លោក Mariusz Blaszczak បានធ្វើការកត់សម្គាល់បែបនេះ នៅក្នុងបទសម្ភាសន៍មួយ ជាមួយទស្សនាវដ្ដី Sieci កាលពីថ្ងៃអាទិត្យទី២៤ខែកក្កដា។

មន្ត្រីរូបនេះនិយាយថា លោកចាត់ទុករុស្ស៊ី ក៏ដូចជាសម្ព័ន្ធមិត្តរបស់ខ្លួនគឺ បេឡារុស ជាសត្រូវដ៏មានសក្តានុពល ដែលគួរតែត្រូវបានរារាំងដោយយោធាមានឥទ្ធិពល។

លោក Blaszczak បន្តថា “យើងស្ថិតនៅជួរមុខ យើងមានព្រំប្រទល់ជាប់រុស្ស៊ី នៅភាគខាងជើង ហើយនៅក្នុងន័យយោធា ជាប់ប្រទេសបេឡារុស”។

លោកអះអាងថា កងទ័ពប៉ូឡូញត្រូវតែមានច្រើន និងខ្លាំង ដូច្នេះអត្ថិភាពរបស់ខ្លួន នឹងបំភ័យអ្នកឈ្លានពាន។ អ្នកគ្រប់គ្រងវិមានក្រឹមឡាំងមិនហ៊ានវាយប្រហារខ្លាំងទេ។ នៅពេលដែលពួកគេមើលឃើញភាពទន់ខ្សោយ ពួកគេនឹងវាយប្រហារ។ ទាំង​ផ្នែក​កាំភ្លើងធំ និង​រថក្រោះ ទីបំផុត​នឹង​គ្មាន​ប្រទេស​ណា​នៅ​អឺរ៉ុប ​ខ្លាំង​ជាង​ប៉ូឡូញឡើយ។

ដើម្បីការពារខ្លួនពីការវាយប្រហារប្រកបដោយភាពជាក់លាក់ខ្ពស់ ប៉ូឡូញបានបញ្ជាទិញប្រព័ន្ធប្រឆាំងយន្តហោះ Patriot ផលិតដោយសហរដ្ឋអាមេរិក ដែលត្រូវបានគេរំពឹងថានឹងផ្តល់ជូននៅឆ្នាំនេះ។ រដ្ឋាភិបាលទីក្រុងវ៉ាសូវី ក៏នឹងទិញប្រព័ន្ធប្រឆាំងយន្តហោះ ដូចគ្នាបេះបិទ ទៅនឹង Sky Saber របស់អង់គ្លេសផងដែរ។

បច្ចុប្បន្ន ប៉ូឡូញកំពុងព្យាយាមបំពេញឃ្លាំងអាវុធរបស់ខ្លួនឡើងវិញ បន្ទាប់ពីបានបញ្ជូនរថក្រោះសម័យសូវៀតធុន T-72 ជាង ២០០ គ្រឿងទៅឲ្យអ៊ុយក្រែនសម្រាប់ប្រើប្រាស់ក្នុងជម្លោះជាមួយរុស្ស៊ី។

កាលពីសប្តាហ៍មុន លោក Blaszczak បានប្រកាសពីការទិញរថក្រោះប្រយុទ្ធប្រើរួចធុន M1 Abrams ចំនួន ១១៦ គ្រឿងពីសហរដ្ឋអាមេរិក។

ផែនការយោធាដ៏មានមហិច្ឆតារបស់ប៉ូឡូញ នឹងធ្វើឲ្យពួកគេប្រកួតប្រជែងជាមួយប្រទេសអាល្លឺម៉ង់ ដូចដែលកាលពីដើមឆ្នាំនេះ អធិការបតី Olaf Scholz បានសន្យាថា នឹងធ្វើឲ្យកងកម្លាំងប្រដាប់អាវុធអាល្លឺម៉ង់ ក្លាយជាកងទ័ពធំបំផុត ក្នុងចំណោមរដ្ឋរបស់អង្គការណាតូអឺរ៉ុប៕

ប្រែសម្រួល៖ Vann Vann

ប្រភព៖ RT

ចុចអាន៖ ណាតូ និង EU ចង់តាមដានអាវុធ ដែលបញ្ជូនទៅ អ៊ុយក្រែន

The post ប៉ូឡូញ ចង់បង្កើត​កងទ័ព​ ណាតូ ​ខ្លាំង​បំផុត ​នៅ​អឺរ៉ុប appeared first on Kampuchea Thmey Daily.

ថ្លែងទៅកាន់ទូរទស្សន៍ Espreso របស់អ៊ុយក្រែនកាលពីយប់ថ្ងៃសៅរ៍ទី១១ខែមិថុនា លោក Sikorski បាននិយាយថា “អ៊ុយក្រែនត្រូវបានគេដឹងថា បានបោះបង់ចោលសក្តានុពលនុយក្លេអ៊ែរសម័យសូវៀតរបស់ខ្លួន បន្ទាប់ពីការចុះហត្ថលេខាលើអនុស្សរណៈទីក្រុង ប៊ុយដាប៉ែស ក្នុងឆ្នាំ១៩៩៤។ មនុស្សគ្រប់រូបនៅពេលនោះយល់ថា អ៊ុយក្រែននឹងក្លាយជាប្រទេសឯករាជ្យមួយនៅក្នុងព្រំដែន ដែលបានបង្កើតឡើងក្នុងសម័យសូវៀត ថ្វីបើរុស្ស៊ីនិងប្រទេសខ្លះទៀតនិយាយថា មិនមានការធានាបែបនេះក៏ដោយ។ ប៉ុន្តែចាប់តាំងពីរុស្ស៊ីបានរំលោភលើអនុស្សរណៈទីក្រុង ប៊ុយដាប៉ែស មក ខ្ញុំជឿថា យើង ក៏ដូចជាប្រទេសលោកខាងលិចដែរ គឺមានសិទ្ធិផ្តល់ក្បាលគ្រាប់នុយក្លេអ៊ែរដល់អ៊ុយក្រែន”។

សមាជិកសភារូបនេះ ដែលពីមុនធ្លាប់កាន់តំណែងជារដ្ឋមន្ត្រីការពារជាតិ និងរដ្ឋមន្ត្រីការបរទេសប៉ូឡូញ និងជាប្រធានសភា ក៏បានធ្វើអត្ថាធិប្បាយផងដែរ ពាក់ព័ន្ធភាពភ័យខ្លាចរបស់លោកខាងលិចដែលថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន អាចប្រើប្រាស់អាវុធនុយក្លេអ៊ែរ ប្រសិនបើស្ថានការណ៍នៅអ៊ុយក្រែន ធ្លាយ​ទៅ​ពាក់ព័ន្ធ​ដោយផ្ទាល់ជាមួយ អង្គការ​ណាតូ។

តាមសម្តីលោក Sikorski, “ខ្ញុំមិនគិតថា លោកពូទីននឹងហ៊ានវាយប្រហារទឹកដីណាតូដោយប្រើអាវុធនុយក្លេអ៊ែរនោះទេ។ ក្រៅពីវោហាសាស្ត្រ ខ្ញុំមិនឃើញមានការរៀបចំណាមួយក្នុងទិសដៅនេះឡើយនៅពេលនេះ។ រុស្ស៊ីមានក្បាលគ្រាប់យុទ្ធសាស្ត្រជាច្រើនពាន់គ្រាប់ រក្សាទុកនៅឃ្លាំងដែលរៀបចំជាពិសេស ហើយយើង និងសម្ព័ន្ធមិត្តកំពុងតាមដានស្ថានភាពនេះ ២៤ ម៉ោងក្នុងមួយថ្ងៃ”។

ទោះបីជាយ៉ាងណាក៏ដោយ អ្នកនាំពាក្យក្រសួងការបរទេសរុស្សី លោកស្រី Maria Zakharova បានថ្កោលទោសលោក Sikorski នៅលើ Telegram របស់លោកស្រីកាលពីថ្ងៃអាទិត្យ ដោយចោទប្រកាន់គាត់ថា ជាកម្មាភិបាលម្នាក់នៃអ្នកនយោបាយប៉ូឡូញ គ្រប់គ្រងដោយទីក្រុងវ៉ាស៊ីនតោន ដែលបង្ហាញនូវមនោគមវិជ្ជាជ្រុលនិយម ផ្សព្វផ្សាយការស្អប់ខ្ពើម ញុះញង់ឲ្យមានជម្លោះ ហើយឥឡូវនេះក៏កំពុងគំរាមកំហែងដល់ភពផែនដីជាមួយនឹងការរំលោភបំពានលើរបបមិនរីកសាយភាយនុយក្លេអ៊ែរផងដែរ។

ចុះហត្ថលេខានៅថ្ងៃទី៥ខែធ្នូឆ្នាំ១៩៩៤ ដោយប្រទេសរុស្ស៊ី អ៊ុយក្រែន សហរដ្ឋអាមេរិក និងចក្រភពអង់គ្លេស, អនុស្សរណៈទីក្រុង ប៊ុយដាប៉ែស បានធានាសន្តិសុខដល់ទីក្រុងកៀវ ជាថ្នូរនឹងការបោះបង់អាវុធនុយក្លេអ៊ែរ។

បន្ទាប់ពីការដួលរលំនៃសហភាពសូវៀតក្នុងឆ្នាំ១៩៩១ អ៊ុយក្រែនបានទទួលមរតកប្រហែលមួយភាគបីនៃឃ្លាំងអាវុធយុទ្ធសាស្ត្រដ៏ធំរបស់សហភាពសូវៀត រួមទាំងក្បាលគ្រាប់ចំនួន ១៧០០ និងមធ្យោបាយដឹកជញ្ជូនពួកគេផងដែរ។

យ៉ាងណាក្តី លេខកូដបាញ់បង្ហោះសម្រាប់អាវុធដែលមានស្រាប់ នៅតែស្ថិតក្នុងដៃរបស់រុស្ស៊ី៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ទាហានអ៊ុយក្រែន ប្រហែល ១ម៉ឺននាក់ ត្រូវកងទ័ពរុស្ស៊ី សម្លាប់

The post ប៉ូឡូញ ស្នើឲ្យផ្តល់អាវុធនុយក្លេអ៊ែរ ដល់ អ៊ុយក្រែន appeared first on Kampuchea Thmey Daily.

លោក Morawiecki និយាយថា “តាមពិតទៅ ឥឡូវនេះ យើងកំពុងចុះហត្ថលេខាលើកិច្ចសន្យានាំចេញអាវុធដ៏ធំមួយ នោះគឺកិច្ចសន្យានាំចេញអាវុធធំបំផុតក្នុងរយៈពេល៣០ឆ្នាំចុងក្រោយ។ នោះជាការលក់អាវុធទៅឲ្យអ៊ុយក្រែន។ អាវុធដែលត្រូវបានសាកល្បងរួចហើយនោះ នឹងមានសារសំខាន់ណាស់នៅលើសមរភូមិ ដែលភាគច្រើនទំនងជានៅភាគខាងកើតប្រទេស អ៊ុយក្រែន”។

ទោះ​បីជាយ៉ាង​ណាក៏ដោយ លោក​មិន​បាន​បញ្ជាក់ទេ​ថាតើ​អាវុធ​ប្រភេទ​ណា ​ដែល​នឹង​ត្រូវ​លក់ទៅ​ឲ្យ​អ៊ុយក្រែនក្នុង​កិច្ចសន្យា​នោះ​។

លោក Morawiecki គូសបញ្ជាក់ថា ការផ្តល់ហិរញ្ញប្បទានដល់ការអាវុធឲ្យអ៊ុយក្រែន នឹងចំណាយដោយសហភាពអឺរ៉ុប ប៉ុន្តែអឺរ៉ុបមិនមែនចេញថ្លៃចំណាយទាំងស្រុងនោះទេ។ 

អ៊ុយក្រែនទទួលបានប្រាក់មួយផ្នែកពីសហភាពអឺរ៉ុប មួយផ្នែកទៀត គឺចំណាយពីថវិកាផ្ទាល់ខ្លួន ហើយប៉ូឡូញទទួលបានប្រាក់នេះ ក្នុងគោលបំណង ជំរុញសក្តានុពលផលិតកម្មរបស់ខ្លួន៕

ប្រែសម្រួល៖ Vann Vann

ប្រភព៖ Sputnik

ចុចអាន៖ លោក Zelensky ថា ការជាប់គាំងជាមួយរុស្ស៊ី មិនមែនជាជម្រើសទេ

The post ប៉ូឡូញ ចុះកិច្ចសន្យា លក់អាវុធឲ្យអ៊ុយក្រែន ទ្រង់ទ្រាយធំបំផុត ក្នុងរយៈពេល៣០ឆ្នាំ appeared first on Kampuchea Thmey Daily.

ការ​កត់សម្គាល់​របស់​លោក​ បាន​ធ្វើ​ឡើង​ខណៈពេល​កំពុង​ថ្លែង​នៅ​ក្នុង​ពិធី​បើកការដ្ឋានសំណង់ ​ឃ្លាំង​រំសេវ​របស់​សហរដ្ឋ​អាមេរិក​នៅ​ក្នុង​ទីក្រុង Powidz (Wielkopolskie Voivodeship) ​កណ្តាល​ប្រទេស​ប៉ូឡូញ ដែលជាប្រទេសជាប់នឹង រុស្ស៊ី។

លោកឯកអគ្គរដ្ឋទូតបានបន្ថែមថា “គម្រោងសាងសង់ជាង ១០០ កន្លែង ត្រូវបានគ្រោងទុកក្នុងរយៈពេលដប់ឆ្នាំខាងមុខ”។ លោកបន្តថា មូលដ្ឋានទាំងអស់នេះ គឺចាំបាច់ណាស់ ដើម្បីបង្កើនការត្រៀមខ្លួនខាងយោធា”។

ការសាងសង់ឃ្លាំងនៅ Powidza កំពុងដំណើរការនៅក្នុងប្រទេសប៉ូឡូញ ដែលជាផ្នែកមួយនៃវត្តមានសម្ព័ន្ធមិត្តដែលកំពុងពង្រីកនៅក្នុងប្រទេសនេះ។ គម្រោងនេះមានពីរផ្នែក មួយគឺការបង្កើតឃ្លាំងរំសេវ និងមួយទៀតគឺឃ្លាំងស្តុកអាវុធ និងឧបករណ៍នានា។

គួរបញ្ជាក់ថា សកម្មភាពទាំងនេះគឺជាការអនុវត្តផែនការសកម្មភាពត្រៀមខ្លួន (RAP) ដែលបានអនុម័តនៅក្នុងកិច្ចប្រជុំកំពូល ណាតូ ឆ្នាំ ២០១៤ នាប្រទេសវែលស៍៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ News.am

ចុចអាន៖ រុស្ស៊ី គ្រប់គ្រង ទឹកដី អ៊ុយក្រែន មួយភាគប្រាំ

The post អាមេរិក ប្រកាសសាងសង់មូលដ្ឋានយោធាជាង១០០កន្លែង ក្នុងប្រទេស ជាប់រុស្ស៊ី (មានវីដេអូ) appeared first on Kampuchea Thmey Daily.

លោក Mateusz Morawiecki បាននិយាយថា ប្រធានាធិបតីរុស្សី កាន់តែមានការគំរាមកំហែង ដោយសារគាត់មានអាវុធទំនើបៗ ដូចជាឃ្លាំងអាវុធនុយក្លេអ៊ែរជាដើម។

លោក Morawiecki ក៏បានកត់សម្គាល់ផងដែរថា បើប្រៀបធៀបទៅនឹងមេដឹកនាំផ្តាច់ការនៅសតវត្សរ៍ទី២០ លោក Putin អាចបញ្ជាប្រព័ន្ធផ្សព្វផ្សាយថ្មី ដោយម្រាមដៃរបស់គាត់ដើម្បីផ្សព្វផ្សាយការឃោសនាឲ្យកាន់តែមានប្រសិទ្ធភាព។

តាមរយៈសារព័ត៌មាន Daily Telegraph, លោក Morawiecki បាននិយាយថា “មនោគមវិជ្ជា Russkiy Mir របស់លោក Putin គឺស្មើនឹងលទ្ធិកុម្មុយនិស្តសតវត្សរ៍ទី២០និងលទ្ធិណាស៊ីនិយម។ វាគឺជាមនោគមវិជ្ជាមួយ ដែលរុស្ស៊ីបង្ហាញអំពីភាពត្រឹមត្រូវ និងសិទ្ធិដែលបានបង្កើតសម្រាប់ប្រទេសរបស់ខ្លួន”។

ក្នុងនាមមនោគមវិជ្ជានោះ ទីក្រុង Mariupol និងទីក្រុងជាច្រើនរបស់អ៊ុយក្រែន ត្រូវបានបំផ្លាញ ខណៈដែលរុស្ស៊ីបញ្ជូនទាហានទៅធ្វើសង្រ្គាម សន្យាដំឡើងឋានន្តរសក្តិ និងលើកទឹកចិត្តពួកគេឲ្យប្រព្រឹត្តឧក្រិដ្ឋកម្មសង្គ្រាមអមនុស្សធម៌។

លោក Morawiecki ក៏​បាន​ចេញ​ការ​ព្រមាន​ដល់​អឺរ៉ុប​ទាំង​មូល​ផងដែរ ​ដោយ​និយាយ​ថា​ យើង​ត្រូវ​តែកម្ចាត់មហារីកនៃ​មនោគមវិជ្ជា​នេះ។

ស្របពេលជាមួយគ្នានោះដែរ លោក Morawiecki បានអំពាវនាវឲ្យលុបបំបាត់ឥទ្ធិពលរបស់លោក Putin ចេញពីរឿងនយោបាយក្នុងពិភពលោក ដោយប្រៀបធៀបបញ្ហានេះ ទៅនឹងរបៀបដែលប្រទេសអាល្លឺម៉ង់ ត្រូវបានបន្សល់ទុកបន្ទាប់ពីសង្គ្រាមលោកលើកទី២៕

ប្រែសម្រួល៖ Vann Vann

ប្រភព៖ Daily Star

ចុចអាន៖ អាមេរិក៖ អ៊ុយក្រែន ត្រូវធានាថា អាវុធនឹងមិនធ្លាក់ដល់ដៃ មនុស្សខុស

The post នាយករដ្ឋមន្ត្រីប៉ូឡូញ ថា Putin មានគ្រោះថ្នាក់ជាង Adolf Hitler និង Joseph Stalin ទៅទៀត appeared first on Kampuchea Thmey Daily.

នៅព្រឹកថ្ងៃដដែលនេះ ប៉ូឡូញបានឃុំខ្លួនពលរដ្ឋរុស្ស៊ីម្នាក់ និងពលរដ្ឋបេឡារុសម្នាក់ ពីបទធ្វើចារកម្មឲ្យសេវាស៊ើបការណ៍សម្ងាត់របស់រុស្ស៊ី។

