អ្នកភូមិ Guaca ប្រមាណ២,០០០នាក់បានសម្រុកទៅស្វែងរកកំណប់ទ្រព្យនិងបានជីកកកាយដីខ្សាច់។

ចាប់តាំងពីចុងខែកញ្ញាមក ពួកគេបានរកឃើញគ្រឿងអលង្ការ ខ្សែដៃមាស ប្រាក់និងពេជ្ររាប់រយនិងមាសទាំងដុំៗដែលផុសមកលើឆ្នេរខ្សាច់។

មានរបាយការណ៍ថា អ្នកខ្លះបានលក់គ្រឿងអលង្ការដែលពួកគេរកឃើញបានក្នុងតម្លៃរហូតដល់ទៅ១,៥០០ដុល្លារឯណោះ។ នេះបើយោងតាមការចុះផ្សាយរបស់គេហទំព័រ ​​DNYUZ។

គ្មាននរណាម្នាក់ដឹងថា មាសទាំងនេះមកពីណាហើយវាអណ្តែតមកទើររប៉ាត់រប៉ាយលើឆ្នេរខ្សាច់ប្រវែងរាប់រយហ្វីតនេះដោយរបៀបណានោះទេ។

ភូមិ Guaca ធ្លាប់ជាមជ្ឈមណ្ឌលឧស្សាហកម្មកែច្នៃត្រីរបស់ប្រទេសវេណេហ្ស៊ូអេឡាតែឥឡូវនេះស្ថិតនៅក្នុងភាពក្រីក្របន្ទាប់ពីការបិទរោងចក្រវេចខ្ចប់ត្រីតូចៗភាគច្រើនរបស់ខ្លួន។

ឧបទ្វីប Paria ដែលជាទីតាំងរបស់ឆ្នេរខ្សាច់នេះគឺជាកន្លែងដែល Christopher Columbus មកដល់ដំបូងនៅឆ្នាំ១៤៩៨៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ សហរដ្ឋអាមេរិកគំរាមកម្ទេចមីស៊ីលដែលដឹកពីអ៊ីរ៉ង់ទៅវេណេហ្ស៊ូអេឡា

ចុចអាន៖ ថ្មធម្មជាតិ​ ៦០០០ ឆ្នាំ Lapis Lazuli នាំសំណាង យសស័ក្តិ និងការគោរពស្រលាញ់

The post ចម្លែក! នៅសុខៗគ្រឿងអលង្ការអណ្តែតមកទើរលើឆ្នេរ ផ្អើលមួយភូមិទៅរើស appeared first on Kampuchea Thmey Daily.

រដ្ឋមន្រ្តីក្រសួងការបរទេសលោក Mike Pompeo បាននិយាយនៅក្នុងសេចក្តីថ្លែងការណ៍មួយថា “សហរដ្ឋអាមេរិកនៅតែបន្តគាំទ្រប្រធានាធិបតីបណ្តោះអាសន្នលោក Juan Guaido រដ្ឋសភា និងប្រជាជនវេណេហ្ស៊ុយអេឡាក្នុងការតស៊ូដើម្បីស្តារលទ្ធិប្រជាធិបតេយ្យនៅក្នុងប្រទេសរបស់ពួកគេ ។ ចាប់ពីថ្ងៃទី ៧ ដល់ថ្ងៃទី ១២ ខែធ្នូ ប្រជាជនវេណេហ្ស៊ុយអេឡានឹងមានឱកាសបញ្ចេញមតិរបស់ពួកគេចំពោះរបបខុសច្បាប់របស់លោក Maduro តាមរយៈប្រព័ន្ធប្រឹក្សាយោបល់ប្រជាប្រិយ ឬការបោះឆ្នោតរបស់ប្រជាជន” ។

លោកបានបន្ថែមថា “វាគឺជាឱកាសមួយដើម្បីបង្ហាញការគាំទ្ររបស់ពួកគេចំពោះការផ្លាស់ប្តូរទៅរកលទ្ធិប្រជាធិបតេយ្យនៅក្នុងប្រទេសវេណេហ្ស៊ុយអេឡា និងបដិសេធការបោះឆ្នោតជ្រើសរើសនីតិបញ្ញត្តិក្លែងបន្លំរបស់របបនេះ” ។

ទន្ទឹមនោះអ្នកការទូតកំពូលរបស់សហរដ្ឋអាមេរិករូបនេះបានចោទប្រកាន់រដ្ឋាភិបាលលោក Maduro ថាបានកាត់បន្ថយដំណើរការបោះឆ្នោតវេណេហ្ស៊ុយអេឡាកាន់តែអូសបន្លាយទៅ ។

ក្រុមប្រឹក្សាបោះឆ្នោតជាតិវេណេហ្ស៊ុយអេឡាបានប្រកាសកាលពីថ្ងៃចន្ទថា លោក Maduro បានគ្រប់គ្រងសភាដឹកនាំដោយក្រុមប្រឆាំងនៅក្នុងការបោះឆ្នោតកាលពីថ្ងៃអាទិត្យ ខណៈដែលប្លុកគណបក្ស PSUV របស់លោក ទទួលបានសម្លេងគាំទ្រ ៦៧.៦ ភាគរយនៅក្នុងការបោះឆ្នោតដែលគណបក្សប្រឆាំងធំៗធ្វើពហិការមិនចូលរួម ។

បន្ទាប់មកចលនាប្រឆាំងរបស់លោក Guaido បានចាប់ផ្តើមធ្វើប្រជាមតិមួយដែលគ្រោងនឹងបិទបញ្ចប់នៅថ្ងៃសៅរ៍ ទី១២ ខែធ្នូ ដោយស្នើឲ្យប្រជាជនវេណេហ្ស៊ុយអេឡាថាតើពួកគេចង់បញ្ចប់ការគ្រប់គ្រងរបស់លោក Maduro និងរៀបចំការបោះឆ្នោតប្រធានាធិបតីថ្មីឬយ៉ាងណា ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ បារាំងសាងសង់នាវាដឹកយន្តហោះដើរដោយថាមពលនុយក្លេអ៊ែរថ្មី

ចុចអាន ៖ លោក Duterte ហ៊ានលាលែងពីតំណែង បើមានភស្តុតាងបង្ហាញពីការសូកប៉ាន់របស់ខ្លួន តែគំរាមសម្លាប់អ្នកចោទប្រកាន់ខុស

The post សហរដ្ឋអាមេរិកគាំទ្រការធ្វើប្រជាមតិរបស់ក្រុមប្រឆាំងវេណេហ្ស៊ុយអេឡាលើលោក Maduro appeared first on Kampuchea Thmey Daily.

ការព្រមាននេះបានកើតឡើងប៉ុន្មានថ្ងៃបន្ទាប់ពីប្រធានាធិបតីវេណេហ្ស៊ូអេឡាលោក Nicholas Maduro បានប្រកាសបង្កើតក្រុមប្រឹក្សាយោធាវិទ្យាសាស្ត្រនិងបច្ចេកវិទ្យាដែលនឹងស្វែងរកឯករាជ្យភាពរបស់ប្រទេសទាក់ទងនឹងប្រព័ន្ធអាវុធរបស់ខ្លួនដោយមានជំនួយពីប្រទេសជាសម្ព័ន្ធមិត្តដូចជាចិន រុស្ស៊ី អ៊ីរ៉ង់និងគុយបាជាដើម។

ទោះបីជាយ៉ាងណាក៏ដោយ មិនមានការបញ្ជាក់ថា ការដឹកជញ្ជូននឹងកើតឡើងនោះទេប៉ុន្តែមន្រ្តីអាមេរិកម្នាក់បាននិយាយថា ប្រទេសទាំងនេះទំនងជានឹងធ្វើកិច្ចព្រមព្រៀងអាវុធ។

លោក Elliot Abrams តំណាងពិសេសនៃក្រសួងការបរទេសអាមេរិកប្រចាំវេណេហ្ស៊ូអេឡានិងអ៊ីរ៉ង់បានប្រាប់ Fox News ថា ការផ្ទេរមីស៊ីលរយៈចម្ងាយឆ្ងាយពីអ៊ីរ៉ង់ទៅវេណេហ្ស៊ូអេឡាមិនអាចទទួលយកបានទេហើយនឹងមិនត្រូវបានអនុញ្ញាតឬអត់ឱនឲ្យបានឡើយ។

លោកបន្តថា “យើងនឹងប្រឹងប្រែងដើម្បីបញ្ឈប់ការដឹកជញ្ជូនមីស៊ីលរយៈចម្ងាយឆ្ងាយហើយប្រសិនបើពួកគេទៅដល់ប្រទេសវេណេហ្ស៊ូអេឡា ពួកគេនឹងត្រូវគេកម្ទេចនៅទីនោះ”។

ការរារាំងនេះមានលក្ខណៈស្រដៀងទៅនឹងឆ្នាំ១៩៦២ដែរនៅពេលលោកប្រធានាធិបតី John F. Kennedy រារាំងប្រទេសគុយបាដើម្បីបញ្ឈប់សហភាពសូវៀតពីការដឹកមីស៊ីលនៅទីនោះ។

វាសឹងតែបង្កឲ្យផ្ទុះឡើងនូវសង្គ្រាមនុយក្លេអ៊ែរទៅហើយនៅថ្ងៃទី២៧ខែតុលាកាលពី៥៨ឆ្នាំមុនប៉ុន្តែប្រទេសទាំងនោះបានឈានដល់កិច្ចព្រមព្រៀងនៅនាទីចុងក្រោយ៕

ប្រែសម្រួលដោយ៖ Vann Vann

ប្រភព៖ Daily Mail

The post សហរដ្ឋអាមេរិកគំរាមកម្ទេចមីស៊ីលដែលដឹកពីអ៊ីរ៉ង់ទៅវេណេហ្ស៊ូអេឡា appeared first on Kampuchea Thmey Daily.

លោក Maduro បាននិយាយកាលពីថ្ងៃអាទិត្យថា “ខ្ញុំចង់និយាយថា ប្រទេសវេណេហ្ស៊ុយអេឡាបានបង្កើតថ្នាំដែលបំផ្លាញ និងកម្ចាត់ជំងឺកូវីដ ១៩ ដែលមានប្រសិទ្ធភាព ១០០ ភាគរយ” ។

លោកប្រធានាធិបតីបានកត់សម្គាល់ថា ថ្នាំនេះត្រូវបានរៀបចំឡើងដោយវិទ្យាស្ថានស្រាវជ្រាវវិទ្យាសាស្ត្រវេណេហ្ស៊ុយអេឡា (IVIC) ដែលបាននិងកំពុងធ្វើការព្យាបាលវីរុសដែលសម្លាប់មនុស្សជាច្រើនក្នុងរយៈពេល ៦ ខែកន្លងមកនេះ ។

ថ្នាំនេះត្រូវបានផ្អែកលើម៉ូលេគុលដាច់ដោយឡែកមួយដែលមានឈ្មោះថា TR-10 ហើយវានឹងប្រឆាំង ក៏ដូចជាបង្ហាញពីប្រសិទ្ធភាពពិតប្រាកដរបស់វា ។

លោក Maduro បាននិយាយថា ការសិក្សានេះត្រូវបានពិនិត្យដោយអ្នកជំនាញ និងអ្នកវិទ្យាសាស្ត្ររួចហើយ ហើយនឹងត្រូវបង្ហាញទៅអង្គការសុខភាពពិភពលោក (WHO) ដើម្បីអាចផ្តល់សច្ចាប័នលើការរកឃើញរបស់ខ្លួន ។

នៅពេលដែលគាត់បានលើកឡើងពីរបកគំឃើញដ៏មានសក្តានុពលក្នុងការព្យាបាលជំងឺកូវីដ ១៩ លោក Maduro បាននិយាយថា វេណេហ្ស៊ុយអេឡាទន្ទឹងរង់ចាំការផ្តល់ការព្យាបាលដល់ពិភពលោកនេះដោយអបអរសាទរដល់វិទ្យាស្ថាន IVIC ជាមួយនឹងការចូលរួមចំណែកដ៏អស្ចារ្យសម្រាប់មនុស្សជាតិ  ។

វិទ្យាស្ថាននេះបានអះអាងថា ថ្នាំដែលទើបនឹងបង្កើតថ្មីមានសុវត្ថិភាពទាំងស្រុងក្នុងការប្រើប្រាស់ដោយមនុស្ស ខណៈដែលវិទ្យាស្ថាននេះអះអាងថា ថ្នាំនេះមិនប៉ះពាល់ដល់ម៉ូលេគុលដែលមានសុខភាពល្អនៅក្នុងខ្លួនទេ ហើយក៏មិនមានផលប៉ះពាល់អ្វីឡើយផងដែរ ។

ទន្ទឹមនោះកាលពីដើមខែនេះប្រទេសវេណេហ្ស៊ុយអេឡាបានក្លាយជាប្រទេសអាមេរិកឡាទីនដំបូងគេដែលបានទទួលវ៉ាក់សាំងរុស្ស៊ី Sputnik V ប្រឆាំងនឹងជំងឺកូវីដ ១៩ ។ មនុស្សប្រមាណ ២,០០០ នាក់ត្រូវបានគេរំពឹងថានឹងទទួលបានវ៉ាក់សាំងនៅក្នុងប្រទេសវេណេហ្ស៊ុយអេឡាដែលជាផ្នែកមួយនៃការសាកល្បងព្យាបាលដំណាក់កាលទី ៣ ។ ថ្នាំនេះត្រូវបានចុះបញ្ជីនៅប្រទេសរុស្ស៊ីកាលពីខែសីហា ហើយបានក្លាយជាវ៉ាក់សាំងប្រឆាំងជំងឺកូវីដ ១៩ ដំបូងគេក្នុងពិភពលោក៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ព្យុះ Molave បង្ខំឲ្យប្រជាជនហ្វីលីពីនរាប់ពាន់នាក់ជម្លៀសខ្លួន

ចុចអាន ៖ កូរ៉េខាងត្បូងបន្តកម្មវិធីចាក់វ៉ាក់សាំងផ្តាសាយ ទោះចំនួនអ្នកស្លាប់កើនឡើងក៏ដោយ

The post លោក Maduro ថា អ្នកវិទ្យាសាស្ត្រវ៉េណេហ្ស៊ុយអេឡាបានបង្កើតថ្នាំកម្ចាត់ជំងឺកូវីដ ១៩ ដែលមានប្រសិទ្ធភាព ១០០ ភាគរយ appeared first on Kampuchea Thmey Daily.