Connect with us

ព័ត៌មានអន្ដរជាតិ

អាមេរិក ប្រកាសសាងសង់មូលដ្ឋានយោធាជាង១០០កន្លែង ក្នុងប្រទេស ជាប់រុស្ស៊ី (មានវីដេអូ)

បានផុស

នៅ

ឯកអគ្គរដ្ឋទូតអាមេរិកប្រចាំប្រទេសប៉ូឡូញ លោក Marek Brzezinski បាននិយាយកាលពីថ្ងៃព្រហស្បតិ៍ទី២ខែមិថុនាថា មូលដ្ឋានយោធាជាង១០០កន្លែង ដែលមានគោលបំណងផ្សេងៗគ្នា នឹងត្រូវបានសាងសង់ដោយសហរដ្ឋអាមេរិកនៅលើទឹកដីនៃប្រទេសប៉ូឡូញ ក្នុងរយៈពេល១០ឆ្នាំខាងមុខ។

ឯកអគ្គរដ្ឋទូតអាមេរិកប្រចាំប្រទេសប៉ូឡូញ លោក Marek Brzezinski

ការ​កត់សម្គាល់​របស់​លោក​ បាន​ធ្វើ​ឡើង​ខណៈពេល​កំពុង​ថ្លែង​នៅ​ក្នុង​ពិធី​បើកការដ្ឋានសំណង់ ​ឃ្លាំង​រំសេវ​របស់​សហរដ្ឋ​អាមេរិក​នៅ​ក្នុង​ទីក្រុង Powidz (Wielkopolskie Voivodeship) ​កណ្តាល​ប្រទេស​ប៉ូឡូញ ដែលជាប្រទេសជាប់នឹង រុស្ស៊ី។

លោកឯកអគ្គរដ្ឋទូតបានបន្ថែមថា “គម្រោងសាងសង់ជាង ១០០ កន្លែង ត្រូវបានគ្រោងទុកក្នុងរយៈពេលដប់ឆ្នាំខាងមុខ”។ លោកបន្តថា មូលដ្ឋានទាំងអស់នេះ គឺចាំបាច់ណាស់ ដើម្បីបង្កើនការត្រៀមខ្លួនខាងយោធា”។

ការសាងសង់ឃ្លាំងនៅ Powidza កំពុងដំណើរការនៅក្នុងប្រទេសប៉ូឡូញ ដែលជាផ្នែកមួយនៃវត្តមានសម្ព័ន្ធមិត្តដែលកំពុងពង្រីកនៅក្នុងប្រទេសនេះ។ គម្រោងនេះមានពីរផ្នែក មួយគឺការបង្កើតឃ្លាំងរំសេវ និងមួយទៀតគឺឃ្លាំងស្តុកអាវុធ និងឧបករណ៍នានា។

គួរបញ្ជាក់ថា សកម្មភាពទាំងនេះគឺជាការអនុវត្តផែនការសកម្មភាពត្រៀមខ្លួន (RAP) ដែលបានអនុម័តនៅក្នុងកិច្ចប្រជុំកំពូល ណាតូ ឆ្នាំ ២០១៤ នាប្រទេសវែលស៍៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ News.am

ចុចអាន៖ រុស្ស៊ី គ្រប់គ្រង ទឹកដី អ៊ុយក្រែន មួយភាគប្រាំ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម