Connect with us

ព័ត៌មានអន្ដរជាតិ

រុស្ស៊ី ​គ្រប់គ្រង​ទឹកដី​ អ៊ុយក្រែន​ មួយភាគប្រាំ (មានវីដេអូ)

បានផុស

នៅ

ប្រធានាធិបតីអ៊ុយក្រែនលោក Volodymyr Zelensky បាននិយាយថា កងកម្លាំងរុស្ស៊ីបានដណ្តើមយកទឹកដីរបស់ខ្លួនប្រមាណ ២០% ហើយ ខណៈការវាយលុករបស់ទីក្រុងមូស្គូ ជិតឈានដល់ថ្ងៃទី១០០។

ប្រធានាធិបតីអ៊ុយក្រែនលោក Volodymyr Zelensky

ថ្លែងទៅកាន់សមាជិកសភាក្នុងប្រទេសលុចសំបួ លោកបានបន្ថែមថា ខ្សែត្រៀមជួរមុខ បានលាតសន្ធឹងចម្ងាយជាង១០០០គីឡូម៉ែត្រ ឯណោះ។

បច្ចុប្បន្ន កងកម្លាំងរុស្ស៊ីបាននិងកំពុងបង្កើនការវាយប្រហារទៅលើទីក្រុង Severodonetsk ក្នុងតំបន់ Donbas។

Severodonetsk គឺជាទីក្រុងនៅចុងភាគខាងកើត ដែលស្ថិតក្រោមការគ្រប់គ្រងរបស់អ៊ុយក្រែន ហើយអភិបាលតំបន់លោក Serhiy Haidai បាននិយាយថា ប្រទេសរុស្ស៊ីកំពុងព្យាយាមទម្លុះការការពារនៅក្នុងទីក្រុងនេះ ពីគ្រប់ទិសទី។

ទោះបីជាយ៉ាងណាក៏ដោយ លោក Zelensky បាននិយាយថា កងទ័ពអ៊ុយក្រែនកំពុងធ្វើការវាយប្រហារតបត ដោយរុញច្រានសត្រូវនៅតាមដងផ្លូវមួយចំនួន និងចាប់អ្នកទោសជាច្រើននាក់។

នៅក្នុងសុន្ទរកថាជាវីដេអូមួយកាលពីល្ងាចថ្ងៃព្រហស្បតិ៍ លោក Zelensky បាននិយាយថា ស្ថានភាពនៅ Donbas មិនមានការផ្លាស់ប្តូរគួរឲ្យកត់សម្គាល់នោះទេ ប៉ុន្តែអ៊ុយក្រែន ទទួលបានជោគជ័យខ្លះ ក្នុងសមរភូមិនៅ Severodonetsk។

គួរបញ្ជាក់ថា ជនស៊ីវិលប្រហែល ១៥០០០នាក់ នៅតែជាប់ក្នុងទីក្រុង ដោយពួកគេជាច្រើនបានជ្រកកោននៅរោងចក្រគីមី Azot ដ៏ធំ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ទូរទស្សន៍រដ្ឋរុស្ស៊ី ប្រកាសសង្គ្រាមលោកលើកទី៣ ជាមួយ អង់គ្លេស សហរដ្ឋអាមេរិក និងណាតូ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម