្នា​ណា​មួយ​ក្នុង​ចំណោម​ទាំង​ពីរ​សម្រាប់​ដូស​ទី​២​បាន​។

លោក​វេជ្ជបណ្ឌិត​ឈានមុខ​ក្នុង​ប្រទេស​បាន​និយាយ​ថា ទោះ​បី​ជា​យ៉ាង​ណា វា​នៅ​តែ​ល្អ​ប្រសើរ​​សម្រាប់​ការ​ចាក់​វ៉ាក់​តែ​មួយ​ប្រភេទ​ទាំង​ពីរ​ដូស។

ប្រធានសុខាភិបាលសាធារណៈ​កាណាដា​លោក​វេជ្ជបណ្ឌិត Theresae Tam បាន​លើក​ឡើង​ថា ៖«ព្យាយាម​​ស្វែង​រក​វ៉ាក់សាំង​ប្រភេទ​តែ​មួយ វ៉ាក់សាំង mRNA ដូច​គ្នា​ តែ​បើ​មិន​អាច​រក​បានវ៉ាក់សាំង​តែ​មួយ​ប្រភេទ​ចាក់​ទេ អីចឹង​​អាច​ពិចារណា​ចាក់​វ៉ាក់សាំង​​លាយ​គ្នា​​បាន។ ដំបូន្មាន​នេះ​ផ្តល់​ឲ្យ​តាម​បណ្តា​ខេត្ត និង​ដែន​ដី​​ដើម្បី​ឲ្យ​មានជម្រើស​សុវត្ថិភាព និង​ប្រសិទ្ធភាព​ចំពោះ​ការ​គ្រប់​គ្រង​កម្មវិធី​វ៉ាក់សាំង»។

បន្ទាប់​ពីការ​ចាប់​ផ្តើម​ដំបូង​យឹត ប្រទេស​កាណាដា​បាន​កំពុង​ចាក់​វ៉ាក់សាំង​ដល់​ប្រជា​ជន​របស់​ខ្លួន​បាន​ជិត​១​%​​ក្នុង​មួយ​ៗ​ថ្ងៃ ជា​មធ្យម សម្រាប់​ប៉ុន្មាន​សប្តាហ៍​ចុង​ក្រោយ។

គណៈកម្មាធិការ​ប្រឹក្សា​ជាតិ​កាណាដាស្តីពី​វ៉ាក់សាំង (NACI) ឥឡូវ​នេះ​និយាយ​ថា ប្រជាជន​ដែល​បាន​ចាក់​វ៉ាក់សាំង AstraZeneca ដូស​ទី​១​រួច​ហើយ ប្រហែល​ជា​ត្រូវ​ចាក់​វ៉ាក់សាំ​ AstraZeneca ឬ mRNA សម្រាប់​ដូស​ទី​២។

គណៈកម្មាធិការ​នេះ​មិន​បាន​ណែនាំ​ថា ប្រជា​ជន​ដែល​ចាក់​វ៉ាក់សាំង Pfizer ឬ​ Moderna ដូស​ទី​១​ អាចចាក់​ AstraZeneca ដែល​ប្រើ​បច្ចេកទេស​ផ្សេង​គ្នា​​សម្រាប់​ដូស​ទី​២​ទេ។

គណៈកម្មាធិការ​ប្រឹក្សា​ជាតិ​កាណាដាស្តីពី​វ៉ាក់សាំងលើក​ឡើង​ថា ប្រជា​ជន​កណាដា​ដែលបាន​ចាក់ដូស​ទី​១​នៃ​​វ៉ាក់សាំង mRNA គឺ​ Pfizer ឬ​ Moderna អាច​ចាក់​ផ្ទុយ​គ្នា​បាន​សម្រាប់​ដូស​ទី​២។

លោក Tam បាន​និយាយ​ថា ៖«NACI បាន​ធ្វើ​បច្ចុប្បន្នភាព​យ៉ាង​ឆាប់​រហ័ស​អំពី​សេចក្តីណែនាំ​​​​ពី​ការ​ប្រើ​ប្រាស់​វ៉ាក់សាំង​កូវីដ-១៩​នៅ​កាណាដា​ដើម្បី​ធានា​ឲ្យ​បាន​នូវ​ការ​ការពារ​យ៉ាង​ល្អ​ដល់​ប្រជា​ជន​កាណាដា»។

យោង​តាម​ទិន្នន័យ​កាណាដា គិត​ត្រឹម​សប្តាហ៍​ចុង​ក្រោយ​នៃ​ខែ​ឧសភាកន្លង​ទៅ​នេះ​ ប្រជា​ជន​កាណដា​១៣​លាន​នាក់​បាន​ចាក់​វ៉ាក់សាំង​ហោច​ណាស់​បាន​១​ដូស​សម្រាប់​ Pfizer ខណៈ​​​៣.៥​លាន​នាក់​​បាន​​ចាក់​វ៉ាក់សាំង Moderna និង​ជិត​២​លាន​នាក់​បាន​ចាក់ AstraZeneca៕

ប្រែ​សម្រួល៖ វីរបុត្រ
ប្រភព៖ CNN

The post កាណាដា​សម្រេច​ចាក់​វ៉ាក់​សាំង​កូវីដ​ដូស​ទី​១​ និង​ទី២​ផ្សេង​គ្នា​បាន appeared first on Kampuchea Thmey Daily.

រដ្ឋ​មន្ត្រី​ក្រសួង​សុខាភិបាល​របស់​ប្រទេស​កាណាដា​ បាន​ធ្វើ​ការ​សម្រេច​ចិត្ត​​នេះ​ដោយ​ផ្អែក​លើ​ទិន្នន័យ​បាន​ពី​ការ​ធ្វើ​តេស្ត​សាក​ល្បងគ្គីនិក​៣​ដំណាក់​កាល​សម្រាប់​កុមារ​ដែល​មាន​អាយុ​ចន្លោះ​នេះ។

ទី​ប្រឹក្សា​ក្រសួង​សុខាភិបាល​ម្នាក់​បាន​និយាយ​ថា ៖«នាយកដ្ឋាន​បាន​សម្រេច​ចិត្ត​ថា វ៉ាក់​សាំង​នេះ​មាន​ប្រសិទ្ធភាព និង​សុវត្ថិភាព​នៅ​ពេល​ប្រើ​ប្រាស់​សម្រាប់​ក្រុម​ក្មេង​អាយុ​នេះ»។ ក្រុម​ហ៊ុនវ៉ាក់សាំង  Pfizer និយាយ​ថា វ៉ាក់សាំង​របស់​ខ្លួន​ដំណើរ​ការ​ល្អ​សម្រាប់​ក្រុម​ក្មេង​អាយុចន្លោះ​​នេះ។

កាណាដា​បាន​អនុញ្ញាត​​ឲ្យ​ប្រើ​ប្រាស់​រួច​​រាល់​ហើយ​​ចំពោះ​​វ៉ាក់សាំង​ Pfizer សម្រាប់​មនុស្ស​ដែល​មាន​អាយុ​ចាប់​ពី​១៦​ឆ្នាំ​ឡើង។

រដ្ឋ Alberta ដែល​មាន​អត្រា​ឆ្លង​កូវីដ-១៩​ខ្ពស់​បំផុត​ក្នុង​ប្រទេសកាណាដា​បាន​និយាយ​ថា ខ្លួន​​នឹង​ចាប់​ផ្តើម​ចាក់​វ៉ាក់សាំង​ដល់​ក្មេង​ចាប់​ពី​អាយុ​១២​ឆ្នាំ​នៅ​ថ្ងៃ​ចន្ទ សប្តាហ៍​ខាង​មុខ​នេះ។ កាណាដាមាន​ករណី​ឆ្លង​កូវីដ-១៩​សរុប​​ជាង ១.២​លាន​នាក់ ហើយ​ប្រហែល​ជា​២០​%​គឺ​ជា​មនុស្ស​ដែល​មាន​អាយុ​ក្រោម​១៩​ឆ្នាំ។

កម្មវិធី​ចាក់​វ៉ាក់សាំង​របស់​ប្រទេស​កាណាដា​មាន​លក្ខណៈ​យឹត​យ៉ាវ ដោយ​សារ​​​បាន​ពន្យារ​ពេល។ រហូត​ដល់​ពេល​នេះ ប្រជា​ជន​ប្រមាណ​៣៤​%​ទទួល​បាន​ការ​ចាក់​ហោច​ណាស់​ដូស​ទី១ បើ​ប្រៀប​ធៀបធៀប​នឹង​​សហរដ្ឋ​អាមេរិក​ដែល​​បាន​ដល់​ទៅ​៤៤%។ នេះ​បើ​តាម​ទិន្នន័យ Our World in Data។

រដ្ឋាភិបាល​កាណាដា​ក៏​បាន​ប្រឈម​នឹង​ការ​រិះ​គន់​​ចំពោះ​ការ​ទទួល​យក​វ៉ាក់សាំង​តាម​គម្រោង Covax ដែល​ជាកម្មវិធី​វ៉ាក់សាំង​ពី​ប្រទេស​អ្នក​មាន​ជួយ​​ទៅ​បណ្តា​ប្រទេស​ដែល​មាន​ប្រាក់​ចំណូល​ទាប។

ជា​ផ្នែក​នៃ​ដំណើរ​ការ​អនុម័ត​ វ៉ាក់សាំង Pfizer ​នឹង​បន្ត​ផ្តល់​ព័ត៌មាន​ទៅ​ក្រសួង​សុខាភិបាល​ប្រទេស​កាណាដា​អំពី​សុវត្ថិភាព ប្រសិទ្ធភាព និង​គុណភាព​នៃ​វ៉ាក់សាំង​របស់​ខ្លួន​សម្រាប់​ក្មេង​អាយុ​១២​ដល់​១៥​ឆ្នាំ។

កាល​ពី​ខែ​មីនា វ៉ាក់សាំង Pfizer បាន​និយាយ​ថា លទ្ធផល​នៃ​ការ​សាក​ល្បង​បឋម​ចំពោះ​វ៉ាក់សាំង​របស់ខ្លួន​សម្រាប់​កុមារ​អាយុ​ចន្លោះ​នេះ​មាន​ប្រសិទ្ធភាព ១០០%​ និង​មាន​ប្រតិកម្មភាព​ស៊ាំខ្លាំង​។

រដ្ឋាបាល​ចំណី​អាហារ និង​ឱសថ​សហរដ្ឋ​អាមេរិក ក៏​ដូច​ជា​ទី​ភ្នាក់​ងារ​វេជ្ជសាស្ត្រ​អឺរ៉ុប​បាន​កំពុង​ត្រួត​ពិនិត្យ​លើ​​​វ៉ាក់សាំង​សម្រាប់​កុមារ​​​ថា​តើ​ពួក​គេ​អាច​អនុញ្ញាត​ឲ្យ​ប្រើ​ប្រាស់​បន្ទាន់ និង​សង្ឃឹម​ថា នឹង​ធ្វើ​ការ​សម្រេច​ចិត្ត​ឆាប់​ៗ។

ប្រែ​សម្រួល៖ វីរបុត្រ
ប្រភព៖ ​BBC

The post ដំណឹង​រីករាយ​ កាណាដា​ជាប្រទេសដំបូង​អនុញ្ញាត​វ៉ាក់សាំង​ Pfizer​ សម្រាប់​កុមារ​អាយុ​១២​ទៅ​១៥​ឆ្នាំ appeared first on Kampuchea Thmey Daily.