កាណាដា ក្លាយជាប្រទេសទី២ដែលយល់ព្រមឲ្យប្រើប្រាស់វ៉ាក់សាំងរបស់ក្រុមហ៊ុន Pfizer / BioNTech

និយតករសុខភាពរបស់ប្រទេសកាណាដាបានយល់ព្រមឲ្យប្រើប្រាស់វ៉ាក់សាំងការពារជំងឺកូវីដ១៩របស់ក្រុមហ៊ុន Pfizer-BioNTech ដែលការផ្តល់ភ្លើងខៀវនេះបានកើតឡើងមួយថ្ងៃបន្ទាប់ពីចក្រភពអង់គ្លេសក្លាយជាប្រទេសដំបូងគេនៅលើពិភពលោកដែលបានចាប់ផ្តើមការចាក់វ៉ាក់សាំងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសុខាភិបាលកាណាដាបានហៅការអនុញ្ញាតនេះថាជា “ព្រឹត្តិការណ៍ដ៏សំខាន់” មួយនៅក្នុងការប្រយុទ្ធប្រឆាំងនឹងវីរុសកូរ៉ូណា។

ទីភ្នាក់ងារនេះបាននិយាយថា វ៉ាក់សាំងនេះបានបំពេញតាមតម្រូវការសុវត្ថិភាព ប្រសិទ្ធភាពនិងគុណភាពដ៏តឹងរ៉ឹងរបស់ខ្លួន។

ស្របពេលជាមួយគ្នានោះ លោកនាយករដ្ឋមន្រ្តី Justin Trudeau បាននិយាយថា ប្រទេសកាណាដាគ្រោងនឹងទទួលបានវ៉ាក់សាំងរហូតដល់ទៅ២៤៩,០០០ដូសក្នុងខែនេះ។

សរុបទៅ រដ្ឋាភិបាលកាណាដាបានទិញវ៉ាក់សាំងចំនួន២០លានដូសដែលគ្រប់គ្រាន់ក្នុងការចាក់ដល់មនុស្សចំនួន១០លាននាក់ហើយកំពុងពិចារណាទិញ៥៦លានដូសបន្ថែមទៀត៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ឯកសារវ៉ាក់សាំងកូវីដរបស់ក្រុមហ៊ុន Pfizer / BioNTech ត្រូវបានគេលួច

ចុចអាន៖ អង់គ្លេស ប្រាប់កុំទាន់ឆោឡោបន្ទាប់ពីមនុស្ស២នាក់មានប្រតិកម្មធ្ងន់ធ្ងរក្រោយចាក់វ៉ាក់សាំងកូវីដ