លោក Zaryn បានប្រាប់ទូរទស្សន៍ប៉ូឡូញថា “យើងកំពុងដោះស្រាយជាមួយនឹងការធ្វើសកម្មភាពចារកម្ម ប្រឆាំងនឹងប្រទេសប៉ូឡូញ។ ចាប់តាំងពីការផ្ទុះសង្រ្គាមនៅអ៊ុយក្រែនមក ពលរដ្ឋប៉ូឡូញ ឬជនបរទេសចំនួនប្រាំពីរនាក់ ត្រូវបានឃុំខ្លួនរួចទៅហើយ ដោយសារតែធ្វើសកម្មភាពជំនួសមុខឲ្យចារកម្មរុស្ស៊ី ឬបេឡារុស”៕

ប្រែសម្រួល៖ Vann Vann

ប្រភព៖ Sputnik

ចុចអាន៖ មានការផ្ទុះជាច្រើនលើក នៅក្នុងទីក្រុងរបស់ រុស្ស៊ី

The post ប៉ូឡូញ ឃុំខ្លួនមនុស្ស ៧នាក់ ពាក់ព័ន្ធការធ្វើចារកម្មឲ្យរុស្ស៊ី និងបេឡារុស appeared first on Kampuchea Thmey Daily.

លោក Morawiecki និយាយថា ទាហានអ៊ុយក្រែន កំពុងប្រយុទ្ធដើម្បីសុវត្ថិភាពរបស់អឺរ៉ុបទាំងមូល។

លោកបានថ្លែងបែបនេះ ក្នុងពិធីសម្ពោធកន្លែងស្នាក់នៅបណ្តោះអាសន្នថ្មីសម្រាប់ជនភៀសខ្លួននៅទីក្រុង Lviv ភាគខាងលិចប្រទេសអ៊ុយក្រែន។

លោក​ថ្លែង​ថា​ “យើង​ត្រូវ​តែ​គាំទ្រ​ស្មារតី​ប្រយុទ្ធ​នេះ ​តាម​រយៈ​ការ​មើល​ថែ​អ្នកទន់​ខ្សោយ​​។ ថ្ងៃនេះ យើងបានឃើញស្ត្រី និងកុមារ ពីព្រោះបុរសកំពុងប្រយុទ្ធនៅជួរមុខ ដើម្បីរំដោះអ៊ុយក្រែន និងក៏ដើម្បីសុវត្ថិភាពរបស់យើងផងដែរ”។

រដ្ឋាភិបាលប៉ូឡូញនិយាយថា ក្នុងភាពជាដៃគូជាមួយអ៊ុយក្រែន ជនជាតិអ៊ុយក្រែនរហូតដល់ ៥០០០ នាក់ដែលត្រូវបានផ្លាស់ទីលំនៅពីផ្នែកផ្សេងទៀតនៃប្រទេស នឹងត្រូវដាក់ឲ្យស្នាក់នៅជាបណ្តោះអាសន្នក្នុងទីក្រុង Lviv ដូចករណីនេះ៕

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី ចេញ ឱសានវាទ ថ្មី ឲ្យកងទ័ពអ៊ុយក្រែននៅទីក្រុង Mariupol ដាក់អាវុធចុះ

The post ប៉ូឡូញ៖ អ៊ុយក្រែន កំពុងប្រយុទ្ធដើម្បីសុវត្ថិភាពអឺរ៉ុប ទាំងមូល appeared first on Kampuchea Thmey Daily.

អ៊ុយក្រែនកាលពីថ្ងៃអាទិត្យ បានចោទប្រកាន់កងកម្លាំងរុស្ស៊ីថាបានបើកការការសម្លាប់រង្គាល នៅក្នុងទីក្រុង Bucha ហើយមេដឹកនាំលោកខាងលិចបានប្រតិកម្មជាមួយនឹងការខឹងសម្បាចំពោះរូបភាពនៃសាកសពរដូករណែលនៅពាសពេញផ្លូវក្នុងទីក្រុង ប៉ុន្តែរុស្ស៊ី បាន​បដិសេធ​ការ​ចោទ​ប្រកាន់​របស់​អ៊ុយក្រែន។

ជាច្រើនលើកច្រើនសារ ប្រទេសប៉ូឡូញ​ ​បាន​អំពាវនាវ​ឲ្យ​មាន​ការ​ដាក់​ទណ្ឌកម្ម​កាន់តែ​ធ្ងន់ធ្ងរ​លើ​រុស្ស៊ី និងបាន​ផ្គត់ផ្គង់​អាវុធ​បន្ថែម​ទៀត​ដល់​អ៊ុយក្រែន។ ប៉ូឡូញក៏បានអំពាវនាវឲ្យតុលាការអន្តរជាតិ ស៊ើបអង្កេតការសម្លាប់ជនស៊ីវិលក្នុងប្រទេសអ៊ុយក្រែនផងដែរ។

នាយករដ្ឋមន្ត្រីប៉ូឡូញ លោក Mateusz Morawiecki បាននិយាយនៅក្នុងសន្និសីទសារព័ត៌មានមួយកាលពីថ្ងៃចន្ទថា “លោកប្រធានាធិបតី Macron តើអ្នកបានចរចាជាមួយ Putin ប៉ុន្មានដងហើយ តើអ្នកបានសម្រេចអ្វីខ្លះហើយ? តើអ្នកបានបញ្ឈប់សកម្មភាពណាមួយមិនឲ្យកើតឡើងហើយឬនៅ?”។

“គេមិនគួរចរចាជាមួយឧក្រិដ្ឋជនទេ គួរតែប្រយុទ្ធជាមួយពួកគេ។ គ្មាននរណាម្នាក់ចរចាជាមួយហ៊ីត្លែរទេ តើអ្នកចង់ចរចាជាមួយហ៊ីត្លែរ ស្តាលីន ប៉ុល ពត ទេ?”។

ទោះបីជាយ៉ាងណាក៏ដោយ ការិយាល័យរបស់លោក Macron បានឆ្លើយតបថា វាជារឿងសំខាន់សម្រាប់លោកប្រធានាធិបតី Putin ក្នុងការយល់ ពីការទាមទាររបស់ប្រទេសលោកខាងលិច និងទំនួលខុសត្រូវរបស់រុស្ស៊ី សម្រាប់ការមិនយកចិត្តទុកដាក់របស់ពួកគេ។

មន្ត្រីម្នាក់មកពីការិយាល័យ​ប្រធានាធិបតី​បារាំង​ ​បាន​និយាយ​ថា​ “​តាំង​ពី​ពេល​ដំបូង​មក លោក​ប្រធានាធិបតី​បាន​ប្រើ​គ្រប់​មធ្យោបាយ ​ដើម្បី​ធ្វើ​ឲ្យ​លោក Putin បញ្ឈប់​សង្គ្រាម។ ទាំងនោះមានដូចជា ទណ្ឌកម្ម​ទ្រង់ទ្រាយ​ធំ ការ​គាំទ្រ​ដល់​អ៊ុយក្រែន និងការ​ទាមទារ​ដែល​ធ្វើឡើង​ដោយ​ផ្ទាល់​ចំពោះ​លោក​ប្រធានាធិបតី Putin ក្នុង​អំឡុង​ពេល​ការ​ហៅ​រវាងមេដឹកនាំទាំង២”៕

ប្រែសម្រួល៖ Vann Vann

ប្រភព៖ Reuters

ចុចអាន៖ អ៊ុយក្រែន បង្ហាញតួលេខទាហានរុស្ស៊ីស្លាប់ជិត ២ម៉ឺននាក់ និងការខាតបង់ធំធេងផ្សេងទៀត

The post នាយករដ្ឋមន្ត្រីប៉ូឡូញស្តីឲ្យលោក Macron ជុំវិញការពិភាក្សាជាមួយ Putin ថា “គ្មាននរណាទៅចរចាជាមួយ ហ៊ីត្លែរ ឬ ប៉ុល ពត ទេ” appeared first on Kampuchea Thmey Daily.